עובדיה

חֲזֹ֖וןa עֹֽבַדְיָ֑הb כֹּֽה־אָמַר֩c אֲדֹנָ֨י יְהוִ֜ה לֶאֱדֹ֗ום שְׁמוּעָ֨הd שָׁמַ֜עְנוּe מֵאֵ֤ת יְהוָה֙ וְצִיר֙f בַּגֹּויִ֣ם שֻׁלָּ֔חg ק֛וּמוּh וְנָק֥וּמָהi עָלֶ֖יהָ לַמִּלְחָמָֽה׃

2 הִנֵּ֥ה קָטֹ֛ן נְתַתִּ֖יךָa בַּגֹּויִ֑ם בָּז֥וּיb אַתָּ֖ה מְאֹֽד׃

3 זְדֹ֤וןa לִבְּךָ֙ הִשִּׁיאֶ֔ךָb שֹׁכְנִ֥יc בְחַגְוֵיd ־סֶּ֖לַע מְרֹ֣ום שִׁבְתֹּ֑ו אֹמֵ֣רe בְּלִבֹּ֔ו מִ֥י יֹורִדֵ֖נִיf אָֽרֶץ׃

4 אִם־תַּגְבִּ֣יהַּa כַּנֶּ֔שֶׁרb וְאִם־בֵּ֥ין כֹּֽוכָבִ֖יםc שִׂ֣יםd קִנֶּ֑ךָe מִשָּׁ֥ם אֹורִֽידְךָ֖f נְאֻם־יְהוָֽה׃

5 אִם־גַּנָּבִ֤יםa בָּאֽוּb ־לְךָ֙ אִם־שֹׁ֣ודְדֵי לַ֔יְלָה אֵ֣יךְ נִדְמֵ֔יתָהc הֲלֹ֥וא יִגְנְב֖וּd דַּיָּ֑םe אִם־בֹּֽצְרִים֙f בָּ֣אוּg לָ֔ךְ הֲלֹ֖וא יַשְׁאִ֥ירוּh עֹלֵלֹֽותi ׃

6 אֵ֚יךְ נֶחְפְּשׂ֣וּa עֵשָׂ֔ו נִבְע֖וּb מַצְפֻּנָֽיוc ׃

7 עַֽד־הַגְּב֣וּל שִׁלְּח֗וּךָa כֹּ֚ל אַנְשֵׁ֣י בְרִיתֶ֔ךָ הִשִּׁיא֛וּךָb יָכְל֥וּc לְךָ֖ אַנְשֵׁ֣י שְׁלֹמֶ֑ךָ לַחְמְךָ֗ יָשִׂ֤ימוּd מָזֹור֙e תַּחְתֶּ֔יךָ אֵ֥ין תְּבוּנָ֖הf בֹּֽו׃

8 הֲלֹ֛וא בַּיֹּ֥ום הַה֖וּא נְאֻם יְהוָ֑ה וְהַאֲבַדְתִּ֤יa חֲכָמִים֙ מֵֽאֱדֹ֔ום וּתְבוּנָ֖הb מֵהַ֥ר עֵשָֽׂו׃

9 וְחַתּ֥וּa גִבֹּורֶ֖יךָ תֵּימָ֑ןb לְמַ֧עַן יִכָּֽרֶתc ־אִ֛ישׁ מֵהַ֥ר עֵשָׂ֖ו מִקָּֽטֶלd ׃

10 מֵחֲמַ֛ס אָחִ֥יךָ יַעֲקֹ֖ב תְּכַסְּךָ֣a בוּשָׁ֑הb וְנִכְרַ֖תָּc לְעֹולָֽם׃

11 בְּיֹום֙ עֲמָֽדְךָ֣a מִנֶּ֔גֶד בְּיֹ֛ום שְׁבֹ֥ותb זָרִ֖ים חֵילֹ֑ו וְנָכְרִ֞יםc בָּ֣אוּd שׁערוe וְעַל־יְרוּשָׁלִַ֨ם֙ יַדּ֣וּf גֹורָ֔ל גַּם־אַתָּ֖ה כְּאַחַ֥ד מֵהֶֽם׃

12 וְאַל־תֵּ֤רֶאa בְיֹום־אָחִ֨יךָ֙ בְּיֹ֣ום נָכְרֹ֔וb וְאַל־תִּשְׂמַ֥חc לִבְנֵֽי־יְהוּדָ֖ה בְּיֹ֣ום אָבְדָ֑םd וְאַל־תַּגְדֵּ֥לe פִּ֖יךָ בְּיֹ֥ום צָרָֽה׃

13 אַל־תָּבֹ֤ואa בְשַֽׁעַר־עַמִּי֙ בְּיֹ֣ום אֵידָ֔םb אַל־תֵּ֧רֶאc גַם־אַתָּ֛ה בְּרָעָתֹ֖ו בְּיֹ֣ום אֵידֹ֑וd וְאַל־תִּשְׁלַ֥חְנָהe בְחֵילֹ֖ו בְּיֹ֥ום אֵידֹֽוf ׃

14 וְאַֽל־תַּעֲמֹד֙a עַל־הַפֶּ֔רֶקb לְהַכְרִ֖יתc אֶת־פְּלִיטָ֑יוd וְאַל־תַּסְגֵּ֥רe שְׂרִידָ֖יוf בְּיֹ֥ום צָרָֽה׃

15 כִּֽי־קָרֹ֥וב יֹום־יְהוָ֖ה עַל־כָּל־הַגֹּויִ֑ם כַּאֲשֶׁ֤ר עָשִׂ֨יתָ֙a יֵעָ֣שֶׂהb לָּ֔ךְ גְּמֻלְךָ֖c יָשׁ֥וּבd בְּרֹאשֶֽׁךָ׃

16 כִּ֗י כַּֽאֲשֶׁ֤ר שְׁתִיתֶם֙a עַל־הַ֣ר קָדְשִׁ֔י יִשְׁתּ֥וּb כָֽל־הַגֹּויִ֖ם תָּמִ֑יד וְשָׁת֣וּc וְלָע֔וּd וְהָי֖וּe כְּלֹ֥וא הָיֽוּf ׃

17 וּבְהַ֥ר צִיֹּ֛ון תִּהְיֶ֥הa פְלֵיטָ֖הb וְהָ֣יָהc קֹ֑דֶשׁ וְיָֽרְשׁוּ֙d בֵּ֣ית יַֽעֲקֹ֔ב אֵ֖ת מֹורָֽשֵׁיהֶםe ׃

18 וְהָיָה֩a בֵית־יַעֲקֹ֨ב אֵ֜שׁ וּבֵ֧ית יֹוסֵ֣ף לֶהָבָ֗הb וּבֵ֤ית עֵשָׂו֙ לְקַ֔שׁc וְדָלְק֥וּd בָהֶ֖ם וַאֲכָל֑וּםe וְלֹֽא־יִהְיֶ֤הf שָׂרִיד֙g לְבֵ֣ית עֵשָׂ֔ו כִּ֥י יְהוָ֖ה דִּבֵּֽרh ׃

19 וְיָרְשׁ֨וּa הַנֶּ֜גֶב אֶת־הַ֣ר עֵשָׂ֗ו וְהַשְּׁפֵלָה֙b אֶת־פְּלִשְׁתִּ֔ים וְיָרְשׁוּ֙c אֶת־שְׂדֵ֣ה אֶפְרַ֔יִם וְאֵ֖ת שְׂדֵ֣ה שֹׁמְרֹ֑ון וּבִנְיָמִ֖ן אֶת־הַגִּלְעָֽד׃

20 וְגָלֻ֣תa הַֽחֵלb ־הַ֠זֶּה לִבְנֵ֨י יִשְׂרָאֵ֤ל אֲשֶֽׁר־כְּנַעֲנִים֙ עַד־צָ֣רְפַ֔תc וְגָלֻ֥תd יְרוּשָׁלִַ֖ם אֲשֶׁ֣ר בִּסְפָרַ֑דe יִֽרְשׁ֕וּf אֵ֖ת עָרֵ֥י הַנֶּֽגֶב׃

21 וְעָל֤וּa מֹֽושִׁעִים֙ בְּהַ֣ר צִיֹּ֔ון לִשְׁפֹּ֖טb אֶת־הַ֣ר עֵשָׂ֑ו וְהָיְתָ֥הc לַֽיהוָ֖ה הַמְּלוּכָֽהd ׃