במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּר֙a אֶל־בְּנֵ֣י יִשְׂרָאֵ֔ל וְאָמַרְתָּ֖b אֲלֵהֶ֑ם אִ֣ישׁ אֹֽו־אִשָּׁ֗ה כִּ֤י יַפְלִא֙c לִנְדֹּר֙d נֶ֣דֶר נָזִ֔ירe לְהַזִּ֖ירf לַֽיהוָֽה׃

3 מִיַּ֤יִן וְשֵׁכָר֙a יַזִּ֔ירb חֹ֥מֶץc יַ֛יִן וְחֹ֥מֶץd שֵׁכָ֖רe לֹ֣א יִשְׁתֶּ֑הf וְכָל־מִשְׁרַ֤תg עֲנָבִים֙h לֹ֣א יִשְׁתֶּ֔הi וַעֲנָבִ֛יםj לַחִ֥יםk וִיבֵשִׁ֖יםl לֹ֥א יֹאכֵֽלm ׃

4 כֹּ֖ל יְמֵ֣י נִזְרֹ֑וa מִכֹּל֩ אֲשֶׁ֨ר יֵעָשֶׂ֜הb מִגֶּ֣פֶן הַיַּ֗יִן מֵחַרְצַנִּ֛יםc וְעַד־זָ֖גd לֹ֥א יֹאכֵֽלe ׃

5 כָּל־יְמֵי֙ נֶ֣דֶר נִזְרֹ֔וa תַּ֖עַרb לֹא־יַעֲבֹ֣רc עַל־רֹאשֹׁ֑ו עַד־מְלֹ֨אתd הַיָּמִ֜ם אֲשֶׁר־יַזִּ֤ירe לַיהוָה֙ קָדֹ֣שׁ יִהְיֶ֔הf גַּדֵּ֥לg פֶּ֖רַעh שְׂעַ֥רi רֹאשֹֽׁו׃

6 כָּל־יְמֵ֥י הַזִּירֹ֖וa לַיהוָ֑ה עַל־נֶ֥פֶשׁ מֵ֖ת לֹ֥א יָבֹֽאb ׃

7 לְאָבִ֣יו וּלְאִמֹּ֗ו לְאָחִיו֙ וּלְאַ֣חֹתֹ֔ו לֹא־יִטַּמָּ֥אa לָהֶ֖ם בְּמֹתָ֑ם כִּ֛י נֵ֥זֶרb אֱלֹהָ֖יו עַל־רֹאשֹֽׁו׃

8 כֹּ֖ל יְמֵ֣י נִזְרֹ֑וa קָדֹ֥שׁ ה֖וּא לַֽיהוָֽה׃

9 וְכִֽי־יָמ֨וּתa מֵ֤ת עָלָיו֙ בְּפֶ֣תַעb פִּתְאֹ֔םc וְטִמֵּ֖אd רֹ֣אשׁ נִזְרֹ֑וe וְגִלַּ֤חf רֹאשֹׁו֙ בְּיֹ֣ום טָהֳרָתֹ֔וg בַּיֹּ֥ום הַשְּׁבִיעִ֖י יְגַלְּחֶֽנּוּh ׃

10 וּבַיֹּ֣ום הַשְּׁמִינִ֗יa יָבִא֙b שְׁתֵּ֣י תֹרִ֔יםc אֹ֥ו שְׁנֵ֖י בְּנֵ֣י יֹונָ֑הd אֶל־הַכֹּהֵ֔ן אֶל־פֶּ֖תַח אֹ֥הֶל מֹועֵֽד׃

11 וְעָשָׂ֣הa הַכֹּהֵ֗ן אֶחָ֤ד לְחַטָּאת֙ וְאֶחָ֣ד לְעֹלָ֔ה וְכִפֶּ֣רb עָלָ֔יו מֵאֲשֶׁ֥ר חָטָ֖אc עַל־הַנָּ֑פֶשׁ וְקִדַּ֥שׁd אֶת־רֹאשֹׁ֖ו בַּיֹּ֥ום הַהֽוּא׃

12 וְהִזִּ֤ירa לַֽיהוָה֙ אֶת־יְמֵ֣י נִזְרֹ֔וb וְהֵבִ֛יאc כֶּ֥בֶשׂ בֶּן־שְׁנָתֹ֖ו לְאָשָׁ֑םd וְהַיָּמִ֤ים הָרִאשֹׁנִים֙ יִפְּל֔וּe כִּ֥י טָמֵ֖אf נִזְרֹֽוg ׃

13 וְזֹ֥את תֹּורַ֖ת הַנָּזִ֑ירa בְּיֹ֗ום מְלֹאת֙b יְמֵ֣י נִזְרֹ֔וc יָבִ֣יאd אֹתֹ֔ו אֶל־פֶּ֖תַח אֹ֥הֶל מֹועֵֽד׃

14 וְהִקְרִ֣יבa אֶת־קָרְבָּנֹ֣ו לַיהוָ֡ה כֶּבֶשׂ֩ בֶּן־שְׁנָתֹ֨ו תָמִ֤ים אֶחָד֙ לְעֹלָ֔ה וְכַבְשָׂ֨הb אַחַ֧ת בַּת־שְׁנָתָ֛הּ תְּמִימָ֖ה לְחַטָּ֑את וְאַֽיִל־אֶחָ֥ד תָּמִ֖ים לִשְׁלָמִֽים׃

15 וְסַ֣לa מַצֹּ֗ות סֹ֤לֶת חַלֹּת֙b בְּלוּלֹ֣תc בַּשֶּׁ֔מֶן וּרְקִיקֵ֥יd מַצֹּ֖ות מְשֻׁחִ֣יםe בַּשָּׁ֑מֶן וּמִנְחָתָ֖ם וְנִסְכֵּיהֶֽם׃

16 וְהִקְרִ֥יבa הַכֹּהֵ֖ן לִפְנֵ֣י יְהוָ֑ה וְעָשָׂ֥הb אֶת־חַטָּאתֹ֖ו וְאֶת־עֹלָתֹֽו׃

17 וְאֶת־הָאַ֜יִל יַעֲשֶׂ֨הa זֶ֤בַח שְׁלָמִים֙ לַֽיהוָ֔ה עַ֖ל סַ֣לb הַמַּצֹּ֑ות וְעָשָׂה֙c הַכֹּהֵ֔ן אֶת־מִנְחָתֹ֖ו וְאֶת־נִסְכֹּֽו׃

18 וְגִלַּ֣חa הַנָּזִ֗ירb פֶּ֛תַח אֹ֥הֶל מֹועֵ֖ד אֶת־רֹ֣אשׁ נִזְרֹ֑וc וְלָקַ֗חd אֶת־שְׂעַר֙e רֹ֣אשׁ נִזְרֹ֔וf וְנָתַן֙g עַל־הָאֵ֔שׁ אֲשֶׁר־תַּ֖חַת זֶ֥בַח הַשְּׁלָמִֽים׃

19 וְלָקַ֨חa הַכֹּהֵ֜ן אֶת־הַזְּרֹ֣עַ בְּשֵׁלָה֮b מִן־הָאַיִל֒ וְֽחַלַּ֨תc מַצָּ֤ה אַחַת֙ מִן־הַסַּ֔לd וּרְקִ֥יקe מַצָּ֖ה אֶחָ֑ד וְנָתַן֙f עַל־כַּפֵּ֣י הַנָּזִ֔ירg אַחַ֖ר הִֽתְגַּלְּחֹ֥וh אֶת־נִזְרֹֽוi ׃

20 וְהֵנִיף֩a אֹותָ֨ם הַכֹּהֵ֥ן׀ תְּנוּפָה֮b לִפְנֵ֣י יְהוָה֒ קֹ֤דֶשׁ הוּא֙ לַכֹּהֵ֔ן עַ֚ל חֲזֵ֣הc הַתְּנוּפָ֔הd וְעַ֖ל שֹׁ֣וקe הַתְּרוּמָ֑ה וְאַחַ֛ר יִשְׁתֶּ֥הf הַנָּזִ֖ירg יָֽיִן׃

21 זֹ֣את תֹּורַ֣ת הַנָּזִיר֮a אֲשֶׁ֣ר יִדֹּר֒b קָרְבָּנֹ֤ו לַֽיהוָה֙ עַל־נִזְרֹ֔וc מִלְּבַ֖ד אֲשֶׁר־תַּשִּׂ֣יגd יָדֹ֑ו כְּפִ֤י נִדְרֹו֙ אֲשֶׁ֣ר יִדֹּ֔רe כֵּ֣ן יַעֲשֶׂ֔הf עַ֖ל תֹּורַ֥ת נִזְרֹֽוg ׃ פ

22 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

23 דַּבֵּ֤רa אֶֽל־אַהֲרֹן֙ וְאֶל־בָּנָ֣יו לֵאמֹ֔רb כֹּ֥ה תְבָרֲכ֖וּc אֶת־בְּנֵ֣י יִשְׂרָאֵ֑ל אָמֹ֖ורd לָהֶֽם׃ ס

24 יְבָרֶכְךָ֥a יְהוָ֖ה וְיִשְׁמְרֶֽךָb ׃ ס

25 יָאֵ֨רa יְהוָ֧ה׀ פָּנָ֛יו אֵלֶ֖יךָ וִֽיחֻנֶּֽךָּb ׃ ס

26 יִשָּׂ֨אa יְהוָ֤ה׀ פָּנָיו֙ אֵלֶ֔יךָ וְיָשֵׂ֥םb לְךָ֖ שָׁלֹֽום׃ ס

27 וְשָׂמ֥וּa אֶת־שְׁמִ֖י עַל־בְּנֵ֣י יִשְׂרָאֵ֑ל וַאֲנִ֖י אֲבָרֲכֵֽםb ׃ פ