במדבר

וַיְדַבֵּ֣רa יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽרb ׃

2 נָשֹׂ֗אa אֶת־רֹאשׁ֙ בְּנֵ֣י קְהָ֔תb מִתֹּ֖וךְ בְּנֵ֣י לֵוִ֑י לְמִשְׁפְּחֹתָ֖ם לְבֵ֥ית אֲבֹתָֽם׃

3 מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־בָּא֙a לַצָּבָ֔א לַעֲשֹׂ֥ותb מְלָאכָ֖ה בְּאֹ֥הֶל מֹועֵֽד׃

4 זֹ֛את עֲבֹדַ֥ת בְּנֵי־קְהָ֖תa בְּאֹ֣הֶל מֹועֵ֑ד קֹ֖דֶשׁ הַקֳּדָשִֽׁים׃

5 וּבָ֨אa אַהֲרֹ֤ן וּבָנָיו֙ בִּנְסֹ֣עַb הַֽמַּחֲנֶ֔ה וְהֹורִ֕דוּc אֵ֖ת פָּרֹ֣כֶתd הַמָּסָ֑ךְe וְכִ֨סּוּf ־בָ֔הּ אֵ֖ת אֲרֹ֥ן הָעֵדֻֽת׃

6 וְנָתְנ֣וּa עָלָ֗יו כְּסוּי֙b עֹ֣ור תַּ֔חַשׁc וּפָרְשׂ֧וּd בֶֽגֶד־כְּלִ֛ילe תְּכֵ֖לֶתf מִלְמָ֑עְלָה וְשָׂמ֖וּg בַּדָּֽיו׃

7 וְעַ֣ל׀ שֻׁלְחַ֣ן הַפָּנִ֗ים יִפְרְשׂוּ֮a בֶּ֣גֶד תְּכֵלֶת֒b וְנָתְנ֣וּc עָ֠לָיו אֶת־הַקְּעָרֹ֤תd וְאֶת־הַכַּפֹּת֙ וְאֶת־הַמְּנַקִּיֹּ֔תe וְאֵ֖ת קְשֹׂ֣ותf הַנָּ֑סֶךְ וְלֶ֥חֶם הַתָּמִ֖יד עָלָ֥יו יִהְיֶֽהg ׃

8 וּפָרְשׂ֣וּa עֲלֵיהֶ֗ם בֶּ֚גֶד תֹּולַ֣עַתb שָׁנִ֔יc וְכִסּ֣וּd אֹתֹ֔ו בְּמִכְסֵ֖הe עֹ֣ור תָּ֑חַשׁf וְשָׂמ֖וּg אֶת־בַּדָּֽיו׃

9 וְלָקְח֣וּa ׀ בֶּ֣גֶד תְּכֵ֗לֶתb וְכִסּ֞וּc אֶת־מְנֹרַ֤תd הַמָּאֹור֙e וְאֶת־נֵ֣רֹתֶ֔יהָf וְאֶת־מַלְקָחֶ֖יהָg וְאֶת־מַחְתֹּתֶ֑יהָh וְאֵת֙ כָּל־כְּלֵ֣י שַׁמְנָ֔הּ אֲשֶׁ֥ר יְשָׁרְתוּi ־לָ֖הּ בָּהֶֽם׃

10 וְנָתְנ֤וּa אֹתָהּ֙ וְאֶת־כָּל־כֵּלֶ֔יהָ אֶל־מִכְסֵ֖הb עֹ֣ור תָּ֑חַשׁc וְנָתְנ֖וּd עַל־הַמֹּֽוטe ׃

11 וְעַ֣ל׀ מִזְבַּ֣ח הַזָּהָ֗ב יִפְרְשׂוּ֙a בֶּ֣גֶד תְּכֵ֔לֶתb וְכִסּ֣וּc אֹתֹ֔ו בְּמִכְסֵ֖הd עֹ֣ור תָּ֑חַשׁe וְשָׂמ֖וּf אֶת־בַּדָּֽיו׃

12 וְלָקְחוּ֩a אֶת־כָּל־כְּלֵ֨י הַשָּׁרֵ֜תb אֲשֶׁ֧ר יְשָֽׁרְתוּc ־בָ֣ם בַּקֹּ֗דֶשׁ וְנָֽתְנוּ֙d אֶל־בֶּ֣גֶד תְּכֵ֔לֶתe וְכִסּ֣וּf אֹותָ֔ם בְּמִכְסֵ֖הg עֹ֣ור תָּ֑חַשׁh וְנָתְנ֖וּi עַל־הַמֹּֽוטj ׃

13 וְדִשְּׁנ֖וּa אֶת־הַמִּזְבֵּ֑חַ וּפָרְשׂ֣וּb עָלָ֔יו בֶּ֖גֶד אַרְגָּמָֽןc ׃

14 וְנָתְנ֣וּa עָ֠לָיו אֶֽת־כָּל־כֵּלָ֞יו אֲשֶׁ֣ר יְֽשָׁרְת֧וּb עָלָ֣יו בָּהֶ֗ם אֶת־הַמַּחְתֹּ֤תc אֶת־הַמִּזְלָגֹת֙d וְאֶת־הַיָּעִ֣יםe וְאֶת־הַמִּזְרָקֹ֔תf כֹּ֖ל כְּלֵ֣י הַמִּזְבֵּ֑חַ וּפָרְשׂ֣וּg עָלָ֗יו כְּס֛וּיh עֹ֥ור תַּ֖חַשׁi וְשָׂמ֥וּj בַדָּֽיו׃

15 וְכִלָּ֣הa אַֽהֲרֹן־וּ֠בָנָיו לְכַסֹּ֨תb אֶת־הַקֹּ֜דֶשׁ וְאֶת־כָּל־כְּלֵ֣י הַקֹּדֶשׁ֮ בִּנְסֹ֣עַc הַֽמַּחֲנֶה֒ וְאַחֲרֵי־כֵ֗ן יָבֹ֤אוּd בְנֵי־קְהָת֙e לָשֵׂ֔אתf וְלֹֽא־יִגְּע֥וּg אֶל־הַקֹּ֖דֶשׁ וָמֵ֑תוּh אֵ֛לֶּה מַשָּׂ֥אi בְנֵֽי־קְהָ֖תj בְּאֹ֥הֶל מֹועֵֽד׃

16 וּפְקֻדַּ֞תa אֶלְעָזָ֣ר׀ בֶּן־אַהֲרֹ֣ן הַכֹּהֵ֗ן שֶׁ֤מֶן הַמָּאֹור֙b וּקְטֹ֣רֶת הַסַּמִּ֔יםc וּמִנְחַ֥ת הַתָּמִ֖יד וְשֶׁ֣מֶן הַמִּשְׁחָ֑הd פְּקֻדַּ֗תe כָּל־הַמִּשְׁכָּן֙ וְכָל־אֲשֶׁר־בֹּ֔ו בְּקֹ֖דֶשׁ וּבְכֵלָֽיו׃ ס

17 וַיְדַבֵּ֣רa יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽרb ׃

18 אַל־תַּכְרִ֕יתוּa אֶת־שֵׁ֖בֶט מִשְׁפְּחֹ֣ת הַקְּהָתִ֑יb מִתֹּ֖וךְ הַלְוִיִּֽם׃

19 וְזֹ֣את׀ עֲשׂ֣וּa לָהֶ֗ם וְחָיוּ֙b וְלֹ֣א יָמֻ֔תוּc בְּגִשְׁתָּ֖םd אֶת־קֹ֣דֶשׁ הַקֳּדָשִׁ֑ים אַהֲרֹ֤ן וּבָנָיו֙ יָבֹ֔אוּe וְשָׂמ֣וּf אֹותָ֗ם אִ֥ישׁ אִ֛ישׁ עַל־עֲבֹדָתֹ֖ו וְאֶל־מַשָּׂאֹֽוg ׃

20 וְלֹא־יָבֹ֧אוּa לִרְאֹ֛ותb כְּבַלַּ֥עc אֶת־הַקֹּ֖דֶשׁ וָמֵֽתוּd ׃ פ

21 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

22 נָשֹׂ֗אa אֶת־רֹ֛אשׁ בְּנֵ֥י גֵרְשֹׁ֖וןb גַּם־הֵ֑ם לְבֵ֥ית אֲבֹתָ֖ם לְמִשְׁפְּחֹתָֽם׃

23 מִבֶּן֩ שְׁלֹשִׁ֨ים שָׁנָ֜ה וָמַ֗עְלָה עַ֛ד בֶּן־חֲמִשִּׁ֥ים שָׁנָ֖ה תִּפְקֹ֣דa אֹותָ֑ם כָּל־הַבָּא֙b לִצְבֹ֣אc צָבָ֔א לַעֲבֹ֥דd עֲבֹדָ֖ה בְּאֹ֥הֶל מֹועֵֽד׃

24 זֹ֣את עֲבֹדַ֔ת מִשְׁפְּחֹ֖ת הַגֵּרְשֻׁנִּ֑יa לַעֲבֹ֖דb וּלְמַשָּֽׂאc ׃

25 וְנָ֨שְׂא֜וּa אֶת־יְרִיעֹ֤ת הַמִּשְׁכָּן֙ וְאֶת־אֹ֣הֶל מֹועֵ֔ד מִכְסֵ֕הוּb וּמִכְסֵ֛הc הַתַּ֥חַשׁd אֲשֶׁר־עָלָ֖יו מִלְמָ֑עְלָה וְאֶ֨ת־מָסַ֔ךְe פֶּ֖תַח אֹ֥הֶל מֹועֵֽד׃

26 וְאֵת֩ קַלְעֵ֨יa הֶֽחָצֵ֜ר וְאֶת־מָסַ֣ךְb ׀ פֶּ֣תַח׀ שַׁ֣עַר הֶחָצֵ֗ר אֲשֶׁ֨ר עַל־הַמִּשְׁכָּ֤ן וְעַל־הַמִּזְבֵּ֨חַ֙ סָבִ֔יב וְאֵת֙ מֵֽיתְרֵיהֶ֔םc וְאֶֽת־כָּל־כְּלֵ֖י עֲבֹדָתָ֑ם וְאֵ֨ת כָּל־אֲשֶׁ֧ר יֵעָשֶׂ֛הd לָהֶ֖ם וְעָבָֽדוּe ׃

27 עַל־פִּי֩ אַהֲרֹ֨ן וּבָנָ֜יו תִּהְיֶ֗הa כָּל־עֲבֹדַת֙ בְּנֵ֣י הַגֵּרְשֻׁנִּ֔יb לְכָל־מַשָּׂאָ֔םc וּלְכֹ֖ל עֲבֹדָתָ֑ם וּפְקַדְתֶּ֤םd עֲלֵהֶם֙ בְּמִשְׁמֶ֔רֶת אֵ֖ת כָּל־מַשָּׂאָֽםe ׃

28 זֹ֣את עֲבֹדַ֗ת מִשְׁפְּחֹ֛ת בְּנֵ֥י הַגֵּרְשֻׁנִּ֖יa בְּאֹ֣הֶל מֹועֵ֑ד וּמִ֨שְׁמַרְתָּ֔ם בְּיַד֙ אִֽיתָמָ֔רb בֶּֽן־אַהֲרֹ֖ן הַכֹּהֵֽן׃ פ

29 בְּנֵ֖י מְרָרִ֑יa לְמִשְׁפְּחֹתָ֥ם לְבֵית־אֲבֹתָ֖ם תִּפְקֹ֥דb אֹתָֽם׃

30 מִבֶּן֩ שְׁלֹשִׁ֨ים שָׁנָ֜ה וָמַ֗עְלָה וְעַ֛ד בֶּן־חֲמִשִּׁ֥ים שָׁנָ֖ה תִּפְקְדֵ֑םa כָּל־הַבָּא֙b לַצָּבָ֔א לַעֲבֹ֕דc אֶת־עֲבֹדַ֖ת אֹ֥הֶל מֹועֵֽד׃

31 וְזֹאת֙ מִשְׁמֶ֣רֶת מַשָּׂאָ֔םa לְכָל־עֲבֹדָתָ֖ם בְּאֹ֣הֶל מֹועֵ֑ד קַרְשֵׁי֙ הַמִּשְׁכָּ֔ן וּבְרִיחָ֖יוb וְעַמּוּדָ֥יו וַאֲדָנָֽיו׃

32 וְעַמּוּדֵי֩ הֶחָצֵ֨ר סָבִ֜יב וְאַדְנֵיהֶ֗ם וִֽיתֵדֹתָם֙a וּמֵ֣יתְרֵיהֶ֔םb לְכָל־כְּלֵיהֶ֔ם וּלְכֹ֖ל עֲבֹדָתָ֑ם וּבְשֵׁמֹ֣ת תִּפְקְד֔וּc אֶת־כְּלֵ֖י מִשְׁמֶ֥רֶת מַשָּׂאָֽםd ׃

33 זֹ֣את עֲבֹדַ֗ת מִשְׁפְּחֹת֙ בְּנֵ֣י מְרָרִ֔יa לְכָל־עֲבֹדָתָ֖ם בְּאֹ֣הֶל מֹועֵ֑ד בְּיַד֙ אִֽיתָמָ֔רb בֶּֽן־אַהֲרֹ֖ן הַכֹּהֵֽן׃

34 וַיִּפְקֹ֨דa מֹשֶׁ֧ה וְאַהֲרֹ֛ן וּנְשִׂיאֵ֥י הָעֵדָ֖ה אֶת־בְּנֵ֣י הַקְּהָתִ֑יb לְמִשְׁפְּחֹתָ֖ם וּלְבֵ֥ית אֲבֹתָֽם׃

35 מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙a לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃

36 וַיִּהְי֥וּa פְקֻדֵיהֶ֖ם לְמִשְׁפְּחֹתָ֑ם אַלְפַּ֕יִם שְׁבַ֥ע מֵאֹ֖ות וַחֲמִשִּֽׁים׃

37 אֵ֤לֶּה פְקוּדֵי֙ מִשְׁפְּחֹ֣ת הַקְּהָתִ֔יa כָּל־הָעֹבֵ֖דb בְּאֹ֣הֶל מֹועֵ֑ד אֲשֶׁ֨ר פָּקַ֤דc מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃ ס

38 וּפְקוּדֵ֖י בְּנֵ֣י גֵרְשֹׁ֑וןa לְמִשְׁפְּחֹותָ֖ם וּלְבֵ֥ית אֲבֹתָֽם׃

39 מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙a לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃

40 וַיִּֽהְיוּ֙a פְּקֻ֣דֵיהֶ֔ם לְמִשְׁפְּחֹתָ֖ם לְבֵ֣ית אֲבֹתָ֑ם אַלְפַּ֕יִם וְשֵׁ֥שׁ מֵאֹ֖ות וּשְׁלֹשִֽׁים׃

41 אֵ֣לֶּה פְקוּדֵ֗י מִשְׁפְּחֹת֙ בְּנֵ֣י גֵרְשֹׁ֔וןa כָּל־הָעֹבֵ֖דb בְּאֹ֣הֶל מֹועֵ֑ד אֲשֶׁ֨ר פָּקַ֥דc מֹשֶׁ֛ה וְאַהֲרֹ֖ן עַל־פִּ֥י יְהוָֽה׃

42 וּפְקוּדֵ֕י מִשְׁפְּחֹ֖ת בְּנֵ֣י מְרָרִ֑יa לְמִשְׁפְּחֹתָ֖ם לְבֵ֥ית אֲבֹתָֽם׃

43 מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙a לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃

44 וַיִּהְי֥וּa פְקֻדֵיהֶ֖ם לְמִשְׁפְּחֹתָ֑ם שְׁלֹ֥שֶׁת אֲלָפִ֖ים וּמָאתָֽיִם׃

45 אֵ֣לֶּה פְקוּדֵ֔י מִשְׁפְּחֹ֖ת בְּנֵ֣י מְרָרִ֑יa אֲשֶׁ֨ר פָּקַ֤דb מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃

46 כָּֽל־הַפְּקֻדִ֡ים אֲשֶׁר֩ פָּקַ֨דa מֹשֶׁ֧ה וְאַהֲרֹ֛ן וּנְשִׂיאֵ֥י יִשְׂרָאֵ֖ל אֶת־הַלְוִיִּ֑ם לְמִשְׁפְּחֹתָ֖ם וּלְבֵ֥ית אֲבֹתָֽם׃

47 מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּ֗אa לַעֲבֹ֨דb עֲבֹדַ֧ת עֲבֹדָ֛ה וַעֲבֹדַ֥ת מַשָּׂ֖אc בְּאֹ֥הֶל מֹועֵֽד׃

48 וַיִּהְי֖וּa פְּקֻדֵיהֶ֑ם שְׁמֹנַ֣ת אֲלָפִ֔ים וַחֲמֵ֥שׁ מֵאֹ֖ות וּשְׁמֹנִֽים׃

49 עַל־פִּ֨י יְהוָ֜ה פָּקַ֤דa אֹותָם֙ בְּיַד־מֹשֶׁ֔ה אִ֥ישׁ אִ֛ישׁ עַל־עֲבֹדָתֹ֖ו וְעַל־מַשָּׂאֹ֑וb וּפְקֻדָ֕יו אֲשֶׁר־צִוָּ֥הc יְהוָ֖ה אֶת־מֹשֶֽׁה׃ פ