במדבר

וַֽיִּקְרְב֞וּa רָאשֵׁ֣י הָֽאָבֹ֗ות לְמִשְׁפַּ֤חַת בְּנֵֽי־גִלְעָד֙ בֶּן־מָכִ֣ירb בֶּן־מְנַשֶּׁ֔ה מִֽמִּשְׁפְּחֹ֖ת בְּנֵ֣י יֹוסֵ֑ף וַֽיְדַבְּר֞וּc לִפְנֵ֤י מֹשֶׁה֙ וְלִפְנֵ֣י הַנְּשִׂאִ֔ים רָאשֵׁ֥י אָבֹ֖ות לִבְנֵ֥י יִשְׂרָאֵֽל׃

2 וַיֹּאמְר֗וּa אֶת־אֲדֹנִי֙ צִוָּ֣הb יְהוָ֔ה לָתֵ֨תc אֶת־הָאָ֧רֶץ בְּנַחֲלָ֛ה בְּגֹורָ֖ל לִבְנֵ֣י יִשְׂרָאֵ֑ל וַֽאדֹנִי֙ צֻוָּ֣הd בַֽיהוָ֔ה לָתֵ֗תe אֶֽת־נַחֲלַ֛ת צְלָפְחָ֥דf אָחִ֖ינוּ לִבְנֹתָֽיו׃

3 וְ֠הָיוּa לְאֶחָ֞ד מִבְּנֵ֨י שִׁבְטֵ֥י בְנֵֽי־יִשְׂרָאֵל֮ לְנָשִׁים֒ וְנִגְרְעָ֤הb נַחֲלָתָן֙ מִנַּחֲלַ֣ת אֲבֹתֵ֔ינוּ וְנֹוסַ֕ףc עַ֚ל נַחֲלַ֣ת הַמַּטֶּ֔ה אֲשֶׁ֥ר תִּהְיֶ֖ינָהd לָהֶ֑ם וּמִגֹּרַ֥ל נַחֲלָתֵ֖נוּ יִגָּרֵֽעַe ׃

4 וְאִם־יִהְיֶ֣הa הַיֹּבֵל֮b לִבְנֵ֣י יִשְׂרָאֵל֒ וְנֹֽוסְפָה֙c נַחֲלָתָ֔ן עַ֚ל נַחֲלַ֣ת הַמַּטֶּ֔ה אֲשֶׁ֥ר תִּהְיֶ֖ינָהd לָהֶ֑ם וּמִֽנַּחֲלַת֙ מַטֵּ֣ה אֲבֹתֵ֔ינוּ יִגָּרַ֖עe נַחֲלָתָֽן׃

5 וַיְצַ֤וa מֹשֶׁה֙ אֶת־בְּנֵ֣י יִשְׂרָאֵ֔ל עַל־פִּ֥י יְהוָ֖ה לֵאמֹ֑רb כֵּ֛ןc מַטֵּ֥ה בְנֵֽי־יֹוסֵ֖ף דֹּבְרִֽיםd ׃

6 זֶ֣ה הַדָּבָ֞ר אֲשֶׁר־צִוָּ֣הa יְהוָ֗ה לִבְנֹ֤ות צְלָפְחָד֙b לֵאמֹ֔רc לַטֹּ֥וב בְּעֵינֵיהֶ֖ם תִּהְיֶ֣ינָהd לְנָשִׁ֑ים אַ֗ךְ לְמִשְׁפַּ֛חַת מַטֵּ֥ה אֲבִיהֶ֖ם תִּהְיֶ֥ינָהe לְנָשִֽׁים׃

7 וְלֹֽא־תִסֹּ֤בa נַחֲלָה֙ לִבְנֵ֣י יִשְׂרָאֵ֔ל מִמַּטֶּ֖ה אֶל־מַטֶּ֑ה כִּ֣י אִ֗ישׁ בְּנַחֲלַת֙ מַטֵּ֣ה אֲבֹתָ֔יו יִדְבְּק֖וּb בְּנֵ֥י יִשְׂרָאֵֽל׃

8 וְכָל־בַּ֞ת יֹרֶ֣שֶׁתa נַחֲלָ֗ה מִמַּטֹּות֮ בְּנֵ֣י יִשְׂרָאֵל֒ לְאֶחָ֗ד מִמִּשְׁפַּ֛חַת מַטֵּ֥ה אָבִ֖יהָ תִּהְיֶ֣הb לְאִשָּׁ֑ה לְמַ֗עַן יִֽירְשׁוּ֙c בְּנֵ֣י יִשְׂרָאֵ֔ל אִ֖ישׁ נַחֲלַ֥ת אֲבֹתָֽיו׃

9 וְלֹֽא־תִסֹּ֧בa נַחֲלָ֛ה מִמַּטֶּ֖ה לְמַטֶּ֣ה אַחֵ֑ר כִּי־אִישׁ֙ בְּנַ֣חֲלָתֹ֔ו יִדְבְּק֕וּb מַטֹּ֖ות בְּנֵ֥י יִשְׂרָאֵֽל׃

10 כַּאֲשֶׁ֛ר צִוָּ֥הa יְהוָ֖ה אֶת־מֹשֶׁ֑ה כֵּ֥ן עָשׂ֖וּb בְּנֹ֥ות צְלָפְחָֽדc ׃

11 וַתִּהְיֶ֜ינָהa מַחְלָ֣הb תִרְצָ֗הc וְחָגְלָ֧הd וּמִלְכָּ֛הe וְנֹעָ֖הf בְּנֹ֣ות צְלָפְחָ֑דg לִבְנֵ֥י דֹדֵיהֶ֖ן לְנָשִֽׁים׃

12 מִֽמִּשְׁפְּחֹ֛ת בְּנֵֽי־מְנַשֶּׁ֥ה בֶן־יֹוסֵ֖ף הָי֣וּa לְנָשִׁ֑ים וַתְּהִי֙b נַחֲלָתָ֔ן עַל־מַטֵּ֖ה מִשְׁפַּ֥חַת אֲבִיהֶֽן׃

13 אֵ֣לֶּה הַמִּצְוֹ֞ת וְהַמִּשְׁפָּטִ֗ים אֲשֶׁ֨ר צִוָּ֧הa יְהוָ֛ה בְּיַד־מֹשֶׁ֖ה אֶל־בְּנֵ֣י יִשְׂרָאֵ֑ל בְּעַֽרְבֹ֣ת מֹואָ֔ב עַ֖ל יַרְדֵּ֥ן יְרֵחֹֽו׃