במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 צַ֞וa אֶת־בְּנֵ֤י יִשְׂרָאֵל֙ וְאָמַרְתָּ֣b אֲלֵהֶ֔ם כִּֽי־אַתֶּ֥ם בָּאִ֖יםc אֶל־הָאָ֣רֶץ כְּנָ֑עַן זֹ֣את הָאָ֗רֶץ אֲשֶׁ֨ר תִּפֹּ֤לd לָכֶם֙ בְּֽנַחֲלָ֔ה אֶ֥רֶץ כְּנַ֖עַן לִגְבֻלֹתֶֽיהָe ׃

3 וְהָיָ֨הa לָכֶ֧ם פְּאַת־נֶ֛גֶב מִמִּדְבַּר־צִ֖ןb עַל־יְדֵ֣י אֱדֹ֑ום וְהָיָ֤הc לָכֶם֙ גְּב֣וּל נֶ֔גֶב מִקְצֵ֥ה יָם־הַמֶּ֖לַחd קֵֽדְמָה׃

4 וְנָסַ֣בa לָכֶם֩ הַגְּב֨וּל מִנֶּ֜גֶב לְמַעֲלֵ֤ה עַקְרַבִּים֙b וְעָ֣בַרc צִ֔נָהd והיהe תֹּֽוצְאֹתָ֔יוf מִנֶּ֖גֶב לְקָדֵ֣שׁ בַּרְנֵ֑עַg וְיָצָ֥אh חֲצַר־אַדָּ֖רi וְעָבַ֥רj עַצְמֹֽנָהk ׃

5 וְנָסַ֧בa הַגְּב֛וּל מֵעַצְמֹ֖וןb נַ֣חְלָה מִצְרָ֑יִם וְהָי֥וּc תֹוצְאֹתָ֖יוd הַיָּֽמָּה׃

6 וּגְב֣וּל יָ֔ם וְהָיָ֥הa לָכֶ֛ם הַיָּ֥ם הַגָּדֹ֖ול וּגְב֑וּל זֶֽה־יִהְיֶ֥הb לָכֶ֖ם גְּב֥וּל יָֽם׃

7 וְזֶֽה־יִהְיֶ֥הa לָכֶ֖ם גְּב֣וּל צָפֹ֑ון מִן־הַיָּם֙ הַגָּדֹ֔ל תְּתָא֥וּb לָכֶ֖ם הֹ֥רc הָהָֽר׃

8 מֵהֹ֣רa הָהָ֔ר תְּתָא֖וּb לְבֹ֣אc חֲמָ֑תd וְהָי֛וּe תֹּוצְאֹ֥תf הַגְּבֻ֖ל צְדָֽדָהg ׃

9 וְיָצָ֤אa הַגְּבֻל֙ זִפְרֹ֔נָהb וְהָי֥וּc תֹוצְאֹתָ֖יוd חֲצַ֣ר עֵינָ֑ןe זֶֽה־יִהְיֶ֥הf לָכֶ֖ם גְּב֥וּל צָפֹֽון׃

10 וְהִתְאַוִּיתֶ֥םa לָכֶ֖ם לִגְב֣וּל קֵ֑דְמָה מֵחֲצַ֥ר עֵינָ֖ןb שְׁפָֽמָהc ׃

11 וְיָרַ֨דa הַגְּבֻ֧ל מִשְּׁפָ֛םb הָרִבְלָ֖הc מִקֶּ֣דֶם לָעָ֑יִןd וְיָרַ֣דe הַגְּב֔וּל וּמָחָ֛הf עַל־כֶּ֥תֶף יָם־כִּנֶּ֖רֶתg קֵֽדְמָה׃

12 וְיָרַ֤דa הַגְּבוּל֙ הַיַּרְדֵּ֔נָה וְהָי֥וּb תֹוצְאֹתָ֖יוc יָ֣ם הַמֶּ֑לַחd זֹאת֩ תִּהְיֶ֨הe לָכֶ֥ם הָאָ֛רֶץ לִגְבֻלֹתֶ֖יהָf סָבִֽיב׃

13 וַיְצַ֣וa מֹשֶׁ֔ה אֶת־בְּנֵ֥י יִשְׂרָאֵ֖ל לֵאמֹ֑רb זֹ֣את הָאָ֗רֶץ אֲשֶׁ֨ר תִּתְנַחֲל֤וּc אֹתָהּ֙ בְּגֹורָ֔ל אֲשֶׁר֙ צִוָּ֣הd יְהוָ֔ה לָתֵ֛תe לְתִשְׁעַ֥ת הַמַּטֹּ֖ות וַחֲצִ֥י הַמַּטֶּֽה׃

14 כִּ֣י לָקְח֞וּa מַטֵּ֨ה בְנֵ֤י הָראוּבֵנִי֙b לְבֵ֣ית אֲבֹתָ֔ם וּמַטֵּ֥ה בְנֵֽי־הַגָּדִ֖יc לְבֵ֣ית אֲבֹתָ֑ם וַחֲצִי֙ מַטֵּ֣ה מְנַשֶּׁ֔ה לָקְח֖וּd נַחֲלָתָֽם׃

15 שְׁנֵ֥י הַמַּטֹּ֖ות וַחֲצִ֣י הַמַּטֶּ֑ה לָקְח֣וּa נַחֲלָתָ֗ם מֵעֵ֛בֶר לְיַרְדֵּ֥ן יְרֵחֹ֖ו קֵ֥דְמָה מִזְרָֽחָה׃ פ

16 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

17 אֵ֚לֶּה שְׁמֹ֣ות הָֽאֲנָשִׁ֔ים אֲשֶׁר־יִנְחֲל֥וּa לָכֶ֖ם אֶת־הָאָ֑רֶץ אֶלְעָזָר֙ הַכֹּהֵ֔ן וִיהֹושֻׁ֖עַ בִּן־נֽוּןb ׃

18 וְנָשִׂ֥יא אֶחָ֛ד נָשִׂ֥יא אֶחָ֖ד מִמַּטֶּ֑ה תִּקְח֖וּa לִנְחֹ֥לb אֶת־הָאָֽרֶץ׃

19 וְאֵ֖לֶּה שְׁמֹ֣ות הָאֲנָשִׁ֑ים לְמַטֵּ֣ה יְהוּדָ֔ה כָּלֵ֖בa בֶּן־יְפֻנֶּֽהb ׃

20 וּלְמַטֵּה֙ בְּנֵ֣י שִׁמְעֹ֔וןa שְׁמוּאֵ֖ל בֶּן־עַמִּיהֽוּדb ׃

21 לְמַטֵּ֣ה בִנְיָמִ֔ן אֱלִידָ֖דa בֶּן־כִּסְלֹֽוןb ׃

22 וּלְמַטֵּ֥ה בְנֵי־דָ֖ן נָשִׂ֑יא בֻּקִּ֖יa בֶּן־יָגְלִֽיb ׃

23 לִבְנֵ֣י יֹוסֵ֔ף לְמַטֵּ֥ה בְנֵֽי־מְנַשֶּׁ֖ה נָשִׂ֑יא חַנִּיאֵ֖לa בֶּן־אֵפֹֽדb ׃

24 וּלְמַטֵּ֥ה בְנֵֽי־אֶפְרַ֖יִם נָשִׂ֑יא קְמוּאֵ֖לa בֶּן־שִׁפְטָֽןb ׃

25 וּלְמַטֵּ֥ה בְנֵֽי־זְבוּלֻ֖ןa נָשִׂ֑יא אֱלִיצָפָ֖ןb בֶּן־פַּרְנָֽךְc ׃

26 וּלְמַטֵּ֥ה בְנֵֽי־יִשָׂשכָ֖רa נָשִׂ֑יא פַּלְטִיאֵ֖לb בֶּן־עַזָּֽןc ׃

27 וּלְמַטֵּ֥ה בְנֵי־אָשֵׁ֖רa נָשִׂ֑יא אֲחִיה֖וּדb בֶּן־שְׁלֹמִֽיc ׃

28 וּלְמַטֵּ֥ה בְנֵֽי־נַפְתָּלִ֖י נָשִׂ֑יא פְּדַהְאֵ֖לa בֶּן־עַמִּיהֽוּדb ׃

29 אֵ֕לֶּה אֲשֶׁ֖ר צִוָּ֣הa יְהוָ֑ה לְנַחֵ֥לb אֶת־בְּנֵֽי־יִשְׂרָאֵ֖ל בְּאֶ֥רֶץ כְּנָֽעַן׃ פ