במדבר

וַיֹּ֥אמֶרa מֹשֶׁ֖ה אֶל־בְּנֵ֣י יִשְׂרָאֵ֑ל כְּכֹ֛ל אֲשֶׁר־צִוָּ֥הb יְהוָ֖ה אֶת־מֹשֶֽׁה׃ פ

2 וַיְדַבֵּ֤רa מֹשֶׁה֙ אֶל־רָאשֵׁ֣י הַמַּטֹּ֔ות לִבְנֵ֥י יִשְׂרָאֵ֖ל לֵאמֹ֑רb זֶ֣ה הַדָּבָ֔ר אֲשֶׁ֖ר צִוָּ֥הc יְהוָֽה׃

3 אִישׁ֩ כִּֽי־יִדֹּ֨רa נֶ֜דֶר לַֽיהוָ֗ה אֹֽו־הִשָּׁ֤בַעb שְׁבֻעָה֙c לֶאְסֹ֤רd אִסָּר֙e עַל־נַפְשֹׁ֔ו לֹ֥א יַחֵ֖לf דְּבָרֹ֑ו כְּכָל־הַיֹּצֵ֥אg מִפִּ֖יו יַעֲשֶֽׂהh ׃

4 וְאִשָּׁ֕ה כִּֽי־תִדֹּ֥רa נֶ֖דֶר לַיהוָ֑ה וְאָסְרָ֥הb אִסָּ֛רc בְּבֵ֥ית אָבִ֖יהָ בִּנְעֻרֶֽיהָd ׃

5 וְשָׁמַ֨עa אָבִ֜יהָ אֶת־נִדְרָ֗הּ וֶֽאֱסָרָהּ֙b אֲשֶׁ֣ר אָֽסְרָ֣הc עַל־נַפְשָׁ֔הּ וְהֶחֱרִ֥ישׁd לָ֖הּ אָבִ֑יהָ וְקָ֨מוּ֙e כָּל־נְדָרֶ֔יהָ וְכָל־אִסָּ֛רf אֲשֶׁר־אָסְרָ֥הg עַל־נַפְשָׁ֖הּ יָקֽוּםh ׃

6 וְאִם־הֵנִ֨יאa אָבִ֣יהָ אֹתָהּ֮ בְּיֹ֣ום שָׁמְעֹו֒b כָּל־נְדָרֶ֗יהָ וֶֽאֱסָרֶ֛יהָc אֲשֶׁר־אָסְרָ֥הd עַל־נַפְשָׁ֖הּ לֹ֣א יָק֑וּםe וַֽיהוָה֙ יִֽסְלַחf ־לָ֔הּ כִּי־הֵנִ֥יאg אָבִ֖יהָ אֹתָֽהּ׃

7 וְאִם־הָיֹ֤ו תִֽהְיֶה֙a לְאִ֔ישׁ וּנְדָרֶ֖יהָ עָלֶ֑יהָ אֹ֚ו מִבְטָ֣אb שְׂפָתֶ֔יהָ אֲשֶׁ֥ר אָסְרָ֖הc עַל־נַפְשָֽׁהּ׃

8 וְשָׁמַ֥עa אִישָׁ֛הּ בְּיֹ֥ום שָׁמְעֹ֖וb וְהֶחֱרִ֣ישׁc לָ֑הּ וְקָ֣מוּd נְדָרֶ֗יהָ וֶֽאֱסָרֶ֛הָe אֲשֶׁר־אָסְרָ֥הf עַל־נַפְשָׁ֖הּ יָקֻֽמוּg ׃

9 וְ֠אִם בְּיֹ֨ום שְׁמֹ֣עַa אִישָׁהּ֮ יָנִ֣יאb אֹותָהּ֒ וְהֵפֵ֗רc אֶת־נִדְרָהּ֙ אֲשֶׁ֣ר עָלֶ֔יהָ וְאֵת֙ מִבְטָ֣אd שְׂפָתֶ֔יהָ אֲשֶׁ֥ר אָסְרָ֖הe עַל־נַפְשָׁ֑הּ וַיהוָ֖ה יִֽסְלַֽחf ־לָֽהּ׃

10 וְנֵ֥דֶר אַלְמָנָ֖ה וּגְרוּשָׁ֑הa כֹּ֛ל אֲשֶׁר־אָסְרָ֥הb עַל־נַפְשָׁ֖הּ יָק֥וּםc עָלֶֽיהָ׃

11 וְאִם־בֵּ֥ית אִישָׁ֖הּ נָדָ֑רָהa אֹֽו־אָסְרָ֥הb אִסָּ֛רc עַל־נַפְשָׁ֖הּ בִּשְׁבֻעָֽהd ׃

12 וְשָׁמַ֤עa אִישָׁהּ֙ וְהֶחֱרִ֣שׁb לָ֔הּ לֹ֥א הֵנִ֖יאc אֹתָ֑הּ וְקָ֨מוּ֙d כָּל־נְדָרֶ֔יהָ וְכָל־אִסָּ֛רe אֲשֶׁר־אָסְרָ֥הf עַל־נַפְשָׁ֖הּ יָקֽוּםg ׃

13 וְאִם־הָפֵר֩a יָפֵ֨רb אֹתָ֥ם׀ אִישָׁהּ֮ בְּיֹ֣ום שָׁמְעֹו֒c כָּל־מֹוצָ֨אd שְׂפָתֶ֧יהָ לִנְדָרֶ֛יהָ וּלְאִסַּ֥רe נַפְשָׁ֖הּ לֹ֣א יָק֑וּםf אִישָׁ֣הּ הֲפֵרָ֔םg וַיהוָ֖ה יִֽסְלַֽחh ־לָֽהּ׃

14 כָּל־נֵ֛דֶר וְכָל־שְׁבֻעַ֥תa אִסָּ֖רb לְעַנֹּ֣תc נָ֑פֶשׁ אִישָׁ֥הּ יְקִימֶ֖נּוּd וְאִישָׁ֥הּ יְפֵרֶֽנּוּe ׃

15 וְאִם־הַחֲרֵשׁ֩a יַחֲרִ֨ישׁb לָ֥הּ אִישָׁהּ֮ מִיֹּ֣ום אֶל־יֹום֒ וְהֵקִים֙c אֶת־כָּל־נְדָרֶ֔יהָ אֹ֥ו אֶת־כָּל־אֱסָרֶ֖יהָd אֲשֶׁ֣ר עָלֶ֑יהָ הֵקִ֣יםe אֹתָ֔ם כִּי־הֶחֱרִ֥שׁf לָ֖הּ בְּיֹ֥ום שָׁמְעֹֽוg ׃

16 וְאִם־הָפֵ֥רa יָפֵ֛רb אֹתָ֖ם אַחֲרֵ֣י שָׁמְעֹ֑וc וְנָשָׂ֖אd אֶת־עֲוֹנָֽהּ׃

17 אֵ֣לֶּה הַֽחֻקִּ֗ים אֲשֶׁ֨ר צִוָּ֤הa יְהוָה֙ אֶת־מֹשֶׁ֔ה בֵּ֥ין אִ֖ישׁ לְאִשְׁתֹּ֑ו בֵּֽין־אָ֣ב לְבִתֹּ֔ו בִּנְעֻרֶ֖יהָb בֵּ֥ית אָבִֽיהָ׃ פ