במדבר

וְאֵ֛לֶּה תֹּולְדֹ֥תa אַהֲרֹ֖ן וּמֹשֶׁ֑ה בְּיֹ֗ום דִּבֶּ֧רb יְהוָ֛ה אֶת־מֹשֶׁ֖ה בְּהַ֥ר סִינָֽיc ׃

2 וְאֵ֛לֶּה שְׁמֹ֥ות בְּֽנֵי־אַהֲרֹ֖ן הַבְּכֹ֣ור׀ נָדָ֑בa וַאֲבִיה֕וּאb אֶלְעָזָ֖ר וְאִיתָמָֽרc ׃

3 אֵ֗לֶּה שְׁמֹות֙ בְּנֵ֣י אַהֲרֹ֔ן הַכֹּהֲנִ֖ים הַמְּשֻׁחִ֑ים אֲשֶׁר־מִלֵּ֥אa יָדָ֖ם לְכַהֵֽןb ׃

4 וַיָּ֣מָתa נָדָ֣בb וַאֲבִיה֣וּאc לִפְנֵ֣י יְהוָ֡ה בְּֽהַקְרִבָם֩d אֵ֨שׁ זָרָ֜ה לִפְנֵ֤י יְהוָה֙ בְּמִדְבַּ֣ר סִינַ֔יe וּבָנִ֖ים לֹא־הָי֣וּf לָהֶ֑ם וַיְכַהֵ֤ןg אֶלְעָזָר֙ וְאִ֣יתָמָ֔רh עַל־פְּנֵ֖י אַהֲרֹ֥ן אֲבִיהֶֽם׃ פ

5 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

6 הַקְרֵב֙a אֶת־מַטֵּ֣ה לֵוִ֔י וְֽהַעֲמַדְתָּ֣b אֹתֹ֔ו לִפְנֵ֖י אַהֲרֹ֣ן הַכֹּהֵ֑ן וְשֵׁרְת֖וּc אֹתֹֽו׃

7 וְשָׁמְר֣וּa אֶת־מִשְׁמַרְתֹּ֗ו וְאֶת־מִשְׁמֶ֨רֶת֙ כָּל־הָ֣עֵדָ֔ה לִפְנֵ֖י אֹ֣הֶל מֹועֵ֑ד לַעֲבֹ֖דb אֶת־עֲבֹדַ֥ת הַמִּשְׁכָּֽן׃

8 וְשָׁמְר֗וּa אֶֽת־כָּל־כְּלֵי֙ אֹ֣הֶל מֹועֵ֔ד וְאֶת־מִשְׁמֶ֖רֶת בְּנֵ֣י יִשְׂרָאֵ֑ל לַעֲבֹ֖דb אֶת־עֲבֹדַ֥ת הַמִּשְׁכָּֽן׃

9 וְנָתַתָּה֙a אֶת־הַלְוִיִּ֔ם לְאַהֲרֹ֖ן וּלְבָנָ֑יו נְתוּנִ֨םb נְתוּנִ֥םc הֵ֨מָּה֙ לֹ֔ו מֵאֵ֖ת בְּנֵ֥י יִשְׂרָאֵֽל׃

10 וְאֶת־אַהֲרֹ֤ן וְאֶת־בָּנָיו֙ תִּפְקֹ֔דa וְשָׁמְר֖וּb אֶת־כְּהֻנָּתָ֑םc וְהַזָּ֥ר הַקָּרֵ֖בd יוּמָֽתe ׃ פ

11 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

12 וַאֲנִ֞י הִנֵּ֧ה לָקַ֣חְתִּיa אֶת־הַלְוִיִּ֗ם מִתֹּוךְ֙ בְּנֵ֣י יִשְׂרָאֵ֔ל תַּ֧חַת כָּל־בְּכֹ֛ור פֶּ֥טֶרb רֶ֖חֶםc מִבְּנֵ֣י יִשְׂרָאֵ֑ל וְהָ֥יוּd לִ֖י הַלְוִיִּֽם׃

13 כִּ֣י לִי֮ כָּל־בְּכֹור֒ בְּיֹום֩ הַכֹּתִ֨יa כָל־בְּכֹ֜ור בְּאֶ֣רֶץ מִצְרַ֗יִם הִקְדַּ֨שְׁתִּיb לִ֤י כָל־בְּכֹור֙ בְּיִשְׂרָאֵ֔ל מֵאָדָ֖ם עַד־בְּהֵמָ֑ה לִ֥י יִהְי֖וּc אֲנִ֥י יְהוָֽה׃ ס

14 וַיְדַבֵּ֤רa יְהוָה֙ אֶל־מֹשֶׁ֔ה בְּמִדְבַּ֥ר סִינַ֖יb לֵאמֹֽרc ׃

15 פְּקֹד֙a אֶת־בְּנֵ֣י לֵוִ֔י לְבֵ֥ית אֲבֹתָ֖ם לְמִשְׁפְּחֹתָ֑ם כָּל־זָכָ֛ר מִבֶּן־חֹ֥דֶשׁ וָמַ֖עְלָה תִּפְקְדֵֽםb ׃

16 וַיִּפְקֹ֥דa אֹתָ֛ם מֹשֶׁ֖ה עַל־פִּ֣י יְהוָ֑ה כַּאֲשֶׁ֖ר צֻוָּֽהb ׃

17 וַיִּֽהְיוּa ־אֵ֥לֶּה בְנֵֽי־לֵוִ֖י בִּשְׁמֹתָ֑ם גֵּרְשֹׁ֕וןb וּקְהָ֖תc וּמְרָרִֽיd ׃

18 וְאֵ֛לֶּה שְׁמֹ֥ות בְּֽנֵי־גֵרְשֹׁ֖וןa לְמִשְׁפְּחֹתָ֑ם לִבְנִ֖יb וְשִׁמְעִֽיc ׃

19 וּבְנֵ֥י קְהָ֖תa לְמִשְׁפְּחֹתָ֑ם עַמְרָ֣םb וְיִצְהָ֔רc חֶבְרֹ֖וןd וְעֻזִּיאֵֽלe ׃

20 וּבְנֵ֧י מְרָרִ֛יa לְמִשְׁפְּחֹתָ֖ם מַחְלִ֣יb וּמוּשִׁ֑יc אֵ֥לֶּה הֵ֛ם מִשְׁפְּחֹ֥ת הַלֵּוִ֖י לְבֵ֥ית אֲבֹתָֽם׃

21 לְגֵ֣רְשֹׁ֔וןa מִשְׁפַּ֨חַת֙ הַלִּבְנִ֔יb וּמִשְׁפַּ֖חַת הַשִּׁמְעִ֑יc אֵ֣לֶּה הֵ֔ם מִשְׁפְּחֹ֖ת הַגֵּרְשֻׁנִּֽיd ׃

22 פְּקֻדֵיהֶם֙ בְּמִסְפַּ֣ר כָּל־זָכָ֔ר מִבֶּן־חֹ֖דֶשׁ וָמָ֑עְלָה פְּקֻ֣דֵיהֶ֔ם שִׁבְעַ֥ת אֲלָפִ֖ים וַחֲמֵ֥שׁ מֵאֹֽות׃

23 מִשְׁפְּחֹ֖ת הַגֵּרְשֻׁנִּ֑יa אַחֲרֵ֧י הַמִּשְׁכָּ֛ן יַחֲנ֖וּb יָֽמָּה׃

24 וּנְשִׂ֥יא בֵֽית־אָ֖ב לַגֵּרְשֻׁנִּ֑יa אֶלְיָסָ֖ףb בֶּן־לָאֵֽלc ׃

25 וּמִשְׁמֶ֤רֶת בְּנֵֽי־גֵרְשֹׁון֙a בְּאֹ֣הֶל מֹועֵ֔ד הַמִּשְׁכָּ֖ן וְהָאֹ֑הֶל מִכְסֵ֕הוּb וּמָסַ֕ךְc פֶּ֖תַח אֹ֥הֶל מֹועֵֽד׃

26 וְקַלְעֵ֣יa הֶֽחָצֵ֗ר וְאֶת־מָסַךְ֙b פֶּ֣תַח הֶֽחָצֵ֔ר אֲשֶׁ֧ר עַל־הַמִּשְׁכָּ֛ן וְעַל־הַמִּזְבֵּ֖חַ סָבִ֑יב וְאֵת֙ מֵֽיתָרָ֔יוc לְכֹ֖ל עֲבֹדָתֹֽו׃

27 וְלִקְהָ֗תa מִשְׁפַּ֤חַת הַֽעַמְרָמִי֙b וּמִשְׁפַּ֣חַת הַיִּצְהָרִ֔יc וּמִשְׁפַּ֨חַת֙ הַֽחֶבְרֹנִ֔יd וּמִשְׁפַּ֖חַת הָֽעָזִּיאֵלִ֑יe אֵ֥לֶּה הֵ֖ם מִשְׁפְּחֹ֥ת הַקְּהָתִֽיf ׃

28 בְּמִסְפַּר֙ כָּל־זָכָ֔ר מִבֶּן־חֹ֖דֶשׁ וָמָ֑עְלָה שְׁמֹנַ֤ת אֲלָפִים֙ וְשֵׁ֣שׁ מֵאֹ֔ות שֹׁמְרֵ֖י מִשְׁמֶ֥רֶת הַקֹּֽדֶשׁ׃

29 מִשְׁפְּחֹ֥ת בְּנֵי־קְהָ֖תa יַחֲנ֑וּb עַ֛ל יֶ֥רֶךְc הַמִּשְׁכָּ֖ן תֵּימָֽנָהd ׃

30 וּנְשִׂ֥יא בֵֽית־אָ֖ב לְמִשְׁפְּחֹ֣ת הַקְּהָתִ֑יa אֶלִיצָפָ֖ןb בֶּן־עֻזִּיאֵֽלc ׃

31 וּמִשְׁמַרְתָּ֗ם הָאָרֹ֤ן וְהַשֻּׁלְחָן֙ וְהַמְּנֹרָ֣הa וְהַֽמִּזְבְּחֹ֔ת וּכְלֵ֣י הַקֹּ֔דֶשׁ אֲשֶׁ֥ר יְשָׁרְת֖וּb בָּהֶ֑ם וְהַ֨מָּסָ֔ךְc וְכֹ֖ל עֲבֹדָתֹֽו׃

32 וּנְשִׂיא֙ נְשִׂיאֵ֣י הַלֵּוִ֔י אֶלְעָזָ֖ר בֶּן־אַהֲרֹ֣ן הַכֹּהֵ֑ן פְּקֻדַּ֕תa שֹׁמְרֵ֖י מִשְׁמֶ֥רֶת הַקֹּֽדֶשׁ׃

33 לִמְרָרִ֕יa מִשְׁפַּ֨חַת֙ הַמַּחְלִ֔יb וּמִשְׁפַּ֖חַת הַמּוּשִׁ֑יc אֵ֥לֶּה הֵ֖ם מִשְׁפְּחֹ֥ת מְרָרִֽיd ׃

34 וּפְקֻדֵיהֶם֙ בְּמִסְפַּ֣ר כָּל־זָכָ֔ר מִבֶּן־חֹ֖דֶשׁ וָמָ֑עְלָה שֵׁ֥שֶׁת אֲלָפִ֖ים וּמָאתָֽיִם׃

35 וּנְשִׂ֤יא בֵֽית־אָב֙ לְמִשְׁפְּחֹ֣ת מְרָרִ֔יa צוּרִיאֵ֖לb בֶּן־אֲבִיחָ֑יִלc עַ֣ל יֶ֧רֶךְd הַמִּשְׁכָּ֛ן יַחֲנ֖וּe צָפֹֽנָה׃

36 וּפְקֻדַּ֣תa מִשְׁמֶרֶת֮ בְּנֵ֣י מְרָרִי֒b קַרְשֵׁי֙ הַמִּשְׁכָּ֔ן וּבְרִיחָ֖יוc וְעַמֻּדָ֣יו וַאֲדָנָ֑יו וְכָל־כֵּלָ֔יו וְכֹ֖ל עֲבֹדָתֹֽו׃

37 וְעַמֻּדֵ֧י הֶחָצֵ֛ר סָבִ֖יב וְאַדְנֵיהֶ֑ם וִיתֵדֹתָ֖םa וּמֵֽיתְרֵיהֶֽםb ׃

38 וְהַחֹנִ֣יםa לִפְנֵ֣י הַמִּשְׁכָּ֡ן קֵ֣דְמָה לִפְנֵי֩ אֹֽהֶל־מֹועֵ֨ד׀ מִזְרָ֜חָה מֹשֶׁ֣ה׀ וְאַהֲרֹ֣ן וּבָנָ֗יו שֹֽׁמְרִים֙b מִשְׁמֶ֣רֶת הַמִּקְדָּ֔שׁ לְמִשְׁמֶ֖רֶת בְּנֵ֣י יִשְׂרָאֵ֑ל וְהַזָּ֥ר הַקָּרֵ֖בc יוּמָֽתd ׃

39 כָּל־פְּקוּדֵ֨י הַלְוִיִּ֜ם אֲשֶׁר֩ פָּקַ֨דa מֹשֶׁ֧ה וְׄאַׄהֲׄרֹ֛ׄןׄ עַל־פִּ֥י יְהוָ֖ה לְמִשְׁפְּחֹתָ֑ם כָּל־זָכָר֙ מִבֶּן־חֹ֣דֶשׁ וָמַ֔עְלָה שְׁנַ֥יִם וְעֶשְׂרִ֖ים אָֽלֶף׃ ס

40 וַיֹּ֨אמֶרa יְהוָ֜ה אֶל־מֹשֶׁ֗ה פְּקֹ֨דb כָּל־בְּכֹ֤ר זָכָר֙ לִבְנֵ֣י יִשְׂרָאֵ֔ל מִבֶּן־חֹ֖דֶשׁ וָמָ֑עְלָה וְשָׂ֕אc אֵ֖ת מִסְפַּ֥ר שְׁמֹתָֽם׃

41 וְלָקַחְתָּ֨a אֶת־הַלְוִיִּ֥ם לִי֙ אֲנִ֣י יְהוָ֔ה תַּ֥חַת כָּל־בְּכֹ֖ר בִּבְנֵ֣י יִשְׂרָאֵ֑ל וְאֵת֙ בֶּהֱמַ֣ת הַלְוִיִּ֔ם תַּ֣חַת כָּל־בְּכֹ֔ור בְּבֶהֱמַ֖ת בְּנֵ֥י יִשְׂרָאֵֽל׃

42 וַיִּפְקֹ֣דa מֹשֶׁ֔ה כַּאֲשֶׁ֛ר צִוָּ֥הb יְהוָ֖ה אֹתֹ֑ו אֶֽת־כָּל־בְּכֹ֖ר בִּבְנֵ֥י יִשְׂרָאֵֽל׃

43 וַיְהִי֩a כָל־בְּכֹ֨ור זָכָ֜ר בְּמִסְפַּ֥ר שֵׁמֹ֛ות מִבֶּן־חֹ֥דֶשׁ וָמַ֖עְלָה לִפְקֻדֵיהֶ֑ם שְׁנַ֤יִם וְעֶשְׂרִים֙ אֶ֔לֶף שְׁלֹשָׁ֥ה וְשִׁבְעִ֖ים וּמָאתָֽיִם׃ פ

44 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

45 קַ֣חa אֶת־הַלְוִיִּ֗ם תַּ֤חַת כָּל־בְּכֹור֙ בִּבְנֵ֣י יִשְׂרָאֵ֔ל וְאֶת־בֶּהֱמַ֥ת הַלְוִיִּ֖ם תַּ֣חַת בְּהֶמְתָּ֑ם וְהָיוּb ־לִ֥י הַלְוִיִּ֖ם אֲנִ֥י יְהוָֽה׃

46 וְאֵת֙ פְּדוּיֵ֣יa הַשְּׁלֹשָׁ֔ה וְהַשִּׁבְעִ֖ים וְהַמָּאתָ֑יִם הָעֹֽדְפִים֙b עַל־הַלְוִיִּ֔ם מִבְּכֹ֖ור בְּנֵ֥י יִשְׂרָאֵֽל׃

47 וְלָקַחְתָּ֗a חֲמֵ֧שֶׁת חֲמֵ֛שֶׁת שְׁקָלִ֖ים לַגֻּלְגֹּ֑לֶתb בְּשֶׁ֤קֶל הַקֹּ֨דֶשׁ֙ תִּקָּ֔חc עֶשְׂרִ֥ים גֵּרָ֖הd הַשָּֽׁקֶל׃

48 וְנָתַתָּ֣הa הַכֶּ֔סֶף לְאַהֲרֹ֖ן וּלְבָנָ֑יו פְּדוּיֵ֕יb הָעֹדְפִ֖יםc בָּהֶֽם׃

49 וַיִּקַּ֣חa מֹשֶׁ֔ה אֵ֖ת כֶּ֣סֶף הַפִּדְיֹ֑וםb מֵאֵת֙ הָעֹ֣דְפִ֔יםc עַ֖ל פְּדוּיֵ֥יd הַלְוִיִּֽם׃

50 מֵאֵ֗ת בְּכֹ֛ור בְּנֵ֥י יִשְׂרָאֵ֖ל לָקַ֣חa אֶת־הַכָּ֑סֶף חֲמִשָּׁ֨ה וְשִׁשִּׁ֜ים וּשְׁלֹ֥שׁ מֵאֹ֛ות וָאֶ֖לֶף בְּשֶׁ֥קֶל הַקֹּֽדֶשׁ׃

51 וַיִּתֵּ֨ןa מֹשֶׁ֜ה אֶת־כֶּ֧סֶף הַפְּדֻיִ֛םb לְאַהֲרֹ֥ן וּלְבָנָ֖יו עַל־פִּ֣י יְהוָ֑ה כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃ פ