28
וַיְדַבֵּ֥רa
יְהוָ֖ה אֶל־מֹשֶׁ֥ה לֵּאמֹֽרb
׃
2
צַ֚וa
אֶת־בְּנֵ֣י יִשְׂרָאֵ֔ל וְאָמַרְתָּ֖b
אֲלֵהֶ֑ם אֶת־קָרְבָּנִ֨י לַחְמִ֜י לְאִשַּׁ֗י רֵ֚יחַ נִֽיחֹחִ֔יc
תִּשְׁמְר֕וּd
לְהַקְרִ֥יבe
לִ֖י בְּמֹועֲדֹֽו׃
3
וְאָמַרְתָּ֣a
לָהֶ֔ם זֶ֚ה הָֽאִשֶּׁ֔ה אֲשֶׁ֥ר תַּקְרִ֖יבוּb
לַיהוָ֑ה כְּבָשִׂ֨ים בְּנֵֽי־שָׁנָ֧ה תְמִימִ֛ם שְׁנַ֥יִם לַיֹּ֖ום עֹלָ֥ה תָמִֽיד׃
4
אֶת־הַכֶּ֥בֶשׂ אֶחָ֖ד תַּעֲשֶׂ֣הa
בַבֹּ֑קֶר וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖הb
בֵּ֥ין הָֽעַרְבָּֽיִם׃
5
וַעֲשִׂירִ֧יתa
הָאֵיפָ֛הb
סֹ֖לֶת לְמִנְחָ֑ה בְּלוּלָ֛הc
בְּשֶׁ֥מֶן כָּתִ֖יתd
רְבִיעִ֥ת הַהִֽיןe
׃
6
עֹלַ֖ת תָּמִ֑יד הָעֲשֻׂיָה֙a
בְּהַ֣ר סִינַ֔יb
לְרֵ֣יחַ נִיחֹ֔חַc
אִשֶּׁ֖ה לַֽיהוָֽה׃
7
וְנִסְכֹּו֙ רְבִיעִ֣ת הַהִ֔יןa
לַכֶּ֖בֶשׂ הָאֶחָ֑ד בַּקֹּ֗דֶשׁ הַסֵּ֛ךְb
נֶ֥סֶךְ שֵׁכָ֖רc
לַיהוָֽה׃
8
וְאֵת֙ הַכֶּ֣בֶשׂ הַשֵּׁנִ֔י תַּעֲשֶׂ֖הa
בֵּ֣ין הָֽעַרְבָּ֑יִם כְּמִנְחַ֨ת הַבֹּ֤קֶר וּכְנִסְכֹּו֙ תַּעֲשֶׂ֔הb
אִשֵּׁ֛ה רֵ֥יחַ נִיחֹ֖חַc
לַיהוָֽה׃ פ
9
וּבְיֹום֙ הַשַּׁבָּ֔ת שְׁנֵֽי־כְבָשִׂ֥ים בְּנֵֽי־שָׁנָ֖ה תְּמִימִ֑ם וּשְׁנֵ֣י עֶשְׂרֹנִ֗יםa
סֹ֧לֶת מִנְחָ֛ה בְּלוּלָ֥הb
בַשֶּׁ֖מֶן וְנִסְכֹּֽו׃
10
עֹלַ֥ת שַׁבַּ֖ת בְּשַׁבַּתֹּ֑ו עַל־עֹלַ֥ת הַתָּמִ֖יד וְנִסְכָּֽהּ׃ ס
11
וּבְרָאשֵׁי֙ חָדְשֵׁיכֶ֔ם תַּקְרִ֥יבוּa
עֹלָ֖ה לַיהוָ֑ה פָּרִ֨ים בְּנֵֽי־בָקָ֤ר שְׁנַ֨יִם֙ וְאַ֣יִל אֶחָ֔ד כְּבָשִׂ֧ים בְּנֵי־שָׁנָ֛ה שִׁבְעָ֖ה תְּמִימִֽם׃
12
וּשְׁלֹשָׁ֣ה עֶשְׂרֹנִ֗יםa
סֹ֤לֶת מִנְחָה֙ בְּלוּלָ֣הb
בַשֶּׁ֔מֶן לַפָּ֖ר הָאֶחָ֑ד וּשְׁנֵ֣י עֶשְׂרֹנִ֗יםc
סֹ֤לֶת מִנְחָה֙ בְּלוּלָ֣הd
בַשֶּׁ֔מֶן לָאַ֖יִל הָֽאֶחָֽד׃
13
וְעִשָּׂרֹ֣ןa
עִשָּׂרֹ֗וןb
סֹ֤לֶת מִנְחָה֙ בְּלוּלָ֣הc
בַשֶּׁ֔מֶן לַכֶּ֖בֶשׂ הָאֶחָ֑ד עֹלָה֙ רֵ֣יחַ נִיחֹ֔חַd
אִשֶּׁ֖ה לַיהוָֽה׃
14
וְנִסְכֵּיהֶ֗ם חֲצִ֣י הַהִין֩a
יִהְיֶ֨הb
לַפָּ֜ר וּשְׁלִישִׁ֧תc
הַהִ֣יןd
לָאַ֗יִל וּרְבִיעִ֥ת הַהִ֛יןe
לַכֶּ֖בֶשׂ יָ֑יִן זֹ֣את עֹלַ֥ת חֹ֨דֶשׁ֙ בְּחָדְשֹׁ֔ו לְחָדְשֵׁ֖י הַשָּׁנָֽה׃
15
וּשְׂעִ֨יר עִזִּ֥ים אֶחָ֛ד לְחַטָּ֖את לַיהוָ֑ה עַל־עֹלַ֧ת הַתָּמִ֛יד יֵעָשֶׂ֖הa
וְנִסְכֹּֽו׃ ס
16
וּבַחֹ֣דֶשׁ הָרִאשֹׁ֗ון בְּאַרְבָּעָ֥ה עָשָׂ֛ר יֹ֖ום לַחֹ֑דֶשׁ פֶּ֖סַחa
לַיהוָֽה׃
17
וּבַחֲמִשָּׁ֨ה עָשָׂ֥ר יֹ֛ום לַחֹ֥דֶשׁ הַזֶּ֖ה חָ֑ג שִׁבְעַ֣ת יָמִ֔ים מַצֹּ֖ות יֵאָכֵֽלa
׃
18
בַּיֹּ֥ום הָרִאשֹׁ֖ון מִקְרָאa
־קֹ֑דֶשׁ כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּb
׃
19
וְהִקְרַבְתֶּ֨םa
אִשֶּׁ֤ה עֹלָה֙ לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם וְאַ֣יִל אֶחָ֑ד וְשִׁבְעָ֤ה כְבָשִׂים֙ בְּנֵ֣י שָׁנָ֔ה תְּמִימִ֖ם יִהְי֥וּb
לָכֶֽם׃
20
וּמִ֨נְחָתָ֔ם סֹ֖לֶת בְּלוּלָ֣הa
בַשָּׁ֑מֶן שְׁלֹשָׁ֨ה עֶשְׂרֹנִ֜יםb
לַפָּ֗ר וּשְׁנֵ֧י עֶשְׂרֹנִ֛יםc
לָאַ֖יִל תַּעֲשֽׂוּd
׃
21
עִשָּׂרֹ֤וןa
עִשָּׂרֹון֙b
תַּעֲשֶׂ֔הc
לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃
22
וּשְׂעִ֥יר חַטָּ֖את אֶחָ֑ד לְכַפֵּ֖רa
עֲלֵיכֶֽם׃
23
מִלְּבַד֙ עֹלַ֣ת הַבֹּ֔קֶר אֲשֶׁ֖ר לְעֹלַ֣ת הַתָּמִ֑יד תַּעֲשׂ֖וּa
אֶת־אֵֽלֶּה׃
24
כָּאֵ֜לֶּה תַּעֲשׂ֤וּa
לַיֹּום֙ שִׁבְעַ֣ת יָמִ֔ים לֶ֛חֶם אִשֵּׁ֥ה רֵֽיחַ־נִיחֹ֖חַb
לַיהוָ֑ה עַל־עֹולַ֧ת הַתָּמִ֛יד יֵעָשֶׂ֖הc
וְנִסְכֹּֽו׃
25
וּבַיֹּום֙ הַשְּׁבִיעִ֔י מִקְרָאa
־קֹ֖דֶשׁ יִהְיֶ֣הb
לָכֶ֑ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּc
׃ ס
26
וּבְיֹ֣ום הַבִּכּוּרִ֗יםa
בְּהַקְרִ֨יבְכֶ֜םb
מִנְחָ֤ה חֲדָשָׁה֙ לַֽיהוָ֔ה בְּשָׁבֻעֹ֖תֵיכֶ֑םc
מִֽקְרָאd
־קֹ֨דֶשׁ֙ יִהְיֶ֣הe
לָכֶ֔ם כָּל־מְלֶ֥אכֶת עֲבֹדָ֖ה לֹ֥א תַעֲשֽׂוּf
׃
27
וְהִקְרַבְתֶּ֨םa
עֹולָ֜ה לְרֵ֤יחַ נִיחֹ֨חַ֙b
לַֽיהוָ֔ה פָּרִ֧ים בְּנֵי־בָקָ֛ר שְׁנַ֖יִם אַ֣יִל אֶחָ֑ד שִׁבְעָ֥ה כְבָשִׂ֖ים בְּנֵ֥י שָׁנָֽה׃
28
וּמִנְחָתָ֔ם סֹ֖לֶת בְּלוּלָ֣הa
בַשָּׁ֑מֶן שְׁלֹשָׁ֤ה עֶשְׂרֹנִים֙b
לַפָּ֣ר הָֽאֶחָ֔ד שְׁנֵי֙ עֶשְׂרֹנִ֔יםc
לָאַ֖יִל הָאֶחָֽד׃
29
עִשָּׂרֹון֙a
עִשָּׂרֹ֔וןb
לַכֶּ֖בֶשׂ הָאֶחָ֑ד לְשִׁבְעַ֖ת הַכְּבָשִֽׂים׃
30
שְׂעִ֥יר עִזִּ֖ים אֶחָ֑ד לְכַפֵּ֖רa
עֲלֵיכֶֽם׃
31
מִלְּבַ֞ד עֹלַ֧ת הַתָּמִ֛יד וּמִנְחָתֹ֖ו תַּעֲשׂ֑וּa
תְּמִימִ֥ם יִהְיוּb
־לָכֶ֖ם וְנִסְכֵּיהֶֽם׃ פ