במדבר

וַתִּקְרַ֜בְנָהa בְּנֹ֣ות צְלָפְחָ֗דb בֶּן־חֵ֤פֶרc בֶּן־גִּלְעָד֙ בֶּן־מָכִ֣ירd בֶּן־מְנַשֶּׁ֔ה לְמִשְׁפְּחֹ֖ת מְנַשֶּׁ֣ה בֶן־יֹוסֵ֑ף וְאֵ֨לֶּה֙ שְׁמֹ֣ות בְּנֹתָ֔יו מַחְלָ֣הe נֹעָ֔הf וְחָגְלָ֥הg וּמִלְכָּ֖הh וְתִרְצָֽהi ׃

2 וַֽתַּעֲמֹ֜דְנָהa לִפְנֵ֣י מֹשֶׁ֗ה וְלִפְנֵי֙ אֶלְעָזָ֣ר הַכֹּהֵ֔ן וְלִפְנֵ֥י הַנְּשִׂיאִ֖ם וְכָל־הָעֵדָ֑ה פֶּ֥תַח אֹֽהֶל־מֹועֵ֖ד לֵאמֹֽרb ׃

3 אָבִינוּ֮ מֵ֣תa בַּמִּדְבָּר֒ וְה֨וּא לֹא־הָיָ֜הb בְּתֹ֣וךְ הָעֵדָ֗ה הַנֹּועָדִ֛יםc עַל־יְהוָ֖ה בַּעֲדַת־קֹ֑רַחd כִּֽי־בְחֶטְאֹ֣וe מֵ֔תf וּבָנִ֖ים לֹא־הָ֥יוּg לֹֽו׃

4 לָ֣מָּה יִגָּרַ֤עa שֵׁם־אָבִ֨ינוּ֙ מִתֹּ֣וךְ מִשְׁפַּחְתֹּ֔ו כִּ֛י אֵ֥ין לֹ֖ו בֵּ֑ן תְּנָהb ־לָּ֣נוּ אֲחֻזָּ֔ה בְּתֹ֖וךְ אֲחֵ֥י אָבִֽינוּ׃

5 וַיַּקְרֵ֥בa מֹשֶׁ֛ה אֶת־מִשְׁפָּטָ֖ן לִפְנֵ֥י יְהוָֽה׃ ס

6 וַיֹּ֥אמֶרa יְהוָ֖ה אֶל־מֹשֶׁ֥ה לֵּאמֹֽרb ׃

7 כֵּ֗ןa בְּנֹ֣ות צְלָפְחָד֮b דֹּבְרֹת֒c נָתֹ֨ן תִּתֵּ֤ןd לָהֶם֙ אֲחֻזַּ֣ת נַחֲלָ֔ה בְּתֹ֖וךְ אֲחֵ֣י אֲבִיהֶ֑ם וְהַֽעֲבַרְתָּ֛e אֶת־נַחֲלַ֥ת אֲבִיהֶ֖ן לָהֶֽן׃

8 וְאֶל־בְּנֵ֥י יִשְׂרָאֵ֖ל תְּדַבֵּ֣רa לֵאמֹ֑רb אִ֣ישׁ כִּֽי־יָמ֗וּתc וּבֵן֙ אֵ֣ין לֹ֔ו וְהַֽעֲבַרְתֶּ֥םd אֶת־נַחֲלָתֹ֖ו לְבִתֹּֽו׃

9 וְאִם־אֵ֥ין לֹ֖ו בַּ֑ת וּנְתַתֶּ֥םa אֶת־נַחֲלָתֹ֖ו לְאֶחָיו׃

10 וְאִם־אֵ֥ין לֹ֖ו אַחִ֑ים וּנְתַתֶּ֥םa אֶת־נַחֲלָתֹ֖ו לַאֲחֵ֥י אָבִֽיו׃

11 וְאִם־אֵ֣ין אַחִים֮ לְאָבִיו֒ וּנְתַתֶּ֣םa אֶת־נַחֲלָתֹ֗ו לִשְׁאֵרֹ֞וb הַקָּרֹ֥ב אֵלָ֛יו מִמִּשְׁפַּחְתֹּ֖ו וְיָרַ֣שׁc אֹתָ֑הּ וְֽהָ֨יְתָ֜הd לִבְנֵ֤י יִשְׂרָאֵל֙ לְחֻקַּ֣ת מִשְׁפָּ֔ט כַּאֲשֶׁ֛ר צִוָּ֥הe יְהוָ֖ה אֶת־מֹשֶֽׁה׃ ס

12 וַיֹּ֤אמֶרa יְהוָה֙ אֶל־מֹשֶׁ֔ה עֲלֵ֛הb אֶל־הַ֥ר הָעֲבָרִ֖יםc הַזֶּ֑ה וּרְאֵה֙d אֶת־הָאָ֔רֶץ אֲשֶׁ֥ר נָתַ֖תִּיe לִבְנֵ֥י יִשְׂרָאֵֽל׃

13 וְרָאִ֣יתָהa אֹתָ֔הּ וְנֶאֱסַפְתָּ֥b אֶל־עַמֶּ֖יךָ גַּם־אָ֑תָּה כַּאֲשֶׁ֥ר נֶאֱסַ֖ףc אַהֲרֹ֥ן אָחִֽיךָ׃

14 כַּאֲשֶׁר֩ מְרִיתֶ֨םa פִּ֜י בְּמִדְבַּר־צִ֗ןb בִּמְרִיבַת֙c הָֽעֵדָ֔ה לְהַקְדִּישֵׁ֥נִיd בַמַּ֖יִם לְעֵינֵיהֶ֑ם הֵ֛ם מֵֽי־מְרִיבַ֥תe קָדֵ֖שׁf מִדְבַּר־צִֽןg ׃ פ

15 וַיְדַבֵּ֣רa מֹשֶׁ֔ה אֶל־יְהוָ֖ה לֵאמֹֽרb ׃

16 יִפְקֹ֣דa יְהוָ֔ה אֱלֹהֵ֥י הָרוּחֹ֖ת לְכָל־בָּשָׂ֑ר אִ֖ישׁ עַל־הָעֵדָֽה׃

17 אֲשֶׁר־יֵצֵ֣אa לִפְנֵיהֶ֗ם וַאֲשֶׁ֤ר יָבֹא֙b לִפְנֵיהֶ֔ם וַאֲשֶׁ֥ר יֹוצִיאֵ֖םc וַאֲשֶׁ֣ר יְבִיאֵ֑םd וְלֹ֤א תִהְיֶה֙e עֲדַ֣ת יְהוָ֔ה כַּצֹּ֕אן אֲשֶׁ֥ר אֵין־לָהֶ֖ם רֹעֶֽה׃

18 וַיֹּ֨אמֶרa יְהוָ֜ה אֶל־מֹשֶׁ֗ה קַחb ־לְךָ֙ אֶת־יְהֹושֻׁ֣עַ בִּן־נ֔וּןc אִ֖ישׁ אֲשֶׁר־ר֣וּחַ בֹּ֑ו וְסָמַכְתָּ֥d אֶת־יָדְךָ֖ עָלָֽיו׃

19 וְהַֽעֲמַדְתָּ֣a אֹתֹ֗ו לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָ֑ה וְצִוִּיתָ֥הb אֹתֹ֖ו לְעֵינֵיהֶֽם׃

20 וְנָתַתָּ֥הa מֵהֹֽודְךָ֖b עָלָ֑יו לְמַ֣עַן יִשְׁמְע֔וּc כָּל־עֲדַ֖ת בְּנֵ֥י יִשְׂרָאֵֽל׃

21 וְלִפְנֵ֨י אֶלְעָזָ֤ר הַכֹּהֵן֙ יַעֲמֹ֔דa וְשָׁ֥אַלb לֹ֛ו בְּמִשְׁפַּ֥ט הָאוּרִ֖יםc לִפְנֵ֣י יְהוָ֑ה עַל־פִּ֨יו יֵצְא֜וּd וְעַל־פִּ֣יו יָבֹ֗אוּe ה֛וּא וְכָל־בְּנֵי־יִשְׂרָאֵ֥ל אִתֹּ֖ו וְכָל־הָעֵדָֽה׃

22 וַיַּ֣עַשׂa מֹשֶׁ֔ה כַּאֲשֶׁ֛ר צִוָּ֥הb יְהוָ֖ה אֹתֹ֑ו וַיִּקַּ֣חc אֶת־יְהֹושֻׁ֗עַ וַיַּֽעֲמִדֵ֨הוּ֙d לִפְנֵי֙ אֶלְעָזָ֣ר הַכֹּהֵ֔ן וְלִפְנֵ֖י כָּל־הָעֵדָֽה׃

23 וַיִּסְמֹ֧ךְa אֶת־יָדָ֛יו עָלָ֖יו וַיְצַוֵּ֑הוּb כַּאֲשֶׁ֛ר דִּבֶּ֥רc יְהוָ֖ה בְּיַד־מֹשֶֽׁה׃ פ