במדבר

וַיֹּ֤אמֶרa יְהוָה֙ אֶל־מֹשֶׁ֔ה וְאֶ֧ל אֶלְעָזָ֛ר בֶּן־אַהֲרֹ֥ן הַכֹּהֵ֖ן לֵאמֹֽרb ׃

2 שְׂא֞וּa אֶת־רֹ֣אשׁ׀ כָּל־עֲדַ֣ת בְּנֵי־יִשְׂרָאֵ֗ל מִבֶּ֨ן עֶשְׂרִ֥ים שָׁנָ֛ה וָמַ֖עְלָה לְבֵ֣ית אֲבֹתָ֑ם כָּל־יֹצֵ֥אb צָבָ֖א בְּיִשְׂרָאֵֽל׃

3 וַיְדַבֵּ֨רa מֹשֶׁ֜ה וְאֶלְעָזָ֧ר הַכֹּהֵ֛ן אֹתָ֖ם בְּעַֽרְבֹ֣ת מֹואָ֑ב עַל־יַרְדֵּ֥ן יְרֵחֹ֖ו לֵאמֹֽרb ׃

4 מִבֶּ֛ן עֶשְׂרִ֥ים שָׁנָ֖ה וָמָ֑עְלָה כַּאֲשֶׁר֩ צִוָּ֨הa יְהוָ֤ה אֶת־מֹשֶׁה֙ וּבְנֵ֣י יִשְׂרָאֵ֔ל הַיֹּצְאִ֖יםb מֵאֶ֥רֶץ מִצְרָֽיִם׃

5 רְאוּבֵ֖ן בְּכֹ֣ור יִשְׂרָאֵ֑ל בְּנֵ֣י רְאוּבֵ֗ן חֲנֹוךְ֙a מִשְׁפַּ֣חַת הַחֲנֹכִ֔יb לְפַלּ֕וּאc מִשְׁפַּ֖חַת הַפַּלֻּאִֽיd ׃

6 לְחֶצְרֹ֕ןa מִשְׁפַּ֖חַת הַֽחֶצְרֹונִ֑יb לְכַרְמִ֕יc מִשְׁפַּ֖חַת הַכַּרְמִֽיd ׃

7 אֵ֖לֶּה מִשְׁפְּחֹ֣ת הָרֻֽאוּבֵנִ֑יa וַיִּהְי֣וּb פְקֻדֵיהֶ֗ם שְׁלֹשָׁ֤ה וְאַרְבָּעִים֙ אֶ֔לֶף וּשְׁבַ֥ע מֵאֹ֖ות וּשְׁלֹשִֽׁים׃

8 וּבְנֵ֥י פַלּ֖וּאa אֱלִיאָֽבb ׃

9 וּבְנֵ֣י אֱלִיאָ֔בa נְמוּאֵ֖לb וְדָתָ֣ןc וַאֲבִירָ֑םd הֽוּא־דָתָ֨ןe וַאֲבִירָ֜םf קרואיg הָעֵדָ֗ה אֲשֶׁ֨ר הִצּ֜וּh עַל־מֹשֶׁ֤ה וְעַֽל־אַהֲרֹן֙ בַּעֲדַת־קֹ֔רַחi בְּהַצֹּתָ֖םj עַל־יְהוָֽה׃

10 וַתִּפְתַּ֨חa הָאָ֜רֶץ אֶת־פִּ֗יהָ וַתִּבְלַ֥עb אֹתָ֛ם וְאֶת־קֹ֖רַחc בְּמֹ֣ות הָעֵדָ֑ה בַּאֲכֹ֣לd הָאֵ֗שׁ אֵ֣ת חֲמִשִּׁ֤ים וּמָאתַ֨יִם֙ אִ֔ישׁ וַיִּהְי֖וּe לְנֵֽסf ׃

11 וּבְנֵי־קֹ֖רַחa לֹא־מֵֽתוּb ׃ ס

12 בְּנֵ֣י שִׁמְעֹון֮a לְמִשְׁפְּחֹתָם֒ לִנְמוּאֵ֗לb מִשְׁפַּ֨חַת֙ הַנְּמ֣וּאֵלִ֔יc לְיָמִ֕יןd מִשְׁפַּ֖חַת הַיָּמִינִ֑יe לְיָכִ֕יןf מִשְׁפַּ֖חַת הַיָּכִינִֽיg ׃

13 לְזֶ֕רַחa מִשְׁפַּ֖חַת הַזַּרְחִ֑יb לְשָׁא֕וּל מִשְׁפַּ֖חַת הַשָּׁאוּלִֽיc ׃

14 אֵ֖לֶּה מִשְׁפְּחֹ֣ת הַשִּׁמְעֹנִ֑יa שְׁנַ֧יִם וְעֶשְׂרִ֛ים אֶ֖לֶף וּמָאתָֽיִם׃ ס

15 בְּנֵ֣י גָד֮ לְמִשְׁפְּחֹתָם֒ לִצְפֹ֗וןa מִשְׁפַּ֨חַת֙ הַצְּפֹונִ֔יb לְחַגִּ֕יc מִשְׁפַּ֖חַת הַֽחַגִּ֑יd לְשׁוּנִ֕יe מִשְׁפַּ֖חַת הַשּׁוּנִֽיf ׃

16 לְאָזְנִ֕יa מִשְׁפַּ֖חַת הָאָזְנִ֑יb לְעֵרִ֕יc מִשְׁפַּ֖חַת הָעֵרִֽיd ׃

17 לַאֲרֹ֕ודa מִשְׁפַּ֖חַת הָאֲרֹודִ֑יb לְאַ֨רְאֵלִ֔יc מִשְׁפַּ֖חַת הָאַרְאֵלִֽיd ׃

18 אֵ֛לֶּה מִשְׁפְּחֹ֥ת בְּנֵֽי־גָ֖ד לִפְקֻדֵיהֶ֑ם אַרְבָּעִ֥ים אֶ֖לֶף וַחֲמֵ֥שׁ מֵאֹֽות׃ ס

19 בְּנֵ֥י יְהוּדָ֖ה עֵ֣רa וְאֹונָ֑ןb וַיָּ֥מָתc עֵ֛רd וְאֹונָ֖ןe בְּאֶ֥רֶץ כְּנָֽעַן׃

20 וַיִּהְי֣וּa בְנֵי־יְהוּדָה֮ לְמִשְׁפְּחֹתָם֒ לְשֵׁלָ֗הb מִשְׁפַּ֨חַת֙ הַשֵּׁ֣לָנִ֔יc לְפֶ֕רֶץd מִשְׁפַּ֖חַת הַפַּרְצִ֑יe לְזֶ֕רַחf מִשְׁפַּ֖חַת הַזַּרְחִֽיg ׃

21 וַיִּהְי֣וּa בְנֵי־פֶ֔רֶץb לְחֶצְרֹ֕ןc מִשְׁפַּ֖חַת הַֽחֶצְרֹנִ֑יd לְחָמ֕וּלe מִשְׁפַּ֖חַת הֶחָמוּלִֽיf ׃

22 אֵ֛לֶּה מִשְׁפְּחֹ֥ת יְהוּדָ֖ה לִפְקֻדֵיהֶ֑ם שִׁשָּׁ֧ה וְשִׁבְעִ֛ים אֶ֖לֶף וַחֲמֵ֥שׁ מֵאֹֽות׃ ס

23 בְּנֵ֤י יִשָּׂשכָר֙a לְמִשְׁפְּחֹתָ֔ם תֹּולָ֕עb מִשְׁפַּ֖חַת הַתֹּולָעִ֑יc לְפֻוָ֕הd מִשְׁפַּ֖חַת הַפּוּנִֽיe ׃

24 לְיָשׁ֕וּבa מִשְׁפַּ֖חַת הַיָּשׁוּבִ֑יb לְשִׁמְרֹ֕ןc מִשְׁפַּ֖חַת הַשִּׁמְרֹנִֽיd ׃

25 אֵ֛לֶּה מִשְׁפְּחֹ֥ת יִשָּׂשכָ֖רa לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וּשְׁלֹ֥שׁ מֵאֹֽות׃ ס

26 בְּנֵ֣י זְבוּלֻן֮a לְמִשְׁפְּחֹתָם֒ לְסֶ֗רֶדb מִשְׁפַּ֨חַת֙ הַסַּרְדִּ֔יc לְאֵלֹ֕וןd מִשְׁפַּ֖חַת הָאֵלֹנִ֑יe לְיַ֨חְלְאֵ֔לf מִשְׁפַּ֖חַת הַיַּחְלְאֵלִֽיg ׃

27 אֵ֛לֶּה מִשְׁפְּחֹ֥ת הַזְּבוּלֹנִ֖יa לִפְקֻדֵיהֶ֑ם שִׁשִּׁ֥ים אֶ֖לֶף וַחֲמֵ֥שׁ מֵאֹֽות׃ ס

28 בְּנֵ֥י יֹוסֵ֖ף לְמִשְׁפְּחֹתָ֑ם מְנַשֶּׁ֖ה וְאֶפְרָֽיִם׃

29 בְּנֵ֣י מְנַשֶּׁ֗ה לְמָכִיר֙a מִשְׁפַּ֣חַת הַמָּכִירִ֔יb וּמָכִ֖ירc הֹולִ֣ידd אֶת־גִּלְעָ֑ד לְגִלְעָ֕ד מִשְׁפַּ֖חַת הַגִּלְעָדִֽיe ׃

30 אֵ֚לֶּה בְּנֵ֣י גִלְעָ֔ד אִיעֶ֕זֶרa מִשְׁפַּ֖חַת הָאִֽיעֶזְרִ֑יb לְחֵ֕לֶקc מִשְׁפַּ֖חַת הַֽחֶלְקִֽיd ׃

31 וְאַ֨שְׂרִיאֵ֔לa מִשְׁפַּ֖חַת הָֽאַשְׂרִֽאֵלִ֑יb וְשֶׁ֕כֶםc מִשְׁפַּ֖חַת הַשִּׁכְמִֽיd ׃

32 וּשְׁמִידָ֕עa מִשְׁפַּ֖חַת הַשְּׁמִידָעִ֑יb וְחֵ֕פֶרc מִשְׁפַּ֖חַת הַֽחֶפְרִֽיd ׃

33 וּצְלָפְחָ֣דa בֶּן־חֵ֗פֶרb לֹא־הָ֥יוּc לֹ֛ו בָּנִ֖ים כִּ֣י אִם־בָּנֹ֑ות וְשֵׁם֙ בְּנֹ֣ות צְלָפְחָ֔דd מַחְלָ֣הe וְנֹעָ֔הf חָגְלָ֥הg מִלְכָּ֖הh וְתִרְצָֽהi ׃

34 אֵ֖לֶּה מִשְׁפְּחֹ֣ת מְנַשֶּׁ֑ה וּפְקֻ֣דֵיהֶ֔ם שְׁנַ֧יִם וַחֲמִשִּׁ֛ים אֶ֖לֶף וּשְׁבַ֥ע מֵאֹֽות׃ ס

35 אֵ֣לֶּה בְנֵי־אֶפְרַיִם֮ לְמִשְׁפְּחֹתָם֒ לְשׁוּתֶ֗לַחa מִשְׁפַּ֨חַת֙ הַשֻּׁ֣תַלְחִ֔יb לְבֶ֕כֶרc מִשְׁפַּ֖חַת הַבַּכְרִ֑יd לְתַ֕חַןe מִשְׁפַּ֖חַת הַֽתַּחֲנִֽיf ׃

36 וְאֵ֖לֶּה בְּנֵ֣י שׁוּתָ֑לַחa לְעֵרָ֕ןb מִשְׁפַּ֖חַת הָעֵרָנִֽיc ׃

37 אֵ֣לֶּה מִשְׁפְּחֹ֤ת בְּנֵי־אֶפְרַ֨יִם֙ לִפְקֻ֣דֵיהֶ֔ם שְׁנַ֧יִם וּשְׁלֹשִׁ֛ים אֶ֖לֶף וַחֲמֵ֣שׁ מֵאֹ֑ות אֵ֥לֶּה בְנֵי־יֹוסֵ֖ף לְמִשְׁפְּחֹתָֽם׃ ס

38 בְּנֵ֣י בִנְיָמִן֮ לְמִשְׁפְּחֹתָם֒ לְבֶ֗לַעa מִשְׁפַּ֨חַת֙ הַבַּלְעִ֔יb לְאַשְׁבֵּ֕לc מִשְׁפַּ֖חַת הָֽאַשְׁבֵּלִ֑יd לַאֲחִירָ֕םe מִשְׁפַּ֖חַת הָאֲחִירָמִֽיf ׃

39 לִשְׁפוּפָ֕םa מִשְׁפַּ֖חַת הַשּׁוּפָמִ֑יb לְחוּפָ֕םc מִשְׁפַּ֖חַת הַחוּפָמִֽיd ׃

40 וַיִּהְי֥וּa בְנֵי־בֶ֖לַעb אַ֣רְדְּc וְנַעֲמָ֑ןd מִשְׁפַּ֨חַת֙ הָֽאַרְדִּ֔יe לְנַֽעֲמָ֔ןf מִשְׁפַּ֖חַת הַֽנַּעֲמִֽיg ׃

41 אֵ֥לֶּה בְנֵי־בִנְיָמִ֖ן לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְשֵׁ֥שׁ מֵאֹֽות׃ ס

42 אֵ֤לֶּה בְנֵי־דָן֙ לְמִשְׁפְּחֹתָ֔ם לְשׁוּחָ֕םa מִשְׁפַּ֖חַת הַשּׁוּחָמִ֑יb אֵ֛לֶּה מִשְׁפְּחֹ֥ת דָּ֖ן לְמִשְׁפְּחֹתָֽם׃

43 כָּל־מִשְׁפְּחֹ֥ת הַשּׁוּחָמִ֖יa לִפְקֻדֵיהֶ֑ם אַרְבָּעָ֧ה וְשִׁשִּׁ֛ים אֶ֖לֶף וְאַרְבַּ֥ע מֵאֹֽות׃ ס

44 בְּנֵ֣י אָשֵׁר֮a לְמִשְׁפְּחֹתָם֒ לְיִמְנָ֗הb מִשְׁפַּ֨חַת֙ הַיִּמְנָ֔הc לְיִשְׁוִ֕יd מִשְׁפַּ֖חַת הַיִּשְׁוִ֑יe לִבְרִיעָ֕הf מִשְׁפַּ֖חַת הַבְּרִיעִֽיg ׃

45 לִבְנֵ֣י בְרִיעָ֔הa לְחֶ֕בֶרb מִשְׁפַּ֖חַת הַֽחֶבְרִ֑יc לְמַ֨לְכִּיאֵ֔לd מִשְׁפַּ֖חַת הַמַּלְכִּיאֵלִֽיe ׃

46 וְשֵׁ֥ם בַּת־אָשֵׁ֖רa שָֽׂרַחb ׃

47 אֵ֛לֶּה מִשְׁפְּחֹ֥ת בְּנֵי־אָשֵׁ֖רa לִפְקֻדֵיהֶ֑ם שְׁלֹשָׁ֧ה וַחֲמִשִּׁ֛ים אֶ֖לֶף וְאַרְבַּ֥ע מֵאֹֽות׃ ס

48 בְּנֵ֤י נַפְתָּלִי֙ לְמִשְׁפְּחֹתָ֔ם לְיַ֨חְצְאֵ֔לa מִשְׁפַּ֖חַת הַיַּחְצְאֵלִ֑יb לְגוּנִ֕יc מִשְׁפַּ֖חַת הַגּוּנִֽיd ׃

49 לְיֵ֕צֶרa מִשְׁפַּ֖חַת הַיִּצְרִ֑יb לְשִׁלֵּ֕םc מִשְׁפַּ֖חַת הַשִּׁלֵּמִֽיd ׃

50 אֵ֛לֶּה מִשְׁפְּחֹ֥ת נַפְתָּלִ֖י לְמִשְׁפְּחֹתָ֑ם וּפְקֻ֣דֵיהֶ֔ם חֲמִשָּׁ֧ה וְאַרְבָּעִ֛ים אֶ֖לֶף וְאַרְבַּ֥ע מֵאֹֽות׃

51 אֵ֗לֶּה פְּקוּדֵי֙ בְּנֵ֣י יִשְׂרָאֵ֔ל שֵׁשׁ־מֵאֹ֥ות אֶ֖לֶף וָאָ֑לֶף שְׁבַ֥ע מֵאֹ֖ות וּשְׁלֹשִֽׁים׃ פ

52 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

53 לָאֵ֗לֶּה תֵּחָלֵ֥קa הָאָ֛רֶץ בְּנַחֲלָ֖ה בְּמִסְפַּ֥ר שֵׁמֹֽות׃

54 לָרַ֗ב תַּרְבֶּה֙a נַחֲלָתֹ֔ו וְלַמְעַ֕ט תַּמְעִ֖יטb נַחֲלָתֹ֑ו אִ֚ישׁ לְפִ֣י פְקֻדָ֔יו יֻתַּ֖ןc נַחֲלָתֹֽו׃

55 אַךְ־בְּגֹורָ֕ל יֵחָלֵ֖קa אֶת־הָאָ֑רֶץ לִשְׁמֹ֥ות מַטֹּות־אֲבֹתָ֖ם יִנְחָֽלוּb ׃

56 עַל־פִּי֙ הַגֹּורָ֔ל תֵּחָלֵ֖קa נַחֲלָתֹ֑ו בֵּ֥ין רַ֖ב לִמְעָֽט׃ ס

57 וְאֵ֨לֶּה פְקוּדֵ֣י הַלֵּוִי֮ לְמִשְׁפְּחֹתָם֒ לְגֵרְשֹׁ֗וןa מִשְׁפַּ֨חַת֙ הַגֵּ֣רְשֻׁנִּ֔יb לִקְהָ֕תc מִשְׁפַּ֖חַת הַקְּהָתִ֑יd לִמְרָרִ֕יe מִשְׁפַּ֖חַת הַמְּרָרִֽיf ׃

58 אֵ֣לֶּה׀ מִשְׁפְּחֹ֣ת לֵוִ֗י מִשְׁפַּ֨חַת הַלִּבְנִ֜יa מִשְׁפַּ֤חַת הַֽחֶבְרֹנִי֙b מִשְׁפַּ֤חַת הַמַּחְלִי֙c מִשְׁפַּ֣חַת הַמּוּשִׁ֔יd מִשְׁפַּ֖חַת הַקָּרְחִ֑יe וּקְהָ֖תf הֹולִ֥דg אֶת־עַמְרָֽםh ׃

59 וְשֵׁ֣ם׀ אֵ֣שֶׁת עַמְרָ֗םa יֹוכֶ֨בֶד֙b בַּת־לֵוִ֔י אֲשֶׁ֨ר יָלְדָ֥הc אֹתָ֛הּ לְלֵוִ֖י בְּמִצְרָ֑יִם וַתֵּ֣לֶדd לְעַמְרָ֗םe אֶֽת־אַהֲרֹן֙ וְאֶת־מֹשֶׁ֔ה וְאֵ֖ת מִרְיָ֥םf אֲחֹתָֽם׃

60 וַיִּוָּלֵ֣דa לְאַהֲרֹ֔ן אֶת־נָדָ֖בb וְאֶת־אֲבִיה֑וּאc אֶת־אֶלְעָזָ֖ר וְאֶת־אִיתָמָֽרd ׃

61 וַיָּ֥מָתa נָדָ֖בb וַאֲבִיה֑וּאc בְּהַקְרִיבָ֥םd אֵשׁ־זָרָ֖ה לִפְנֵ֥י יְהוָֽה׃

62 וַיִּהְי֣וּa פְקֻדֵיהֶ֗ם שְׁלֹשָׁ֤ה וְעֶשְׂרִים֙ אֶ֔לֶף כָּל־זָכָ֖ר מִבֶּן־חֹ֣דֶשׁ וָמָ֑עְלָה כִּ֣י׀ לֹ֣א הָתְפָּקְד֗וּb בְּתֹוךְ֙ בְּנֵ֣י יִשְׂרָאֵ֔ל כִּ֠י לֹא־נִתַּ֤ןc לָהֶם֙ נַחֲלָ֔ה בְּתֹ֖וךְ בְּנֵ֥י יִשְׂרָאֵֽל׃

63 אֵ֚לֶּה פְּקוּדֵ֣י מֹשֶׁ֔ה וְאֶלְעָזָ֖ר הַכֹּהֵ֑ן אֲשֶׁ֨ר פָּֽקְד֜וּa אֶת־בְּנֵ֤י יִשְׂרָאֵל֙ בְּעַֽרְבֹ֣ת מֹואָ֔ב עַ֖ל יַרְדֵּ֥ן יְרֵחֹֽו׃

64 וּבְאֵ֨לֶּה֙ לֹא־הָ֣יָהa אִ֔ישׁ מִפְּקוּדֵ֣י מֹשֶׁ֔ה וְאַהֲרֹ֖ן הַכֹּהֵ֑ן אֲשֶׁ֥ר פָּקְד֛וּb אֶת־בְּנֵ֥י יִשְׂרָאֵ֖ל בְּמִדְבַּ֥ר סִינָֽיc ׃

65 כִּֽי־אָמַ֤רa יְהוָה֙ לָהֶ֔ם מֹ֥ות יָמֻ֖תוּb בַּמִּדְבָּ֑ר וְלֹא־נֹותַ֤רc מֵהֶם֙ אִ֔ישׁ כִּ֚י אִם־כָּלֵ֣בd בֶּן־יְפֻנֶּ֔הe וִיהֹושֻׁ֖עַ בִּן־נֽוּןf ׃ ס