במדבר

וַיֹּ֤אמֶרa בִּלְעָם֙ אֶל־בָּלָ֔קb בְּנֵהc ־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ןd לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃

2 וַיַּ֣עַשׂa בָּלָ֔קb כַּאֲשֶׁ֖ר דִּבֶּ֣רc בִּלְעָ֑ם וַיַּ֨עַלd בָּלָ֧קe וּבִלְעָ֛ם פָּ֥ר וָאַ֖יִל בַּמִּזְבֵּֽחַ׃

3 וַיֹּ֨אמֶרa בִּלְעָ֜ם לְבָלָ֗קb הִתְיַצֵּב֮c עַל־עֹלָתֶךָ֒ וְאֵֽלְכָ֗הd אוּלַ֞יe יִקָּרֵ֤הf יְהוָה֙ לִקְרָאתִ֔יg וּדְבַ֥ר מַה־יַּרְאֵ֖נִיh וְהִגַּ֣דְתִּיi לָ֑ךְ וַיֵּ֖לֶךְj שֶֽׁפִיk ׃

4 וַיִּקָּ֥רa אֱלֹהִ֖ים אֶל־בִּלְעָ֑ם וַיֹּ֣אמֶרb אֵלָ֗יו אֶת־שִׁבְעַ֤ת הַֽמִּזְבְּחֹת֙ עָרַ֔כְתִּיc וָאַ֛עַלd פָּ֥ר וָאַ֖יִל בַּמִּזְבֵּֽחַ׃

5 וַיָּ֧שֶׂםa יְהוָ֛ה דָּבָ֖ר בְּפִ֣י בִלְעָ֑ם וַיֹּ֛אמֶרb שׁ֥וּבc אֶל־בָּלָ֖קd וְכֹ֥ה תְדַבֵּֽרe ׃

6 וַיָּ֣שָׁבa אֵלָ֔יו וְהִנֵּ֥ה נִצָּ֖בb עַל־עֹלָתֹ֑ו ה֖וּא וְכָל־שָׂרֵ֥י מֹואָֽב׃

7 וַיִּשָּׂ֥אa מְשָׁלֹ֖וb וַיֹּאמַ֑רc מִן־אֲ֠רָם יַנְחֵ֨נִיd בָלָ֤קe מֶֽלֶךְ־מֹואָב֙ מֵֽהַרְרֵי־קֶ֔דֶם לְכָה֙f אָֽרָהg ־לִּ֣י יַעֲקֹ֔ב וּלְכָ֖הh זֹעֲמָ֥הi יִשְׂרָאֵֽל׃

8 מָ֣ה אֶקֹּ֔בa לֹ֥א קַבֹּ֖הb אֵ֑ל וּמָ֣ה אֶזְעֹ֔םc לֹ֥א זָעַ֖םd יְהוָֽה׃

9 כִּֽי־מֵרֹ֤אשׁ צֻרִים֙ אֶרְאֶ֔נּוּa וּמִגְּבָעֹ֖ות אֲשׁוּרֶ֑נּוּb הֶן־עָם֙ לְבָדָ֣דc יִשְׁכֹּ֔ןd וּבַגֹּויִ֖ם לֹ֥א יִתְחַשָּֽׁבe ׃

10 מִ֤י מָנָה֙a עֲפַ֣ר יַעֲקֹ֔ב וּמִסְפָּ֖ר אֶת־רֹ֣בַעb יִשְׂרָאֵ֑ל תָּמֹ֤תc נַפְשִׁי֙ מֹ֣ות יְשָׁרִ֔ים וּתְהִ֥יd אַחֲרִיתִ֖י כָּמֹֽהוּ׃

11 וַיֹּ֤אמֶרa בָּלָק֙b אֶל־בִּלְעָ֔ם מֶ֥ה עָשִׂ֖יתָc לִ֑י לָקֹ֤בd אֹיְבַי֙ לְקַחְתִּ֔יךָe וְהִנֵּ֖ה בֵּרַ֥כְתָּf בָרֵֽךְ׃

12 וַיַּ֖עַןa וַיֹּאמַ֑רb הֲלֹ֗א אֵת֩ אֲשֶׁ֨ר יָשִׂ֤יםc יְהוָה֙ בְּפִ֔י אֹתֹ֥ו אֶשְׁמֹ֖רd לְדַבֵּֽרe ׃

13 וַיֹּ֨אמֶרa אֵלָ֜יו בָּלָ֗קb לךc ־נָּ֨א אִתִּ֜י אֶל־מָקֹ֤ום אַחֵר֙ אֲשֶׁ֣ר תִּרְאֶ֣נּוּd מִשָּׁ֔ם אֶ֚פֶסe קָצֵ֣הוּ תִרְאֶ֔הf וְכֻלֹּ֖ו לֹ֣א תִרְאֶ֑הg וְקָבְנֹוh ־לִ֖י מִשָּֽׁם׃

14 וַיִּקָּחֵ֨הוּ֙a שְׂדֵ֣ה צֹפִ֔יםb אֶל־רֹ֖אשׁ הַפִּסְגָּ֑הc וַיִּ֨בֶן֙d שִׁבְעָ֣ה מִזְבְּחֹ֔ת וַיַּ֛עַלe פָּ֥ר וָאַ֖יִל בַּמִּזְבֵּֽחַ׃

15 וַיֹּ֨אמֶר֙a אֶל־בָּלָ֔קb הִתְיַצֵּ֥בc כֹּ֖ה עַל־עֹלָתֶ֑ךָ וְאָנֹכִ֖י אִקָּ֥רֶהd כֹּֽה׃

16 וַיִּקָּ֤רa יְהוָה֙ אֶל־בִּלְעָ֔ם וַיָּ֥שֶׂםb דָּבָ֖ר בְּפִ֑יו וַיֹּ֛אמֶרc שׁ֥וּבd אֶל־בָּלָ֖קe וְכֹ֥ה תְדַבֵּֽרf ׃

17 וַיָּבֹ֣אa אֵלָ֗יו וְהִנֹּ֤ו נִצָּב֙b עַל־עֹ֣לָתֹ֔ו וְשָׂרֵ֥י מֹואָ֖ב אִתֹּ֑ו וַיֹּ֤אמֶרc לֹו֙ בָּלָ֔קd מַה־דִּבֶּ֖רe יְהוָֽה׃

18 וַיִּשָּׂ֥אa מְשָׁלֹ֖וb וַיֹּאמַ֑רc ק֤וּםd בָּלָק֙e וּֽשֲׁמָ֔עf הַאֲזִ֥ינָהg עָדַ֖י בְּנֹ֥ו צִפֹּֽרh ׃

19 לֹ֣א אִ֥ישׁ אֵל֙ וִֽיכַזֵּ֔בa וּבֶן־אָדָ֖ם וְיִתְנֶחָ֑םb הַה֤וּא אָמַר֙c וְלֹ֣א יַעֲשֶׂ֔הd וְדִבֶּ֖רe וְלֹ֥א יְקִימֶֽנָּהf ׃

20 הִנֵּ֥ה בָרֵ֖ךְa לָקָ֑חְתִּיb וּבֵרֵ֖ךְc וְלֹ֥א אֲשִׁיבֶֽנָּהd ׃

21 לֹֽא־הִבִּ֥יטa אָ֨וֶן֙ בְּיַעֲקֹ֔ב וְלֹא־רָאָ֥הb עָמָ֖ל בְּיִשְׂרָאֵ֑ל יְהוָ֤ה אֱלֹהָיו֙ עִמֹּ֔ו וּתְרוּעַ֥תc מֶ֖לֶךְ בֹּֽו׃

22 אֵ֖ל מֹוצִיאָ֣םa מִמִּצְרָ֑יִם כְּתֹועֲפֹ֥תb רְאֵ֖םc לֹֽו׃

23 כִּ֤י לֹא־נַ֨חַשׁ֙a בְּיַעֲקֹ֔ב וְלֹא־קֶ֖סֶםb בְּיִשְׂרָאֵ֑ל כָּעֵ֗ת יֵאָמֵ֤רc לְיַעֲקֹב֙ וּלְיִשְׂרָאֵ֔ל מַה־פָּ֖עַלd אֵֽל׃

24 הֶן־עָם֙ כְּלָבִ֣יאa יָק֔וּםb וְכַאֲרִ֖יc יִתְנַשָּׂ֑אd לֹ֤א יִשְׁכַּב֙e עַד־יֹ֣אכַלf טֶ֔רֶףg וְדַם־חֲלָלִ֖ים יִשְׁתֶּֽהh ׃

25 וַיֹּ֤אמֶרa בָּלָק֙b אֶל־בִּלְעָ֔ם גַּם־קֹ֖בc לֹ֣א תִקֳּבֶ֑נּוּd גַּם־בָּרֵ֖ךְ לֹ֥א תְבָרֲכֶֽנּוּe ׃

26 וַיַּ֣עַןa בִּלְעָ֔ם וַיֹּ֖אמֶרb אֶל־בָּלָ֑קc הֲלֹ֗א דִּבַּ֤רְתִּיd אֵלֶ֨יךָ֙ לֵאמֹ֔רe כֹּ֛ל אֲשֶׁר־יְדַבֵּ֥רf יְהוָ֖ה אֹתֹ֥ו אֶֽעֱשֶֽׂהg ׃

27 וַיֹּ֤אמֶרa בָּלָק֙b אֶל־בִּלְעָ֔ם לְכָהc ־נָּא֙ אֶקָּ֣חֲךָ֔d אֶל־מָקֹ֖ום אַחֵ֑ר אוּלַ֤יe יִישַׁר֙f בְּעֵינֵ֣י הָאֱלֹהִ֔ים וְקַבֹּ֥תֹוg לִ֖י מִשָּֽׁם׃

28 וַיִּקַּ֥חa בָּלָ֖קb אֶת־בִּלְעָ֑ם רֹ֣אשׁ הַפְּעֹ֔ורc הַנִּשְׁקָ֖ףd עַל־פְּנֵ֥י הַיְשִׁימֹֽןe ׃

29 וַיֹּ֤אמֶרa בִּלְעָם֙ אֶל־בָּלָ֔קb בְּנֵהc ־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ןd לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃

30 וַיַּ֣עַשׂa בָּלָ֔קb כַּאֲשֶׁ֖ר אָמַ֣רc בִּלְעָ֑ם וַיַּ֛עַלd פָּ֥ר וָאַ֖יִל בַּמִּזְבֵּֽחַ׃