במדבר

וַיֹּ֤אמֶרa יְהוָה֙ אֶֽל־אַהֲרֹ֔ן אַתָּ֗ה וּבָנֶ֤יךָ וּבֵית־אָבִ֨יךָ֙ אִתָּ֔ךְ תִּשְׂא֖וּb אֶת־עֲוֹ֣ן הַמִּקְדָּ֑שׁ וְאַתָּה֙ וּבָנֶ֣יךָ אִתָּ֔ךְ תִּשְׂא֖וּc אֶת־עֲוֹ֥ן כְּהֻנַּתְכֶֽםd ׃

2 וְגַ֣ם אֶת־אַחֶיךָ֩ מַטֵּ֨ה לֵוִ֜י שֵׁ֤בֶט אָבִ֨יךָ֙ הַקְרֵ֣בa אִתָּ֔ךְ וְיִלָּו֥וּb עָלֶ֖יךָ וִֽישָׁרְת֑וּךָc וְאַתָּה֙ וּבָנֶ֣יךָ אִתָּ֔ךְ לִפְנֵ֖י אֹ֥הֶל הָעֵדֻֽת׃

3 וְשָֽׁמְרוּ֙a מִֽשְׁמַרְתְּךָ֔ וּמִשְׁמֶ֖רֶת כָּל־הָאֹ֑הֶל אַךְ֩ אֶל־כְּלֵ֨י הַקֹּ֤דֶשׁ וְאֶל־הַמִּזְבֵּ֨חַ֙ לֹ֣א יִקְרָ֔בוּb וְלֹֽא־יָמֻ֥תוּc גַם־הֵ֖ם גַּם־אַתֶּֽם׃

4 וְנִלְו֣וּa עָלֶ֔יךָ וְשָֽׁמְר֗וּb אֶת־מִשְׁמֶ֨רֶת֙ אֹ֣הֶל מֹועֵ֔ד לְכֹ֖ל עֲבֹדַ֣ת הָאֹ֑הֶל וְזָ֖ר לֹא־יִקְרַ֥בc אֲלֵיכֶֽם׃

5 וּשְׁמַרְתֶּ֗םa אֵ֚ת מִשְׁמֶ֣רֶת הַקֹּ֔דֶשׁ וְאֵ֖ת מִשְׁמֶ֣רֶת הַמִּזְבֵּ֑חַ וְלֹֽא־יִהְיֶ֥הb עֹ֛וד קֶ֖צֶףc עַל־בְּנֵ֥י יִשְׂרָאֵֽל׃

6 וַאֲנִ֗י הִנֵּ֤ה לָקַ֨חְתִּי֙a אֶת־אֲחֵיכֶ֣ם הַלְוִיִּ֔ם מִתֹּ֖וךְ בְּנֵ֣י יִשְׂרָאֵ֑ל לָכֶ֞ם מַתָּנָ֤הb נְתֻנִים֙c לַֽיהוָ֔ה לַעֲבֹ֕דd אֶת־עֲבֹדַ֖ת אֹ֥הֶל מֹועֵֽד׃

7 וְאַתָּ֣ה וּבָנֶ֣יךָ אִ֠תְּךָ תִּשְׁמְר֨וּa אֶת־כְּהֻנַּתְכֶ֜םb לְכָל־דְּבַ֧ר הַמִּזְבֵּ֛חַ וּלְמִבֵּ֥ית לַפָּרֹ֖כֶתc וַעֲבַדְתֶּ֑םd עֲבֹדַ֣ת מַתָּנָ֗הe אֶתֵּן֙f אֶת־כְּהֻנַּתְכֶ֔םg וְהַזָּ֥ר הַקָּרֵ֖בh יוּמָֽתi ׃ ס

8 וַיְדַבֵּ֣רa יְהוָה֮ אֶֽל־אַהֲרֹן֒ וַאֲנִי֙ הִנֵּ֣ה נָתַ֣תִּֽיb לְךָ֔ אֶת־מִשְׁמֶ֖רֶת תְּרוּמֹתָ֑י לְכָל־קָדְשֵׁ֣י בְנֵֽי־יִ֠שְׂרָאֵל לְךָ֙ נְתַתִּ֧יםc לְמָשְׁחָ֛הd וּלְבָנֶ֖יךָ לְחָק־עֹולָֽם׃

9 זֶֽה־יִהְיֶ֥הa לְךָ֛ מִקֹּ֥דֶשׁ הַקֳּדָשִׁ֖ים מִן־הָאֵ֑שׁ כָּל־קָ֠רְבָּנָם לְֽכָל־מִנְחָתָ֞ם וּלְכָל־חַטָּאתָ֗ם וּלְכָל־אֲשָׁמָם֙b אֲשֶׁ֣ר יָשִׁ֣יבוּc לִ֔י קֹ֣דֶשׁ קָֽדָשִׁ֥ים לְךָ֛ ה֖וּא וּלְבָנֶֽיךָ׃

10 בְּקֹ֥דֶשׁ הַקֳּדָשִׁ֖ים תֹּאכֲלֶ֑נּוּa כָּל־זָכָר֙ יֹאכַ֣לb אֹתֹ֔ו קֹ֖דֶשׁ יִֽהְיֶהc ־לָּֽךְ׃

11 וְזֶה־לְּךָ֞ תְּרוּמַ֣ת מַתָּנָ֗םa לְכָל־תְּנוּפֹת֮b בְּנֵ֣י יִשְׂרָאֵל֒ לְךָ֣ נְתַתִּ֗יםc וּלְבָנֶ֧יךָ וְלִבְנֹתֶ֛יךָ אִתְּךָ֖ לְחָק־עֹולָ֑ם כָּל־טָהֹ֥ור בְּבֵיתְךָ֖ יֹאכַ֥לd אֹתֹֽו׃

12 כֹּ֚ל חֵ֣לֶב יִצְהָ֔רa וְכָל־חֵ֖לֶב תִּירֹ֣ושׁb וְדָגָ֑ןc רֵאשִׁיתָ֛ם אֲשֶׁר־יִתְּנ֥וּd לַֽיהוָ֖ה לְךָ֥ נְתַתִּֽיםe ׃

13 בִּכּוּרֵ֞יa כָּל־אֲשֶׁ֧ר בְּאַרְצָ֛ם אֲשֶׁר־יָבִ֥יאוּb לַיהוָ֖ה לְךָ֣ יִהְיֶ֑הc כָּל־טָהֹ֥ור בְּבֵיתְךָ֖ יֹאכֲלֶֽנּוּd ׃

14 כָּל־חֵ֥רֶםa בְּיִשְׂרָאֵ֖ל לְךָ֥ יִהְיֶֽהb ׃

15 כָּל־פֶּ֣טֶרa רֶ֠חֶםb לְֽכָל־בָּשָׂ֞ר אֲשֶׁר־יַקְרִ֧יבוּc לַֽיהוָ֛ה בָּאָדָ֥ם וּבַבְּהֵמָ֖ה יִֽהְיֶהd ־לָּ֑ךְ אַ֣ךְ׀ פָּדֹ֣ה תִפְדֶּ֗הe אֵ֚ת בְּכֹ֣ור הָֽאָדָ֔ם וְאֵ֛ת בְּכֹֽור־הַבְּהֵמָ֥ה הַטְּמֵאָ֖ה תִּפְדֶּֽהf ׃

16 וּפְדוּיָו֙a מִבֶּן־חֹ֣דֶשׁ תִּפְדֶּ֔הb בְּעֶ֨רְכְּךָ֔c כֶּ֛סֶף חֲמֵ֥שֶׁת שְׁקָלִ֖ים בְּשֶׁ֣קֶל הַקֹּ֑דֶשׁ עֶשְׂרִ֥ים גֵּרָ֖הd הֽוּא׃

17 אַ֣ךְ בְּֽכֹור־שֹׁ֡ור אֹֽו־בְכֹ֨ור כֶּ֜שֶׂבa אֹֽו־בְכֹ֥ור עֵ֛ז לֹ֥א תִפְדֶּ֖הb קֹ֣דֶשׁ הֵ֑ם אֶת־דָּמָ֞ם תִּזְרֹ֤קc עַל־הַמִּזְבֵּ֨חַ֙ וְאֶת־חֶלְבָּ֣ם תַּקְטִ֔ירd אִשֶּׁ֛ה לְרֵ֥יחַ נִיחֹ֖חַe לַֽיהוָֽה׃

18 וּבְשָׂרָ֖ם יִהְיֶהa ־לָּ֑ךְ כַּחֲזֵ֧הb הַתְּנוּפָ֛הc וּכְשֹׁ֥וקd הַיָּמִ֖ין לְךָ֥ יִהְיֶֽהe ׃

19 כֹּ֣ל׀ תְּרוּמֹ֣ת הַקֳּדָשִׁ֗ים אֲשֶׁ֨ר יָרִ֥ימוּa בְנֵֽי־יִשְׂרָאֵל֮ לַֽיהוָה֒ נָתַ֣תִּֽיb לְךָ֗ וּלְבָנֶ֧יךָ וְלִבְנֹתֶ֛יךָ אִתְּךָ֖ לְחָק־עֹולָ֑ם בְּרִית֩ מֶ֨לַחc עֹולָ֥ם הִוא֙ לִפְנֵ֣י יְהוָ֔ה לְךָ֖ וּלְזַרְעֲךָ֥ אִתָּֽךְ׃

20 וַיֹּ֨אמֶרa יְהוָ֜ה אֶֽל־אַהֲרֹ֗ן בְּאַרְצָם֙ לֹ֣א תִנְחָ֔לb וְחֵ֕לֶק לֹא־יִהְיֶ֥הc לְךָ֖ בְּתֹוכָ֑ם אֲנִ֤י חֶלְקְךָ֙ וְנַחֲלָ֣תְךָ֔ בְּתֹ֖וךְ בְּנֵ֥י יִשְׂרָאֵֽל׃ ס

21 וְלִבְנֵ֣י לֵוִ֔י הִנֵּ֥ה נָתַ֛תִּיa כָּל־מַֽעֲשֵׂ֥רb בְּיִשְׂרָאֵ֖ל לְנַחֲלָ֑ה חֵ֤לֶףc עֲבֹֽדָתָם֙ אֲשֶׁר־הֵ֣ם עֹֽבְדִ֔יםd אֶת־עֲבֹדַ֖ת אֹ֥הֶל מֹועֵֽד׃

22 וְלֹא־יִקְרְב֥וּa עֹ֛וד בְּנֵ֥י יִשְׂרָאֵ֖ל אֶל־אֹ֣הֶל מֹועֵ֑ד לָשֵׂ֥אתb חֵ֖טְאc לָמֽוּתd ׃

23 וְעָבַ֨דa הַלֵּוִ֜י ה֗וּא אֶת־עֲבֹדַת֙ אֹ֣הֶל מֹועֵ֔ד וְהֵ֖ם יִשְׂא֣וּb עֲוֹנָ֑ם חֻקַּ֤ת עֹולָם֙ לְדֹרֹ֣תֵיכֶ֔ם וּבְתֹוךְ֙ בְּנֵ֣י יִשְׂרָאֵ֔ל לֹ֥א יִנְחֲל֖וּc נַחֲלָֽה׃

24 כִּ֞י אֶת־מַעְשַׂ֣רa בְּנֵֽי־יִשְׂרָאֵ֗ל אֲשֶׁ֨ר יָרִ֤ימוּb לַֽיהוָה֙ תְּרוּמָ֔ה נָתַ֥תִּיc לַלְוִיִּ֖ם לְנַחֲלָ֑ה עַל־כֵּן֙ אָמַ֣רְתִּיd לָהֶ֔ם בְּתֹוךְ֙ בְּנֵ֣י יִשְׂרָאֵ֔ל לֹ֥א יִנְחֲל֖וּe נַחֲלָֽה׃ פ

25 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

26 וְאֶל־הַלְוִיִּ֣ם תְּדַבֵּר֮a וְאָמַרְתָּ֣b אֲלֵהֶם֒ כִּֽי־תִ֠קְחוּc מֵאֵ֨ת בְּנֵֽי־יִשְׂרָאֵ֜ל אֶת־הַֽמַּעֲשֵׂ֗רd אֲשֶׁ֨ר נָתַ֧תִּיe לָכֶ֛ם מֵאִתָּ֖ם בְּנַחֲלַתְכֶ֑ם וַהֲרֵמֹתֶ֤םf מִמֶּ֨נּוּ֙ תְּרוּמַ֣ת יְהוָ֔ה מַעֲשֵׂ֖רg מִן־הַֽמַּעֲשֵֽׂרh ׃

27 וְנֶחְשַׁ֥בa לָכֶ֖ם תְּרוּמַתְכֶ֑ם כַּדָּגָן֙b מִן־הַגֹּ֔רֶןc וְכַֽמְלֵאָ֖הd מִן־הַיָּֽקֶבe ׃

28 כֵּ֣ן תָּרִ֤ימוּa גַם־אַתֶּם֙ תְּרוּמַ֣ת יְהוָ֔ה מִכֹּל֙ מַעְשְׂרֹ֣תֵיכֶ֔םb אֲשֶׁ֣ר תִּקְח֔וּc מֵאֵ֖ת בְּנֵ֣י יִשְׂרָאֵ֑ל וּנְתַתֶּ֤םd מִמֶּ֨נּוּ֙ אֶת־תְּרוּמַ֣ת יְהוָ֔ה לְאַהֲרֹ֖ן הַכֹּהֵֽן׃

29 מִכֹּל֙ מַתְּנֹ֣תֵיכֶ֔םa תָּרִ֕ימוּb אֵ֖ת כָּל־תְּרוּמַ֣ת יְהוָ֑ה מִכָּל־חֶלְבֹּ֔ו אֶֽת־מִקְדְּשֹׁ֖ו מִמֶּֽנּוּ׃

30 וְאָמַרְתָּ֖a אֲלֵהֶ֑ם בַּהֲרִֽימְכֶ֤םb אֶת־חֶלְבֹּו֙ מִמֶּ֔נּוּ וְנֶחְשַׁב֙c לַלְוִיִּ֔ם כִּתְבוּאַ֥תd גֹּ֖רֶןe וְכִתְבוּאַ֥תf יָֽקֶבg ׃

31 וַאֲכַלְתֶּ֤םa אֹתֹו֙ בְּכָל־מָקֹ֔ום אַתֶּ֖ם וּבֵֽיתְכֶ֑ם כִּֽי־שָׂכָ֥רb הוּא֙ לָכֶ֔ם חֵ֥לֶףc עֲבֹֽדַתְכֶ֖ם בְּאֹ֥הֶל מֹועֵֽד׃

32 וְלֹֽא־תִשְׂא֤וּa עָלָיו֙ חֵ֔טְאb בַּהֲרִֽימְכֶ֥םc אֶת־חֶלְבֹּ֖ו מִמֶּ֑נּוּ וְאֶת־קָדְשֵׁ֧י בְנֵי־יִשְׂרָאֵ֛ל לֹ֥א תְחַלְּל֖וּd וְלֹ֥א תָמֽוּתוּe ׃ פ