במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 אֱמֹ֨רa אֶל־אֶלְעָזָ֜ר בֶּן־אַהֲרֹ֣ן הַכֹּהֵ֗ן וְיָרֵ֤םb אֶת־הַמַּחְתֹּת֙c מִבֵּ֣ין הַשְּׂרֵפָ֔הd וְאֶת־הָאֵ֖שׁ זְרֵהe ־הָ֑לְאָהf כִּ֖י קָדֵֽשׁוּg ׃

3 אֵ֡ת מַחְתֹּות֩a הַֽחַטָּאִ֨יםb הָאֵ֜לֶּה בְּנַפְשֹׁתָ֗ם וְעָשׂ֨וּc אֹתָ֜ם רִקֻּעֵ֤יd פַחִים֙e צִפּ֣וּיf לַמִּזְבֵּ֔חַ כִּֽי־הִקְרִיבֻ֥םg לִפְנֵֽי־יְהוָ֖ה וַיִּקְדָּ֑שׁוּh וְיִֽהְי֥וּi לְאֹ֖ות לִבְנֵ֥י יִשְׂרָאֵֽל׃

4 וַיִּקַּ֞חa אֶלְעָזָ֣ר הַכֹּהֵ֗ן אֵ֚ת מַחְתֹּ֣ותb הַנְּחֹ֔שֶׁת אֲשֶׁ֥ר הִקְרִ֖יבוּc הַשְּׂרֻפִ֑ים וַֽיְרַקְּע֖וּםd צִפּ֥וּיe לַמִּזְבֵּֽחַ׃

5 זִכָּרֹ֞וןa לִבְנֵ֣י יִשְׂרָאֵ֗ל לְ֠מַעַן אֲשֶׁ֨ר לֹֽא־יִקְרַ֜בb אִ֣ישׁ זָ֗ר אֲ֠שֶׁר לֹ֣א מִזֶּ֤רַע אַהֲרֹן֙ ה֔וּא לְהַקְטִ֥ירc קְטֹ֖רֶת לִפְנֵ֣י יְהוָ֑ה וְלֹֽא־יִהְיֶ֤הd כְקֹ֨רַח֙e וְכַ֣עֲדָתֹ֔ו כַּאֲשֶׁ֨ר דִּבֶּ֧רf יְהוָ֛ה בְּיַד־מֹשֶׁ֖ה לֹֽו׃

6 וַיִּלֹּ֜נוּa כָּל־עֲדַ֤ת בְּנֵֽי־יִשְׂרָאֵל֙ מִֽמָּחֳרָ֔תb עַל־מֹשֶׁ֥ה וְעַֽל־אַהֲרֹ֖ן לֵאמֹ֑רc אַתֶּ֥ם הֲמִתֶּ֖םd אֶת־עַ֥ם יְהוָֽה׃

7 וַיְהִ֗יa בְּהִקָּהֵ֤לb הָֽעֵדָה֙ עַל־מֹשֶׁ֣ה וְעַֽל־אַהֲרֹ֔ן וַיִּפְנוּ֙c אֶל־אֹ֣הֶל מֹועֵ֔ד וְהִנֵּ֥ה כִסָּ֖הוּd הֶעָנָ֑ן וַיֵּרָ֖אe כְּבֹ֥וד יְהוָֽה׃

8 וַיָּבֹ֤אa מֹשֶׁה֙ וְאַהֲרֹ֔ן אֶל־פְּנֵ֖י אֹ֥הֶל מֹועֵֽד׃ פ

9 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

10 הֵרֹ֗מּוּa מִתֹּוךְ֙ הָעֵדָ֣ה הַזֹּ֔את וַאֲכַלֶּ֥הb אֹתָ֖ם כְּרָ֑גַעc וַֽיִּפְּל֖וּd עַל־פְּנֵיהֶֽם׃

11 וַיֹּ֨אמֶרa מֹשֶׁ֜ה אֶֽל־אַהֲרֹ֗ן קַ֣חb אֶת־הַ֠מַּחְתָּהc וְתֶןd ־עָלֶ֨יהָ אֵ֜שׁ מֵעַ֤ל הַמִּזְבֵּ֨חַ֙ וְשִׂ֣יםe קְטֹ֔רֶת וְהֹולֵ֧ךְf מְהֵרָ֛הg אֶל־הָעֵדָ֖ה וְכַפֵּ֣רh עֲלֵיהֶ֑ם כִּֽי־יָצָ֥אi הַקֶּ֛צֶףj מִלִּפְנֵ֥י יְהוָ֖ה הֵחֵ֥לk הַנָּֽגֶףl ׃

12 וַיִּקַּ֨חa אַהֲרֹ֜ן כַּאֲשֶׁ֣ר׀ דִּבֶּ֣רb מֹשֶׁ֗ה וַיָּ֨רָץ֙c אֶל־תֹּ֣וך הַקָּהָ֔ל וְהִנֵּ֛ה הֵחֵ֥לd הַנֶּ֖גֶףe בָּעָ֑ם וַיִּתֵּן֙f אֶֽת־הַקְּטֹ֔רֶת וַיְכַפֵּ֖רg עַל־הָעָֽם׃

13 וַיַּעֲמֹ֥דa בֵּֽין־הַמֵּתִ֖ים וּבֵ֣ין הַֽחַיִּ֑ים וַתֵּעָצַ֖רb הַמַּגֵּפָֽהc ׃

14 וַיִּהְי֗וּa הַמֵּתִים֙b בַּמַּגֵּפָ֔הc אַרְבָּעָ֥ה עָשָׂ֛ר אֶ֖לֶף וּשְׁבַ֣ע מֵאֹ֑ות מִלְּבַ֥ד הַמֵּתִ֖יםd עַל־דְּבַר־קֹֽרַחe ׃

15 וַיָּ֤שָׁבa אַהֲרֹן֙ אֶל־מֹשֶׁ֔ה אֶל־פֶּ֖תַח אֹ֣הֶל מֹועֵ֑ד וְהַמַּגֵּפָ֖הb נֶעֱצָֽרָהc ׃ פ

16 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

17 דַּבֵּ֣רa ׀ אֶל־בְּנֵ֣י יִשְׂרָאֵ֗ל וְקַ֣חb מֵֽאִתָּ֡ם מַטֶּ֣ה מַטֶּה֩ לְבֵ֨ית אָ֜ב מֵאֵ֤ת כָּל־נְשִֽׂיאֵהֶם֙ לְבֵ֣ית אֲבֹתָ֔ם שְׁנֵ֥ים עָשָׂ֖ר מַטֹּ֑ות אִ֣ישׁ אֶת־שְׁמֹ֔ו תִּכְתֹּ֖בc עַל־מַטֵּֽהוּ׃

18 וְאֵת֙ שֵׁ֣ם אַהֲרֹ֔ן תִּכְתֹּ֖בa עַל־מַטֵּ֣ה לֵוִ֑י כִּ֚י מַטֶּ֣ה אֶחָ֔ד לְרֹ֖אשׁ בֵּ֥ית אֲבֹותָֽם׃

19 וְהִנַּחְתָּ֖םa בְּאֹ֣הֶל מֹועֵ֑ד לִפְנֵי֙ הָֽעֵד֔וּת אֲשֶׁ֛ר אִוָּעֵ֥דb לָכֶ֖ם שָֽׁמָּה׃

20 וְהָיָ֗הa הָאִ֛ישׁ אֲשֶׁ֥ר אֶבְחַרb ־בֹּ֖ו מַטֵּ֣הוּ יִפְרָ֑חc וַהֲשִׁכֹּתִ֣יd מֵֽעָלַ֗י אֶת־תְּלֻנֹּות֙e בְּנֵ֣י יִשְׂרָאֵ֔ל אֲשֶׁ֛ר הֵ֥ם מַלִּינִ֖םf עֲלֵיכֶֽם׃

21 וַיְדַבֵּ֨רa מֹשֶׁ֜ה אֶל־בְּנֵ֣י יִשְׂרָאֵ֗ל וַיִּתְּנ֣וּb אֵלָ֣יו׀ כָּֽל־נְשִֽׂיאֵיהֶ֡ם מַטֶּה֩ לְנָשִׂ֨יא אֶחָ֜ד מַטֶּ֨ה לְנָשִׂ֤יא אֶחָד֙ לְבֵ֣ית אֲבֹתָ֔ם שְׁנֵ֥ים עָשָׂ֖ר מַטֹּ֑ות וּמַטֵּ֥ה אַהֲרֹ֖ן בְּתֹ֥וךְ מַטֹּותָֽם׃

22 וַיַּנַּ֥חa מֹשֶׁ֛ה אֶת־הַמַּטֹּ֖ת לִפְנֵ֣י יְהוָ֑ה בְּאֹ֖הֶל הָעֵדֻֽת׃

23 וַיְהִ֣יa מִֽמָּחֳרָ֗תb וַיָּבֹ֤אc מֹשֶׁה֙ אֶל־אֹ֣הֶל הָעֵד֔וּת וְהִנֵּ֛ה פָּרַ֥חd מַטֵּֽה־אַהֲרֹ֖ן לְבֵ֣ית לֵוִ֑י וַיֹּ֤צֵֽאe פֶ֨רַח֙f וַיָּ֣צֵֽץg צִ֔יץh וַיִּגְמֹ֖לi שְׁקֵדִֽיםj ׃

24 וַיֹּצֵ֨אa מֹשֶׁ֤ה אֶת־כָּל־הַמַּטֹּת֙ מִלִּפְנֵ֣י יְהוָ֔ה אֶֽל־כָּל־בְּנֵ֖י יִשְׂרָאֵ֑ל וַיִּרְא֥וּb וַיִּקְח֖וּc אִ֥ישׁ מַטֵּֽהוּ׃ ס

25 וַיֹּ֨אמֶרa יְהוָ֜ה אֶל־מֹשֶׁ֗ה הָשֵׁ֞בb אֶת־מַטֵּ֤ה אַהֲרֹן֙ לִפְנֵ֣י הָעֵד֔וּת לְמִשְׁמֶ֥רֶת לְאֹ֖ות לִבְנֵי־מֶ֑רִיc וּתְכַ֧לd תְּלוּנֹּתָ֛םe מֵעָלַ֖י וְלֹ֥א יָמֻֽתוּf ׃

26 וַיַּ֖עַשׂa מֹשֶׁ֑ה כַּאֲשֶׁ֨ר צִוָּ֧הb יְהוָ֛ה אֹתֹ֖ו כֵּ֥ן עָשָֽׂהc ׃ ס

27 וַיֹּֽאמְרוּ֙a בְּנֵ֣י יִשְׂרָאֵ֔ל אֶל־מֹשֶׁ֖ה לֵאמֹ֑רb הֵ֥ן גָּוַ֛עְנוּc אָבַ֖דְנוּd כֻּלָּ֥נוּ אָבַֽדְנוּe ׃

28 כֹּ֣ל הַקָּרֵ֧בa ׀ הַקָּרֵ֛בb אֶל־מִשְׁכַּ֥ן יְהוָ֖ה יָמ֑וּתc הַאִ֥ם תַּ֖מְנוּd לִגְוֹֽעַe ׃ ס