במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּר֙a אֶל־בְּנֵ֣י יִשְׂרָאֵ֔ל וְאָמַרְתָּ֖b אֲלֵהֶ֑ם כִּ֣י תָבֹ֗אוּc אֶל־אֶ֨רֶץ֙ מֹושְׁבֹ֣תֵיכֶ֔םd אֲשֶׁ֥ר אֲנִ֖י נֹתֵ֥ןe לָכֶֽם׃

3 וַעֲשִׂיתֶ֨םa אִשֶּׁ֤ה לַֽיהוָה֙ עֹלָ֣ה אֹו־זֶ֔בַח לְפַלֵּאb ־נֶ֨דֶר֙ אֹ֣ו בִנְדָבָ֔הc אֹ֖ו בְּמֹעֲדֵיכֶ֑ם לַעֲשֹׂ֞ותd רֵ֤יחַ נִיחֹ֨חַ֙e לַֽיהוָ֔ה מִן־הַבָּקָ֖ר אֹ֥ו מִן־הַצֹּֽאן׃

4 וְהִקְרִ֛יבa הַמַּקְרִ֥יבb קָרְבָּנֹ֖ו לַֽיהוָ֑ה מִנְחָה֙ סֹ֣לֶת עִשָּׂרֹ֔וןc בָּל֕וּלd בִּרְבִעִ֥ית הַהִ֖יןe שָֽׁמֶן׃

5 וְיַ֤יִן לַנֶּ֨סֶךְ֙ רְבִיעִ֣ית הַהִ֔יןa תַּעֲשֶׂ֥הb עַל־הָעֹלָ֖ה אֹ֣ו לַזָּ֑בַח לַכֶּ֖בֶשׂ הָאֶחָֽד׃

6 אֹ֤ו לָאַ֨יִל֙ תַּעֲשֶׂ֣הa מִנְחָ֔ה סֹ֖לֶת שְׁנֵ֣י עֶשְׂרֹנִ֑יםb בְּלוּלָ֥הc בַשֶּׁ֖מֶן שְׁלִשִׁ֥יתd הַהִֽיןe ׃

7 וְיַ֥יִן לַנֶּ֖סֶךְ שְׁלִשִׁ֣יתa הַהִ֑יןb תַּקְרִ֥יבc רֵֽיחַ־נִיחֹ֖חַd לַיהוָֽה׃

8 וְכִֽי־תַעֲשֶׂ֥הa בֶן־בָּקָ֖ר עֹלָ֣ה אֹו־זָ֑בַח לְפַלֵּאb ־נֶ֥דֶר אֹֽו־שְׁלָמִ֖ים לַֽיהוָֽה׃

9 וְהִקְרִ֤יבa עַל־בֶּן־הַבָּקָר֙ מִנְחָ֔ה סֹ֖לֶת שְׁלֹשָׁ֣ה עֶשְׂרֹנִ֑יםb בָּל֥וּלc בַּשֶּׁ֖מֶן חֲצִ֥י הַהִֽיןd ׃

10 וְיַ֛יִן תַּקְרִ֥יבa לַנֶּ֖סֶךְ חֲצִ֣י הַהִ֑יןb אִשֵּׁ֥ה רֵֽיחַ־נִיחֹ֖חַc לַיהוָֽה׃

11 כָּ֣כָהa יֵעָשֶׂ֗הb לַשֹּׁור֙ הָֽאֶחָ֔ד אֹ֖ו לָאַ֣יִל הָאֶחָ֑ד אֹֽו־לַשֶּׂ֥הc בַכְּבָשִׂ֖ים אֹ֥ו בָעִזִּֽים׃

12 כַּמִּסְפָּ֖ר אֲשֶׁ֣ר תַּעֲשׂ֑וּa כָּ֛כָהb תַּעֲשׂ֥וּc לָאֶחָ֖ד כְּמִסְפָּרָֽם׃

13 כָּל־הָאֶזְרָ֥חa יַעֲשֶׂהb ־כָּ֖כָהc אֶת־אֵ֑לֶּה לְהַקְרִ֛יבd אִשֵּׁ֥ה רֵֽיחַ־נִיחֹ֖חַe לַֽיהוָֽה׃

14 וְכִֽי־יָגוּר֩a אִתְּכֶ֨ם גֵּ֜ר אֹ֤ו אֲשֶֽׁר־בְּתֹֽוכְכֶם֙ לְדֹרֹ֣תֵיכֶ֔ם וְעָשָׂ֛הb אִשֵּׁ֥ה רֵֽיחַ־נִיחֹ֖חַc לַיהוָ֑ה כַּאֲשֶׁ֥ר תַּעֲשׂ֖וּd כֵּ֥ן יַעֲשֶֽׂהe ׃

15 הַקָּהָ֕ל חֻקָּ֥ה אַחַ֛ת לָכֶ֖ם וְלַגֵּ֣ר הַגָּ֑ר חֻקַּ֤ת עֹולָם֙ לְדֹרֹ֣תֵיכֶ֔ם כָּכֶ֛ם כַּגֵּ֥ר יִהְיֶ֖הa לִפְנֵ֥י יְהוָֽה׃

16 תֹּורָ֥ה אַחַ֛ת וּמִשְׁפָּ֥ט אֶחָ֖ד יִהְיֶ֣הa לָכֶ֑ם וְלַגֵּ֖ר הַגָּ֥רb אִתְּכֶֽם׃ פ

17 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

18 דַּבֵּר֙a אֶל־בְּנֵ֣י יִשְׂרָאֵ֔ל וְאָמַרְתָּ֖b אֲלֵהֶ֑ם בְּבֹֽאֲכֶם֙c אֶל־הָאָ֔רֶץ אֲשֶׁ֥ר אֲנִ֛י מֵבִ֥יאd אֶתְכֶ֖ם שָֽׁמָּה׃

19 וְהָיָ֕הa בַּאֲכָלְכֶ֖םb מִלֶּ֣חֶם הָאָ֑רֶץ תָּרִ֥ימוּc תְרוּמָ֖ה לַיהוָֽה׃

20 רֵאשִׁית֙ עֲרִסֹ֣תֵכֶ֔םa חַלָּ֖הb תָּרִ֣ימוּc תְרוּמָ֑ה כִּתְרוּמַ֣ת גֹּ֔רֶןd כֵּ֖ן תָּרִ֥ימוּe אֹתָֽהּ׃

21 מֵרֵאשִׁית֙ עֲרִסֹ֣תֵיכֶ֔םa תִּתְּנ֥וּb לַיהוָ֖ה תְּרוּמָ֑ה לְדֹרֹ֖תֵיכֶֽם׃ ס

22 וְכִ֣י תִשְׁגּ֔וּa וְלֹ֣א תַעֲשׂ֔וּb אֵ֥ת כָּל־הַמִּצְוֹ֖ת הָאֵ֑לֶּה אֲשֶׁר־דִּבֶּ֥רc יְהוָ֖ה אֶל־מֹשֶֽׁה׃

23 אֵת֩ כָּל־אֲשֶׁ֨ר צִוָּ֧הa יְהוָ֛ה אֲלֵיכֶ֖ם בְּיַד־מֹשֶׁ֑ה מִן־הַיֹּ֞ום אֲשֶׁ֨ר צִוָּ֧הb יְהוָ֛ה וָהָ֖לְאָהc לְדֹרֹתֵיכֶֽם׃

24 וְהָיָ֗הa אִ֣ם מֵעֵינֵ֣י הָעֵדָה֮ נֶעֶשְׂתָ֣הb לִשְׁגָגָה֒c וְעָשׂ֣וּd כָל־הָעֵדָ֡ה פַּ֣ר בֶּן־בָּקָר֩ אֶחָ֨ד לְעֹלָ֜ה לְרֵ֤יחַ נִיחֹ֨חַ֙e לַֽיהוָ֔ה וּמִנְחָתֹ֥ו וְנִסְכֹּ֖ו כַּמִּשְׁפָּ֑ט וּשְׂעִיר־עִזִּ֥ים אֶחָ֖ד לְחַטָּֽת׃

25 וְכִפֶּ֣רa הַכֹּהֵ֗ן עַֽל־כָּל־עֲדַ֛ת בְּנֵ֥י יִשְׂרָאֵ֖ל וְנִסְלַ֣חb לָהֶ֑ם כִּֽי־שְׁגָגָ֣הc הִ֔וא וְהֵם֩ הֵבִ֨יאוּd אֶת־קָרְבָּנָ֜ם אִשֶּׁ֣ה לַֽיהוָ֗ה וְחַטָּאתָ֛ם לִפְנֵ֥י יְהוָ֖ה עַל־שִׁגְגָתָֽםe ׃

26 וְנִסְלַ֗חa לְכָל־עֲדַת֙ בְּנֵ֣י יִשְׂרָאֵ֔ל וְלַגֵּ֖ר הַגָּ֣רb בְּתֹוכָ֑ם כִּ֥י לְכָל־הָעָ֖ם בִּשְׁגָגָֽהc ׃ ס

27 וְאִם־נֶ֥פֶשׁ אַחַ֖ת תֶּחֱטָ֣אa בִשְׁגָגָ֑הb וְהִקְרִ֛יבָהc עֵ֥ז בַּת־שְׁנָתָ֖הּ לְחַטָּֽאת׃

28 וְכִפֶּ֣רa הַכֹּהֵ֗ן עַל־הַנֶּ֧פֶשׁ הַשֹּׁגֶ֛גֶתb בְּחֶטְאָ֥הc בִשְׁגָגָ֖הd לִפְנֵ֣י יְהוָ֑ה לְכַפֵּ֥רe עָלָ֖יו וְנִסְלַ֥חf לֹֽו׃

29 הָֽאֶזְרָח֙a בִּבְנֵ֣י יִשְׂרָאֵ֔ל וְלַגֵּ֖ר הַגָּ֣רb בְּתֹוכָ֑ם תֹּורָ֤ה אַחַת֙ יִהְיֶ֣הc לָכֶ֔ם לָעֹשֶׂ֖ה בִּשְׁגָגָֽהd ׃

30 וְהַנֶּ֜פֶשׁ אֲשֶֽׁר־תַּעֲשֶׂ֣הa ׀ בְּיָ֣ד רָמָ֗ה מִן־הָֽאֶזְרָח֙b וּמִן־הַגֵּ֔ר אֶת־יְהוָ֖ה ה֣וּא מְגַדֵּ֑ףc וְנִכְרְתָ֛הd הַנֶּ֥פֶשׁ הַהִ֖וא מִקֶּ֥רֶב עַמָּֽהּ׃

31 כִּ֤י דְבַר־יְהוָה֙ בָּזָ֔הa וְאֶת־מִצְוָתֹ֖ו הֵפַ֑רb הִכָּרֵ֧ת׀ תִּכָּרֵ֛תc הַנֶּ֥פֶשׁ הַהִ֖וא עֲוֹנָ֥ה בָֽהּ׃ פ

32 וַיִּהְי֥וּa בְנֵֽי־יִשְׂרָאֵ֖ל בַּמִּדְבָּ֑ר וַֽיִּמְצְא֗וּb אִ֛ישׁ מְקֹשֵׁ֥שׁc עֵצִ֖ים בְּיֹ֥ום הַשַּׁבָּֽת׃

33 וַיַּקְרִ֣יבוּa אֹתֹ֔ו הַמֹּצְאִ֥יםb אֹתֹ֖ו מְקֹשֵׁ֣שׁc עֵצִ֑ים אֶל־מֹשֶׁה֙ וְאֶֽל־אַהֲרֹ֔ן וְאֶ֖ל כָּל־הָעֵדָֽה׃

34 וַיַּנִּ֥יחוּa אֹתֹ֖ו בַּמִּשְׁמָ֑רb כִּ֚י לֹ֣א פֹרַ֔שׁc מַה־יֵּעָשֶׂ֖הd לֹֽו׃ ס

35 וַיֹּ֤אמֶרa יְהוָה֙ אֶל־מֹשֶׁ֔ה מֹ֥ות יוּמַ֖תb הָאִ֑ישׁ רָגֹ֨וםc אֹתֹ֤ו בָֽאֲבָנִים֙ כָּל־הָ֣עֵדָ֔ה מִח֖וּץ לַֽמַּחֲנֶֽה׃

36 וַיֹּצִ֨יאוּa אֹתֹ֜ו כָּל־הָעֵדָ֗ה אֶל־מִחוּץ֙ לַֽמַּחֲנֶ֔ה וַיִּרְגְּמ֥וּb אֹתֹ֛ו בָּאֲבָנִ֖ים וַיָּמֹ֑תc כַּאֲשֶׁ֛ר צִוָּ֥הd יְהוָ֖ה אֶת־מֹשֶֽׁה׃ פ

37 וַיֹּ֥אמֶרa יְהוָ֖ה אֶל־מֹשֶׁ֥ה לֵּאמֹֽרb ׃

38 דַּבֵּ֞רa אֶל־בְּנֵ֤י יִשְׂרָאֵל֙ וְאָמַרְתָּ֣b אֲלֵהֶ֔ם וְעָשׂ֨וּc לָהֶ֥ם צִיצִ֛תd עַל־כַּנְפֵ֥י בִגְדֵיהֶ֖ם לְדֹרֹתָ֑ם וְנָֽתְנ֛וּe עַל־צִיצִ֥תf הַכָּנָ֖ף פְּתִ֥ילg תְּכֵֽלֶתh ׃

39 וְהָיָ֣הa לָכֶם֮ לְצִיצִת֒b וּרְאִיתֶ֣םc אֹתֹ֗ו וּזְכַרְתֶּם֙d אֶת־כָּל־מִצְוֹ֣ת יְהוָ֔ה וַעֲשִׂיתֶ֖םe אֹתָ֑ם וְלֹֽא־תָתֻ֜רוּf אַחֲרֵ֤י לְבַבְכֶם֙ וְאַחֲרֵ֣י עֵֽינֵיכֶ֔ם אֲשֶׁר־אַתֶּ֥ם זֹנִ֖יםg אַחֲרֵיהֶֽם׃

40 לְמַ֣עַן תִּזְכְּר֔וּa וַעֲשִׂיתֶ֖םb אֶת־כָּל־מִצְוֹתָ֑י וִהְיִיתֶ֥םc קְדֹשִׁ֖ים לֵֽאלֹהֵיכֶֽם׃

41 אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הֹוצֵ֤אתִיa אֶתְכֶם֙ מֵאֶ֣רֶץ מִצְרַ֔יִם לִהְיֹ֥ותb לָכֶ֖ם לֵאלֹהִ֑ים אֲנִ֖י יְהוָ֥ה אֱלֹהֵיכֶֽם׃ פ