14
וַתִּשָּׂא֙a
כָּל־הָ֣עֵדָ֔ה וַֽיִּתְּנ֖וּb
אֶת־קֹולָ֑ם וַיִּבְכּ֥וּc
הָעָ֖ם בַּלַּ֥יְלָה הַהֽוּא׃
2
וַיִּלֹּ֨נוּ֙a
עַל־מֹשֶׁ֣ה וְעַֽל־אַהֲרֹ֔ן כֹּ֖ל בְּנֵ֣י יִשְׂרָאֵ֑ל וַֽיֹּאמְר֨וּb
אֲלֵהֶ֜ם כָּל־הָעֵדָ֗ה לוּc
־מַ֨תְנוּ֙d
בְּאֶ֣רֶץ מִצְרַ֔יִם אֹ֛ו בַּמִּדְבָּ֥ר הַזֶּ֖ה לוּe
־מָֽתְנוּf
׃
3
וְלָמָ֣ה יְ֠הוָה מֵבִ֨יאa
אֹתָ֜נוּ אֶל־הָאָ֤רֶץ הַזֹּאת֙ לִנְפֹּ֣לb
בַּחֶ֔רֶב נָשֵׁ֥ינוּ וְטַפֵּ֖נוּc
יִהְי֣וּd
לָבַ֑זe
הֲלֹ֧וא טֹ֦וב לָ֖נוּ שׁ֥וּבf
מִצְרָֽיְמָה׃
4
וַיֹּאמְר֖וּa
אִ֣ישׁ אֶל־אָחִ֑יו נִתְּנָ֥הb
רֹ֖אשׁ וְנָשׁ֥וּבָהc
מִצְרָֽיְמָה׃
5
וַיִּפֹּ֥לa
מֹשֶׁ֛ה וְאַהֲרֹ֖ן עַל־פְּנֵיהֶ֑ם לִפְנֵ֕י כָּל־קְהַ֥ל עֲדַ֖ת בְּנֵ֥י יִשְׂרָאֵֽל׃
6
וִיהֹושֻׁ֣עַ בִּן־נ֗וּןa
וְכָלֵב֙b
בֶּן־יְפֻנֶּ֔הc
מִן־הַתָּרִ֖יםd
אֶת־הָאָ֑רֶץ קָרְע֖וּe
בִּגְדֵיהֶֽם׃
7
וַיֹּ֣אמְר֔וּa
אֶל־כָּל־עֲדַ֥ת בְּנֵֽי־יִשְׂרָאֵ֖ל לֵאמֹ֑רb
הָאָ֗רֶץ אֲשֶׁ֨ר עָבַ֤רְנוּc
בָהּ֙ לָת֣וּרd
אֹתָ֔הּ טֹובָ֥ה הָאָ֖רֶץ מְאֹ֥ד מְאֹֽד׃
8
אִם־חָפֵ֥ץa
בָּ֨נוּ֙ יְהוָ֔ה וְהֵבִ֤יאb
אֹתָ֨נוּ֙ אֶל־הָאָ֣רֶץ הַזֹּ֔את וּנְתָנָ֖הּc
לָ֑נוּ אֶ֕רֶץ אֲשֶׁר־הִ֛וא זָבַ֥תd
חָלָ֖בe
וּדְבָֽשׁ׃
9
אַ֣ךְ בַּֽיהוָה֮ אַל־תִּמְרֹדוּ֒a
וְאַתֶּ֗ם אַל־תִּֽירְאוּ֙b
אֶת־עַ֣ם הָאָ֔רֶץ כִּ֥י לַחְמֵ֖נוּ הֵ֑ם סָ֣רc
צִלָּ֧ם מֵעֲלֵיהֶ֛ם וַֽיהוָ֥ה אִתָּ֖נוּ אַל־תִּירָאֻֽםd
׃
10
וַיֹּֽאמְרוּ֙a
כָּל־הָ֣עֵדָ֔ה לִרְגֹּ֥וםb
אֹתָ֖ם בָּאֲבָנִ֑ים וּכְבֹ֣וד יְהוָ֗ה נִרְאָה֙c
בְּאֹ֣הֶל מֹועֵ֔ד אֶֽל־כָּל־בְּנֵ֖י יִשְׂרָאֵֽל׃ פ
11
וַיֹּ֤אמֶרa
יְהוָה֙ אֶל־מֹשֶׁ֔ה עַד־אָ֥נָהb
יְנַאֲצֻ֖נִיc
הָעָ֣ם הַזֶּ֑ה וְעַד־אָ֨נָה֙d
לֹא־יַאֲמִ֣ינוּe
בִ֔י בְּכֹל֙ הָֽאֹתֹ֔ות אֲשֶׁ֥ר עָשִׂ֖יתִיf
בְּקִרְבֹּֽו׃
12
אַכֶּ֥נּוּa
בַדֶּ֖בֶרb
וְאֹורִשֶׁ֑נּוּc
וְאֶֽעֱשֶׂה֙d
אֹֽתְךָ֔ לְגֹוי־גָּדֹ֥ול וְעָצ֖וּםe
מִמֶּֽנּוּ׃
13
וַיֹּ֥אמֶרa
מֹשֶׁ֖ה אֶל־יְהוָ֑ה וְשָׁמְע֣וּb
מִצְרַ֔יִם כִּֽי־הֶעֱלִ֧יתָc
בְכֹחֲךָ֛ אֶת־הָעָ֥ם הַזֶּ֖ה מִקִּרְבֹּֽו׃
14
וְאָמְר֗וּa
אֶל־יֹושֵׁב֮ הָאָ֣רֶץ הַזֹּאת֒ שָֽׁמְעוּ֙b
כִּֽי־אַתָּ֣ה יְהוָ֔ה בְּקֶ֖רֶב הָעָ֣ם הַזֶּ֑ה אֲשֶׁר־עַ֨יִן בְּעַ֜יִן נִרְאָ֣הc
׀ אַתָּ֣ה יְהוָ֗ה וַעֲנָֽנְךָ֙ עֹמֵ֣דd
עֲלֵהֶ֔ם וּבְעַמֻּ֣ד עָנָ֗ן אַתָּ֨ה הֹלֵ֤ךְe
לִפְנֵיהֶם֙ יֹומָ֔ם וּבְעַמּ֥וּד אֵ֖שׁ לָֽיְלָה׃
15
וְהֵמַתָּ֛הa
אֶת־הָעָ֥ם הַזֶּ֖ה כְּאִ֣ישׁ אֶחָ֑ד וְאָֽמְרוּ֙b
הַגֹּויִ֔ם אֲשֶׁר־שָׁמְע֥וּc
אֶֽת־שִׁמְעֲךָ֖d
לֵאמֹֽרe
׃
16
מִבִּלְתִּ֞י יְכֹ֣לֶתa
יְהוָ֗ה לְהָבִיא֙b
אֶת־הָעָ֣ם הַזֶּ֔ה אֶל־הָאָ֖רֶץ אֲשֶׁר־נִשְׁבַּ֣עc
לָהֶ֑ם וַיִּשְׁחָטֵ֖םd
בַּמִּדְבָּֽר׃
17
וְעַתָּ֕ה יִגְדַּלa
־נָ֖א כֹּ֣חַ אֲדֹנָ֑י כַּאֲשֶׁ֥ר דִּבַּ֖רְתָּb
לֵאמֹֽרc
׃
18
יְהוָ֗ה אֶ֤רֶךְa
אַפַּ֨יִם֙ וְרַב־חֶ֔סֶד נֹשֵׂ֥אb
עָוֹ֖ן וָפָ֑שַׁע וְנַקֵּה֙c
לֹ֣א יְנַקֶּ֔הd
פֹּקֵ֞דe
עֲוֹ֤ן אָבֹות֙ עַל־בָּנִ֔ים עַל־שִׁלֵּשִׁ֖יםf
וְעַל־רִבֵּעִֽיםg
׃
19
סְלַֽחa
־נָ֗א לַעֲוֹ֛ן הָעָ֥ם הַזֶּ֖ה כְּגֹ֣דֶלb
חַסְדֶּ֑ךָ וְכַאֲשֶׁ֤ר נָשָׂ֨אתָה֙c
לָעָ֣ם הַזֶּ֔ה מִמִּצְרַ֖יִם וְעַד־הֵֽנָּה׃
20
וַיֹּ֣אמֶרa
יְהוָ֔ה סָלַ֖חְתִּיb
כִּדְבָרֶֽךָ׃
21
וְאוּלָ֖םa
חַי־אָ֑נִי וְיִמָּלֵ֥אb
כְבֹוד־יְהוָ֖ה אֶת־כָּל־הָאָֽרֶץ׃
22
כִּ֣י כָל־הָאֲנָשִׁ֗ים הָרֹאִ֤יםa
אֶת־כְּבֹדִי֙ וְאֶת־אֹ֣תֹתַ֔י אֲשֶׁר־עָשִׂ֥יתִיb
בְמִצְרַ֖יִם וּבַמִּדְבָּ֑ר וַיְנַסּ֣וּc
אֹתִ֗י זֶ֚ה עֶ֣שֶׂר פְּעָמִ֔ים וְלֹ֥א שָׁמְע֖וּd
בְּקֹולִֽי׃
23
אִם־יִרְאוּ֙a
אֶת־הָאָ֔רֶץ אֲשֶׁ֥ר נִשְׁבַּ֖עְתִּיb
לַאֲבֹתָ֑ם וְכָל־מְנַאֲצַ֖יc
לֹ֥א יִרְאֽוּהָd
׃
24
וְעַבְדִּ֣י כָלֵ֗בa
עֵ֣קֶבb
הָֽיְתָ֞הc
ר֤וּחַ אַחֶ֨רֶת֙ עִמֹּ֔ו וַיְמַלֵּ֖אd
אַחֲרָ֑י וַהֲבִֽיאֹתִ֗יוe
אֶל־הָאָ֨רֶץ֙ אֲשֶׁר־בָּ֣אf
שָׁ֔מָּה וְזַרְעֹ֖ו יֹורִשֶֽׁנָּהg
׃
25
וְהָֽעֲמָלֵקִ֥יa
וְהַֽכְּנַעֲנִ֖י יֹושֵׁ֣בb
בָּעֵ֑מֶק מָחָ֗ר פְּנ֨וּc
וּסְע֥וּd
לָכֶ֛ם הַמִּדְבָּ֖ר דֶּ֥רֶךְ יַם־סֽוּףe
׃ פ
26
וַיְדַבֵּ֣רa
יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽרb
׃
27
עַד־מָתַ֗יa
לָעֵדָ֤ה הָֽרָעָה֙ הַזֹּ֔את אֲשֶׁ֛ר הֵ֥מָּה מַלִּינִ֖יםb
עָלָ֑י אֶת־תְּלֻנֹּ֞ותc
בְּנֵ֣י יִשְׂרָאֵ֗ל אֲשֶׁ֨ר הֵ֧מָּה מַלִּינִ֛יםd
עָלַ֖י שָׁמָֽעְתִּיe
׃
28
אֱמֹ֣רa
אֲלֵהֶ֗ם חַי־אָ֨נִי֙ נְאֻם־יְהוָ֔ה אִם־לֹ֕א כַּאֲשֶׁ֥ר דִּבַּרְתֶּ֖םb
בְּאָזְנָ֑י כֵּ֖ן אֶֽעֱשֶׂ֥הc
לָכֶֽם׃
29
בַּמִּדְבָּ֣ר הַ֠זֶּה יִפְּל֨וּa
פִגְרֵיכֶ֜םb
וְכָל־פְּקֻדֵיכֶם֙ לְכָל־מִסְפַּרְכֶ֔ם מִבֶּ֛ן עֶשְׂרִ֥ים שָׁנָ֖ה וָמָ֑עְלָה אֲשֶׁ֥ר הֲלִֽינֹתֶ֖םc
עָלָֽי׃
30
אִם־אַתֶּם֙ תָּבֹ֣אוּa
אֶל־הָאָ֔רֶץ אֲשֶׁ֤ר נָשָׂ֨אתִי֙b
אֶת־יָדִ֔י לְשַׁכֵּ֥ןc
אֶתְכֶ֖ם בָּ֑הּ כִּ֚י אִם־כָּלֵ֣בd
בֶּן־יְפֻנֶּ֔הe
וִיהֹושֻׁ֖עַ בִּן־נֽוּןf
׃
31
וְטַ֨פְּכֶ֔םa
אֲשֶׁ֥ר אֲמַרְתֶּ֖םb
לָבַ֣זc
יִהְיֶ֑הd
וְהֵבֵיאתִ֣יe
אֹתָ֔ם וְיָֽדְעוּ֙f
אֶת־הָאָ֔רֶץ אֲשֶׁ֥ר מְאַסְתֶּ֖םg
בָּֽהּ׃
32
וּפִגְרֵיכֶ֖םa
אַתֶּ֑ם יִפְּל֖וּb
בַּמִּדְבָּ֥ר הַזֶּֽה׃
33
וּ֠בְנֵיכֶם יִהְי֨וּa
רֹעִ֤ים בַּמִּדְבָּר֙ אַרְבָּעִ֣ים שָׁנָ֔ה וְנָשְׂא֖וּb
אֶת־זְנוּתֵיכֶ֑םc
עַד־תֹּ֥םd
פִּגְרֵיכֶ֖םe
בַּמִּדְבָּֽר׃
34
בְּמִסְפַּ֨ר הַיָּמִ֜ים אֲשֶׁר־תַּרְתֶּ֣םa
אֶת־הָאָרֶץ֮ אַרְבָּעִ֣ים יֹום֒ יֹ֣ום לַשָּׁנָ֞ה יֹ֣ום לַשָּׁנָ֗ה תִּשְׂאוּ֙b
אֶת־עֲוֹנֹ֣תֵיכֶ֔ם אַרְבָּעִ֖ים שָׁנָ֑ה וִֽידַעְתֶּ֖םc
אֶת־תְּנוּאָתִֽיd
׃
35
אֲנִ֣י יְהוָה֮ דִּבַּרְתִּי֒a
אִם־לֹ֣א׀ זֹ֣את אֶֽעֱשֶׂ֗הb
לְכָל־הָעֵדָ֤ה הָֽרָעָה֙ הַזֹּ֔את הַנֹּועָדִ֖יםc
עָלָ֑י בַּמִּדְבָּ֥ר הַזֶּ֛ה יִתַּ֖מּוּd
וְשָׁ֥ם יָמֻֽתוּe
׃
36
וְהָ֣אֲנָשִׁ֔ים אֲשֶׁר־שָׁלַ֥חa
מֹשֶׁ֖ה לָת֣וּרb
אֶת־הָאָ֑רֶץ וַיָּשֻׁ֗בוּc
וילונוd
עָלָיו֙ אֶת־כָּל־הָ֣עֵדָ֔ה לְהֹוצִ֥יאe
דִבָּ֖הf
עַל־הָאָֽרֶץ׃
37
וַיָּמֻ֨תוּ֙a
הָֽאֲנָשִׁ֔ים מֹוצִאֵ֥יb
דִבַּתc
־הָאָ֖רֶץ רָעָ֑ה בַּמַּגֵּפָ֖הd
לִפְנֵ֥י יְהוָֽה׃
38
וִיהֹושֻׁ֣עַ בִּן־נ֔וּןa
וְכָלֵ֖בb
בֶּן־יְפֻנֶּ֑הc
חָיוּ֙d
מִן־הָאֲנָשִׁ֣ים הָהֵ֔ם הַֽהֹלְכִ֖יםe
לָת֥וּרf
אֶת־הָאָֽרֶץ׃
39
וַיְדַבֵּ֤רa
מֹשֶׁה֙ אֶת־הַדְּבָרִ֣ים הָאֵ֔לֶּה אֶֽל־כָּל־בְּנֵ֖י יִשְׂרָאֵ֑ל וַיִּֽתְאַבְּל֥וּb
הָעָ֖ם מְאֹֽד׃
40
וַיַּשְׁכִּ֣מוּa
בַבֹּ֔קֶר וַיַּֽעֲל֥וּb
אֶל־רֹאשׁ־הָהָ֖ר לֵאמֹ֑רc
הִנֶּ֗נּוּ וְעָלִ֛ינוּd
אֶל־הַמָּקֹ֛ום אֲשֶׁר־אָמַ֥רe
יְהוָ֖ה כִּ֥י חָטָֽאנוּf
׃
41
וַיֹּ֣אמֶרa
מֹשֶׁ֔ה לָ֥מָּה זֶּ֛ה אַתֶּ֥ם עֹבְרִ֖יםb
אֶת־פִּ֣י יְהוָ֑ה וְהִ֖וא לֹ֥א תִצְלָֽחc
׃
42
אַֽל־תַּעֲל֔וּa
כִּ֛י אֵ֥ין יְהוָ֖ה בְּקִרְבְּכֶ֑ם וְלֹא֙ תִּנָּ֣גְפ֔וּb
לִפְנֵ֖י אֹיְבֵיכֶֽם׃
43
כִּי֩ הָעֲמָלֵקִ֨יa
וְהַכְּנַעֲנִ֥י שָׁם֙ לִפְנֵיכֶ֔ם וּנְפַלְתֶּ֖םb
בֶּחָ֑רֶב כִּֽי־עַל־כֵּ֤ן שַׁבְתֶּם֙c
מֵאַחֲרֵ֣י יְהוָ֔ה וְלֹא־יִהְיֶ֥הd
יְהוָ֖ה עִמָּכֶֽם׃
44
וַיַּעְפִּ֕לוּa
לַעֲלֹ֖ותb
אֶל־רֹ֣אשׁ הָהָ֑ר וַאֲרֹ֤ון בְּרִית־יְהוָה֙ וּמֹשֶׁ֔ה לֹא־מָ֖שׁוּc
מִקֶּ֥רֶב הַֽמַּחֲנֶֽה׃
45
וַיֵּ֤רֶדa
הָעֲמָלֵקִי֙b
וְהַֽכְּנַעֲנִ֔י הַיֹּשֵׁ֖בc
בָּהָ֣ר הַה֑וּא וַיַּכּ֥וּםd
וַֽיַּכְּת֖וּםe
עַד־הַֽחָרְמָֽהf
׃ פ