במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 שְׁלַחa ־לְךָ֣ אֲנָשִׁ֗ים וְיָתֻ֨רוּ֙b אֶת־אֶ֣רֶץ כְּנַ֔עַן אֲשֶׁר־אֲנִ֥י נֹתֵ֖ןc לִבְנֵ֣י יִשְׂרָאֵ֑ל אִ֣ישׁ אֶחָד֩ אִ֨ישׁ אֶחָ֜ד לְמַטֵּ֤ה אֲבֹתָיו֙ תִּשְׁלָ֔חוּd כֹּ֖ל נָשִׂ֥יא בָהֶֽם׃

3 וַיִּשְׁלַ֨חa אֹתָ֥ם מֹשֶׁ֛ה מִמִּדְבַּ֥ר פָּארָ֖ןb עַל־פִּ֣י יְהוָ֑ה כֻּלָּ֣ם אֲנָשִׁ֔ים רָאשֵׁ֥י בְנֵֽי־יִשְׂרָאֵ֖ל הֵֽמָּה׃

4 וְאֵ֖לֶּה שְׁמֹותָ֑ם לְמַטֵּ֣ה רְאוּבֵ֔ן שַׁמּ֖וּעַa בֶּן־זַכּֽוּרb ׃

5 לְמַטֵּ֣ה שִׁמְעֹ֔וןa שָׁפָ֖טb בֶּן־חֹורִֽיc ׃

6 לְמַטֵּ֣ה יְהוּדָ֔ה כָּלֵ֖בa בֶּן־יְפֻנֶּֽהb ׃

7 לְמַטֵּ֣ה יִשָּׂשכָ֔רa יִגְאָ֖לb בֶּן־יֹוסֵֽף׃

8 לְמַטֵּ֥ה אֶפְרָ֖יִם הֹושֵׁ֥עַa בִּן־נֽוּןb ׃

9 לְמַטֵּ֣ה בִנְיָמִ֔ן פַּלְטִ֖יa בֶּן־רָפֽוּאb ׃

10 לְמַטֵּ֣ה זְבוּלֻ֔ןa גַּדִּיאֵ֖לb בֶּן־סֹודִֽיc ׃

11 לְמַטֵּ֥ה יֹוסֵ֖ף לְמַטֵּ֣ה מְנַשֶּׁ֑ה גַּדִּ֖יa בֶּן־סוּסִֽיb ׃

12 לְמַטֵּ֣ה דָ֔ן עַמִּיאֵ֖לa בֶּן־גְּמַלִּֽיb ׃

13 לְמַטֵּ֣ה אָשֵׁ֔רa סְת֖וּרb בֶּן־מִיכָאֵֽלc ׃

14 לְמַטֵּ֣ה נַפְתָּלִ֔י נַחְבִּ֖יa בֶּן־וָפְסִֽיb ׃

15 לְמַטֵּ֣ה גָ֔ד גְּאוּאֵ֖לa בֶּן־מָכִֽיb ׃

16 אֵ֚לֶּה שְׁמֹ֣ות הָֽאֲנָשִׁ֔ים אֲשֶׁר־שָׁלַ֥חa מֹשֶׁ֖ה לָת֣וּרb אֶת־הָאָ֑רֶץ וַיִּקְרָ֥אc מֹשֶׁ֛ה לְהֹושֵׁ֥עַd בִּן־נ֖וּןe יְהֹושֻֽׁעַ׃

17 וַיִּשְׁלַ֤חa אֹתָם֙ מֹשֶׁ֔ה לָת֖וּרb אֶת־אֶ֣רֶץ כְּנָ֑עַן וַיֹּ֣אמֶרc אֲלֵהֶ֗ם עֲל֥וּd זֶה֙ בַּנֶּ֔גֶב וַעֲלִיתֶ֖םe אֶת־הָהָֽר׃

18 וּרְאִיתֶ֥םa אֶת־הָאָ֖רֶץ מַה־הִ֑וא וְאֶת־הָעָם֙ הַיֹּשֵׁ֣בb עָלֶ֔יהָ הֶחָזָ֥ק הוּא֙ הֲרָפֶ֔הc הַמְעַ֥ט ה֖וּא אִם־רָֽב׃

19 וּמָ֣ה הָאָ֗רֶץ אֲשֶׁר־הוּא֙ יֹשֵׁ֣בa בָּ֔הּ הֲטֹובָ֥ה הִ֖וא אִם־רָעָ֑ה וּמָ֣ה הֶֽעָרִ֗ים אֲשֶׁר־הוּא֙ יֹושֵׁ֣בb בָּהֵ֔נָּהc הַבְּמַֽחֲנִ֖ים אִ֥ם בְּמִבְצָרִֽיםd ׃

20 וּמָ֣ה הָ֠אָרֶץ הַשְּׁמֵנָ֨הa הִ֜וא אִם־רָזָ֗הb הֲיֵֽשׁ־בָּ֥הּ עֵץ֙ אִם־אַ֔יִן וְהִ֨תְחַזַּקְתֶּ֔םc וּלְקַחְתֶּ֖םd מִפְּרִ֣י הָאָ֑רֶץ וְהַ֨יָּמִ֔ים יְמֵ֖י בִּכּוּרֵ֥יe עֲנָבִֽיםf ׃

21 וַֽיַּעֲל֖וּa וַיָּתֻ֣רוּb אֶת־הָאָ֑רֶץ מִמִּדְבַּר־צִ֥ןc עַד־רְחֹ֖בd לְבֹ֥אe חֲמָֽתf ׃

22 וַיַּעֲל֣וּa בַנֶּגֶב֮ וַיָּבֹ֣אb עַד־חֶבְרֹון֒ וְשָׁ֤ם אֲחִימַן֙c שֵׁשַׁ֣יd וְתַלְמַ֔יe יְלִידֵ֖יf הָעֲנָ֑קg וְחֶבְרֹ֗ון שֶׁ֤בַע שָׁנִים֙ נִבְנְתָ֔הh לִפְנֵ֖י צֹ֥עַןi מִצְרָֽיִם׃

23 וַיָּבֹ֜אוּa עַד־נַ֣חַל אֶשְׁכֹּ֗לb וַיִּכְרְת֨וּc מִשָּׁ֤ם זְמֹורָה֙d וְאֶשְׁכֹּ֤ולe עֲנָבִים֙f אֶחָ֔ד וַיִּשָּׂאֻ֥הוּg בַמֹּ֖וטh בִּשְׁנָ֑יִם וּמִן־הָרִמֹּנִ֖יםi וּמִן־הַתְּאֵנִֽיםj ׃

24 לַמָּקֹ֣ום הַה֔וּא קָרָ֖אa נַ֣חַל אֶשְׁכֹּ֑ולb עַ֚ל אֹדֹ֣ותc הָֽאֶשְׁכֹּ֔ולd אֲשֶׁר־כָּרְת֥וּe מִשָּׁ֖ם בְּנֵ֥י יִשְׂרָאֵֽל׃

25 וַיָּשֻׁ֖בוּa מִתּ֣וּרb הָאָ֑רֶץ מִקֵּ֖ץ אַרְבָּעִ֥ים יֹֽום׃

26 וַיֵּלְכ֡וּa וַיָּבֹאוּ֩b אֶל־מֹשֶׁ֨ה וְאֶֽל־אַהֲרֹ֜ן וְאֶל־כָּל־עֲדַ֧ת בְּנֵֽי־יִשְׂרָאֵ֛ל אֶל־מִדְבַּ֥ר פָּארָ֖ןc קָדֵ֑שָׁהd וַיָּשִׁ֨יבוּe אֹותָ֤ם דָּבָר֙ וְאֶת־כָּל־הָ֣עֵדָ֔ה וַיַּרְא֖וּםf אֶת־פְּרִ֥י הָאָֽרֶץ׃

27 וַיְסַפְּרוּa ־לֹו֙ וַיֹּ֣אמְר֔וּb בָּ֕אנוּc אֶל־הָאָ֖רֶץ אֲשֶׁ֣ר שְׁלַחְתָּ֑נוּd וְ֠גַם זָבַ֨תe חָלָ֥בf וּדְבַ֛שׁ הִ֖וא וְזֶה־פִּרְיָֽהּ׃

28 אֶ֚פֶסa כִּֽי־עַ֣זb הָעָ֔ם הַיֹּשֵׁ֖בc בָּאָ֑רֶץ וְהֶֽעָרִ֗ים בְּצֻרֹ֤ותd גְּדֹלֹת֙ מְאֹ֔ד וְגַם־יְלִדֵ֥יe הָֽעֲנָ֖קf רָאִ֥ינוּg שָֽׁם׃

29 עֲמָלֵ֥קa יֹושֵׁ֖בb בְּאֶ֣רֶץ הַנֶּ֑גֶב וְ֠הַֽחִתִּיc וְהַיְבוּסִ֤יd וְהָֽאֱמֹרִי֙ יֹושֵׁ֣בe בָּהָ֔ר וְהַֽכְּנַעֲנִי֙ יֹשֵׁ֣בf עַל־הַיָּ֔ם וְעַ֖ל יַ֥ד הַיַּרְדֵּֽן׃

30 וַיַּ֧הַסa כָּלֵ֛בb אֶת־הָעָ֖ם אֶל־מֹשֶׁ֑ה וַיֹּ֗אמֶרc עָלֹ֤ה נַעֲלֶה֙d וְיָרַ֣שְׁנוּe אֹתָ֔הּ כִּֽי־יָכֹ֥ול נוּכַ֖לf לָֽהּ׃

31 וְהָ֨אֲנָשִׁ֜ים אֲשֶׁר־עָל֤וּa עִמֹּו֙ אָֽמְר֔וּb לֹ֥א נוּכַ֖לc לַעֲלֹ֣ותd אֶל־הָעָ֑ם כִּֽי־חָזָ֥ק ה֖וּא מִמֶּֽנּוּ׃

32 וַיֹּוצִ֜יאוּa דִּבַּ֤תb הָאָ֨רֶץ֙ אֲשֶׁ֣ר תָּר֣וּc אֹתָ֔הּ אֶל־בְּנֵ֥י יִשְׂרָאֵ֖ל לֵאמֹ֑רd הָאָ֡רֶץ אֲשֶׁר֩ עָבַ֨רְנוּe בָ֜הּ לָת֣וּרf אֹתָ֗הּ אֶ֣רֶץ אֹכֶ֤לֶתg יֹושְׁבֶ֨יהָ֙ הִ֔וא וְכָל־הָעָ֛ם אֲשֶׁר־רָאִ֥ינוּh בְתֹוכָ֖הּ אַנְשֵׁ֥י מִדֹּֽות׃

33 וְשָׁ֣ם רָאִ֗ינוּa אֶת־הַנְּפִילִ֛יםb בְּנֵ֥י עֲנָ֖קc מִן־הַנְּפִלִ֑יםd וַנְּהִ֤יe בְעֵינֵ֨ינוּ֙ כַּֽחֲגָבִ֔יםf וְכֵ֥ן הָיִ֖ינוּg בְּעֵינֵיהֶֽם׃