במדבר

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 עֲשֵׂ֣הa לְךָ֗ שְׁתֵּי֙ חֲצֹֽוצְרֹ֣תb כֶּ֔סֶף מִקְשָׁ֖הc תַּעֲשֶׂ֣הd אֹתָ֑ם וְהָי֤וּe לְךָ֙ לְמִקְרָ֣אf הָֽעֵדָ֔ה וּלְמַסַּ֖עg אֶת־הַֽמַּחֲנֹֽות׃

3 וְתָקְע֖וּa בָּהֵ֑ן וְנֹֽועֲד֤וּb אֵלֶ֨יךָ֙ כָּל־הָ֣עֵדָ֔ה אֶל־פֶּ֖תַח אֹ֥הֶל מֹועֵֽד׃

4 וְאִם־בְּאַחַ֖ת יִתְקָ֑עוּa וְנֹועֲד֤וּb אֵלֶ֨יךָ֙ הַנְּשִׂיאִ֔ים רָאשֵׁ֖י אַלְפֵ֥יc יִשְׂרָאֵֽל׃

5 וּתְקַעְתֶּ֖םa תְּרוּעָ֑הb וְנָֽסְעוּ֙c הַֽמַּחֲנֹ֔ות הַחֹנִ֖יםd קֵֽדְמָה׃

6 וּתְקַעְתֶּ֤םa תְּרוּעָה֙b שֵׁנִ֔ית וְנָֽסְעוּ֙c הַֽמַּחֲנֹ֔ות הַחֹנִ֖יםd תֵּימָ֑נָהe תְּרוּעָ֥הf יִתְקְע֖וּg לְמַסְעֵיהֶֽםh ׃

7 וּבְהַקְהִ֖ילa אֶת־הַקָּהָ֑ל תִּתְקְע֖וּb וְלֹ֥א תָרִֽיעוּc ׃

8 וּבְנֵ֤י אַהֲרֹן֙ הַכֹּ֣הֲנִ֔ים יִתְקְע֖וּa בַּֽחֲצֹצְרֹ֑ותb וְהָי֥וּc לָכֶ֛ם לְחֻקַּ֥ת עֹולָ֖ם לְדֹרֹתֵיכֶֽם׃

9 וְכִֽי־תָבֹ֨אוּa מִלְחָמָ֜ה בְּאַרְצְכֶ֗ם עַל־הַצַּר֙ הַצֹּרֵ֣רb אֶתְכֶ֔ם וַהֲרֵעֹתֶ֖םc בַּחֲצֹצְרֹ֑ותd וֲנִזְכַּרְתֶּ֗םe לִפְנֵי֙ יְהוָ֣ה אֱלֹֽהֵיכֶ֔ם וְנֹושַׁעְתֶּ֖םf מֵאֹיְבֵיכֶֽם׃

10 וּבְיֹ֨ום שִׂמְחַתְכֶ֥ם וּֽבְמֹועֲדֵיכֶם֮ וּבְרָאשֵׁ֣י חָדְשֵׁיכֶם֒ וּתְקַעְתֶּ֣םa בַּחֲצֹֽצְרֹ֗תb עַ֚ל עֹלֹ֣תֵיכֶ֔ם וְעַ֖ל זִבְחֵ֣י שַׁלְמֵיכֶ֑ם וְהָי֨וּc לָכֶ֤ם לְזִכָּרֹון֙d לִפְנֵ֣י אֱלֹֽהֵיכֶ֔ם אֲנִ֖י יְהוָ֥ה אֱלֹהֵיכֶֽם׃ פ

11 וַיְהִ֞יa בַּשָּׁנָ֧ה הַשֵּׁנִ֛ית בַּחֹ֥דֶשׁ הַשֵּׁנִ֖י בְּעֶשְׂרִ֣ים בַּחֹ֑דֶשׁ נַעֲלָה֙b הֶֽעָנָ֔ן מֵעַ֖ל מִשְׁכַּ֥ן הָעֵדֻֽת׃

12 וַיִּסְע֧וּa בְנֵֽי־יִשְׂרָאֵ֛ל לְמַסְעֵיהֶ֖םb מִמִּדְבַּ֣ר סִינָ֑יc וַיִּשְׁכֹּ֥ןd הֶעָנָ֖ן בְּמִדְבַּ֥ר פָּארָֽןe ׃

13 וַיִּסְע֖וּa בָּרִאשֹׁנָ֑ה עַל־פִּ֥י יְהוָ֖ה בְּיַד־מֹשֶֽׁה׃

14 וַיִּסַּ֞עa דֶּ֣גֶלb מַחֲנֵ֧ה בְנֵֽי־יְהוּדָ֛ה בָּרִאשֹׁנָ֖ה לְצִבְאֹתָ֑ם וְעַל־צְבָאֹ֔ו נַחְשֹׁ֖וןc בֶּן־עַמִּינָדָֽבd ׃

15 וְעַ֨ל־צְבָ֔א מַטֵּ֖ה בְּנֵ֣י יִשָׂשכָ֑רa נְתַנְאֵ֖לb בֶּן־צוּעָֽרc ׃

16 וְעַ֨ל־צְבָ֔א מַטֵּ֖ה בְּנֵ֣י זְבוּלֻ֑ןa אֱלִיאָ֖בb בֶּן־חֵלֹֽוןc ׃

17 וְהוּרַ֖דa הַמִּשְׁכָּ֑ן וְנָסְע֤וּb בְנֵֽי־גֵרְשֹׁון֙c וּבְנֵ֣י מְרָרִ֔יd נֹשְׂאֵ֖י הַמִּשְׁכָּֽן׃ ס

18 וְנָסַ֗עa דֶּ֛גֶלb מַחֲנֵ֥ה רְאוּבֵ֖ן לְצִבְאֹתָ֑ם וְעַל־צְבָאֹ֔ו אֱלִיצ֖וּרc בֶּן־שְׁדֵיאֽוּרd ׃

19 וְעַ֨ל־צְבָ֔א מַטֵּ֖ה בְּנֵ֣י שִׁמְעֹ֑וןa שְׁלֻֽמִיאֵ֖לb בֶּן־צוּרִֽי שַׁדָּֽיc ׃

20 וְעַל־צְבָ֖א מַטֵּ֣ה בְנֵי־גָ֑ד אֶלְיָסָ֖ףa בֶּן־דְּעוּאֵֽלb ׃

21 וְנָסְעוּ֙a הַקְּהָתִ֔יםb נֹשְׂאֵ֖י הַמִּקְדָּ֑שׁ וְהֵקִ֥ימוּc אֶת־הַמִּשְׁכָּ֖ן עַד־בֹּאָֽםd ׃ ס

22 וְנָסַ֗עa דֶּ֛גֶלb מַחֲנֵ֥ה בְנֵֽי־אֶפְרַ֖יִם לְצִבְאֹתָ֑ם וְעַל־צְבָאֹ֔ו אֱלִישָׁמָ֖עc בֶּן־עַמִּיהֽוּדd ׃

23 וְעַ֨ל־צְבָ֔א מַטֵּ֖ה בְּנֵ֣י מְנַשֶּׁ֑ה גַּמְלִיאֵ֖לa בֶּן־פְּדָה־צֽוּרb ׃

24 וְעַ֨ל־צְבָ֔א מַטֵּ֖ה בְּנֵ֣י בִנְיָמִ֑ן אֲבִידָ֖ןa בֶּן־גִּדְעֹונִֽיb ׃ ס

25 וְנָסַ֗עa דֶּ֚גֶלb מַחֲנֵ֣ה בְנֵי־דָ֔ן מְאַסֵּ֥ףc לְכָל־הַֽמַּחֲנֹ֖ת לְצִבְאֹתָ֑ם וְעַל־צְבָאֹ֔ו אֲחִיעֶ֖זֶרd בֶּן־עַמִּי שַׁדָּֽיe ׃

26 וְעַל־צְבָ֔א מַטֵּ֖ה בְּנֵ֣י אָשֵׁ֑רa פַּגְעִיאֵ֖לb בֶּן־עָכְרָֽןc ׃

27 וְעַ֨ל־צְבָ֔א מַטֵּ֖ה בְּנֵ֣י נַפְתָּלִ֑י אֲחִירַ֖עa בֶּן־עֵינָֽןb ׃

28 אֵ֛לֶּה מַסְעֵ֥יa בְנֵֽי־יִשְׂרָאֵ֖ל לְצִבְאֹתָ֑ם וַיִּסָּֽעוּb ׃ ס

29 וַיֹּ֣אמֶרa מֹשֶׁ֗ה לְ֠חֹבָבb בֶּן־רְעוּאֵ֣לc הַמִּדְיָנִי֮d חֹתֵ֣ןe מֹשֶׁה֒ נֹסְעִ֣יםf ׀ אֲנַ֗חְנוּ אֶל־הַמָּקֹום֙ אֲשֶׁ֣ר אָמַ֣רg יְהוָ֔ה אֹתֹ֖ו אֶתֵּ֣ןh לָכֶ֑ם לְכָ֤הi אִתָּ֨נוּ֙ וְהֵטַ֣בְנוּj לָ֔ךְ כִּֽי־יְהוָ֥ה דִּבֶּרk ־טֹ֖וב עַל־יִשְׂרָאֵֽל׃

30 וַיֹּ֥אמֶרa אֵלָ֖יו לֹ֣א אֵלֵ֑ךְb כִּ֧י אִם־אֶל־אַרְצִ֛י וְאֶל־מֹולַדְתִּ֖יc אֵלֵֽךְd ׃

31 וַיֹּ֕אמֶרa אַל־נָ֖א תַּעֲזֹ֣בb אֹתָ֑נוּ כִּ֣י׀ עַל־כֵּ֣ן יָדַ֗עְתָּc חֲנֹתֵ֨נוּ֙d בַּמִּדְבָּ֔ר וְהָיִ֥יתָe לָּ֖נוּ לְעֵינָֽיִם׃

32 וְהָיָ֖הa כִּי־תֵלֵ֣ךְb עִמָּ֑נוּ וְהָיָ֣הc ׀ הַטֹּ֣וב הַה֗וּא אֲשֶׁ֨ר יֵיטִ֧יבd יְהוָ֛ה עִמָּ֖נוּ וְהֵטַ֥בְנוּe לָֽךְ׃

33 וַיִּסְעוּ֙a מֵהַ֣ר יְהוָ֔ה דֶּ֖רֶךְ שְׁלֹ֣שֶׁת יָמִ֑ים וַאֲרֹ֨ון בְּרִית־יְהוָ֜ה נֹסֵ֣עַb לִפְנֵיהֶ֗ם דֶּ֚רֶךְ שְׁלֹ֣שֶׁת יָמִ֔ים לָת֥וּרc לָהֶ֖ם מְנוּחָֽהd ׃

34 וַעֲנַ֧ן יְהוָ֛ה עֲלֵיהֶ֖ם יֹומָ֑ם בְּנָסְעָ֖םa מִן־הַֽמַּחֲנֶֽה׃ נ ס

35 וַיְהִ֛יa בִּנְסֹ֥עַb הָאָרֹ֖ן וַיֹּ֣אמֶרc מֹשֶׁ֑ה קוּמָ֣הd ׀ יְהוָ֗ה וְיָפֻ֨צוּ֙e אֹֽיְבֶ֔יךָ וְיָנֻ֥סוּf מְשַׂנְאֶ֖יךָ מִפָּנֶֽיךָ׃

36 וּבְנֻחֹ֖הa יֹאמַ֑רb שׁוּבָ֣הc יְהוָ֔ה רִֽבְבֹ֖ותd אַלְפֵ֥יe יִשְׂרָאֵֽל׃ נ פ