נחמיה

וַיֵּאָסְפ֤וּa כָל־הָעָם֙ כְּאִ֣ישׁ אֶחָ֔ד אֶל־הָ֣רְחֹ֔ובb אֲשֶׁ֖ר לִפְנֵ֣י שַֽׁעַר־הַמָּ֑יִם וַיֹּֽאמְרוּ֙c לְעֶזְרָ֣אd הַסֹּפֵ֔ר לְהָבִ֗יאe אֶת־סֵ֨פֶר֙ תֹּורַ֣ת מֹשֶׁ֔ה אֲשֶׁר־צִוָּ֥הf יְהוָ֖ה אֶת־יִשְׂרָאֵֽל׃

2 וַיָּבִ֣יאa עֶזְרָ֣אb הַ֠כֹּהֵן אֶֽת־הַתֹּורָ֞ה לִפְנֵ֤י הַקָּהָל֙ מֵאִ֣ישׁ וְעַד־אִשָּׁ֔ה וְכֹ֖ל מֵבִ֣יןc לִשְׁמֹ֑עַd בְּיֹ֥ום אֶחָ֖ד לַחֹ֥דֶשׁ הַשְּׁבִיעִֽי׃

3 וַיִּקְרָאa ־בֹו֩ לִפְנֵ֨י הָרְחֹ֜ובb אֲשֶׁ֣ר׀ לִפְנֵ֣י שַֽׁעַר־הַמַּ֗יִם מִן־הָאֹור֙ עַד־מַחֲצִ֣יתc הַיֹּ֔ום נֶ֛גֶד הָאֲנָשִׁ֥ים וְהַנָּשִׁ֖ים וְהַמְּבִינִ֑ים וְאָזְנֵ֥י כָל־הָעָ֖ם אֶל־סֵ֥פֶר הַתֹּורָֽה׃

4 וַֽיַּעֲמֹ֞דa עֶזְרָ֣אb הַסֹּפֵ֗ר עַֽל־מִגְדַּלc ־עֵץ֮ אֲשֶׁ֣ר עָשׂ֣וּd לַדָּבָר֒ וַיַּֽעֲמֹ֣דe אֶצְלֹ֡ו מַתִּתְיָ֡הf וְשֶׁ֡מַעg וַ֠עֲנָיָהh וְאוּרִיָּ֧הi וְחִלְקִיָּ֛הj וּמַעֲשֵׂיָ֖הk עַל־יְמִינֹ֑ו וּמִשְּׂמֹאלֹ֗ו פְּ֠דָיָהl וּמִֽישָׁאֵ֧לm וּמַלְכִּיָּ֛הn וְחָשֻׁ֥םo וְחַשְׁבַּדָּ֖נָהp זְכַרְיָ֥הq מְשֻׁלָּֽםr ׃ פ

5 וַיִּפְתַּ֨חa עֶזְרָ֤אb הַסֵּ֨פֶר֙ לְעֵינֵ֣י כָל־הָעָ֔ם כִּֽי־מֵעַ֥ל כָּל־הָעָ֖ם הָיָ֑הc וּכְפִתְחֹ֖וd עָֽמְד֥וּe כָל־הָעָֽם׃

6 וַיְבָ֣רֶךְa עֶזְרָ֔אb אֶת־יְהוָ֥ה הָאֱלֹהִ֖ים הַגָּדֹ֑ול וַיַּֽעֲנ֨וּc כָל־הָעָ֜ם אָמֵ֤ןd ׀ אָמֵן֙e בְּמֹ֣עַלf יְדֵיהֶ֔ם וַיִּקְּד֧וּg וַיִּשְׁתַּחֲוֻּ֛h לַיהוָ֖ה אַפַּ֥יִם אָֽרְצָה׃

7 וְיֵשׁ֡וּעַa וּבָנִ֡יb וְשֵׁרֵֽבְיָ֣הc ׀ יָמִ֡יןd עַקּ֡וּבe שַׁבְּתַ֣יf ׀ הֹֽודִיָּ֡הg מַעֲשֵׂיָ֡הh קְלִיטָ֣אi עֲזַרְיָה֩j יֹוזָבָ֨דk חָנָ֤ןl פְּלָאיָה֙m וְהַלְוִיִּ֔ם מְבִינִ֥יםn אֶת־הָעָ֖ם לַתֹּורָ֑ה וְהָעָ֖ם עַל־עָמְדָֽםo ׃

8 וַֽיִּקְרְא֥וּa בַסֵּ֛פֶר בְּתֹורַ֥ת הָאֱלֹהִ֖ים מְפֹרָ֑שׁb וְשֹׂ֣וםc שֶׂ֔כֶלd וַיָּבִ֖ינוּe בַּמִּקְרָֽאf ׃ ס

9 וַיֹּ֣אמֶרa נְחֶמְיָ֣הb ה֣וּא הַתִּרְשָׁ֡תָאc וְעֶזְרָ֣אd הַכֹּהֵ֣ן׀ הַסֹּפֵ֡ר וְהַלְוִיִּם֩ הַמְּבִינִ֨יםe אֶת־הָעָ֜ם לְכָל־הָעָ֗ם הַיֹּ֤ום קָדֹֽשׁ־הוּא֙ לַיהוָ֣ה אֱלֹהֵיכֶ֔ם אַל־תִּֽתְאַבְּל֖וּf וְאַל־תִּבְכּ֑וּg כִּ֤י בֹוכִים֙h כָּל־הָעָ֔ם כְּשָׁמְעָ֖םi אֶת־דִּבְרֵ֥י הַתֹּורָֽה׃

10 וַיֹּ֣אמֶרa לָהֶ֡ם לְכוּ֩b אִכְל֨וּc מַשְׁמַנִּ֜יםd וּשְׁת֣וּe מַֽמְתַקִּ֗יםf וְשִׁלְח֤וּg מָנֹות֙h לְאֵ֣ין נָכֹ֣וןi לֹ֔ו כִּֽי־קָדֹ֥ושׁ הַיֹּ֖ום לַאֲדֹנֵ֑ינוּ וְאַל־תֵּ֣עָצֵ֔בוּj כִּֽי־חֶדְוַ֥תk יְהוָ֖ה הִ֥יא מָֽעֻזְּכֶֽםl ׃

11 וְהַלְוִיִּ֞ם מַחְשִׁ֤יםa לְכָל־הָעָם֙ לֵאמֹ֣רb הַ֔סּוּc כִּ֥י הַיֹּ֖ום קָדֹ֑שׁ וְאַל־תֵּעָצֵֽבוּd ׃

12 וַיֵּלְכ֨וּa כָל־הָעָ֜ם לֶאֱכֹ֤לb וְלִשְׁתֹּות֙c וּלְשַׁלַּ֣חd מָנֹ֔ותe וְלַעֲשֹׂ֖ותf שִׂמְחָ֣ה גְדֹולָ֑ה כִּ֤י הֵבִ֨ינוּ֙g בַּדְּבָרִ֔ים אֲשֶׁ֥ר הֹודִ֖יעוּh לָהֶֽם׃ ס

13 וּבַיֹּ֣ום הַשֵּׁנִ֡י נֶאֶסְפוּ֩a רָאשֵׁ֨י הָאָבֹ֜ות לְכָל־הָעָ֗ם הַכֹּֽהֲנִים֙ וְהַלְוִיִּ֔ם אֶל־עֶזְרָ֖אb הַסֹּפֵ֑ר וּלְהַשְׂכִּ֖ילc אֶל־דִּבְרֵ֥י הַתֹּורָֽה׃

14 וַֽיִּמְצְא֖וּa כָּת֣וּבb בַּתֹּורָ֑ה אֲשֶׁ֨ר צִוָּ֤הc יְהוָה֙ בְּיַד־מֹשֶׁ֔ה אֲשֶׁר֩ יֵשְׁב֨וּd בְנֵֽי־יִשְׂרָאֵ֧ל בַּסֻּכֹּ֛ותe בֶּחָ֖ג בַּחֹ֥דֶשׁ הַשְּׁבִיעִֽי׃

15 וַאֲשֶׁ֣ר יַשְׁמִ֗יעוּa וְיַעֲבִ֨ירוּb קֹ֥ול בְּכָל־עָרֵיהֶם֮ וּבִירוּשָׁלִַ֣ם לֵאמֹר֒c צְא֣וּd הָהָ֗ר וְהָבִ֨יאוּ֙e עֲלֵיf ־זַ֨יִת֙g וַעֲלֵיh ־עֵ֣ץ שֶׁ֔מֶן וַעֲלֵ֤יi הֲדַס֙j וַעֲלֵ֣יk תְמָרִ֔יםl וַעֲלֵ֖יm עֵ֣ץ עָבֹ֑תn לַעֲשֹׂ֥תo סֻכֹּ֖תp כַּכָּתֽוּב׃ פ

16 וַיֵּצְא֣וּa הָעָם֮ וַיָּבִיאוּ֒b וַיַּעֲשׂוּ֩c לָהֶ֨ם סֻכֹּ֜ותd אִ֤ישׁ עַל־גַּגֹּו֙e וּבְחַצְרֹ֣תֵיהֶ֔ם וּבְחַצְרֹ֖ות בֵּ֣ית הָאֱלֹהִ֑ים וּבִרְחֹוב֙f שַׁ֣עַר הַמַּ֔יִם וּבִרְחֹ֖ובg שַׁ֥עַר אֶפְרָֽיִם׃

17 וַיַּֽעֲשׂ֣וּa כָֽל־הַ֠קָּהָל הַשָּׁבִ֨יםb מִן־הַשְּׁבִ֥יc ׀ סֻכֹּות֮d וַיֵּשְׁב֣וּe בַסֻּכֹּות֒f כִּ֣י לֹֽא־עָשׂ֡וּg מִימֵי֩ יֵשׁ֨וּעַh בִּן־נ֥וּןi כֵּן֙ בְּנֵ֣י יִשְׂרָאֵ֔ל עַ֖ד הַיֹּ֣ום הַה֑וּא וַתְּהִ֥יj שִׂמְחָ֖ה גְּדֹולָ֥ה מְאֹֽד׃

18 וַ֠יִּקְרָאa בְּסֵ֨פֶר תֹּורַ֤ת הָאֱלֹהִים֙ יֹ֣ום׀ בְּיֹ֔ום מִן־הַיֹּום֙ הָֽרִאשֹׁ֔ון עַ֖ד הַיֹּ֣ום הָאַחֲרֹ֑ון וַיַּֽעֲשׂוּb ־חָג֙ שִׁבְעַ֣ת יָמִ֔ים וּבַיֹּ֧ום הַשְּׁמִינִ֛יc עֲצֶ֖רֶתd כַּמִּשְׁפָּֽט׃ פ