נחמיה

וַיְהִ֣יa כַאֲשֶׁ֣ר נִשְׁמַ֣עb לְסַנְבַלַּ֣טc וְ֠טֹובִיָּהd וּלְגֶ֨שֶׁםe הָֽעַרְבִ֜יf וּלְיֶ֣תֶר אֹֽיְבֵ֗ינוּ כִּ֤י בָנִ֨יתִי֙g אֶת־הַ֣חֹומָ֔ה וְלֹא־נֹ֥ותַרh בָּ֖הּ פָּ֑רֶץi גַּ֚ם עַד־הָעֵ֣ת הַהִ֔יא דְּלָתֹ֖ות לֹא־הֶעֱמַ֥דְתִּיj בַשְּׁעָרִֽים׃

2 וַיִּשְׁלַ֨חa סַנְבַלַּ֤טb וְגֶ֨שֶׁם֙c אֵלַ֣י לֵאמֹ֔רd לְכָ֞הe וְנִֽוָּעֲדָ֥הf יַחְדָּ֛ו בַּכְּפִירִ֖יםg בְּבִקְעַ֣תh אֹונֹ֑וi וְהֵ֨מָּה֙ חֹֽשְׁבִ֔יםj לַעֲשֹׂ֥ותk לִ֖י רָעָֽה׃

3 וָאֶשְׁלְחָ֨הa עֲלֵיהֶ֤ם מַלְאָכִים֙ לֵאמֹ֔רb מְלָאכָ֤ה גְדֹולָה֙ אֲנִ֣י עֹשֶׂ֔הc וְלֹ֥א אוּכַ֖לd לָרֶ֑דֶתe לָ֣מָּה תִשְׁבַּ֤תf הַמְּלָאכָה֙ כַּאֲשֶׁ֣ר אַרְפֶּ֔הָg וְיָרַדְתִּ֖יh אֲלֵיכֶֽם׃

4 וַיִּשְׁלְח֥וּa אֵלַ֛י כַּדָּבָ֥ר הַזֶּ֖ה אַרְבַּ֣ע פְּעָמִ֑ים וָאָשִׁ֥יבb אֹותָ֖ם כַּדָּבָ֥ר הַזֶּֽה׃ ס

5 וַיִּשְׁלַח֩a אֵלַ֨י סַנְבַלַּ֜טb כַּדָּבָ֥ר הַזֶּ֛ה פַּ֥עַם חֲמִישִׁ֖יתc אֶֽת־נַעֲרֹ֑ו וְאִגֶּ֥רֶתd פְּתוּחָ֖ה בְּיָדֹֽו׃

6 כָּת֣וּבa בָּ֗הּ בַּגֹּויִ֤ם נִשְׁמָע֙b וְגַשְׁמ֣וּc אֹמֵ֔רd אַתָּ֤ה וְהַיְּהוּדִים֙ חֹשְׁבִ֣יםe לִמְרֹ֔ודf עַל־כֵּ֛ן אַתָּ֥ה בֹונֶ֖הg הַחֹומָ֑ה וְאַתָּ֗ה הֹוֶ֤הh לָהֶם֙ לְמֶ֔לֶךְ כַּדְּבָרִ֖ים הָאֵֽלֶּה׃

7 וְגַם־נְבִיאִ֡ים הֶעֱמַ֣דְתָּa לִקְרֹא֩b עָלֶ֨יךָ בִֽירוּשָׁלִַ֜ם לֵאמֹ֗רc מֶ֚לֶךְ בִּֽיהוּדָ֔ה וְעַתָּה֙ יִשָּׁמַ֣עd לַמֶּ֔לֶךְ כַּדְּבָרִ֣ים הָאֵ֑לֶּה וְעַתָּ֣ה לְכָ֔הe וְנִֽוָּעֲצָ֖הf יַחְדָּֽו׃ ס

8 וָאֶשְׁלְחָ֤הa אֵלָיו֙ לֵאמֹ֔רb לֹ֤א נִֽהְיָה֙c כַּדְּבָרִ֣ים הָאֵ֔לֶּה אֲשֶׁ֖ר אַתָּ֣ה אֹומֵ֑רd כִּ֥י מִֽלִּבְּךָ֖ אַתָּ֥ה בֹודָֽאםe ׃

9 כִּ֣י כֻלָּ֗ם מְיָֽרְאִ֤יםa אֹותָ֨נוּ֙ לֵאמֹ֔רb יִרְפּ֧וּc יְדֵיהֶ֛ם מִן־הַמְּלָאכָ֖ה וְלֹ֣א תֵעָשֶׂ֑הd וְעַתָּ֖ה חַזֵּ֥קe אֶת־יָדָֽי׃

10 וַאֲנִי־בָ֗אתִיa בֵּ֣ית שְֽׁמַֽעְיָ֧הb בֶן־דְּלָיָ֛הc בֶּן־מְהֵֽיטַבְאֵ֖לd וְה֣וּא עָצ֑וּרe וַיֹּ֡אמֶרf נִוָּעֵד֩g אֶל־בֵּ֨ית הָאֱלֹהִ֜ים אֶל־תֹּ֣וךְ הַֽהֵיכָ֗ל וְנִסְגְּרָה֙h דַּלְתֹ֣ות הַהֵיכָ֔ל כִּ֚י בָּאִ֣יםi לְהָרְגֶ֔ךָj וְלַ֖יְלָה בָּאִ֥יםk לְהָרְגֶֽךָl ׃

11 וָאֹמְרָ֗הa הַאִ֤ישׁ כָּמֹ֨ונִי֙ יִבְרָ֔חb וּמִ֥י כָמֹ֛ונִי אֲשֶׁר־יָבֹ֥ואc אֶל־הַהֵיכָ֖ל וָחָ֑יd לֹ֖א אָבֹֽואe ׃

12 וָאַכִּ֕ירָהa וְהִנֵּ֥ה לֹֽא־אֱלֹהִ֖ים שְׁלָחֹ֑וb כִּ֤י הַנְּבוּאָה֙c דִּבֶּ֣רd עָלַ֔י וְטֹובִיָּ֥הe וְסַנְבַלַּ֖טf שְׂכָרֹֽוg ׃

13 לְמַ֤עַן שָׂכוּר֙a ה֔וּא לְמַֽעַן־אִירָ֥אb וְאֶֽעֱשֶׂהc ־כֵּ֖ן וְחָטָ֑אתִיd וְהָיָ֤הe לָהֶם֙ לְשֵׁ֣ם רָ֔ע לְמַ֖עַן יְחָֽרְפֽוּנִיf ׃ פ

14 זָכְרָ֧הa אֱלֹהַ֛י לְטֹובִיָּ֥הb וּלְסַנְבַלַּ֖טc כְּמַעֲשָׂ֣יו אֵ֑לֶּה וְגַ֨ם לְנֹועַדְיָ֤הd הַנְּבִיאָה֙e וּלְיֶ֣תֶר הַנְּבִיאִ֔ים אֲשֶׁ֥ר הָי֖וּf מְיָֽרְאִ֥יםg אֹותִֽי׃

15 וַתִּשְׁלַם֙a הַֽחֹומָ֔ה בְּעֶשְׂרִ֥ים וַחֲמִשָּׁ֖ה לֶאֱל֑וּלb לַחֲמִשִּׁ֥ים וּשְׁנַ֖יִם יֹֽום׃ פ

16 וַיְהִ֗יa כַּאֲשֶׁ֤ר שָֽׁמְעוּ֙b כָּל־אֹ֣ויְבֵ֔ינוּ וַיִּֽרְא֗וּc כָּל־הַגֹּויִם֙ אֲשֶׁ֣ר סְבִֽיבֹתֵ֔ינוּ וַיִּפְּל֥וּd מְאֹ֖ד בְּעֵינֵיהֶ֑ם וַיֵּ֣דְע֔וּe כִּ֚י מֵאֵ֣ת אֱלֹהֵ֔ינוּ נֶעֶשְׂתָ֖הf הַמְּלָאכָ֥ה הַזֹּֽאת׃

17 גַּ֣ם׀ בַּיָּמִ֣ים הָהֵ֗ם מַרְבִּ֞יםa חֹרֵ֤יb יְהוּדָה֙ אִגְּרֹ֣תֵיהֶ֔םc הֹולְכֹ֖ותd עַל־טֹובִיָּ֑הe וַאֲשֶׁ֥ר לְטֹובִיָּ֖הf בָּאֹ֥ותg אֲלֵיהֶֽם׃

18 כִּי־רַבִּ֣ים בִּֽיהוּדָ֗ה בַּעֲלֵ֤י שְׁבוּעָה֙a לֹ֔ו כִּי־חָתָ֥ןb ה֖וּא לִשְׁכַנְיָ֣הc בֶן־אָרַ֑חd וִֽיהֹוחָנָ֣ןe בְּנֹ֔ו לָקַ֕חf אֶת־בַּת־מְשֻׁלָּ֖םg בֶּ֥ן בֶּֽרֶכְיָֽהh ׃

19 גַּ֣ם טֹובֹתָ֗יו הָי֤וּa אֹמְרִים֙b לְפָנַ֔י וּדְבָרַ֕י הָי֥וּc מֹוצִיאִ֖יםd לֹ֑ו אִגְּרֹ֛ותe שָׁלַ֥חf טֹובִיָּ֖הg לְיָֽרְאֵֽנִיh ׃