נחמיה

וַתְּהִ֨יa צַעֲקַ֥תb הָעָ֛ם וּנְשֵׁיהֶ֖ם גְּדֹולָ֑ה אֶל־אֲחֵיהֶ֖ם הַיְּהוּדִֽים׃

2 וְיֵשׁ֙ אֲשֶׁ֣ר אֹמְרִ֔יםa בָּנֵ֥ינוּ וּבְנֹתֵ֖ינוּ אֲנַ֣חְנוּ רַבִּ֑ים וְנִקְחָ֥הb דָגָ֖ןc וְנֹאכְלָ֥הd וְנִחְיֶֽהe ׃

3 וְיֵשׁ֙ אֲשֶׁ֣ר אֹמְרִ֔יםa שְׂדֹתֵ֛ינוּ וּכְרָמֵ֥ינוּ וּבָתֵּ֖ינוּ אֲנַ֣חְנוּ עֹרְבִ֑יםb וְנִקְחָ֥הc דָגָ֖ןd בָּרָעָֽב׃

4 וְיֵשׁ֙ אֲשֶׁ֣ר אֹמְרִ֔יםa לָוִ֥ינוּb כֶ֖סֶף לְמִדַּ֣תc הַמֶּ֑לֶךְ שְׂדֹתֵ֖ינוּ וּכְרָמֵֽינוּ׃

5 וְעַתָּ֗ה כִּבְשַׂ֤ר אַחֵ֨ינוּ֙ בְּשָׂרֵ֔נוּ כִּבְנֵיהֶ֖ם בָּנֵ֑ינוּ וְהִנֵּ֣ה אֲנַ֣חְנוּ כֹ֠בְשִׁיםa אֶת־בָּנֵ֨ינוּ וְאֶת־בְּנֹתֵ֜ינוּ לַעֲבָדִ֗ים וְיֵ֨שׁ מִבְּנֹתֵ֤ינוּ נִכְבָּשֹׁות֙b וְאֵ֣ין לְאֵ֣לc יָדֵ֔נוּ וּשְׂדֹתֵ֥ינוּ וּכְרָמֵ֖ינוּ לַאֲחֵרִֽים׃

6 וַיִּ֥חַרa לִ֖י מְאֹ֑ד כַּאֲשֶׁ֤ר שָׁמַ֨עְתִּי֙b אֶת־זַֽעֲקָתָ֔םc וְאֵ֖ת הַדְּבָרִ֥ים הָאֵֽלֶּה׃

7 וַיִּמָּלֵ֨ךְa לִבִּ֜י עָלַ֗י וָאָרִ֨יבָה֙b אֶת־הַחֹרִ֣יםc וְאֶת־הַסְּגָנִ֔יםd וָאֹמְרָ֣הe לָהֶ֔ם מַשָּׁ֥אf אִישׁ־בְּאָחִ֖יו אַתֶּ֣ם נֹשִׁ֑איםg וָאֶתֵּ֥ןh עֲלֵיהֶ֖ם קְהִלָּ֥הi גְדֹולָֽה׃

8 וָאֹמְרָ֣הa לָהֶ֗ם אֲנַ֣חְנוּ קָ֠נִינוּb אֶת־אַחֵ֨ינוּ הַיְּהוּדִ֜ים הַנִּמְכָּרִ֤יםc לַגֹּויִם֙ כְּדֵ֣יd בָ֔נוּ וְגַם־אַתֶּ֛ם תִּמְכְּר֥וּe אֶת־אֲחֵיכֶ֖ם וְנִמְכְּרוּf ־לָ֑נוּ וַֽיַּחֲרִ֔ישׁוּg וְלֹ֥א מָצְא֖וּh דָּבָֽר׃ ס

9 ויאמרa לֹא־טֹ֥וב הַדָּבָ֖ר אֲשֶׁר־אַתֶּ֣ם עֹשִׂ֑יםb הֲלֹ֞וא בְּיִרְאַ֤תc אֱלֹהֵ֨ינוּ֙ תֵּלֵ֔כוּd מֵחֶרְפַּ֖ת הַגֹּויִ֥ם אֹויְבֵֽינוּ׃

10 וְגַם־אֲנִי֙ אַחַ֣י וּנְעָרַ֔י נֹשִׁ֥יםa בָּהֶ֖ם כֶּ֣סֶף וְדָגָ֑ןb נַֽעַזְבָהc ־נָּ֖א אֶת־הַמַּשָּׁ֥אd הַזֶּֽה׃

11 הָשִׁיבוּ֩a נָ֨א לָהֶ֜ם כְּהַיֹּ֗ום שְׂדֹתֵיהֶ֛ם כַּרְמֵיהֶ֥ם זֵיתֵיהֶ֖םb וּבָתֵּיהֶ֑ם וּמְאַ֨ת הַכֶּ֤סֶף וְהַדָּגָן֙c הַתִּירֹ֣ושׁd וְהַיִּצְהָ֔רe אֲשֶׁ֥ר אַתֶּ֖ם נֹשִׁ֥יםf בָּהֶֽם׃

12 וַיֹּאמְר֣וּa נָשִׁ֗יבb וּמֵהֶם֙ לֹ֣א נְבַקֵּ֔שׁc כֵּ֣ן נַעֲשֶׂ֔הd כַּאֲשֶׁ֖ר אַתָּ֣ה אֹומֵ֑רe וָאֶקְרָא֙f אֶת־הַכֹּ֣הֲנִ֔ים וָֽאַשְׁבִּיעֵ֔םg לַעֲשֹׂ֖ותh כַּדָּבָ֥ר הַזֶּֽה׃

13 גַּם־חָצְנִ֣יa נָעַ֗רְתִּיb וָֽאֹמְרָ֡הc כָּ֣כָהd יְנַעֵ֪רe הָֽאֱלֹהִ֟ים אֶת־כָּל־הָאִישׁ֩ אֲשֶׁ֨ר לֹֽא־יָקִ֜יםf אֶת־הַדָּבָ֣ר הַזֶּ֗ה מִבֵּיתֹו֙ וּמִ֣יגִיעֹ֔וg וְכָ֛כָהh יִהְיֶ֥הi נָע֖וּרj וָרֵ֑קk וַיֹּאמְר֨וּl כָֽל־הַקָּהָ֜ל אָמֵ֗ןm וַֽיְהַלְלוּ֙n אֶת־יְהוָ֔ה וַיַּ֥עַשׂo הָעָ֖ם כַּדָּבָ֥ר הַזֶּֽה׃

14 גַּ֞ם מִיֹּ֣ום׀ אֲשֶׁר־צִוָּ֣הa אֹתִ֗י לִהְיֹ֣ותb פֶּחָם֮c בְּאֶ֣רֶץ יְהוּדָה֒ מִשְּׁנַ֣ת עֶשְׂרִ֗ים וְ֠עַד שְׁנַ֨ת שְׁלֹשִׁ֤ים וּשְׁתַּ֨יִם֙ לְאַרְתַּחְשַׁ֣סְתְּאd הַמֶּ֔לֶךְ שָׁנִ֖ים שְׁתֵּ֣ים עֶשְׂרֵ֑ה אֲנִ֣י וְאַחַ֔י לֶ֥חֶם הַפֶּ֖חָהe לֹ֥א אָכַֽלְתִּיf ׃

15 וְהַפַּחֹות֩a הָרִאשֹׁנִ֨ים אֲשֶׁר־לְפָנַ֜י הִכְבִּ֣ידוּb עַל־הָעָ֗ם וַיִּקְח֨וּc מֵהֶ֜ם בְּלֶ֤חֶם וָיַ֨יִן֙ אַחַר֙ כֶּֽסֶף־שְׁקָלִ֣ים אַרְבָּעִ֔ים גַּ֥ם נַעֲרֵיהֶ֖ם שָׁלְט֣וּd עַל־הָעָ֑ם וַאֲנִי֙ לֹא־עָשִׂ֣יתִיe כֵ֔ן מִפְּנֵ֖י יִרְאַ֥תf אֱלֹהִֽים׃

16 וְ֠גַם בִּמְלֶ֜אכֶת הַחֹומָ֤ה הַזֹּאת֙ הֶחֱזַ֔קְתִּיa וְשָׂדֶ֖ה לֹ֣א קָנִ֑ינוּb וְכָל־נְעָרַ֔י קְבוּצִ֥יםc שָׁ֖ם עַל־הַמְּלָאכָֽה׃

17 וְהַיְּהוּדִ֨ים וְהַסְּגָנִ֜יםa מֵאָ֧ה וַחֲמִשִּׁ֣ים אִ֗ישׁ וְהַבָּאִ֥יםb אֵלֵ֛ינוּ מִן־הַגֹּויִ֥ם אֲשֶׁר־סְבִיבֹתֵ֖ינוּ עַל־שֻׁלְחָנִֽי׃

18 וַאֲשֶׁר֩ הָיָ֨הa נַעֲשֶׂ֜הb לְיֹ֣ום אֶחָ֗ד שֹׁ֣ור אֶחָ֞ד צֹ֠אן שֵׁשׁ־בְּרֻרֹ֤ותc וְצִפֳּרִים֙d נַֽעֲשׂוּe ־לִ֔י וּבֵ֨ין עֲשֶׂ֧רֶת יָמִ֛ים בְּכָל־יַ֖יִן לְהַרְבֵּ֑ה וְעִם־זֶ֗ה לֶ֤חֶם הַפֶּחָה֙f לֹ֣א בִקַּ֔שְׁתִּיg כִּֽי־כָֽבְדָ֥הh הָעֲבֹדָ֖ה עַל־הָעָ֥ם הַזֶּֽה׃

19 זָכְרָהa ־לִּ֥י אֱלֹהַ֖י לְטֹובָ֑ה כֹּ֥ל אֲשֶׁר־עָשִׂ֖יתִיb עַל־הָעָ֥ם הַזֶּֽה׃ פ