נחמיה

וַיְהִ֣יa ׀ בְּחֹ֣דֶשׁ נִיסָ֗ןb שְׁנַ֥ת עֶשְׂרִ֛ים לְאַרְתַּחְשַׁ֥סְתְּאc הַמֶּ֖לֶךְ יַ֣יִן לְפָנָ֑יו וָאֶשָּׂ֤אd אֶת־הַיַּ֨יִן֙ וָאֶתְּנָ֣הe לַמֶּ֔לֶךְ וְלֹא־הָיִ֥יתִיf רַ֖ע לְפָנָֽיו׃

2 וַיֹּאמֶר֩a לִ֨י הַמֶּ֜לֶךְ מַדּ֣וּעַ׀ פָּנֶ֣יךָ רָעִ֗ים וְאַתָּה֙ אֵֽינְךָ֣ חֹולֶ֔הb אֵ֣ין זֶ֔ה כִּי־אִ֖ם רֹ֣עַֽc לֵ֑ב וָאִירָ֖אd הַרְבֵּ֥ה מְאֹֽד׃

3 וָאֹמַ֣רa לַמֶּ֔לֶךְ הַמֶּ֖לֶךְ לְעֹולָ֣ם יִחְיֶ֑הb מַדּ֜וּעַ לֹא־יֵרְע֣וּc פָנַ֗י אֲשֶׁ֨ר הָעִ֜יר בֵּית־קִבְרֹ֤ות אֲבֹתַי֙ חֲרֵבָ֔הd וּשְׁעָרֶ֖יהָ אֻכְּל֥וּe בָאֵֽשׁ׃ ס

4 וַיֹּ֤אמֶרa לִי֙ הַמֶּ֔לֶךְ עַל־מַה־זֶּ֖ה אַתָּ֣ה מְבַקֵּ֑שׁb וָֽאֶתְפַּלֵּ֔לc אֶל־אֱלֹהֵ֖י הַשָּׁמָֽיִם׃

5 וָאֹמַ֣רa לַמֶּ֔לֶךְ אִם־עַל־הַמֶּ֣לֶךְ טֹ֔וב וְאִם־יִיטַ֥בb עַבְדְּךָ֖ לְפָנֶ֑יךָ אֲשֶׁ֧ר תִּשְׁלָחֵ֣נִיc אֶל־יְהוּדָ֗ה אֶל־עִ֛יר קִבְרֹ֥ות אֲבֹתַ֖י וְאֶבְנֶֽנָּהd ׃

6 וַיֹּאמֶר֩a לִ֨י הַמֶּ֜לֶךְ וְהַשֵּׁגַ֣לb ׀ יֹושֶׁ֣בֶתc אֶצְלֹ֗ו עַד־מָתַ֛יd יִהְיֶ֥הe מַֽהֲלָכֲךָ֖f וּמָתַ֣יg תָּשׁ֑וּבh וַיִּיטַ֤בi לִפְנֵֽי־הַמֶּ֨לֶךְ֙ וַיִּשְׁלָחֵ֔נִיj וָֽאֶתְּנָ֥הk לֹ֖ו זְמָֽןl ׃

7 וָאֹומַר֮a לַמֶּלֶךְ֒ אִם־עַל־הַמֶּ֣לֶךְ טֹ֔וב אִגְּרֹות֙b יִתְּנוּc ־לִ֔י עַֽל־פַּחֲוֹ֖ותd עֵ֣בֶר הַנָּהָ֑ר אֲשֶׁר֙ יַעֲבִיר֔וּנִיe עַ֥ד אֲשֶׁר־אָבֹ֖ואf אֶל־יְהוּדָֽה׃

8 וְאִגֶּ֡רֶתa אֶל־אָסָף֩b שֹׁמֵ֨ר הַפַּרְדֵּ֜סc אֲשֶׁ֣ר לַמֶּ֗לֶךְ אֲשֶׁ֣ר יִתֶּןd ־לִ֣י עֵצִ֡ים לְ֠קָרֹותe אֶת־שַׁעֲרֵ֨י הַבִּירָ֤הf אֲשֶׁר־לַבַּ֨יִת֙ וּלְחֹומַ֣ת הָעִ֔יר וְלַבַּ֖יִת אֲשֶׁר־אָבֹ֣ואg אֵלָ֑יו וַיִּתֶּןh ־לִ֣י הַמֶּ֔לֶךְ כְּיַד־אֱלֹהַ֖י הַטֹּובָ֥ה עָלָֽי׃

9 וָֽאָבֹ֗ואa אֶֽל־פַּֽחֲוֹות֙b עֵ֣בֶר הַנָּהָ֔ר וָאֶתְּנָ֣הc לָהֶ֔ם אֵ֖ת אִגְּרֹ֣ותd הַמֶּ֑לֶךְ וַיִּשְׁלַ֤חe עִמִּי֙ הַמֶּ֔לֶךְ שָׂ֥רֵי חַ֖יִל וּפָרָשִֽׁים׃ פ

10 וַיִּשְׁמַ֞עa סַנְבַלַּ֣טb הַחֹרֹנִ֗יc וְטֹֽובִיָּה֙d הָעֶ֣בֶד הָֽעַמֹּנִ֔יe וַיֵּ֥רַעf לָהֶ֖ם רָעָ֣ה גְדֹלָ֑ה אֲשֶׁר־בָּ֥אg אָדָ֔ם לְבַקֵּ֥שׁh טֹובָ֖ה לִבְנֵ֥י יִשְׂרָאֵֽל׃

11 וָאָבֹ֖ואa אֶל־יְרוּשָׁלִָ֑ם וָאֱהִיb ־שָׁ֖ם יָמִ֥ים שְׁלֹשָֽׁה׃

12 וָאָק֣וּםa ׀ לַ֗יְלָה אֲנִי֮ וַאֲנָשִׁ֣ים׀ מְעַט֮ עִמִּי֒ וְלֹא־הִגַּ֣דְתִּיb לְאָדָ֔ם מָ֗ה אֱלֹהַי֙ נֹתֵ֣ןc אֶל־לִבִּ֔י לַעֲשֹׂ֖ותd לִירוּשָׁלִָ֑ם וּבְהֵמָה֙ אֵ֣ין עִמִּ֔י כִּ֚י אִם־הַבְּהֵמָ֔ה אֲשֶׁ֥ר אֲנִ֖י רֹכֵ֥בe בָּֽהּ׃

13 וָאֵצְאָ֨הa בְשַֽׁעַר־הַגַּ֜יא לַ֗יְלָה וְאֶל־פְּנֵי֙ עֵ֣ין הַתַּנִּ֔יןb וְאֶל־שַׁ֖עַר הָאַשְׁפֹּ֑תc וָאֱהִ֨יd שֹׂבֵ֜רe בְּחֹומֹ֤ת יְרוּשָׁלִַ֨ם֙ אֲשֶׁר־הםפרוציםf וּשְׁעָרֶ֖יהָ אֻכְּל֥וּg בָאֵֽשׁ׃

14 וָאֶֽעֱבֹר֙a אֶל־שַׁ֣עַר הָעַ֔יִן וְאֶל־בְּרֵכַ֖תb הַמֶּ֑לֶךְ וְאֵין־מָקֹ֥ום לַבְּהֵמָ֖ה לַעֲבֹ֥רc תַּחְתָּֽי׃

15 וָאֱהִ֨יa עֹלֶ֤הb בַנַּ֨חַל֙ לַ֔יְלָה וָאֱהִ֥יc שֹׂבֵ֖רd בַּחֹומָ֑ה וָאָשׁ֗וּבe וָאָבֹ֛ואf בְּשַׁ֥עַר הַגַּ֖יְא וָאָשֽׁוּבg ׃

16 וְהַסְּגָנִ֗יםa לֹ֤א יָדְעוּ֙b אָ֣נָהc הָלַ֔כְתִּיd וּמָ֖ה אֲנִ֣י עֹשֶׂ֑הe וְלַיְּהוּדִ֨ים וְלַכֹּהֲנִ֜ים וְלַחֹרִ֣יםf וְלַסְּגָנִ֗יםg וּלְיֶ֨תֶר֙ עֹשֵׂ֣ה הַמְּלָאכָ֔ה עַד־כֵּ֖ן לֹ֥א הִגַּֽדְתִּיh ׃

17 וָאֹומַ֣רa אֲלֵהֶ֗ם אַתֶּ֤ם רֹאִים֙b הָרָעָה֙ אֲשֶׁ֣ר אֲנַ֣חְנוּ בָ֔הּ אֲשֶׁ֤ר יְרוּשָׁלִַ֨ם֙ חֲרֵבָ֔הc וּשְׁעָרֶ֖יהָ נִצְּת֣וּd בָאֵ֑שׁ לְכ֗וּe וְנִבְנֶה֙f אֶת־חֹומַ֣ת יְרוּשָׁלִַ֔ם וְלֹא־נִהְיֶ֥הg עֹ֖וד חֶרְפָּֽה׃

18 וָאַגִּ֨ידa לָהֶ֜ם אֶת־יַ֣ד אֱלֹהַ֗י אֲשֶׁר־הִיא֙ טֹובָ֣ה עָלַ֔י וְאַף־דִּבְרֵ֥י הַמֶּ֖לֶךְ אֲשֶׁ֣ר אָֽמַרb ־לִ֑י וַיֹּֽאמְרוּ֙c נָק֣וּםd וּבָנִ֔ינוּe וַיְחַזְּק֥וּf יְדֵיהֶ֖ם לַטֹּובָֽה׃ פ

19 וַיִּשְׁמַע֩a סַנְבַלַּ֨טb הַחֹרֹנִ֜יc וְטֹבִיָּ֣הd ׀ הָעֶ֣בֶד הָֽעַמֹּונִ֗יe וְגֶ֨שֶׁם֙f הָֽעַרְבִ֔יg וַיַּלְעִ֣גוּh לָ֔נוּ וַיִּבְז֖וּi עָלֵ֑ינוּ וַיֹּאמְר֗וּj מָֽה־הַדָּבָ֤ר הַזֶּה֙ אֲשֶׁ֣ר אַתֶּ֣ם עֹשִׂ֔יםk הַעַ֥ל הַמֶּ֖לֶךְ אַתֶּ֥ם מֹרְדִֽיםl ׃

20 וָאָשִׁ֨יבa אֹותָ֜ם דָּבָ֗ר וָאֹומַ֤רb לָהֶם֙ אֱלֹהֵ֣י הַשָּׁמַ֔יִם ה֚וּא יַצְלִ֣יחַֽc לָ֔נוּ וַאֲנַ֥חְנוּ עֲבָדָ֖יו נָק֣וּםd וּבָנִ֑ינוּe וְלָכֶ֗ם אֵֽין־חֵ֧לֶק וּצְדָקָ֛ה וְזִכָּרֹ֖וןf בִּירוּשָׁלִָֽם׃