נחמיה

בַּיֹּ֣ום הַה֗וּא נִקְרָ֛אa בְּסֵ֥פֶר מֹשֶׁ֖ה בְּאָזְנֵ֣י הָעָ֑ם וְנִמְצָא֙b כָּת֣וּבc בֹּ֔ו אֲ֠שֶׁר לֹא־יָבֹ֨ואd עַמֹּנִ֧יe וּמֹאָבִ֛יf בִּקְהַ֥ל הָאֱלֹהִ֖ים עַד־עֹולָֽם׃

2 כִּ֣י לֹ֧א קִדְּמ֛וּa אֶת־בְּנֵ֥י יִשְׂרָאֵ֖ל בַּלֶּ֣חֶם וּבַמָּ֑יִם וַיִּשְׂכֹּ֨רb עָלָ֤יו אֶת־בִּלְעָם֙ לְקַֽלְלֹ֔וc וַיַּהֲפֹ֧ךְd אֱלֹהֵ֛ינוּ הַקְּלָלָ֖הe לִבְרָכָֽה׃

3 וַיְהִ֖יa כְּשָׁמְעָ֣םb אֶת־הַתֹּורָ֑ה וַיַּבְדִּ֥ילוּc כָל־עֵ֖רֶבd מִיִּשְׂרָאֵֽל׃

4 וְלִפְנֵ֣י מִזֶּ֔ה אֶלְיָשִׁיב֙a הַכֹּהֵ֔ן נָת֖וּןb בְּלִשְׁכַּ֣תc בֵּית־אֱלֹהֵ֑ינוּ קָרֹ֖וב לְטֹובִיָּֽהd ׃

5 וַיַּ֨עַשׂa לֹ֜ו לִשְׁכָּ֣הb גְדֹולָ֗ה וְשָׁ֣ם הָי֪וּc לְפָנִ֟ים נֹ֠תְנִיםd אֶת־הַמִּנְחָ֨ה הַלְּבֹונָ֜הe וְהַכֵּלִ֗ים וּמַעְשַׂ֤רf הַדָּגָן֙g הַתִּירֹ֣ושׁh וְהַיִּצְהָ֔רi מִצְוַת֙ הַלְוִיִּ֔ם וְהַמְשֹׁרְרִ֖ים וְהַשֹּׁעֲרִ֑יםj וּתְרוּמַ֖ת הַכֹּהֲנִֽים׃

6 וּבְכָל־זֶ֕ה לֹ֥א הָיִ֖יתִיa בִּֽירוּשָׁלִָ֑ם כִּ֡י בִּשְׁנַת֩ שְׁלֹשִׁ֨ים וּשְׁתַּ֜יִם לְאַרְתַּחְשַׁ֤סְתְּאb מֶֽלֶךְ־בָּבֶל֙ בָּ֣אתִיc אֶל־הַמֶּ֔לֶךְ וּלְקֵ֥ץ יָמִ֖ים נִשְׁאַ֥לְתִּיd מִן־הַמֶּֽלֶךְ׃

7 וָאָבֹ֖ואa לִֽירוּשָׁלִָ֑ם וָאָבִ֣ינָהb בָרָעָ֗ה אֲשֶׁ֨ר עָשָׂ֤הc אֶלְיָשִׁיב֙d לְטֹ֣ובִיָּ֔הe לַעֲשֹׂ֥ותf לֹו֙ נִשְׁכָּ֔הg בְּחַצְרֵ֖י בֵּ֥ית הָאֱלֹהִֽים׃

8 וַיֵּ֥רַֽעa לִ֖י מְאֹ֑ד וָֽאַשְׁלִ֜יכָהb אֶֽת־כָּל־כְּלֵ֧י בֵית־טֹובִיָּ֛הc הַח֖וּץ מִן־הַלִּשְׁכָּֽהd ׃

9 וָאֹ֣מְרָ֔הa וַֽיְטַהֲר֖וּb הַלְּשָׁכֹ֑ותc וָאָשִׁ֣יבָהd שָּׁ֗ם כְּלֵי֙ בֵּ֣ית הָאֱלֹהִ֔ים אֶת־הַמִּנְחָ֖ה וְהַלְּבֹונָֽהe ׃ פ

10 וָאֵ֣דְעָ֔הa כִּֽי־מְנָיֹ֥ותb הַלְוִיִּ֖ם לֹ֣א נִתָּ֑נָהc וַיִּבְרְח֧וּd אִישׁ־לְשָׂדֵ֛הוּ הַלְוִיִּ֥ם וְהַמְשֹׁרְרִ֖ים עֹשֵׂ֥יe הַמְּלָאכָֽה׃

11 וָאָרִ֨יבָה֙a אֶת־הַסְּגָנִ֔יםb וָאֹ֣מְרָ֔הc מַדּ֖וּעַ נֶעֱזַ֣בd בֵּית־הָאֱלֹהִ֑ים וָֽאֶ֨קְבְּצֵ֔םe וָֽאַעֲמִדֵ֖םf עַל־עָמְדָֽםg ׃

12 וְכָל־יְהוּדָ֗ה הֵבִ֜יאוּa מַעְשַׂ֧רb הַדָּגָ֛ןc וְהַתִּירֹ֥ושׁd וְהַיִּצְהָ֖רe לָאֹוצָרֹֽות׃

13 וָאֹוצְרָ֣הa עַל־אֹ֠וצָרֹות שֶׁלֶמְיָ֨הb הַכֹּהֵ֜ן וְצָדֹ֣וק הַסֹּופֵ֗ר וּפְדָיָה֙c מִן־הַלְוִיִּ֔ם וְעַל־יָדָ֔ם חָנָ֥ןd בֶּן־זַכּ֖וּרe בֶּן־מַתַּנְיָ֑הf כִּ֤י נֶאֱמָנִים֙ נֶחְשָׁ֔בוּg וַעֲלֵיהֶ֖ם לַחֲלֹ֥קh לַאֲחֵיהֶֽם׃ פ

14 זָכְרָהa ־לִּ֥י אֱלֹהַ֖י עַל־זֹ֑את וְאַל־תֶּ֣מַחb חֲסָדַ֗י אֲשֶׁ֥ר עָשִׂ֛יתִיc בְּבֵ֥ית אֱלֹהַ֖י וּבְמִשְׁמָרָֽיוd ׃

15 בַּיָּמִ֣ים הָהֵ֡מָּה רָאִ֣יתִיa בִֽיהוּדָ֣ה׀ דֹּֽרְכִֽיםb ־גִּתֹּ֣ותc ׀ בַּשַּׁבָּ֡ת וּמְבִיאִ֣יםd הָעֲרֵמֹ֣ותe וְֽעֹמְסִ֪יםf עַל־הַחֲמֹרִ֟ים וְאַף־יַ֜יִן עֲנָבִ֤יםg וּתְאֵנִים֙h וְכָל־מַשָּׂ֔אi וּמְבִיאִ֥יםj יְרוּשָׁלִַ֖ם בְּיֹ֣ום הַשַּׁבָּ֑ת וָאָעִ֕ידk בְּיֹ֖ום מִכְרָ֥םl צָֽיִדm ׃

16 וְהַצֹּרִים֙a יָ֣שְׁבוּb בָ֔הּ מְבִיאִ֥יםc דָּ֖אגd וְכָל־מֶ֑כֶרe וּמֹכְרִ֧יםf בַּשַּׁבָּ֛ת לִבְנֵ֥י יְהוּדָ֖ה וּבִירוּשָׁלִָֽם׃

17 וָאָרִ֕יבָהa אֵ֖ת חֹרֵ֣יb יְהוּדָ֑ה וָאֹמְרָ֣הc לָהֶ֗ם מָֽה־הַדָּבָ֨ר הָרָ֤ע הַזֶּה֙ אֲשֶׁ֣ר אַתֶּ֣ם עֹשִׂ֔יםd וּֽמְחַלְּלִ֖יםe אֶת־יֹ֥ום הַשַּׁבָּֽת׃

18 הֲלֹ֨וא כֹ֤ה עָשׂוּ֙a אֲבֹ֣תֵיכֶ֔ם וַיָּבֵ֨אb אֱלֹהֵ֜ינוּ עָלֵ֗ינוּ אֵ֚ת כָּל־הָרָעָ֣ה הַזֹּ֔את וְעַ֖ל הָעִ֣יר הַזֹּ֑את וְאַתֶּ֞ם מֹוסִיפִ֤יםc חָרֹון֙d עַל־יִשְׂרָאֵ֔ל לְחַלֵּ֖לe אֶת־הַשַּׁבָּֽת׃ פ

19 וַיְהִ֡יa כַּאֲשֶׁ֣ר צָֽלֲלוּ֩b שַׁעֲרֵ֨י יְרוּשָׁלִַ֜ם לִפְנֵ֣י הַשַּׁבָּ֗ת וָאֹֽמְרָה֙c וַיִּסָּגְר֣וּd הַדְּלָתֹ֔ות וָאֹ֣מְרָ֔הe אֲשֶׁר֙ לֹ֣א יִפְתָּח֔וּםf עַ֖ד אַחַ֣ר הַשַּׁבָּ֑ת וּמִנְּעָרַ֗י הֶֽעֱמַ֨דְתִּי֙g עַל־הַשְּׁעָרִ֔ים לֹא־יָבֹ֥ואh מַשָּׂ֖אi בְּיֹ֥ום הַשַּׁבָּֽת׃

20 וַיָּלִ֨ינוּa הָרֹכְלִ֜יםb וּמֹכְרֵ֧י כָל־מִמְכָּ֛רc מִח֥וּץ לִירוּשָׁלִָ֖ם פַּ֥עַם וּשְׁתָּֽיִם׃

21 וָאָעִ֣ידָהa בָהֶ֗ם וָאֹמְרָ֤הb אֲלֵיהֶם֙ מַדּ֜וּעַ אַתֶּ֤ם לֵנִים֙c נֶ֣גֶד הַחֹומָ֔ה אִם־תִּשְׁנ֕וּd יָ֖ד אֶשְׁלַ֣חe בָּכֶ֑ם מִן־הָעֵ֣ת הַהִ֔יא לֹא־בָ֖אוּf בַּשַּׁבָּֽת׃ ס

22 וָאֹמְרָ֣הa לַלְוִיִּ֗ם אֲשֶׁ֨ר יִֽהְי֤וּb מִֽטַּהֲרִים֙c וּבָאִים֙d שֹׁמְרִ֣יםe הַשְּׁעָרִ֔ים לְקַדֵּ֖שׁf אֶת־יֹ֣ום הַשַּׁבָּ֑ת גַּם־זֹאת֙ זָכְרָהg ־לִּ֣י אֱלֹהַ֔י וְח֥וּסָהh עָלַ֖י כְּרֹ֥ב חַסְדֶּֽךָ׃ פ

23 גַּ֣ם׀ בַּיָּמִ֣ים הָהֵ֗ם רָאִ֤יתִיa אֶת־הַיְּהוּדִים֙ הֹשִׁ֗יבוּb נָשִׁים֙ אשׁדודיותc עמוניותd מֹואֲבִיֹּֽותe ׃

24 וּבְנֵיהֶ֗ם חֲצִי֙ מְדַבֵּ֣רa אַשְׁדֹּודִ֔יתb וְאֵינָ֥ם מַכִּירִ֖יםc לְדַבֵּ֣רd יְהוּדִ֑ית וְכִלְשֹׁ֖ון עַ֥ם וָעָֽם׃

25 וָאָרִ֤יבa עִמָּם֙ וָאֲקַֽלְלֵ֔םb וָאַכֶּ֥הc מֵהֶ֛ם אֲנָשִׁ֖ים וָֽאֶמְרְטֵ֑םd וָאַשְׁבִּיעֵ֣םe בֵּֽאלֹהִ֗ים אִם־תִּתְּנ֤וּf בְנֹֽתֵיכֶם֙ לִבְנֵיהֶ֔ם וְאִם־תִּשְׂאוּ֙g מִבְּנֹ֣תֵיהֶ֔ם לִבְנֵיכֶ֖ם וְלָכֶֽם׃

26 הֲלֹ֣וא עַל־אֵ֣לֶּה חָטָֽאa ־שְׁלֹמֹ֣ה מֶ֣לֶךְ יִשְׂרָאֵ֡ל וּבַגֹּויִ֣ם הָרַבִּים֩ לֹֽא־הָיָ֨הb מֶ֜לֶךְ כָּמֹ֗הוּ וְאָה֤וּבc לֵֽאלֹהָיו֙ הָיָ֔הd וַיִּתְּנֵ֣הוּe אֱלֹהִ֔ים מֶ֖לֶךְ עַל־כָּל־יִשְׂרָאֵ֑ל גַּם־אֹותֹ֣ו הֶחֱטִ֔יאוּf הַנָּשִׁ֖ים הַנָּכְרִיֹּֽותg ׃

27 וְלָכֶ֣ם הֲנִשְׁמַ֗עa לַעֲשֹׂת֙b אֵ֣ת כָּל־הָרָעָ֤ה הַגְּדֹולָה֙ הַזֹּ֔את לִמְעֹ֖לc בֵּֽאלֹהֵ֑ינוּ לְהֹשִׁ֖יבd נָשִׁ֥ים נָכְרִיֹּֽותe ׃

28 וּמִבְּנֵ֨י יֹויָדָ֤עa בֶּן־אֶלְיָשִׁיב֙b הַכֹּהֵ֣ן הַגָּדֹ֔ול חָתָ֖ןc לְסַנְבַלַּ֣טd הַחֹרֹנִ֑יe וָאַבְרִיחֵ֖הוּf מֵעָלָֽי׃

29 זָכְרָ֥הa לָהֶ֖ם אֱלֹהָ֑י עַ֚ל גָּאֳלֵ֣יb הַכְּהֻנָּ֔הc וּבְרִ֥ית הַכְּהֻנָּ֖הd וְהַלְוִיִּֽם׃

30 וְטִֽהַרְתִּ֖יםa מִכָּל־נֵכָ֑רb וָאַעֲמִ֧ידָהc מִשְׁמָרֹ֛ות לַכֹּהֲנִ֥ים וְלַלְוִיִּ֖ם אִ֥ישׁ בִּמְלַאכְתֹּֽו׃

31 וּלְקֻרְבַּ֧ןa הָעֵצִ֛ים בְּעִתִּ֥ים מְזֻמָּנֹ֖ותb וְלַבִּכּוּרִ֑יםc זָכְרָהd ־לִּ֥י אֱלֹהַ֖י לְטֹובָֽה׃