נחום

מַשָּׂ֖אa נִֽינְוֵ֑הb סֵ֧פֶר חֲזֹ֛וןc נַח֖וּםd הָאֶלְקֹשִֽׁיe ׃

2 אֵ֣ל קַנֹּ֤ואa וְנֹקֵם֙b יְהוָ֔ה נֹקֵ֥םc יְהוָ֖ה וּבַ֣עַל חֵמָ֑ה נֹקֵ֤םd יְהוָה֙ לְצָרָ֔יו וְנֹוטֵ֥רe ה֖וּא לְאֹיְבָֽיו׃

3 יְהֹוָ֗ה אֶ֤רֶךְa אַפַּ֨יִם֙ וגדולb ־כֹּ֔חַ וְנַקֵּ֖הc לֹ֣א יְנַקֶּ֑הd יְהוָ֗ה בְּסוּפָ֤הe וּבִשְׂעָרָה֙f דַּרְכֹּ֔ו וְעָנָ֖ן אֲבַ֥קg רַגְלָֽיו׃

4 גֹּועֵ֤רa בַּיָּם֙ וַֽיַּבְּשֵׁ֔הוּb וְכָל־הַנְּהָרֹ֖ות הֶֽחֱרִ֑יבc אֻמְלַ֤לd בָּשָׁן֙ וְכַרְמֶ֔לe וּפֶ֥רַחf לְבָנֹ֖ון אֻמְלָֽלg ׃

5 הָרִים֙ רָעֲשׁ֣וּa מִמֶּ֔נּוּ וְהַגְּבָעֹ֖ות הִתְמֹגָ֑גוּb וַתִּשָּׂ֤אc הָאָ֨רֶץ֙ מִפָּנָ֔יו וְתֵבֵ֖לd וְכָל־יֹ֥שְׁבֵיe בָֽהּ׃

6 לִפְנֵ֤י זַעְמֹו֙a מִ֣י יַֽעֲמֹ֔ודb וּמִ֥י יָק֖וּםc בַּחֲרֹ֣וןd אַפֹּ֑ו חֲמָתֹו֙ נִתְּכָ֣הe כָאֵ֔שׁ וְהַצֻּרִ֖ים נִתְּצ֥וּf מִמֶּֽנּוּ׃

7 טֹ֣וב יְהוָ֔ה לְמָעֹ֖וזa בְּיֹ֣ום צָרָ֑ה וְיֹדֵ֖עַb חֹ֥סֵיc בֹֽו׃

8 וּבְשֶׁ֣טֶףa עֹבֵ֔ר כָּלָ֖הb יַעֲשֶׂ֣הc מְקֹומָ֑הּ וְאֹיְבָ֖יו יְרַדֶּףd ־חֹֽשֶׁךְ׃

9 מַה־תְּחַשְּׁבוּן֙a אֶל־יְהוָ֔ה כָּלָ֖הb ה֣וּא עֹשֶׂ֑הc לֹֽא־תָק֥וּםd פַּעֲמַ֖יִם צָרָֽה׃

10 כִּ֚י עַד־סִירִ֣יםa סְבֻכִ֔יםb וּכְסָבְאָ֖םc סְבוּאִ֑יםd אֻ֨כְּל֔וּe כְּקַ֥שׁf יָבֵ֖שׁg מָלֵֽאh ׃

11 מִמֵּ֣ךְ יָצָ֔אa חֹשֵׁ֥בb עַל־יְהוָ֖ה רָעָ֑ה יֹעֵ֖ץc בְּלִיָּֽעַלd ׃ ס

12 כֹּ֣ה׀ אָמַ֣רa יְהוָ֗ה אִם־שְׁלֵמִים֙b וְכֵ֣ן רַבִּ֔ים וְכֵ֥ן נָגֹ֖זּוּc וְעָבָ֑רd וְעִ֨נִּתִ֔ךְe לֹ֥א אֲעַנֵּ֖ךְf עֹֽוד׃

13 וְעַתָּ֕ה אֶשְׁבֹּ֥רa מֹטֵ֖הוּb מֵֽעָלָ֑יִךְ וּמֹוסְרֹתַ֖יִךְc אֲנַתֵּֽקd ׃

14 וְצִוָּ֤הa עָלֶ֨יךָ֙ יְהוָ֔ה לֹֽא־יִזָּרַ֥עb מִשִּׁמְךָ֖ עֹ֑וד מִבֵּ֨ית אֱלֹהֶ֜יךָ אַכְרִ֨יתc פֶּ֧סֶלd וּמַסֵּכָ֛הe אָשִׂ֥יםf קִבְרֶ֖ךָ כִּ֥י קַלֹּֽותָg ׃ פ

הִנֵּ֨ה עַל־הֶהָרִ֜ים רַגְלֵ֤י מְבַשֵּׂר֙a מַשְׁמִ֣יעַb שָׁלֹ֔ום חָגִּ֧יc יְהוּדָ֛ה חַגַּ֖יִךְ שַׁלְּמִ֣יd נְדָרָ֑יִךְ כִּי֩ לֹ֨א יֹוסִ֥יףe עֹ֛וד לעבורf ־בָּ֥ךְ בְּלִיַּ֖עַלg כֻּלֹּ֥ה נִכְרָֽתh ׃

2 עָלָ֥הa מֵפִ֛יץ עַל־פָּנַ֖יִךְ נָצֹ֣ורb מְצֻרָ֑הc צַפֵּהd ־דֶ֨רֶךְ֙ חַזֵּ֣קe מָתְנַ֔יִםf אַמֵּ֥ץg כֹּ֖חַ מְאֹֽד׃

3 כִּ֣י שָׁ֤בa יְהוָה֙ אֶת־גְּאֹ֣וןb יַעֲקֹ֔ב כִּגְאֹ֖וןc יִשְׂרָאֵ֑ל כִּ֤י בְקָקוּם֙d בֹּֽקְקִ֔יםe וּזְמֹרֵיהֶ֖םf שִׁחֵֽתוּg ׃

4 מָגֵ֨ן גִּבֹּרֵ֜יהוּ מְאָדָּ֗םa אַנְשֵׁי־חַ֨יִל֙ מְתֻלָּעִ֔יםb בְּאֵשׁ־פְּלָדֹ֥ותc הָרֶ֖כֶב בְּיֹ֣ום הֲכִינֹ֑וd וְהַבְּרֹשִׁ֖יםe הָרְעָֽלוּf ׃

5 בַּֽחוּצֹות֙ יִתְהֹולְל֣וּa הָרֶ֔כֶב יִֽשְׁתַּקְשְׁק֖וּןb בָּרְחֹבֹ֑ותc מַרְאֵיהֶן֙ כַּלַּפִּידִ֔םd כַּבְּרָקִ֖יםe יְרֹוצֵֽצוּf ׃

6 יִזְכֹּר֙a אַדִּירָ֔יוb יִכָּשְׁל֖וּc בהלכותםd יְמַֽהֲרוּ֙e חֹֽומָתָ֔הּ וְהֻכַ֖ןf הַסֹּכֵֽךְg ׃

7 שַׁעֲרֵ֥י הַנְּהָרֹ֖ות נִפְתָּ֑חוּa וְהַֽהֵיכָ֖ל נָמֹֽוגb ׃

8 וְהֻצַּ֖בa גֻּלְּתָ֣הb הֹֽעֲלָ֑תָהc וְאַמְהֹתֶ֗יהָ מְנַֽהֲגֹות֙d כְּקֹ֣ול יֹונִ֔יםe מְתֹפְפֹ֖תf עַל־לִבְבֵהֶֽן׃

9 וְנִינְוֵ֥הa כִבְרֵֽכַתb ־מַ֖יִם מִ֣ימֵי הִ֑יא וְהֵ֣מָּה נָסִ֔יםc עִמְד֥וּd עֲמֹ֖דוּe וְאֵ֥ין מַפְנֶֽהf ׃

10 בֹּ֥זּוּa כֶ֖סֶף בֹּ֣זּוּb זָהָ֑ב וְאֵ֥ין קֵ֨צֶה֙c לַתְּכוּנָ֔הd כָּבֹ֕ד מִכֹּ֖ל כְּלִ֥י חֶמְדָּֽהe ׃

11 בּוּקָ֥הa וּמְבוּקָ֖הb וּמְבֻלָּקָ֑הc וְלֵ֨ב נָמֵ֜סd וּפִ֣קe בִּרְכַּ֗יִםf וְחַלְחָלָה֙g בְּכָל־מָתְנַ֔יִםh וּפְנֵ֥י כֻלָּ֖ם קִבְּצ֥וּi פָארֽוּרj ׃

12 אַיֵּה֙a מְעֹ֣וןb אֲרָיֹ֔ותc וּמִרְעֶ֥הd ה֖וּא לַכְּפִרִ֑יםe אֲשֶׁ֣ר הָלַךְ֩f אַרְיֵ֨הg לָבִ֥יאh שָׁ֛ם גּ֥וּרi אַרְיֵ֖הj וְאֵ֥ין מַחֲרִֽידk ׃

13 אַרְיֵ֤הa טֹרֵף֙b בְּדֵ֣יc גֹֽרֹותָ֔יוd וּמְחַנֵּ֖קe לְלִבְאֹתָ֑יוf וַיְמַלֵּאg ־טֶ֣רֶףh חֹרָ֔יוi וּמְעֹֽנֹתָ֖יוj טְרֵפָֽהk ׃

14 הִנְנִ֣י אֵלַ֗יִךְ נְאֻם֙ יְהוָ֣ה צְבָאֹ֔ות וְהִבְעַרְתִּ֤יa בֶֽעָשָׁן֙b רִכְבָּ֔הּ וּכְפִירַ֖יִךְc תֹּ֣אכַלd חָ֑רֶב וְהִכְרַתִּ֤יe מֵאֶ֨רֶץ֙ טַרְפֵּ֔ךְf וְלֹֽא־יִשָּׁמַ֥עg עֹ֖וד קֹ֥ול מַלְאָכֵֽכֵה׃ ס

הֹ֖וי עִ֣יר דָּמִ֑ים כֻּלָּ֗הּ כַּ֤חַשׁa פֶּ֨רֶק֙b מְלֵאָ֔הc לֹ֥א יָמִ֖ישׁd טָֽרֶףe ׃

2 קֹ֣ול שֹׁ֔וטa וְקֹ֖ול רַ֣עַשׁb אֹופָ֑ןc וְס֣וּס דֹּהֵ֔רd וּמֶרְכָּבָ֖הe מְרַקֵּדָֽהf ׃

3 פָּרָ֣שׁ מַעֲלֶ֗ה וְלַ֤הַבa חֶ֨רֶב֙ וּבְרַ֣קb חֲנִ֔יתc וְרֹ֥ב חָלָ֖ל וְכֹ֣בֶדd פָּ֑גֶרe וְאֵ֥ין קֵ֨צֶה֙f לַגְּוִיָּ֔הg יכשׁלוh בִּגְוִיָּתָֽםi ׃

4 מֵרֹב֙ זְנוּנֵ֣יa זֹונָ֔ה טֹ֥ובַת חֵ֖ן בַּעֲלַ֣תb כְּשָׁפִ֑יםc הַמֹּכֶ֤רֶתd גֹּויִם֙ בִּזְנוּנֶ֔יהָe וּמִשְׁפָּחֹ֖ות בִּכְשָׁפֶֽיהָf ׃

5 הִנְנִ֣י אֵלַ֗יִךְ נְאֻם֙ יְהוָ֣ה צְבָאֹ֔ות וְגִלֵּיתִ֥יa שׁוּלַ֖יִךְb עַל־פָּנָ֑יִךְ וְהַרְאֵיתִ֤יc גֹויִם֙ מַעְרֵ֔ךְd וּמַמְלָכֹ֖ות קְלֹונֵֽךְe ׃

6 וְהִשְׁלַכְתִּ֥יa עָלַ֛יִךְ שִׁקֻּצִ֖יםb וְנִבַּלְתִּ֑יךְc וְשַׂמְתִּ֖יךְd כְּרֹֽאִיe ׃

7 וְהָיָ֤הa כָל־רֹאַ֨יִךְ֙ יִדֹּ֣ודb מִמֵּ֔ךְ וְאָמַר֙c שָׁדְּדָ֣הd נִֽינְוֵ֔הe מִ֖י יָנ֣וּדf לָ֑הּ מֵאַ֛יִןg אֲבַקֵּ֥שׁh מְנַחֲמִ֖ים לָֽךְ׃

8 הֲתֵֽיטְבִי֙a מִנֹּ֣א אָמֹ֔וןb הַיֹּֽשְׁבָה֙c בַּיְאֹרִ֔יםd מַ֖יִם סָבִ֣יב לָ֑הּ אֲשֶׁר־חֵ֣ילe יָ֔ם מִיָּ֖ם חֹומָתָֽהּ׃

9 כּ֥וּשׁa עָצְמָ֛הb וּמִצְרַ֖יִם וְאֵ֣ין קֵ֑צֶהc פּ֣וּטd וְלוּבִ֔יםe הָי֖וּf בְּעֶזְרָתֵֽךְg ׃

10 גַּם־הִ֗יא לַגֹּלָה֙a הָלְכָ֣הb בַשֶּׁ֔בִיc גַּ֧ם עֹלָלֶ֛יהָd יְרֻטְּשׁ֖וּe בְּרֹ֣אשׁ כָּל־חוּצֹ֑ות וְעַל־נִכְבַּדֶּ֨יהָ֙ יַדּ֣וּf גֹורָ֔ל וְכָל־גְּדֹולֶ֖יהָ רֻתְּק֥וּg בַזִּקִּֽיםh ׃

11 גַּם־אַ֣תְּ תִּשְׁכְּרִ֔יa תְּהִ֖יb נַֽעֲלָמָ֑הc גַּם־אַ֛תְּ תְּבַקְשִׁ֥יd מָעֹ֖וזe מֵאֹויֵֽב׃

12 כָּ֨ל־מִבְצָרַ֔יִךְa תְּאֵנִ֖יםb עִם־בִּכּוּרִ֑יםc אִם־יִנֹּ֕ועוּd וְנָפְל֖וּe עַל־פִּ֥י אֹוכֵֽל׃

13 הִנֵּ֨ה עַמֵּ֤ךְ נָשִׁים֙ בְּקִרְבֵּ֔ךְ לְאֹ֣יְבַ֔יִךְ פָּתֹ֥וחַ נִפְתְּח֖וּa שַׁעֲרֵ֣י אַרְצֵ֑ךְ אָכְלָ֥הb אֵ֖שׁ בְּרִיחָֽיִךc ׃

14 מֵ֤י מָצֹור֙a שַֽׁאֲבִיb ־לָ֔ךְ חַזְּקִ֖יc מִבְצָרָ֑יִךְd בֹּ֧אִיe בַטִּ֛יטf וְרִמְסִ֥יg בַחֹ֖מֶרh הַחֲזִ֥יקִיi מַלְבֵּֽןj ׃

15 שָׁ֚ם תֹּאכְלֵ֣ךְa אֵ֔שׁ תַּכְרִיתֵ֣ךְb חֶ֔רֶב תֹּאכְלֵ֖ךְc כַּיָּ֑לֶקd הִתְכַּבֵּ֣דe כַּיֶּ֔לֶקf הִֽתְכַּבְּדִ֖יg כָּאַרְבֶּֽהh ׃

16 הִרְבֵּית֙a רֹֽכְלַ֔יִךְb מִכֹּוכְבֵ֖יc הַשָּׁמָ֑יִם יֶ֥לֶקd פָּשַׁ֖טe וַיָּעֹֽףf ׃

17 מִנְּזָרַ֨יִךְ֙a כָּֽאַרְבֶּ֔הb וְטַפְסְרַ֖יִךְc כְּגֹ֣ובd גֹּבָ֑יe הַֽחֹונִ֤יםf בַּגְּדֵרֹות֙g בְּיֹ֣ום קָרָ֔הh שֶׁ֤מֶשׁ זָֽרְחָה֙i וְנֹודַ֔דj וְלֹֽא־נֹודַ֥עk מְקֹומֹ֖ו אַיָּֽםl ׃

18 נָמ֤וּa רֹעֶ֨יךָ֙ מֶ֣לֶךְ אַשּׁ֔וּר יִשְׁכְּנ֖וּb אַדִּירֶ֑יךָc נָפֹ֧שׁוּd עַמְּךָ֛ עַל־הֶהָרִ֖ים וְאֵ֥ין מְקַבֵּֽץe ׃

19 אֵין־כֵּהָ֣הa לְשִׁבְרֶ֔ךָb נַחְלָ֖הc מַכָּתֶ֑ךָd כֹּ֣ל׀ שֹׁמְעֵ֣י שִׁמְעֲךָ֗e תָּ֤קְעוּf כַף֙ עָלֶ֔יךָ כִּ֗י עַל־מִ֛י לֹֽא־עָבְרָ֥הg רָעָתְךָ֖ תָּמִֽיד׃