מיכה

שִׁמְעוּa ־נָ֕א אֵ֥ת אֲשֶׁר־יְהוָ֖ה אֹמֵ֑רb ק֚וּםc רִ֣יבd אֶת־הֶהָרִ֔ים וְתִשְׁמַ֥עְנָהe הַגְּבָעֹ֖ות קֹולֶֽךָ׃

2 שִׁמְע֤וּa הָרִים֙ אֶת־רִ֣יב יְהוָ֔ה וְהָאֵתָנִ֖יםb מֹ֣סְדֵיc אָ֑רֶץ כִּ֣י רִ֤יב לַֽיהוָה֙ עִם־עַמֹּ֔ו וְעִם־יִשְׂרָאֵ֖ל יִתְוַכָּֽחd ׃

3 עַמִּ֛י מֶה־עָשִׂ֥יתִיa לְךָ֖ וּמָ֣ה הֶלְאֵתִ֑יךָb עֲנֵ֥הc בִֽי׃

4 כִּ֤י הֶעֱלִתִ֨יךָ֙a מֵאֶ֣רֶץ מִצְרַ֔יִם וּמִבֵּ֥ית עֲבָדִ֖ים פְּדִיתִ֑יךָb וָאֶשְׁלַ֣חc לְפָנֶ֔יךָ אֶת־מֹשֶׁ֖ה אַהֲרֹ֥ן וּמִרְיָֽםd ׃

5 עַמִּ֗י זְכָרa ־נָא֙ מַה־יָּעַ֗ץb בָּלָק֙c מֶ֣לֶךְ מֹואָ֔ב וּמֶה־עָנָ֥הd אֹתֹ֖ו בִּלְעָ֣ם בֶּן־בְּעֹ֑ורe מִן־הַשִּׁטִּים֙f עַד־הַגִּלְגָּ֔לg לְמַ֕עַן דַּ֖עַתh צִדְקֹ֥ות יְהוָֽה׃

6 בַּמָּה֙ אֲקַדֵּ֣םa יְהוָ֔ה אִכַּ֖ףb לֵאלֹהֵ֣י מָרֹ֑ום הַאֲקַדְּמֶ֣נּוּc בְעֹולֹ֔ות בַּעֲגָלִ֖יםd בְּנֵ֥י שָׁנָֽה׃

7 הֲיִרְצֶ֤הa יְהוָה֙ בְּאַלְפֵ֣י אֵילִ֔ים בְּרִֽבְבֹ֖ותb נַֽחֲלֵי־שָׁ֑מֶן הַאֶתֵּ֤ןc בְּכֹורִי֙ פִּשְׁעִ֔י פְּרִ֥י בִטְנִ֖י חַטַּ֥את נַפְשִֽׁי׃

8 הִגִּ֥ידa לְךָ֛ אָדָ֖ם מַה־טֹּ֑וב וּמָֽה־יְהוָ֞ה דֹּורֵ֣שׁb מִמְּךָ֗ כִּ֣י אִם־עֲשֹׂ֤ותc מִשְׁפָּט֙ וְאַ֣הֲבַתd חֶ֔סֶד וְהַצְנֵ֥עַe לֶ֖כֶתf עִם־אֱלֹהֶֽיךָ׃ פ

9 קֹ֤ול יְהוָה֙ לָעִ֣יר יִקְרָ֔אa וְתוּשִׁיָּ֖הb יִרְאֶ֣הc שְׁמֶ֑ךָ שִׁמְע֥וּd מַטֶּ֖ה וּמִ֥י יְעָדָֽהּe ׃

10 עֹ֗וד הַאִשׁ֙a בֵּ֣ית רָשָׁ֔ע אֹצְרֹ֖ות רֶ֑שַׁעb וְאֵיפַ֥תc רָזֹ֖וןd זְעוּמָֽהe ׃

11 הַאֶזְכֶּ֖הa בְּמֹ֣אזְנֵיb רֶ֑שַׁעc וּבְכִ֖יסd אַבְנֵ֥י מִרְמָֽהe ׃

12 אֲשֶׁ֤ר עֲשִׁירֶ֨יהָ֙a מָלְא֣וּb חָמָ֔ס וְיֹשְׁבֶ֖יהָ דִּבְּרוּc ־שָׁ֑קֶר וּלְשֹׁונָ֖ם רְמִיָּ֥הd בְּפִיהֶֽם׃

13 וְגַם־אֲנִ֖י הֶחֱלֵ֣יתִיa הַכֹּותֶ֑ךָb הַשְׁמֵ֖םc עַל־חַטֹּאתֶֽךָ׃

14 אַתָּ֤ה תֹאכַל֙a וְלֹ֣א תִשְׂבָּ֔עb וְיֶשְׁחֲךָ֖c בְּקִרְבֶּ֑ךָ וְתַסֵּג֙d וְלֹ֣א תַפְלִ֔יטe וַאֲשֶׁ֥ר תְּפַלֵּ֖טf לַחֶ֥רֶב אֶתֵּֽןg ׃

15 אַתָּ֥ה תִזְרַ֖עa וְלֹ֣א תִקְצֹ֑ורb אַתָּ֤ה תִדְרֹֽךְc ־זַ֨יִת֙d וְלֹא־תָס֣וּךְe שֶׁ֔מֶן וְתִירֹ֖ושׁf וְלֹ֥א תִשְׁתֶּהg ־יָּֽיִן׃

16 וְיִשְׁתַּמֵּ֞רa חֻקֹּ֣ות עָמְרִ֗יb וְכֹל֙ מַעֲשֵׂ֣ה בֵית־אַחְאָ֔ב וַתֵּלְכ֖וּc בְּמֹֽעֲצֹותָ֑םd לְמַעַן֩ תִּתִּ֨יe אֹתְךָ֜ לְשַׁמָּ֗הf וְיֹשְׁבֶ֨יהָ֙ לִשְׁרֵקָ֔הg וְחֶרְפַּ֥ת עַמִּ֖י תִּשָּֽׂאוּh ׃ פ