מיכה

וְהָיָ֣הa ׀ בְּאַחֲרִ֣ית הַיָּמִ֗ים יִ֠הְיֶהb הַ֣ר בֵּית־יְהוָ֤ה נָכֹון֙c בְּרֹ֣אשׁ הֶהָרִ֔ים וְנִשָּׂ֥אd ה֖וּא מִגְּבָעֹ֑ות וְנָהֲר֥וּe עָלָ֖יו עַמִּֽים׃

2 וְֽהָלְכ֞וּa גֹּויִ֣ם רַבִּ֗ים וְאָֽמְרוּ֙b לְכ֣וּc ׀ וְנַעֲלֶ֣הd אֶל־הַר־יְהוָ֗ה וְאֶל־בֵּית֙ אֱלֹהֵ֣י יַעֲקֹ֔ב וְיֹורֵ֨נוּ֙e מִדְּרָכָ֔יו וְנֵלְכָ֖הf בְּאֹֽרְחֹתָ֑יו כִּ֤י מִצִּיֹּון֙ תֵּצֵ֣אg תֹורָ֔ה וּדְבַר־יְהוָ֖ה מִירוּשָׁלִָֽם׃

3 וְשָׁפַ֗טa בֵּ֚ין עַמִּ֣ים רַבִּ֔ים וְהֹוכִ֛יחַb לְגֹויִ֥ם עֲצֻמִ֖יםc עַד־רָחֹ֑וק וְכִתְּת֨וּd חַרְבֹתֵיהֶ֜ם לְאִתִּ֗יםe וַחֲנִיתֹֽתֵיהֶם֙f לְמַזְמֵרֹ֔ותg לֹֽא־יִשְׂא֞וּh גֹּ֤וי אֶל־גֹּוי֙ חֶ֔רֶב וְלֹא־יִלְמְד֥וּןi עֹ֖וד מִלְחָמָֽה׃

4 וְיָשְׁב֗וּa אִ֣ישׁ תַּ֧חַת גַּפְנֹ֛ו וְתַ֥חַת תְּאֵנָתֹ֖וb וְאֵ֣ין מַחֲרִ֑ידc כִּי־פִ֛י יְהוָ֥ה צְבָאֹ֖ות דִּבֵּֽרd ׃

5 כִּ֚י כָּל־הָ֣עַמִּ֔ים יֵלְכ֕וּa אִ֖ישׁ בְּשֵׁ֣ם אֱלֹהָ֑יו וַאֲנַ֗חְנוּ נֵלֵ֛ךְb בְּשֵׁם־יְהוָ֥ה אֱלֹהֵ֖ינוּ לְעֹולָ֥ם וָעֶֽדc ׃ פ

6 בַּיֹּ֨ום הַה֜וּא נְאֻם־יְהוָ֗ה אֹֽסְפָה֙a הַצֹּ֣לֵעָ֔הb וְהַנִּדָּחָ֖ה אֲקַבֵּ֑צָהc וַאֲשֶׁ֖ר הֲרֵעֹֽתִיd ׃

7 וְשַׂמְתִּ֤יa אֶת־הַצֹּֽלֵעָה֙b לִשְׁאֵרִ֔ית וְהַנַּהֲלָאָ֖הc לְגֹ֣וי עָצ֑וּםd וּמָלַ֨ךְe יְהוָ֤ה עֲלֵיהֶם֙ בְּהַ֣ר צִיֹּ֔ון מֵעַתָּ֖ה וְעַד־עֹולָֽם׃ פ

8 וְאַתָּ֣ה מִגְדַּל־עֵ֗דֶרa עֹ֛פֶלb בַּת־צִיֹּ֖ון עָדֶ֣יךָ תֵּאתֶ֑הc וּבָאָ֗הd הַמֶּמְשָׁלָה֙e הָרִ֣אשֹׁנָ֔ה מַמְלֶ֖כֶתf לְבַ֥ת־יְרוּשָׁלִָֽם׃

9 עַתָּ֕ה לָ֥מָּה תָרִ֖יעִיa רֵ֑עַb הֲמֶ֣לֶךְ אֵֽין־בָּ֗ךְ אִֽם־יֹועֲצֵךְ֙ אָבָ֔דc כִּֽי־הֶחֱזִיקֵ֥ךְd חִ֖ילe כַּיֹּולֵדָֽה׃

10 ח֧וּלִיa וָגֹ֛חִיb בַּת־צִיֹּ֖ון כַּיֹּֽולֵדָ֑ה כִּֽי־עַתָּה֩ תֵצְאִ֨יc מִקִּרְיָ֜הd וְשָׁכַ֣נְתְּe בַּשָּׂדֶ֗ה וּבָ֤אתf עַד־בָּבֶל֙ שָׁ֣ם תִּנָּצֵ֔לִיg שָׁ֚ם יִגְאָלֵ֣ךְh יְהוָ֔ה מִכַּ֖ף אֹיְבָֽיִךְ׃

11 וְעַתָּ֛ה נֶאֶסְפ֥וּa עָלַ֖יִךְ גֹּויִ֣ם רַבִּ֑ים הָאֹמְרִ֣יםb תֶּחֱנָ֔ףc וְתַ֥חַזd בְּצִיֹּ֖ון עֵינֵֽינוּ׃

12 וְהֵ֗מָּה לֹ֤א יָֽדְעוּ֙a מַחְשְׁבֹ֣ותb יְהוָ֔ה וְלֹ֥א הֵבִ֖ינוּc עֲצָתֹ֑ו כִּ֥י קִבְּצָ֖םd כֶּעָמִ֥ירe גֹּֽרְנָהf ׃

13 ק֧וּמִיa וָדֹ֣ושִׁיb בַת־צִיֹּ֗ון כִּֽי־קַרְנֵ֞ךְ אָשִׂ֤יםc בַּרְזֶל֙ וּפַרְסֹתַ֨יִךְ֙d אָשִׂ֣יםe נְחוּשָׁ֔הf וַהֲדִקֹּ֖ותg עַמִּ֣ים רַבִּ֑ים וְהַחֲרַמְתִּ֤יh לַֽיהוָה֙ בִּצְעָ֔םi וְחֵילָ֖ם לַאֲדֹ֥ון כָּל־הָאָֽרֶץ׃

14 עַתָּה֙ תִּתְגֹּדְדִ֣יa בַת־גְּד֔וּדb מָצֹ֖ורc שָׂ֣םd עָלֵ֑ינוּ בַּשֵּׁ֨בֶט֙ יַכּ֣וּe עַֽל־הַלְּחִ֔יf אֵ֖ת שֹׁפֵ֥ט יִשְׂרָאֵֽל׃ ס