מיכה

וָאֹמַ֗רa שִׁמְעוּb ־נָא֙ רָאשֵׁ֣י יַעֲקֹ֔ב וּקְצִינֵ֖יc בֵּ֣ית יִשְׂרָאֵ֑ל הֲלֹ֣וא לָכֶ֔ם לָדַ֖עַתd אֶת־הַמִּשְׁפָּֽט׃

2 שֹׂ֥נְאֵיa טֹ֖וב וְאֹ֣הֲבֵיb רעהc גֹּזְלֵ֤יd עֹורָם֙ מֵֽעֲלֵיהֶ֔ם וּשְׁאֵרָ֖םe מֵעַ֥ל עַצְמֹותָֽם׃

3 וַאֲשֶׁ֣ר אָכְלוּ֮a שְׁאֵ֣רb עַמִּי֒ וְעֹורָם֙ מֵעֲלֵיהֶ֣ם הִפְשִׁ֔יטוּc וְאֶת־עַצְמֹֽתֵיהֶ֖ם פִּצֵּ֑חוּd וּפָרְשׂוּ֙e כַּאֲשֶׁ֣ר בַּסִּ֔ירf וּכְבָשָׂ֖ר בְּתֹ֥וךְ קַלָּֽחַתg ׃

4 אָ֚ז יִזְעֲק֣וּa אֶל־יְהוָ֔ה וְלֹ֥א יַעֲנֶ֖הb אֹותָ֑ם וְיַסְתֵּ֨רc פָּנָ֤יו מֵהֶם֙ בָּעֵ֣ת הַהִ֔יא כַּאֲשֶׁ֥ר הֵרֵ֖עוּd מַעַלְלֵיהֶֽםe ׃ פ

5 כֹּ֚ה אָמַ֣רa יְהוָ֔ה עַל־הַנְּבִיאִ֖ים הַמַּתְעִ֣יםb אֶת־עַמִּ֑י הַנֹּשְׁכִ֤יםc בְּשִׁנֵּיהֶם֙ וְקָרְא֣וּd שָׁלֹ֔ום וַאֲשֶׁר֙ לֹא־יִתֵּ֣ןe עַל־פִּיהֶ֔ם וְקִדְּשׁ֥וּf עָלָ֖יו מִלְחָמָֽה׃

6 לָכֵ֞ן לַ֤יְלָה לָכֶם֙ מֵֽחָזֹ֔וןa וְחָשְׁכָ֥הb לָכֶ֖ם מִקְּסֹ֑םc וּבָ֤אָהd הַשֶּׁ֨מֶשׁ֙ עַל־הַנְּבִיאִ֔ים וְקָדַ֥רe עֲלֵיהֶ֖ם הַיֹּֽום׃

7 וּבֹ֣שׁוּa הַחֹזִ֗יםb וְחָֽפְרוּ֙c הַקֹּ֣סְמִ֔יםd וְעָט֥וּe עַל־שָׂפָ֖םf כֻּלָּ֑ם כִּ֛י אֵ֥ין מַעֲנֵ֖הg אֱלֹהִֽים׃

8 וְאוּלָ֗םa אָנֹכִ֞י מָלֵ֤אתִיb כֹ֨חַ֙ אֶת־ר֣וּחַ יְהוָ֔ה וּמִשְׁפָּ֖ט וּגְבוּרָ֑ה לְהַגִּ֤ידc לְיַֽעֲקֹב֙ פִּשְׁעֹ֔ו וּלְיִשְׂרָאֵ֖ל חַטָּאתֹֽו׃ ס

9 שִׁמְעוּa ־נָ֣א זֹ֗את רָאשֵׁי֙ בֵּ֣ית יַעֲקֹ֔ב וּקְצִינֵ֖יb בֵּ֣ית יִשְׂרָאֵ֑ל הַֽמֲתַעֲבִ֣יםc מִשְׁפָּ֔ט וְאֵ֥ת כָּל־הַיְשָׁרָ֖ה יְעַקֵּֽשׁוּd ׃

10 בֹּנֶ֥הa צִיֹּ֖ון בְּדָמִ֑ים וִירוּשָׁלִַ֖ם בְּעַוְלָֽהb ׃

11 רָאשֶׁ֣יהָ׀ בְּשֹׁ֣חַדa יִשְׁפֹּ֗טוּb וְכֹהֲנֶ֨יהָ֙ בִּמְחִ֣ירc יֹור֔וּd וּנְבִיאֶ֖יהָ בְּכֶ֣סֶף יִקְסֹ֑מוּe וְעַל־יְהוָה֙ יִשָּׁעֵ֣נוּf לֵאמֹ֔רg הֲלֹ֤וא יְהוָה֙ בְּקִרְבֵּ֔נוּ לֹֽא־תָבֹ֥ואh עָלֵ֖ינוּ רָעָֽה׃

12 לָכֵן֙ בִּגְלַלְכֶ֔םa צִיֹּ֖ון שָׂדֶ֣ה תֵֽחָרֵ֑שׁb וִירוּשָׁלִַ֨ם֙ עִיִּ֣יןc תִּֽהְיֶ֔הd וְהַ֥ר הַבַּ֖יִת לְבָמֹ֥ות יָֽעַר׃ פ