מיכה

הֹ֧וי חֹֽשְׁבֵיa ־אָ֛וֶן וּפֹ֥עֲלֵיb רָ֖ע עַל־מִשְׁכְּבֹותָ֑םc בְּאֹ֤ור הַבֹּ֨קֶר֙ יַעֲשׂ֔וּהָd כִּ֥י יֶשׁ־לְאֵ֖לe יָדָֽם׃

2 וְחָמְד֤וּa שָׂדֹות֙ וְגָזָ֔לוּb וּבָתִּ֖ים וְנָשָׂ֑אוּc וְעָֽשְׁקוּ֙d גֶּ֣בֶר וּבֵיתֹ֔ו וְאִ֖ישׁ וְנַחֲלָתֹֽו׃ פ

3 לָכֵ֗ן כֹּ֚ה אָמַ֣רa יְהוָ֔ה הִנְנִ֥י חֹשֵׁ֛בb עַל־הַמִּשְׁפָּחָ֥ה הַזֹּ֖את רָעָ֑ה אֲ֠שֶׁר לֹֽא־תָמִ֨ישׁוּc מִשָּׁ֜ם צַוְּארֹֽתֵיכֶ֗םd וְלֹ֤א תֵֽלְכוּ֙e רֹומָ֔הf כִּ֛י עֵ֥ת רָעָ֖ה הִֽיא׃

4 בַּיֹּ֨ום הַה֜וּא יִשָּׂ֧אa עֲלֵיכֶ֣ם מָשָׁ֗לb וְנָהָ֨הc נְהִ֤יd נִֽהְיָה֙e אָמַר֙f שָׁדֹ֣וד נְשַׁדֻּ֔נוּg חֵ֥לֶק עַמִּ֖י יָמִ֑ירh אֵ֚יךְ יָמִ֣ישׁi לִ֔י לְשֹׁובֵ֥בj שָׂדֵ֖ינוּ יְחַלֵּֽקk ׃

5 לָכֵן֙ לֹֽא־יִֽהְיֶ֣הa לְךָ֔ מַשְׁלִ֥יךְb חֶ֖בֶל בְּגֹורָ֑ל בִּקְהַ֖ל יְהוָֽה׃

6 אַל־תַּטִּ֖פוּa יַטִּיפ֑וּןb לֹֽא־יַטִּ֣פוּc לָאֵ֔לֶּה לֹ֥א יִסַּ֖גd כְּלִמֹּֽותe ׃

7 הֶאָמ֣וּרa בֵּֽית־יַעֲקֹ֗ב הֲקָצַר֙b ר֣וּחַ יְהוָ֔ה אִם־אֵ֖לֶּה מַעֲלָלָ֑יוc הֲלֹ֤וא דְבָרַ֨י יֵיטִ֔יבוּd עִ֖ם הַיָּשָׁ֥ר הֹולֵֽךְe ׃

8 וְאֶתְמ֗וּלa עַמִּי֙ לְאֹויֵ֣ב יְקֹומֵ֔םb מִמּ֣וּלc שַׂלְמָ֔הd אֶ֖דֶרe תַּפְשִׁט֑וּןf מֵעֹבְרִ֣ים בֶּ֔טַחg שׁוּבֵ֖י מִלְחָמָֽה׃

9 נְשֵׁ֤י עַמִּי֙ תְּגָ֣רְשׁ֔וּןa מִבֵּ֖ית תַּֽעֲנֻגֶ֑יהָb מֵעַל֙ עֹֽלָלֶ֔יהָc תִּקְח֥וּd הֲדָרִ֖יe לְעֹולָֽם׃

10 ק֣וּמוּa וּלְכ֔וּb כִּ֥י לֹא־זֹ֖את הַמְּנוּחָ֑הc בַּעֲב֥וּרd טָמְאָ֛הe תְּחַבֵּ֖לf וְחֶ֥בֶלg נִמְרָֽץh ׃

11 לוּa ־אִ֞ישׁ הֹלֵ֥ךְb ר֨וּחַ֙ וָשֶׁ֣קֶר כִּזֵּ֔בc אַטִּ֣ףd לְךָ֔ לַיַּ֖יִן וְלַשֵּׁכָ֑רe וְהָיָ֥הf מַטִּ֖יףg הָעָ֥ם הַזֶּֽה׃

12 אָסֹ֨ף אֶאֱסֹ֜ףa יַעֲקֹ֣ב כֻּלָּ֗ךְ קַבֵּ֤ץ אֲקַבֵּץ֙b שְׁאֵרִ֣ית יִשְׂרָאֵ֔ל יַ֥חַדc אֲשִׂימֶ֖נּוּd כְּצֹ֣אן בָּצְרָ֑הe כְּעֵ֨דֶר֙f בְּתֹ֣וךְ הַדָּֽבְרֹ֔וg תְּהִימֶ֖נָהh מֵאָדָֽם׃

13 עָלָ֤הa הַפֹּרֵץ֙b לִפְנֵיהֶ֔ם פָּֽרְצוּ֙c וַֽיַּעֲבֹ֔רוּd שַׁ֖עַר וַיֵּ֣צְאוּe בֹ֑ו וַיַּעֲבֹ֤רf מַלְכָּם֙ לִפְנֵיהֶ֔ם וַיהוָ֖ה בְּרֹאשָֽׁם׃ פ