מיכה

דְּבַר־יְהוָ֣ה׀ אֲשֶׁ֣ר הָיָ֗הa אֶל־מִיכָה֙b הַמֹּ֣רַשְׁתִּ֔יc בִּימֵ֥י יֹותָ֛םd אָחָ֥זe יְחִזְקִיָּ֖הf מַלְכֵ֣י יְהוּדָ֑ה אֲשֶׁר־חָזָ֥הg עַל־שֹׁמְרֹ֖ון וִירֽוּשָׁלִָֽם׃

2 שִׁמְעוּ֙a עַמִּ֣ים כֻּלָּ֔ם הַקְשִׁ֖יבִיb אֶ֣רֶץ וּמְלֹאָ֑הּc וִיהִי֩d אֲדֹנָ֨י יְהוִ֤ה בָּכֶם֙ לְעֵ֔ד אֲדֹנָ֖י מֵהֵיכַ֥ל קָדְשֹֽׁו׃

3 כִּֽי־הִנֵּ֥ה יְהוָ֖ה יֹצֵ֣אa מִמְּקֹומֹ֑ו וְיָרַ֥דb וְדָרַ֖ךְc עַל־במותיd אָֽרֶץ׃

4 וְנָמַ֤סּוּa הֶֽהָרִים֙ תַּחְתָּ֔יו וְהָעֲמָקִ֖ים יִתְבַּקָּ֑עוּb כַּדֹּונַג֙c מִפְּנֵ֣י הָאֵ֔שׁ כְּמַ֖יִם מֻגָּרִ֥יםd בְּמֹורָֽדe ׃

5 בְּפֶ֤שַׁע יַֽעֲקֹב֙ כָּל־זֹ֔את וּבְחַטֹּ֖אות בֵּ֣ית יִשְׂרָאֵ֑ל מִֽי־פֶ֣שַׁע יַעֲקֹ֗ב הֲלֹוא֙ שֹֽׁמְרֹ֔ון וּמִי֙ בָּמֹ֣ות יְהוּדָ֔ה הֲלֹ֖וא יְרוּשָׁלִָֽם׃

6 וְשַׂמְתִּ֥יa שֹׁמְרֹ֛ון לְעִ֥יb הַשָּׂדֶ֖ה לְמַטָּ֣עֵיc כָ֑רֶם וְהִגַּרְתִּ֤יd לַגַּי֙ אֲבָנֶ֔יהָ וִיסֹדֶ֖יהָe אֲגַלֶּֽהf ׃

7 וְכָל־פְּסִילֶ֣יהָa יֻכַּ֗תּוּb וְכָל־אֶתְנַנֶּ֨יהָ֙c יִשָּׂרְפ֣וּd בָאֵ֔שׁ וְכָל־עֲצַבֶּ֖יהָe אָשִׂ֣יםf שְׁמָמָ֑ה כִּ֠י מֵאֶתְנַ֤ןg זֹונָה֙ קִבָּ֔צָהh וְעַד־אֶתְנַ֥ןi זֹונָ֖ה יָשֽׁוּבוּj ׃

8 עַל־זֹאת֙ אֶסְפְּדָ֣הa וְאֵילִ֔ילָהb אֵילְכָ֥הc שׁיללd וְעָרֹ֑וםe אֶעֱשֶׂ֤הf מִסְפֵּד֙g כַּתַּנִּ֔יםh וְאֵ֖בֶלi כִּבְנֹ֥ות יַעֲנָֽהj ׃

9 כִּ֥י אֲנוּשָׁ֖הa מַכֹּותֶ֑יהָb כִּי־בָ֨אָה֙c עַד־יְהוּדָ֔ה נָגַ֛עd עַד־שַׁ֥עַר עַמִּ֖י עַד־יְרוּשָׁלִָֽם׃

10 בְּגַת֙a אַל־תַּגִּ֔ידוּb בָּכֹ֖ו אַל־תִּבְכּ֑וּc בְּבֵ֣ית לְעַפְרָ֔הd עָפָ֖ר התפלשׁתיe ׃

11 עִבְרִ֥יa לָכֶ֛ם יֹושֶׁ֥בֶת שָׁפִ֖ירb עֶרְיָהc ־בֹ֑שֶׁתd לֹ֤א יָֽצְאָה֙e יֹושֶׁ֣בֶת צַֽאֲנָ֔ןf מִסְפַּד֙g בֵּ֣ית הָאֵ֔צֶלh יִקַּ֥חi מִכֶּ֖ם עֶמְדָּתֹֽוj ׃

12 כִּֽי־חָ֥לָֽהa לְטֹ֖וב יֹושֶׁ֣בֶת מָרֹ֑ותb כִּֽי־יָ֤רַדc רָע֙ מֵאֵ֣ת יְהוָ֔ה לְשַׁ֖עַר יְרוּשָׁלִָֽם׃

13 רְתֹ֧םa הַמֶּרְכָּבָ֛הb לָרֶ֖כֶשׁc יֹושֶׁ֣בֶת לָכִ֑ישׁd רֵאשִׁ֨ית חַטָּ֥את הִיא֙ לְבַת־צִיֹּ֔ון כִּי־בָ֥ךְ נִמְצְא֖וּe פִּשְׁעֵ֥י יִשְׂרָאֵֽל׃

14 לָכֵן֙ תִּתְּנִ֣יa שִׁלּוּחִ֔יםb עַ֖ל מֹורֶ֣שֶׁת גַּ֑תc בָּתֵּ֤י אַכְזִיב֙d לְאַכְזָ֔בe לְמַלְכֵ֖י יִשְׂרָאֵֽל׃

15 עֹ֗ד הַיֹּרֵשׁ֙ אָ֣בִיa לָ֔ךְ יֹושֶׁ֖בֶת מָֽרֵשָׁ֑הb עַד־עֲדֻלָּ֥םc יָבֹ֖ואd כְּבֹ֥וד יִשְׂרָאֵֽל׃

16 קָרְחִ֣יa וָגֹ֔זִּיb עַל־בְּנֵ֖י תַּעֲנוּגָ֑יִךְc הַרְחִ֤בִיd קָרְחָתֵךְ֙e כַּנֶּ֔שֶׁרf כִּ֥י גָל֖וּg מִמֵּֽךְ׃ ס