מלאכי

מַשָּׂ֥אa דְבַר־יְהוָ֖ה אֶל־יִשְׂרָאֵ֑ל בְּיַ֖ד מַלְאָכִֽיb ׃

2 אָהַ֤בְתִּיa אֶתְכֶם֙ אָמַ֣רb יְהוָ֔ה וַאֲמַרְתֶּ֖םc בַּמָּ֣ה אֲהַבְתָּ֑נוּd הֲלֹוא־אָ֨ח עֵשָׂ֤ו לְיַֽעֲקֹב֙ נְאֻם־יְהוָ֔ה וָאֹהַ֖בe אֶֽת־יַעֲקֹֽב׃

3 וְאֶת־עֵשָׂ֖ו שָׂנֵ֑אתִיa וָאָשִׂ֤יםb אֶת־הָרָיו֙ שְׁמָמָ֔ה וְאֶת־נַחֲלָתֹ֖ו לְתַנֹּ֥ותc מִדְבָּֽר׃

4 כִּֽי־תֹאמַ֨רa אֱדֹ֜ום רֻשַּׁ֗שְׁנוּb וְנָשׁוּב֙c וְנִבְנֶ֣הd חֳרָבֹ֔ותe כֹּ֤ה אָמַר֙f יְהוָ֣ה צְבָאֹ֔ות הֵ֥מָּה יִבְנ֖וּg וַאֲנִ֣י אֶהֱרֹ֑וסh וְקָרְא֤וּi לָהֶם֙ גְּב֣וּל רִשְׁעָ֔הj וְהָעָ֛ם אֲשֶׁר־זָעַ֥םk יְהוָ֖ה עַד־עֹולָֽם׃

5 וְעֵינֵיכֶ֖ם תִּרְאֶ֑ינָהa וְאַתֶּ֤ם תֹּֽאמְרוּ֙b יִגְדַּ֣לc יְהוָ֔ה מֵעַ֖ל לִגְב֥וּל יִשְׂרָאֵֽל׃

6 בֵּ֛ן יְכַבֵּ֥דa אָ֖ב וְעֶ֣בֶד אֲדֹנָ֑יו וְאִם־אָ֣ב אָ֣נִי אַיֵּ֣הb כְבֹודִ֡י וְאִם־אֲדֹונִ֣ים אָנִי֩ אַיֵּ֨הc מֹורָאִ֜יd אָמַ֣רe ׀ יְהוָ֣ה צְבָאֹ֗ות לָכֶם֙ הַכֹּֽהֲנִים֙ בֹּוזֵ֣יf שְׁמִ֔י וַאֲמַרְתֶּ֕םg בַּמֶּ֥ה בָזִ֖ינוּh אֶת־שְׁמֶֽךָ׃

7 מַגִּישִׁ֤יםa עַֽל־מִזְבְּחִי֙ לֶ֣חֶם מְגֹאָ֔לb וַאֲמַרְתֶּ֖םc בַּמֶּ֣ה גֵֽאַלְנ֑וּךָd בֶּאֱמָרְכֶ֕םe שֻׁלְחַ֥ן יְהוָ֖ה נִבְזֶ֥הf הֽוּא׃

8 וְכִֽי־תַגִּשׁ֨וּןa עִוֵּ֤רb לִזְבֹּ֨חַ֙c אֵ֣ין רָ֔ע וְכִ֥י תַגִּ֛ישׁוּd פִּסֵּ֥חַe וְחֹלֶ֖ה אֵ֣ין רָ֑ע הַקְרִיבֵ֨הוּf נָ֜א לְפֶחָתֶ֗ךָg הֲיִרְצְךָ֙h אֹ֚ו הֲיִשָּׂ֣אi פָנֶ֔יךָ אָמַ֖רj יְהוָ֥ה צְבָאֹֽות׃

9 וְעַתָּ֛ה חַלּוּa ־נָ֥א פְנֵי־אֵ֖ל וִֽיחָנֵ֑נוּb מִיֶּדְכֶם֙ הָ֣יְתָהc זֹּ֔את הֲיִשָּׂ֤אd מִכֶּם֙ פָּנִ֔ים אָמַ֖רe יְהוָ֥ה צְבָאֹֽות׃

10 מִ֤י גַם־בָּכֶם֙ וְיִסְגֹּ֣רa דְּלָתַ֔יִם וְלֹֽא־תָאִ֥ירוּb מִזְבְּחִ֖י חִנָּ֑םc אֵֽין־לִ֨י חֵ֜פֶץd בָּכֶ֗ם אָמַר֙e יְהוָ֣ה צְבָאֹ֔ות וּמִנְחָ֖ה לֹֽא־אֶרְצֶ֥הf מִיֶּדְכֶֽם׃

11 כִּ֣י מִמִּזְרַח־שֶׁ֜מֶשׁ וְעַד־מְבֹואֹ֗וa גָּדֹ֤ול שְׁמִי֙ בַּגֹּויִ֔ם וּבְכָל־מָקֹ֗ום מֻקְטָ֥ר מֻגָּ֛שׁb לִשְׁמִ֖י וּמִנְחָ֣ה טְהֹורָ֑ה כִּֽי־גָדֹ֤ול שְׁמִי֙ בַּגֹּויִ֔ם אָמַ֖רc יְהוָ֥ה צְבָאֹֽות׃

12 וְאַתֶּ֖ם מְחַלְּלִ֣יםa אֹותֹ֑ו בֶּאֱמָרְכֶ֗םb שֻׁלְחַ֤ן אֲדֹנָי֙ מְגֹאָ֣לc ה֔וּא וְנִיבֹ֖וd נִבְזֶ֥הe אָכְלֹֽוf ׃

13 וַאֲמַרְתֶּם֩a הִנֵּ֨ה מַתְּלָאָ֜הb וְהִפַּחְתֶּ֣םc אֹותֹ֗ו אָמַר֙d יְהוָ֣ה צְבָאֹ֔ות וַהֲבֵאתֶ֣םe גָּז֗וּלf וְאֶת־הַפִּסֵּ֨חַ֙g וְאֶת־הַ֣חֹולֶ֔ה וַהֲבֵאתֶ֖םh אֶת־הַמִּנְחָ֑ה הַאֶרְצֶ֥הi אֹותָ֛הּ מִיֶּדְכֶ֖ם אָמַ֥רj יְהוָֽה׃ ס

14 וְאָר֣וּרa נֹוכֵ֗לb וְיֵ֤שׁ בְּעֶדְרֹו֙c זָכָ֔ר וְנֹדֵ֛רd וְזֹבֵ֥חַe מָשְׁחָ֖ת לַֽאדֹנָ֑י כִּי֩ מֶ֨לֶךְ גָּדֹ֜ול אָ֗נִי אָמַר֙f יְהוָ֣ה צְבָאֹ֔ות וּשְׁמִ֖י נֹורָ֥א בַגֹּויִֽם׃

וְעַתָּ֗ה אֲלֵיכֶ֛ם הַמִּצְוָ֥ה הַזֹּ֖את הַכֹּהֲנִֽים׃

2 אִם־לֹ֣א תִשְׁמְע֡וּa וְאִם־לֹא֩ תָשִׂ֨ימוּb עַל־לֵ֜ב לָתֵ֧תc כָּבֹ֣וד לִשְׁמִ֗י אָמַר֙d יְהוָ֣ה צְבָאֹ֔ות וְשִׁלַּחְתִּ֤יe בָכֶם֙ אֶת־הַמְּאֵרָ֔הf וְאָרֹותִ֖יg אֶת־בִּרְכֹֽותֵיכֶ֑ם וְגַם֙ אָרֹותִ֔יהָh כִּ֥י אֵינְכֶ֖ם שָׂמִ֥יםi עַל־לֵֽב׃

3 הִנְנִ֨י גֹעֵ֤רa לָכֶם֙ אֶת־הַזֶּ֔רַע וְזֵרִ֤יתִיb פֶ֨רֶשׁ֙c עַל־פְּנֵיכֶ֔ם פֶּ֖רֶשׁd חַגֵּיכֶ֑ם וְנָשָׂ֥אe אֶתְכֶ֖ם אֵלָֽיו׃

4 וִֽידַעְתֶּ֕םa כִּ֚י שִׁלַּ֣חְתִּיb אֲלֵיכֶ֔ם אֵ֖ת הַמִּצְוָ֣ה הַזֹּ֑את לִֽהְיֹ֤ותc בְּרִיתִי֙ אֶת־לֵוִ֔י אָמַ֖רd יְהוָ֥ה צְבָאֹֽות׃

5 בְּרִיתִ֣י׀ הָיְתָ֣הa אִתֹּ֗ו הַֽחַיִּים֙ וְהַ֨שָּׁלֹ֔ום וָאֶתְּנֵֽםb ־לֹ֥ו מֹורָ֖אc וַיִּֽירָאֵ֑נִיd וּמִפְּנֵ֥י שְׁמִ֖י נִחַ֥תe הֽוּא׃

6 תֹּורַ֤ת אֱמֶת֙ הָיְתָ֣הa בְּפִ֔יהוּ וְעַוְלָ֖הb לֹא־נִמְצָ֣אc בִשְׂפָתָ֑יו בְּשָׁלֹ֤ום וּבְמִישֹׁור֙d הָלַ֣ךְe אִתִּ֔י וְרַבִּ֖ים הֵשִׁ֥יבf מֵעָוֹֽן׃

7 כִּֽי־שִׂפְתֵ֤י כֹהֵן֙ יִשְׁמְרוּa ־דַ֔עַת וְתֹורָ֖ה יְבַקְשׁ֣וּb מִפִּ֑יהוּ כִּ֛י מַלְאַ֥ךְ יְהוָֽה־צְבָאֹ֖ות הֽוּא׃

8 וְאַתֶּם֙ סַרְתֶּ֣םa מִן־הַדֶּ֔רֶךְ הִכְשַׁלְתֶּ֥םb רַבִּ֖ים בַּתֹּורָ֑ה שִֽׁחַתֶּם֙c בְּרִ֣ית הַלֵּוִ֔י אָמַ֖רd יְהוָ֥ה צְבָאֹֽות׃

9 וְגַם־אֲנִ֞י נָתַ֧תִּיa אֶתְכֶ֛ם נִבְזִ֥יםb וּשְׁפָלִ֖יםc לְכָל־הָעָ֑ם כְּפִ֗י אֲשֶׁ֤ר אֵֽינְכֶם֙ שֹׁמְרִ֣יםd אֶת־דְּרָכַ֔י וְנֹשְׂאִ֥יםe פָּנִ֖ים בַּתֹּורָֽה׃ פ

10 הֲלֹ֨וא אָ֤ב אֶחָד֙ לְכֻלָּ֔נוּ הֲלֹ֛וא אֵ֥ל אֶֽחָ֖ד בְּרָאָ֑נוּa מַדּ֗וּעַ נִבְגַּד֙b אִ֣ישׁ בְּאָחִ֔יו לְחַלֵּ֖לc בְּרִ֥ית אֲבֹתֵֽינוּ׃

11 בָּגְדָ֣הa יְהוּדָ֔ה וְתֹועֵבָ֛ה נֶעֶשְׂתָ֥הb בְיִשְׂרָאֵ֖ל וּבִירֽוּשָׁלִָ֑ם כִּ֣י׀ חִלֵּ֣לc יְהוּדָ֗ה קֹ֤דֶשׁ יְהוָה֙ אֲשֶׁ֣ר אָהֵ֔בd וּבָעַ֖לe בַּת־אֵ֥ל נֵכָֽרf ׃

12 יַכְרֵ֨תa יְהוָ֜ה לָאִ֨ישׁ אֲשֶׁ֤ר יַעֲשֶׂ֨נָּה֙b עֵ֣ר וְעֹנֶ֔ה מֵאָהֳלֵ֖י יַֽעֲקֹ֑ב וּמַגִּ֣ישׁc מִנְחָ֔ה לַֽיהוָ֖ה צְבָאֹֽות׃ פ

13 וְזֹאת֙ שֵׁנִ֣ית תַּֽעֲשׂ֔וּa כַּסֹּ֤ותb דִּמְעָה֙c אֶת־מִזְבַּ֣ח יְהוָ֔ה בְּכִ֖יd וַֽאֲנָקָ֑הe מֵאֵ֣ין עֹ֗וד פְּנֹות֙f אֶל־הַמִּנְחָ֔ה וְלָקַ֥חַתg רָצֹ֖ון מִיֶּדְכֶֽם׃

14 וַאֲמַרְתֶּ֖םa עַל־מָ֑ה עַ֡ל כִּי־יְהוָה֩ הֵעִ֨ידb בֵּינְךָ֜ וּבֵ֣ין׀ אֵ֣שֶׁת נְעוּרֶ֗יךָc אֲשֶׁ֤ר אַתָּה֙ בָּגַ֣דְתָּהd בָּ֔הּ וְהִ֥יא חֲבֶרְתְּךָ֖e וְאֵ֥שֶׁת בְּרִיתֶֽךָ׃

15 וְלֹא־אֶחָ֣ד עָשָׂ֗הa וּשְׁאָ֥רb ר֨וּחַ֙ לֹ֔ו וּמָה֙ הָֽאֶחָ֔ד מְבַקֵּ֖שׁc זֶ֣רַע אֱלֹהִ֑ים וְנִשְׁמַרְתֶּם֙d בְּר֣וּחֲכֶ֔ם וּבְאֵ֥שֶׁת נְעוּרֶ֖יךָe אַל־יִבְגֹּֽדf ׃

16 כִּֽי־שָׂנֵ֣אa שַׁלַּ֗חb אָמַ֤רc יְהוָה֙ אֱלֹהֵ֣י יִשְׂרָאֵ֔ל וְכִסָּ֤הd חָמָס֙ עַל־לְבוּשֹׁ֔וe אָמַ֖רf יְהוָ֣ה צְבָאֹ֑ות וְנִשְׁמַרְתֶּ֥םg בְּרוּחֲכֶ֖ם וְלֹ֥א תִבְגֹּֽדוּh ׃ ס

17 הֹוגַעְתֶּ֤םa יְהוָה֙ בְּדִבְרֵיכֶ֔ם וַאֲמַרְתֶּ֖םb בַּמָּ֣ה הֹוגָ֑עְנוּc בֶּאֱמָרְכֶ֗םd כָּל־עֹ֨שֵׂה רָ֜ע טֹ֣וב׀ בְּעֵינֵ֣י יְהוָ֗ה וּבָהֶם֙ ה֣וּא חָפֵ֔ץe אֹ֥ו אַיֵּ֖הf אֱלֹהֵ֥י הַמִּשְׁפָּֽט׃

הִנְנִ֤י שֹׁלֵחַ֙a מַלְאָכִ֔י וּפִנָּהb ־דֶ֖רֶךְ לְפָנָ֑י וּפִתְאֹם֩c יָבֹ֨ואd אֶל־הֵיכָלֹ֜ו הָאָדֹ֣ון׀ אֲשֶׁר־אַתֶּ֣ם מְבַקְשִׁ֗יםe וּמַלְאַ֨ךְ הַבְּרִ֜ית אֲשֶׁר־אַתֶּ֤ם חֲפֵצִים֙f הִנֵּה־בָ֔אg אָמַ֖רh יְהוָ֥ה צְבָאֹֽות׃

2 וּמִ֤י מְכַלְכֵּל֙a אֶת־יֹ֣ום בֹּואֹ֔וb וּמִ֥י הָעֹמֵ֖דc בְּהֵרָֽאֹותֹ֑וd כִּֽי־הוּא֙ כְּאֵ֣שׁ מְצָרֵ֔ףe וּכְבֹרִ֖יתf מְכַבְּסִֽים׃

3 וְיָשַׁ֨בa מְצָרֵ֤ףb וּמְטַהֵר֙c כֶּ֔סֶף וְטִהַ֤רd אֶת־בְּנֵֽי־לֵוִי֙ וְזִקַּ֣קe אֹתָ֔ם כַּזָּהָ֖ב וְכַכָּ֑סֶף וְהָיוּ֙f לַֽיהוָ֔ה מַגִּישֵׁ֥יg מִנְחָ֖ה בִּצְדָקָֽה׃

4 וְעָֽרְבָה֙a לַֽיהוָ֔ה מִנְחַ֥ת יְהוּדָ֖ה וִירֽוּשָׁלִָ֑ם כִּימֵ֣י עֹולָ֔ם וּכְשָׁנִ֖ים קַדְמֹנִיֹּֽותb ׃

5 וְקָרַבְתִּ֣יa אֲלֵיכֶם֮ לַמִּשְׁפָּט֒ וְהָיִ֣יתִיb ׀ עֵ֣ד מְמַהֵ֗ר בַּֽמְכַשְּׁפִים֙c וּבַמְנָ֣אֲפִ֔יםd וּבַנִּשְׁבָּעִ֖ים לַשָּׁ֑קֶר וּבְעֹשְׁקֵ֣יe שְׂכַרf ־שָׂ֠כִירg אַלְמָנָ֨ה וְיָתֹ֤וםh וּמַטֵּי־גֵר֙ וְלֹ֣א יְרֵא֔וּנִיi אָמַ֖רj יְהוָ֥ה צְבָאֹֽות׃

6 כִּ֛י אֲנִ֥י יְהוָ֖ה לֹ֣א שָׁנִ֑יתִיa וְאַתֶּ֥ם בְּנֵֽי־יַעֲקֹ֖ב לֹ֥א כְלִיתֶֽםb ׃

7 לְמִימֵ֨י אֲבֹתֵיכֶ֜ם סַרְתֶּ֤םa מֵֽחֻקַּי֙ וְלֹ֣א שְׁמַרְתֶּ֔םb שׁ֤וּבוּc אֵלַי֙ וְאָשׁ֣וּבָהd אֲלֵיכֶ֔ם אָמַ֖רe יְהוָ֣ה צְבָאֹ֑ות וַאֲמַרְתֶּ֖םf בַּמֶּ֥ה נָשֽׁוּבg ׃

8 הֲיִקְבַּ֨עa אָדָ֜ם אֱלֹהִ֗ים כִּ֤י אַתֶּם֙ קֹבְעִ֣יםb אֹתִ֔י וַאֲמַרְתֶּ֖םc בַּמֶּ֣ה קְבַעֲנ֑וּךָd הַֽמַּעֲשֵׂ֖רe וְהַתְּרוּמָֽה׃

9 בַּמְּאֵרָה֙a אַתֶּ֣ם נֵֽאָרִ֔יםb וְאֹתִ֖י אַתֶּ֣ם קֹבְעִ֑יםc הַגֹּ֖וי כֻּלֹּֽו׃

10 הָבִ֨יאוּa אֶת־כָּל־הַֽמַּעֲשֵׂ֜רb אֶל־בֵּ֣ית הָאֹוצָ֗ר וִיהִ֥יc טֶ֨רֶף֙d בְּבֵיתִ֔י וּבְחָנ֤וּנִיe נָא֙ בָּזֹ֔את אָמַ֖רf יְהוָ֣ה צְבָאֹ֑ות אִם־לֹ֧א אֶפְתַּ֣חg לָכֶ֗ם אֵ֚ת אֲרֻבֹּ֣ותh הַשָּׁמַ֔יִם וַהֲרִיקֹתִ֥יi לָכֶ֛ם בְּרָכָ֖ה עַד־בְּלִי־דָֽיj ׃

11 וְגָעַרְתִּ֤יa לָכֶם֙ בָּֽאֹכֵ֔ל וְלֹֽא־יַשְׁחִ֥תb לָכֶ֖ם אֶת־פְּרִ֣י הָאֲדָמָ֑ה וְלֹא־תְשַׁכֵּ֨לc לָכֶ֤ם הַגֶּ֨פֶן֙ בַּשָּׂדֶ֔ה אָמַ֖רd יְהוָ֥ה צְבָאֹֽות׃

12 וְאִשְּׁר֥וּa אֶתְכֶ֖ם כָּל־הַגֹּויִ֑ם כִּֽי־תִהְי֤וּb אַתֶּם֙ אֶ֣רֶץ חֵ֔פֶץc אָמַ֖רd יְהוָ֥ה צְבָאֹֽות׃ ס

13 חָזְק֥וּa עָלַ֛י דִּבְרֵיכֶ֖ם אָמַ֣רb יְהוָ֑ה וַאֲמַרְתֶּ֕םc מַה־נִּדְבַּ֖רְנוּd עָלֶֽיךָ׃

14 אֲמַרְתֶּ֕םa שָׁ֖וְא עֲבֹ֣דb אֱלֹהִ֑ים וּמַה־בֶּ֗צַעc כִּ֤י שָׁמַ֨רְנוּ֙d מִשְׁמַרְתֹּ֔ו וְכִ֤י הָלַ֨כְנוּ֙e קְדֹ֣רַנִּ֔יתf מִפְּנֵ֖י יְהוָ֥ה צְבָאֹֽות׃

15 וְעַתָּ֕ה אֲנַ֖חְנוּ מְאַשְּׁרִ֣יםa זֵדִ֑יםb גַּם־נִבְנוּ֙c עֹשֵׂ֣י רִשְׁעָ֔הd גַּ֧ם בָּחֲנ֛וּe אֱלֹהִ֖ים וַיִּמָּלֵֽטוּf ׃

16 אָ֧ז נִדְבְּר֛וּa יִרְאֵ֥יb יְהוָ֖ה אִ֣ישׁ אֶת־רֵעֵ֑הוּ וַיַּקְשֵׁ֤בc יְהוָה֙ וַיִּשְׁמָ֔עd וַ֠יִּכָּתֵבe סֵ֣פֶר זִכָּרֹ֤וןf לְפָנָיו֙ לְיִרְאֵ֣יg יְהוָ֔ה וּלְחֹשְׁבֵ֖י שְׁמֹֽו׃

17 וְהָ֣יוּa לִ֗י אָמַר֙b יְהוָ֣ה צְבָאֹ֔ות לַיֹּ֕ום אֲשֶׁ֥ר אֲנִ֖י עֹשֶׂ֣הc סְגֻלָּ֑הd וְחָמַלְתִּ֣יe עֲלֵיהֶ֔ם כַּֽאֲשֶׁר֙ יַחְמֹ֣לf אִ֔ישׁ עַל־בְּנֹ֖ו הָעֹבֵ֥דg אֹתֹֽו׃

18 וְשַׁבְתֶּם֙a וּרְאִיתֶ֔םb בֵּ֥ין צַדִּ֖יק לְרָשָׁ֑ע בֵּ֚ין עֹבֵ֣ד אֱלֹהִ֔ים לַאֲשֶׁ֖ר לֹ֥א עֲבָדֹֽוc ׃ ס

19 כִּֽי־הִנֵּ֤ה הַיֹּום֙ בָּ֔אa בֹּעֵ֖רb כַּתַּנּ֑וּרc וְהָי֨וּd כָל־זֵדִ֜יםe וְכָל־עֹשֵׂ֤ה רִשְׁעָה֙f קַ֔שׁg וְלִהַ֨טh אֹתָ֜ם הַיֹּ֣ום הַבָּ֗א אָמַר֙i יְהוָ֣ה צְבָאֹ֔ות אֲשֶׁ֛ר לֹא־יַעֲזֹ֥בj לָהֶ֖ם שֹׁ֥רֶשׁk וְעָנָֽףl ׃

20 וְזָרְחָ֨הa לָכֶ֜ם יִרְאֵ֤יb שְׁמִי֙ שֶׁ֣מֶשׁ צְדָקָ֔ה וּמַרְפֵּ֖אc בִּכְנָפֶ֑יהָ וִֽיצָאתֶ֥םd וּפִשְׁתֶּ֖םe כְּעֶגְלֵ֥יf מַרְבֵּֽקg ׃

21 וְעַסֹּותֶ֣םa רְשָׁעִ֔ים כִּֽי־יִהְי֣וּb אֵ֔פֶרc תַּ֖חַת כַּפֹּ֣ות רַגְלֵיכֶ֑ם בַּיֹּום֙ אֲשֶׁ֣ר אֲנִ֣י עֹשֶׂ֔הd אָמַ֖רe יְהוָ֥ה צְבָאֹֽות׃ פ

22 זִכְר֕וּa תֹּורַ֖ת מֹשֶׁ֣ה עַבְדִּ֑י אֲשֶׁר֩ צִוִּ֨יתִיb אֹותֹ֤ו בְחֹרֵב֙c עַל־כָּל־יִשְׂרָאֵ֔ל חֻקִּ֖ים וּמִשְׁפָּטִֽים׃

23 הִנֵּ֤ה אָֽנֹכִי֙ שֹׁלֵ֣חַa לָכֶ֔ם אֵ֖ת אֵלִיָּ֣הb הַנָּבִ֑יא לִפְנֵ֗י בֹּ֚ואc יֹ֣ום יְהוָ֔ה הַגָּדֹ֖ול וְהַנֹּורָֽא׃

24 וְהֵשִׁ֤יבa לֵב־אָבֹות֙ עַל־בָּנִ֔ים וְלֵ֥ב בָּנִ֖ים עַל־אֲבֹותָ֑ם פֶּן־אָבֹ֕ואb וְהִכֵּיתִ֥יc אֶת־הָאָ֖רֶץ חֵֽרֶםd ׃