ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 קַ֤חa אֶֽת־אַהֲרֹן֙ וְאֶת־בָּנָ֣יו אִתֹּ֔ו וְאֵת֙ הַבְּגָדִ֔ים וְאֵ֖ת שֶׁ֣מֶן הַמִּשְׁחָ֑הb וְאֵ֣ת׀ פַּ֣ר הַֽחַטָּ֗את וְאֵת֙ שְׁנֵ֣י הָֽאֵילִ֔ים וְאֵ֖ת סַ֥לc הַמַּצֹּֽות׃

3 וְאֵ֥ת כָּל־הָעֵדָ֖ה הַקְהֵ֑לa אֶל־פֶּ֖תַח אֹ֥הֶל מֹועֵֽד׃

4 וַיַּ֣עַשׂa מֹשֶׁ֔ה כַּֽאֲשֶׁ֛ר צִוָּ֥הb יְהוָ֖ה אֹתֹ֑ו וַתִּקָּהֵל֙c הָֽעֵדָ֔ה אֶל־פֶּ֖תַח אֹ֥הֶל מֹועֵֽד׃

5 וַיֹּ֥אמֶרa מֹשֶׁ֖ה אֶל־הָעֵדָ֑ה זֶ֣ה הַדָּבָ֔ר אֲשֶׁר־צִוָּ֥הb יְהוָ֖ה לַעֲשֹֽׂותc ׃

6 וַיַּקְרֵ֣בa מֹשֶׁ֔ה אֶֽת־אַהֲרֹ֖ן וְאֶת־בָּנָ֑יו וַיִּרְחַ֥ץb אֹתָ֖ם בַּמָּֽיִם׃

7 וַיִּתֵּ֨ןa עָלָ֜יו אֶת־הַכֻּתֹּ֗נֶתb וַיַּחְגֹּ֤רc אֹתֹו֙ בָּֽאַבְנֵ֔טd וַיַּלְבֵּ֤שׁe אֹתֹו֙ אֶֽת־הַמְּעִ֔ילf וַיִּתֵּ֥ןg עָלָ֖יו אֶת־הָאֵפֹ֑דh וַיַּחְגֹּ֣רi אֹתֹ֗ו בְּחֵ֨שֶׁב֙j הָֽאֵפֹ֔דk וַיֶּאְפֹּ֥דl לֹ֖ו בֹּֽו׃

8 וַיָּ֥שֶׂםa עָלָ֖יו אֶת־הַחֹ֑שֶׁןb וַיִּתֵּן֙c אֶל־הַחֹ֔שֶׁןd אֶת־הָאוּרִ֖יםe וְאֶת־הַתֻּמִּֽיםf ׃

9 וַיָּ֥שֶׂםa אֶת־הַמִּצְנֶ֖פֶתb עַל־רֹאשֹׁ֑ו וַיָּ֨שֶׂםc עַֽל־הַמִּצְנֶ֜פֶתd אֶל־מ֣וּלe פָּנָ֗יו אֵ֣ת צִ֤יץf הַזָּהָב֙ נֵ֣זֶרg הַקֹּ֔דֶשׁ כַּאֲשֶׁ֛ר צִוָּ֥הh יְהוָ֖ה אֶת־מֹשֶֽׁה׃

10 וַיִּקַּ֤חa מֹשֶׁה֙ אֶת־שֶׁ֣מֶן הַמִּשְׁחָ֔הb וַיִּמְשַׁ֥חc אֶת־הַמִּשְׁכָּ֖ן וְאֶת־כָּל־אֲשֶׁר־בֹּ֑ו וַיְקַדֵּ֖שׁd אֹתָֽם׃

11 וַיַּ֥זa מִמֶּ֛נּוּ עַל־הַמִּזְבֵּ֖חַ שֶׁ֣בַע פְּעָמִ֑ים וַיִּמְשַׁ֨חb אֶת־הַמִּזְבֵּ֜חַ וְאֶת־כָּל־כֵּלָ֗יו וְאֶת־הַכִּיֹּ֛רc וְאֶת־כַּנֹּ֖וd לְקַדְּשָֽׁםe ׃

12 וַיִּצֹק֙a מִשֶּׁ֣מֶן הַמִּשְׁחָ֔הb עַ֖ל רֹ֣אשׁ אַהֲרֹ֑ן וַיִּמְשַׁ֥חc אֹתֹ֖ו לְקַדְּשֹֽׁוd ׃

13 וַיַּקְרֵ֨בa מֹשֶׁ֜ה אֶת־בְּנֵ֣י אַהֲרֹ֗ן וַיַּלְבִּשֵׁ֤םb כֻּתֳּנֹת֙c וַיַּחְגֹּ֤רd אֹתָם֙ אַבְנֵ֔טe וַיַּחֲבֹ֥שׁf לָהֶ֖ם מִגְבָּעֹ֑ותg כַּאֲשֶׁ֛ר צִוָּ֥הh יְהוָ֖ה אֶת־מֹשֶֽׁה׃

14 וַיַּגֵּ֕שׁa אֵ֖ת פַּ֣ר הַֽחַטָּ֑את וַיִּסְמֹ֨ךְb אַהֲרֹ֤ן וּבָנָיו֙ אֶת־יְדֵיהֶ֔ם עַל־רֹ֖אשׁ פַּ֥ר הַֽחַטָּֽאת׃

15 וַיִּשְׁחָ֗טa וַיִּקַּ֨חb מֹשֶׁ֤ה אֶת־הַדָּם֙ וַ֠יִּתֵּןc עַל־קַרְנֹ֨ות הַמִּזְבֵּ֤חַ סָבִיב֙ בְּאֶצְבָּעֹ֔וd וַיְחַטֵּ֖אe אֶת־הַמִּזְבֵּ֑חַ וְאֶת־הַדָּ֗ם יָצַק֙f אֶל־יְסֹ֣ודg הַמִּזְבֵּ֔חַ וַֽיְקַדְּשֵׁ֖הוּh לְכַפֵּ֥רi עָלָֽיו׃

16 וַיִּקַּ֗חa אֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶתb הַכָּבֵ֔דc וְאֶת־שְׁתֵּ֥י הַכְּלָיֹ֖תd וְאֶֽת־חֶלְבְּהֶ֑ן וַיַּקְטֵ֥רe מֹשֶׁ֖ה הַמִּזְבֵּֽחָה׃

17 וְאֶת־הַפָּ֤ר וְאֶת־עֹרֹו֙ וְאֶת־בְּשָׂרֹ֣ו וְאֶת־פִּרְשֹׁ֔וa שָׂרַ֣ףb בָּאֵ֔שׁ מִח֖וּץ לַֽמַּחֲנֶ֑ה כַּאֲשֶׁ֛ר צִוָּ֥הc יְהוָ֖ה אֶת־מֹשֶֽׁה׃

18 וַיַּקְרֵ֕בa אֵ֖ת אֵ֣יל הָעֹלָ֑ה וַֽיִּסְמְכ֞וּb אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

19 וַיִּשְׁחָ֑טa וַיִּזְרֹ֨קb מֹשֶׁ֧ה אֶת־הַדָּ֛ם עַל־הַמִּזְבֵּ֖חַ סָבִֽיב׃

20 וְאֶת־הָאַ֔יִל נִתַּ֖חa לִנְתָחָ֑יוb וַיַּקְטֵ֤רc מֹשֶׁה֙ אֶת־הָרֹ֔אשׁ וְאֶת־הַנְּתָחִ֖יםd וְאֶת־הַפָּֽדֶרe ׃

21 וְאֶת־הַקֶּ֥רֶב וְאֶת־הַכְּרָעַ֖יִםa רָחַ֣ץb בַּמָּ֑יִם וַיַּקְטֵר֩c מֹשֶׁ֨ה אֶת־כָּל־הָאַ֜יִל הַמִּזְבֵּ֗חָה עֹלָ֨ה ה֤וּא לְרֵֽיחַ־נִיחֹ֨חַ֙d אִשֶּׁ֥ה הוּא֙ לַיהוָ֔ה כַּאֲשֶׁ֛ר צִוָּ֥הe יְהוָ֖ה אֶת־מֹשֶֽׁה׃

22 וַיַּקְרֵב֙a אֶת־הָאַ֣יִל הַשֵּׁנִ֔י אֵ֖יל הַמִּלֻּאִ֑יםb וַֽיִּסְמְכ֞וּc אַהֲרֹ֧ן וּבָנָ֛יו אֶת־יְדֵיהֶ֖ם עַל־רֹ֥אשׁ הָאָֽיִל׃

23 וַיִּשְׁחָ֓טa ׀ וַיִּקַּ֤חb מֹשֶׁה֙ מִדָּמֹ֔ו וַיִּתֵּ֛ןc עַל־תְּנ֥וּךְd אֹֽזֶן־אַהֲרֹ֖ן הַיְמָנִ֑יתe וְעַל־בֹּ֤הֶןf יָדֹו֙ הַיְמָנִ֔יתg וְעַל־בֹּ֥הֶןh רַגְלֹ֖ו הַיְמָנִֽיתi ׃

24 וַיַּקְרֵ֞בa אֶת־בְּנֵ֣י אַהֲרֹ֗ן וַיִּתֵּ֨ןb מֹשֶׁ֤ה מִן־הַדָּם֙ עַל־תְּנ֤וּךְc אָזְנָם֙ הַיְמָנִ֔יתd וְעַל־בֹּ֤הֶןe יָדָם֙ הַיְמָנִ֔יתf וְעַל־בֹּ֥הֶןg רַגְלָ֖ם הַיְמָנִ֑יתh וַיִּזְרֹ֨קi מֹשֶׁ֧ה אֶת־הַדָּ֛ם עַל־הַֽמִּזְבֵּ֖חַ סָבִֽיב׃

25 וַיִּקַּ֞חa אֶת־הַחֵ֣לֶב וְאֶת־הָֽאַלְיָ֗הb וְאֶֽת־כָּל־הַחֵלֶב֮ אֲשֶׁ֣ר עַל־הַקֶּרֶב֒ וְאֵת֙ יֹתֶ֣רֶתc הַכָּבֵ֔דd וְאֶת־שְׁתֵּ֥י הַכְּלָיֹ֖תe וְאֶֽת־חֶלְבְּהֶ֑ן וְאֵ֖ת שֹׁ֥וקf הַיָּמִֽין׃

26 וּמִסַּ֨לa הַמַּצֹּ֜ות אֲשֶׁ֣ר׀ לִפְנֵ֣י יְהוָ֗ה לָ֠קַחb חַלַּ֨תc מַצָּ֤ה אַחַת֙ וְֽחַלַּ֨תd לֶ֥חֶם שֶׁ֛מֶן אַחַ֖ת וְרָקִ֣יקe אֶחָ֑ד וַיָּ֨שֶׂם֙f עַל־הַ֣חֲלָבִ֔ים וְעַ֖ל שֹׁ֥וקg הַיָּמִֽין׃

27 וַיִּתֵּ֣ןa אֶת־הַכֹּ֔ל עַ֚ל כַּפֵּ֣י אַהֲרֹ֔ן וְעַ֖ל כַּפֵּ֣י בָנָ֑יו וַיָּ֧נֶףb אֹתָ֛ם תְּנוּפָ֖הc לִפְנֵ֥י יְהוָֽה׃

28 וַיִּקַּ֨חa מֹשֶׁ֤ה אֹתָם֙ מֵעַ֣ל כַּפֵּיהֶ֔ם וַיַּקְטֵ֥רb הַמִּזְבֵּ֖חָה עַל־הָעֹלָ֑ה מִלֻּאִ֥יםc הֵם֙ לְרֵ֣יחַ נִיחֹ֔חַd אִשֶּׁ֥ה ה֖וּא לַיהוָֽה׃

29 וַיִּקַּ֤חa מֹשֶׁה֙ אֶת־הֶ֣חָזֶ֔הb וַיְנִיפֵ֥הוּc תְנוּפָ֖הd לִפְנֵ֣י יְהוָ֑ה מֵאֵ֣יל הַמִּלֻּאִ֗יםe לְמֹשֶׁ֤ה הָיָה֙f לְמָנָ֔הg כַּאֲשֶׁ֛ר צִוָּ֥הh יְהוָ֖ה אֶת־מֹשֶֽׁה׃

30 וַיִּקַּ֨חa מֹשֶׁ֜ה מִשֶּׁ֣מֶן הַמִּשְׁחָ֗הb וּמִן־הַדָּם֮ אֲשֶׁ֣ר עַל־הַמִּזְבֵּחַ֒ וַיַּ֤זc עַֽל־אַהֲרֹן֙ עַל־בְּגָדָ֔יו וְעַל־בָּנָ֛יו וְעַל־בִּגְדֵ֥י בָנָ֖יו אִתֹּ֑ו וַיְקַדֵּ֤שׁd אֶֽת־אַהֲרֹן֙ אֶת־בְּגָדָ֔יו וְאֶת־בָּנָ֛יו וְאֶת־בִּגְדֵ֥י בָנָ֖יו אִתֹּֽו׃

31 וַיֹּ֨אמֶרa מֹשֶׁ֜ה אֶל־אַהֲרֹ֣ן וְאֶל־בָּנָ֗יו בַּשְּׁל֣וּb אֶת־הַבָּשָׂר֮ פֶּ֣תַח אֹ֣הֶל מֹועֵד֒ וְשָׁם֙ תֹּאכְל֣וּc אֹתֹ֔ו וְאֶ֨ת־הַלֶּ֔חֶם אֲשֶׁ֖ר בְּסַ֣לd הַמִּלֻּאִ֑יםe כַּאֲשֶׁ֤ר צִוֵּ֨יתִי֙f לֵאמֹ֔רg אַהֲרֹ֥ן וּבָנָ֖יו יֹאכְלֻֽהוּh ׃

32 וְהַנֹּותָ֥רa בַּבָּשָׂ֖ר וּבַלָּ֑חֶם בָּאֵ֖שׁ תִּשְׂרֹֽפוּb ׃

33 וּמִפֶּתַח֩ אֹ֨הֶל מֹועֵ֜ד לֹ֤א תֵֽצְאוּ֙a שִׁבְעַ֣ת יָמִ֔ים עַ֚ד יֹ֣ום מְלֹ֔אתb יְמֵ֖י מִלֻּאֵיכֶ֑םc כִּ֚י שִׁבְעַ֣ת יָמִ֔ים יְמַלֵּ֖אd אֶת־יֶדְכֶֽם׃

34 כַּאֲשֶׁ֥ר עָשָׂ֖הa בַּיֹּ֣ום הַזֶּ֑ה צִוָּ֧הb יְהוָ֛ה לַעֲשֹׂ֖תc לְכַפֵּ֥רd עֲלֵיכֶֽם׃

35 וּפֶתַח֩ אֹ֨הֶל מֹועֵ֜ד תֵּשְׁב֨וּa יֹומָ֤ם וָלַ֨יְלָה֙ שִׁבְעַ֣ת יָמִ֔ים וּשְׁמַרְתֶּ֛םb אֶת־מִשְׁמֶ֥רֶת יְהוָ֖ה וְלֹ֣א תָמ֑וּתוּc כִּי־כֵ֖ן צֻוֵּֽיתִיd ׃

36 וַיַּ֥עַשׂa אַהֲרֹ֖ן וּבָנָ֑יו אֵ֚ת כָּל־הַדְּבָרִ֔ים אֲשֶׁר־צִוָּ֥הb יְהוָ֖ה בְּיַד־מֹשֶֽׁה׃ ס