ויקרא

וְזֹ֥את תֹּורַ֖ת הָאָשָׁ֑םa קֹ֥דֶשׁ קָֽדָשִׁ֖ים הֽוּא׃

2 בִּמְקֹ֗ום אֲשֶׁ֤ר יִשְׁחֲטוּ֙a אֶת־הָ֣עֹלָ֔ה יִשְׁחֲט֖וּb אֶת־הָאָשָׁ֑םc וְאֶת־דָּמֹ֛ו יִזְרֹ֥קd עַל־הַמִּזְבֵּ֖חַ סָבִֽיב׃

3 וְאֵ֥ת כָּל־חֶלְבֹּ֖ו יַקְרִ֣יבa מִמֶּ֑נּוּ אֵ֚ת הָֽאַלְיָ֔הb וְאֶת־הַחֵ֖לֶב הַֽמְכַסֶּ֥הc אֶת־הַקֶּֽרֶב׃

4 וְאֵת֙ שְׁתֵּ֣י הַכְּלָיֹ֔תa וְאֶת־הַחֵ֨לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־הַכְּסָלִ֑יםb וְאֶת־הַיֹּתֶ֨רֶת֙c עַל־הַכָּבֵ֔דd עַל־הַכְּלָיֹ֖תe יְסִירֶֽנָּהf ׃

5 וְהִקְטִ֨ירa אֹתָ֤ם הַכֹּהֵן֙ הַמִּזְבֵּ֔חָה אִשֶּׁ֖ה לַיהוָ֑ה אָשָׁ֖םb הֽוּא׃

6 כָּל־זָכָ֥ר בַּכֹּהֲנִ֖ים יֹאכְלֶ֑נּוּa בְּמָקֹ֤ום קָדֹושׁ֙ יֵאָכֵ֔לb קֹ֥דֶשׁ קָֽדָשִׁ֖ים הֽוּא׃

7 כַּֽחַטָּאת֙ כָּֽאָשָׁ֔םa תֹּורָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּרb ־בֹּ֖ו לֹ֥ו יִהְיֶֽהc ׃

8 וְהַ֨כֹּהֵ֔ן הַמַּקְרִ֖יבa אֶת־עֹ֣לַת אִ֑ישׁ עֹ֤ור הָֽעֹלָה֙ אֲשֶׁ֣ר הִקְרִ֔יבb לַכֹּהֵ֖ן לֹ֥ו יִהְיֶֽהc ׃

9 וְכָל־מִנְחָ֗ה אֲשֶׁ֤ר תֵּֽאָפֶה֙a בַּתַּנּ֔וּרb וְכָל־נַעֲשָׂ֥הc בַמַּרְחֶ֖שֶׁתd וְעַֽל־מַחֲבַ֑תe לַכֹּהֵ֛ן הַמַּקְרִ֥יבf אֹתָ֖הּ לֹ֥ו תִֽהְיֶֽהg ׃

10 וְכָל־מִנְחָ֥ה בְלוּלָֽהa ־בַשֶּׁ֖מֶן וַחֲרֵבָ֑הb לְכָל־בְּנֵ֧י אַהֲרֹ֛ן תִּהְיֶ֖הc אִ֥ישׁ כְּאָחִֽיו׃ פ

11 וְזֹ֥את תֹּורַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יבa לַיהוָֽה׃

12 אִ֣ם עַל־תֹּודָה֮a יַקְרִיבֶנּוּ֒b וְהִקְרִ֣יבc ׀ עַל־זֶ֣בַח הַתֹּודָ֗הd חַלֹּ֤ותe מַצֹּות֙ בְּלוּלֹ֣תf בַּשֶּׁ֔מֶן וּרְקִיקֵ֥יg מַצֹּ֖ות מְשֻׁחִ֣יםh בַּשָּׁ֑מֶן וְסֹ֣לֶת מֻרְבֶּ֔כֶתi חַלֹּ֖תj בְּלוּלֹ֥תk בַּשָּֽׁמֶן׃

13 עַל־חַלֹּת֙a לֶ֣חֶם חָמֵ֔ץb יַקְרִ֖יבc קָרְבָּנֹ֑ו עַל־זֶ֖בַח תֹּודַ֥תd שְׁלָמָֽיו׃

14 וְהִקְרִ֨יבa מִמֶּ֤נּוּ אֶחָד֙ מִכָּל־קָרְבָּ֔ן תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛קb אֶת־דַּ֥ם הַשְּׁלָמִ֖ים לֹ֥ו יִהְיֶֽהc ׃

15 וּבְשַׂ֗ר זֶ֚בַח תֹּודַ֣תa שְׁלָמָ֔יו בְּיֹ֥ום קָרְבָּנֹ֖ו יֵאָכֵ֑לb לֹֽא־יַנִּ֥יחַc מִמֶּ֖נּוּ עַד־בֹּֽקֶר׃

16 וְאִם־נֶ֣דֶר׀ אֹ֣ו נְדָבָ֗הa זֶ֚בַח קָרְבָּנֹ֔ו בְּיֹ֛ום הַקְרִיבֹ֥וb אֶת־זִבְחֹ֖ו יֵאָכֵ֑לc וּמִֽמָּחֳרָ֔תd וְהַנֹּותָ֥רe מִמֶּ֖נּוּ יֵאָכֵֽלf ׃

17 וְהַנֹּותָ֖רa מִבְּשַׂ֣ר הַזָּ֑בַח בַּיֹּום֙ הַשְּׁלִישִׁ֔י בָּאֵ֖שׁ יִשָּׂרֵֽףb ׃

18 וְאִ֣ם הֵאָכֹ֣ל יֵ֠אָכֵלa מִבְּשַׂר־זֶ֨בַח שְׁלָמָ֜יו בַּיֹּ֣ום הַשְּׁלִישִׁי֮ לֹ֣א יֵרָצֶה֒b הַמַּקְרִ֣יבc אֹתֹ֗ו לֹ֧א יֵחָשֵׁ֛בd לֹ֖ו פִּגּ֣וּלe יִהְיֶ֑הf וְהַנֶּ֛פֶשׁ הָאֹכֶ֥לֶתg מִמֶּ֖נּוּ עֲוֹנָ֥הּ תִּשָּֽׂאh ׃

19 וְהַבָּשָׂ֞ר אֲשֶׁר־יִגַּ֤עa בְּכָל־טָמֵא֙ לֹ֣א יֵֽאָכֵ֔לb בָּאֵ֖שׁ יִשָּׂרֵ֑ףc וְהַ֨בָּשָׂ֔ר כָּל־טָהֹ֖ור יֹאכַ֥לd בָּשָֽׂר׃

20 וְהַנֶּ֜פֶשׁ אֲשֶׁר־תֹּאכַ֣לa בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה וְטֻמְאָתֹ֖וb עָלָ֑יו וְנִכְרְתָ֛הc הַנֶּ֥פֶשׁ הַהִ֖וא מֵעַמֶּֽיהָ׃

21 וְנֶ֜פֶשׁ כִּֽי־תִגַּ֣עa בְּכָל־טָמֵ֗א בְּטֻמְאַ֤תb אָדָם֙ אֹ֣ו׀ בִּבְהֵמָ֣ה טְמֵאָ֗ה אֹ֚ו בְּכָל־שֶׁ֣קֶץc טָמֵ֔א וְאָכַ֛לd מִבְּשַׂר־זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛הe הַנֶּ֥פֶשׁ הַהִ֖וא מֵעַמֶּֽיהָ׃ פ

22 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

23 דַּבֵּ֛רa אֶל־בְּנֵ֥י יִשְׂרָאֵ֖ל לֵאמֹ֑רb כָּל־חֵ֜לֶב שֹׁ֥ור וְכֶ֛שֶׂבc וָעֵ֖ז לֹ֥א תֹאכֵֽלוּd ׃

24 וְחֵ֤לֶב נְבֵלָה֙a וְחֵ֣לֶב טְרֵפָ֔הb יֵעָשֶׂ֖הc לְכָל־מְלָאכָ֑ה וְאָכֹ֖ל לֹ֥א תֹאכְלֻֽהוּd ׃

25 כִּ֚י כָּל־אֹכֵ֣לa חֵ֔לֶב מִן־הַ֨בְּהֵמָ֔ה אֲשֶׁ֨ר יַקְרִ֥יבb מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛הc הַנֶּ֥פֶשׁ הָאֹכֶ֖לֶתd מֵֽעַמֶּֽיהָ׃

26 וְכָל־דָּם֙ לֹ֣א תֹאכְל֔וּa בְּכֹ֖ל מֹושְׁבֹתֵיכֶ֑םb לָעֹ֖וף וְלַבְּהֵמָֽה׃

27 כָּל־נֶ֖פֶשׁ אֲשֶׁר־תֹּאכַ֣לa כָּל־דָּ֑ם וְנִכְרְתָ֛הb הַנֶּ֥פֶשׁ הַהִ֖וא מֵֽעַמֶּֽיהָ׃ פ

28 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

29 דַּבֵּ֛רa אֶל־בְּנֵ֥י יִשְׂרָאֵ֖ל לֵאמֹ֑רb הַמַּקְרִ֞יבc אֶת־זֶ֤בַח שְׁלָמָיו֙ לַיהוָ֔ה יָבִ֧יאd אֶת־קָרְבָּנֹ֛ו לַיהוָ֖ה מִזֶּ֥בַח שְׁלָמָֽיו׃

30 יָדָ֣יו תְּבִיאֶ֔ינָהa אֵ֖ת אִשֵּׁ֣י יְהוָ֑ה אֶת־הַחֵ֤לֶב עַל־הֶֽחָזֶה֙b יְבִיאֶ֔נּוּc אֵ֣ת הֶחָזֶ֗הd לְהָנִ֥יףe אֹתֹ֛ו תְּנוּפָ֖הf לִפְנֵ֥י יְהוָֽה׃

31 וְהִקְטִ֧ירa הַכֹּהֵ֛ן אֶת־הַחֵ֖לֶב הַמִּזְבֵּ֑חָה וְהָיָה֙b הֶֽחָזֶ֔הc לְאַהֲרֹ֖ן וּלְבָנָֽיו׃

32 וְאֵת֙ שֹׁ֣וקa הַיָּמִ֔ין תִּתְּנ֥וּb תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם׃

33 הַמַּקְרִ֞יבa אֶת־דַּ֧ם הַשְּׁלָמִ֛ים וְאֶת־הַחֵ֖לֶב מִבְּנֵ֣י אַהֲרֹ֑ן לֹ֧ו תִהְיֶ֛הb שֹׁ֥וקc הַיָּמִ֖ין לְמָנָֽהd ׃

34 כִּי֩ אֶת־חֲזֵ֨הa הַתְּנוּפָ֜הb וְאֵ֣ת׀ שֹׁ֣וקc הַתְּרוּמָ֗ה לָקַ֨חְתִּי֙d מֵאֵ֣ת בְּנֵֽי־יִשְׂרָאֵ֔ל מִזִּבְחֵ֖י שַׁלְמֵיהֶ֑ם וָאֶתֵּ֣ןe אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־עֹולָ֔ם מֵאֵ֖ת בְּנֵ֥י יִשְׂרָאֵֽל׃

35 זֹ֣את מִשְׁחַ֤תa אַהֲרֹן֙ וּמִשְׁחַ֣תb בָּנָ֔יו מֵאִשֵּׁ֖י יְהוָ֑ה בְּיֹום֙ הִקְרִ֣יבc אֹתָ֔ם לְכַהֵ֖ןd לַיהוָֽה׃

36 אֲשֶׁר֩ צִוָּ֨הa יְהוָ֜ה לָתֵ֣תb לָהֶ֗ם בְּיֹום֙ מָשְׁחֹ֣וc אֹתָ֔ם מֵאֵ֖ת בְּנֵ֣י יִשְׂרָאֵ֑ל חֻקַּ֥ת עֹולָ֖ם לְדֹרֹתָֽם׃

37 זֹ֣את הַתֹּורָ֗ה לָֽעֹלָה֙ לַמִּנְחָ֔ה וְלַֽחַטָּ֖את וְלָאָשָׁ֑םa וְלַ֨מִּלּוּאִ֔יםb וּלְזֶ֖בַח הַשְּׁלָמִֽים׃

38 אֲשֶׁ֨ר צִוָּ֧הa יְהוָ֛ה אֶת־מֹשֶׁ֖ה בְּהַ֣ר סִינָ֑יb בְּיֹ֨ום צַוֹּתֹ֜וc אֶת־בְּנֵ֣י יִשְׂרָאֵ֗ל לְהַקְרִ֧יבd אֶת־קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽיe ׃ פ