ויקרא

וְנֶ֣פֶשׁ כִּֽי־תֶחֱטָ֗אa וְשָֽׁמְעָה֙b קֹ֣ול אָלָ֔הc וְה֣וּא עֵ֔ד אֹ֥ו רָאָ֖הd אֹ֣ו יָדָ֑עe אִם־לֹ֥וא יַגִּ֖ידf וְנָשָׂ֥אg עֲוֹנֹֽו׃

2 אֹ֣ו נֶ֗פֶשׁ אֲשֶׁ֣ר תִּגַּע֮a בְּכָל־דָּבָ֣ר טָמֵא֒ אֹו֩ בְנִבְלַ֨תb חַיָּ֜ה טְמֵאָ֗ה אֹ֚ו בְּנִבְלַת֙c בְּהֵמָ֣ה טְמֵאָ֔ה אֹ֕ו בְּנִבְלַ֖תd שֶׁ֣רֶץe טָמֵ֑א וְנֶעְלַ֣םf מִמֶּ֔נּוּ וְה֥וּא טָמֵ֖א וְאָשֵֽׁםg ׃

3 אֹ֣ו כִ֤י יִגַּע֙a בְּטֻמְאַ֣תb אָדָ֔ם לְכֹל֙ טֻמְאָתֹ֔וc אֲשֶׁ֥ר יִטְמָ֖אd בָּ֑הּ וְנֶעְלַ֣םe מִמֶּ֔נּוּ וְה֥וּא יָדַ֖עf וְאָשֵֽׁםg ׃

4 אֹ֣ו נֶ֡פֶשׁ כִּ֣י תִשָּׁבַע֩a לְבַטֵּ֨אb בִשְׂפָתַ֜יִם לְהָרַ֣עc ׀ אֹ֣ו לְהֵיטִ֗יבd לְ֠כֹל אֲשֶׁ֨ר יְבַטֵּ֧אe הָאָדָ֛ם בִּשְׁבֻעָ֖הf וְנֶעְלַ֣םg מִמֶּ֑נּוּ וְהוּא־יָדַ֥עh וְאָשֵׁ֖םi לְאַחַ֥ת מֵאֵֽלֶּה׃

5 וְהָיָ֥הa כִֽי־יֶאְשַׁ֖םb לְאַחַ֣ת מֵאֵ֑לֶּה וְהִ֨תְוַדָּ֔הc אֲשֶׁ֥ר חָטָ֖אd עָלֶֽיהָ׃

6 וְהֵבִ֣יאa אֶת־אֲשָׁמֹ֣וb לַיהוָ֡ה עַ֣ל חַטָּאתֹו֩ אֲשֶׁ֨ר חָטָ֜אc נְקֵבָ֨הd מִן־הַצֹּ֥אן כִּשְׂבָּ֛הe אֹֽו־שְׂעִירַ֥תf עִזִּ֖ים לְחַטָּ֑את וְכִפֶּ֥רg עָלָ֛יו הַכֹּהֵ֖ן מֵחַטָּאתֹֽו׃

7 וְאִם־לֹ֨א תַגִּ֣יעa יָדֹו֮ דֵּ֣יb שֶׂה֒c וְהֵבִ֨יאd אֶת־אֲשָׁמֹ֜וe אֲשֶׁ֣ר חָטָ֗אf שְׁתֵּ֥י תֹרִ֛יםg אֹֽו־שְׁנֵ֥י בְנֵֽי־יֹונָ֖הh לַֽיהוָ֑ה אֶחָ֥ד לְחַטָּ֖את וְאֶחָ֥ד לְעֹלָֽה׃

8 וְהֵבִ֤יאa אֹתָם֙ אֶל־הַכֹּהֵ֔ן וְהִקְרִ֛יבb אֶת־אֲשֶׁ֥ר לַחַטָּ֖את רִאשֹׁונָ֑ה וּמָלַ֧קc אֶת־רֹאשֹׁ֛ו מִמּ֥וּלd עָרְפֹּ֖וe וְלֹ֥א יַבְדִּֽילf ׃

9 וְהִזָּ֞הa מִדַּ֤ם הַחַטָּאת֙ עַל־קִ֣יר הַמִּזְבֵּ֔חַ וְהַנִּשְׁאָ֣רb בַּדָּ֔ם יִמָּצֵ֖הc אֶל־יְסֹ֣ודd הַמִּזְבֵּ֑חַ חַטָּ֖את הֽוּא׃

10 וְאֶת־הַשֵּׁנִ֛י יַעֲשֶׂ֥הa עֹלָ֖ה כַּמִּשְׁפָּ֑ט וְכִפֶּ֨רb עָלָ֧יו הַכֹּהֵ֛ן מֵחַטָּאתֹ֥ו אֲשֶׁר־חָטָ֖אc וְנִסְלַ֥חd לֹֽו׃ ס

11 וְאִם־לֹא֩ תַשִּׂ֨יגa יָדֹ֜ו לִשְׁתֵּ֣י תֹרִ֗יםb אֹו֮ לִשְׁנֵ֣י בְנֵי־יֹונָה֒c וְהֵבִ֨יאd אֶת־קָרְבָּנֹ֜ו אֲשֶׁ֣ר חָטָ֗אe עֲשִׂירִ֧תf הָאֵפָ֛הg סֹ֖לֶת לְחַטָּ֑את לֹא־יָשִׂ֨יםh עָלֶ֜יהָ שֶׁ֗מֶן וְלֹא־יִתֵּ֤ןi עָלֶ֨יהָ֙ לְבֹנָ֔הj כִּ֥י חַטָּ֖את הִֽיא׃

12 וֶהֱבִיאָהּ֮a אֶל־הַכֹּהֵן֒ וְקָמַ֣ץb הַכֹּהֵ֣ן׀ מִ֠מֶּנָּה מְלֹ֨ואc קֻמְצֹ֜וd אֶת־אַזְכָּרָתָה֙e וְהִקְטִ֣ירf הַמִּזְבֵּ֔חָה עַ֖ל אִשֵּׁ֣י יְהוָ֑ה חַטָּ֖את הִֽוא׃

13 וְכִפֶּר֩a עָלָ֨יו הַכֹּהֵ֜ן עַל־חַטָּאתֹ֧ו אֲשֶׁר־חָטָ֛אb מֵֽאַחַ֥ת מֵאֵ֖לֶּה וְנִסְלַ֣חc לֹ֑ו וְהָיְתָ֥הd לַכֹּהֵ֖ן כַּמִּנְחָֽה׃ ס

14 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

15 נֶ֚פֶשׁ כִּֽי־תִמְעֹ֣לa מַ֔עַלb וְחָֽטְאָה֙c בִּשְׁגָגָ֔הd מִקָּדְשֵׁ֖י יְהוָ֑ה וְהֵבִיא֩e אֶת־אֲשָׁמֹ֨וf לַֽיהוָ֜ה אַ֧יִל תָּמִ֣ים מִן־הַצֹּ֗אן בְּעֶרְכְּךָ֛g כֶּֽסֶף־שְׁקָלִ֥ים בְּשֶֽׁקֶל־הַקֹּ֖דֶשׁ לְאָשָֽׁםh ׃

16 וְאֵ֣ת אֲשֶׁר֩ חָטָ֨אa מִן־הַקֹּ֜דֶשׁ יְשַׁלֵּ֗םb וְאֶת־חֲמִֽישִׁתֹו֙c יֹוסֵ֣ףd עָלָ֔יו וְנָתַ֥ןe אֹתֹ֖ו לַכֹּהֵ֑ן וְהַכֹּהֵ֗ן יְכַפֵּ֥רf עָלָ֛יו בְּאֵ֥יל הָאָשָׁ֖םg וְנִסְלַ֥חh לֹֽו׃ פ

17 וְאִם־נֶ֨פֶשׁ֙ כִּ֣י תֶֽחֱטָ֔אa וְעָֽשְׂתָ֗הb אַחַת֙ מִכָּל־מִצְוֹ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָהc וְלֹֽא־יָדַ֥עd וְאָשֵׁ֖םe וְנָשָׂ֥אf עֲוֹנֹֽו׃

18 וְ֠הֵבִיאa אַ֣יִל תָּמִ֧ים מִן־הַצֹּ֛אן בְּעֶרְכְּךָ֥b לְאָשָׁ֖םc אֶל־הַכֹּהֵ֑ן וְכִפֶּר֩d עָלָ֨יו הַכֹּהֵ֜ן עַ֣ל שִׁגְגָתֹ֧וe אֲשֶׁר־שָׁגָ֛גf וְה֥וּא לֹֽא־יָדַ֖עg וְנִסְלַ֥חh לֹֽו׃

19 אָשָׁ֖םa ה֑וּא אָשֹׁ֥םb אָשַׁ֖םc לַיהוָֽה׃ פ

20 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

21 נֶ֚פֶשׁ כִּ֣י תֶחֱטָ֔אa וּמָעֲלָ֥הb מַ֖עַלc בַּיהוָ֑ה וְכִחֵ֨שׁd בַּעֲמִיתֹ֜וe בְּפִקָּדֹ֗וןf אֹֽו־בִתְשׂ֤וּמֶתg יָד֙ אֹ֣ו בְגָזֵ֔לh אֹ֖ו עָשַׁ֥קi אֶת־עֲמִיתֹֽוj ׃

22 אֹֽו־מָצָ֧אa אֲבֵדָ֛הb וְכִ֥חֶשׁc בָּ֖הּ וְנִשְׁבַּ֣עd עַל־שָׁ֑קֶר עַל־אַחַ֗ת מִכֹּ֛ל אֲשֶׁר־יַעֲשֶׂ֥הe הָאָדָ֖ם לַחֲטֹ֥אf בָהֵֽנָּהg ׃

23 וְהָיָה֮a כִּֽי־יֶחֱטָ֣אb וְאָשֵׁם֒c וְהֵשִׁ֨יבd אֶת־הַגְּזֵלָ֜הe אֲשֶׁ֣ר גָּזָ֗לf אֹ֤ו אֶת־הָעֹ֨שֶׁק֙g אֲשֶׁ֣ר עָשָׁ֔קh אֹ֚ו אֶת־הַפִּקָּדֹ֔וןi אֲשֶׁ֥ר הָפְקַ֖דj אִתֹּ֑ו אֹ֥ו אֶת־הָאֲבֵדָ֖הk אֲשֶׁ֥ר מָצָֽאl ׃

24 אֹ֠ו מִכֹּ֞ל אֲשֶׁר־יִשָּׁבַ֣עa עָלָיו֮ לַשֶּׁקֶר֒ וְשִׁלַּ֤םb אֹתֹו֙ בְּרֹאשֹׁ֔ו וַחֲמִשִׁתָ֖יוc יֹסֵ֣ףd עָלָ֑יו לַאֲשֶׁ֨ר ה֥וּא לֹ֛ו יִתְּנֶ֖נּוּe בְּיֹ֥ום אַשְׁמָתֹֽוf ׃

25 וְאֶת־אֲשָׁמֹ֥וa יָבִ֖יאb לַיהוָ֑ה אַ֣יִל תָּמִ֧ים מִן־הַצֹּ֛אן בְּעֶרְכְּךָ֥c לְאָשָׁ֖םd אֶל־הַכֹּהֵֽן׃

26 וְכִפֶּ֨רa עָלָ֧יו הַכֹּהֵ֛ן לִפְנֵ֥י יְהוָ֖ה וְנִסְלַ֣חb לֹ֑ו עַל־אַחַ֛ת מִכֹּ֥ל אֲשֶֽׁר־יַעֲשֶׂ֖הc לְאַשְׁמָ֥הd בָֽהּ׃ פ