ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּ֞רa אֶל־בְּנֵ֤י יִשְׂרָאֵל֙ וְאָמַרְתָּ֣b אֲלֵהֶ֔ם אִ֕ישׁ כִּ֥י יַפְלִ֖אc נֶ֑דֶר בְּעֶרְכְּךָ֥d נְפָשֹׁ֖ת לַֽיהוָֽה׃

3 וְהָיָ֤הa עֶרְכְּךָ֙b הַזָּכָ֔ר מִבֶּן֙ עֶשְׂרִ֣ים שָׁנָ֔ה וְעַ֖ד בֶּן־שִׁשִּׁ֣ים שָׁנָ֑ה וְהָיָ֣הc עֶרְכְּךָ֗d חֲמִשִּׁ֛ים שֶׁ֥קֶל כֶּ֖סֶף בְּשֶׁ֥קֶל הַקֹּֽדֶשׁ׃

4 וְאִם־נְקֵבָ֖הa הִ֑וא וְהָיָ֥הb עֶרְכְּךָ֖c שְׁלֹשִׁ֥ים שָֽׁקֶל׃

5 וְאִ֨ם מִבֶּן־חָמֵ֜שׁ שָׁנִ֗ים וְעַד֙ בֶּן־עֶשְׂרִ֣ים שָׁנָ֔ה וְהָיָ֧הa עֶרְכְּךָ֛b הַזָּכָ֖ר עֶשְׂרִ֣ים שְׁקָלִ֑ים וְלַנְּקֵבָ֖הc עֲשֶׂ֥רֶת שְׁקָלִֽים׃

6 וְאִ֣ם מִבֶּן־חֹ֗דֶשׁ וְעַד֙ בֶּן־חָמֵ֣שׁ שָׁנִ֔ים וְהָיָ֤הa עֶרְכְּךָ֙b הַזָּכָ֔ר חֲמִשָּׁ֥ה שְׁקָלִ֖ים כָּ֑סֶף וְלַנְּקֵבָ֣הc עֶרְכְּךָ֔d שְׁלֹ֥שֶׁת שְׁקָלִ֖ים כָּֽסֶף׃

7 וְ֠אִם מִבֶּן־שִׁשִּׁ֨ים שָׁנָ֤ה וָמַ֨עְלָה֙ אִם־זָכָ֔ר וְהָיָ֣הa עֶרְכְּךָ֔b חֲמִשָּׁ֥ה עָשָׂ֖ר שָׁ֑קֶל וְלַנְּקֵבָ֖הc עֲשָׂרָ֥ה שְׁקָלִֽים׃

8 וְאִם־מָ֥ךְa הוּא֙ מֵֽעֶרְכֶּ֔ךָb וְהֶֽעֱמִידֹו֙c לִפְנֵ֣י הַכֹּהֵ֔ן וְהֶעֱרִ֥יךְd אֹתֹ֖ו הַכֹּהֵ֑ן עַל־פִּ֗י אֲשֶׁ֤ר תַּשִּׂיג֙e יַ֣ד הַנֹּדֵ֔רf יַעֲרִיכֶ֖נּוּg הַכֹּהֵֽן׃ ס

9 וְאִם־בְּהֵמָ֔ה אֲשֶׁ֨ר יַקְרִ֧יבוּa מִמֶּ֛נָּה קָרְבָּ֖ן לַֽיהוָ֑ה כֹּל֩ אֲשֶׁ֨ר יִתֵּ֥ןb מִמֶּ֛נּוּ לַיהוָ֖ה יִֽהְיֶהc ־קֹּֽדֶשׁ׃

10 לֹ֣א יַחֲלִיפֶ֗נּוּa וְלֹֽא־יָמִ֥ירb אֹתֹ֛ו טֹ֥וב בְּרָ֖ע אֹו־רַ֣ע בְּטֹ֑וב וְאִם־הָמֵ֨רc יָמִ֤ירd בְּהֵמָה֙ בִּבְהֵמָ֔ה וְהָֽיָהe ־ה֥וּא וּתְמוּרָתֹ֖וf יִֽהְיֶהg ־קֹּֽדֶשׁ׃

11 וְאִם֙ כָּל־בְּהֵמָ֣ה טְמֵאָ֔ה אֲ֠שֶׁר לֹא־יַקְרִ֧יבוּa מִמֶּ֛נָּה קָרְבָּ֖ן לַֽיהוָ֑ה וְהֶֽעֱמִ֥ידb אֶת־הַבְּהֵמָ֖ה לִפְנֵ֥י הַכֹּהֵֽן׃

12 וְהֶעֱרִ֤יךְa הַכֹּהֵן֙ אֹתָ֔הּ בֵּ֥ין טֹ֖וב וּבֵ֣ין רָ֑ע כְּעֶרְכְּךָ֥b הַכֹּהֵ֖ן כֵּ֥ן יִהְיֶֽהc ׃

13 וְאִם־גָּאֹ֖ל יִגְאָלֶ֑נָּהa וְיָסַ֥ףb חֲמִישִׁתֹ֖וc עַל־עֶרְכֶּֽךָd ׃

14 וְאִ֗ישׁ כִּֽי־יַקְדִּ֨שׁa אֶת־בֵּיתֹ֥ו קֹ֨דֶשׁ֙ לַֽיהוָ֔ה וְהֶעֱרִיכֹו֙b הַכֹּהֵ֔ן בֵּ֥ין טֹ֖וב וּבֵ֣ין רָ֑ע כַּאֲשֶׁ֨ר יַעֲרִ֥יךְc אֹתֹ֛ו הַכֹּהֵ֖ן כֵּ֥ן יָקֽוּםd ׃

15 וְאִ֨ם־הַמַּקְדִּ֔ישׁ יִגְאַ֖לa אֶת־בֵּיתֹ֑ו וְ֠יָסַףb חֲמִישִׁ֧יתc כֶּֽסֶף־עֶרְכְּךָ֛d עָלָ֖יו וְהָ֥יָהe לֹֽו׃

16 וְאִ֣ם׀ מִשְּׂדֵ֣ה אֲחֻזָּתֹ֗ו יַקְדִּ֥ישׁa אִישׁ֙ לַֽיהוָ֔ה וְהָיָ֥הb עֶרְכְּךָ֖c לְפִ֣י זַרְעֹ֑ו זֶ֚רַע חֹ֣מֶרd שְׂעֹרִ֔יםe בַּחֲמִשִּׁ֖ים שֶׁ֥קֶל כָּֽסֶף׃

17 אִם־מִשְּׁנַ֥ת הַיֹּבֵ֖לa יַקְדִּ֣ישׁb שָׂדֵ֑הוּ כְּעֶרְכְּךָ֖c יָקֽוּםd ׃

18 וְאִם־אַחַ֣ר הַיֹּבֵל֮a יַקְדִּ֣ישׁb שָׂדֵהוּ֒ וְחִשַּׁבc ־לֹ֨ו הַכֹּהֵ֜ן אֶת־הַכֶּ֗סֶף עַל־פִּ֤י הַשָּׁנִים֙ הַנֹּ֣ותָרֹ֔תd עַ֖ד שְׁנַ֣ת הַיֹּבֵ֑לe וְנִגְרַ֖עf מֵֽעֶרְכֶּֽךָg ׃

19 וְאִם־גָּאֹ֤ל יִגְאַל֙a אֶת־הַשָּׂדֶ֔ה הַמַּקְדִּ֖ישׁb אֹתֹ֑ו וְ֠יָסַףc חֲמִשִׁ֧יתd כֶּֽסֶף־עֶרְכְּךָ֛e עָלָ֖יו וְקָ֥םf לֹֽו׃

20 וְאִם־לֹ֤א יִגְאַל֙a אֶת־הַשָּׂדֶ֔ה וְאִם־מָכַ֥רb אֶת־הַשָּׂדֶ֖ה לְאִ֣ישׁ אַחֵ֑ר לֹ֥א יִגָּאֵ֖לc עֹֽוד׃

21 וְהָיָ֨הa הַשָּׂדֶ֜ה בְּצֵאתֹ֣וb בַיֹּבֵ֗לc קֹ֛דֶשׁ לַֽיהוָ֖ה כִּשְׂדֵ֣ה הַחֵ֑רֶםd לַכֹּהֵ֖ן תִּהְיֶ֥הe אֲחֻזָּתֹֽו׃

22 וְאִם֙ אֶת־שְׂדֵ֣ה מִקְנָתֹ֔וa אֲשֶׁ֕ר לֹ֖א מִשְּׂדֵ֣ה אֲחֻזָּתֹ֑ו יַקְדִּ֖ישׁb לַֽיהוָֽה׃

23 וְחִשַּׁבa ־לֹ֣ו הַכֹּהֵ֗ן אֵ֚ת מִכְסַ֣תb הָֽעֶרְכְּךָ֔c עַ֖ד שְׁנַ֣ת הַיֹּבֵ֑לd וְנָתַ֤ןe אֶת־הָעֶרְכְּךָ֙f בַּיֹּ֣ום הַה֔וּא קֹ֖דֶשׁ לַיהוָֽה׃

24 בִּשְׁנַ֤ת הַיֹּובֵל֙a יָשׁ֣וּבb הַשָּׂדֶ֔ה לַאֲשֶׁ֥ר קָנָ֖הוּc מֵאִתֹּ֑ו לַאֲשֶׁר־לֹ֖ו אֲחֻזַּ֥ת הָאָֽרֶץ׃

25 וְכָל־עֶרְכְּךָ֔a יִהְיֶ֖הb בְּשֶׁ֣קֶל הַקֹּ֑דֶשׁ עֶשְׂרִ֥ים גֵּרָ֖הc יִהְיֶ֥הd הַשָּֽׁקֶל׃ ס

26 אַךְ־בְּכֹ֞ור אֲשֶׁר־יְבֻכַּ֤רa לַֽיהוָה֙ בִּבְהֵמָ֔ה לֹֽא־יַקְדִּ֥ישׁb אִ֖ישׁ אֹתֹ֑ו אִם־שֹׁ֣ור אִם־שֶׂ֔הc לַֽיהוָ֖ה הֽוּא׃

27 וְאִ֨ם בַּבְּהֵמָ֤ה הַטְּמֵאָה֙ וּפָדָ֣הa בְעֶרְכֶּ֔ךָb וְיָסַ֥ףc חֲמִשִׁתֹ֖וd עָלָ֑יו וְאִם־לֹ֥א יִגָּאֵ֖לe וְנִמְכַּ֥רf בְּעֶרְכֶּֽךָg ׃

28 אַךְ־כָּל־חֵ֡רֶםa אֲשֶׁ֣ר יַחֲרִם֩b אִ֨ישׁ לַֽיהוָ֜ה מִכָּל־אֲשֶׁר־לֹ֗ו מֵאָדָ֤ם וּבְהֵמָה֙ וּמִשְּׂדֵ֣ה אֲחֻזָּתֹ֔ו לֹ֥א יִמָּכֵ֖רc וְלֹ֣א יִגָּאֵ֑לd כָּל־חֵ֕רֶםe קֹֽדֶשׁ־קָֽדָשִׁ֥ים ה֖וּא לַיהוָֽה׃

29 כָּל־חֵ֗רֶםa אֲשֶׁ֧ר יָחֳרַ֛םb מִן־הָאָדָ֖ם לֹ֣א יִפָּדֶ֑הc מֹ֖ות יוּמָֽתd ׃

30 וְכָל־מַעְשַׂ֨רa הָאָ֜רֶץ מִזֶּ֤רַע הָאָ֨רֶץ֙ מִפְּרִ֣י הָעֵ֔ץ לַיהוָ֖ה ה֑וּא קֹ֖דֶשׁ לַֽיהוָֽה׃

31 וְאִם־גָּאֹ֥ל יִגְאַ֛לa אִ֖ישׁ מִמַּֽעַשְׂרֹ֑וb חֲמִשִׁיתֹ֖וc יֹסֵ֥ףd עָלָֽיו׃

32 וְכָל־מַעְשַׂ֤רa בָּקָר֙ וָצֹ֔אן כֹּ֥ל אֲשֶׁר־יַעֲבֹ֖רb תַּ֣חַת הַשָּׁ֑בֶט הָֽעֲשִׂירִ֕יc יִֽהְיֶהd ־קֹּ֖דֶשׁ לַֽיהוָֽה׃

33 לֹ֧א יְבַקֵּ֛רa בֵּֽין־טֹ֥וב לָרַ֖ע וְלֹ֣א יְמִירֶ֑נּוּb וְאִם־הָמֵ֣רc יְמִירֶ֔נּוּd וְהָֽיָהe ־ה֧וּא וּתְמוּרָתֹ֛וf יִֽהְיֶהg ־קֹ֖דֶשׁ לֹ֥א יִגָּאֵֽלh ׃

34 אֵ֣לֶּה הַמִּצְוֹ֗ת אֲשֶׁ֨ר צִוָּ֧הa יְהוָ֛ה אֶת־מֹשֶׁ֖ה אֶל־בְּנֵ֣י יִשְׂרָאֵ֑ל בְּהַ֖ר סִינָֽיb ׃