ויקרא

לֹֽא־תַעֲשׂ֨וּa לָכֶ֜ם אֱלִילִ֗םb וּפֶ֤סֶלc וּמַצֵּבָה֙d לֹֽא־תָקִ֣ימוּe לָכֶ֔ם וְאֶ֣בֶן מַשְׂכִּ֗יתf לֹ֤א תִתְּנוּ֙g בְּאַרְצְכֶ֔ם לְהִֽשְׁתַּחֲוֹ֖תh עָלֶ֑יהָ כִּ֛י אֲנִ֥י יְהוָ֖ה אֱלֹהֵיכֶֽם׃

2 אֶת־שַׁבְּתֹתַ֣י תִּשְׁמֹ֔רוּa וּמִקְדָּשִׁ֖י תִּירָ֑אוּb אֲנִ֖י יְהוָֽה׃ ס

3 אִם־בְּחֻקֹּתַ֖י תֵּלֵ֑כוּa וְאֶת־מִצְוֹתַ֣י תִּשְׁמְר֔וּb וַעֲשִׂיתֶ֖םc אֹתָֽם׃

4 וְנָתַתִּ֥יa גִשְׁמֵיכֶ֖םb בְּעִתָּ֑ם וְנָתְנָ֤הc הָאָ֨רֶץ֙ יְבוּלָ֔הּd וְעֵ֥ץ הַשָּׂדֶ֖ה יִתֵּ֥ןe פִּרְיֹֽו׃

5 וְהִשִּׂ֨יגa לָכֶ֥ם דַּ֨יִשׁ֙b אֶת־בָּצִ֔ירc וּבָצִ֖ירd יַשִּׂ֣יגe אֶת־זָ֑רַע וַאֲכַלְתֶּ֤םf לַחְמְכֶם֙ לָשֹׂ֔בַעg וִֽישַׁבְתֶּ֥םh לָבֶ֖טַחi בְּאַרְצְכֶֽם׃

6 וְנָתַתִּ֤יa שָׁלֹום֙ בָּאָ֔רֶץ וּשְׁכַבְתֶּ֖םb וְאֵ֣ין מַחֲרִ֑ידc וְהִשְׁבַּתִּ֞יd חַיָּ֤ה רָעָה֙ מִן־הָאָ֔רֶץ וְחֶ֖רֶב לֹא־תַעֲבֹ֥רe בְּאַרְצְכֶֽם׃

7 וּרְדַפְתֶּ֖םa אֶת־אֹיְבֵיכֶ֑ם וְנָפְל֥וּb לִפְנֵיכֶ֖ם לֶחָֽרֶב׃

8 וְרָדְפוּ֙a מִכֶּ֤ם חֲמִשָּׁה֙ מֵאָ֔ה וּמֵאָ֥ה מִכֶּ֖ם רְבָבָ֣הb יִרְדֹּ֑פוּc וְנָפְל֧וּd אֹיְבֵיכֶ֛ם לִפְנֵיכֶ֖ם לֶחָֽרֶב׃

9 וּפָנִ֣יתִיa אֲלֵיכֶ֔ם וְהִפְרֵיתִ֣יb אֶתְכֶ֔ם וְהִרְבֵּיתִ֖יc אֶתְכֶ֑ם וַהֲקִימֹתִ֥יd אֶת־בְּרִיתִ֖י אִתְּכֶֽם׃

10 וַאֲכַלְתֶּ֥םa יָשָׁ֖ןb נֹושָׁ֑ןc וְיָשָׁ֕ןd מִפְּנֵ֥י חָדָ֖שׁ תֹּוצִֽיאוּe ׃

11 וְנָתַתִּ֥יa מִשְׁכָּנִ֖י בְּתֹוכְכֶ֑ם וְלֹֽא־תִגְעַ֥לb נַפְשִׁ֖י אֶתְכֶֽם׃

12 וְהִתְהַלַּכְתִּי֙a בְּתֹ֣וכְכֶ֔ם וְהָיִ֥יתִיb לָכֶ֖ם לֵֽאלֹהִ֑ים וְאַתֶּ֖ם תִּהְיוּc ־לִ֥י לְעָֽם׃

13 אֲנִ֞י יְהוָ֣ה אֱלֹֽהֵיכֶ֗ם אֲשֶׁ֨ר הֹוצֵ֤אתִיa אֶתְכֶם֙ מֵאֶ֣רֶץ מִצְרַ֔יִם מִֽהְיֹ֥תb לָהֶ֖ם עֲבָדִ֑ים וָאֶשְׁבֹּר֙c מֹטֹ֣תd עֻלְּכֶ֔םe וָאֹולֵ֥ךְf אֶתְכֶ֖ם קֹֽומְמִיּֽוּתg ׃ פ

14 וְאִם־לֹ֥א תִשְׁמְע֖וּa לִ֑י וְלֹ֣א תַעֲשׂ֔וּb אֵ֥ת כָּל־הַמִּצְוֹ֖ת הָאֵֽלֶּה׃

15 וְאִם־בְּחֻקֹּתַ֣י תִּמְאָ֔סוּa וְאִ֥ם אֶת־מִשְׁפָּטַ֖י תִּגְעַ֣לb נַפְשְׁכֶ֑ם לְבִלְתִּ֤י עֲשֹׂות֙c אֶת־כָּל־מִצְוֹתַ֔י לְהַפְרְכֶ֖םd אֶת־בְּרִיתִֽי׃

16 אַף־אֲנִ֞י אֶֽעֱשֶׂהa ־זֹּ֣את לָכֶ֗ם וְהִפְקַדְתִּ֨יb עֲלֵיכֶ֤ם בֶּֽהָלָה֙c אֶת־הַשַּׁחֶ֣פֶתd וְאֶת־הַקַּדַּ֔חַתe מְכַלֹּ֥ותf עֵינַ֖יִם וּמְדִיבֹ֣תg נָ֑פֶשׁ וּזְרַעְתֶּ֤םh לָרִיק֙i זַרְעֲכֶ֔ם וַאֲכָלֻ֖הוּj אֹיְבֵיכֶֽם׃

17 וְנָתַתִּ֤יa פָנַי֙ בָּכֶ֔ם וְנִגַּפְתֶּ֖םb לִפְנֵ֣י אֹיְבֵיכֶ֑ם וְרָד֤וּc בָכֶם֙ שֹֽׂנְאֵיכֶ֔ם וְנַסְתֶּ֖םd וְאֵין־רֹדֵ֥ףe אֶתְכֶֽם׃ ס

18 וְאִ֨ם־עַד־אֵ֔לֶּה לֹ֥א תִשְׁמְע֖וּa לִ֑י וְיָסַפְתִּי֙b לְיַסְּרָ֣הc אֶתְכֶ֔ם שֶׁ֖בַע עַל־חַטֹּאתֵיכֶֽם׃

19 וְשָׁבַרְתִּ֖יa אֶת־גְּאֹ֣וןb עֻזְּכֶ֑ם וְנָתַתִּ֤יc אֶת־שְׁמֵיכֶם֙ כַּבַּרְזֶ֔ל וְאֶֽת־אַרְצְכֶ֖ם כַּנְּחֻשָֽׁהd ׃

20 וְתַ֥םa לָרִ֖יקb כֹּחֲכֶ֑ם וְלֹֽא־תִתֵּ֤ןc אַרְצְכֶם֙ אֶת־יְבוּלָ֔הּd וְעֵ֣ץ הָאָ֔רֶץ לֹ֥א יִתֵּ֖ןe פִּרְיֹֽו׃

21 וְאִם־תֵּֽלְכ֤וּa עִמִּי֙ קֶ֔רִיb וְלֹ֥א תֹאב֖וּc לִשְׁמֹ֣עַֽd לִ֑י וְיָסַפְתִּ֤יe עֲלֵיכֶם֙ מַכָּ֔הf שֶׁ֖בַע כְּחַטֹּאתֵיכֶֽם׃

22 וְהִשְׁלַחְתִּ֨יa בָכֶ֜ם אֶת־חַיַּ֤ת הַשָּׂדֶה֙ וְשִׁכְּלָ֣הb אֶתְכֶ֔ם וְהִכְרִ֨יתָה֙c אֶת־בְּהֶמְתְּכֶ֔ם וְהִמְעִ֖יטָהd אֶתְכֶ֑ם וְנָשַׁ֖מּוּe דַּרְכֵיכֶֽם׃

23 וְאִ֨ם־בְּאֵ֔לֶּה לֹ֥א תִוָּסְר֖וּa לִ֑י וַהֲלַכְתֶּ֥םb עִמִּ֖י קֶֽרִיc ׃

24 וְהָלַכְתִּ֧יa אַף־אֲנִ֛י עִמָּכֶ֖ם בְּקֶ֑רִיb וְהִכֵּיתִ֤יc אֶתְכֶם֙ גַּם־אָ֔נִי שֶׁ֖בַע עַל־חַטֹּאתֵיכֶֽם׃

25 וְהֵבֵאתִ֨יa עֲלֵיכֶ֜ם חֶ֗רֶב נֹקֶ֨מֶת֙b נְקַםc ־בְּרִ֔ית וְנֶאֱסַפְתֶּ֖םd אֶל־עָרֵיכֶ֑ם וְשִׁלַּ֤חְתִּיe דֶ֨בֶר֙f בְּתֹ֣וכְכֶ֔ם וְנִתַּתֶּ֖םg בְּיַד־אֹויֵֽב׃

26 בְּשִׁבְרִ֣יa לָכֶם֮ מַטֵּה־לֶחֶם֒ וְ֠אָפוּb עֶ֣שֶׂר נָשִׁ֤ים לַחְמְכֶם֙ בְּתַנּ֣וּרc אֶחָ֔ד וְהֵשִׁ֥יבוּd לַחְמְכֶ֖ם בַּמִּשְׁקָ֑לe וַאֲכַלְתֶּ֖םf וְלֹ֥א תִשְׂבָּֽעוּg ׃ ס

27 וְאִ֨ם־בְּזֹ֔את לֹ֥א תִשְׁמְע֖וּa לִ֑י וַהֲלַכְתֶּ֥םb עִמִּ֖י בְּקֶֽרִיc ׃

28 וְהָלַכְתִּ֥יa עִמָּכֶ֖ם בַּחֲמַת־קֶ֑רִיb וְיִסַּרְתִּ֤יc אֶתְכֶם֙ אַף־אָ֔נִי שֶׁ֖בַע עַל־חַטֹּאתֵיכֶם׃

29 וַאֲכַלְתֶּ֖םa בְּשַׂ֣ר בְּנֵיכֶ֑ם וּבְשַׂ֥ר בְּנֹתֵיכֶ֖ם תֹּאכֵֽלוּb ׃

30 וְהִשְׁמַדְתִּ֞יa אֶת־בָּמֹֽתֵיכֶ֗ם וְהִכְרַתִּי֙b אֶת־חַמָּ֣נֵיכֶ֔םc וְנָֽתַתִּי֙d אֶת־פִּגְרֵיכֶ֔םe עַל־פִּגְרֵ֖יf גִּלּוּלֵיכֶ֑םg וְגָעֲלָ֥הh נַפְשִׁ֖י אֶתְכֶֽם׃

31 וְנָתַתִּ֤יa אֶת־עָֽרֵיכֶם֙ חָרְבָּ֔הb וַהֲשִׁמֹּותִ֖יc אֶת־מִקְדְּשֵׁיכֶ֑ם וְלֹ֣א אָרִ֔יחַd בְּרֵ֖יחַ נִיחֹֽחֲכֶֽםe ׃

32 וַהֲשִׁמֹּתִ֥יa אֲנִ֖י אֶת־הָאָ֑רֶץ וְשָֽׁמְמ֤וּb עָלֶ֨יהָ֙ אֹֽיְבֵיכֶ֔ם הַיֹּשְׁבִ֖יםc בָּֽהּ׃

33 וְאֶתְכֶם֙ אֱזָרֶ֣הa בַגֹּויִ֔ם וַהֲרִיקֹתִ֥יb אַחֲרֵיכֶ֖ם חָ֑רֶב וְהָיְתָ֤הc אַרְצְכֶם֙ שְׁמָמָ֔ה וְעָרֵיכֶ֖ם יִהְי֥וּd חָרְבָּֽהe ׃

34 אָז֩ תִּרְצֶ֨הa הָאָ֜רֶץ אֶת־שַׁבְּתֹתֶ֗יהָ כֹּ֚ל יְמֵ֣י הֳשַּׁמָּ֔הb וְאַתֶּ֖ם בְּאֶ֣רֶץ אֹיְבֵיכֶ֑ם אָ֚ז תִּשְׁבַּ֣תc הָאָ֔רֶץ וְהִרְצָ֖תd אֶת־שַׁבְּתֹתֶֽיהָ׃

35 כָּל־יְמֵ֥י הָשַּׁמָּ֖הa תִּשְׁבֹּ֑תb אֵ֣ת אֲשֶׁ֧ר לֹֽא־שָׁבְתָ֛הc בְּשַׁבְּתֹתֵיכֶ֖ם בְּשִׁבְתְּכֶ֥םd עָלֶֽיהָ׃

36 וְהַנִּשְׁאָרִ֣יםa בָּכֶ֔ם וְהֵבֵ֤אתִיb מֹ֨רֶךְ֙c בִּלְבָבָ֔ם בְּאַרְצֹ֖ת אֹיְבֵיהֶ֑ם וְרָדַ֣ףd אֹתָ֗ם קֹ֚ול עָלֶ֣הe נִדָּ֔ףf וְנָס֧וּg מְנֻֽסַתh ־חֶ֛רֶב וְנָפְל֖וּi וְאֵ֥ין רֹדֵֽף׃

37 וְכָשְׁל֧וּa אִישׁ־בְּאָחִ֛יו כְּמִפְּנֵי־חֶ֖רֶב וְרֹדֵ֣ף אָ֑יִן וְלֹא־תִֽהְיֶ֤הb לָכֶם֙ תְּקוּמָ֔הc לִפְנֵ֖י אֹֽיְבֵיכֶֽם׃

38 וַאֲבַדְתֶּ֖םa בַּגֹּויִ֑ם וְאָכְלָ֣הb אֶתְכֶ֔ם אֶ֖רֶץ אֹיְבֵיכֶֽם׃

39 וְהַנִּשְׁאָרִ֣יםa בָּכֶ֗ם יִמַּ֨קּוּ֙b בַּֽעֲוֹנָ֔ם בְּאַרְצֹ֖ת אֹיְבֵיכֶ֑ם וְאַ֛ף בַּעֲוֹנֹ֥ת אֲבֹתָ֖ם אִתָּ֥ם יִמָּֽקּוּc ׃

40 וְהִתְוַדּ֤וּa אֶת־עֲוֹנָם֙ וְאֶת־עֲוֹ֣ן אֲבֹתָ֔ם בְּמַעֲלָ֖םb אֲשֶׁ֣ר מָֽעֲלוּc ־בִ֑י וְאַ֕ף אֲשֶׁר־הָֽלְכ֥וּd עִמִּ֖י בְּקֶֽרִיe ׃

41 אַף־אֲנִ֗י אֵלֵ֤ךְa עִמָּם֙ בְּקֶ֔רִיb וְהֵבֵאתִ֣יc אֹתָ֔ם בְּאֶ֖רֶץ אֹיְבֵיהֶ֑ם אֹו־אָ֣ז יִכָּנַ֗עd לְבָבָם֙ הֶֽעָרֵ֔לe וְאָ֖ז יִרְצ֥וּf אֶת־עֲוֹנָֽם׃

42 וְזָכַרְתִּ֖יa אֶת־בְּרִיתִ֣י יַעֲקֹ֑וב וְאַף֩ אֶת־בְּרִיתִ֨י יִצְחָ֜ק וְאַ֨ף אֶת־בְּרִיתִ֧י אַבְרָהָ֛ם אֶזְכֹּ֖רb וְהָאָ֥רֶץ אֶזְכֹּֽרc ׃

43 וְהָאָרֶץ֩ תֵּעָזֵ֨בa מֵהֶ֜ם וְתִ֣רֶץb אֶת־שַׁבְּתֹתֶ֗יהָ בָּהְשַׁמָּה֙c מֵהֶ֔ם וְהֵ֖ם יִרְצ֣וּd אֶת־עֲוֹנָ֑ם יַ֣עַן וּבְיַ֔עַן בְּמִשְׁפָּטַ֣י מָאָ֔סוּe וְאֶת־חֻקֹּתַ֖י גָּעֲלָ֥הf נַפְשָֽׁם׃

44 וְאַף־גַּם־זֹ֠את בִּֽהְיֹותָ֞םa בְּאֶ֣רֶץ אֹֽיְבֵיהֶ֗ם לֹֽא־מְאַסְתִּ֤יםb וְלֹֽא־גְעַלְתִּים֙c לְכַלֹּתָ֔םd לְהָפֵ֥רe בְּרִיתִ֖י אִתָּ֑ם כִּ֛י אֲנִ֥י יְהוָ֖ה אֱלֹהֵיהֶֽם׃

45 וְזָכַרְתִּ֥יa לָהֶ֖ם בְּרִ֣ית רִאשֹׁנִ֑ים אֲשֶׁ֣ר הֹוצֵֽאתִיb ־אֹתָם֩ מֵאֶ֨רֶץ מִצְרַ֜יִם לְעֵינֵ֣י הַגֹּויִ֗ם לִהְיֹ֥תc לָהֶ֛ם לֵאלֹהִ֖ים אֲנִ֥י יְהוָֽה׃

46 אֵ֠לֶּה הַֽחֻקִּ֣ים וְהַמִּשְׁפָּטִים֮ וְהַתֹּורֹת֒ אֲשֶׁר֙ נָתַ֣ןa יְהוָ֔ה בֵּינֹ֕ו וּבֵ֖ין בְּנֵ֣י יִשְׂרָאֵ֑ל בְּהַ֥ר סִינַ֖יb בְּיַד־מֹשֶֽׁה׃ פ