ויקרא

וַיְדַבֵּ֤רa יְהוָה֙ אֶל־מֹשֶׁ֔ה בְּהַ֥ר סִינַ֖יb לֵאמֹֽרc ׃

2 דַּבֵּ֞רa אֶל־בְּנֵ֤י יִשְׂרָאֵל֙ וְאָמַרְתָּ֣b אֲלֵהֶ֔ם כִּ֤י תָבֹ֨אוּ֙c אֶל־הָאָ֔רֶץ אֲשֶׁ֥ר אֲנִ֖י נֹתֵ֣ןd לָכֶ֑ם וְשָׁבְתָ֣הe הָאָ֔רֶץ שַׁבָּ֖ת לַיהוָֽה׃

3 שֵׁ֤שׁ שָׁנִים֙ תִּזְרַ֣עa שָׂדֶ֔ךָ וְשֵׁ֥שׁ שָׁנִ֖ים תִּזְמֹ֣רb כַּרְמֶ֑ךָ וְאָסַפְתָּ֖c אֶת־תְּבוּאָתָֽהּd ׃

4 וּבַשָּׁנָ֣ה הַשְּׁבִיעִ֗ת שַׁבַּ֤ת שַׁבָּתֹון֙a יִהְיֶ֣הb לָאָ֔רֶץ שַׁבָּ֖ת לַיהוָ֑ה שָֽׂדְךָ֙ לֹ֣א תִזְרָ֔עc וְכַרְמְךָ֖ לֹ֥א תִזְמֹֽרd ׃

5 אֵ֣ת סְפִ֤יחַa קְצִֽירְךָ֙b לֹ֣א תִקְצֹ֔ורc וְאֶת־עִנְּבֵ֥יd נְזִירֶ֖ךָe לֹ֣א תִבְצֹ֑רf שְׁנַ֥ת שַׁבָּתֹ֖וןg יִהְיֶ֥הh לָאָֽרֶץ׃

6 וְ֠הָיְתָהa שַׁבַּ֨ת הָאָ֤רֶץ לָכֶם֙ לְאָכְלָ֔הb לְךָ֖ וּלְעַבְדְּךָ֣ וְלַאֲמָתֶ֑ךָ וְלִשְׂכִֽירְךָ֙c וּלְתֹושָׁ֣בְךָ֔d הַגָּרִ֖יםe עִמָּֽךְ׃

7 וְלִ֨בְהֶמְתְּךָ֔ וְלַֽחַיָּ֖ה אֲשֶׁ֣ר בְּאַרְצֶ֑ךָ תִּהְיֶ֥הa כָל־תְּבוּאָתָ֖הּb לֶאֱכֹֽלc ׃ ס

8 וְסָפַרְתָּ֣a לְךָ֗ שֶׁ֚בַע שַׁבְּתֹ֣ת שָׁנִ֔ים שֶׁ֥בַע שָׁנִ֖ים שֶׁ֣בַע פְּעָמִ֑ים וְהָי֣וּb לְךָ֗ יְמֵי֙ שֶׁ֚בַע שַׁבְּתֹ֣ת הַשָּׁנִ֔ים תֵּ֥שַׁע וְאַרְבָּעִ֖ים שָׁנָֽה׃

9 וְהַֽעֲבַרְתָּ֞a שֹׁופַ֤ר תְּרוּעָה֙b בַּחֹ֣דֶשׁ הַשְּׁבִעִ֔י בֶּעָשֹׂ֖ורc לַחֹ֑דֶשׁ בְּיֹום֙ הַכִּפֻּרִ֔יםd תַּעֲבִ֥ירוּe שֹׁופָ֖ר בְּכָל־אַרְצְכֶֽם׃

10 וְקִדַּשְׁתֶּ֗םa אֵ֣ת שְׁנַ֤ת הַחֲמִשִּׁים֙ שָׁנָ֔ה וּקְרָאתֶ֥םb דְּרֹ֛ורc בָּאָ֖רֶץ לְכָל־יֹשְׁבֶ֑יהָ יֹובֵ֥לd הִוא֙ תִּהְיֶ֣הe לָכֶ֔ם וְשַׁבְתֶּ֗םf אִ֚ישׁ אֶל־אֲחֻזָּתֹ֔ו וְאִ֥ישׁ אֶל־מִשְׁפַּחְתֹּ֖ו תָּשֻֽׁבוּg ׃

11 יֹובֵ֣לa הִ֗וא שְׁנַ֛ת הַחֲמִשִּׁ֥ים שָׁנָ֖ה תִּהְיֶ֣הb לָכֶ֑ם לֹ֣א תִזְרָ֔עוּc וְלֹ֤א תִקְצְרוּ֙d אֶת־סְפִיחֶ֔יהָe וְלֹ֥א תִבְצְר֖וּf אֶת־נְזִרֶֽיהָg ׃

12 כִּ֚י יֹובֵ֣לa הִ֔וא קֹ֖דֶשׁ תִּהְיֶ֣הb לָכֶ֑ם מִן־הַ֨שָּׂדֶ֔ה תֹּאכְל֖וּc אֶת־תְּבוּאָתָֽהּd ׃

13 בִּשְׁנַ֥ת הַיֹּובֵ֖לa הַזֹּ֑את תָּשֻׁ֕בוּb אִ֖ישׁ אֶל־אֲחֻזָּתֹֽו׃

14 וְכִֽי־תִמְכְּר֤וּa מִמְכָּר֙b לַעֲמִיתֶ֔ךָc אֹ֥ו קָנֹ֖הd מִיַּ֣ד עֲמִיתֶ֑ךָe אַל־תֹּונ֖וּf אִ֥ישׁ אֶת־אָחִֽיו׃

15 בְּמִסְפַּ֤ר שָׁנִים֙ אַחַ֣ר הַיֹּובֵ֔לa תִּקְנֶ֖הb מֵאֵ֣ת עֲמִיתֶ֑ךָc בְּמִסְפַּ֥ר שְׁנֵֽי־תְבוּאֹ֖תd יִמְכָּרe ־לָֽךְ׃

16 לְפִ֣י׀ רֹ֣ב הַשָּׁנִ֗ים תַּרְבֶּה֙a מִקְנָתֹ֔וb וּלְפִי֙ מְעֹ֣טc הַשָּׁנִ֔ים תַּמְעִ֖יטd מִקְנָתֹ֑וe כִּ֚י מִסְפַּ֣ר תְּבוּאֹ֔תf ה֥וּא מֹכֵ֖רg לָֽךְ׃

17 וְלֹ֤א תֹונוּ֙a אִ֣ישׁ אֶת־עֲמִיתֹ֔וb וְיָרֵ֖אתָc מֵֽאֱלֹהֶ֑יךָ כִּ֛י אֲנִ֥י יְהֹוָ֖ה אֱלֹהֵיכֶֽם׃

18 וַעֲשִׂיתֶם֙a אֶת־חֻקֹּתַ֔י וְאֶת־מִשְׁפָּטַ֥י תִּשְׁמְר֖וּb וַעֲשִׂיתֶ֣םc אֹתָ֑ם וִֽישַׁבְתֶּ֥םd עַל־הָאָ֖רֶץ לָבֶֽטַחe ׃

19 וְנָתְנָ֤הa הָאָ֨רֶץ֙ פִּרְיָ֔הּ וַאֲכַלְתֶּ֖םb לָשֹׂ֑בַעc וִֽישַׁבְתֶּ֥םd לָבֶ֖טַחe עָלֶֽיהָ׃

20 וְכִ֣י תֹאמְר֔וּa מַה־נֹּאכַ֤לb בַּשָּׁנָ֣ה הַשְּׁבִיעִ֑ת הֵ֚ן לֹ֣א נִזְרָ֔עc וְלֹ֥א נֶאֱסֹ֖ףd אֶת־תְּבוּאָתֵֽנוּe ׃

21 וְצִוִּ֤יתִיa אֶת־בִּרְכָתִי֙ לָכֶ֔ם בַּשָּׁנָ֖ה הַשִּׁשִּׁ֑יתb וְעָשָׂת֙c אֶת־הַתְּבוּאָ֔הd לִשְׁלֹ֖שׁ הַשָּׁנִֽים׃

22 וּזְרַעְתֶּ֗םa אֵ֚ת הַשָּׁנָ֣ה הַשְּׁמִינִ֔תb וַאֲכַלְתֶּ֖םc מִן־הַתְּבוּאָ֣הd יָשָׁ֑ןe עַ֣ד׀ הַשָּׁנָ֣ה הַתְּשִׁיעִ֗תf עַד־בֹּוא֙g תְּב֣וּאָתָ֔הּh תֹּאכְל֖וּi יָשָֽׁןj ׃

23 וְהָאָ֗רֶץ לֹ֤א תִמָּכֵר֙a לִצְמִתֻ֔תb כִּי־לִ֖י הָאָ֑רֶץ כִּֽי־גֵרִ֧ים וְתֹושָׁבִ֛יםc אַתֶּ֖ם עִמָּדִֽיd ׃

24 וּבְכֹ֖ל אֶ֣רֶץ אֲחֻזַּתְכֶ֑ם גְּאֻלָּ֖הa תִּתְּנ֥וּb לָאָֽרֶץ׃ ס

25 כִּֽי־יָמ֣וּךְa אָחִ֔יךָ וּמָכַ֖רb מֵאֲחֻזָּתֹ֑ו וּבָ֤אc גֹֽאֲלֹו֙ הַקָּרֹ֣ב אֵלָ֔יו וְגָאַ֕לd אֵ֖ת מִמְכַּ֥רe אָחִֽיו׃

26 וְאִ֕ישׁ כִּ֛י לֹ֥א יִֽהְיֶהa ־לֹּ֖ו גֹּאֵ֑ל וְהִשִּׂ֣יגָהb יָדֹ֔ו וּמָצָ֖אc כְּדֵ֥יd גְאֻלָּתֹֽוe ׃

27 וְחִשַּׁב֙a אֶת־שְׁנֵ֣י מִמְכָּרֹ֔וb וְהֵשִׁיב֙c אֶת־הָ֣עֹדֵ֔ףd לָאִ֖ישׁ אֲשֶׁ֣ר מָֽכַרe ־לֹ֑ו וְשָׁ֖בf לַאֲחֻזָּתֹֽו׃

28 וְאִ֨ם לֹֽא־מָֽצְאָ֜הa יָדֹ֗ו דֵּי֮b הָשִׁ֣יבc לֹו֒ וְהָיָ֣הd מִמְכָּרֹ֗וe בְּיַד֙ הַקֹּנֶ֣הf אֹתֹ֔ו עַ֖ד שְׁנַ֣ת הַיֹּובֵ֑לg וְיָצָא֙h בַּיֹּבֵ֔לi וְשָׁ֖בj לַאֲחֻזָּתֹֽו׃

29 וְאִ֗ישׁ כִּֽי־יִמְכֹּ֤רa בֵּית־מֹושַׁב֙b עִ֣יר חֹומָ֔ה וְהָיְתָה֙c גְּאֻלָּתֹ֔וd עַד־תֹּ֖םe שְׁנַ֣ת מִמְכָּרֹ֑וf יָמִ֖ים תִּהְיֶ֥הg גְאֻלָּתֹֽוh ׃

30 וְאִ֣ם לֹֽא־יִגָּאֵ֗לa עַד־מְלֹ֣אתb לֹו֮ שָׁנָ֣ה תְמִימָה֒ וְ֠קָםc הַבַּ֨יִת אֲשֶׁר־בָּעִ֜יר אֲשֶׁר־לאd חֹמָ֗ה לַצְּמִיתֻ֛תe לַקֹּנֶ֥הf אֹתֹ֖ו לְדֹרֹתָ֑יו לֹ֥א יֵצֵ֖אg בַּיֹּבֵֽלh ׃

31 וּבָתֵּ֣י הַחֲצֵרִ֗ים אֲשֶׁ֨ר אֵין־לָהֶ֤ם חֹמָה֙ סָבִ֔יב עַל־שְׂדֵ֥ה הָאָ֖רֶץ יֵחָשֵׁ֑בa גְּאֻלָּה֙b תִּהְיֶהc ־לֹּ֔ו וּבַיֹּבֵ֖לd יֵצֵֽאe ׃

32 וְעָרֵי֙ הַלְוִיִּ֔ם בָּתֵּ֖י עָרֵ֣י אֲחֻזָּתָ֑ם גְּאֻלַּ֥תa עֹולָ֖ם תִּהְיֶ֥הb לַלְוִיִּֽם׃

33 וַאֲשֶׁ֤ר יִגְאַל֙a מִן־הַלְוִיִּ֔ם וְיָצָ֧אb מִמְכַּרc ־בַּ֛יִת וְעִ֥יר אֲחֻזָּתֹ֖ו בַּיֹּבֵ֑לd כִּ֣י בָתֵּ֞י עָרֵ֣י הַלְוִיִּ֗ם הִ֚וא אֲחֻזָּתָ֔ם בְּתֹ֖וךְ בְּנֵ֥י יִשְׂרָאֵֽל׃

34 וּֽשְׂדֵ֛ה מִגְרַ֥שׁ עָרֵיהֶ֖ם לֹ֣א יִמָּכֵ֑רa כִּֽי־אֲחֻזַּ֥ת עֹולָ֛ם ה֖וּא לָהֶֽם׃ ס

35 וְכִֽי־יָמ֣וּךְa אָחִ֔יךָ וּמָ֥טָהb יָדֹ֖ו עִמָּ֑ךְ וְהֶֽחֱזַ֣קְתָּc בֹּ֔ו גֵּ֧ר וְתֹושָׁ֛בd וָחַ֖יe עִמָּֽךְ׃

36 אַל־תִּקַּ֤חa מֵֽאִתֹּו֙ נֶ֣שֶׁךְb וְתַרְבִּ֔יתc וְיָרֵ֖אתָd מֵֽאֱלֹהֶ֑יךָ וְחֵ֥יe אָחִ֖יךָ עִמָּֽךְ׃

37 אֶ֨ת־כַּסְפְּךָ֔ לֹֽא־תִתֵּ֥ןa לֹ֖ו בְּנֶ֑שֶׁךְb וּבְמַרְבִּ֖יתc לֹא־תִתֵּ֥ןd אָכְלֶֽךָe ׃

38 אֲנִ֗י יְהוָה֙ אֱלֹ֣הֵיכֶ֔ם אֲשֶׁר־הֹוצֵ֥אתִיa אֶתְכֶ֖ם מֵאֶ֣רֶץ מִצְרָ֑יִם לָתֵ֤תb לָכֶם֙ אֶת־אֶ֣רֶץ כְּנַ֔עַן לִהְיֹ֥ותc לָכֶ֖ם לֵאלֹהִֽים׃ ס

39 וְכִֽי־יָמ֥וּךְa אָחִ֛יךָ עִמָּ֖ךְ וְנִמְכַּרb ־לָ֑ךְ לֹא־תַעֲבֹ֥דc בֹּ֖ו עֲבֹ֥דַת עָֽבֶד׃

40 כְּשָׂכִ֥ירa כְּתֹושָׁ֖בb יִהְיֶ֣הc עִמָּ֑ךְ עַד־שְׁנַ֥ת הַיֹּבֵ֖לd יַעֲבֹ֥דe עִמָּֽךְ׃

41 וְיָצָא֙a מֵֽעִמָּ֔ךְ ה֖וּא וּבָנָ֣יו עִמֹּ֑ו וְשָׁב֙b אֶל־מִשְׁפַּחְתֹּ֔ו וְאֶל־אֲחֻזַּ֥ת אֲבֹתָ֖יו יָשֽׁוּבc ׃

42 כִּֽי־עֲבָדַ֣י הֵ֔ם אֲשֶׁר־הֹוצֵ֥אתִיa אֹתָ֖ם מֵאֶ֣רֶץ מִצְרָ֑יִם לֹ֥א יִמָּכְר֖וּb מִמְכֶּ֥רֶתc עָֽבֶד׃

43 לֹא־תִרְדֶּ֥הa בֹ֖ו בְּפָ֑רֶךְb וְיָרֵ֖אתָc מֵאֱלֹהֶֽיךָ׃

44 וְעַבְדְּךָ֥ וַאֲמָתְךָ֖ אֲשֶׁ֣ר יִהְיוּa ־לָ֑ךְ מֵאֵ֣ת הַגֹּויִ֗ם אֲשֶׁר֙ סְבִיבֹ֣תֵיכֶ֔ם מֵהֶ֥ם תִּקְנ֖וּb עֶ֥בֶד וְאָמָֽה׃

45 וְ֠גַם מִבְּנֵ֨י הַתֹּושָׁבִ֜יםa הַגָּרִ֤יםb עִמָּכֶם֙ מֵהֶ֣ם תִּקְנ֔וּc וּמִמִּשְׁפַּחְתָּם֙ אֲשֶׁ֣ר עִמָּכֶ֔ם אֲשֶׁ֥ר הֹולִ֖ידוּd בְּאַרְצְכֶ֑ם וְהָי֥וּe לָכֶ֖ם לַֽאֲחֻזָּֽה׃

46 וְהִתְנַחֲלְתֶּ֨םa אֹתָ֜ם לִבְנֵיכֶ֤ם אַחֲרֵיכֶם֙ לָרֶ֣שֶׁתb אֲחֻזָּ֔ה לְעֹלָ֖ם בָּהֶ֣ם תַּעֲבֹ֑דוּc וּבְאַ֨חֵיכֶ֤ם בְּנֵֽי־יִשְׂרָאֵל֙ אִ֣ישׁ בְּאָחִ֔יו לֹא־תִרְדֶּ֥הd בֹ֖ו בְּפָֽרֶךְe ׃ ס

47 וְכִ֣י תַשִּׂ֗יגa יַ֣ד גֵּ֤ר וְתֹושָׁב֙b עִמָּ֔ךְ וּמָ֥ךְc אָחִ֖יךָ עִמֹּ֑ו וְנִמְכַּ֗רd לְגֵ֤ר תֹּושָׁב֙e עִמָּ֔ךְ אֹ֥ו לְעֵ֖קֶרf מִשְׁפַּ֥חַת גֵּֽר׃

48 אַחֲרֵ֣י נִמְכַּ֔רa גְּאֻלָּ֖הb תִּהְיֶהc ־לֹּ֑ו אֶחָ֥ד מֵאֶחָ֖יו יִגְאָלֶֽנּוּd ׃

49 אֹו־דֹדֹ֞ו אֹ֤ו בֶן־דֹּדֹו֙ יִגְאָלֶ֔נּוּa אֹֽו־מִשְּׁאֵ֧רb בְּשָׂרֹ֛ו מִמִּשְׁפַּחְתֹּ֖ו יִגְאָלֶ֑נּוּc אֹֽו־הִשִּׂ֥יגָהd יָדֹ֖ו וְנִגְאָֽלe ׃

50 וְחִשַּׁב֙a עִם־קֹנֵ֔הוּ מִשְּׁנַת֙ הִמָּ֣כְרֹוb לֹ֔ו עַ֖ד שְׁנַ֣ת הַיֹּבֵ֑לc וְהָיָ֞הd כֶּ֤סֶף מִמְכָּרֹו֙e בְּמִסְפַּ֣ר שָׁנִ֔ים כִּימֵ֥י שָׂכִ֖ירf יִהְיֶ֥הg עִמֹּֽו׃

51 אִם־עֹ֥וד רַבֹּ֖ות בַּשָּׁנִ֑ים לְפִיהֶן֙ יָשִׁ֣יבa גְּאֻלָּתֹ֔וb מִכֶּ֖סֶף מִקְנָתֹֽוc ׃

52 וְאִם־מְעַ֞ט נִשְׁאַ֧רa בַּשָּׁנִ֛ים עַד־שְׁנַ֥ת הַיֹּבֵ֖לb וְחִשַּׁבc ־לֹ֑ו כְּפִ֣י שָׁנָ֔יו יָשִׁ֖יבd אֶת־גְּאֻלָּתֹֽוe ׃

53 כִּשְׂכִ֥ירa שָׁנָ֛ה בְּשָׁנָ֖ה יִהְיֶ֣הb עִמֹּ֑ו לֹֽא־יִרְדֶּ֥נּֽוּc בְּפֶ֖רֶךְd לְעֵינֶֽיךָ׃

54 וְאִם־לֹ֥א יִגָּאֵ֖לa בְּאֵ֑לֶּה וְיָצָא֙b בִּשְׁנַ֣ת הַיֹּבֵ֔לc ה֖וּא וּבָנָ֥יו עִמֹּֽו׃

55 כִּֽי־לִ֤י בְנֵֽי־יִשְׂרָאֵל֙ עֲבָדִ֔ים עֲבָדַ֣י הֵ֔ם אֲשֶׁר־הֹוצֵ֥אתִיa אֹותָ֖ם מֵאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃