ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 צַ֞וa אֶת־בְּנֵ֣י יִשְׂרָאֵ֗ל וְיִקְח֨וּb אֵלֶ֜יךָ שֶׁ֣מֶן זַ֥יִתc זָ֛ךְd כָּתִ֖יתe לַמָּאֹ֑ורf לְהַעֲלֹ֥תg נֵ֖רh תָּמִֽיד׃

3 מִחוּץ֩ לְפָרֹ֨כֶתa הָעֵדֻ֜ת בְּאֹ֣הֶל מֹועֵ֗ד יַעֲרֹךְ֩b אֹתֹ֨ו אַהֲרֹ֜ן מֵעֶ֧רֶב עַד־בֹּ֛קֶר לִפְנֵ֥י יְהוָ֖ה תָּמִ֑יד חֻקַּ֥ת עֹולָ֖ם לְדֹרֹֽתֵיכֶֽם׃

4 עַ֚ל הַמְּנֹרָ֣הa הַטְּהֹרָ֔ה יַעֲרֹ֖ךְb אֶת־הַנֵּרֹ֑ותc לִפְנֵ֥י יְהוָ֖ה תָּמִֽיד׃ פ

5 וְלָקַחְתָּ֣a סֹ֔לֶת וְאָפִיתָ֣b אֹתָ֔הּ שְׁתֵּ֥ים עֶשְׂרֵ֖ה חַלֹּ֑ותc שְׁנֵי֙ עֶשְׂרֹנִ֔יםd יִהְיֶ֖הe הַֽחַלָּ֥הf הָאֶחָֽת׃

6 וְשַׂמְתָּ֥a אֹותָ֛ם שְׁתַּ֥יִם מַֽעֲרָכֹ֖ותb שֵׁ֣שׁ הַֽמַּעֲרָ֑כֶתc עַ֛ל הַשֻּׁלְחָ֥ן הַטָּהֹ֖ר לִפְנֵ֥י יְהוָֽה׃

7 וְנָתַתָּ֥a עַל־הַֽמַּעֲרֶ֖כֶתb לְבֹנָ֣הc זַכָּ֑הd וְהָיְתָ֤הe לַלֶּ֨חֶם֙ לְאַזְכָּרָ֔הf אִשֶּׁ֖ה לַֽיהוָֽה׃

8 בְּיֹ֨ום הַשַּׁבָּ֜ת בְּיֹ֣ום הַשַּׁבָּ֗ת יַֽעַרְכֶ֛נּוּa לִפְנֵ֥י יְהוָ֖ה תָּמִ֑יד מֵאֵ֥ת בְּנֵֽי־יִשְׂרָאֵ֖ל בְּרִ֥ית עֹולָֽם׃

9 וְהָֽיְתָה֙a לְאַהֲרֹ֣ן וּלְבָנָ֔יו וַאֲכָלֻ֖הוּb בְּמָקֹ֣ום קָדֹ֑שׁ כִּ֡י קֹדֶשׁ֩ קָֽדָשִׁ֨ים ה֥וּא לֹ֛ו מֵאִשֵּׁ֥י יְהוָ֖ה חָק־עֹולָֽם׃ ס

10 וַיֵּצֵא֙a בֶּן־אִשָּׁ֣ה יִשְׂרְאֵלִ֔יתb וְהוּא֙ בֶּן־אִ֣ישׁ מִצְרִ֔יc בְּתֹ֖וךְ בְּנֵ֣י יִשְׂרָאֵ֑ל וַיִּנָּצוּ֙d בַּֽמַּחֲנֶ֔ה בֶּ֚ן הַיִּשְׂרְאֵלִ֔יתe וְאִ֖ישׁ הַיִּשְׂרְאֵלִֽיf ׃

11 וַ֠יִּקֹּבa בֶּן־הָֽאִשָּׁ֨ה הַיִּשְׂרְאֵלִ֤יתb אֶת־הַשֵּׁם֙ וַיְקַלֵּ֔לc וַיָּבִ֥יאוּd אֹתֹ֖ו אֶל־מֹשֶׁ֑ה וְשֵׁ֥ם אִמֹּ֛ו שְׁלֹמִ֥יתe בַּת־דִּבְרִ֖יf לְמַטֵּה־דָֽן׃

12 וַיַּנִּיחֻ֖הוּa בַּמִּשְׁמָ֑רb לִפְרֹ֥שׁc לָהֶ֖ם עַל־פִּ֥י יְהוָֽה׃ פ

13 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

14 הֹוצֵ֣אa אֶת־הַֽמְקַלֵּ֗ל אֶל־מִחוּץ֙ לַֽמַּחֲנֶ֔ה וְסָמְכ֧וּb כָֽל־הַשֹּׁמְעִ֛ים אֶת־יְדֵיהֶ֖ם עַל־רֹאשֹׁ֑ו וְרָגְמ֥וּc אֹתֹ֖ו כָּל־הָעֵדָֽה׃

15 וְאֶל־בְּנֵ֥י יִשְׂרָאֵ֖ל תְּדַבֵּ֣רa לֵאמֹ֑רb אִ֥ישׁ אִ֛ישׁ כִּֽי־יְקַלֵּ֥לc אֱלֹהָ֖יו וְנָשָׂ֥אd חֶטְאֹֽוe ׃

16 וְנֹקֵ֤בa שֵׁם־יְהוָה֙ מֹ֣ות יוּמָ֔תb רָגֹ֥וםc יִרְגְּמוּd ־בֹ֖ו כָּל־הָעֵדָ֑ה כַּגֵּר֙ כָּֽאֶזְרָ֔חe בְּנָקְבֹוf ־שֵׁ֖ם יוּמָֽתg ׃

17 וְאִ֕ישׁ כִּ֥י יַכֶּ֖הa כָּל־נֶ֣פֶשׁ אָדָ֑ם מֹ֖ות יוּמָֽתb ׃

18 וּמַכֵּ֥הa נֶֽפֶשׁ־בְּהֵמָ֖ה יְשַׁלְּמֶ֑נָּהb נֶ֖פֶשׁ תַּ֥חַת נָֽפֶשׁ׃

19 וְאִ֕ישׁ כִּֽי־יִתֵּ֥ןa מ֖וּםb בַּעֲמִיתֹ֑וc כַּאֲשֶׁ֣ר עָשָׂ֔הd כֵּ֖ן יֵעָ֥שֶׂהe לֹּֽו׃

20 שֶׁ֚בֶרa תַּ֣חַת שֶׁ֔בֶרb עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן כַּאֲשֶׁ֨ר יִתֵּ֥ןc מוּם֙d בָּֽאָדָ֔ם כֵּ֖ן יִנָּ֥תֶןe בֹּֽו׃

21 וּמַכֵּ֥הa בְהֵמָ֖ה יְשַׁלְּמֶ֑נָּהb וּמַכֵּ֥הc אָדָ֖ם יוּמָֽתd ׃

22 מִשְׁפַּ֤ט אֶחָד֙ יִהְיֶ֣הa לָכֶ֔ם כַּגֵּ֥ר כָּאֶזְרָ֖חb יִהְיֶ֑הc כִּ֛י אֲנִ֥י יְהוָ֖ה אֱלֹהֵיכֶֽם׃

23 וַיְדַבֵּ֣רa מֹשֶׁה֮ אֶל־בְּנֵ֣י יִשְׂרָאֵל֒ וַיֹּוצִ֣יאוּb אֶת־הַֽמְקַלֵּ֗ל אֶל־מִחוּץ֙ לַֽמַּחֲנֶ֔ה וַיִּרְגְּמ֥וּc אֹתֹ֖ו אָ֑בֶן וּבְנֵֽי־יִשְׂרָאֵ֣ל עָשׂ֔וּd כַּֽאֲשֶׁ֛ר צִוָּ֥הe יְהוָ֖ה אֶת־מֹשֶֽׁה׃ פ