ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּ֨רa אֶֽל־אַהֲרֹ֜ן וְאֶל־בָּנָ֗יו וְיִנָּֽזְרוּ֙b מִקָּדְשֵׁ֣י בְנֵֽי־יִשְׂרָאֵ֔ל וְלֹ֥א יְחַלְּל֖וּc אֶת־שֵׁ֣ם קָדְשִׁ֑י אֲשֶׁ֨ר הֵ֧ם מַקְדִּשִׁ֛יםd לִ֖י אֲנִ֥י יְהוָֽה׃

3 אֱמֹ֣רa אֲלֵהֶ֗ם לְדֹרֹ֨תֵיכֶ֜ם כָּל־אִ֣ישׁ׀ אֲשֶׁר־יִקְרַ֣בb מִכָּל־זַרְעֲכֶ֗ם אֶל־הַקֳּדָשִׁים֙ אֲשֶׁ֨ר יַקְדִּ֤ישׁוּc בְנֵֽי־יִשְׂרָאֵל֙ לַֽיהוָ֔ה וְטֻמְאָתֹ֖וd עָלָ֑יו וְנִכְרְתָ֞הe הַנֶּ֧פֶשׁ הַהִ֛וא מִלְּפָנַ֖י אֲנִ֥י יְהוָֽה׃

4 אִ֣ישׁ אִ֞ישׁ מִזֶּ֣רַע אַהֲרֹ֗ן וְה֤וּא צָר֨וּעַ֙a אֹ֣ו זָ֔בb בַּקֳּדָשִׁים֙ לֹ֣א יֹאכַ֔לc עַ֖ד אֲשֶׁ֣ר יִטְהָ֑רd וְהַנֹּגֵ֨עַ֙e בְּכָל־טְמֵא־נֶ֔פֶשׁ אֹ֣ו אִ֔ישׁ אֲשֶׁר־תֵּצֵ֥אf מִמֶּ֖נּוּ שִׁכְבַתg ־זָֽרַע׃

5 אֹו־אִישׁ֙ אֲשֶׁ֣ר יִגַּ֔עa בְּכָל־שֶׁ֖רֶץb אֲשֶׁ֣ר יִטְמָאc ־לֹ֑ו אֹ֤ו בְאָדָם֙ אֲשֶׁ֣ר יִטְמָאd ־לֹ֔ו לְכֹ֖ל טֻמְאָתֹֽוe ׃

6 נֶ֚פֶשׁ אֲשֶׁ֣ר תִּגַּעa ־בֹּ֔ו וְטָמְאָ֖הb עַד־הָעָ֑רֶב וְלֹ֤א יֹאכַל֙c מִן־הַקֳּדָשִׁ֔ים כִּ֛י אִם־רָחַ֥ץd בְּשָׂרֹ֖ו בַּמָּֽיִם׃

7 וּבָ֥אa הַשֶּׁ֖מֶשׁ וְטָהֵ֑רb וְאַחַר֙ יֹאכַ֣לc מִן־הַקֳּדָשִׁ֔ים כִּ֥י לַחְמֹ֖ו הֽוּא׃

8 נְבֵלָ֧הa וּטְרֵפָ֛הb לֹ֥א יֹאכַ֖לc לְטָמְאָהd ־בָ֑הּ אֲנִ֖י יְהוָֽה׃

9 וְשָׁמְר֣וּa אֶת־מִשְׁמַרְתִּ֗י וְלֹֽא־יִשְׂא֤וּb עָלָיו֙ חֵ֔טְאc וּמֵ֥תוּd בֹ֖ו כִּ֣י יְחַלְּלֻ֑הוּe אֲנִ֥י יְהוָ֖ה מְקַדְּשָֽׁםf ׃

10 וְכָל־זָ֖ר לֹא־יֹ֣אכַלa קֹ֑דֶשׁ תֹּושַׁ֥בb כֹּהֵ֛ן וְשָׂכִ֖ירc לֹא־יֹ֥אכַלd קֹֽדֶשׁ׃

11 וְכֹהֵ֗ן כִּֽי־יִקְנֶ֥הa נֶ֨פֶשׁ֙ קִנְיַ֣ןb כַּסְפֹּ֔ו ה֖וּא יֹ֣אכַלc בֹּ֑ו וִילִ֣ידd בֵּיתֹ֔ו הֵ֖ם יֹאכְל֥וּe בְלַחְמֹֽו׃

12 וּבַת־כֹּהֵ֔ן כִּ֥י תִהְיֶ֖הa לְאִ֣ישׁ זָ֑ר הִ֕וא בִּתְרוּמַ֥ת הַקֳּדָשִׁ֖ים לֹ֥א תֹאכֵֽלb ׃

13 וּבַת־כֹּהֵן֩ כִּ֨י תִהְיֶ֜הa אַלְמָנָ֣ה וּגְרוּשָׁ֗הb וְזֶרַע֮ אֵ֣ין לָהּ֒ וְשָׁבָ֞הc אֶל־בֵּ֤ית אָבִ֨יהָ֙ כִּנְעוּרֶ֔יהָd מִלֶּ֥חֶם אָבִ֖יהָ תֹּאכֵ֑לe וְכָל־זָ֖ר לֹא־יֹ֥אכַלf בֹּֽו׃ ס

14 וְאִ֕ישׁ כִּֽי־יֹאכַ֥לa קֹ֖דֶשׁ בִּשְׁגָגָ֑הb וְיָסַ֤ףc חֲמִֽשִׁיתֹו֙d עָלָ֔יו וְנָתַ֥ןe לַכֹּהֵ֖ן אֶת־הַקֹּֽדֶשׁ׃

15 וְלֹ֣א יְחַלְּל֔וּa אֶת־קָדְשֵׁ֖י בְּנֵ֣י יִשְׂרָאֵ֑ל אֵ֥ת אֲשֶׁר־יָרִ֖ימוּb לַיהוָֽה׃

16 וְהִשִּׂ֤יאוּa אֹותָם֙ עֲוֹ֣ן אַשְׁמָ֔הb בְּאָכְלָ֖םc אֶת־קָדְשֵׁיהֶ֑ם כִּ֛י אֲנִ֥י יְהוָ֖ה מְקַדְּשָֽׁםd ׃ פ

17 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

18 דַּבֵּ֨רa אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖b אֲלֵהֶ֑ם אִ֣ישׁ אִישׁ֩ מִבֵּ֨ית יִשְׂרָאֵ֜ל וּמִן־הַגֵּ֣ר בְּיִשְׂרָאֵ֗ל אֲשֶׁ֨ר יַקְרִ֤יבc קָרְבָּנֹו֙ לְכָל־נִדְרֵיהֶם֙ וּלְכָל־נִדְבֹותָ֔םd אֲשֶׁר־יַקְרִ֥יבוּe לַיהוָ֖ה לְעֹלָֽה׃

19 לִֽרְצֹנְכֶ֑ם תָּמִ֣ים זָכָ֔ר בַּבָּקָ֕ר בַּכְּשָׂבִ֖יםa וּבָֽעִזִּֽים׃

20 כֹּ֛ל אֲשֶׁר־בֹּ֥ו מ֖וּםa לֹ֣א תַקְרִ֑יבוּb כִּי־לֹ֥א לְרָצֹ֖ון יִהְיֶ֥הc לָכֶֽם׃

21 וְאִ֗ישׁ כִּֽי־יַקְרִ֤יבa זֶֽבַח־שְׁלָמִים֙ לַיהוָ֔ה לְפַלֵּאb ־נֶ֨דֶר֙ אֹ֣ו לִנְדָבָ֔הc בַּבָּקָ֖ר אֹ֣ו בַצֹּ֑אן תָּמִ֤ים יִֽהְיֶה֙d לְרָצֹ֔ון כָּל־מ֖וּםe לֹ֥א יִהְיֶהf ־בֹּֽו׃

22 עַוֶּרֶת֩a אֹ֨ו שָׁב֜וּרb אֹו־חָר֣וּץc אֹֽו־יַבֶּ֗לֶתd אֹ֤ו גָרָב֙e אֹ֣ו יַלֶּ֔פֶתf לֹא־תַקְרִ֥יבוּg אֵ֖לֶּה לַיהוָ֑ה וְאִשֶּׁ֗ה לֹא־תִתְּנ֥וּh מֵהֶ֛ם עַל־הַמִּזְבֵּ֖חַ לַיהוָֽה׃

23 וְשֹׁ֥ור וָשֶׂ֖הa שָׂר֣וּעַb וְקָל֑וּטc נְדָבָה֙d תַּעֲשֶׂ֣הe אֹתֹ֔ו וּלְנֵ֖דֶר לֹ֥א יֵרָצֶֽהf ׃

24 וּמָע֤וּךְa וְכָתוּת֙b וְנָת֣וּקc וְכָר֔וּת לֹ֥א תַקְרִ֖יבוּd לַֽיהוָ֑ה וּֽבְאַרְצְכֶ֖ם לֹ֥א תַעֲשֽׂוּe ׃

25 וּמִיַּ֣ד בֶּן־נֵכָ֗רa לֹ֥א תַקְרִ֛יבוּb אֶת־לֶ֥חֶם אֱלֹהֵיכֶ֖ם מִכָּל־אֵ֑לֶּה כִּ֣י מָשְׁחָתָ֤םc בָּהֶם֙ מ֣וּםd בָּ֔ם לֹ֥א יֵרָצ֖וּe לָכֶֽם׃ פ

26 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

27 שֹׁ֣ור אֹו־כֶ֤שֶׂבa אֹו־עֵז֙ כִּ֣י יִוָּלֵ֔דb וְהָיָ֛הc שִׁבְעַ֥ת יָמִ֖ים תַּ֣חַת אִמֹּ֑ו וּמִיֹּ֤ום הַשְּׁמִינִי֙d וָהָ֔לְאָהe יֵרָצֶ֕הf לְקָרְבַּ֥ן אִשֶּׁ֖ה לַיהוָֽה׃

28 וְשֹׁ֖ור אֹו־שֶׂ֑הa אֹתֹ֣ו וְאֶת־בְּנֹ֔ו לֹ֥א תִשְׁחֲט֖וּb בְּיֹ֥ום אֶחָֽד׃

29 וְכִֽי־תִזְבְּח֥וּa זֶֽבַח־תֹּודָ֖הb לַיהוָ֑ה לִֽרְצֹנְכֶ֖ם תִּזְבָּֽחוּc ׃

30 בַּיֹּ֤ום הַהוּא֙ יֵאָכֵ֔לa לֹֽא־תֹותִ֥ירוּb מִמֶּ֖נּוּ עַד־בֹּ֑קֶר אֲנִ֖י יְהוָֽה׃

31 וּשְׁמַרְתֶּם֙a מִצְוֹתַ֔י וַעֲשִׂיתֶ֖םb אֹתָ֑ם אֲנִ֖י יְהוָֽה׃

32 וְלֹ֤א תְחַלְּלוּ֙a אֶת־שֵׁ֣ם קָדְשִׁ֔י וְנִ֨קְדַּשְׁתִּ֔יb בְּתֹ֖וךְ בְּנֵ֣י יִשְׂרָאֵ֑ל אֲנִ֥י יְהוָ֖ה מְקַדִּשְׁכֶֽםc ׃

33 הַמֹּוצִ֤יאa אֶתְכֶם֙ מֵאֶ֣רֶץ מִצְרַ֔יִם לִהְיֹ֥ותb לָכֶ֖ם לֵאלֹהִ֑ים אֲנִ֖י יְהוָֽה׃ פ