ויקרא

וַיֹּ֤אמֶרa יְהוָה֙ אֶל־מֹשֶׁ֔ה אֱמֹ֥רb אֶל־הַכֹּהֲנִ֖ים בְּנֵ֣י אַהֲרֹ֑ן וְאָמַרְתָּ֣c אֲלֵהֶ֔ם לְנֶ֥פֶשׁ לֹֽא־יִטַּמָּ֖אd בְּעַמָּֽיו׃

2 כִּ֚י אִם־לִשְׁאֵרֹ֔וa הַקָּרֹ֖ב אֵלָ֑יו לְאִמֹּ֣ו וּלְאָבִ֔יו וְלִבְנֹ֥ו וּלְבִתֹּ֖ו וּלְאָחִֽיו׃

3 וְלַאֲחֹתֹ֤ו הַבְּתוּלָה֙ הַקְּרֹובָ֣ה אֵלָ֔יו אֲשֶׁ֥ר לֹֽא־הָיְתָ֖הa לְאִ֑ישׁ לָ֖הּ יִטַּמָּֽאb ׃

4 לֹ֥א יִטַּמָּ֖אa בַּ֣עַל בְּעַמָּ֑יו לְהֵ֖חַלֹּֽוb ׃

5 לֹֽא־יקרחהa קָרְחָה֙b בְּרֹאשָׁ֔ם וּפְאַ֥ת זְקָנָ֖םc לֹ֣א יְגַלֵּ֑חוּd וּבִ֨בְשָׂרָ֔ם לֹ֥א יִשְׂרְט֖וּe שָׂרָֽטֶתf ׃

6 קְדֹשִׁ֤ים יִהְיוּ֙a לֵאלֹ֣הֵיהֶ֔ם וְלֹ֣א יְחַלְּל֔וּb שֵׁ֖ם אֱלֹהֵיהֶ֑ם כִּי֩ אֶת־אִשֵּׁ֨י יְהוָ֜ה לֶ֧חֶם אֱלֹהֵיהֶ֛ם הֵ֥ם מַקְרִיבִ֖םc וְהָ֥יוּd קֹֽדֶשׁ׃

7 אִשָּׁ֨ה זֹנָ֤ה וַחֲלָלָה֙ לֹ֣א יִקָּ֔חוּa וְאִשָּׁ֛ה גְּרוּשָׁ֥הb מֵאִישָׁ֖הּ לֹ֣א יִקָּ֑חוּc כִּֽי־קָדֹ֥שׁ ה֖וּא לֵאלֹהָֽיו׃

8 וְקִדַּשְׁתֹּ֔וa כִּֽי־אֶת־לֶ֥חֶם אֱלֹהֶ֖יךָ ה֣וּא מַקְרִ֑יבb קָדֹשׁ֙ יִֽהְיֶהc ־לָּ֔ךְ כִּ֣י קָדֹ֔ושׁ אֲנִ֥י יְהוָ֖ה מְקַדִּשְׁכֶֽםd ׃

9 וּבַת֙ אִ֣ישׁ כֹּהֵ֔ן כִּ֥י תֵחֵ֖לa לִזְנֹ֑ותb אֶת־אָבִ֨יהָ֙ הִ֣יא מְחַלֶּ֔לֶתc בָּאֵ֖שׁ תִּשָּׂרֵֽףd ׃ ס

10 וְהַכֹּהֵן֩ הַגָּדֹ֨ול מֵאֶחָ֜יו אֲֽשֶׁר־יוּצַ֥קa עַל־רֹאשֹׁ֣ו׀ שֶׁ֤מֶן הַמִּשְׁחָה֙b וּמִלֵּ֣אc אֶת־יָדֹ֔ו לִלְבֹּ֖שׁd אֶת־הַבְּגָדִ֑ים אֶת־רֹאשֹׁו֙ לֹ֣א יִפְרָ֔עe וּבְגָדָ֖יו לֹ֥א יִפְרֹֽםf ׃

11 וְעַ֛ל כָּל־נַפְשֹׁ֥ת מֵ֖ת לֹ֣א יָבֹ֑אa לְאָבִ֥יו וּלְאִמֹּ֖ו לֹ֥א יִטַּמָּֽאb ׃

12 וּמִן־הַמִּקְדָּשׁ֙ לֹ֣א יֵצֵ֔אa וְלֹ֣א יְחַלֵּ֔לb אֵ֖ת מִקְדַּ֣שׁ אֱלֹהָ֑יו כִּ֡י נֵ֠זֶרc שֶׁ֣מֶן מִשְׁחַ֧תd אֱלֹהָ֛יו עָלָ֖יו אֲנִ֥י יְהוָֽה׃

13 וְה֕וּא אִשָּׁ֥ה בִבְתוּלֶ֖יהָa יִקָּֽחb ׃

14 אַלְמָנָ֤ה וּגְרוּשָׁה֙a וַחֲלָלָ֣ה זֹנָ֔ה אֶת־אֵ֖לֶּה לֹ֣א יִקָּ֑חb כִּ֛י אִם־בְּתוּלָ֥ה מֵעַמָּ֖יו יִקַּ֥חc אִשָּֽׁה׃

15 וְלֹֽא־יְחַלֵּ֥לa זַרְעֹ֖ו בְּעַמָּ֑יו כִּ֛י אֲנִ֥י יְהוָ֖ה מְקַדְּשֹֽׁוb ׃ פ

16 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

17 דַּבֵּ֥רa אֶֽל־אַהֲרֹ֖ן לֵאמֹ֑רb אִ֣ישׁ מִֽזַּרְעֲךָ֞ לְדֹרֹתָ֗ם אֲשֶׁ֨ר יִהְיֶ֥הc בֹו֙ מ֔וּםd לֹ֣א יִקְרַ֔בe לְהַקְרִ֖יבf לֶ֥חֶם אֱלֹהָֽיו׃

18 כִּ֥י כָל־אִ֛ישׁ אֲשֶׁר־בֹּ֥ו מ֖וּםa לֹ֣א יִקְרָ֑בb אִ֤ישׁ עִוֵּר֙c אֹ֣ו פִסֵּ֔חַd אֹ֥ו חָרֻ֖םe אֹ֥ו שָׂרֽוּעַf ׃

19 אֹ֣ו אִ֔ישׁ אֲשֶׁר־יִהְיֶ֥הa בֹ֖ו שֶׁ֣בֶרb רָ֑גֶל אֹ֖ו שֶׁ֥בֶרc יָֽד׃

20 אֹֽו־גִבֵּ֣ןa אֹו־דַ֔קb אֹ֖ו תְּבַלֻּ֣לc בְּעֵינֹ֑ו אֹ֤ו גָרָב֙d אֹ֣ו יַלֶּ֔פֶתe אֹ֖ו מְרֹ֥וחַf אָֽשֶׁךְg ׃

21 כָּל־אִ֞ישׁ אֲשֶׁר־בֹּ֣ו מ֗וּםa מִזֶּ֨רַע֙ אַהֲרֹ֣ן הַכֹּהֵ֔ן לֹ֣א יִגַּ֔שׁb לְהַקְרִ֖יבc אֶת־אִשֵּׁ֣י יְהוָ֑ה מ֣וּםd בֹּ֔ו אֵ֚ת לֶ֣חֶם אֱלֹהָ֔יו לֹ֥א יִגַּ֖שׁe לְהַקְרִֽיבf ׃

22 לֶ֣חֶם אֱלֹהָ֔יו מִקָּדְשֵׁ֖י הַקֳּדָשִׁ֑ים וּמִן־הַקֳּדָשִׁ֖ים יֹאכֵֽלa ׃

23 אַ֣ךְ אֶל־הַפָּרֹ֜כֶתa לֹ֣א יָבֹ֗אb וְאֶל־הַמִּזְבֵּ֛חַ לֹ֥א יִגַּ֖שׁc כִּֽי־מ֣וּםd בֹּ֑ו וְלֹ֤א יְחַלֵּל֙e אֶת־מִקְדָּשַׁ֔י כִּ֛י אֲנִ֥י יְהוָ֖ה מְקַדְּשָֽׁםf ׃

24 וַיְדַבֵּ֣רa מֹשֶׁ֔ה אֶֽל־אַהֲרֹ֖ן וְאֶל־בָּנָ֑יו וְאֶֽל־כָּל־בְּנֵ֖י יִשְׂרָאֵֽל׃ פ