ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 וְאֶל־בְּנֵ֣י יִשְׂרָאֵל֮ תֹּאמַר֒a אִ֣ישׁ אִישׁ֩ מִבְּנֵ֨י יִשְׂרָאֵ֜ל וּמִן־הַגֵּ֣ר׀ הַגָּ֣רb בְּיִשְׂרָאֵ֗ל אֲשֶׁ֨ר יִתֵּ֧ןc מִזַּרְעֹ֛ו לַמֹּ֖לֶךְd מֹ֣ות יוּמָ֑תe עַ֥ם הָאָ֖רֶץ יִרְגְּמֻ֥הוּf בָאָֽבֶן׃

3 וַאֲנִ֞י אֶתֵּ֤ןa אֶת־פָּנַי֙ בָּאִ֣ישׁ הַה֔וּא וְהִכְרַתִּ֥יb אֹתֹ֖ו מִקֶּ֣רֶב עַמֹּ֑ו כִּ֤י מִזַּרְעֹו֙ נָתַ֣ןc לַמֹּ֔לֶךְd לְמַ֗עַן טַמֵּא֙e אֶת־מִקְדָּשִׁ֔י וּלְחַלֵּ֖לf אֶת־שֵׁ֥ם קָדְשִֽׁי׃

4 וְאִ֡ם הַעְלֵ֣םa יַעְלִימֽוּ֩b עַ֨ם הָאָ֜רֶץ אֶת־עֵֽינֵיהֶם֙ מִן־הָאִ֣ישׁ הַה֔וּא בְּתִתֹּ֥וc מִזַּרְעֹ֖ו לַמֹּ֑לֶךְd לְבִלְתִּ֖י הָמִ֥יתe אֹתֹֽו׃

5 וְשַׂמְתִּ֨יa אֲנִ֧י אֶת־פָּנַ֛י בָּאִ֥ישׁ הַה֖וּא וּבְמִשְׁפַּחְתֹּ֑ו וְהִכְרַתִּ֨יb אֹתֹ֜ו וְאֵ֣ת׀ כָּל־הַזֹּנִ֣יםc אַחֲרָ֗יו לִזְנֹ֛ותd אַחֲרֵ֥י הַמֹּ֖לֶךְe מִקֶּ֥רֶב עַמָּֽם׃

6 וְהַנֶּ֗פֶשׁ אֲשֶׁ֨ר תִּפְנֶ֤הa אֶל־הָֽאֹבֹת֙b וְאֶל־הַיִּדְּעֹנִ֔יםc לִזְנֹ֖ותd אַחֲרֵיהֶ֑ם וְנָתַתִּ֤יe אֶת־פָּנַי֙ בַּנֶּ֣פֶשׁ הַהִ֔וא וְהִכְרַתִּ֥יf אֹתֹ֖ו מִקֶּ֥רֶב עַמֹּֽו׃

7 וְהִ֨תְקַדִּשְׁתֶּ֔םa וִהְיִיתֶ֖םb קְדֹשִׁ֑ים כִּ֛י אֲנִ֥י יְהוָ֖ה אֱלֹהֵיכֶֽם׃

8 וּשְׁמַרְתֶּם֙a אֶת־חֻקֹּתַ֔י וַעֲשִׂיתֶ֖םb אֹתָ֑ם אֲנִ֥י יְהוָ֖ה מְקַדִּשְׁכֶֽםc ׃

9 כִּֽי־אִ֣ישׁ אִ֗ישׁ אֲשֶׁ֨ר יְקַלֵּ֧לa אֶת־אָבִ֛יו וְאֶת־אִמֹּ֖ו מֹ֣ות יוּמָ֑תb אָבִ֧יו וְאִמֹּ֛ו קִלֵּ֖לc דָּמָ֥יו בֹּֽו׃

10 וְאִ֗ישׁ אֲשֶׁ֤ר יִנְאַף֙a אֶת־אֵ֣שֶׁת אִ֔ישׁ אֲשֶׁ֥ר יִנְאַ֖ףb אֶת־אֵ֣שֶׁת רֵעֵ֑הוּ מֹֽות־יוּמַ֥תc הַנֹּאֵ֖ףd וְהַנֹּאָֽפֶתe ׃

11 וְאִ֗ישׁ אֲשֶׁ֤ר יִשְׁכַּב֙a אֶת־אֵ֣שֶׁת אָבִ֔יו עֶרְוַ֥ת אָבִ֖יו גִּלָּ֑הb מֹֽות־יוּמְת֥וּc שְׁנֵיהֶ֖ם דְּמֵיהֶ֥ם בָּֽם׃

12 וְאִ֗ישׁ אֲשֶׁ֤ר יִשְׁכַּב֙a אֶת־כַּלָּתֹ֔וb מֹ֥ות יוּמְת֖וּc שְׁנֵיהֶ֑ם תֶּ֥בֶלd עָשׂ֖וּe דְּמֵיהֶ֥ם בָּֽם׃

13 וְאִ֗ישׁ אֲשֶׁ֨ר יִשְׁכַּ֤בa אֶת־זָכָר֙ מִשְׁכְּבֵ֣יb אִשָּׁ֔ה תֹּועֵבָ֥ה עָשׂ֖וּc שְׁנֵיהֶ֑ם מֹ֥ות יוּמָ֖תוּd דְּמֵיהֶ֥ם בָּֽם׃

14 וְאִ֗ישׁ אֲשֶׁ֨ר יִקַּ֧חa אֶת־אִשָּׁ֛ה וְאֶת־אִמָּ֖הּ זִמָּ֣הb הִ֑וא בָּאֵ֞שׁ יִשְׂרְפ֤וּc אֹתֹו֙ וְאֶתְהֶ֔ן וְלֹא־תִהְיֶ֥הd זִמָּ֖הe בְּתֹוכְכֶֽם׃

15 וְאִ֗ישׁ אֲשֶׁ֨ר יִתֵּ֧ןa שְׁכָבְתֹּ֛וb בִּבְהֵמָ֖ה מֹ֣ות יוּמָ֑תc וְאֶת־הַבְּהֵמָ֖ה תַּהֲרֹֽגוּd ׃

16 וְאִשָּׁ֗ה אֲשֶׁ֨ר תִּקְרַ֤בa אֶל־כָּל־בְּהֵמָה֙ לְרִבְעָ֣הb אֹתָ֔הּ וְהָרַגְתָּ֥c אֶת־הָאִשָּׁ֖ה וְאֶת־הַבְּהֵמָ֑ה מֹ֥ות יוּמָ֖תוּd דְּמֵיהֶ֥ם בָּֽם׃

17 וְאִ֣ישׁ אֲשֶׁר־יִקַּ֣חa אֶת־אֲחֹתֹ֡ו בַּת־אָבִ֣יו אֹ֣ו בַת־אִ֠מֹּו וְרָאָ֨הb אֶת־עֶרְוָתָ֜הּ וְהִֽיא־תִרְאֶ֤הc אֶת־עֶרְוָתֹו֙ חֶ֣סֶדd ה֔וּא וְנִ֨כְרְת֔וּe לְעֵינֵ֖י בְּנֵ֣י עַמָּ֑ם עֶרְוַ֧ת אֲחֹתֹ֛ו גִּלָּ֖הf עֲוֹנֹ֥ו יִשָּֽׂאg ׃

18 וְ֠אִישׁ אֲשֶׁר־יִשְׁכַּ֨בa אֶת־אִשָּׁ֜ה דָּוָ֗הb וְגִלָּ֤הc אֶת־עֶרְוָתָהּ֙ אֶת־מְקֹרָ֣הּd הֶֽעֱרָ֔הe וְהִ֕יא גִּלְּתָ֖הf אֶת־מְקֹ֣ורg דָּמֶ֑יהָ וְנִכְרְת֥וּh שְׁנֵיהֶ֖ם מִקֶּ֥רֶב עַמָּֽם׃

19 וְעֶרְוַ֨ת אֲחֹ֧ות אִמְּךָ֛ וַאֲחֹ֥ות אָבִ֖יךָ לֹ֣א תְגַלֵּ֑הa כִּ֧י אֶת־שְׁאֵרֹ֛וb הֶעֱרָ֖הc עֲוֹנָ֥ם יִשָּֽׂאוּd ׃

20 וְאִ֗ישׁ אֲשֶׁ֤ר יִשְׁכַּב֙a אֶת־דֹּ֣דָתֹ֔וb עֶרְוַ֥ת דֹּדֹ֖ו גִּלָּ֑הc חֶטְאָ֥םd יִשָּׂ֖אוּe עֲרִירִ֥יםf יָמֻֽתוּg ׃

21 וְאִ֗ישׁ אֲשֶׁ֥ר יִקַּ֛חa אֶת־אֵ֥שֶׁת אָחִ֖יו נִדָּ֣הb הִ֑וא עֶרְוַ֥ת אָחִ֛יו גִּלָּ֖הc עֲרִירִ֥יםd יִהְיֽוּe ׃

22 וּשְׁמַרְתֶּ֤םa אֶת־כָּל־חֻקֹּתַי֙ וְאֶת־כָּל־מִשְׁפָּטַ֔י וַעֲשִׂיתֶ֖םb אֹתָ֑ם וְלֹא־תָקִ֤יאc אֶתְכֶם֙ הָאָ֔רֶץ אֲשֶׁ֨ר אֲנִ֜י מֵבִ֥יאd אֶתְכֶ֛ם שָׁ֖מָּה לָשֶׁ֥בֶתe בָּֽהּ׃

23 וְלֹ֤א תֵֽלְכוּ֙a בְּחֻקֹּ֣ת הַגֹּ֔וי אֲשֶׁר־אֲנִ֥י מְשַׁלֵּ֖חַb מִפְּנֵיכֶ֑ם כִּ֤י אֶת־כָּל־אֵ֨לֶּה֙ עָשׂ֔וּc וָאָקֻ֖ץd בָּֽם׃

24 וָאֹמַ֣רa לָכֶ֗ם אַתֶּם֮ תִּֽירְשׁ֣וּb אֶת־אַדְמָתָם֒ וַאֲנִ֞י אֶתְּנֶ֤נָּהc לָכֶם֙ לָרֶ֣שֶׁתd אֹתָ֔הּ אֶ֛רֶץ זָבַ֥תe חָלָ֖בf וּדְבָ֑שׁ אֲנִי֙ יְהוָ֣ה אֱלֹֽהֵיכֶ֔ם אֲשֶׁר־הִבְדַּ֥לְתִּיg אֶתְכֶ֖ם מִן־הָֽעַמִּֽים׃

25 וְהִבְדַּלְתֶּ֞םa בֵּֽין־הַבְּהֵמָ֤ה הַטְּהֹרָה֙ לַטְּמֵאָ֔ה וּבֵין־הָעֹ֥וף הַטָּמֵ֖א לַטָּהֹ֑ר וְלֹֽא־תְשַׁקְּצ֨וּb אֶת־נַפְשֹֽׁתֵיכֶ֜ם בַּבְּהֵמָ֣ה וּבָעֹ֗וף וּבְכֹל֙ אֲשֶׁ֣ר תִּרְמֹ֣שׂc הָֽאֲדָמָ֔ה אֲשֶׁר־הִבְדַּ֥לְתִּיd לָכֶ֖ם לְטַמֵּֽאe ׃

26 וִהְיִ֤יתֶםa לִי֙ קְדֹשִׁ֔ים כִּ֥י קָדֹ֖ושׁ אֲנִ֣י יְהוָ֑ה וָאַבְדִּ֥לb אֶתְכֶ֛ם מִן־הָֽעַמִּ֖ים לִהְיֹ֥ותc לִֽי׃

27 וְאִ֣ישׁ אֹֽו־אִשָּׁ֗ה כִּֽי־יִהְיֶ֨הa בָהֶ֥ם אֹ֛ובb אֹ֥ו יִדְּעֹנִ֖יc מֹ֣ות יוּמָ֑תוּd בָּאֶ֛בֶן יִרְגְּמ֥וּe אֹתָ֖ם דְּמֵיהֶ֥ם בָּֽם׃ פ