ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּ֞רa אֶל־כָּל־עֲדַ֧ת בְּנֵי־יִשְׂרָאֵ֛ל וְאָמַרְתָּ֥b אֲלֵהֶ֖ם קְדֹשִׁ֣ים תִּהְי֑וּc כִּ֣י קָדֹ֔ושׁ אֲנִ֖י יְהוָ֥ה אֱלֹהֵיכֶֽם׃

3 אִ֣ישׁ אִמֹּ֤ו וְאָבִיו֙ תִּירָ֔אוּa וְאֶת־שַׁבְּתֹתַ֖י תִּשְׁמֹ֑רוּb אֲנִ֖י יְהוָ֥ה אֱלֹהֵיכֶֽם׃

4 אַל־תִּפְנוּ֙a אֶל־הָ֣אֱלִילִ֔יםb וֵֽאלֹהֵי֙ מַסֵּכָ֔הc לֹ֥א תַעֲשׂ֖וּd לָכֶ֑ם אֲנִ֖י יְהוָ֥ה אֱלֹהֵיכֶֽם׃

5 וְכִ֧י תִזְבְּח֛וּa זֶ֥בַח שְׁלָמִ֖ים לַיהוָ֑ה לִֽרְצֹנְכֶ֖ם תִּזְבָּחֻֽהוּb ׃

6 בְּיֹ֧ום זִבְחֲכֶ֛ם יֵאָכֵ֖לa וּמִֽמָּחֳרָ֑תb וְהַנֹּותָר֙c עַד־יֹ֣ום הַשְּׁלִישִׁ֔י בָּאֵ֖שׁ יִשָּׂרֵֽףd ׃

7 וְאִ֛ם הֵאָכֹ֥ל יֵאָכֵ֖לa בַּיֹּ֣ום הַשְּׁלִישִׁ֑י פִּגּ֥וּלb ה֖וּא לֹ֥א יֵרָצֶֽהc ׃

8 וְאֹֽכְלָיו֙a עֲוֹנֹ֣ו יִשָּׂ֔אb כִּֽי־אֶת־קֹ֥דֶשׁ יְהוָ֖ה חִלֵּ֑לc וְנִכְרְתָ֛הd הַנֶּ֥פֶשׁ הַהִ֖וא מֵעַמֶּֽיהָ׃

9 וּֽבְקֻצְרְכֶם֙a אֶת־קְצִ֣ירb אַרְצְכֶ֔ם לֹ֧א תְכַלֶּ֛הc פְּאַ֥ת שָׂדְךָ֖ לִקְצֹ֑רd וְלֶ֥קֶטe קְצִֽירְךָ֖f לֹ֥א תְלַקֵּֽטg ׃

10 וְכַרְמְךָ֙ לֹ֣א תְעֹולֵ֔לa וּפֶ֥רֶטb כַּרְמְךָ֖ לֹ֣א תְלַקֵּ֑טc לֶֽעָנִ֤י וְלַגֵּר֙ תַּעֲזֹ֣בd אֹתָ֔ם אֲנִ֖י יְהוָ֥ה אֱלֹהֵיכֶֽם׃

11 לֹ֖א תִּגְנֹ֑בוּa וְלֹא־תְכַחֲשׁ֥וּb וְלֹֽא־תְשַׁקְּר֖וּc אִ֥ישׁ בַּעֲמִיתֹֽוd ׃

12 וְלֹֽא־תִשָּׁבְע֥וּa בִשְׁמִ֖י לַשָּׁ֑קֶר וְחִלַּלְתָּ֛b אֶת־שֵׁ֥ם אֱלֹהֶ֖יךָ אֲנִ֥י יְהוָֽה׃

13 לֹֽא־תַעֲשֹׁ֥קa אֶת־רֵֽעֲךָ֖ וְלֹ֣א תִגְזֹ֑לb לֹֽא־תָלִ֞יןc פְּעֻלַּ֥תd שָׂכִ֛ירe אִתְּךָ֖ עַד־בֹּֽקֶר׃

14 לֹא־תְקַלֵּ֣לa חֵרֵ֔שׁb וְלִפְנֵ֣י עִוֵּ֔רc לֹ֥א תִתֵּ֖ןd מִכְשֹׁ֑לe וְיָרֵ֥אתָf מֵּאֱלֹהֶ֖יךָ אֲנִ֥י יְהוָֽה׃

15 לֹא־תַעֲשׂ֥וּa עָ֨וֶל֙b בַּמִּשְׁפָּ֔ט לֹא־תִשָּׂ֣אc פְנֵי־דָ֔לd וְלֹ֥א תֶהְדַּ֖רe פְּנֵ֣י גָדֹ֑ול בְּצֶ֖דֶק תִּשְׁפֹּ֥טf עֲמִיתֶֽךָg ׃

16 לֹא־תֵלֵ֤ךְa רָכִיל֙b בְּעַמֶּ֔יךָ לֹ֥א תַעֲמֹ֖דc עַל־דַּ֣ם רֵעֶ֑ךָ אֲנִ֖י יְהוָֽה׃

17 לֹֽא־תִשְׂנָ֥אa אֶת־אָחִ֖יךָ בִּלְבָבֶ֑ךָ הֹוכֵ֤חַ תֹּוכִ֨יחַ֙b אֶת־עֲמִיתֶ֔ךָc וְלֹא־תִשָּׂ֥אd עָלָ֖יו חֵֽטְאe ׃

18 לֹֽא־תִקֹּ֤םa וְלֹֽא־תִטֹּר֙b אֶת־בְּנֵ֣י עַמֶּ֔ךָ וְאָֽהַבְתָּ֥c לְרֵעֲךָ֖ כָּמֹ֑וךָ אֲנִ֖י יְהוָֽה׃

19 אֶֽת־חֻקֹּתַי֮ תִּשְׁמֹרוּ֒a בְּהֶמְתְּךָ֙ לֹא־תַרְבִּ֣יעַb כִּלְאַ֔יִםc שָׂדְךָ֖ לֹא־תִזְרַ֣עd כִּלְאָ֑יִםe וּבֶ֤גֶד כִּלְאַ֨יִם֙f שַֽׁעַטְנֵ֔זg לֹ֥א יַעֲלֶ֖הh עָלֶֽיךָ׃ פ

20 וְ֠אִישׁ כִּֽי־יִשְׁכַּ֨בa אֶת־אִשָּׁ֜ה שִׁכְבַתb ־זֶ֗רַע וְהִ֤וא שִׁפְחָה֙ נֶחֱרֶ֣פֶתc לְאִ֔ישׁ וְהָפְדֵּה֙ לֹ֣א נִפְדָּ֔תָהd אֹ֥ו חֻפְשָׁ֖הe לֹ֣א נִתַּןf ־לָ֑הּ בִּקֹּ֧רֶתg תִּהְיֶ֛הh לֹ֥א יוּמְת֖וּi כִּי־לֹ֥א חֻפָּֽשָׁהj ׃

21 וְהֵבִ֤יאa אֶת־אֲשָׁמֹו֙b לַֽיהוָ֔ה אֶל־פֶּ֖תַח אֹ֣הֶל מֹועֵ֑ד אֵ֖יל אָשָֽׁםc ׃

22 וְכִפֶּר֩a עָלָ֨יו הַכֹּהֵ֜ן בְּאֵ֤יל הָֽאָשָׁם֙b לִפְנֵ֣י יְהוָ֔ה עַל־חַטָּאתֹ֖ו אֲשֶׁ֣ר חָטָ֑אc וְנִסְלַ֣חd לֹ֔ו מֵחַטָּאתֹ֖ו אֲשֶׁ֥ר חָטָֽאe ׃ פ

23 וְכִי־תָבֹ֣אוּa אֶל־הָאָ֗רֶץ וּנְטַעְתֶּם֙b כָּל־עֵ֣ץ מַאֲכָ֔לc וַעֲרַלְתֶּ֥םd עָרְלָתֹ֖וe אֶת־פִּרְיֹ֑ו שָׁלֹ֣שׁ שָׁנִ֗ים יִהְיֶ֥הf לָכֶ֛ם עֲרֵלִ֖יםg לֹ֥א יֵאָכֵֽלh ׃

24 וּבַשָּׁנָה֙ הָרְבִיעִ֔ת יִהְיֶ֖הa כָּל־פִּרְיֹ֑ו קֹ֥דֶשׁ הִלּוּלִ֖יםb לַיהוָֽה׃

25 וּבַשָּׁנָ֣ה הַחֲמִישִׁ֗תa תֹּֽאכְלוּ֙b אֶת־פִּרְיֹ֔ו לְהֹוסִ֥יףc לָכֶ֖ם תְּבוּאָתֹ֑וd אֲנִ֖י יְהוָ֥ה אֱלֹהֵיכֶֽם׃

26 לֹ֥א תֹאכְל֖וּa עַל־הַדָּ֑ם לֹ֥א תְנַחֲשׁ֖וּb וְלֹ֥א תְעֹונֵֽנוּc ׃

27 לֹ֣א תַקִּ֔פוּa פְּאַ֖ת רֹאשְׁכֶ֑ם וְלֹ֣א תַשְׁחִ֔יתb אֵ֖ת פְּאַ֥ת זְקָנֶֽךָc ׃

28 וְשֶׂ֣רֶטa לָנֶ֗פֶשׁ לֹ֤א תִתְּנוּ֙b בִּבְשַׂרְכֶ֔ם וּכְתֹ֣בֶתc קַֽעֲקַ֔עd לֹ֥א תִתְּנ֖וּe בָּכֶ֑ם אֲנִ֖י יְהוָֽה׃

29 אַל־תְּחַלֵּ֥לa אֶֽת־בִּתְּךָ֖ לְהַזְנֹותָ֑הּb וְלֹא־תִזְנֶ֣הc הָאָ֔רֶץ וּמָלְאָ֥הd הָאָ֖רֶץ זִמָּֽהe ׃

30 אֶת־שַׁבְּתֹתַ֣י תִּשְׁמֹ֔רוּa וּמִקְדָּשִׁ֖י תִּירָ֑אוּb אֲנִ֖י יְהוָֽה׃

31 אַל־תִּפְנ֤וּa אֶל־הָאֹבֹת֙b וְאֶל־הַיִּדְּעֹנִ֔יםc אַל־תְּבַקְשׁ֖וּd לְטָמְאָ֣הe בָהֶ֑ם אֲנִ֖י יְהוָ֥ה אֱלֹהֵיכֶֽם׃

32 מִפְּנֵ֤י שֵׂיבָה֙a תָּק֔וּםb וְהָדַרְתָּ֖c פְּנֵ֣י זָקֵ֑ן וְיָרֵ֥אתָd מֵּאֱלֹהֶ֖יךָ אֲנִ֥י יְהוָֽה׃ פ

33 וְכִֽי־יָג֧וּרa אִתְּךָ֛ גֵּ֖ר בְּאַרְצְכֶ֑ם לֹ֥א תֹונ֖וּb אֹתֹֽו׃

34 כְּאֶזְרָ֣חa מִכֶּם֩ יִהְיֶ֨הb לָכֶ֜ם הַגֵּ֣ר׀ הַגָּ֣רc אִתְּכֶ֗ם וְאָהַבְתָּ֥d לֹו֙ כָּמֹ֔וךָ כִּֽי־גֵרִ֥ים הֱיִיתֶ֖םe בְּאֶ֣רֶץ מִצְרָ֑יִם אֲנִ֖י יְהוָ֥ה אֱלֹהֵיכֶֽם׃

35 לֹא־תַעֲשׂ֥וּa עָ֖וֶלb בַּמִּשְׁפָּ֑ט בַּמִּדָּ֕ה בַּמִּשְׁקָ֖לc וּבַמְּשׂוּרָֽהd ׃

36 מֹ֧אזְנֵיa צֶ֣דֶק אַבְנֵי־צֶ֗דֶק אֵ֥יפַתb צֶ֛דֶק וְהִ֥יןc צֶ֖דֶק יִהְיֶ֣הd לָכֶ֑ם אֲנִי֙ יְהוָ֣ה אֱלֹֽהֵיכֶ֔ם אֲשֶׁר־הֹוצֵ֥אתִיe אֶתְכֶ֖ם מֵאֶ֥רֶץ מִצְרָֽיִם׃

37 וּשְׁמַרְתֶּ֤םa אֶת־כָּל־חֻקֹּתַי֙ וְאֶת־כָּל־מִשְׁפָּטַ֔י וַעֲשִׂיתֶ֖םb אֹתָ֑ם אֲנִ֖י יְהוָֽה׃ פ