ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּ֨רa אֶֽל־אַהֲרֹ֜ן וְאֶל־בָּנָ֗יו וְאֶל֙ כָּל־בְּנֵ֣י יִשְׂרָאֵ֔ל וְאָמַרְתָּ֖b אֲלֵיהֶ֑ם זֶ֣ה הַדָּבָ֔ר אֲשֶׁר־צִוָּ֥הc יְהוָ֖ה לֵאמֹֽרd ׃

3 אִ֥ישׁ אִישׁ֙ מִבֵּ֣ית יִשְׂרָאֵ֔ל אֲשֶׁ֨ר יִשְׁחַ֜טa שֹׁ֥ור אֹו־כֶ֛שֶׂבb אֹו־עֵ֖ז בַּֽמַּחֲנֶ֑ה אֹ֚ו אֲשֶׁ֣ר יִשְׁחַ֔טc מִח֖וּץ לַֽמַּחֲנֶֽה׃

4 וְאֶל־פֶּ֜תַח אֹ֣הֶל מֹועֵד֮ לֹ֣א הֱבִיאֹו֒a לְהַקְרִ֤יבb קָרְבָּן֙ לַֽיהוָ֔ה לִפְנֵ֖י מִשְׁכַּ֣ן יְהוָ֑ה דָּ֣ם יֵחָשֵׁ֞בc לָאִ֤ישׁ הַהוּא֙ דָּ֣ם שָׁפָ֔ךְd וְנִכְרַ֛תe הָאִ֥ישׁ הַה֖וּא מִקֶּ֥רֶב עַמֹּֽו׃

5 לְמַעַן֩ אֲשֶׁ֨ר יָבִ֜יאוּa בְּנֵ֣י יִשְׂרָאֵ֗ל אֶֽת־זִבְחֵיהֶם֮ אֲשֶׁ֣ר הֵ֣ם זֹבְחִים֮b עַל־פְּנֵ֣י הַשָּׂדֶה֒ וֶֽהֱבִיאֻ֣םc לַֽיהוָ֗ה אֶל־פֶּ֛תַח אֹ֥הֶל מֹועֵ֖ד אֶל־הַכֹּהֵ֑ן וְזָ֨בְח֜וּd זִבְחֵ֧י שְׁלָמִ֛ים לַֽיהוָ֖ה אֹותָֽם׃

6 וְזָרַ֨קa הַכֹּהֵ֤ן אֶת־הַדָּם֙ עַל־מִזְבַּ֣ח יְהוָ֔ה פֶּ֖תַח אֹ֣הֶל מֹועֵ֑ד וְהִקְטִ֣ירb הַחֵ֔לֶב לְרֵ֥יחַ נִיחֹ֖חַc לַיהוָֽה׃

7 וְלֹא־יִזְבְּח֥וּa עֹוד֙ אֶת־זִבְחֵיהֶ֔ם לַשְּׂעִירִ֕םb אֲשֶׁ֛ר הֵ֥ם זֹנִ֖יםc אַחֲרֵיהֶ֑ם חֻקַּ֥ת עֹולָ֛ם תִּֽהְיֶהd ־זֹּ֥את לָהֶ֖ם לְדֹרֹתָֽם׃

8 וַאֲלֵהֶ֣ם תֹּאמַ֔רa אִ֥ישׁ אִישׁ֙ מִבֵּ֣ית יִשְׂרָאֵ֔ל וּמִן־הַגֵּ֖ר אֲשֶׁר־יָג֣וּרb בְּתֹוכָ֑ם אֲשֶׁר־יַעֲלֶ֥הc עֹלָ֖ה אֹו־זָֽבַח׃

9 וְאֶל־פֶּ֜תַח אֹ֤הֶל מֹועֵד֙ לֹ֣א יְבִיאֶ֔נּוּa לַעֲשֹׂ֥ותb אֹתֹ֖ו לַיהוָ֑ה וְנִכְרַ֛תc הָאִ֥ישׁ הַה֖וּא מֵעַמָּֽיו׃

10 וְאִ֨ישׁ אִ֜ישׁ מִבֵּ֣ית יִשְׂרָאֵ֗ל וּמִן־הַגֵּר֙ הַגָּ֣רa בְּתֹוכָ֔ם אֲשֶׁ֥ר יֹאכַ֖לb כָּל־דָּ֑ם וְנָתַתִּ֣יc פָנַ֗י בַּנֶּ֨פֶשׁ֙ הָאֹכֶ֣לֶתd אֶת־הַדָּ֔ם וְהִכְרַתִּ֥יe אֹתָ֖הּ מִקֶּ֥רֶב עַמָּֽהּ׃

11 כִּ֣י נֶ֣פֶשׁ הַבָּשָׂר֮ בַּדָּ֣ם הִוא֒ וַאֲנִ֞י נְתַתִּ֤יוa לָכֶם֙ עַל־הַמִּזְבֵּ֔חַ לְכַפֵּ֖רb עַל־נַפְשֹׁתֵיכֶ֑ם כִּֽי־הַדָּ֥ם ה֖וּא בַּנֶּ֥פֶשׁ יְכַפֵּֽרc ׃

12 עַל־כֵּ֤ן אָמַ֨רְתִּי֙a לִבְנֵ֣י יִשְׂרָאֵ֔ל כָּל־נֶ֥פֶשׁ מִכֶּ֖ם לֹא־תֹ֣אכַלb דָּ֑ם וְהַגֵּ֛ר הַגָּ֥רc בְּתֹוכְכֶ֖ם לֹא־יֹ֥אכַלd דָּֽם׃ ס

13 וְאִ֨ישׁ אִ֜ישׁ מִבְּנֵ֣י יִשְׂרָאֵ֗ל וּמִן־הַגֵּר֙ הַגָּ֣רa בְּתֹוכָ֔ם אֲשֶׁ֨ר יָצ֜וּדb צֵ֥ידc חַיָּ֛ה אֹו־עֹ֖וף אֲשֶׁ֣ר יֵאָכֵ֑לd וְשָׁפַךְ֙e אֶת־דָּמֹ֔ו וְכִסָּ֖הוּf בֶּעָפָֽר׃

14 כִּֽי־נֶ֣פֶשׁ כָּל־בָּשָׂ֗ר דָּמֹ֣ו בְנַפְשֹׁו֮ הוּא֒ וָֽאֹמַר֙a לִבְנֵ֣י יִשְׂרָאֵ֔ל דַּ֥ם כָּל־בָּשָׂ֖ר לֹ֣א תֹאכֵ֑לוּb כִּ֣י נֶ֤פֶשׁ כָּל־בָּשָׂר֙ דָּמֹ֣ו הִ֔וא כָּל־אֹכְלָ֖יוc יִכָּרֵֽתd ׃

15 וְכָל־נֶ֗פֶשׁ אֲשֶׁ֨ר תֹּאכַ֤לa נְבֵלָה֙b וּטְרֵפָ֔הc בָּאֶזְרָ֖חd וּבַגֵּ֑ר וְכִבֶּ֨סe בְּגָדָ֜יו וְרָחַ֥ץf בַּמַּ֛יִם וְטָמֵ֥אg עַד־הָעֶ֖רֶב וְטָהֵֽרh ׃

16 וְאִם֙ לֹ֣א יְכַבֵּ֔סa וּבְשָׂרֹ֖ו לֹ֣א יִרְחָ֑ץb וְנָשָׂ֖אc עֲוֹנֹֽו׃ פ