ויקרא

וַיְדַבֵּ֤רa יְהוָה֙ אֶל־מֹשֶׁ֔ה אַחֲרֵ֣י מֹ֔ות שְׁנֵ֖י בְּנֵ֣י אַהֲרֹ֑ן בְּקָרְבָתָ֥םb לִפְנֵי־יְהוָ֖ה וַיָּמֻֽתוּc ׃

2 וַיֹּ֨אמֶרa יְהוָ֜ה אֶל־מֹשֶׁ֗ה דַּבֵּר֮b אֶל־אַהֲרֹ֣ן אָחִיךָ֒ וְאַל־יָבֹ֤אc בְכָל־עֵת֙ אֶל־הַקֹּ֔דֶשׁ מִבֵּ֖ית לַפָּרֹ֑כֶתd אֶל־פְּנֵ֨י הַכַּפֹּ֜רֶתe אֲשֶׁ֤ר עַל־הָאָרֹן֙ וְלֹ֣א יָמ֔וּתf כִּ֚י בֶּֽעָנָ֔ן אֵרָאֶ֖הg עַל־הַכַּפֹּֽרֶתh ׃

3 בְּזֹ֛את יָבֹ֥אa אַהֲרֹ֖ן אֶל־הַקֹּ֑דֶשׁ בְּפַ֧ר בֶּן־בָּקָ֛ר לְחַטָּ֖את וְאַ֥יִל לְעֹלָֽה׃

4 כְּתֹֽנֶתa ־בַּ֨ד קֹ֜דֶשׁ יִלְבָּ֗שׁb וּמִֽכְנְסֵיc ־בַד֮ יִהְי֣וּd עַל־בְּשָׂרֹו֒ וּבְאַבְנֵ֥טe בַּד֙ יַחְגֹּ֔רf וּבְמִצְנֶ֥פֶתg בַּ֖ד יִצְנֹ֑ףh בִּגְדֵי־קֹ֣דֶשׁ הֵ֔ם וְרָחַ֥ץi בַּמַּ֛יִם אֶת־בְּשָׂרֹ֖ו וּלְבֵשָֽׁםj ׃

5 וּמֵאֵ֗ת עֲדַת֙ בְּנֵ֣י יִשְׂרָאֵ֔ל יִקַּ֛חa שְׁנֵֽי־שְׂעִירֵ֥י עִזִּ֖ים לְחַטָּ֑את וְאַ֥יִל אֶחָ֖ד לְעֹלָֽה׃

6 וְהִקְרִ֧יבa אַהֲרֹ֛ן אֶת־פַּ֥ר הַחַטָּ֖את אֲשֶׁר־לֹ֑ו וְכִפֶּ֥רb בַּעֲדֹ֖ו וּבְעַ֥ד בֵּיתֹֽו׃

7 וְלָקַ֖חa אֶת־שְׁנֵ֣י הַשְּׂעִירִ֑ם וְהֶעֱמִ֤ידb אֹתָם֙ לִפְנֵ֣י יְהוָ֔ה פֶּ֖תַח אֹ֥הֶל מֹועֵֽד׃

8 וְנָתַ֧ןa אַהֲרֹ֛ן עַל־שְׁנֵ֥י הַשְּׂעִירִ֖ם גֹּורָלֹ֑ות גֹּורָ֤ל אֶחָד֙ לַיהוָ֔ה וְגֹורָ֥ל אֶחָ֖ד לַעֲזָאזֵֽלb ׃

9 וְהִקְרִ֤יבa אַהֲרֹן֙ אֶת־הַשָּׂעִ֔יר אֲשֶׁ֨ר עָלָ֥הb עָלָ֛יו הַגֹּורָ֖ל לַיהוָ֑ה וְעָשָׂ֖הוּc חַטָּֽאת׃

10 וְהַשָּׂעִ֗יר אֲשֶׁר֩ עָלָ֨הa עָלָ֤יו הַגֹּורָל֙ לַעֲזָאזֵ֔לb יָֽעֳמַדc ־חַ֛י לִפְנֵ֥י יְהוָ֖ה לְכַפֵּ֣רd עָלָ֑יו לְשַׁלַּ֥חe אֹתֹ֛ו לַעֲזָאזֵ֖לf הַמִּדְבָּֽרָה׃

11 וְהִקְרִ֨יבa אַהֲרֹ֜ן אֶת־פַּ֤ר הַֽחַטָּאת֙ אֲשֶׁר־לֹ֔ו וְכִפֶּ֥רb בַּֽעֲדֹ֖ו וּבְעַ֣ד בֵּיתֹ֑ו וְשָׁחַ֛טc אֶת־פַּ֥ר הַֽחַטָּ֖את אֲשֶׁר־לֹֽו׃

12 וְלָקַ֣חa מְלֹֽאb ־הַ֠מַּחְתָּהc גַּֽחֲלֵיd ־אֵ֞שׁ מֵעַ֤ל הַמִּזְבֵּ֨חַ֙ מִלִּפְנֵ֣י יְהוָ֔ה וּמְלֹ֣אe חָפְנָ֔יוf קְטֹ֥רֶת סַמִּ֖יםg דַּקָּ֑הh וְהֵבִ֖יאi מִבֵּ֥ית לַפָּרֹֽכֶתj ׃

13 וְנָתַ֧ןa אֶֽת־הַקְּטֹ֛רֶת עַל־הָאֵ֖שׁ לִפְנֵ֣י יְהוָ֑ה וְכִסָּ֣הb ׀ עֲנַ֣ן הַקְּטֹ֗רֶת אֶת־הַכַּפֹּ֛רֶתc אֲשֶׁ֥ר עַל־הָעֵד֖וּת וְלֹ֥א יָמֽוּתd ׃

14 וְלָקַח֙a מִדַּ֣ם הַפָּ֔ר וְהִזָּ֧הb בְאֶצְבָּעֹ֛וc עַל־פְּנֵ֥י הַכַּפֹּ֖רֶתd קֵ֑דְמָה וְלִפְנֵ֣י הַכַּפֹּ֗רֶתe יַזֶּ֧הf שֶֽׁבַע־פְּעָמִ֛ים מִן־הַדָּ֖ם בְּאֶצְבָּעֹֽוg ׃

15 וְשָׁחַ֞טa אֶת־שְׂעִ֤יר הַֽחַטָּאת֙ אֲשֶׁ֣ר לָעָ֔ם וְהֵבִיא֙b אֶת־דָּמֹ֔ו אֶל־מִבֵּ֖ית לַפָּרֹ֑כֶתc וְעָשָׂ֣הd אֶת־דָּמֹ֗ו כַּאֲשֶׁ֤ר עָשָׂה֙e לְדַ֣ם הַפָּ֔ר וְהִזָּ֥הf אֹתֹ֛ו עַל־הַכַּפֹּ֖רֶתg וְלִפְנֵ֥י הַכַּפֹּֽרֶתh ׃

16 וְכִפֶּ֣רa עַל־הַקֹּ֗דֶשׁ מִטֻּמְאֹת֙b בְּנֵ֣י יִשְׂרָאֵ֔ל וּמִפִּשְׁעֵיהֶ֖ם לְכָל־חַטֹּאתָ֑ם וְכֵ֤ן יַעֲשֶׂה֙c לְאֹ֣הֶל מֹועֵ֔ד הַשֹּׁכֵ֣ןd אִתָּ֔ם בְּתֹ֖וךְ טֻמְאֹתָֽםe ׃

17 וְכָל־אָדָ֞ם לֹא־יִהְיֶ֣הa ׀ בְּאֹ֣הֶל מֹועֵ֗ד בְּבֹאֹ֛וb לְכַפֵּ֥רc בַּקֹּ֖דֶשׁ עַד־צֵאתֹ֑וd וְכִפֶּ֤רe בַּעֲדֹו֙ וּבְעַ֣ד בֵּיתֹ֔ו וּבְעַ֖ד כָּל־קְהַ֥ל יִשְׂרָאֵֽל׃

18 וְיָצָ֗אa אֶל־הַמִּזְבֵּ֛חַ אֲשֶׁ֥ר לִפְנֵֽי־יְהוָ֖ה וְכִפֶּ֣רb עָלָ֑יו וְלָקַ֞חc מִדַּ֤ם הַפָּר֙ וּמִדַּ֣ם הַשָּׂעִ֔יר וְנָתַ֛ןd עַל־קַרְנֹ֥ות הַמִּזְבֵּ֖חַ סָבִֽיב׃

19 וְהִזָּ֨הa עָלָ֧יו מִן־הַדָּ֛ם בְּאֶצְבָּעֹ֖וb שֶׁ֣בַע פְּעָמִ֑ים וְטִהֲרֹ֣וc וְקִדְּשֹׁ֔וd מִטֻּמְאֹ֖תe בְּנֵ֥י יִשְׂרָאֵֽל׃

20 וְכִלָּה֙a מִכַּפֵּ֣רb אֶת־הַקֹּ֔דֶשׁ וְאֶת־אֹ֥הֶל מֹועֵ֖ד וְאֶת־הַמִּזְבֵּ֑חַ וְהִקְרִ֖יבc אֶת־הַשָּׂעִ֥יר הֶחָֽי׃

21 וְסָמַ֨ךְa אַהֲרֹ֜ן אֶת־שְׁתֵּ֣י ידוb עַ֨ל רֹ֣אשׁ הַשָּׂעִיר֮ הַחַי֒ וְהִתְוַדָּ֣הc עָלָ֗יו אֶת־כָּל־עֲוֹנֹת֙ בְּנֵ֣י יִשְׂרָאֵ֔ל וְאֶת־כָּל־פִּשְׁעֵיהֶ֖ם לְכָל־חַטֹּאתָ֑ם וְנָתַ֤ןd אֹתָם֙ עַל־רֹ֣אשׁ הַשָּׂעִ֔יר וְשִׁלַּ֛חe בְּיַד־אִ֥ישׁ עִתִּ֖יf הַמִּדְבָּֽרָה׃

22 וְנָשָׂ֨אa הַשָּׂעִ֥יר עָלָ֛יו אֶת־כָּל־עֲוֹנֹתָ֖ם אֶל־אֶ֣רֶץ גְּזֵרָ֑הb וְשִׁלַּ֥חc אֶת־הַשָּׂעִ֖יר בַּמִּדְבָּֽר׃

23 וּבָ֤אa אַהֲרֹן֙ אֶל־אֹ֣הֶל מֹועֵ֔ד וּפָשַׁט֙b אֶת־בִּגְדֵ֣י הַבָּ֔ד אֲשֶׁ֥ר לָבַ֖שׁc בְּבֹאֹ֣וd אֶל־הַקֹּ֑דֶשׁ וְהִנִּיחָ֖םe שָֽׁם׃

24 וְרָחַ֨ץa אֶת־בְּשָׂרֹ֤ו בַמַּ֨יִם֙ בְּמָקֹ֣ום קָדֹ֔ושׁ וְלָבַ֖שׁb אֶת־בְּגָדָ֑יו וְיָצָ֗אc וְעָשָׂ֤הd אֶת־עֹֽלָתֹו֙ וְאֶת־עֹלַ֣ת הָעָ֔ם וְכִפֶּ֥רe בַּעֲדֹ֖ו וּבְעַ֥ד הָעָֽם׃

25 וְאֵ֛ת חֵ֥לֶב הַֽחַטָּ֖את יַקְטִ֥ירa הַמִּזְבֵּֽחָה׃

26 וְהַֽמְשַׁלֵּ֤חַa אֶת־הַשָּׂעִיר֙ לַֽעֲזָאזֵ֔לb יְכַבֵּ֣סc בְּגָדָ֔יו וְרָחַ֥ץd אֶת־בְּשָׂרֹ֖ו בַּמָּ֑יִם וְאַחֲרֵי־כֵ֖ן יָבֹ֥ואe אֶל־הַֽמַּחֲנֶֽה׃

27 וְאֵת֩ פַּ֨ר הַֽחַטָּ֜את וְאֵ֣ת׀ שְׂעִ֣יר הַֽחַטָּ֗את אֲשֶׁ֨ר הוּבָ֤אa אֶת־דָּמָם֙ לְכַפֵּ֣רb בַּקֹּ֔דֶשׁ יֹוצִ֖יאc אֶל־מִח֣וּץ לַֽמַּחֲנֶ֑ה וְשָׂרְפ֣וּd בָאֵ֔שׁ אֶת־עֹרֹתָ֥ם וְאֶת־בְּשָׂרָ֖ם וְאֶת־פִּרְשָֽׁםe ׃

28 וְהַשֹּׂרֵ֣ףa אֹתָ֔ם יְכַבֵּ֣סb בְּגָדָ֔יו וְרָחַ֥ץc אֶת־בְּשָׂרֹ֖ו בַּמָּ֑יִם וְאַחֲרֵי־כֵ֖ן יָבֹ֥ואd אֶל־הַֽמַּחֲנֶֽה׃

29 וְהָיְתָ֥הa לָכֶ֖ם לְחֻקַּ֣ת עֹולָ֑ם בַּחֹ֣דֶשׁ הַ֠שְּׁבִיעִי בֶּֽעָשֹׂ֨ורb לַחֹ֜דֶשׁ תְּעַנּ֣וּc אֶת־נַפְשֹֽׁתֵיכֶ֗ם וְכָל־מְלָאכָה֙ לֹ֣א תַעֲשׂ֔וּd הָֽאֶזְרָ֔חe וְהַגֵּ֖ר הַגָּ֥רf בְּתֹוכְכֶֽם׃

30 כִּֽי־בַיֹּ֥ום הַזֶּ֛ה יְכַפֵּ֥רa עֲלֵיכֶ֖ם לְטַהֵ֣רb אֶתְכֶ֑ם מִכֹּל֙ חַטֹּ֣אתֵיכֶ֔ם לִפְנֵ֥י יְהוָ֖ה תִּטְהָֽרוּc ׃

31 שַׁבַּ֨ת שַׁבָּתֹ֥וןa הִיא֙ לָכֶ֔ם וְעִנִּיתֶ֖םb אֶת־נַפְשֹׁתֵיכֶ֑ם חֻקַּ֖ת עֹולָֽם׃

32 וְכִפֶּ֨רa הַכֹּהֵ֜ן אֲשֶׁר־יִמְשַׁ֣חb אֹתֹ֗ו וַאֲשֶׁ֤ר יְמַלֵּא֙c אֶת־יָדֹ֔ו לְכַהֵ֖ןd תַּ֣חַת אָבִ֑יו וְלָבַ֛שׁe אֶת־בִּגְדֵ֥י הַבָּ֖ד בִּגְדֵ֥י הַקֹּֽדֶשׁ׃

33 וְכִפֶּר֙a אֶת־מִקְדַּ֣שׁ הַקֹּ֔דֶשׁ וְאֶת־אֹ֧הֶל מֹועֵ֛ד וְאֶת־הַמִּזְבֵּ֖חַ יְכַפֵּ֑רb וְעַ֧ל הַכֹּהֲנִ֛ים וְעַל־כָּל־עַ֥ם הַקָּהָ֖ל יְכַפֵּֽרc ׃

34 וְהָֽיְתָהa ־זֹּ֨את לָכֶ֜ם לְחֻקַּ֣ת עֹולָ֗ם לְכַפֵּ֞רb עַל־בְּנֵ֤י יִשְׂרָאֵל֙ מִכָּל־חַטֹּאתָ֔ם אַחַ֖ת בַּשָּׁנָ֑ה וַיַּ֕עַשׂc כַּאֲשֶׁ֛ר צִוָּ֥הd יְהוָ֖ה אֶת־מֹשֶֽׁה׃ פ