ויקרא

וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּ֞רa אֶל־בְּנֵ֤י יִשְׂרָאֵל֙ לֵאמֹ֔רb אִשָּׁה֙ כִּ֣י תַזְרִ֔יעַc וְיָלְדָ֖הd זָכָ֑ר וְטָֽמְאָה֙e שִׁבְעַ֣ת יָמִ֔ים כִּימֵ֛י נִדַּ֥תf דְּוֹתָ֖הּg תִּטְמָֽאh ׃

3 וּבַיֹּ֖ום הַשְּׁמִינִ֑יa יִמֹּ֖ולb בְּשַׂ֥ר עָרְלָתֹֽוc ׃

4 וּשְׁלֹשִׁ֥ים יֹום֙ וּשְׁלֹ֣שֶׁת יָמִ֔ים תֵּשֵׁ֖בa בִּדְמֵ֣י טָהֳרָ֑הb בְּכָל־קֹ֣דֶשׁ לֹֽא־תִגָּ֗עc וְאֶל־הַמִּקְדָּשׁ֙ לֹ֣א תָבֹ֔אd עַד־מְלֹ֖אתe יְמֵ֥י טָהֳרָֽהּf ׃

5 וְאִם־נְקֵבָ֣הa תֵלֵ֔דb וְטָמְאָ֥הc שְׁבֻעַ֖יִםd כְּנִדָּתָ֑הּe וְשִׁשִּׁ֥ים יֹום֙ וְשֵׁ֣שֶׁת יָמִ֔ים תֵּשֵׁ֖בf עַל־דְּמֵ֥י טָהֳרָֽהg ׃

6 וּבִמְלֹ֣אתa ׀ יְמֵ֣י טָהֳרָ֗הּb לְבֵן֮ אֹ֣ו לְבַת֒ תָּבִ֞יאc כֶּ֤בֶשׂ בֶּן־שְׁנָתֹו֙ לְעֹלָ֔ה וּבֶן־יֹונָ֥הd אֹו־תֹ֖רe לְחַטָּ֑את אֶל־פֶּ֥תַח אֹֽהֶל־מֹועֵ֖ד אֶל־הַכֹּהֵֽן׃

7 וְהִקְרִיבֹ֞וa לִפְנֵ֤י יְהוָה֙ וְכִפֶּ֣רb עָלֶ֔יהָ וְטָהֲרָ֖הc מִמְּקֹ֣רd דָּמֶ֑יהָ זֹ֤את תֹּורַת֙ הַיֹּלֶ֔דֶתe לַזָּכָ֖ר אֹ֥ו לַנְּקֵבָֽהf ׃

8 וְאִם־לֹ֨א תִמְצָ֣אa יָדָהּ֮ דֵּ֣יb שֶׂה֒c וְלָקְחָ֣הd שְׁתֵּֽי־תֹרִ֗יםe אֹ֤ו שְׁנֵי֙ בְּנֵ֣י יֹונָ֔הf אֶחָ֥ד לְעֹלָ֖ה וְאֶחָ֣ד לְחַטָּ֑את וְכִפֶּ֥רg עָלֶ֛יהָ הַכֹּהֵ֖ן וְטָהֵֽרָהh ׃ פ