10
וַיִּקְח֣וּa
בְנֵֽי־אַ֠הֲרֹן נָדָ֨בb
וַאֲבִיה֜וּאc
אִ֣ישׁ מַחְתָּתֹ֗וd
וַיִּתְּנ֤וּe
בָהֵן֙ אֵ֔שׁ וַיָּשִׂ֥ימוּf
עָלֶ֖יהָ קְטֹ֑רֶת וַיַּקְרִ֜בוּg
לִפְנֵ֤י יְהוָה֙ אֵ֣שׁ זָרָ֔ה אֲשֶׁ֧ר לֹ֦א צִוָּ֖הh
אֹתָֽם׃
2
וַתֵּ֥צֵאa
אֵ֛שׁ מִלִּפְנֵ֥י יְהוָ֖ה וַתֹּ֣אכַלb
אֹותָ֑ם וַיָּמֻ֖תוּc
לִפְנֵ֥י יְהוָֽה׃
3
וַיֹּ֨אמֶרa
מֹשֶׁ֜ה אֶֽל־אַהֲרֹ֗ן הוּא֩ אֲשֶׁר־דִּבֶּ֨רb
יְהוָ֤ה׀ לֵאמֹר֙c
בִּקְרֹבַ֣י אֶקָּדֵ֔שׁd
וְעַל־פְּנֵ֥י כָל־הָעָ֖ם אֶכָּבֵ֑דe
וַיִּדֹּ֖םf
אַהֲרֹֽן׃
4
וַיִּקְרָ֣אa
מֹשֶׁ֗ה אֶל־מִֽישָׁאֵל֙b
וְאֶ֣ל אֶלְצָפָ֔ןc
בְּנֵ֥י עֻזִּיאֵ֖לd
דֹּ֣ד אַהֲרֹ֑ן וַיֹּ֣אמֶרe
אֲלֵהֶ֗ם קִ֠רְב֞וּf
שְׂא֤וּg
אֶת־אֲחֵיכֶם֙ מֵאֵ֣ת פְּנֵי־הַקֹּ֔דֶשׁ אֶל־מִח֖וּץ לַֽמַּחֲנֶֽה׃
5
וַֽיִּקְרְב֗וּa
וַיִּשָּׂאֻם֙b
בְּכֻתֳּנֹתָ֔םc
אֶל־מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥רd
מֹשֶֽׁה׃
6
וַיֹּ֣אמֶרa
מֹשֶׁ֣ה אֶֽל־אַהֲרֹ֡ן וּלְאֶלְעָזָר֩ וּלְאִֽיתָמָ֨רb
׀ בָּנָ֜יו רָֽאשֵׁיכֶ֥ם אַל־תִּפְרָ֣עוּc
׀ וּבִגְדֵיכֶ֤ם לֹֽא־תִפְרֹ֨מוּ֙d
וְלֹ֣א תָמֻ֔תוּe
וְעַ֥ל כָּל־הָעֵדָ֖ה יִקְצֹ֑ףf
וַאֲחֵיכֶם֙ כָּל־בֵּ֣ית יִשְׂרָאֵ֔ל יִבְכּוּ֙g
אֶת־הַשְּׂרֵפָ֔הh
אֲשֶׁ֖ר שָׂרַ֥ףi
יְהוָֽה׃
7
וּמִפֶּתַח֩ אֹ֨הֶל מֹועֵ֜ד לֹ֤א תֵֽצְאוּ֙a
פֶּן־תָּמֻ֔תוּb
כִּי־שֶׁ֛מֶן מִשְׁחַ֥תc
יְהוָ֖ה עֲלֵיכֶ֑ם וַֽיַּעֲשׂ֖וּd
כִּדְבַ֥ר מֹשֶֽׁה׃ פ
8
וַיְדַבֵּ֣רa
יְהוָ֔ה אֶֽל־אַהֲרֹ֖ן לֵאמֹֽרb
׃
9
יַ֣יִן וְשֵׁכָ֞רa
אַל־תֵּ֣שְׁתְּb
׀ אַתָּ֣ה׀ וּבָנֶ֣יךָ אִתָּ֗ךְ בְּבֹאֲכֶ֛םc
אֶל־אֹ֥הֶל מֹועֵ֖ד וְלֹ֣א תָמֻ֑תוּd
חֻקַּ֥ת עֹולָ֖ם לְדֹרֹתֵיכֶֽם׃
10
וּֽלֲהַבְדִּ֔ילa
בֵּ֥ין הַקֹּ֖דֶשׁ וּבֵ֣ין הַחֹ֑לb
וּבֵ֥ין הַטָּמֵ֖א וּבֵ֥ין הַטָּהֹֽור׃
11
וּלְהֹורֹ֖תa
אֶת־בְּנֵ֣י יִשְׂרָאֵ֑ל אֵ֚ת כָּל־הַ֣חֻקִּ֔ים אֲשֶׁ֨ר דִּבֶּ֧רb
יְהוָ֛ה אֲלֵיהֶ֖ם בְּיַד־מֹשֶֽׁה׃ פ
12
וַיְדַבֵּ֨רa
מֹשֶׁ֜ה אֶֽל־אַהֲרֹ֗ן וְאֶ֣ל אֶ֠לְעָזָר וְאֶל־אִ֨יתָמָ֥רb
׀ בָּנָיו֮ הַנֹּֽותָרִים֒ קְח֣וּc
אֶת־הַמִּנְחָ֗ה הַנֹּותֶ֨רֶת֙d
מֵאִשֵּׁ֣י יְהוָ֔ה וְאִכְל֥וּהָe
מַצֹּ֖ות אֵ֣צֶל הַמִּזְבֵּ֑חַ כִּ֛י קֹ֥דֶשׁ קָֽדָשִׁ֖ים הִֽוא׃
13
וַאֲכַלְתֶּ֤םa
אֹתָהּ֙ בְּמָקֹ֣ום קָדֹ֔שׁ כִּ֣י חָקְךָ֤ וְחָק־בָּנֶ֨יךָ֙ הִ֔וא מֵאִשֵּׁ֖י יְהוָ֑ה כִּי־כֵ֖ן צֻוֵּֽיתִיb
׃
14
וְאֵת֩ חֲזֵ֨הa
הַתְּנוּפָ֜הb
וְאֵ֣ת׀ שֹׁ֣וקc
הַתְּרוּמָ֗ה תֹּֽאכְלוּ֙d
בְּמָקֹ֣ום טָהֹ֔ור אַתָּ֕ה וּבָנֶ֥יךָ וּבְנֹתֶ֖יךָ אִתָּ֑ךְ כִּֽי־חָקְךָ֤ וְחָק־בָּנֶ֨יךָ֙ נִתְּנ֔וּe
מִזִּבְחֵ֥י שַׁלְמֵ֖י בְּנֵ֥י יִשְׂרָאֵֽל׃
15
שֹׁ֣וקa
הַתְּרוּמָ֞ה וַחֲזֵ֣הb
הַתְּנוּפָ֗הc
עַ֣ל אִשֵּׁ֤י הַחֲלָבִים֙ יָבִ֔יאוּd
לְהָנִ֥יףe
תְּנוּפָ֖הf
לִפְנֵ֣י יְהוָ֑ה וְהָיָ֨הg
לְךָ֜ וּלְבָנֶ֤יךָ אִתְּךָ֙ לְחָק־עֹולָ֔ם כַּאֲשֶׁ֖ר צִוָּ֥הh
יְהוָֽה׃
16
וְאֵ֣ת׀ שְׂעִ֣יר הַֽחַטָּ֗את דָּרֹ֥שׁ דָּרַ֛שׁa
מֹשֶׁ֖ה וְהִנֵּ֣ה שֹׂרָ֑ףb
וַ֠יִּקְצֹףc
עַל־אֶלְעָזָ֤ר וְעַל־אִֽיתָמָר֙d
בְּנֵ֣י אַהֲרֹ֔ן הַנֹּותָרִ֖ם לֵאמֹֽרe
׃
17
מַדּ֗וּעַ לֹֽא־אֲכַלְתֶּ֤םa
אֶת־הַֽחַטָּאת֙ בִּמְקֹ֣ום הַקֹּ֔דֶשׁ כִּ֛י קֹ֥דֶשׁ קָֽדָשִׁ֖ים הִ֑וא וְאֹתָ֣הּ׀ נָתַ֣ןb
לָכֶ֗ם לָשֵׂאת֙c
אֶת־עֲוֹ֣ן הָעֵדָ֔ה לְכַפֵּ֥רd
עֲלֵיהֶ֖ם לִפְנֵ֥י יְהוָֽה׃
18
הֵ֚ן לֹא־הוּבָ֣אa
אֶת־דָּמָ֔הּ אֶל־הַקֹּ֖דֶשׁ פְּנִ֑ימָהb
אָכֹ֨ול תֹּאכְל֥וּc
אֹתָ֛הּ בַּקֹּ֖דֶשׁ כַּאֲשֶׁ֥ר צִוֵּֽיתִיd
׃
19
וַיְדַבֵּ֨רa
אַהֲרֹ֜ן אֶל־מֹשֶׁ֗ה הֵ֣ן הַ֠יֹּום הִקְרִ֨יבוּb
אֶת־חַטָּאתָ֤ם וְאֶת־עֹֽלָתָם֙ לִפְנֵ֣י יְהוָ֔ה וַתִּקְרֶ֥אנָהc
אֹתִ֖י כָּאֵ֑לֶּה וְאָכַ֤לְתִּיd
חַטָּאת֙ הַיֹּ֔ום הַיִּיטַ֖בe
בְּעֵינֵ֥י יְהוָֽה׃
20
וַיִּשְׁמַ֣עa
מֹשֶׁ֔ה וַיִּיטַ֖בb
בְּעֵינָֽיו׃ פ