1
וַיִּקְרָ֖אa
אֶל־מֹשֶׁ֑ה וַיְדַבֵּ֤רb
יְהוָה֙ אֵלָ֔יו מֵאֹ֥הֶל מֹועֵ֖ד לֵאמֹֽרc
׃
2
דַּבֵּ֞רa
אֶל־בְּנֵ֤י יִשְׂרָאֵל֙ וְאָמַרְתָּ֣b
אֲלֵהֶ֔ם אָדָ֗ם כִּֽי־יַקְרִ֥יבc
מִכֶּ֛ם קָרְבָּ֖ן לַֽיהוָ֑ה מִן־הַבְּהֵמָ֗ה מִן־הַבָּקָר֙ וּמִן־הַצֹּ֔אן תַּקְרִ֖יבוּd
אֶת־קָרְבַּנְכֶֽם׃
3
אִם־עֹלָ֤ה קָרְבָּנֹו֙ מִן־הַבָּקָ֔ר זָכָ֥ר תָּמִ֖ים יַקְרִיבֶ֑נּוּa
אֶל־פֶּ֝תַח אֹ֤הֶל מֹועֵד֙ יַקְרִ֣יבb
אֹתֹ֔ו לִרְצֹנֹ֖ו לִפְנֵ֥י יְהוָֽה׃
4
וְסָמַ֣ךְa
יָדֹ֔ו עַ֖ל רֹ֣אשׁ הָעֹלָ֑ה וְנִרְצָ֥הb
לֹ֖ו לְכַפֵּ֥רc
עָלָֽיו׃
5
וְשָׁחַ֛טa
אֶת־בֶּ֥ן הַבָּקָ֖ר לִפְנֵ֣י יְהוָ֑ה וְ֠הִקְרִיבוּb
בְּנֵ֨י אַהֲרֹ֤ן הַֽכֹּֽהֲנִים֙ אֶת־הַדָּ֔ם וְזָרְק֨וּc
אֶת־הַדָּ֤ם עַל־הַמִּזְבֵּ֨חַ֙ סָבִ֔יב אֲשֶׁר־פֶּ֖תַח אֹ֥הֶל מֹועֵֽד׃
6
וְהִפְשִׁ֖יטa
אֶת־הָעֹלָ֑ה וְנִתַּ֥חb
אֹתָ֖הּ לִנְתָחֶֽיהָc
׃
7
וְ֠נָתְנוּa
בְּנֵ֨י אַהֲרֹ֧ן הַכֹּהֵ֛ן אֵ֖שׁ עַל־הַמִּזְבֵּ֑חַ וְעָרְכ֥וּb
עֵצִ֖ים עַל־הָאֵֽשׁ׃
8
וְעָרְכ֗וּa
בְּנֵ֤י אַהֲרֹן֙ הַכֹּ֣הֲנִ֔ים אֵ֚ת הַנְּתָחִ֔יםb
אֶת־הָרֹ֖אשׁ וְאֶת־הַפָּ֑דֶרc
עַל־הָעֵצִים֙ אֲשֶׁ֣ר עַל־הָאֵ֔שׁ אֲשֶׁ֖ר עַל־הַמִּזְבֵּֽחַ׃
9
וְקִרְבֹּ֥ו וּכְרָעָ֖יוa
יִרְחַ֣ץb
בַּמָּ֑יִם וְהִקְטִ֨ירc
הַכֹּהֵ֤ן אֶת־הַכֹּל֙ הַמִּזְבֵּ֔חָה עֹלָ֛ה אִשֵּׁ֥ה רֵֽיחַ־נִיחֹ֖וחַd
לַֽיהוָֽה׃ ס
10
וְאִם־מִן־הַצֹּ֨אן קָרְבָּנֹ֧ו מִן־הַכְּשָׂבִ֛יםa
אֹ֥ו מִן־הָעִזִּ֖ים לְעֹלָ֑ה זָכָ֥ר תָּמִ֖ים יַקְרִיבֶֽנּוּb
׃
11
וְשָׁחַ֨טa
אֹתֹ֜ו עַ֣ל יֶ֧רֶךְb
הַמִּזְבֵּ֛חַ צָפֹ֖נָה לִפְנֵ֣י יְהוָ֑ה וְזָרְק֡וּc
בְּנֵי֩ אַהֲרֹ֨ן הַכֹּהֲנִ֧ים אֶת־דָּמֹ֛ו עַל־הַמִּזְבֵּ֖חַ סָבִֽיב׃
12
וְנִתַּ֤חa
אֹתֹו֙ לִנְתָחָ֔יוb
וְאֶת־רֹאשֹׁ֖ו וְאֶת־פִּדְרֹ֑וc
וְעָרַ֤ךְd
הַכֹּהֵן֙ אֹתָ֔ם עַל־הָֽעֵצִים֙ אֲשֶׁ֣ר עַל־הָאֵ֔שׁ אֲשֶׁ֖ר עַל־הַמִּזְבֵּֽחַ׃
13
וְהַקֶּ֥רֶב וְהַכְּרָעַ֖יִםa
יִרְחַ֣ץb
בַּמָּ֑יִם וְהִקְרִ֨יבc
הַכֹּהֵ֤ן אֶת־הַכֹּל֙ וְהִקְטִ֣ירd
הַמִּזְבֵּ֔חָה עֹלָ֣ה ה֗וּא אִשֵּׁ֛ה רֵ֥יחַ נִיחֹ֖חַe
לַיהוָֽה׃ פ
14
וְאִ֧ם מִן־הָעֹ֛וף עֹלָ֥ה קָרְבָּנֹ֖ו לַֽיהוָ֑ה וְהִקְרִ֣יבa
מִן־הַתֹּרִ֗יםb
אֹ֛ו מִן־בְּנֵ֥י הַיֹּונָ֖הc
אֶת־קָרְבָּנֹֽו׃
15
וְהִקְרִיבֹ֤וa
הַכֹּהֵן֙ אֶל־הַמִּזְבֵּ֔חַ וּמָלַק֙b
אֶת־רֹאשֹׁ֔ו וְהִקְטִ֖ירc
הַמִּזְבֵּ֑חָה וְנִמְצָ֣הd
דָמֹ֔ו עַ֖ל קִ֥יר הַמִּזְבֵּֽחַ׃
16
וְהֵסִ֥ירa
אֶת־מֻרְאָתֹ֖וb
בְּנֹצָתָ֑הּc
וְהִשְׁלִ֨יךְd
אֹתָ֜הּ אֵ֤צֶל הַמִּזְבֵּ֨חַ֙ קֵ֔דְמָה אֶל־מְקֹ֖ום הַדָּֽשֶׁןe
׃
17
וְשִׁסַּ֨עa
אֹתֹ֣ו בִכְנָפָיו֮ לֹ֣א יַבְדִּיל֒b
וְהִקְטִ֨ירc
אֹתֹ֤ו הַכֹּהֵן֙ הַמִּזְבֵּ֔חָה עַל־הָעֵצִ֖ים אֲשֶׁ֣ר עַל־הָאֵ֑שׁ עֹלָ֣ה ה֗וּא אִשֵּׁ֛ה רֵ֥יחַ נִיחֹ֖חַd
לַיהוָֽה׃ ס