איכה

אֲנִ֤י הַגֶּ֨בֶר֙ רָאָ֣הa עֳנִ֔יb בְּשֵׁ֖בֶט עֶבְרָתֹֽוc ׃

2 אֹותִ֥י נָהַ֛גa וַיֹּלַ֖ךְb חֹ֥שֶׁךְ וְלֹא־אֹֽור׃

3 אַ֣ךְ בִּ֥י יָשֻׁ֛בa יַהֲפֹ֥ךְb יָדֹ֖ו כָּל־הַיֹּֽום׃ ס

4 בִּלָּ֤הa בְשָׂרִי֙ וְעֹורִ֔י שִׁבַּ֖רb עַצְמֹותָֽי׃

5 בָּנָ֥הa עָלַ֛י וַיַּקַּ֖ףb רֹ֥אשׁc וּתְלָאָֽהd ׃

6 בְּמַחֲשַׁכִּ֥יםa הֹושִׁיבַ֖נִיb כְּמֵתֵ֥י עֹולָֽם׃ ס

7 גָּדַ֧רa בַּעֲדִ֛י וְלֹ֥א אֵצֵ֖אb הִכְבִּ֥ידc נְחָשְׁתִּֽי׃

8 גַּ֣ם כִּ֤י אֶזְעַק֙a וַאֲשַׁוֵּ֔עַb שָׂתַ֖םc תְּפִלָּתִֽי׃

9 גָּדַ֤רa דְּרָכַי֙ בְּגָזִ֔יתb נְתִיבֹתַ֖יc עִוָּֽהd ׃ ס

10 דֹּ֣בa אֹרֵ֥בb הוּא֙ לִ֔י אריהc בְּמִסְתָּרִֽיםd ׃

11 דְּרָכַ֥י סֹורֵ֛רa וַֽיְפַשְּׁחֵ֖נִיb שָׂמַ֥נִיc שֹׁמֵֽם׃

12 דָּרַ֤ךְa קַשְׁתֹּו֙ וַיַּצִּיבֵ֔נִיb כַּמַּטָּרָ֖אc לַחֵֽץ׃ ס

13 הֵבִיא֙a בְּכִלְיֹותָ֔יb בְּנֵ֖י אַשְׁפָּתֹֽוc ׃

14 הָיִ֤יתִיa שְּׂחֹק֙b לְכָל־עַמִּ֔י נְגִינָתָ֖םc כָּל־הַיֹּֽום׃

15 הִשְׂבִּיעַ֥נִיa בַמְּרֹורִ֖יםb הִרְוַ֥נִיc לַעֲנָֽהd ׃ ס

16 וַיַּגְרֵ֤סa בֶּֽחָצָץ֙b שִׁנָּ֔י הִכְפִּישַׁ֖נִיc בָּאֵֽפֶרd ׃

17 וַתִּזְנַ֧חa מִשָּׁלֹ֛ום נַפְשִׁ֖י נָשִׁ֥יתִיb טֹובָֽה׃

18 וָאֹמַר֙a אָבַ֣דb נִצְחִ֔יc וְתֹוחַלְתִּ֖יd מֵיְהוָֽה׃ ס

19 זְכָרa ־עָנְיִ֥יb וּמְרוּדִ֖יc לַעֲנָ֥הd וָרֹֽאשׁe ׃

20 זָכֹ֣ור תִּזְכֹּ֔ורa ותשׁיחb עָלַ֖י נַפְשִֽׁי׃

21 זֹ֛את אָשִׁ֥יבa אֶל־לִבִּ֖י עַל־כֵּ֥ן אֹוחִֽילb ׃ ס

22 חַֽסְדֵ֤י יְהוָה֙ כִּ֣י לֹא־תָ֔מְנוּa כִּ֥י לֹא־כָל֖וּb רַחֲמָֽיוc ׃

23 חֲדָשִׁים֙ לַבְּקָרִ֔ים רַבָּ֖ה אֱמוּנָתֶֽךָa ׃

24 חֶלְקִ֤י יְהוָה֙ אָמְרָ֣הa נַפְשִׁ֔י עַל־כֵּ֖ן אֹוחִ֥ילb לֹֽו׃ ס

25 טֹ֤וב יְהוָה֙ לקווa לְנֶ֖פֶשׁ תִּדְרְשֶֽׁנּוּb ׃

26 טֹ֤וב וְיָחִיל֙a וְדוּמָ֔םb לִתְשׁוּעַ֖תc יְהוָֽה׃

27 טֹ֣וב לַגֶּ֔בֶר כִּֽי־יִשָּׂ֥אa עֹ֖לb בִּנְעוּרָֽיוc ׃ ס

28 יֵשֵׁ֤בa בָּדָד֙b וְיִדֹּ֔םc כִּ֥י נָטַ֖לd עָלָֽיו׃

29 יִתֵּ֤ןa בֶּֽעָפָר֙ פִּ֔יהוּ אוּלַ֖יb יֵ֥שׁ תִּקְוָֽהc ׃

30 יִתֵּ֧ןa לְמַכֵּ֛הוּ לֶ֖חִיb יִשְׂבַּ֥עc בְּחֶרְפָּֽה׃ ס

31 כִּ֣י לֹ֥א יִזְנַ֛חa לְעֹולָ֖ם אֲדֹנָֽי׃

32 כִּ֣י אִם־הֹוגָ֔הa וְרִחַ֖םb כְּרֹ֥ב חסדוc ׃

33 כִּ֣י לֹ֤א עִנָּה֙a מִלִּבֹּ֔ו וַיַּגֶּ֖הb בְּנֵי־אִֽישׁ׃ ס

34 לְדַכֵּא֙a תַּ֣חַת רַגְלָ֔יו כֹּ֖ל אֲסִ֥ירֵיb אָֽרֶץ׃

35 לְהַטֹּות֙a מִשְׁפַּט־גָּ֔בֶר נֶ֖גֶד פְּנֵ֥י עֶלְיֹֽון׃

36 לְעַוֵּ֤תa אָדָם֙ בְּרִיבֹ֔ו אֲדֹנָ֖י לֹ֥א רָאָֽהb ׃ ס

37 מִ֣י זֶ֤ה אָמַר֙a וַתֶּ֔הִיb אֲדֹנָ֖י לֹ֥א צִוָּֽהc ׃

38 מִפִּ֤י עֶלְיֹון֙ לֹ֣א תֵצֵ֔אa הָרָעֹ֖ות וְהַטֹּֽוב׃

39 מַה־יִּתְאֹונֵן֙a אָדָ֣ם חָ֔י גֶּ֖בֶר עַל־חטאוb ׃

40 נַחְפְּשָׂ֤הa דְרָכֵ֨ינוּ֙ וְֽנַחְקֹ֔רָהb וְנָשׁ֖וּבָהc עַד־יְהוָֽה׃

41 נִשָּׂ֤אa לְבָבֵ֨נוּ֙ אֶל־כַּפָּ֔יִם אֶל־אֵ֖ל בַּשָּׁמָֽיִם׃

42 נַ֤חְנוּa פָשַׁ֨עְנוּ֙b וּמָרִ֔ינוּc אַתָּ֖ה לֹ֥א סָלָֽחְתָּd ׃ ס

43 סַכֹּ֤תָהa בָאַף֙ וַֽתִּרְדְּפֵ֔נוּb הָרַ֖גְתָּc לֹ֥א חָמָֽלְתָּd ׃

44 סַכֹּ֤ותָהa בֶֽעָנָן֙ לָ֔ךְ מֵעֲבֹ֖ורb תְּפִלָּֽה׃

45 סְחִ֧יa וּמָאֹ֛וס תְּשִׂימֵ֖נוּb בְּקֶ֥רֶב הָעַמִּֽים׃ ס

46 פָּצ֥וּa עָלֵ֛ינוּ פִּיהֶ֖ם כָּל־אֹיְבֵֽינוּ׃

47 פַּ֧חַדa וָפַ֛חַתb הָ֥יָהc לָ֖נוּ הַשֵּׁ֥אתd וְהַשָּֽׁבֶרe ׃

48 פַּלְגֵיa ־מַ֨יִם֙ תֵּרַ֣דb עֵינִ֔י עַל־שֶׁ֖בֶרc בַּת־עַמִּֽי׃ ס

49 עֵינִ֧י נִגְּרָ֛הa וְלֹ֥א תִדְמֶ֖הb מֵאֵ֥ין הֲפֻגֹֽותc ׃

50 עַד־יַשְׁקִ֣יףa וְיֵ֔רֶאb יְהוָ֖ה מִשָּׁמָֽיִם׃

51 עֵינִי֙ עֹֽולְלָ֣הa לְנַפְשִׁ֔י מִכֹּ֖ל בְּנֹ֥ות עִירִֽי׃ ס

52 צֹ֥ודa צָד֛וּנִיb כַּצִּפֹּ֖ורc אֹיְבַ֥י חִנָּֽםd ׃

53 צָֽמְת֤וּa בַבֹּור֙ חַיָּ֔י וַיַּדּוּb ־אֶ֖בֶן בִּֽי׃

54 צָֽפוּa ־מַ֥יִם עַל־רֹאשִׁ֖י אָמַ֥רְתִּיb נִגְזָֽרְתִּיc ׃ ס

55 קָרָ֤אתִיa שִׁמְךָ֙ יְהוָ֔ה מִבֹּ֖ור תַּחְתִּיֹּֽותb ׃

56 קֹולִ֖י שָׁמָ֑עְתָּa אַל־תַּעְלֵ֧םb אָזְנְךָ֛ לְרַוְחָתִ֖יc לְשַׁוְעָתִֽיd ׃

57 קָרַ֨בְתָּ֙a בְּיֹ֣ום אֶקְרָאֶ֔ךָּb אָמַ֖רְתָּc אַל־תִּירָֽאd ׃ ס

58 רַ֧בְתָּa אֲדֹנָ֛י רִיבֵ֥י נַפְשִׁ֖י גָּאַ֥לְתָּb חַיָּֽי׃

59 רָאִ֤יתָהa יְהוָה֙ עַוָּ֣תָתִ֔יb שָׁפְטָ֖הc מִשְׁפָּטִֽי׃

60 רָאִ֨יתָה֙a כָּל־נִקְמָתָ֔םb כָּל־מַחְשְׁבֹתָ֖םc לִֽי׃ ס

61 שָׁמַ֤עְתָּa חֶרְפָּתָם֙ יְהוָ֔ה כָּל־מַחְשְׁבֹתָ֖םb עָלָֽי׃

62 שִׂפְתֵ֤י קָמַי֙ וְהֶגְיֹונָ֔םa עָלַ֖י כָּל־הַיֹּֽום׃

63 שִׁבְתָּ֤ם וְקִֽימָתָם֙a הַבִּ֔יטָהb אֲנִ֖י מַנְגִּינָתָֽםc ׃ ס

64 תָּשִׁ֨יבa לָהֶ֥ם גְּמ֛וּלb יְהוָ֖ה כְּמַעֲשֵׂ֥ה יְדֵיהֶֽם׃

65 תִּתֵּ֤ןa לָהֶם֙ מְגִנַּתb ־לֵ֔ב תַּאֲלָֽתְךָ֖c לָהֶֽם׃

66 תִּרְדֹּ֤ףa בְּאַף֙ וְתַשְׁמִידֵ֔םb מִתַּ֖חַת שְׁמֵ֥י יְהוָֽה׃ פ