איכה

אֵיכָה֩a יָעִ֨יבb בְּאַפֹּ֤ו׀ אֲדֹנָי֙ אֶת־בַּת־צִיֹּ֔ון הִשְׁלִ֤יךְc מִשָּׁמַ֨יִם֙ אֶ֔רֶץ תִּפְאֶ֖רֶתd יִשְׂרָאֵ֑ל וְלֹא־זָכַ֥רe הֲדֹםf ־רַגְלָ֖יו בְּיֹ֥ום אַפֹּֽו׃ ס

2 בִּלַּ֨עa אֲדֹנָ֜י לאb חָמַ֗לc אֵ֚ת כָּל־נְאֹ֣ותd יַעֲקֹ֔ב הָרַ֧סe בְּעֶבְרָתֹ֛וf מִבְצְרֵ֥יg בַת־יְהוּדָ֖ה הִגִּ֣יעַh לָאָ֑רֶץ חִלֵּ֥לi מַמְלָכָ֖ה וְשָׂרֶֽיהָ׃ ס

3 גָּדַ֣עa בָּֽחֳרִיb ־אַ֗ף כֹּ֚ל קֶ֣רֶן יִשְׂרָאֵ֔ל הֵשִׁ֥יבc אָחֹ֛ורd יְמִינֹ֖ו מִפְּנֵ֣י אֹויֵ֑ב וַיִּבְעַ֤רe בְּיַעֲקֹב֙ כְּאֵ֣שׁ לֶֽהָבָ֔הf אָכְלָ֖הg סָבִֽיב׃ ס

4 דָּרַ֨ךְa קַשְׁתֹּ֜ו כְּאֹויֵ֗ב נִצָּ֤בb יְמִינֹו֙ כְּצָ֔ר וַֽיַּהֲרֹ֔גc כֹּ֖ל מַחֲמַדֵּיd ־עָ֑יִן בְּאֹ֨הֶל֙ בַּת־צִיֹּ֔ון שָׁפַ֥ךְe כָּאֵ֖שׁ חֲמָתֹֽו׃ ס

5 הָיָ֨הa אֲדֹנָ֤י׀ כְּאֹויֵב֙ בִּלַּ֣עb יִשְׂרָאֵ֔ל בִּלַּע֙c כָּל־אַרְמְנֹותֶ֔יהָd שִׁחֵ֖תe מִבְצָרָ֑יוf וַיֶּ֨רֶב֙g בְּבַת־יְהוּדָ֔ה תַּאֲנִיָּ֖הh וַאֲנִיָּֽהi ׃ ס

6 וַיַּחְמֹ֤סa כַּגַּן֙b שֻׂכֹּ֔וc שִׁחֵ֖תd מֹועֲדֹ֑ו שִׁכַּ֨חe יְהוָ֤ה׀ בְּצִיֹּון֙ מֹועֵ֣ד וְשַׁבָּ֔ת וַיִּנְאַ֥ץf בְּזַֽעַםg ־אַפֹּ֖ו מֶ֥לֶךְ וְכֹהֵֽן׃ ס

7 זָנַ֨חa אֲדֹנָ֤י׀ מִזְבְּחֹו֙ נִאֵ֣רb מִקְדָּשֹׁ֔ו הִסְגִּיר֙c בְּיַד־אֹויֵ֔ב חֹומֹ֖ת אַרְמְנֹותֶ֑יהָd קֹ֛ול נָתְנ֥וּe בְּבֵית־יְהוָ֖ה כְּיֹ֥ום מֹועֵֽד׃ ס

8 חָשַׁ֨בa יְהוָ֤ה׀ לְהַשְׁחִית֙b חֹומַ֣ת בַּת־צִיֹּ֔ון נָ֣טָהc קָ֔וd לֹא־הֵשִׁ֥יבe יָדֹ֖ו מִבַּלֵּ֑עַf וַיַּֽאֲבֶלg ־חֵ֥לh וְחֹומָ֖ה יַחְדָּ֥ו אֻמְלָֽלוּi ׃ ס

9 טָבְע֤וּa בָאָ֨רֶץ֙ שְׁעָרֶ֔יהָ אִבַּ֥דb וְשִׁבַּ֖רc בְּרִיחֶ֑יהָd מַלְכָּ֨הּ וְשָׂרֶ֤יהָ בַגֹּויִם֙ אֵ֣ין תֹּורָ֔ה גַּם־נְבִיאֶ֕יהָ לֹא־מָצְא֥וּe חָזֹ֖וןf מֵיְהוָֽה׃ ס

10 יֵשְׁב֨וּa לָאָ֤רֶץ יִדְּמוּ֙b זִקְנֵ֣י בַת־צִיֹּ֔ון הֶֽעֱל֤וּc עָפָר֙ עַל־רֹאשָׁ֔ם חָגְר֖וּd שַׂקִּ֑יםe הֹורִ֤ידוּf לָאָ֨רֶץ֙ רֹאשָׁ֔ן בְּתוּלֹ֖ת יְרוּשָׁלִָֽם׃ ס

11 כָּל֨וּa בַדְּמָעֹ֤ותb עֵינַי֙ חֳמַרְמְר֣וּc מֵעַ֔יd נִשְׁפַּ֤ךְe לָאָ֨רֶץ֙ כְּבֵדִ֔יf עַל־שֶׁ֖בֶרg בַּת־עַמִּ֑י בֵּֽעָטֵ֤ףh עֹולֵל֙i וְיֹונֵ֔קj בִּרְחֹבֹ֖ותk קִרְיָֽהl ׃ ס

12 לְאִמֹּתָם֙ יֹֽאמְר֔וּa אַיֵּ֖הb דָּגָ֣ןc וָיָ֑יִן בְּהִֽתְעַטְּפָ֤םd כֶּֽחָלָל֙ בִּרְחֹבֹ֣ותe עִ֔יר בְּהִשְׁתַּפֵּ֣ךְf נַפְשָׁ֔ם אֶל־חֵ֖יקg אִמֹּתָֽם׃ ס

13 מָֽה־אֲעִידֵ֞ךְa מָ֣ה אֲדַמֶּהb ־לָּ֗ךְ הַבַּת֙ יְר֣וּשָׁלִַ֔ם מָ֤ה אַשְׁוֶהc ־לָּךְ֙ וַאֲנַֽחֲמֵ֔ךְd בְּתוּלַ֖ת בַּת־צִיֹּ֑ון כִּֽי־גָדֹ֥ול כַּיָּ֛ם שִׁבְרֵ֖ךְe מִ֥י יִרְפָּאf ־לָֽךְ׃ ס

14 נְבִיאַ֗יִךְ חָ֤זוּa לָךְ֙ שָׁ֣וְא וְתָפֵ֔לb וְלֹֽא־גִלּ֥וּc עַל־עֲוֹנֵ֖ךְ לְהָשִׁ֣יבd שׁביתךe וַיֶּ֣חֱזוּf לָ֔ךְ מַשְׂאֹ֥ותg שָׁ֖וְא וּמַדּוּחִֽיםh ׃ ס

15 סָֽפְק֨וּa עָלַ֤יִךְ כַּפַּ֨יִם֙ כָּל־עֹ֣בְרֵי דֶ֔רֶךְ שָֽׁרְקוּ֙b וַיָּנִ֣עוּc רֹאשָׁ֔ם עַל־בַּ֖ת יְרוּשָׁלִָ֑ם הֲזֹ֣את הָעִ֗יר שֶׁיֹּֽאמְרוּ֙d כְּלִ֣ילַתe יֹ֔פִיf מָשֹׂ֖ושׂg לְכָל־הָאָֽרֶץ׃ ס

16 פָּצ֨וּa עָלַ֤יִךְ פִּיהֶם֙ כָּל־אֹ֣ויְבַ֔יִךְ שָֽׁרְקוּ֙b וַיַּֽחַרְקוּc ־שֵׁ֔ן אָמְר֖וּd בִּלָּ֑עְנוּe אַ֣ךְ זֶ֥ה הַיֹּ֛ום שֶׁקִּוִּינֻ֖הוּf מָצָ֥אנוּg רָאִֽינוּh ׃ ס

17 עָשָׂ֨הa יְהוָ֜ה אֲשֶׁ֣ר זָמָ֗םb בִּצַּ֤עc אֶמְרָתֹו֙d אֲשֶׁ֣ר צִוָּ֣הe מִֽימֵי־קֶ֔דֶם הָרַ֖סf וְלֹ֣א חָמָ֑לg וַיְשַׂמַּ֤חh עָלַ֨יִךְ֙ אֹויֵ֔ב הֵרִ֖יםi קֶ֥רֶן צָרָֽיִךְ׃ ס

18 צָעַ֥קa לִבָּ֖ם אֶל־אֲדֹנָ֑י חֹומַ֣ת בַּת־צִ֠יֹּון הֹורִ֨ידִיb כַנַּ֤חַל דִּמְעָה֙c יֹומָ֣ם וָלַ֔יְלָה אַֽל־תִּתְּנִ֤יd פוּגַת֙e לָ֔ךְ אַל־תִּדֹּ֖םf בַּת־עֵינֵֽךְ׃ ס

19 ק֣וּמִיa ׀ רֹ֣נִּיb בלילc לְרֹאשׁ֙ אַשְׁמֻרֹ֔ותd שִׁפְכִ֤יe כַמַּ֨יִם֙ לִבֵּ֔ךְ נֹ֖כַחf פְּנֵ֣י אֲדֹנָ֑י שְׂאִ֧יg אֵלָ֣יו כַּפַּ֗יִךְ עַל־נֶ֨פֶשׁ֙ עֹֽולָלַ֔יִךְh הָעֲטוּפִ֥יםi בְּרָעָ֖ב בְּרֹ֥אשׁ כָּל־חוּצֹֽות׃ ס

20 רְאֵ֤הa יְהוָה֙ וְֽהַבִּ֔יטָהb לְמִ֖י עֹולַ֣לְתָּc כֹּ֑ה אִם־תֹּאכַ֨לְנָהd נָשִׁ֤ים פִּרְיָם֙ עֹלֲלֵ֣יe טִפֻּחִ֔יםf אִם־יֵהָרֵ֛גg בְּמִקְדַּ֥שׁ אֲדֹנָ֖י כֹּהֵ֥ן וְנָבִֽיא׃ ס

21 שָׁכְב֨וּa לָאָ֤רֶץ חוּצֹות֙ נַ֣עַר וְזָקֵ֔ן בְּתוּלֹתַ֥י וּבַחוּרַ֖יb נָפְל֣וּc בֶחָ֑רֶב הָרַ֨גְתָּ֙d בְּיֹ֣ום אַפֶּ֔ךָ טָבַ֖חְתָּe לֹ֥א חָמָֽלְתָּf ׃ ס

22 תִּקְרָא֩a כְיֹ֨ום מֹועֵ֤ד מְגוּרַי֙b מִסָּבִ֔יב וְלֹ֥א הָיָ֛הc בְּיֹ֥ום אַף־יְהוָ֖ה פָּלִ֣יטd וְשָׂרִ֑ידe אֲשֶׁר־טִפַּ֥חְתִּיf וְרִבִּ֖יתִיg אֹיְבִ֥י כִלָּֽםh ׃ פ