איכה

אֵיכָ֣הa ׀ יָשְׁבָ֣הb בָדָ֗דc הָעִיר֙ רַבָּ֣תִי עָ֔ם הָיְתָ֖הd כְּאַלְמָנָ֑ה רַבָּ֣תִי בַגֹּויִ֗ם שָׂרָ֨תִי֙e בַּמְּדִינֹ֔ות הָיְתָ֖הf לָמַֽסg ׃ ס

2 בָּכֹ֨ו תִבְכֶּ֜הa בַּלַּ֗יְלָה וְדִמְעָתָהּ֙b עַ֣ל לֶֽחֱיָ֔הּc אֵֽין־לָ֥הּ מְנַחֵ֖ם מִכָּל־אֹהֲבֶ֑יהָ כָּל־רֵעֶ֨יהָ֙ בָּ֣גְדוּd בָ֔הּ הָ֥יוּe לָ֖הּ לְאֹיְבִֽים׃ ס

3 גָּֽלְתָ֨הa יְהוּדָ֤ה מֵעֹ֨נִי֙b וּמֵרֹ֣ב עֲבֹדָ֔ה הִ֚יא יָשְׁבָ֣הc בַגֹּויִ֔ם לֹ֥א מָצְאָ֖הd מָנֹ֑וחַe כָּל־רֹדְפֶ֥יהָ הִשִּׂיג֖וּהָf בֵּ֥ין הַמְּצָרִֽיםg ׃ ס

4 דַּרְכֵ֨י צִיֹּ֜ון אֲבֵלֹ֗ותa מִבְּלִי֙ בָּאֵ֣י מֹועֵ֔ד כָּל־שְׁעָרֶ֨יהָ֙ שֹֽׁומֵמִ֔יןb כֹּהֲנֶ֖יהָ נֶאֱנָחִ֑יםc בְּתוּלֹתֶ֥יהָ נוּגֹ֖ותd וְהִ֥יא מַרe ־לָֽהּ׃ ס

5 הָי֨וּa צָרֶ֤יהָ לְרֹאשׁ֙ אֹיְבֶ֣יהָ שָׁל֔וּb כִּֽי־יְהוָ֥ה הֹוגָ֖הּc עַ֣ל רֹב־פְּשָׁעֶ֑יהָ עֹולָלֶ֛יהָd הָלְכ֥וּe שְׁבִ֖יf לִפְנֵי־צָֽר׃ ס

6 וַיֵּצֵ֥אa מןb בתc ־צִיֹּ֖ון כָּל־הֲדָרָ֑הּd הָי֣וּe שָׂרֶ֗יהָ כְּאַיָּלִים֙f לֹא־מָצְא֣וּg מִרְעֶ֔הh וַיֵּלְכ֥וּi בְלֹא־כֹ֖חַ לִפְנֵ֥י רֹודֵֽף׃ ס

7 זָֽכְרָ֣הa יְרוּשָׁלִַ֗ם יְמֵ֤י עָנְיָהּ֙b וּמְרוּדֶ֔יהָc כֹּ֚ל מַחֲמֻדֶ֔יהָd אֲשֶׁ֥ר הָי֖וּe מִ֣ימֵי קֶ֑דֶם בִּנְפֹ֧לf עַמָּ֣הּ בְּיַד־צָ֗ר וְאֵ֤ין עֹוזֵר֙g לָ֔הּ רָא֣וּהָh צָרִ֔ים שָׂחֲק֖וּi עַ֥ל מִשְׁבַּתֶּֽהָj ׃ ס

8 חֵ֤טְאa חָֽטְאָה֙b יְר֣וּשָׁלִַ֔ם עַל־כֵּ֖ן לְנִידָ֣הc הָיָ֑תָהd כָּֽל־מְכַבְּדֶ֤יהָ הִזִּיל֨וּהָ֙e כִּי־רָא֣וּf עֶרְוָתָ֔הּ גַּם־הִ֥יא נֶאֶנְחָ֖הg וַתָּ֥שָׁבh אָחֹֽורi ׃ ס

9 טֻמְאָתָ֣הּa בְּשׁוּלֶ֗יהָb לֹ֤א זָֽכְרָה֙c אַחֲרִיתָ֔הּ וַתֵּ֣רֶדd פְּלָאִ֔יםe אֵ֥ין מְנַחֵ֖םf לָ֑הּ רְאֵ֤הg יְהוָה֙ אֶת־עָנְיִ֔יh כִּ֥י הִגְדִּ֖ילi אֹויֵֽב׃ ס

10 יָדֹו֙ פָּ֣רַשׂa צָ֔ר עַ֖ל כָּל־מַחֲמַדֶּ֑יהָb כִּֽי־רָאֲתָ֤הc גֹויִם֙ בָּ֣אוּd מִקְדָּשָׁ֔הּ אֲשֶׁ֣ר צִוִּ֔יתָהe לֹא־יָבֹ֥אוּf בַקָּהָ֖ל לָֽךְ׃ ס

11 כָּל־עַמָּ֤הּ נֶאֱנָחִים֙a מְבַקְּשִׁ֣יםb לֶ֔חֶם נָתְנ֧וּc מחמודיהםd בְּאֹ֖כֶלe לְהָשִׁ֣יבf נָ֑פֶשׁ רְאֵ֤הg יְהוָה֙ וְֽהַבִּ֔יטָהh כִּ֥י הָיִ֖יתִיi זֹולֵלָֽהj ׃ ס

12 לֹ֣וא אֲלֵיכֶם֮ כָּל־עֹ֣בְרֵי דֶרֶךְ֒ הַבִּ֣יטוּa וּרְא֗וּb אִם־יֵ֤שׁ מַכְאֹוב֙c כְּמַכְאֹבִ֔יd אֲשֶׁ֥ר עֹולַ֖לe לִ֑י אֲשֶׁר֙ הֹוגָ֣הf יְהוָ֔ה בְּיֹ֖ום חֲרֹ֥וןg אַפֹּֽו׃ ס

13 מִמָּרֹ֛ום שָֽׁלַחa ־אֵ֥שׁ בְּעַצְמֹתַ֖י וַיִּרְדֶּ֑נָּהb פָּרַ֨שׂc רֶ֤שֶׁתd לְרַגְלַי֙ הֱשִׁיבַ֣נִיe אָחֹ֔ורf נְתָנַ֨נִי֙g שֹֽׁמֵמָ֔ה כָּל־הַיֹּ֖ום דָּוָֽהh ׃ ס

14 נִשְׂקַד֩a עֹ֨לb פְּשָׁעַ֜י בְּיָדֹ֗ו יִשְׂתָּֽרְג֛וּc עָל֥וּd עַל־צַוָּארִ֖יe הִכְשִׁ֣ילf כֹּחִ֑י נְתָנַ֣נִיg אֲדֹנָ֔י בִּידֵ֖י לֹא־אוּכַ֥לh קֽוּםi ׃ ס

15 סִלָּ֨הa כָל־אַבִּירַ֤יb ׀ אֲדֹנָי֙ בְּקִרְבִּ֔י קָרָ֥אc עָלַ֛י מֹועֵ֖ד לִשְׁבֹּ֣רd בַּחוּרָ֑יe גַּ֚תf דָּרַ֣ךְg אֲדֹנָ֔י לִבְתוּלַ֖ת בַּת־יְהוּדָֽה׃ ס

16 עַל־אֵ֣לֶּה׀ אֲנִ֣י בֹוכִיָּ֗הa עֵינִ֤י׀ עֵינִי֙ יֹ֣רְדָהb מַּ֔יִם כִּֽי־רָחַ֥קc מִמֶּ֛נִּי מְנַחֵ֖ם מֵשִׁ֣יבd נַפְשִׁ֑י הָי֤וּe בָנַי֙ שֹֽׁומֵמִ֔ים כִּ֥י גָבַ֖רf אֹויֵֽב׃ ס

17 פֵּֽרְשָׂ֨הa צִיֹּ֜ון בְּיָדֶ֗יהָ אֵ֤ין מְנַחֵם֙ לָ֔הּ צִוָּ֧הb יְהוָ֛ה לְיַעֲקֹ֖ב סְבִיבָ֣יו צָרָ֑יו הָיְתָ֧הc יְרוּשָׁלִַ֛ם לְנִדָּ֖הd בֵּינֵיהֶֽם׃ ס

18 צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִיa שִׁמְעוּb ־נָ֣א כָל־עמיםc וּרְאוּ֙d מַכְאֹבִ֔יe בְּתוּלֹתַ֥י וּבַחוּרַ֖יf הָלְכ֥וּg בַשֶּֽׁבִיh ׃ ס

19 קָרָ֤אתִיa לַֽמְאַהֲבַי֙ הֵ֣מָּה רִמּ֔וּנִיb כֹּהֲנַ֥י וּזְקֵנַ֖י בָּעִ֣יר גָּוָ֑עוּc כִּֽי־בִקְשׁ֥וּd אֹ֨כֶל֙e לָ֔מֹו וְיָשִׁ֖יבוּf אֶת־נַפְשָֽׁם׃ ס

20 רְאֵ֨הa יְהוָ֤ה כִּֽי־צַרb ־לִי֙ מֵעַ֣יc חֳמַרְמָ֔רוּd נֶהְפַּ֤ךְe לִבִּי֙ בְּקִרְבִּ֔י כִּ֥י מָרֹ֖וf מָרִ֑יתִיg מִח֥וּץ שִׁכְּלָהh ־חֶ֖רֶב בַּבַּ֥יִת כַּמָּֽוֶת׃ ס

21 שָׁמְע֞וּa כִּ֧י נֶאֱנָחָ֣הb אָ֗נִי אֵ֤ין מְנַחֵם֙ לִ֔י כָּל־אֹ֨יְבַ֜י שָׁמְע֤וּc רָֽעָתִי֙ שָׂ֔שׂוּd כִּ֥י אַתָּ֖ה עָשִׂ֑יתָe הֵבֵ֥אתָf יֹום־קָרָ֖אתָg וְיִֽהְי֥וּh כָמֹֽונִי׃ ס

22 תָּבֹ֨אa כָל־רָעָתָ֤ם לְפָנֶ֨יךָ֙ וְעֹולֵ֣לb לָ֔מֹו כַּאֲשֶׁ֥ר עֹולַ֛לְתָּc לִ֖י עַ֣ל כָּל־פְּשָׁעָ֑י כִּֽי־רַבֹּ֥ות אַנְחֹתַ֖יd וְלִבִּ֥י דַוָּֽיe ׃ פ