יהושע

וַיְהִ֗יa אַחֲרֵ֛י מֹ֥ות מֹשֶׁ֖ה עֶ֣בֶד יְהוָ֑ה וַיֹּ֤אמֶרb יְהוָה֙ אֶל־יְהֹושֻׁ֣עַ בִּן־נ֔וּןc מְשָׁרֵ֥ת מֹשֶׁ֖ה לֵאמֹֽרd ׃

2 מֹשֶׁ֥ה עַבְדִּ֖י מֵ֑תa וְעַתָּה֩ ק֨וּםb עֲבֹ֜רc אֶת־הַיַּרְדֵּ֣ן הַזֶּ֗ה אַתָּה֙ וְכָל־הָעָ֣ם הַזֶּ֔ה אֶל־הָאָ֕רֶץ אֲשֶׁ֧ר אָנֹכִ֛י נֹתֵ֥ןd לָהֶ֖ם לִבְנֵ֥י יִשְׂרָאֵֽל׃

3 כָּל־מָקֹ֗ום אֲשֶׁ֨ר תִּדְרֹ֧ךְa כַּֽף־רַגְלְכֶ֛ם בֹּ֖ו לָכֶ֣ם נְתַתִּ֑יוb כַּאֲשֶׁ֥ר דִּבַּ֖רְתִּיc אֶל־מֹשֶֽׁה׃

4 מֵהַמִּדְבָּר֩ וְהַלְּבָנֹ֨ון הַזֶּ֜ה וְֽעַד־הַנָּהָ֧ר הַגָּדֹ֣ול נְהַר־פְּרָ֗תa כֹּ֚ל אֶ֣רֶץ הַֽחִתִּ֔יםb וְעַד־הַיָּ֥ם הַגָּדֹ֖ול מְבֹ֣ואc הַשָּׁ֑מֶשׁ יִֽהְיֶ֖הd גְּבוּלְכֶֽם׃

5 לֹֽא־יִתְיַצֵּ֥בa אִישׁ֙ לְפָנֶ֔יךָ כֹּ֖ל יְמֵ֣י חַיֶּ֑יךָ כַּֽאֲשֶׁ֨ר הָיִ֤יתִיb עִם־מֹשֶׁה֙ אֶהְיֶ֣הc עִמָּ֔ךְ לֹ֥א אַרְפְּךָ֖d וְלֹ֥א אֶעֶזְבֶֽךָּe ׃

6 חֲזַ֖קa וֶאֱמָ֑ץb כִּ֣י אַתָּ֗ה תַּנְחִיל֙c אֶת־הָעָ֣ם הַזֶּ֔ה אֶת־הָאָ֕רֶץ אֲשֶׁר־נִשְׁבַּ֥עְתִּיd לַאֲבֹותָ֖ם לָתֵ֥תe לָהֶֽם׃

7 רַק֩ חֲזַ֨קa וֶֽאֱמַ֜ץb מְאֹ֗ד לִשְׁמֹ֤רc לַעֲשֹׂות֙d כְּכָל־הַתֹּורָ֗ה אֲשֶׁ֤ר צִוְּךָ֙e מֹשֶׁ֣ה עַבְדִּ֔י אַל־תָּס֥וּרf מִמֶּ֖נּוּ יָמִ֣ין וּשְׂמֹ֑אול לְמַ֣עַן תַּשְׂכִּ֔ילg בְּכֹ֖ל אֲשֶׁ֥ר תֵּלֵֽךְh ׃

8 לֹֽא־יָמ֡וּשׁa סֵפֶר֩ הַתֹּורָ֨ה הַזֶּ֜ה מִפִּ֗יךָ וְהָגִ֤יתָb בֹּו֙ יֹומָ֣ם וָלַ֔יְלָה לְמַ֨עַן֙ תִּשְׁמֹ֣רc לַעֲשֹׂ֔ותd כְּכָל־הַכָּת֖וּבe בֹּ֑ו כִּי־אָ֛ז תַּצְלִ֥יחַf אֶת־דְּרָכֶ֖ךָ וְאָ֥ז תַּשְׂכִּֽילg ׃

9 הֲלֹ֤וא צִוִּיתִ֨יךָ֙a חֲזַ֣קb וֶאֱמָ֔ץc אַֽל־תַּעֲרֹ֖ץd וְאַל־תֵּחָ֑תe כִּ֤י עִמְּךָ֙ יְהוָ֣ה אֱלֹהֶ֔יךָ בְּכֹ֖ל אֲשֶׁ֥ר תֵּלֵֽךְf ׃ פ

10 וַיְצַ֣וa יְהֹושֻׁ֔עַ אֶת־שֹׁטְרֵ֥יb הָעָ֖ם לֵאמֹֽרc ׃

11 עִבְר֣וּa ׀ בְּקֶ֣רֶב הַֽמַּחֲנֶ֗ה וְצַוּ֤וּb אֶת־הָעָם֙ לֵאמֹ֔רc הָכִ֥ינוּd לָכֶ֖ם צֵידָ֑הe כִּ֞י בְּעֹ֣וד׀ שְׁלֹ֣שֶׁת יָמִ֗ים אַתֶּם֙ עֹֽבְרִים֙f אֶת־הַיַּרְדֵּ֣ן הַזֶּ֔ה לָבֹוא֙g לָרֶ֣שֶׁתh אֶת־הָאָ֔רֶץ אֲשֶׁר֙ יְהוָ֣ה אֱלֹֽהֵיכֶ֔ם נֹתֵ֥ןi לָכֶ֖ם לְרִשְׁתָּֽהּj ׃ ס

12 וְלָרֽאוּבֵנִי֙a וְלַגָּדִ֔יb וְלַחֲצִ֖י שֵׁ֣בֶט הַֽמְנַשֶּׁ֑ה אָמַ֥רc יְהֹושֻׁ֖עַ לֵאמֹֽרd ׃

13 זָכֹור֙a אֶת־הַדָּבָ֔ר אֲשֶׁ֨ר צִוָּ֥הb אֶתְכֶ֛ם מֹשֶׁ֥ה עֶֽבֶד־יְהוָ֖ה לֵאמֹ֑רc יְהוָ֤ה אֱלֹהֵיכֶם֙ מֵנִ֣יחַd לָכֶ֔ם וְנָתַ֥ןe לָכֶ֖ם אֶת־הָאָ֥רֶץ הַזֹּֽאת׃

14 נְשֵׁיכֶ֣ם טַפְּכֶם֮a וּמִקְנֵיכֶם֒ יֵשְׁב֕וּb בָּאָ֕רֶץ אֲשֶׁ֨ר נָתַ֥ןc לָכֶ֛ם מֹשֶׁ֖ה בְּעֵ֣בֶר הַיַּרְדֵּ֑ן וְאַתֶּם֩ תַּעַבְר֨וּd חֲמֻשִׁ֜יםe לִפְנֵ֣י אֲחֵיכֶ֗ם כֹּ֚ל גִּבֹּורֵ֣י הַחַ֔יִל וַעֲזַרְתֶּ֖םf אֹותָֽם׃

15 עַ֠ד אֲשֶׁר־יָנִ֨יחַa יְהוָ֥ה׀ לַֽאֲחֵיכֶם֮ כָּכֶם֒ וְיָרְשׁ֣וּb גַם־הֵ֔מָּה אֶת־הָאָ֕רֶץ אֲשֶׁר־יְהוָ֥ה אֱלֹֽהֵיכֶ֖ם נֹתֵ֣ןc לָהֶ֑ם וְשַׁבְתֶּ֞םd לְאֶ֤רֶץ יְרֻשַּׁתְכֶם֙e וִֽירִשְׁתֶּ֣םf אֹותָ֔הּ אֲשֶׁ֣ר׀ נָתַ֣ןg לָכֶ֗ם מֹשֶׁה֙ עֶ֣בֶד יְהוָ֔ה בְּעֵ֥בֶר הַיַּרְדֵּ֖ן מִזְרַ֥ח הַשָּֽׁמֶשׁ׃

16 וַֽיַּעֲנ֔וּa אֶת־יְהֹושֻׁ֖עַ לֵאמֹ֑רb כֹּ֤ל אֲשֶׁר־צִוִּיתָ֨נוּ֙c נַֽעֲשֶׂ֔הd וְאֶֽל־כָּל־אֲשֶׁ֥ר תִּשְׁלָחֵ֖נוּe נֵלֵֽךְf ׃

17 כְּכֹ֤ל אֲשֶׁר־שָׁמַ֨עְנוּ֙a אֶל־מֹשֶׁ֔ה כֵּ֖ן נִשְׁמַ֣עb אֵלֶ֑יךָ רַ֠ק יִֽהְיֶ֞הc יְהוָ֤ה אֱלֹהֶ֨יךָ֙ עִמָּ֔ךְ כַּאֲשֶׁ֥ר הָיָ֖הd עִם־מֹשֶֽׁה׃

18 כָּל־אִ֞ישׁ אֲשֶׁר־יַמְרֶ֣הa אֶת־פִּ֗יךָ וְלֹֽא־יִשְׁמַ֧עb אֶת־דְּבָרֶ֛יךָ לְכֹ֥ל אֲשֶׁר־תְּצַוֶּ֖נּוּc יוּמָ֑תd רַ֖ק חֲזַ֥קe וֶאֱמָֽץf ׃ פ

וַיִּשְׁלַ֣חa יְהֹושֻׁ֣עַ־בִּן־נ֠וּןb מִֽן־הַשִּׁטִּ֞יםc שְׁנַֽיִם־אֲנָשִׁ֤ים מְרַגְּלִים֙d חֶ֣רֶשׁe לֵאמֹ֔רf לְכ֛וּg רְא֥וּh אֶת־הָאָ֖רֶץ וְאֶת־יְרִיחֹ֑ו וַיֵּ֨לְכ֜וּi וַ֠יָּבֹאוּj בֵּית־אִשָּׁ֥ה זֹונָ֛ה וּשְׁמָ֥הּ רָחָ֖בk וַיִּשְׁכְּבוּl ־שָֽׁמָּה׃

2 וַיֵּ֣אָמַ֔רa לְמֶ֥לֶךְ יְרִיחֹ֖ו לֵאמֹ֑רb הִנֵּ֣ה אֲ֠נָשִׁים בָּ֣אוּc הֵ֧נָּה הַלַּ֛יְלָה מִבְּנֵ֥י יִשְׂרָאֵ֖ל לַחְפֹּ֥רd אֶת־הָאָֽרֶץ׃

3 וַיִּשְׁלַח֙a מֶ֣לֶךְ יְרִיחֹ֔ו אֶל־רָחָ֖בb לֵאמֹ֑רc הֹ֠וצִיאִיd הָאֲנָשִׁ֨ים הַבָּאִ֤יםe אֵלַ֨יִךְ֙ אֲשֶׁר־בָּ֣אוּf לְבֵיתֵ֔ךְ כִּ֛י לַחְפֹּ֥רg אֶת־כָּל־הָאָ֖רֶץ בָּֽאוּh ׃

4 וַתִּקַּ֧חa הָֽאִשָּׁ֛ה אֶת־שְׁנֵ֥י הָאֲנָשִׁ֖ים וַֽתִּצְפְּנֹ֑וb וַתֹּ֣אמֶרc ׀ כֵּ֗ןd בָּ֤אוּe אֵלַי֙ הָֽאֲנָשִׁ֔ים וְלֹ֥א יָדַ֖עְתִּיf מֵאַ֥יִןg הֵֽמָּה׃

5 וַיְהִ֨יa הַשַּׁ֜עַר לִסְגֹּ֗ורb בַּחֹ֨שֶׁךְ֙ וְהָאֲנָשִׁ֣ים יָצָ֔אוּc לֹ֣א יָדַ֔עְתִּיd אָ֥נָהe הָלְכ֖וּf הָֽאֲנָשִׁ֑ים רִדְפ֥וּg מַהֵ֛ר אַחֲרֵיהֶ֖ם כִּ֥י תַשִּׂיגֽוּםh ׃

6 וְהִ֖יא הֶעֱלָ֣תַםa הַגָּ֑גָהb וַֽתִּטְמְנֵם֙c בְּפִשְׁתֵּ֣יd הָעֵ֔ץ הָעֲרֻכֹ֥ותe לָ֖הּ עַל־הַגָּֽגf ׃

7 וְהָאֲנָשִׁ֗ים רָדְפ֤וּa אַֽחֲרֵיהֶם֙ דֶּ֣רֶךְ הַיַּרְדֵּ֔ן עַ֖ל הַֽמַּעְבְּרֹ֑ותb וְהַשַּׁ֣עַר סָגָ֔רוּc אַחֲרֵ֕י כַּאֲשֶׁ֛ר יָצְא֥וּd הָרֹדְפִ֖יםe אַחֲרֵיהֶֽם׃

8 וְהֵ֖מָּה טֶ֣רֶם יִשְׁכָּב֑וּןa וְהִ֛יא עָלְתָ֥הb עֲלֵיהֶ֖ם עַל־הַגָּֽגc ׃

9 וַתֹּ֨אמֶר֙a אֶל־הָ֣אֲנָשִׁ֔ים יָדַ֕עְתִּיb כִּֽי־נָתַ֧ןc יְהוָ֛ה לָכֶ֖ם אֶת־הָאָ֑רֶץ וְכִֽי־נָפְלָ֤הd אֵֽימַתְכֶם֙e עָלֵ֔ינוּ וְכִ֥י נָמֹ֛גוּf כָּל־יֹשְׁבֵ֥י הָאָ֖רֶץ מִפְּנֵיכֶֽם׃

10 כִּ֣י שָׁמַ֗עְנוּa אֵ֠ת אֲשֶׁר־הֹובִ֨ישׁb יְהוָ֜ה אֶת־מֵ֤י יַם־סוּף֙c מִפְּנֵיכֶ֔ם בְּצֵאתְכֶ֖םd מִמִּצְרָ֑יִם וַאֲשֶׁ֣ר עֲשִׂיתֶ֡םe לִשְׁנֵי֩ מַלְכֵ֨י הָאֱמֹרִ֜י אֲשֶׁ֨ר בְּעֵ֤בֶר הַיַּרְדֵּן֙ לְסִיחֹ֣ןf וּלְעֹ֔וגg אֲשֶׁ֥ר הֶחֱרַמְתֶּ֖םh אֹותָֽם׃

11 וַנִּשְׁמַע֙a וַיִּמַּ֣סb לְבָבֵ֔נוּ וְלֹא־קָ֨מָהc עֹ֥וד ר֛וּחַ בְּאִ֖ישׁ מִפְּנֵיכֶ֑ם כִּ֚י יְהוָ֣ה אֱלֹֽהֵיכֶ֔ם ה֤וּא אֱלֹהִים֙ בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּֽחַת׃

12 וְעַתָּ֗ה הִשָּֽׁבְעוּa ־נָ֥א לִי֙ בַּֽיהוָ֔ה כִּי־עָשִׂ֥יתִיb עִמָּכֶ֖ם חָ֑סֶד וַעֲשִׂיתֶ֨םc גַּם־אַתֶּ֜ם עִם־בֵּ֤ית אָבִי֙ חֶ֔סֶד וּנְתַתֶּ֥םd לִ֖י אֹ֥ות אֱמֶֽת׃

13 וְהַחֲיִתֶ֞םa אֶת־אָבִ֣י וְאֶת־אִמִּ֗י וְאֶת־אַחַי֙ וְאֶת־אחותיb וְאֵ֖ת כָּל־אֲשֶׁ֣ר לָהֶ֑ם וְהִצַּלְתֶּ֥םc אֶת־נַפְשֹׁתֵ֖ינוּ מִמָּֽוֶת׃

14 וַיֹּ֧אמְרוּa לָ֣הּ הָאֲנָשִׁ֗ים נַפְשֵׁ֤נוּ תַחְתֵּיכֶם֙ לָמ֔וּתb אִ֚ם לֹ֣א תַגִּ֔ידוּc אֶת־דְּבָרֵ֖נוּ זֶ֑ה וְהָיָ֗הd בְּתֵתe ־יְהוָ֥ה לָ֨נוּ֙ אֶת־הָאָ֔רֶץ וְעָשִׂ֥ינוּf עִמָּ֖ךְ חֶ֥סֶד וֶאֱמֶֽת׃

15 וַתֹּורִדֵ֥םa בַּחֶ֖בֶל בְּעַ֣ד הַֽחַלֹּ֑וןb כִּ֤י בֵיתָהּ֙ בְּקִ֣יר הַֽחֹומָ֔ה וּבַֽחֹומָ֖ה הִ֥יא יֹושָֽׁבֶתc ׃

16 וַתֹּ֤אמֶרa לָהֶם֙ הָהָ֣רָה לֵּ֔כוּb פֶּֽן־יִפְגְּע֥וּc בָכֶ֖ם הָרֹדְפִ֑ים וְנַחְבֵּתֶ֨םd שָׁ֜מָּה שְׁלֹ֣שֶׁת יָמִ֗ים עַ֚ד שֹׁ֣ובe הָרֹֽדְפִ֔ים וְאַחַ֖ר תֵּלְכ֥וּf לְדַרְכְּכֶֽם׃

17 וַיֹּאמְר֥וּa אֵלֶ֖יהָ הָאֲנָשִׁ֑ים נְקִיִּ֣םb אֲנַ֔חְנוּ מִשְּׁבֻעָתֵ֥ךְc הַזֶּ֖ה אֲשֶׁ֥ר הִשְׁבַּעְתָּֽנוּd ׃

18 הִנֵּ֛ה אֲנַ֥חְנוּ בָאִ֖יםa בָּאָ֑רֶץ אֶת־תִּקְוַ֡תb חוּט֩c הַשָּׁנִ֨יd הַזֶּ֜ה תִּקְשְׁרִ֗יe בַּֽחַלֹּון֙f אֲשֶׁ֣ר הֹורַדְתֵּ֣נוּg בֹ֔ו וְאֶת־אָבִ֨יךְ וְאֶת־אִמֵּ֜ךְ וְאֶת־אַחַ֗יִךְ וְאֵת֙ כָּל־בֵּ֣ית אָבִ֔יךְ תַּאַסְפִ֥יh אֵלַ֖יִךְ הַבָּֽיְתָה׃

19 וְהָיָ֡הa כֹּ֣ל אֲשֶׁר־יֵצֵא֩b מִדַּלְתֵ֨י בֵיתֵ֧ךְ׀ הַח֛וּצָה דָּמֹ֥ו בְרֹאשֹׁ֖ו וַאֲנַ֣חְנוּ נְקִיִּ֑םc וְ֠כֹל אֲשֶׁ֨ר יִֽהְיֶ֤הd אִתָּךְ֙ בַּבַּ֔יִת דָּמֹ֣ו בְרֹאשֵׁ֔נוּ אִם־יָ֖ד תִּֽהְיֶהe ־בֹּֽו׃

20 וְאִם־תַּגִּ֖ידִיa אֶת־דְּבָרֵ֣נוּ זֶ֑ה וְהָיִ֣ינוּb נְקִיִּ֔םc מִשְּׁבֻעָתֵ֖ךְd אֲשֶׁ֥ר הִשְׁבַּעְתָּֽנוּe ׃

21 וַתֹּ֨אמֶר֙a כְּדִבְרֵיכֶ֣ם כֶּן־ה֔וּא וַֽתְּשַׁלְּחֵ֖םb וַיֵּלֵ֑כוּc וַתִּקְשֹׁ֛רd אֶת־תִּקְוַ֥תe הַשָּׁנִ֖יf בַּחַלֹּֽוןg ׃

22 וַיֵּלְכוּ֙a וַיָּבֹ֣אוּb הָהָ֔רָה וַיֵּ֤שְׁבוּc שָׁם֙ שְׁלֹ֣שֶׁת יָמִ֔ים עַד־שָׁ֖בוּd הָרֹדְפִ֑ים וַיְבַקְשׁ֧וּe הָרֹדְפִ֛ים בְּכָל־הַדֶּ֖רֶךְ וְלֹ֥א מָצָֽאוּf ׃

23 וַיָּשֻׁ֜בוּa שְׁנֵ֤י הָֽאֲנָשִׁים֙ וַיֵּרְד֣וּb מֵֽהָהָ֔ר וַיַּעַבְרוּ֙c וַיָּבֹ֔אוּd אֶל־יְהֹושֻׁ֖עַ בִּן־נ֑וּןe וַיְסַ֨פְּרוּf ־לֹ֔ו אֵ֥ת כָּל־הַמֹּצְאֹ֖ותg אֹותָֽם׃

24 וַיֹּאמְרוּ֙a אֶל־יְהֹושֻׁ֔עַ כִּֽי־נָתַ֧ןb יְהוָ֛ה בְּיָדֵ֖נוּ אֶת־כָּל־הָאָ֑רֶץ וְגַם־נָמֹ֛גוּc כָּל־יֹשְׁבֵ֥י הָאָ֖רֶץ מִפָּנֵֽינוּ׃ ס

וַיַּשְׁכֵּם֩a יְהֹושֻׁ֨עַ בַּבֹּ֜קֶר וַיִּסְע֣וּb מֵֽהַשִּׁטִּ֗יםc וַיָּבֹ֨אוּ֙d עַד־הַיַּרְדֵּ֔ן ה֖וּא וְכָל־בְּנֵ֣י יִשְׂרָאֵ֑ל וַיָּלִ֥נוּe שָׁ֖ם טֶ֥רֶם יַעֲבֹֽרוּf ׃

2 וַיְהִ֕יa מִקְצֵ֖ה שְׁלֹ֣שֶׁת יָמִ֑ים וַיַּעַבְר֥וּb הַשֹּׁטְרִ֖יםc בְּקֶ֥רֶב הַֽמַּחֲנֶֽה׃

3 וַיְצַוּוּ֮a אֶת־הָעָ֣ם לֵאמֹר֒b כִּרְאֹֽותְכֶ֗םc אֵ֣ת אֲרֹ֤ון בְּרִית־יְהוָה֙ אֱלֹ֣הֵיכֶ֔ם וְהַכֹּֽהֲנִים֙ הַלְוִיִּ֔ם נֹשְׂאִ֖יםd אֹתֹ֑ו וְאַתֶּ֗ם תִּסְעוּ֙e מִמְּקֹ֣ומְכֶ֔ם וַהֲלַכְתֶּ֖םf אַחֲרָֽיו׃

4 אַ֣ךְ׀ רָחֹ֣וק יִהְיֶ֗הa בֵּֽינֵיכֶם֙ ובינוb כְּאַלְפַּ֥יִם אַמָּ֖ה בַּמִּדָּ֑ה אַֽל־תִּקְרְב֣וּc אֵלָ֗יו לְמַ֤עַן אֲשֶׁר־תֵּֽדְעוּ֙d אֶת־הַדֶּ֨רֶךְ֙ אֲשֶׁ֣ר תֵּֽלְכוּe ־בָ֔הּ כִּ֣י לֹ֧א עֲבַרְתֶּ֛םf בַּדֶּ֖רֶךְ מִתְּמֹ֥ולg שִׁלְשֹֽׁוםh ׃ ס

5 וַיֹּ֧אמֶרa יְהֹושֻׁ֛עַ אֶל־הָעָ֖ם הִתְקַדָּ֑שׁוּb כִּ֣י מָחָ֗ר יַעֲשֶׂ֧הc יְהוָ֛ה בְּקִרְבְּכֶ֖ם נִפְלָאֹֽות׃

6 וַיֹּ֤אמֶרa יְהֹושֻׁ֨עַ֙ אֶל־הַכֹּהֲנִ֣ים לֵאמֹ֔רb שְׂאוּ֙c אֶת־אֲרֹ֣ון הַבְּרִ֔ית וְעִבְר֖וּd לִפְנֵ֣י הָעָ֑ם וַיִּשְׂאוּ֙e אֶת־אֲרֹ֣ון הַבְּרִ֔ית וַיֵּלְכ֖וּf לִפְנֵ֥י הָעָֽם׃ ס

7 וַיֹּ֤אמֶרa יְהוָה֙ אֶל־יְהֹושֻׁ֔עַ הַיֹּ֣ום הַזֶּ֗ה אָחֵל֙b גַּדֶּלְךָ֔c בְּעֵינֵ֖י כָּל־יִשְׂרָאֵ֑ל אֲשֶׁר֙ יֵֽדְע֔וּןd כִּ֗י כַּאֲשֶׁ֥ר הָיִ֛יתִיe עִם־מֹשֶׁ֖ה אֶהְיֶ֥הf עִמָּֽךְ׃

8 וְאַתָּ֗ה תְּצַוֶּה֙a אֶת־הַכֹּ֣הֲנִ֔ים נֹשְׂאֵ֥י אֲרֹֽון־הַבְּרִ֖ית לֵאמֹ֑רb כְּבֹאֲכֶ֗םc עַד־קְצֵה֙ מֵ֣י הַיַּרְדֵּ֔ן בַּיַּרְדֵּ֖ן תַּעֲמֹֽדוּd ׃ פ

9 וַיֹּ֥אמֶרa יְהֹושֻׁ֖עַ אֶל־בְּנֵ֣י יִשְׂרָאֵ֑ל גֹּ֣שׁוּb הֵ֔נָּה וְשִׁמְע֕וּc אֶת־דִּבְרֵ֖י יְהוָ֥ה אֱלֹֽהֵיכֶֽם׃

10 וַיֹּ֣אמֶרa יְהֹושֻׁ֔עַ בְּזֹאת֙ תֵּֽדְע֔וּןb כִּ֛י אֵ֥ל חַ֖י בְּקִרְבְּכֶ֑ם וְהֹורֵ֣שׁ יֹורִ֣ישׁc מִ֠פְּנֵיכֶם אֶת־הַכְּנַעֲנִ֨י וְאֶת־הַחִתִּ֜יd וְאֶת־הַחִוִּ֗יe וְאֶת־הַפְּרִזִּי֙f וְאֶת־הַגִּרְגָּשִׁ֔יg וְהָאֱמֹרִ֖י וְהַיְבוּסִֽיh ׃

11 הִנֵּה֙ אֲרֹ֣ון הַבְּרִ֔ית אֲדֹ֖ון כָּל־הָאָ֑רֶץ עֹבֵ֥רa לִפְנֵיכֶ֖ם בַּיַּרְדֵּֽן׃

12 וְעַתָּ֗ה קְח֤וּa לָכֶם֙ שְׁנֵ֣י עָשָׂ֣ר אִ֔ישׁ מִשִּׁבְטֵ֖י יִשְׂרָאֵ֑ל אִישׁ־אֶחָ֥ד אִישׁ־אֶחָ֖ד לַשָּֽׁבֶט׃

13 וְהָיָ֡הa כְּנֹ֣וחַb כַּפֹּ֣ות רַגְלֵ֣י הַכֹּהֲנִ֡ים נֹשְׂאֵי֩ אֲרֹ֨ון יְהוָ֜ה אֲדֹ֤ון כָּל־הָאָ֨רֶץ֙ בְּמֵ֣י הַיַּרְדֵּ֔ן מֵ֤י הַיַּרְדֵּן֙ יִכָּ֣רֵת֔וּןc הַמַּ֥יִם הַיֹּרְדִ֖יםd מִלְמָ֑עְלָה וְיַעַמְד֖וּe נֵ֥דf אֶחָֽד׃

14 וַיְהִ֗יa בִּנְסֹ֤עַb הָעָם֙ מֵאָ֣הֳלֵיהֶ֔ם לַעֲבֹ֖רc אֶת־הַיַּרְדֵּ֑ן וְהַכֹּהֲנִ֗ים נֹֽשְׂאֵ֛י הָאָרֹ֥ון הַבְּרִ֖ית לִפְנֵ֥י הָעָֽם׃

15 וּכְבֹ֞ואa נֹשְׂאֵ֤י הָֽאָרֹון֙ עַד־הַיַּרְדֵּ֔ן וְרַגְלֵ֤י הַכֹּֽהֲנִים֙ נֹשְׂאֵ֣י הָֽאָרֹ֔ון נִטְבְּל֖וּb בִּקְצֵ֣ה הַמָּ֑יִם וְהַיַּרְדֵּ֗ן מָלֵא֙c עַל־כָּל־גְּדֹותָ֔יוd כֹּ֖ל יְמֵ֥י קָצִֽירe ׃

16 וַיַּעַמְד֡וּa הַמַּיִם֩ הַיֹּרְדִ֨יםb מִלְמַ֜עְלָה קָ֣מוּc נֵדd ־אֶחָ֗ד הַרְחֵ֨ק מְאֹ֜ד באדםe הָעִיר֙ אֲשֶׁר֙ מִצַּ֣דf צָֽרְתָ֔ןg וְהַיֹּרְדִ֗יםh עַ֣ל יָ֧ם הָעֲרָבָ֛ה יָם־הַמֶּ֖לַחi תַּ֣מּוּj נִכְרָ֑תוּk וְהָעָ֥ם עָבְר֖וּl נֶ֥גֶד יְרִיחֹֽו׃

17 וַיַּעַמְד֣וּa הַכֹּהֲנִ֡ים נֹ֠שְׂאֵי הָאָרֹ֨ון בְּרִית־יְהוָ֜ה בֶּחָֽרָבָ֛הb בְּתֹ֥וךְ הַיַּרְדֵּ֖ן הָכֵ֑ן וְכָל־יִשְׂרָאֵ֗ל עֹֽבְרִים֙c בֶּחָ֣רָבָ֔הd עַ֤ד אֲשֶׁר־תַּ֨מּוּ֙e כָּל־הַגֹּ֔וי לַעֲבֹ֖רf אֶת־הַיַּרְדֵּֽן׃

וַיְהִי֙a כַּאֲשֶׁר־תַּ֣מּוּb כָל־הַגֹּ֔וי לַעֲבֹ֖ורc אֶת־הַיַּרְדֵּ֑ן פ וַיֹּ֣אמֶרd יְהוָ֔ה אֶל־יְהֹושֻׁ֖עַ לֵאמֹֽרe ׃

2 קְח֤וּa לָכֶם֙ מִן־הָעָ֔ם שְׁנֵ֥ים עָשָׂ֖ר אֲנָשִׁ֑ים אִישׁ־אֶחָ֥ד אִישׁ־אֶחָ֖ד מִשָּֽׁבֶט׃

3 וְצַוּ֣וּa אֹותָם֮ לֵאמֹר֒b שְׂאֽוּc ־לָכֶ֨ם מִזֶּ֜ה מִתֹּ֣וךְ הַיַּרְדֵּ֗ן מִמַּצַּב֙d רַגְלֵ֣י הַכֹּהֲנִ֔ים הָכִ֖יןe שְׁתֵּים־עֶשְׂרֵ֣ה אֲבָנִ֑ים וְהַעֲבַרְתֶּ֤םf אֹותָם֙ עִמָּכֶ֔ם וְהִנַּחְתֶּ֣םg אֹותָ֔ם בַּמָּלֹ֕וןh אֲשֶׁר־תָּלִ֥ינוּi בֹ֖ו הַלָּֽיְלָה׃ ס

4 וַיִּקְרָ֣אa יְהֹושֻׁ֗עַ אֶל־שְׁנֵ֤ים הֶֽעָשָׂר֙ אִ֔ישׁ אֲשֶׁ֥ר הֵכִ֖יןb מִבְּנֵ֣י יִשְׂרָאֵ֑ל אִישׁ־אֶחָ֥ד אִישׁ־אֶחָ֖ד מִשָּֽׁבֶט׃

5 וַיֹּ֤אמֶרa לָהֶם֙ יְהֹושֻׁ֔עַ עִ֠בְרוּb לִפְנֵ֨י אֲרֹ֧ון יְהוָ֛ה אֱלֹֽהֵיכֶ֖ם אֶל־תֹּ֣וךְ הַיַּרְדֵּ֑ן וְהָרִ֨ימוּc לָכֶ֜ם אִ֣ישׁ אֶ֤בֶן אַחַת֙ עַל־שִׁכְמֹ֔וd לְמִסְפַּ֖ר שִׁבְטֵ֥י בְנֵי־יִשְׂרָאֵֽל׃

6 לְמַ֗עַן תִּֽהְיֶ֛הa זֹ֥את אֹ֖ות בְּקִרְבְּכֶ֑ם כִּֽי־יִשְׁאָל֨וּןb בְּנֵיכֶ֤ם מָחָר֙ לֵאמֹ֔רc מָ֛ה הָאֲבָנִ֥ים הָאֵ֖לֶּה לָכֶֽם׃

7 וַאֲמַרְתֶּ֣םa לָהֶ֗ם אֲשֶׁ֨ר נִכְרְת֜וּb מֵימֵ֤י הַיַּרְדֵּן֙ מִפְּנֵי֙ אֲרֹ֣ון בְּרִית־יְהוָ֔ה בְּעָבְרֹו֙c בַּיַּרְדֵּ֔ן נִכְרְת֖וּd מֵ֣י הַיַּרְדֵּ֑ן וְ֠הָיוּe הָאֲבָנִ֨ים הָאֵ֧לֶּה לְזִכָּרֹ֛וןf לִבְנֵ֥י יִשְׂרָאֵ֖ל עַד־עֹולָֽם׃

8 וַיַּעֲשׂוּa ־כֵ֣ן בְּנֵי־יִשְׂרָאֵל֮ כַּאֲשֶׁ֣ר צִוָּ֣הb יְהֹושֻׁעַ֒ וַיִּשְׂא֡וּc שְׁתֵּֽי־עֶשְׂרֵ֨ה אֲבָנִ֜ים מִתֹּ֣וךְ הַיַּרְדֵּ֗ן כַּאֲשֶׁ֨ר דִּבֶּ֤רd יְהוָה֙ אֶל־יְהֹושֻׁ֔עַ לְמִסְפַּ֖ר שִׁבְטֵ֣י בְנֵֽי־יִשְׂרָאֵ֑ל וַיַּעֲבִר֤וּםe עִמָּם֙ אֶל־הַמָּלֹ֔וןf וַיַּנִּח֖וּםg שָֽׁם׃

9 וּשְׁתֵּ֧ים עֶשְׂרֵ֣ה אֲבָנִ֗ים הֵקִ֣יםa יְהֹושֻׁעַ֮ בְּתֹ֣וךְ הַיַּרְדֵּן֒ תַּ֗חַת מַצַּב֙b רַגְלֵ֣י הַכֹּהֲנִ֔ים נֹשְׂאֵ֖י אֲרֹ֣ון הַבְּרִ֑ית וַיִּ֣הְיוּc שָׁ֔ם עַ֖ד הַיֹּ֥ום הַזֶּֽה׃

10 וְהַכֹּהֲנִ֞ים נֹשְׂאֵ֣י הָאָרֹ֗ון עֹמְדִים֮a בְּתֹ֣וךְ הַיַּרְדֵּן֒ עַ֣ד תֹּ֣םb כָּֽל־הַ֠דָּבָר אֲשֶׁר־צִוָּ֨הc יְהוָ֤ה אֶת־יְהֹושֻׁ֨עַ֙ לְדַבֵּ֣רd אֶל־הָעָ֔ם כְּכֹ֛ל אֲשֶׁר־צִוָּ֥הe מֹשֶׁ֖ה אֶת־יְהֹושֻׁ֑עַ וַיְמַהֲר֥וּf הָעָ֖ם וַֽיַּעֲבֹֽרוּg ׃

11 וַיְהִ֛יa כַּֽאֲשֶׁר־תַּ֥םb כָּל־הָעָ֖ם לַֽעֲבֹ֑ורc וַיַּעֲבֹ֧רd אֲרֹון־יְהוָ֛ה וְהַכֹּהֲנִ֖ים לִפְנֵ֥י הָעָֽם׃

12 וַ֠יַּעַבְרוּa בְּנֵי־רְאוּבֵ֨ן וּבְנֵי־גָ֜ד וַחֲצִ֨י שֵׁ֤בֶט הַֽמְנַשֶּׁה֙ חֲמֻשִׁ֔יםb לִפְנֵ֖י בְּנֵ֣י יִשְׂרָאֵ֑ל כַּאֲשֶׁ֛ר דִּבֶּ֥רc אֲלֵיהֶ֖ם מֹשֶֽׁה׃

13 כְּאַרְבָּעִ֥ים אֶ֖לֶף חֲלוּצֵ֣יa הַצָּבָ֑א עָבְר֞וּb לִפְנֵ֤י יְהוָה֙ לַמִּלְחָמָ֔ה אֶ֖ל עַֽרְבֹ֥ות יְרִיחֹֽו׃ ס

14 בַּיֹּ֣ום הַה֗וּא גִּדַּ֤לa יְהוָה֙ אֶת־יְהֹושֻׁ֔עַ בְּעֵינֵ֖י כָּל־יִשְׂרָאֵ֑ל וַיִּֽרְא֣וּb אֹתֹ֔ו כַּאֲשֶׁ֛ר יָרְא֥וּc אֶת־מֹשֶׁ֖ה כָּל־יְמֵ֥י חַיָּֽיו׃ פ

15 וַיֹּ֣אמֶרa יְהוָ֔ה אֶל־יְהֹושֻׁ֖עַ לֵאמֹֽרb ׃

16 צַוֵּה֙a אֶת־הַכֹּ֣הֲנִ֔ים נֹשְׂאֵ֖י אֲרֹ֣ון הָעֵד֑וּת וְיַעֲל֖וּb מִן־הַיַּרְדֵּֽן׃

17 וַיְצַ֣וa יְהֹושֻׁ֔עַ אֶת־הַכֹּהֲנִ֖ים לֵאמֹ֑רb עֲל֖וּc מִן־הַיַּרְדֵּֽן׃

18 וַ֠יְהִיa בעלותb הַכֹּהֲנִ֜ים נֹשְׂאֵ֨י אֲרֹ֤ון בְּרִית־יְהוָה֙ מִתֹּ֣וךְ הַיַּרְדֵּ֔ן נִתְּק֗וּc כַּפֹּות֙ רַגְלֵ֣י הַכֹּהֲנִ֔ים אֶ֖ל הֶחָרָבָ֑הd וַיָּשֻׁ֤בוּe מֵֽי־הַיַּרְדֵּן֙ לִמְקֹומָ֔ם וַיֵּלְכ֥וּf כִתְמֹולg ־שִׁלְשֹׁ֖וםh עַל־כָּל־גְּדֹותָֽיוi ׃

19 וְהָעָ֗ם עָלוּ֙a מִן־הַיַּרְדֵּ֔ן בֶּעָשֹׂ֖ורb לַחֹ֣דֶשׁ הָרִאשֹׁ֑ון וַֽיַּחֲנוּ֙c בַּגִּלְגָּ֔לd בִּקְצֵ֖ה מִזְרַ֥ח יְרִיחֹֽו׃

20 וְאֵת֩ שְׁתֵּ֨ים עֶשְׂרֵ֤ה הָֽאֲבָנִים֙ הָאֵ֔לֶּה אֲשֶׁ֥ר לָקְח֖וּa מִן־הַיַּרְדֵּ֑ן הֵקִ֥יםb יְהֹושֻׁ֖עַ בַּגִּלְגָּֽלc ׃

21 וַיֹּ֛אמֶרa אֶל־בְּנֵ֥י יִשְׂרָאֵ֖ל לֵאמֹ֑רb אֲשֶׁר֩ יִשְׁאָל֨וּןc בְּנֵיכֶ֤ם מָחָר֙ אֶת־אֲבֹותָ֣ם לֵאמֹ֔רd מָ֖ה הָאֲבָנִ֥ים הָאֵֽלֶּה׃

22 וְהֹודַעְתֶּ֖םa אֶת־בְּנֵיכֶ֣ם לֵאמֹ֑רb בַּיַּבָּשָׁה֙c עָבַ֣רd יִשְׂרָאֵ֔ל אֶת־הַיַּרְדֵּ֖ן הַזֶּֽה׃

23 אֲשֶׁר־הֹובִישׁ֩a יְהוָ֨ה אֱלֹהֵיכֶ֜ם אֶת־מֵ֧י הַיַּרְדֵּ֛ן מִפְּנֵיכֶ֖ם עַֽד־עָבְרְכֶ֑םb כַּאֲשֶׁ֣ר עָשָׂה֩c יְהוָ֨ה אֱלֹהֵיכֶ֧ם לְיַם־ס֛וּףd אֲשֶׁר־הֹובִ֥ישׁe מִפָּנֵ֖ינוּ עַד־עָבְרֵֽנוּf ׃

24 לְ֠מַעַן דַּ֜עַתa כָּל־עַמֵּ֤י הָאָ֨רֶץ֙ אֶת־יַ֣ד יְהוָ֔ה כִּ֥י חֲזָקָ֖ה הִ֑יא לְמַ֧עַן יְרָאתֶ֛םb אֶת־יְהוָ֥ה אֱלֹהֵיכֶ֖ם כָּל־הַיָּמִֽים׃ ס

וַיְהִ֣יa כִשְׁמֹ֣עַb כָּל־מַלְכֵ֣י הָאֱמֹרִ֡י אֲשֶׁר֩ בְּעֵ֨בֶר הַיַּרְדֵּ֜ן יָ֗מָּה וְכָל־מַלְכֵ֤י הַֽכְּנַעֲנִי֙ אֲשֶׁ֣ר עַל־הַיָּ֔ם אֵ֠ת אֲשֶׁר־הֹובִ֨ישׁc יְהוָ֜ה אֶת־מֵ֧י הַיַּרְדֵּ֛ן מִפְּנֵ֥י בְנֵֽי־יִשְׂרָאֵ֖ל עַד־עברנוd וַיִּמַּ֣סe לְבָבָ֗ם וְלֹא־הָ֨יָהf בָ֥ם עֹוד֙ ר֔וּחַ מִפְּנֵ֖י בְּנֵֽי־יִשְׂרָאֵֽל׃ ס

2 בָּעֵ֣ת הַהִ֗יא אָמַ֤רa יְהוָה֙ אֶל־יְהֹושֻׁ֔עַ עֲשֵׂ֥הb לְךָ֖ חַֽרְבֹ֣ות צֻרִ֑יםc וְשׁ֛וּבd מֹ֥לe אֶת־בְּנֵֽי־יִשְׂרָאֵ֖ל שֵׁנִֽית׃

3 וַיַּעַשׂa ־לֹ֥ו יְהֹושֻׁ֖עַ חַֽרְבֹ֣ות צֻרִ֑יםb וַיָּ֨מָל֙c אֶת־בְּנֵ֣י יִשְׂרָאֵ֔ל אֶל־גִּבְעַ֖ת הָעֲרָלֹֽותd ׃

4 וְזֶ֥ה הַדָּבָ֖ר אֲשֶׁר־מָ֣לa יְהֹושֻׁ֑עַ כָּל־הָעָ֣ם הַיֹּצֵא֩b מִמִּצְרַ֨יִם הַזְּכָרִ֜ים כֹּ֣ל׀ אַנְשֵׁ֣י הַמִּלְחָמָ֗ה מֵ֤תוּc בַמִּדְבָּר֙ בַּדֶּ֔רֶךְ בְּצֵאתָ֖םd מִמִּצְרָֽיִם׃

5 כִּֽי־מֻלִ֣יםa הָי֔וּb כָּל־הָעָ֖ם הַיֹּֽצְאִ֑יםc וְכָל־הָ֠עָם הַיִּלֹּדִ֨יםd בַּמִּדְבָּ֥ר בַּדֶּ֛רֶךְ בְּצֵאתָ֥םe מִמִּצְרַ֖יִם לֹא־מָֽלוּf ׃

6 כִּ֣י׀ אַרְבָּעִ֣ים שָׁנָ֗ה הָלְכ֣וּa בְנֵֽי־יִשְׂרָאֵל֮ בַּמִּדְבָּר֒ עַד־תֹּ֨םb כָּל־הַגֹּ֜וי אַנְשֵׁ֤י הַמִּלְחָמָה֙ הַיֹּצְאִ֣יםc מִמִּצְרַ֔יִם אֲשֶׁ֥ר לֹֽא־שָׁמְע֖וּd בְּקֹ֣ול יְהוָ֑ה אֲשֶׁ֨ר נִשְׁבַּ֤עe יְהוָה֙ לָהֶ֔ם לְבִלְתִּ֞י הַרְאֹותָ֣םf אֶת־הָאָ֗רֶץ אֲשֶׁר֩ נִשְׁבַּ֨עg יְהוָ֤ה לַֽאֲבֹותָם֙ לָ֣תֶתh לָ֔נוּ אֶ֛רֶץ זָבַ֥תi חָלָ֖בj וּדְבָֽשׁ׃

7 וְאֶת־בְּנֵיהֶם֙ הֵקִ֣יםa תַּחְתָּ֔ם אֹתָ֖ם מָ֣לb יְהֹושֻׁ֑עַ כִּי־עֲרֵלִ֣יםc הָי֔וּd כִּ֛י לֹא־מָ֥לוּe אֹותָ֖ם בַּדָּֽרֶךְ׃

8 וַיְהִ֛יa כַּאֲשֶׁר־תַּ֥מּוּb כָל־הַגֹּ֖וי לְהִמֹּ֑ולc וַיֵּשְׁב֥וּd תַחְתָּ֛ם בַּֽמַּחֲנֶ֖ה עַ֥ד חֲיֹותָֽםe ׃ פ

9 וַיֹּ֤אמֶרa יְהוָה֙ אֶל־יְהֹושֻׁ֔עַ הַיֹּ֗ום גַּלֹּ֛ותִיb אֶת־חֶרְפַּ֥ת מִצְרַ֖יִם מֵעֲלֵיכֶ֑ם וַיִּקְרָ֞אc שֵׁ֣ם הַמָּקֹ֤ום הַהוּא֙ גִּלְגָּ֔לd עַ֖ד הַיֹּ֥ום הַזֶּֽה׃

10 וַיַּחֲנ֥וּa בְנֵֽי־יִשְׂרָאֵ֖ל בַּגִּלְגָּ֑לb וַיַּעֲשׂ֣וּc אֶת־הַפֶּ֡סַחd בְּאַרְבָּעָה֩ עָשָׂ֨ר יֹ֥ום לַחֹ֛דֶשׁ בָּעֶ֖רֶב בְּעַֽרְבֹ֥ות יְרִיחֹֽו׃

11 וַיֹּ֨אכְל֜וּa מֵעֲב֥וּרb הָאָ֛רֶץ מִמָּֽחֳרַ֥תc הַפֶּ֖סַחd מַצֹּ֣ות וְקָל֑וּיe בְּעֶ֖צֶם הַיֹּ֥ום הַזֶּֽה׃

12 וַיִּשְׁבֹּ֨תa הַמָּ֜ןb מִֽמָּחֳרָ֗תc בְּאָכְלָם֙d מֵעֲב֣וּרe הָאָ֔רֶץ וְלֹא־הָ֥יָהf עֹ֛וד לִבְנֵ֥י יִשְׂרָאֵ֖ל מָ֑ןg וַיֹּאכְל֗וּh מִתְּבוּאַת֙i אֶ֣רֶץ כְּנַ֔עַן בַּשָּׁנָ֖ה הַהִֽיא׃ ס

13 וַיְהִ֗יa בִּֽהְיֹ֣ותb יְהֹושֻׁעַ֮ בִּירִיחֹו֒ וַיִּשָּׂ֤אc עֵינָיו֙ וַיַּ֔רְאd וְהִנֵּה־אִישׁ֙ עֹמֵ֣דe לְנֶגְדֹּ֔ו וְחַרְבֹּ֥ו שְׁלוּפָ֖הf בְּיָדֹ֑ו וַיֵּ֨לֶךְg יְהֹושֻׁ֤עַ אֵלָיו֙ וַיֹּ֣אמֶרh לֹ֔ו הֲלָ֥נוּ אַתָּ֖ה אִם־לְצָרֵֽינוּ׃

14 וַיֹּ֣אמֶרa ׀ לֹ֗א כִּ֛י אֲנִ֥י שַׂר־צְבָֽא־יְהוָ֖ה עַתָּ֣ה בָ֑אתִיb וַיִּפֹּל֩c יְהֹושֻׁ֨עַ אֶל־פָּנָ֥יו אַ֨רְצָה֙ וַיִּשְׁתָּ֔חוּd וַיֹּ֣אמֶרe לֹ֔ו מָ֥ה אֲדֹנִ֖י מְדַבֵּ֥רf אֶל־עַבְדֹּֽו׃

15 וַיֹּאמֶר֩a שַׂר־צְבָ֨א יְהוָ֜ה אֶל־יְהֹושֻׁ֗עַ שַׁלb ־נַֽעַלְךָ֙c מֵעַ֣ל רַגְלֶ֔ךָ כִּ֣י הַמָּקֹ֗ום אֲשֶׁ֥ר אַתָּ֛ה עֹמֵ֥דd עָלָ֖יו קֹ֣דֶשׁ ה֑וּא וַיַּ֥עַשׂe יְהֹושֻׁ֖עַ כֵּֽן׃

וִֽירִיחֹו֙ סֹגֶ֣רֶתa וּמְסֻגֶּ֔רֶתb מִפְּנֵ֖י בְּנֵ֣י יִשְׂרָאֵ֑ל אֵ֥ין יֹוצֵ֖א וְאֵ֥ין בָּֽא׃ ס

2 וַיֹּ֤אמֶרa יְהוָה֙ אֶל־יְהֹושֻׁ֔עַ רְאֵה֙b נָתַ֣תִּיc בְיָֽדְךָ֔ אֶת־יְרִיחֹ֖ו וְאֶת־מַלְכָּ֑הּ גִּבֹּורֵ֖י הֶחָֽיִל׃

3 וְסַבֹּתֶ֣םa אֶת־הָעִ֗יר כֹּ֚ל אַנְשֵׁ֣י הַמִּלְחָמָ֔ה הַקֵּ֥יףb אֶת־הָעִ֖יר פַּ֣עַם אֶחָ֑ת כֹּ֥ה תַעֲשֶׂ֖הc שֵׁ֥שֶׁת יָמִֽים׃

4 וְשִׁבְעָ֣ה כֹהֲנִ֡ים יִשְׂאוּ֩a שִׁבְעָ֨ה שֹׁופְרֹ֤ות הַיֹּֽובְלִים֙b לִפְנֵ֣י הָאָרֹ֔ון וּבַיֹּום֙ הַשְּׁבִיעִ֔י תָּסֹ֥בּוּc אֶת־הָעִ֖יר שֶׁ֣בַע פְּעָמִ֑ים וְהַכֹּ֣הֲנִ֔ים יִתְקְע֖וּd בַּשֹּׁופָרֹֽות׃

5 וְהָיָ֞הa בִּמְשֹׁ֣ךְb ׀ בְּקֶ֣רֶן הַיֹּובֵ֗לc בשׁמעכםd אֶת־קֹ֣ול הַשֹּׁופָ֔ר יָרִ֥יעוּe כָל־הָעָ֖ם תְּרוּעָ֣הf גְדֹולָ֑ה וְנָ֨פְלָ֜הg חֹומַ֤ת הָעִיר֙ תַּחְתֶּ֔יהָ וְעָל֥וּh הָעָ֖ם אִ֥ישׁ נֶגְדֹּֽו׃

6 וַיִּקְרָ֞אa יְהֹושֻׁ֤עַ בִּן־נוּן֙b אֶל־הַכֹּ֣הֲנִ֔ים וַיֹּ֣אמֶרc אֲלֵהֶ֔ם שְׂא֖וּd אֶת־אֲרֹ֣ון הַבְּרִ֑ית וְשִׁבְעָ֣ה כֹֽהֲנִ֗ים יִשְׂאוּ֙e שִׁבְעָ֤ה שֹֽׁופְרֹות֙ יֹובְלִ֔יםf לִפְנֵ֖י אֲרֹ֥ון יְהוָֽה׃

7 ויאמרוa אֶל־הָעָ֔ם עִבְר֖וּb וְסֹ֣בּוּc אֶת־הָעִ֑יר וְהֶ֣חָל֔וּץd יַעֲבֹ֕רe לִפְנֵ֖י אֲרֹ֥ון יְהוָֽה׃

8 וַיְהִ֗יa כֶּאֱמֹ֣רb יְהֹושֻׁעַ֮ אֶל־הָעָם֒ וְשִׁבְעָ֣ה הַכֹּהֲנִ֡ים נֹשְׂאִים֩c שִׁבְעָ֨ה שֹׁופְרֹ֤ות הַיֹּֽובְלִים֙d לִפְנֵ֣י יְהוָ֔ה עָבְר֕וּe וְתָקְע֖וּf בַּשֹּֽׁופָרֹ֑ות וַֽאֲרֹון֙ בְּרִ֣ית יְהוָ֔ה הֹלֵ֖ךְg אַחֲרֵיהֶֽם׃

9 וְהֶחָל֣וּץa הֹלֵ֔ךְb לִפְנֵי֙ הַכֹּ֣הֲנִ֔ים תקעוc הַשֹּֽׁופָרֹ֑ות וְהַֽמְאַסֵּ֗ף הֹלֵךְ֙d אַחֲרֵ֣י הָאָרֹ֔ון הָלֹ֖וךְe וְתָקֹ֥ועַf בַּשֹּׁופָרֹֽות׃

10 וְאֶת־הָעָם֩ צִוָּ֨הa יְהֹושֻׁ֜עַ לֵאמֹ֗רb לֹ֤א תָרִ֨יעוּ֙c וְלֹֽא־תַשְׁמִ֣יעוּd אֶת־קֹולְכֶ֔ם וְלֹא־יֵצֵ֥אe מִפִּיכֶ֖ם דָּבָ֑ר עַ֠ד יֹ֣ום אָמְרִ֧יf אֲלֵיכֶ֛ם הָרִ֖יעוּg וַהֲרִיעֹתֶֽםh ׃

11 וַיַּסֵּ֤בa אֲרֹון־יְהוָה֙ אֶת־הָעִ֔יר הַקֵּ֖ףb פַּ֣עַם אֶחָ֑ת וַיָּבֹ֨אוּ֙c הַֽמַּחֲנֶ֔ה וַיָּלִ֖ינוּd בַּֽמַּחֲנֶֽה׃ פ

12 וַיַּשְׁכֵּ֥םa יְהֹושֻׁ֖עַ בַּבֹּ֑קֶר וַיִּשְׂא֥וּb הַכֹּהֲנִ֖ים אֶת־אֲרֹ֥ון יְהוָֽה׃

13 וְשִׁבְעָ֣ה הַכֹּהֲנִ֡ים נֹשְׂאִים֩a שִׁבְעָ֨ה שֹׁופְרֹ֜ות הַיֹּבְלִ֗יםb לִפְנֵי֙ אֲרֹ֣ון יְהוָ֔ה הֹלְכִ֣יםc הָלֹ֔וךְd וְתָקְע֖וּe בַּשֹּׁופָרֹ֑ות וְהֶחָלוּץ֙f הֹלֵ֣ךְg לִפְנֵיהֶ֔ם וְהַֽמְאַסֵּ֗ף הֹלֵךְ֙h אַֽחֲרֵי֙ אֲרֹ֣ון יְהוָ֔ה הולךi וְתָקֹ֥ועַj בַּשֹּׁופָרֹֽות׃

14 וַיָּסֹ֨בּוּa אֶת־הָעִ֜יר בַּיֹּ֤ום הַשֵּׁנִי֙ פַּ֣עַם אַחַ֔ת וַיָּשֻׁ֖בוּb הַֽמַּחֲנֶ֑ה כֹּ֥ה עָשׂ֖וּc שֵׁ֥שֶׁת יָמִֽים׃

15 וַיְהִ֣יa ׀ בַּיֹּ֣ום הַשְּׁבִיעִ֗י וַיַּשְׁכִּ֨מוּ֙b כַּעֲלֹ֣ותc הַשַּׁ֔חַרd וַיָּסֹ֧בּוּe אֶת־הָעִ֛יר כַּמִּשְׁפָּ֥ט הַזֶּ֖ה שֶׁ֣בַע פְּעָמִ֑ים רַ֚ק בַּיֹּ֣ום הַה֔וּא סָבְב֥וּf אֶת־הָעִ֖יר שֶׁ֥בַע פְּעָמִֽים׃

16 וַיְהִי֙a בַּפַּ֣עַם הַשְּׁבִיעִ֔ית תָּקְע֥וּb הַכֹּהֲנִ֖ים בַּשֹּׁופָרֹ֑ות וַיֹּ֨אמֶרc יְהֹושֻׁ֤עַ אֶל־הָעָם֙ הָרִ֔יעוּd כִּֽי־נָתַ֧ןe יְהוָ֛ה לָכֶ֖ם אֶת־הָעִֽיר׃

17 וְהָיְתָ֨הa הָעִ֥יר חֵ֛רֶםb הִ֥יא וְכָל־אֲשֶׁר־בָּ֖הּ לַֽיהוָ֑ה רַק֩ רָחָ֨בc הַזֹּונָ֜ה תִּֽחְיֶ֗הd הִ֚יא וְכָל־אֲשֶׁ֣ר אִתָּ֣הּ בַּבַּ֔יִת כִּ֣י הֶחְבְּאַ֔תָהe אֶת־הַמַּלְאָכִ֖ים אֲשֶׁ֥ר שָׁלָֽחְנוּf ׃

18 וְרַק־אַתֶּם֙ שִׁמְר֣וּa מִן־הַחֵ֔רֶםb פֶּֽן־תַּחֲרִ֖ימוּc וּלְקַחְתֶּ֣םd מִן־הַחֵ֑רֶםe וְשַׂמְתֶּ֞םf אֶת־מַחֲנֵ֤ה יִשְׂרָאֵל֙ לְחֵ֔רֶםg וַעֲכַרְתֶּ֖םh אֹותֹֽו׃

19 וְכֹ֣ל׀ כֶּ֣סֶף וְזָהָ֗ב וּכְלֵ֤י נְחֹ֨שֶׁת֙ וּבַרְזֶ֔ל קֹ֥דֶשׁ ה֖וּא לַֽיהוָ֑ה אֹוצַ֥ר יְהוָ֖ה יָבֹֽואa ׃

20 וַיָּ֣רַעa הָעָ֔ם וַֽיִּתְקְע֖וּb בַּשֹּֽׁפָרֹ֑ות וַיְהִי֩c כִשְׁמֹ֨עַd הָעָ֜ם אֶת־קֹ֣ול הַשֹּׁופָ֗ר וַיָּרִ֤יעוּe הָעָם֙ תְּרוּעָ֣הf גְדֹולָ֔ה וַתִּפֹּ֨לg הַֽחֹומָ֜ה תַּחְתֶּ֗יהָ וַיַּ֨עַלh הָעָ֤ם הָעִ֨ירָה֙ אִ֣ישׁ נֶגְדֹּ֔ו וַֽיִּלְכְּד֖וּi אֶת־הָעִֽיר׃

21 וַֽיַּחֲרִ֨ימוּ֙a אֶת־כָּל־אֲשֶׁ֣ר בָּעִ֔יר מֵאִישׁ֙ וְעַד־אִשָּׁ֔ה מִנַּ֖עַר וְעַד־זָקֵ֑ן וְעַ֨ד שֹׁ֥ור וָשֶׂ֛הb וַחֲמֹ֖ור לְפִי־חָֽרֶב׃

22 וְלִשְׁנַ֨יִם הָאֲנָשִׁ֜ים הַֽמְרַגְּלִ֤יםa אֶת־הָאָ֨רֶץ֙ אָמַ֣רb יְהֹושֻׁ֔עַ בֹּ֖אוּc בֵּית־הָאִשָּׁ֣ה הַזֹּונָ֑ה וְהֹוצִ֨יאוּd מִשָּׁ֤ם אֶת־הָֽאִשָּׁה֙ וְאֶת־כָּל־אֲשֶׁר־לָ֔הּ כַּאֲשֶׁ֥ר נִשְׁבַּעְתֶּ֖םe לָֽהּ׃

23 וַיָּבֹ֜אוּa הַנְּעָרִ֣ים הַֽמְרַגְּלִ֗יםb וַיֹּצִ֡יאוּc אֶת־רָ֠חָבd וְאֶת־אָבִ֨יהָ וְאֶת־אִמָּ֤הּ וְאֶת־אַחֶ֨יהָ֙ וְאֶת־כָּל־אֲשֶׁר־לָ֔הּ וְאֵ֥ת כָּל־מִשְׁפְּחֹותֶ֖יהָ הֹוצִ֑יאוּe וַיַּ֨נִּיח֔וּםf מִח֖וּץ לְמַחֲנֵ֥ה יִשְׂרָאֵֽל׃

24 וְהָעִ֛יר שָׂרְפ֥וּa בָאֵ֖שׁ וְכָל־אֲשֶׁר־בָּ֑הּ רַ֣ק׀ הַכֶּ֣סֶף וְהַזָּהָ֗ב וּכְלֵ֤י הַנְּחֹ֨שֶׁת֙ וְהַבַּרְזֶ֔ל נָתְנ֖וּb אֹוצַ֥ר בֵּית־יְהוָֽה׃

25 וְֽאֶת־רָחָ֣בa הַ֠זֹּונָה וְאֶת־בֵּ֨ית אָבִ֤יהָ וְאֶת־כָּל־אֲשֶׁר־לָהּ֙ הֶחֱיָ֣הb יְהֹושֻׁ֔עַ וַתֵּ֨שֶׁב֙c בְּקֶ֣רֶב יִשְׂרָאֵ֔ל עַ֖ד הַיֹּ֣ום הַזֶּ֑ה כִּ֤י הֶחְבִּ֨יאָה֙d אֶת־הַמַּלְאָכִ֔ים אֲשֶׁר־שָׁלַ֥חe יְהֹושֻׁ֖עַ לְרַגֵּ֥לf אֶת־יְרִיחֹֽו׃ פ

26 וַיַּשְׁבַּ֣עa יְהֹושֻׁ֔עַ בָּעֵ֥ת הַהִ֖יא לֵאמֹ֑רb אָר֨וּרc הָאִ֜ישׁ לִפְנֵ֣י יְהוָ֗ה אֲשֶׁ֤ר יָקוּם֙d וּבָנָ֞הe אֶת־הָעִ֤יר הַזֹּאת֙ אֶת־יְרִיחֹ֔ו בִּבְכֹרֹ֣ו יְיַסְּדֶ֔נָּהf וּבִצְעִירֹ֖וg יַצִּ֥יבh דְּלָתֶֽיהָ׃

27 וַיְהִ֥יa יְהוָ֖ה אֶת־יְהֹושֻׁ֑עַ וַיְהִ֥יb שָׁמְעֹ֖וc בְּכָל־הָאָֽרֶץ׃

וַיִּמְעֲל֧וּa בְנֵֽי־יִשְׂרָאֵ֛ל מַ֖עַלb בַּחֵ֑רֶםc וַיִּקַּ֡חd עָכָ֣ןe בֶּן־כַּרְמִי֩f בֶן־זַבְדִּ֨יg בֶן־זֶ֜רַחh לְמַטֵּ֤ה יְהוּדָה֙ מִן־הַחֵ֔רֶםi וַיִּֽחַרj ־אַ֥ף יְהוָ֖ה בִּבְנֵ֥י יִשְׂרָאֵֽל׃

2 וַיִּשְׁלַח֩a יְהֹושֻׁ֨עַ אֲנָשִׁ֜ים מִֽירִיחֹ֗ו הָעַ֞יb אֲשֶׁ֨ר עִם־בֵּ֥ית אָ֨וֶן֙c מִקֶּ֣דֶם לְבֵֽית־אֵ֔ל וַיֹּ֤אמֶרd אֲלֵיהֶם֙ לֵאמֹ֔רe עֲל֖וּf וְרַגְּל֣וּg אֶת־הָאָ֑רֶץ וַֽיַּעֲלוּ֙h הָאֲנָשִׁ֔ים וַֽיְרַגְּל֖וּi אֶת־הָעָֽיj ׃

3 וַיָּשֻׁ֣בוּa אֶל־יְהֹושֻׁ֗עַ וַיֹּאמְר֣וּb אֵלָיו֮ אַל־יַ֣עַלc כָּל־הָעָם֒ כְּאַלְפַּ֣יִם אִ֗ישׁ אֹ֚ו כִּשְׁלֹ֣שֶׁת אֲלָפִ֣ים אִ֔ישׁ יַעֲל֖וּd וְיַכּ֣וּe אֶת־הָעָ֑יf אַל־תְּיַגַּעg ־שָׁ֨מָּה֙ אֶת־כָּל־הָעָ֔ם כִּ֥י מְעַ֖ט הֵֽמָּה׃

4 וַיַּעֲל֤וּa מִן־הָעָם֙ שָׁ֔מָּה כִּשְׁלֹ֥שֶׁת אֲלָפִ֖ים אִ֑ישׁ וַיָּנֻ֕סוּb לִפְנֵ֖י אַנְשֵׁ֥י הָעָֽיc ׃

5 וַיַּכּ֨וּa מֵהֶ֜ם אַנְשֵׁ֣י הָעַ֗יb כִּשְׁלֹשִׁ֤ים וְשִׁשָּׁה֙ אִ֔ישׁ וַֽיִּרְדְּפ֞וּםc לִפְנֵ֤י הַשַּׁ֨עַר֙ עַד־הַשְּׁבָרִ֔יםd וַיַּכּ֖וּםe בַּמֹּורָ֑דf וַיִּמַּ֥סg לְבַב־הָעָ֖ם וַיְהִ֥יh לְמָֽיִם׃

6 וַיִּקְרַ֨עa יְהֹושֻׁ֜עַ שִׂמְלֹתָ֗יוb וַיִּפֹּל֩c עַל־פָּנָ֨יו אַ֜רְצָה לִפְנֵ֨י אֲרֹ֤ון יְהוָה֙ עַד־הָעֶ֔רֶב ה֖וּא וְזִקְנֵ֣י יִשְׂרָאֵ֑ל וַיַּעֲל֥וּd עָפָ֖ר עַל־רֹאשָֽׁם׃

7 וַיֹּ֨אמֶרa יְהֹושֻׁ֜עַ אֲהָ֣הּb ׀ אֲדֹנָ֣י יְהוִ֗ה לָ֠מָה הֵעֲבַ֨רְתָּc הַעֲבִ֜יר אֶת־הָעָ֤ם הַזֶּה֙ אֶת־הַיַּרְדֵּ֔ן לָתֵ֥תd אֹתָ֛נוּ בְּיַ֥ד הָאֱמֹרִ֖י לְהַאֲבִידֵ֑נוּe וְלוּ֙f הֹואַ֣לְנוּg וַנֵּ֔שֶׁבh בְּעֵ֖בֶר הַיַּרְדֵּֽן׃

8 בִּ֖יa אֲדֹנָ֑י מָ֣ה אֹמַ֔רb אַ֠חֲרֵי אֲשֶׁ֨ר הָפַ֧ךְc יִשְׂרָאֵ֛ל עֹ֖רֶףd לִפְנֵ֥י אֹיְבָֽיו׃

9 וְיִשְׁמְע֣וּa הַֽכְּנַעֲנִ֗י וְכֹל֙ יֹשְׁבֵ֣י הָאָ֔רֶץ וְנָסַ֣בּוּb עָלֵ֔ינוּ וְהִכְרִ֥יתוּc אֶת־שְׁמֵ֖נוּ מִן־הָאָ֑רֶץ וּמַֽה־תַּעֲשֵׂ֖הd לְשִׁמְךָ֥ הַגָּדֹֽול׃ ס

10 וַיֹּ֧אמֶרa יְהוָ֛ה אֶל־יְהֹושֻׁ֖עַ קֻ֣םb לָ֑ךְ לָ֣מָּה זֶּ֔ה אַתָּ֖ה נֹפֵ֥לc עַל־פָּנֶֽיךָ׃

11 חָטָא֙a יִשְׂרָאֵ֔ל וְגַם֙ עָבְר֣וּb אֶת־בְּרִיתִ֔י אֲשֶׁ֥ר צִוִּ֖יתִיc אֹותָ֑ם וְגַ֤ם לָֽקְחוּ֙d מִן־הַחֵ֔רֶםe וְגַ֤ם גָּֽנְבוּ֙f וְגַ֣ם כִּֽחֲשׁ֔וּg וְגַ֖ם שָׂ֥מוּh בִכְלֵיהֶֽם׃

12 וְלֹ֨א יֻכְל֜וּa בְּנֵ֣י יִשְׂרָאֵ֗ל לָקוּם֙b לִפְנֵ֣י אֹיְבֵיהֶ֔ם עֹ֗רֶףc יִפְנוּ֙d לִפְנֵ֣י אֹֽיְבֵיהֶ֔ם כִּ֥י הָי֖וּe לְחֵ֑רֶםf לֹ֤א אֹוסִיף֙g לִֽהְיֹ֣ותh עִמָּכֶ֔ם אִם־לֹ֥א תַשְׁמִ֛ידוּi הַחֵ֖רֶםj מִֽקִּרְבְּכֶֽם׃

13 קֻ֚םa קַדֵּ֣שׁb אֶת־הָעָ֔ם וְאָמַרְתָּ֖c הִתְקַדְּשׁ֣וּd לְמָחָ֑ר כִּ֣י כֹה֩ אָמַ֨רe יְהוָ֜ה אֱלֹהֵ֣י יִשְׂרָאֵ֗ל חֵ֤רֶםf בְּקִרְבְּךָ֙ יִשְׂרָאֵ֔ל לֹ֣א תוּכַ֗לg לָקוּם֙h לִפְנֵ֣י אֹיְבֶ֔יךָ עַד־הֲסִירְכֶ֥םi הַחֵ֖רֶםj מִֽקִּרְבְּכֶֽם׃

14 וְנִקְרַבְתֶּ֥םa בַּבֹּ֖קֶר לְשִׁבְטֵיכֶ֑ם וְהָיָ֡הb הַשֵּׁבֶט֩ אֲשֶׁר־יִלְכְּדֶ֨נּוּc יְהוָ֜ה יִקְרַ֣בd לַמִּשְׁפָּחֹ֗ות וְהַמִּשְׁפָּחָ֞ה אֲשֶֽׁר־יִלְכְּדֶ֤נָּהe יְהוָה֙ תִּקְרַ֣בf לַבָּתִּ֔ים וְהַבַּ֨יִת֙ אֲשֶׁ֣ר יִלְכְּדֶ֣נּוּg יְהוָ֔ה יִקְרַ֖בh לַגְּבָרִֽים׃

15 וְהָיָה֙a הַנִּלְכָּ֣דb בַּחֵ֔רֶםc יִשָּׂרֵ֣ףd בָּאֵ֔שׁ אֹתֹ֖ו וְאֶת־כָּל־אֲשֶׁר־לֹ֑ו כִּ֤י עָבַר֙e אֶת־בְּרִ֣ית יְהוָ֔ה וְכִֽי־עָשָׂ֥הf נְבָלָ֖הg בְּיִשְׂרָאֵֽל׃

16 וַיַּשְׁכֵּ֤םa יְהֹושֻׁ֨עַ֙ בַּבֹּ֔קֶר וַיַּקְרֵ֥בb אֶת־יִשְׂרָאֵ֖ל לִשְׁבָטָ֑יו וַיִּלָּכֵ֖דc שֵׁ֥בֶט יְהוּדָֽה׃

17 וַיַּקְרֵב֙a אֶת־מִשְׁפַּ֣חַת יְהוּדָ֔ה וַיִּלְכֹּ֕דb אֵ֖ת מִשְׁפַּ֣חַת הַזַּרְחִ֑יc וַיַּקְרֵ֞בd אֶת־מִשְׁפַּ֤חַת הַזַּרְחִי֙e לַגְּבָרִ֔ים וַיִּלָּכֵ֖דf זַבְדִּֽיg ׃

18 וַיַּקְרֵ֥בa אֶת־בֵּיתֹ֖ו לַגְּבָרִ֑ים וַיִּלָּכֵ֗דb עָכָ֞ןc בֶּן־כַּרְמִ֧יd בֶן־זַבְדִּ֛יe בֶּן־זֶ֖רַחf לְמַטֵּ֥ה יְהוּדָֽה׃

19 וַיֹּ֨אמֶרa יְהֹושֻׁ֜עַ אֶל־עָכָ֗ןb בְּנִי֙ שִֽׂיםc ־נָ֣א כָבֹ֗וד לַֽיהוָ֛ה אֱלֹהֵ֥י יִשְׂרָאֵ֖ל וְתֶןd ־לֹ֣ו תֹודָ֑הe וְהַגֶּדf ־נָ֥א לִי֙ מֶ֣ה עָשִׂ֔יתָg אַל־תְּכַחֵ֖דh מִמֶּֽנִּי׃

20 וַיַּ֧עַןa עָכָ֛ןb אֶת־יְהֹושֻׁ֖עַ וַיֹּאמַ֑רc אָמְנָ֗הd אָנֹכִ֤י חָטָ֨אתִי֙e לַֽיהוָה֙ אֱלֹהֵ֣י יִשְׂרָאֵ֔ל וְכָזֹ֥את וְכָזֹ֖את עָשִֽׂיתִיf ׃

21 ואראהa בַשָּׁלָ֡ל אַדֶּ֣רֶתb שִׁנְעָר֩c אַחַ֨ת טֹובָ֜ה וּמָאתַ֧יִם שְׁקָלִ֣ים כֶּ֗סֶף וּלְשֹׁ֨ון זָהָ֤ב אֶחָד֙ חֲמִשִּׁ֤ים שְׁקָלִים֙ מִשְׁקָלֹ֔וd וָֽאֶחְמְדֵ֖םe וָֽאֶקָּחֵ֑םf וְהִנָּ֨ם טְמוּנִ֥יםg בָּאָ֛רֶץ בְּתֹ֥וךְ הָאָֽהֳלִ֖י וְהַכֶּ֥סֶף תַּחְתֶּֽיהָ׃

22 וַיִּשְׁלַ֤חa יְהֹושֻׁ֨עַ֙ מַלְאָכִ֔ים וַיָּרֻ֖צוּb הָאֹ֑הֱלָה וְהִנֵּ֧ה טְמוּנָ֛הc בְּאָהֳלֹ֖ו וְהַכֶּ֥סֶף תַּחְתֶּֽיהָ׃

23 וַיִּקָּחוּם֙a מִתֹּ֣וךְ הָאֹ֔הֶל וַיְבִאוּם֙b אֶל־יְהֹושֻׁ֔עַ וְאֶ֖ל כָּל־בְּנֵ֣י יִשְׂרָאֵ֑ל וַיַּצִּקֻ֖םc לִפְנֵ֥י יְהוָֽה׃

24 וַיִּקַּ֣חa יְהֹושֻׁ֣עַ אֶת־עָכָ֣ןb בֶּן־זֶ֡רַחc וְאֶת־הַכֶּ֣סֶף וְאֶת־הָאַדֶּ֣רֶתd וְֽאֶת־לְשֹׁ֣ון הַזָּהָ֡ב וְֽאֶת־בָּנָ֡יו וְֽאֶת־בְּנֹתָ֡יו וְאֶת־שֹׁורֹו֩ וְאֶת־חֲמֹרֹ֨ו וְאֶת־צֹאנֹ֤ו וְאֶֽת־אָהֳלֹו֙ וְאֶת־כָּל־אֲשֶׁר־לֹ֔ו וְכָל־יִשְׂרָאֵ֖ל עִמֹּ֑ו וַיַּעֲל֥וּe אֹתָ֖ם עֵ֥מֶק עָכֹֽורf ׃

25 וַיֹּ֤אמֶרa יְהֹושֻׁ֨עַ֙ מֶ֣ה עֲכַרְתָּ֔נוּb יַעְכֳּרְךָ֥c יְהוָ֖ה בַּיֹּ֣ום הַזֶּ֑ה וַיִּרְגְּמ֨וּd אֹתֹ֤ו כָל־יִשְׂרָאֵל֙ אֶ֔בֶן וַיִּשְׂרְפ֤וּe אֹתָם֙ בָּאֵ֔שׁ וַיִּסְקְל֥וּf אֹתָ֖ם בָּאֲבָנִֽים׃

26 וַיָּקִ֨ימוּa עָלָ֜יו גַּלb ־אֲבָנִ֣ים גָּדֹ֗ול עַ֚ד הַיֹּ֣ום הַזֶּ֔ה וַיָּ֥שָׁבc יְהוָ֖ה מֵחֲרֹ֣וןd אַפֹּ֑ו עַל־כֵּ֠ן קָרָ֞אe שֵׁ֣ם הַמָּקֹ֤ום הַהוּא֙ עֵ֣מֶק עָכֹ֔ורf עַ֖ד הַיֹּ֥ום הַזֶּֽה׃ פ

וַיֹּ֨אמֶרa יְהוָ֤ה אֶל־יְהֹושֻׁ֨עַ֙ אַל־תִּירָ֣אb וְאַל־תֵּחָ֔תc קַ֣חd עִמְּךָ֗ אֵ֚ת כָּל־עַ֣ם הַמִּלְחָמָ֔ה וְק֖וּםe עֲלֵ֣הf הָעָ֑יg רְאֵ֣הh ׀ נָתַ֣תִּיi בְיָדְךָ֗ אֶת־מֶ֤לֶךְ הָעַי֙j וְאֶת־עַמֹּ֔ו וְאֶת־עִירֹ֖ו וְאֶת־אַרְצֹֽו׃

2 וְעָשִׂ֨יתָa לָעַ֜יb וּלְמַלְכָּ֗הּ כַּאֲשֶׁ֨ר עָשִׂ֤יתָc לִֽירִיחֹו֙ וּלְמַלְכָּ֔הּ רַק־שְׁלָלָ֥הּ וּבְהֶמְתָּ֖הּ תָּבֹ֣זּוּd לָכֶ֑ם שִׂיםe ־לְךָ֥ אֹרֵ֛בf לָעִ֖יר מֵאַחֲרֶֽיהָ׃

3 וַיָּ֧קָםa יְהֹושֻׁ֛עַ וְכָל־עַ֥ם הַמִּלְחָמָ֖ה לַעֲלֹ֣ותb הָעָ֑יc וַיִּבְחַ֣רd יְ֠הֹושֻׁעַ שְׁלֹשִׁ֨ים אֶ֤לֶף אִישׁ֙ גִּבֹּורֵ֣י הַחַ֔יִל וַיִּשְׁלָחֵ֖םe לָֽיְלָה׃

4 וַיְצַ֨וa אֹתָ֜ם לֵאמֹ֗רb רְ֠אוּc אַתֶּ֞ם אֹרְבִ֤יםd לָעִיר֙ מֵאַחֲרֵ֣י הָעִ֔יר אַל־תַּרְחִ֥יקוּe מִן־הָעִ֖יר מְאֹ֑ד וִהְיִיתֶ֥םf כֻּלְּכֶ֖ם נְכֹנִֽים׃

5 וַאֲנִ֗י וְכָל־הָעָם֙ אֲשֶׁ֣ר אִתִּ֔י נִקְרַ֖בa אֶל־הָעִ֑יר וְהָיָ֗הb כִּֽי־יֵצְא֤וּc לִקְרָאתֵ֨נוּ֙d כַּאֲשֶׁ֣ר בָּרִֽאשֹׁנָ֔ה וְנַ֖סְנוּe לִפְנֵיהֶֽם׃

6 וְיָצְא֣וּa אַחֲרֵ֗ינוּ עַ֣ד הַתִּיקֵ֤נוּb אֹותָם֙ מִן־הָעִ֔יר כִּ֣י יֹֽאמְר֔וּc נָסִ֣יםd לְפָנֵ֔ינוּ כַּאֲשֶׁ֖ר בָּרִֽאשֹׁנָ֑ה וְנַ֖סְנוּe לִפְנֵיהֶֽם׃

7 וְאַתֶּ֗ם תָּקֻ֨מוּ֙a מֵהָ֣אֹורֵ֔בb וְהֹורַשְׁתֶּ֖םc אֶת־הָעִ֑יר וּנְתָנָ֛הּd יְהוָ֥ה אֱלֹֽהֵיכֶ֖ם בְּיֶדְכֶֽם׃

8 וְהָיָ֞הa כְּתָפְשְׂכֶ֣םb אֶת־הָעִ֗יר תַּצִּ֤יתוּc אֶת־הָעִיר֙ בָּאֵ֔שׁ כִּדְבַ֥ר יְהוָ֖ה תַּעֲשׂ֑וּd רְא֖וּe צִוִּ֥יתִיf אֶתְכֶֽם׃

9 וַיִּשְׁלָחֵ֣םa יְהֹושֻׁ֗עַ וַיֵּֽלְכוּ֙b אֶל־הַמַּאְרָ֔בc וַיֵּשְׁב֗וּd בֵּ֧ין בֵּֽית־אֵ֛ל וּבֵ֥ין הָעַ֖יe מִיָּ֣ם לָעָ֑יf וַיָּ֧לֶןg יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעָֽם׃

10 וַיַּשְׁכֵּ֤םa יְהֹושֻׁ֨עַ֙ בַּבֹּ֔קֶר וַיִּפְקֹ֖דb אֶת־הָעָ֑ם וַיַּ֨עַלc ה֜וּא וְזִקְנֵ֧י יִשְׂרָאֵ֛ל לִפְנֵ֥י הָעָ֖ם הָעָֽיd ׃

11 וְכָל־הָעָ֨ם הַמִּלְחָמָ֜ה אֲשֶׁ֣ר אִתֹּ֗ו עָלוּ֙a וַֽיִּגְּשׁ֔וּb וַיָּבֹ֖אוּc נֶ֣גֶד הָעִ֑יר וַֽיַּחֲנוּ֙d מִצְּפֹ֣ון לָעַ֔יe וְהַגַּ֖י בינוf וּבֵין־הָעָֽיg ׃

12 וַיִּקַּ֕חa כַּחֲמֵ֥שֶׁת אֲלָפִ֖ים אִ֑ישׁ וַיָּ֨שֶׂםb אֹותָ֜ם אֹרֵ֗בc בֵּ֧ין בֵּֽית־אֵ֛ל וּבֵ֥ין הָעַ֖יd מִיָּ֥ם לָעִֽיר׃

13 וַיָּשִׂ֨ימוּa הָעָ֜ם אֶת־כָּל־הַֽמַּחֲנֶ֗ה אֲשֶׁר֙ מִצְּפֹ֣ון לָעִ֔יר וְאֶת־עֲקֵבֹ֖וb מִיָּ֣ם לָעִ֑יר וַיֵּ֧לֶךְc יְהֹושֻׁ֛עַ בַּלַּ֥יְלָה הַה֖וּא בְּתֹ֥וךְ הָעֵֽמֶק׃

14 וַיְהִ֞יa כִּרְאֹ֣ותb מֶֽלֶךְ־הָעַ֗יc וַֽיְמַהֲר֡וּd וַיַּשְׁכִּ֡ימוּe וַיֵּצְא֣וּf אַנְשֵֽׁי־הָעִ֣יר לִקְרַֽאתg ־יִ֠שְׂרָאֵל לַֽמִּלְחָמָ֞ה ה֧וּא וְכָל־עַמֹּ֛ו לַמֹּועֵ֖ד לִפְנֵ֣י הָֽעֲרָבָ֑ה וְהוּא֙ לֹ֣א יָדַ֔עh כִּֽי־אֹרֵ֥בi לֹ֖ו מֵאַחֲרֵ֥י הָעִֽיר׃

15 וַיִּנָּֽגְע֛וּa יְהֹושֻׁ֥עַ וְכָל־יִשְׂרָאֵ֖ל לִפְנֵיהֶ֑ם וַיָּנֻ֖סוּb דֶּ֥רֶךְ הַמִּדְבָּֽר׃

16 וַיִּזָּעֲק֗וּa כָּל־הָעָם֙ אֲשֶׁ֣ר בעירb לִרְדֹּ֖ףc אַחֲרֵיהֶ֑ם וַֽיִּרְדְּפוּ֙d אַחֲרֵ֣י יְהֹושֻׁ֔עַ וַיִּנָּתְק֖וּe מִן־הָעִֽיר׃

17 וְלֹֽא־נִשְׁאַ֣רa אִ֗ישׁ בָּעַי֙b וּבֵ֣ית אֵ֔ל אֲשֶׁ֥ר לֹֽא־יָצְא֖וּc אַחֲרֵ֣י יִשְׂרָאֵ֑ל וַיַּעַזְב֤וּd אֶת־הָעִיר֙ פְּתוּחָ֔ה וַֽיִּרְדְּפ֖וּe אַחֲרֵ֥י יִשְׂרָאֵֽל׃ פ

18 וַיֹּ֨אמֶרa יְהוָ֜ה אֶל־יְהֹושֻׁ֗עַ נְ֠טֵהb בַּכִּידֹ֤וןc אֲשֶׁר־בְּיָֽדְךָ֙ אֶל־הָעַ֔יd כִּ֥י בְיָדְךָ֖ אֶתְּנֶ֑נָּהe וַיֵּ֧טf יְהֹושֻׁ֛עַ בַּכִּידֹ֥וןg אֲשֶׁר־בְּיָדֹ֖ו אֶל־הָעִֽיר׃

19 וְהָאֹורֵ֡בa קָם֩b מְהֵרָ֨הc מִמְּקֹומֹ֤ו וַיָּר֨וּצוּ֙d כִּנְטֹ֣ותe יָדֹ֔ו וַיָּבֹ֥אוּf הָעִ֖יר וַֽיִּלְכְּד֑וּהָg וַֽיְמַהֲר֔וּh וַיַּצִּ֥יתוּi אֶת־הָעִ֖יר בָּאֵֽשׁ׃

20 וַיִּפְנ֣וּa אַנְשֵׁי֩ הָעַ֨יb אַחֲרֵיהֶ֜ם וַיִּרְא֗וּc וְהִנֵּ֨ה עָלָ֜הd עֲשַׁ֤ןe הָעִיר֙ הַשָּׁמַ֔יְמָה וְלֹא־הָיָ֨הf בָהֶ֥ם יָדַ֛יִם לָנ֖וּסg הֵ֣נָּה וָהֵ֑נָּה וְהָעָם֙ הַנָּ֣סh הַמִּדְבָּ֔ר נֶהְפַּ֖ךְi אֶל־הָרֹודֵֽף׃

21 וִיהֹושֻׁ֨עַ וְכָֽל־יִשְׂרָאֵ֜ל רָא֗וּa כִּֽי־לָכַ֤דb הָֽאֹרֵב֙c אֶת־הָעִ֔יר וְכִ֥י עָלָ֖הd עֲשַׁ֣ןe הָעִ֑יר וַיָּשֻׁ֕בוּf וַיַּכּ֖וּg אֶת־אַנְשֵׁ֥י הָעָֽיh ׃

22 וְאֵ֨לֶּה יָצְא֤וּa מִן־הָעִיר֙ לִקְרָאתָ֔םb וַיִּֽהְי֤וּc לְיִשְׂרָאֵל֙ בַּתָּ֔וֶךְ אֵ֥לֶּה מִזֶּ֖ה וְאֵ֣לֶּה מִזֶּ֑ה וַיַּכּ֣וּd אֹותָ֔ם עַד־בִּלְתִּ֥י הִשְׁאִֽירe ־לֹ֖ו שָׂרִ֥ידf וּפָלִֽיטg ׃

23 וְאֶת־מֶ֥לֶךְ הָעַ֖יa תָּ֣פְשׂוּb חָ֑י וַיַּקְרִ֥בוּc אֹתֹ֖ו אֶל־יְהֹושֻֽׁעַ׃

24 וַיְהִ֣יa כְּכַלֹּ֣ותb יִשְׂרָאֵ֡ל לַהֲרֹג֩c אֶת־כָּל־יֹשְׁבֵ֨י הָעַ֜יd בַּשָּׂדֶ֗ה בַּמִּדְבָּר֙ אֲשֶׁ֣ר רְדָפ֣וּםe בֹּ֔ו וַֽיִּפְּל֥וּf כֻלָּ֛ם לְפִי־חֶ֖רֶב עַד־תֻּמָּ֑םg וַיָּשֻׁ֤בוּh כָל־יִשְׂרָאֵל֙ הָעַ֔יi וַיַּכּ֥וּj אֹתָ֖הּ לְפִי־חָֽרֶב׃

25 וַיְהִי֩a כָל־הַנֹּ֨פְלִ֜יםb בַּיֹּ֤ום הַהוּא֙ מֵאִ֣ישׁ וְעַד־אִשָּׁ֔ה שְׁנֵ֥ים עָשָׂ֖ר אָ֑לֶף כֹּ֖ל אַנְשֵׁ֥י הָעָֽיc ׃

26 וִיהֹושֻׁ֨עַ֙ לֹֽא־הֵשִׁ֣יבa יָדֹ֔ו אֲשֶׁ֥ר נָטָ֖הb בַּכִּידֹ֑וןc עַ֚ד אֲשֶׁ֣ר הֶחֱרִ֔יםd אֵ֖ת כָּל־יֹשְׁבֵ֥י הָעָֽיe ׃

27 רַ֣ק הַבְּהֵמָ֗ה וּשְׁלַל֙ הָעִ֣יר הַהִ֔יא בָּזְז֥וּa לָהֶ֖ם יִשְׂרָאֵ֑ל כִּדְבַ֣ר יְהוָ֔ה אֲשֶׁ֥ר צִוָּ֖הb אֶת־יְהֹושֻֽׁעַ׃

28 וַיִּשְׂרֹ֥ףa יְהֹושֻׁ֖עַ אֶת־הָעָ֑יb וַיְשִׂימֶ֤הָc תֵּלd ־עֹולָם֙ שְׁמָמָ֔ה עַ֖ד הַיֹּ֥ום הַזֶּֽה׃

29 וְאֶת־מֶ֧לֶךְ הָעַ֛יa תָּלָ֥הb עַל־הָעֵ֖ץ עַד־עֵ֣ת הָעָ֑רֶב וּכְבֹ֣ואc הַשֶּׁמֶשׁ֩ צִוָּ֨הd יְהֹושֻׁ֜עַ וַיֹּרִ֧ידוּe אֶת־נִבְלָתֹ֣וf מִן־הָעֵ֗ץ וַיַּשְׁלִ֤יכוּg אֹותָהּ֙ אֶל־פֶּ֨תַח֙ שַׁ֣עַר הָעִ֔יר וַיָּקִ֤ימוּh עָלָיו֙ גַּלi ־אֲבָנִ֣ים גָּדֹ֔ול עַ֖ד הַיֹּ֥ום הַזֶּֽה׃ פ

30 אָ֣ז יִבְנֶ֤הa יְהֹושֻׁ֨עַ֙ מִזְבֵּ֔חַ לַֽיהוָ֖ה אֱלֹהֵ֣י יִשְׂרָאֵ֑ל בְּהַ֖ר עֵיבָֽלb ׃

31 כַּאֲשֶׁ֣ר צִוָּה֩a מֹשֶׁ֨ה עֶֽבֶד־יְהוָ֜ה אֶת־בְּנֵ֣י יִשְׂרָאֵ֗ל כַּכָּתוּב֙b בְּסֵ֨פֶר֙ תֹּורַ֣ת מֹשֶׁ֔ה מִזְבַּח֙ אֲבָנִ֣ים שְׁלֵמֹ֔ותc אֲשֶׁ֛ר לֹֽא־הֵנִ֥יףd עֲלֵיהֶ֖ן בַּרְזֶ֑ל וַיַּעֲל֨וּe עָלָ֤יו עֹלֹות֙ לַֽיהוָ֔ה וַֽיִּזְבְּח֖וּf שְׁלָמִֽים׃

32 וַיִּכְתָּבa ־שָׁ֖ם עַל־הָאֲבָנִ֑ים אֵ֗ת מִשְׁנֵה֙b תֹּורַ֣ת מֹשֶׁ֔ה אֲשֶׁ֣ר כָּתַ֔בc לִפְנֵ֖י בְּנֵ֥י יִשְׂרָאֵֽל׃

33 וְכָל־יִשְׂרָאֵ֡ל וּזְקֵנָ֡יו וְשֹׁטְרִ֣יםa ׀ וְשֹׁפְטָ֡יו עֹמְדִ֣יםb מִזֶּ֣ה׀ וּמִזֶּ֣ה׀ לָאָרֹ֡ון נֶגֶד֩ הַכֹּהֲנִ֨ים הַלְוִיִּ֜ם נֹשְׂאֵ֣י׀ אֲרֹ֣ון בְּרִית־יְהוָ֗ה כַּגֵּר֙ כָּֽאֶזְרָ֔חc חֶצְיֹו֙ אֶל־מ֣וּלd הַר־גְּרִזִ֔יםe וְהַֽחֶצְיֹ֖ו אֶל־מ֣וּלf הַר־עֵיבָ֑לg כַּאֲשֶׁ֨ר צִוָּ֜הh מֹשֶׁ֣ה עֶֽבֶד־יְהוָ֗ה לְבָרֵ֛ךְi אֶת־הָעָ֥ם יִשְׂרָאֵ֖ל בָּרִאשֹׁנָֽה׃

34 וְאַֽחֲרֵי־כֵ֗ן קָרָא֙a אֶת־כָּל־דִּבְרֵ֣י הַתֹּורָ֔ה הַבְּרָכָ֖ה וְהַקְּלָלָ֑הb כְּכָל־הַכָּת֖וּבc בְּסֵ֥פֶר הַתֹּורָֽה׃

35 לֹֽא־הָיָ֣הa דָבָ֔ר מִכֹּ֖ל אֲשֶׁר־צִוָּ֣הb מֹשֶׁ֑ה אֲשֶׁ֨ר לֹֽא־קָרָ֜אc יְהֹושֻׁ֗עַ נֶ֣גֶד כָּל־קְהַ֤ל יִשְׂרָאֵל֙ וְהַנָּשִׁ֣ים וְהַטַּ֔ףd וְהַגֵּ֖ר הַהֹלֵ֥ךְe בְּקִרְבָּֽם׃ פ

וַיְהִ֣יa כִשְׁמֹ֣עַb כָּֽל־הַמְּלָכִ֡ים אֲשֶׁר֩ בְּעֵ֨בֶר הַיַּרְדֵּ֜ן בָּהָ֣ר וּבַשְּׁפֵלָ֗הc וּבְכֹל֙ חֹ֚וףd הַיָּ֣ם הַגָּדֹ֔ול אֶל־מ֖וּלe הַלְּבָנֹ֑ון הַֽחִתִּי֙f וְהָ֣אֱמֹרִ֔י הַֽכְּנַעֲנִי֙ הַפְּרִזִּ֔יg הַחִוִּ֖יh וְהַיְבוּסִֽיi ׃

2 וַיִּֽתְקַבְּצ֣וּa יַחְדָּ֔ו לְהִלָּחֵ֥םb עִם־יְהֹושֻׁ֖עַ וְעִם־יִשְׂרָאֵ֑ל פֶּ֖ה אֶחָֽד׃ פ

3 וְיֹשְׁבֵ֨י גִבְעֹ֜וןa שָׁמְע֗וּb אֵת֩ אֲשֶׁ֨ר עָשָׂ֧הc יְהֹושֻׁ֛עַ לִֽירִיחֹ֖ו וְלָעָֽיd ׃

4 וַיַּעֲשׂ֤וּa גַם־הֵ֨מָּה֙ בְּעָרְמָ֔הb וַיֵּלְכ֖וּc וַיִּצְטַיָּ֑רוּd וַיִּקְח֞וּe שַׂקִּ֤יםf בָּלִים֙g לַחֲמֹ֣ורֵיהֶ֔ם וְנֹאדֹ֥ותh יַ֨יִן֙ בָּלִ֔יםi וּמְבֻקָּעִ֖ים וּמְצֹרָרִֽיםj ׃

5 וּנְעָלֹ֨ותa בָּלֹ֤ותb וּמְטֻלָּאֹות֙c בְּרַגְלֵיהֶ֔ם וּשְׂלָמֹ֥ותd בָּלֹ֖ותe עֲלֵיהֶ֑ם וְכֹל֙ לֶ֣חֶם צֵידָ֔םf יָבֵ֖שׁg הָיָ֥הh נִקֻּדִֽיםi ׃

6 וַיֵּלְכ֧וּa אֶל־יְהֹושֻׁ֛עַ אֶל־הַֽמַּחֲנֶ֖ה הַגִּלְגָּ֑לb וַיֹּאמְר֨וּc אֵלָ֜יו וְאֶל־אִ֣ישׁ יִשְׂרָאֵ֗ל מֵאֶ֤רֶץ רְחֹוקָה֙ בָּ֔אנוּd וְעַתָּ֖ה כִּרְתוּe ־לָ֥נוּ בְרִֽית׃

7 ויאמרוa אִֽישׁ־יִשְׂרָאֵ֖ל אֶל־הַחִוִּ֑יb אוּלַ֗יc בְּקִרְבִּי֙ אַתָּ֣ה יֹושֵׁ֔בd וְאֵ֖יךְ אכרותe ־לְךָ֥ בְרִֽית׃

8 וַיֹּאמְר֥וּa אֶל־יְהֹושֻׁ֖עַ עֲבָדֶ֣יךָ אֲנָ֑חְנוּ וַיֹּ֨אמֶרb אֲלֵהֶ֧ם יְהֹושֻׁ֛עַ מִ֥י אַתֶּ֖ם וּמֵאַ֥יִןc תָּבֹֽאוּd ׃

9 וַיֹּאמְר֣וּa אֵלָ֗יו מֵאֶ֨רֶץ רְחֹוקָ֤ה מְאֹד֙ בָּ֣אוּb עֲבָדֶ֔יךָ לְשֵׁ֖ם יְהוָ֣ה אֱלֹהֶ֑יךָ כִּֽי־שָׁמַ֣עְנוּc שָׁמְעֹ֔וd וְאֵ֛ת כָּל־אֲשֶׁ֥ר עָשָׂ֖הe בְּמִצְרָֽיִם׃

10 וְאֵ֣ת׀ כָּל־אֲשֶׁ֣ר עָשָׂ֗הa לִשְׁנֵי֙ מַלְכֵ֣י הָאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן לְסִיחֹון֙b מֶ֣לֶךְ חֶשְׁבֹּ֔וןc וּלְעֹ֥וגd מֶֽלֶךְ־הַבָּשָׁ֖ן אֲשֶׁ֥ר בְּעַשְׁתָּרֹֽותe ׃

11 וַיֹּאמְר֣וּa אֵלֵ֡ינוּ זְֽקֵינֵינוּ֩ וְכָל־יֹשְׁבֵ֨י אַרְצֵ֜נוּ לֵאמֹ֗רb קְח֨וּc בְיֶדְכֶ֤ם צֵידָה֙d לַדֶּ֔רֶךְ וּלְכ֖וּe לִקְרָאתָ֑םf וַאֲמַרְתֶּ֤םg אֲלֵיהֶם֙ עַבְדֵיכֶ֣ם אֲנַ֔חְנוּ וְעַתָּ֖ה כִּרְתוּh ־לָ֥נוּ בְרִֽית׃

12 זֶ֣ה׀ לַחְמֵ֗נוּ חָ֞םa הִצְטַיַּ֤דְנוּb אֹתֹו֙ מִבָּ֣תֵּ֔ינוּ בְּיֹ֥ום צֵאתֵ֖נוּc לָלֶ֣כֶתd אֲלֵיכֶ֑ם וְעַתָּה֙ הִנֵּ֣ה יָבֵ֔שׁe וְהָיָ֖הf נִקֻּדִֽיםg ׃

13 וְאֵ֨לֶּה נֹאדֹ֤ותa הַיַּ֨יִן֙ אֲשֶׁ֣ר מִלֵּ֣אנוּb חֲדָשִׁ֔ים וְהִנֵּ֖ה הִתְבַּקָּ֑עוּc וְאֵ֤לֶּה שַׂלְמֹותֵ֨ינוּ֙d וּנְעָלֵ֔ינוּe בָּל֕וּf מֵרֹ֥ב הַדֶּ֖רֶךְ מְאֹֽד׃

14 וַיִּקְח֥וּa הָֽאֲנָשִׁ֖ים מִצֵּידָ֑םb וְאֶת־פִּ֥י יְהוָ֖ה לֹ֥א שָׁאָֽלוּc ׃

15 וַיַּ֨עַשׂa לָהֶ֤ם יְהֹושֻׁ֨עַ֙ שָׁלֹ֔ום וַיִּכְרֹ֥תb לָהֶ֛ם בְּרִ֖ית לְחַיֹּותָ֑םc וַיִּשָּׁבְע֣וּd לָהֶ֔ם נְשִׂיאֵ֖י הָעֵדָֽה׃

16 וַיְהִ֗יa מִקְצֵה֙ שְׁלֹ֣שֶׁת יָמִ֔ים אַחֲרֵ֕י אֲשֶׁר־כָּרְת֥וּb לָהֶ֖ם בְּרִ֑ית וַֽיִּשְׁמְע֗וּc כִּי־קְרֹבִ֥ים הֵם֙ אֵלָ֔יו וּבְקִרְבֹּ֖ו הֵ֥ם יֹשְׁבִֽיםd ׃

17 וַיִּסְע֣וּa בְנֵֽי־יִשְׂרָאֵ֗ל וַיָּבֹ֛אוּb אֶל־עָרֵיהֶ֖ם בַּיֹּ֣ום הַשְּׁלִישִׁ֑י וְעָרֵיהֶם֙ גִּבְעֹ֣וןc וְהַכְּפִירָ֔הd וּבְאֵרֹ֖ותe וְקִרְיַ֥ת יְעָרִֽיםf ׃

18 וְלֹ֤א הִכּוּם֙a בְּנֵ֣י יִשְׂרָאֵ֔ל כִּֽי־נִשְׁבְּע֤וּb לָהֶם֙ נְשִׂיאֵ֣י הָֽעֵדָ֔ה בַּֽיהוָ֖ה אֱלֹהֵ֣י יִשְׂרָאֵ֑ל וַיִּלֹּ֥נוּc כָל־הָעֵדָ֖ה עַל־הַנְּשִׂיאִֽים׃

19 וַיֹּאמְר֤וּa כָל־הַנְּשִׂיאִים֙ אֶל־כָּל־הָ֣עֵדָ֔ה אֲנַ֨חְנוּ֙ נִשְׁבַּ֣עְנוּb לָהֶ֔ם בַּֽיהוָ֖ה אֱלֹהֵ֣י יִשְׂרָאֵ֑ל וְעַתָּ֕ה לֹ֥א נוּכַ֖לc לִנְגֹּ֥עַd בָּהֶֽם׃

20 זֹ֛את נַעֲשֶׂ֥הa לָהֶ֖ם וְהַחֲיֵ֣הb אֹותָ֑ם וְלֹֽא־יִֽהְיֶ֤הc עָלֵ֨ינוּ֙ קֶ֔צֶףd עַל־הַשְּׁבוּעָ֖הe אֲשֶׁר־נִשְׁבַּ֥עְנוּf לָהֶֽם׃

21 וַיֹּאמְר֧וּa אֲלֵיהֶ֛ם הַנְּשִׂיאִ֖ים יִֽחְי֑וּb וַ֠יִּֽהְיוּc חֹטְבֵ֨יd עֵצִ֤ים וְשֹֽׁאֲבֵיe ־מַ֨יִם֙ לְכָל־הָ֣עֵדָ֔ה כַּאֲשֶׁ֛ר דִּבְּר֥וּf לָהֶ֖ם הַנְּשִׂיאִֽים׃

22 וַיִּקְרָ֤אa לָהֶם֙ יְהֹושֻׁ֔עַ וַיְדַבֵּ֥רb אֲלֵיהֶ֖ם לֵאמֹ֑רc לָמָּה֩ רִמִּיתֶ֨םd אֹתָ֜נוּ לֵאמֹ֗רe רְחֹוקִ֨ים אֲנַ֤חְנוּ מִכֶּם֙ מְאֹ֔ד וְאַתֶּ֖ם בְּקִרְבֵּ֥נוּ יֹשְׁבִֽיםf ׃

23 וְעַתָּ֖ה אֲרוּרִ֣ים אַתֶּ֑ם וְלֹֽא־יִכָּרֵ֨תa מִכֶּ֜ם עֶ֗בֶד וְחֹטְבֵ֥יb עֵצִ֛ים וְשֹֽׁאֲבֵיc ־מַ֖יִם לְבֵ֥ית אֱלֹהָֽי׃

24 וַיַּעֲנ֨וּa אֶת־יְהֹושֻׁ֜עַ וַיֹּאמְר֗וּb כִּי֩ הֻגֵּ֨ד הֻגַּ֤דc לַעֲבָדֶ֨יךָ֙ אֵת֩ אֲשֶׁ֨ר צִוָּ֜הd יְהוָ֤ה אֱלֹהֶ֨יךָ֙ אֶת־מֹשֶׁ֣ה עַבְדֹּ֔ו לָתֵ֤תe לָכֶם֙ אֶת־כָּל־הָאָ֔רֶץ וּלְהַשְׁמִ֛ידf אֶת־כָּל־יֹשְׁבֵ֥י הָאָ֖רֶץ מִפְּנֵיכֶ֑ם וַנִּירָ֨אg מְאֹ֤ד לְנַפְשֹׁתֵ֨ינוּ֙ מִפְּנֵיכֶ֔ם וַֽנַּעֲשֵׂ֖הh אֶת־הַדָּבָ֥ר הַזֶּֽה׃

25 וְעַתָּ֖ה הִנְנ֣וּ בְיָדֶ֑ךָ כַּטֹּ֨וב וְכַיָּשָׁ֧ר בְּעֵינֶ֛יךָ לַעֲשֹׂ֥ותa לָ֖נוּ עֲשֵֽׂהb ׃

26 וַיַּ֥עַשׂa לָהֶ֖ם כֵּ֑ן וַיַּצֵּ֥לb אֹותָ֛ם מִיַּ֥ד בְּנֵֽי־יִשְׂרָאֵ֖ל וְלֹ֥א הֲרָגֽוּםc ׃

27 וַיִּתְּנֵ֨םa יְהֹושֻׁ֜עַ בַּיֹּ֣ום הַה֗וּא חֹטְבֵ֥יb עֵצִ֛ים וְשֹׁ֥אֲבֵיc מַ֖יִם לָֽעֵדָ֑ה וּלְמִזְבַּ֤ח יְהוָה֙ עַד־הַיֹּ֣ום הַזֶּ֔ה אֶל־הַמָּקֹ֖ום אֲשֶׁ֥ר יִבְחָֽרd ׃ פ

וַיְהִי֩a כִשְׁמֹ֨עַb אֲדֹֽנִי־צֶ֜דֶקc מֶ֣לֶךְ יְרוּשָׁלִַ֗ם כִּֽי־לָכַ֨דd יְהֹושֻׁ֣עַ אֶת־הָעַי֮e וַיַּחֲרִימָהּ֒f כַּאֲשֶׁ֨ר עָשָׂ֤הg לִֽירִיחֹו֙ וּלְמַלְכָּ֔הּ כֵּן־עָשָׂ֥הh לָעַ֖יi וּלְמַלְכָּ֑הּ וְכִ֨י הִשְׁלִ֜ימוּj יֹשְׁבֵ֤י גִבְעֹון֙k אֶת־יִשְׂרָאֵ֔ל וַיִּֽהְי֖וּl בְּקִרְבָּֽם׃

2 וַיִּֽירְא֣וּa מְאֹ֔ד כִּ֣י עִ֤יר גְּדֹולָה֙ גִּבְעֹ֔וןb כְּאַחַ֖ת עָרֵ֣י הַמַּמְלָכָ֑ה וְכִ֨י הִ֤יא גְדֹולָה֙ מִן־הָעַ֔יc וְכָל־אֲנָשֶׁ֖יהָ גִּבֹּרִֽים׃

3 וַיִּשְׁלַ֨חa אֲדֹנִי־צֶ֜דֶקb מֶ֣לֶךְ יְרוּשָׁלִַ֗ם אֶל־הֹוהָ֣םc מֶֽלֶךְ־חֶ֠בְרֹון וְאֶל־פִּרְאָ֨םd מֶֽלֶךְ־יַרְמ֜וּתe וְאֶל־יָפִ֧יעַf מֶֽלֶךְ־לָכִ֛ישׁg וְאֶל־דְּבִ֥ירh מֶֽלֶךְ־עֶגְלֹ֖וןi לֵאמֹֽרj ׃

4 עֲלֽוּa ־אֵלַ֣י וְעִזְרֻ֔נִיb וְנַכֶּ֖הc אֶת־גִּבְעֹ֑וןd כִּֽי־הִשְׁלִ֥ימָהe אֶת־יְהֹושֻׁ֖עַ וְאֶת־בְּנֵ֥י יִשְׂרָאֵֽל׃

5 וַיֵּאָסְפ֨וּa וַֽיַּעֲל֜וּb חֲמֵ֣שֶׁת׀ מַלְכֵ֣י הָאֱמֹרִ֗י מֶ֣לֶךְ יְרוּשָׁלִַ֜ם מֶֽלֶךְ־חֶבְרֹ֤ון מֶֽלֶךְ־יַרְמוּת֙c מֶֽלֶךְ־לָכִ֣ישׁd מֶֽלֶךְ־עֶגְלֹ֔וןe הֵ֖ם וְכָל־מַֽחֲנֵיהֶ֑ם וַֽיַּחֲנוּ֙f עַל־גִּבְעֹ֔וןg וַיִּֽלָּחֲמ֖וּh עָלֶֽיהָ׃

6 וַיִּשְׁלְח֣וּa אַנְשֵׁי֩ גִבְעֹ֨וןb אֶל־יְהֹושֻׁ֤עַ אֶל־הַֽמַּחֲנֶה֙ הַגִּלְגָּ֣לָהc לֵאמֹ֔רd אַל־תֶּ֥רֶףe יָדֶ֖יךָ מֵֽעֲבָדֶ֑יךָ עֲלֵ֧הf אֵלֵ֣ינוּ מְהֵרָ֗הg וְהֹושִׁ֤יעָהh לָּ֨נוּ֙ וְעָזְרֵ֔נוּi כִּ֚י נִקְבְּצ֣וּj אֵלֵ֔ינוּ כָּל־מַלְכֵ֥י הָאֱמֹרִ֖י יֹשְׁבֵ֥י הָהָֽר׃

7 וַיַּ֨עַלa יְהֹושֻׁ֜עַ מִן־הַגִּלְגָּ֗לb ה֚וּא וְכָל־עַ֤ם הַמִּלְחָמָה֙ עִמֹּ֔ו וְכֹ֖ל גִּבֹּורֵ֥י הֶחָֽיִל׃ פ

8 וַיֹּ֨אמֶרa יְהוָ֤ה אֶל־יְהֹושֻׁ֨עַ֙ אַל־תִּירָ֣אb מֵהֶ֔ם כִּ֥י בְיָדְךָ֖ נְתַתִּ֑יםc לֹֽא־יַעֲמֹ֥דd אִ֛ישׁ מֵהֶ֖ם בְּפָנֶֽיךָ׃

9 וַיָּבֹ֧אa אֲלֵיהֶ֛ם יְהֹושֻׁ֖עַ פִּתְאֹ֑םb כָּל־הַלַּ֕יְלָה עָלָ֖הc מִן־הַגִּלְגָּֽלd ׃

10 וַיְהֻמֵּ֤םa יְהוָה֙ לִפְנֵ֣י יִשְׂרָאֵ֔ל וַיַּכֵּ֥םb מַכָּֽהc ־גְדֹולָ֖ה בְּגִבְעֹ֑וןd וַֽיִּרְדְּפֵ֗םe דֶּ֚רֶךְ מַעֲלֵ֣הf בֵית־חֹורֹ֔ןg וַיַּכֵּ֥םh עַד־עֲזֵקָ֖הi וְעַד־מַקֵּדָֽהj ׃

11 וַיְהִ֞יa בְּנֻסָ֣םb ׀ מִפְּנֵ֣י יִשְׂרָאֵ֗ל הֵ֞ם בְּמֹורַ֤דc בֵּית־חֹורֹן֙d וַֽיהוָ֡ה הִשְׁלִ֣יךְe עֲלֵיהֶם֩ אֲבָנִ֨ים גְּדֹלֹ֧ות מִן־הַשָּׁמַ֛יִם עַד־עֲזֵקָ֖הf וַיָּמֻ֑תוּg רַבִּ֗ים אֲשֶׁר־מֵ֨תוּ֙h בְּאַבְנֵ֣י הַבָּרָ֔דi מֵאֲשֶׁ֥ר הָרְג֛וּj בְּנֵ֥י יִשְׂרָאֵ֖ל בֶּחָֽרֶב׃ ס

12 אָ֣ז יְדַבֵּ֤רa יְהֹושֻׁעַ֙ לַֽיהוָ֔ה בְּיֹ֗ום תֵּ֤תb יְהוָה֙ אֶת־הָ֣אֱמֹרִ֔י לִפְנֵ֖י בְּנֵ֣י יִשְׂרָאֵ֑ל וַיֹּ֣אמֶרc ׀ לְעֵינֵ֣י יִשְׂרָאֵ֗ל שֶׁ֚מֶשׁ בְּגִבְעֹ֣וןd דֹּ֔וםe וְיָרֵ֖חַf בְּעֵ֥מֶק אַיָּלֹֽוןg ׃

13 וַיִּדֹּ֨םa הַשֶּׁ֜מֶשׁ וְיָרֵ֣חַb עָמָ֗דc עַד־יִקֹּ֥םd גֹּוי֙ אֹֽיְבָ֔יו הֲלֹא־הִ֥יא כְתוּבָ֖הe עַל־סֵ֣פֶר הַיָּשָׁ֑ר וַיַּעֲמֹ֤דf הַשֶּׁ֨מֶשׁ֙ בַּחֲצִ֣י הַשָּׁמַ֔יִם וְלֹא־אָ֥ץg לָבֹ֖ואh כְּיֹ֥ום תָּמִֽים׃

14 וְלֹ֨א הָיָ֜הa כַּיֹּ֤ום הַהוּא֙ לְפָנָ֣יו וְאַחֲרָ֔יו לִשְׁמֹ֥עַb יְהוָ֖ה בְּקֹ֣ול אִ֑ישׁ כִּ֣י יְהוָ֔ה נִלְחָ֖םc לְיִשְׂרָאֵֽל׃ פ

15 וַיָּ֤שָׁבa יְהֹושֻׁ֨עַ֙ וְכָל־יִשְׂרָאֵ֣ל עִמֹּ֔ו אֶל־הַֽמַּחֲנֶ֖ה הַגִּלְגָּֽלָהb ׃

16 וַיָּנֻ֕סוּa חֲמֵ֖שֶׁת הַמְּלָכִ֣ים הָאֵ֑לֶּה וַיֵּחָבְא֥וּb בַמְּעָרָ֖הc בְּמַקֵּדָֽהd ׃

17 וַיֻּגַּ֖דa לִיהֹושֻׁ֣עַ לֵאמֹ֑רb נִמְצְאוּ֙c חֲמֵ֣שֶׁת הַמְּלָכִ֔ים נֶחְבְּאִ֥יםd בַּמְּעָרָ֖הe בְּמַקֵּדָֽהf ׃

18 וַיֹּ֣אמֶרa יְהֹושֻׁ֔עַ גֹּ֛לּוּb אֲבָנִ֥ים גְּדֹלֹ֖ות אֶל־פִּ֣י הַמְּעָרָ֑הc וְהַפְקִ֧ידוּd עָלֶ֛יהָ אֲנָשִׁ֖ים לְשָׁמְרָֽםe ׃

19 וְאַתֶּם֙ אַֽל־תַּעֲמֹ֔דוּa רִדְפוּ֙b אַחֲרֵ֣י אֹֽיְבֵיכֶ֔ם וְזִנַּבְתֶּ֖םc אֹותָ֑ם אַֽל־תִּתְּנ֗וּםd לָבֹוא֙e אֶל־עָ֣רֵיהֶ֔ם כִּ֧י נְתָנָ֛םf יְהוָ֥ה אֱלֹהֵיכֶ֖ם בְּיֶדְכֶֽם׃

20 וַיְהִי֩a כְּכַלֹּ֨ותb יְהֹושֻׁ֜עַ וּבְנֵ֣י יִשְׂרָאֵ֗ל לְהַכֹּותָ֛םc מַכָּ֥הd גְדֹולָֽה־מְאֹ֖ד עַד־תֻּמָּ֑םe וְהַשְּׂרִידִים֙f שָׂרְד֣וּg מֵהֶ֔ם וַיָּבֹ֖אוּh אֶל־עָרֵ֥י הַמִּבְצָֽרi ׃

21 וַיָּשֻׁבוּ֩a כָל־הָעָ֨ם אֶל־הַמַּחֲנֶ֧ה אֶל־יְהֹושֻׁ֛עַ מַקֵּדָ֖הb בְּשָׁלֹ֑ום לֹֽא־חָרַ֞ץc לִבְנֵ֧י יִשְׂרָאֵ֛ל לְאִ֖ישׁ אֶת־לְשֹׁנֹֽו׃

22 וַיֹּ֣אמֶרa יְהֹושֻׁ֔עַ פִּתְח֖וּb אֶת־פִּ֣י הַמְּעָרָ֑הc וְהֹוצִ֣יאוּd אֵלַ֗י אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָֽהe ׃

23 וַיַּ֣עֲשׂוּa כֵ֔ן וַיֹּצִ֣יאוּb אֵלָ֗יו אֶת־חֲמֵ֛שֶׁת הַמְּלָכִ֥ים הָאֵ֖לֶּה מִן־הַמְּעָרָ֑הc אֵ֣ת׀ מֶ֣לֶךְ יְרוּשָׁלִַ֗ם אֶת־מֶ֤לֶךְ חֶבְרֹון֙ אֶת־מֶ֣לֶךְ יַרְמ֔וּתd אֶת־מֶ֥לֶךְ לָכִ֖ישׁe אֶת־מֶ֥לֶךְ עֶגְלֹֽוןf ׃

24 וַ֠יְהִיa כְּֽהֹוצִיאָ֞םb אֶת־הַמְּלָכִ֣ים הָאֵלֶּה֮ אֶל־יְהֹושֻׁעַ֒ וַיִּקְרָ֨אc יְהֹושֻׁ֜עַ אֶל־כָּל־אִ֣ישׁ יִשְׂרָאֵ֗ל וַ֠יֹּאמֶרd אֶל־קְצִינֵ֞יe אַנְשֵׁ֤י הַמִּלְחָמָה֙ הֶהָלְכ֣וּאf אִתֹּ֔ו קִרְב֗וּg שִׂ֚ימוּh אֶת־רַגְלֵיכֶ֔ם עַֽל־צַוְּארֵ֖יi הַמְּלָכִ֣ים הָאֵ֑לֶּה וַֽיִּקְרְב֔וּj וַיָּשִׂ֥ימוּk אֶת־רַגְלֵיהֶ֖ם עַל־צַוְּארֵיהֶֽםl ׃

25 וַיֹּ֤אמֶרa אֲלֵיהֶם֙ יְהֹושֻׁ֔עַ אַל־תִּֽירְא֖וּb וְאַל־תֵּחָ֑תּוּc חִזְק֣וּd וְאִמְצ֔וּe כִּ֣י כָ֗כָהf יַעֲשֶׂ֤הg יְהוָה֙ לְכָל־אֹ֣יְבֵיכֶ֔ם אֲשֶׁ֥ר אַתֶּ֖ם נִלְחָמִ֥יםh אֹותָֽם׃

26 וַיַּכֵּ֨םa יְהֹושֻׁ֤עַ אַֽחֲרֵי־כֵן֙ וַיְמִיתֵ֔םb וַיִּתְלֵ֕םc עַ֖ל חֲמִשָּׁ֣ה עֵצִ֑ים וַיִּֽהְי֛וּd תְּלוּיִ֥םe עַל־הָעֵצִ֖ים עַד־הָעָֽרֶב׃

27 וַיְהִ֞יa לְעֵ֣ת׀ בֹּ֣ואb הַשֶּׁ֗מֶשׁ צִוָּ֤הc יְהֹושֻׁ֨עַ֙ וַיֹּֽרִידוּם֙d מֵעַ֣ל הָעֵצִ֔ים וַיַּ֨שְׁלִכֻ֔םe אֶל־הַמְּעָרָ֖הf אֲשֶׁ֣ר נֶחְבְּאוּg ־שָׁ֑ם וַיָּשִׂ֜מוּh אֲבָנִ֤ים גְּדֹלֹות֙ עַל־פִּ֣י הַמְּעָרָ֔הi עַד־עֶ֖צֶם הַיֹּ֥ום הַזֶּֽה׃ פ

28 וְאֶת־מַקֵּדָה֩a לָכַ֨דb יְהֹושֻׁ֜עַ בַּיֹּ֣ום הַה֗וּא וַיַּכֶּ֣הָc לְפִי־חֶרֶב֮ וְאֶת־מַלְכָּהּ֒ הֶחֱרִ֣םd אֹותָ֗ם וְאֶת־כָּל־הַנֶּ֨פֶשׁ֙ אֲשֶׁר־בָּ֔הּ לֹ֥א הִשְׁאִ֖ירe שָׂרִ֑ידf וַיַּ֨עַשׂ֙g לְמֶ֣לֶךְ מַקֵּדָ֔הh כַּאֲשֶׁ֥ר עָשָׂ֖הi לְמֶ֥לֶךְ יְרִיחֹֽו׃

29 וַיַּעֲבֹ֣רa יְ֠הֹושֻׁעַ וְכָֽל־יִשְׂרָאֵ֥ל עִמֹּ֛ו מִמַּקֵּדָ֖הb לִבְנָ֑הc וַיִּלָּ֖חֶםd עִם־לִבְנָֽהe ׃

30 וַיִּתֵּן֩a יְהוָ֨ה גַּם־אֹותָ֜הּ בְּיַ֣ד יִשְׂרָאֵל֮ וְאֶת־מַלְכָּהּ֒ וַיַּכֶּ֣הָb לְפִי־חֶ֗רֶב וְאֶת־כָּל־הַנֶּ֨פֶשׁ֙ אֲשֶׁר־בָּ֔הּ לֹֽא־הִשְׁאִ֥ירc בָּ֖הּ שָׂרִ֑ידd וַיַּ֣עַשׂe לְמַלְכָּ֔הּ כַּאֲשֶׁ֥ר עָשָׂ֖הf לְמֶ֥לֶךְ יְרִיחֹֽו׃ ס

31 וַיַּעֲבֹ֣רa יְ֠הֹושֻׁעַ וְכָל־יִשְׂרָאֵ֥ל עִמֹּ֛ו מִלִּבְנָ֖הb לָכִ֑ישָׁהc וַיִּ֣חַןd עָלֶ֔יהָ וַיִּלָּ֖חֶםe בָּֽהּ׃

32 וַיִּתֵּן֩a יְהוָ֨ה אֶת־לָכִ֜ישׁb בְּיַ֣ד יִשְׂרָאֵ֗ל וַֽיִּלְכְּדָהּ֙c בַּיֹּ֣ום הַשֵּׁנִ֔י וַיַּכֶּ֣הָd לְפִי־חֶ֔רֶב וְאֶת־כָּל־הַנֶּ֖פֶשׁ אֲשֶׁר־בָּ֑הּ כְּכֹ֥ל אֲשֶׁר־עָשָׂ֖הe לְלִבְנָֽהf ׃ פ

33 אָ֣ז עָלָ֗הa הֹרָם֙b מֶ֣לֶךְ גֶּ֔זֶרc לַעְזֹ֖רd אֶת־לָכִ֑ישׁe וַיַּכֵּ֤הוּf יְהֹושֻׁ֨עַ֙ וְאֶת־עַמֹּ֔ו עַד־בִּלְתִּ֥י הִשְׁאִֽירg ־לֹ֖ו שָׂרִֽידh ׃

34 וַיַּעֲבֹ֣רa יְ֠הֹושֻׁעַ וְכָל־יִשְׂרָאֵ֥ל עִמֹּ֛ו מִלָּכִ֖ישׁb עֶגְלֹ֑נָהc וַיַּחֲנ֣וּd עָלֶ֔יהָ וַיִּֽלָּחֲמ֖וּe עָלֶֽיהָ׃

35 וַֽיִּלְכְּד֜וּהָa בַּיֹּ֤ום הַהוּא֙ וַיַּכּ֣וּהָb לְפִי־חֶ֔רֶב וְאֵת֙ כָּל־הַנֶּ֣פֶשׁ אֲשֶׁר־בָּ֔הּ בַּיֹּ֥ום הַה֖וּא הֶחֱרִ֑יםc כְּכֹ֥ל אֲשֶׁר־עָשָׂ֖הd לְלָכִֽישׁe ׃ פ

36 וַיַּ֣עַלa יְ֠הֹושֻׁעַ וְכָֽל־יִשְׂרָאֵ֥ל עִמֹּ֛ו מֵעֶגְלֹ֖ונָהb חֶבְרֹ֑ונָה וַיִּֽלָּחֲמ֖וּc עָלֶֽיהָ׃

37 וַיִּלְכְּד֣וּהָa וַיַּכּֽוּהָb ־לְפִי־חֶ֠רֶב וְאֶת־מַלְכָּ֨הּ וְאֶת־כָּל־עָרֶ֜יהָ וְאֶת־כָּל־הַנֶּ֤פֶשׁ אֲשֶׁר־בָּהּ֙ לֹֽא־הִשְׁאִ֣ירc שָׂרִ֔ידd כְּכֹ֥ל אֲשֶׁר־עָשָׂ֖הe לְעֶגְלֹ֑וןf וַיַּחֲרֵ֣םg אֹותָ֔הּ וְאֶת־כָּל־הַנֶּ֖פֶשׁ אֲשֶׁר־בָּֽהּ׃ ס

38 וַיָּ֧שָׁבa יְהֹושֻׁ֛עַ וְכָל־יִשְׂרָאֵ֥ל עִמֹּ֖ו דְּבִ֑רָהb וַיִּלָּ֖חֶםc עָלֶֽיהָ׃

39 וַֽיִּלְכְּדָ֞הּa וְאֶת־מַלְכָּ֤הּ וְאֶת־כָּל־עָרֶ֨יהָ֙ וַיַּכּ֣וּםb לְפִי־חֶ֔רֶב וַֽיַּחֲרִ֨ימוּ֙c אֶת־כָּל־נֶ֣פֶשׁ אֲשֶׁר־בָּ֔הּ לֹ֥א הִשְׁאִ֖ירd שָׂרִ֑ידe כַּאֲשֶׁ֨ר עָשָׂ֜הf לְחֶבְרֹ֗ון כֵּן־עָשָׂ֤הg לִדְבִ֨רָה֙h וּלְמַלְכָּ֔הּ וְכַאֲשֶׁ֥ר עָשָׂ֛הi לְלִבְנָ֖הj וּלְמַלְכָּֽהּ׃

40 וַיַּכֶּ֣הa יְהֹושֻׁ֣עַ אֶת־כָּל־הָאָ֡רֶץ הָהָר֩ וְהַנֶּ֨גֶב וְהַשְּׁפֵלָ֜הb וְהָאֲשֵׁדֹ֗ותc וְאֵת֙ כָּל־מַלְכֵיהֶ֔ם לֹ֥א הִשְׁאִ֖ירd שָׂרִ֑ידe וְאֵ֤ת כָּל־הַנְּשָׁמָה֙f הֶחֱרִ֔יםg כַּאֲשֶׁ֣ר צִוָּ֔הh יְהוָ֖ה אֱלֹהֵ֥י יִשְׂרָאֵֽל׃

41 וַיַּכֵּ֧םa יְהֹושֻׁ֛עַ מִקָּדֵ֥שׁ בַּרְנֵ֖עַb וְעַד־עַזָּ֑הc וְאֵ֛ת כָּל־אֶ֥רֶץ גֹּ֖שֶׁןd וְעַד־גִּבְעֹֽוןe ׃

42 וְאֵ֨ת כָּל־הַמְּלָכִ֤ים הָאֵ֨לֶּה֙ וְאֶת־אַרְצָ֔ם לָכַ֥דa יְהֹושֻׁ֖עַ פַּ֣עַם אֶחָ֑ת כִּ֗י יְהוָה֙ אֱלֹהֵ֣י יִשְׂרָאֵ֔ל נִלְחָ֖םb לְיִשְׂרָאֵֽל׃

43 וַיָּ֤שָׁבa יְהֹושֻׁ֨עַ֙ וְכָל־יִשְׂרָאֵ֣ל עִמֹּ֔ו אֶל־הַֽמַּחֲנֶ֖ה הַגִּלְגָּֽלָהb ׃ פ

וַיְהִ֕יa כִּשְׁמֹ֖עַb יָבִ֣יןc מֶֽלֶךְ־חָצֹ֑ורd וַיִּשְׁלַ֗חe אֶל־יֹובָב֙f מֶ֣לֶךְ מָדֹ֔וןg וְאֶל־מֶ֥לֶךְ שִׁמְרֹ֖וןh וְאֶל־מֶ֥לֶךְ אַכְשָֽׁףi ׃

2 וְֽאֶל־הַמְּלָכִ֞ים אֲשֶׁ֣ר מִצְּפֹ֗ון בָּהָ֧ר וּבָעֲרָבָ֛ה נֶ֥גֶב כִּֽנֲרֹ֖ותa וּבַשְּׁפֵלָ֑הb וּבְנָפֹ֥ותc דֹּ֖ורd מִיָּֽם׃

3 הַֽכְּנַעֲנִי֙ מִמִּזְרָ֣ח וּמִיָּ֔ם וְהָאֱמֹרִ֧י וְהַחִתִּ֛יa וְהַפְּרִזִּ֥יb וְהַיְבוּסִ֖יc בָּהָ֑ר וְהַֽחִוִּי֙d תַּ֣חַת חֶרְמֹ֔וןe בְּאֶ֖רֶץ הַמִּצְפָּֽהf ׃

4 וַיֵּצְא֣וּa הֵ֗ם וְכָל־מַֽחֲנֵיהֶם֙ עִמָּ֔ם עַם־רָ֕ב כַּחֹ֛ולb אֲשֶׁ֥ר עַל־שְׂפַת־הַיָּ֖ם לָרֹ֑ב וְס֥וּס וָרֶ֖כֶב רַב־מְאֹֽד׃

5 וַיִּוָּ֣עֲד֔וּa כֹּ֖ל הַמְּלָכִ֣ים הָאֵ֑לֶּה וַיָּבֹ֜אוּb וַיַּחֲנ֤וּc יַחְדָּו֙ אֶל־מֵ֣י מֵרֹ֔וםd לְהִלָּחֵ֖םe עִם־יִשְׂרָאֵֽל׃ פ

6 וַיֹּ֨אמֶרa יְהוָ֣ה אֶל־יְהֹושֻׁעַ֮ אַל־תִּירָ֣אb מִפְּנֵיהֶם֒ כִּֽי־מָחָ֞ר כָּעֵ֣ת הַזֹּ֗את אָנֹכִ֞י נֹתֵ֧ןc אֶת־כֻּלָּ֛ם חֲלָלִ֖ים לִפְנֵ֣י יִשְׂרָאֵ֑ל אֶת־סוּסֵיהֶ֣ם תְּעַקֵּ֔רd וְאֶת־מַרְכְּבֹתֵיהֶ֖םe תִּשְׂרֹ֥ףf בָּאֵֽשׁ׃

7 וַיָּבֹ֣אa יְהֹושֻׁ֡עַ וְכָל־עַם֩ הַמִּלְחָמָ֨ה עִמֹּ֧ו עֲלֵיהֶ֛ם עַל־מֵ֥י מֵרֹ֖וםb פִּתְאֹ֑םc וַֽיִּפְּל֖וּd בָּהֶֽם׃

8 וַיִּתְּנֵ֨םa יְהוָ֥ה בְּיַֽד־יִשְׂרָאֵל֮ וַיַּכּוּם֒b וַֽיִּרְדְּפ֞וּםc עַד־צִידֹ֣וןd רַבָּ֗ה וְעַד֙ מִשְׂרְפֹ֣ות מַ֔יִםe וְעַד־בִּקְעַ֥תf מִצְפֶּ֖הg מִזְרָ֑חָה וַיַּכֻּ֕םh עַד־בִּלְתִּ֥י הִשְׁאִֽירi ־לָהֶ֖ם שָׂרִֽידj ׃

9 וַיַּ֤עַשׂa לָהֶם֙ יְהֹושֻׁ֔עַ כַּאֲשֶׁ֥ר אָֽמַרb ־לֹ֖ו יְהוָ֑ה אֶת־סוּסֵיהֶ֣ם עִקֵּ֔רc וְאֶת־מַרְכְּבֹתֵיהֶ֖םd שָׂרַ֥ףe בָּאֵֽשׁ׃ ס

10 וַיָּ֨שָׁבa יְהֹושֻׁ֜עַ בָּעֵ֤ת הַהִיא֙ וַיִּלְכֹּ֣דb אֶת־חָצֹ֔ורc וְאֶת־מַלְכָּ֖הּ הִכָּ֣הd בֶחָ֑רֶב כִּֽי־חָצֹ֣ורe לְפָנִ֔ים הִ֕יא רֹ֖אשׁ כָּל־הַמַּמְלָכֹ֥ות הָאֵֽלֶּה׃

11 וַ֠יַּכּוּa אֶת־כָּל־הַנֶּ֨פֶשׁ אֲשֶׁר־בָּ֤הּ לְפִי־חֶ֨רֶב֙ הַֽחֲרֵ֔םb לֹ֥א נֹותַ֖רc כָּל־נְשָׁמָ֑הd וְאֶת־חָצֹ֖ורe שָׂרַ֥ףf בָּאֵֽשׁ׃

12 וְֽאֶת־כָּל־עָרֵ֣י הַמְּלָכִֽים־הָ֠אֵלֶּה וְֽאֶת־כָּל־מַלְכֵיהֶ֞ם לָכַ֧דa יְהֹושֻׁ֛עַ וַיַּכֵּ֥םb לְפִי־חֶ֖רֶב הֶחֱרִ֣יםc אֹותָ֑ם כַּאֲשֶׁ֣ר צִוָּ֔הd מֹשֶׁ֖ה עֶ֥בֶד יְהוָֽה׃

13 רַ֣ק כָּל־הֶעָרִ֗ים הָעֹֽמְדֹות֙a עַל־תִּלָּ֔םb לֹ֥א שְׂרָפָ֖םc יִשְׂרָאֵ֑ל זוּלָתִ֛יd אֶת־חָצֹ֥ורe לְבַדָּ֖הּ שָׂרַ֥ףf יְהֹושֻֽׁעַ׃

14 וְ֠כֹל שְׁלַ֞ל הֶעָרִ֤ים הָאֵ֨לֶּה֙ וְהַבְּהֵמָ֔ה בָּזְז֥וּa לָהֶ֖ם בְּנֵ֣י יִשְׂרָאֵ֑ל רַ֣ק אֶֽת־כָּל־הָאָדָ֞ם הִכּ֣וּb לְפִי־חֶ֗רֶב עַד־הִשְׁמִדָם֙c אֹותָ֔ם לֹ֥א הִשְׁאִ֖ירוּd כָּל־נְשָׁמָֽהe ׃

15 כַּאֲשֶׁ֨ר צִוָּ֤הa יְהוָה֙ אֶת־מֹשֶׁ֣ה עַבְדֹּ֔ו כֵּן־צִוָּ֥הb מֹשֶׁ֖ה אֶת־יְהֹושֻׁ֑עַ וְכֵן֙ עָשָׂ֣הc יְהֹושֻׁ֔עַ לֹֽא־הֵסִ֣ירd דָּבָ֔ר מִכֹּ֛ל אֲשֶׁר־צִוָּ֥הe יְהוָ֖ה אֶת־מֹשֶֽׁה׃

16 וַיִּקַּ֨חa יְהֹושֻׁ֜עַ אֶת־כָּל־הָאָ֣רֶץ הַזֹּ֗את הָהָ֤ר וְאֶת־כָּל־הַנֶּ֨גֶב֙ וְאֵת֙ כָּל־אֶ֣רֶץ הַגֹּ֔שֶׁןb וְאֶת־הַשְּׁפֵלָ֖הc וְאֶת־הָעֲרָבָ֑ה וְאֶת־הַ֥ר יִשְׂרָאֵ֖ל וּשְׁפֵלָתֹֽהd ׃

17 מִן־הָהָ֤ר הֶֽחָלָק֙a הָעֹולֶ֣הb שֵׂעִ֔ירc וְעַד־בַּ֤עַל גָּד֙d בְּבִקְעַ֣תe הַלְּבָנֹ֔ון תַּ֖חַת הַר־חֶרְמֹ֑וןf וְאֵ֤ת כָּל־מַלְכֵיהֶם֙ לָכַ֔דg וַיַּכֵּ֖םh וַיְמִיתֵֽםi ׃

18 יָמִ֣ים רַבִּ֗ים עָשָׂ֧הa יְהֹושֻׁ֛עַ אֶת־כָּל־הַמְּלָכִ֥ים הָאֵ֖לֶּה מִלְחָמָֽה׃

19 לֹֽא־הָיְתָ֣הa עִ֗יר אֲשֶׁ֤ר הִשְׁלִ֨ימָה֙b אֶל־בְּנֵ֣י יִשְׂרָאֵ֔ל בִּלְתִּ֥י הַחִוִּ֖יc יֹשְׁבֵ֣י גִבְעֹ֑וןd אֶת־הַכֹּ֖ל לָקְח֥וּe בַמִּלְחָמָֽה׃

20 כִּ֣י מֵאֵ֣ת יְהוָ֣ה׀ הָיְתָ֡הa לְחַזֵּ֣קb אֶת־לִבָּם֩ לִקְרַ֨אתc הַמִּלְחָמָ֤ה אֶת־יִשְׂרָאֵל֙ לְמַ֣עַן הַֽחֲרִימָ֔םd לְבִלְתִּ֥י הֱיֹותe ־לָהֶ֖ם תְּחִנָּ֑הf כִּ֚י לְמַ֣עַן הַשְׁמִידָ֔םg כַּאֲשֶׁ֛ר צִוָּ֥הh יְהוָ֖ה אֶת־מֹשֶֽׁה׃ ס

21 וַיָּבֹ֨אa יְהֹושֻׁ֜עַ בָּעֵ֣ת הַהִ֗יא וַיַּכְרֵ֤תb אֶת־הָֽעֲנָקִים֙c מִן־הָהָ֤ר מִן־חֶבְרֹון֙ מִן־דְּבִ֣רd מִן־עֲנָ֔בe וּמִכֹּל֙ הַ֣ר יְהוּדָ֔ה וּמִכֹּ֖ל הַ֣ר יִשְׂרָאֵ֑ל עִם־עָרֵיהֶ֖ם הֶחֱרִימָ֥םf יְהֹושֻֽׁעַ׃

22 לֹֽא־נֹותַ֣רa עֲנָקִ֔יםb בְּאֶ֖רֶץ בְּנֵ֣י יִשְׂרָאֵ֑ל רַ֗ק בְּעַזָּ֛הc בְּגַ֥תd וּבְאַשְׁדֹּ֖ודe נִשְׁאָֽרוּf ׃

23 וַיִּקַּ֨חa יְהֹושֻׁ֜עַ אֶת־כָּל־הָאָ֗רֶץ כְּ֠כֹל אֲשֶׁ֨ר דִּבֶּ֣רb יְהוָה֮ אֶל־מֹשֶׁה֒ וַיִּתְּנָהּ֩c יְהֹושֻׁ֨עַ לְנַחֲלָ֧ה לְיִשְׂרָאֵ֛ל כְּמַחְלְקֹתָ֖םd לְשִׁבְטֵיהֶ֑ם וְהָאָ֥רֶץ שָׁקְטָ֖הe מִמִּלְחָמָֽה׃ פ

וְאֵ֣לֶּה׀ מַלְכֵ֣י הָאָ֗רֶץ אֲשֶׁ֨ר הִכּ֤וּa בְנֵֽי־יִשְׂרָאֵל֙ וַיִּֽרְשׁ֣וּb אֶת־אַרְצָ֔ם בְּעֵ֥בֶר הַיַּרְדֵּ֖ן מִזְרְחָ֣ה הַשָּׁ֑מֶשׁ מִנַּ֤חַל אַרְנֹון֙c עַד־הַ֣ר חֶרְמֹ֔וןd וְכָל־הָעֲרָבָ֖ה מִזְרָֽחָה׃

2 סִיחֹון֙a מֶ֣לֶךְ הָאֱמֹרִ֔י הַיֹּושֵׁ֖בb בְּחֶשְׁבֹּ֑וןc מֹשֵׁ֡לd מֵעֲרֹועֵ֡רe אֲשֶׁר֩ עַל־שְׂפַת־נַ֨חַל אַרְנֹ֜וןf וְתֹ֤וךְ הַנַּ֨חַל֙ וַחֲצִ֣י הַגִּלְעָ֔ד וְעַד֙ יַבֹּ֣קg הַנַּ֔חַל גְּב֖וּל בְּנֵ֥י עַמֹּֽון׃

3 וְהָעֲרָבָה֩ עַד־יָ֨ם כִּנְרֹ֜ותa מִזְרָ֗חָה וְ֠עַד יָ֣ם הָעֲרָבָ֤ה יָם־הַמֶּ֨לַח֙b מִזְרָ֔חָה דֶּ֖רֶךְ בֵּ֣ית הַיְשִׁמֹ֑ותc וּמִ֨תֵּימָ֔ןd תַּ֖חַת אַשְׁדֹּ֥ותe הַפִּסְגָּֽהf ׃

4 וּגְב֗וּל עֹ֚וגa מֶ֣לֶךְ הַבָּשָׁ֔ן מִיֶּ֖תֶר הָרְפָאִ֑יםb הַיֹּושֵׁ֥בc בְּעַשְׁתָּרֹ֖ותd וּבְאֶדְרֶֽעִיe ׃

5 וּ֠מֹשֵׁלa בְּהַ֨ר חֶרְמֹ֤וןb וּבְסַלְכָה֙c וּבְכָל־הַבָּשָׁ֔ן עַד־גְּב֥וּל הַגְּשׁוּרִ֖יd וְהַמַּעֲכָתִ֑יe וַחֲצִי֙ הַגִּלְעָ֔ד גְּב֖וּל סִיחֹ֥וןf מֶֽלֶךְ־חֶשְׁבֹּֽוןg ׃

6 מֹשֶׁ֧ה עֶֽבֶד־יְהוָ֛ה וּבְנֵ֥י יִשְׂרָאֵ֖ל הִכּ֑וּםa וַֽ֠יִּתְּנָהּb מֹשֶׁ֨ה עֶֽבֶד־יְהוָ֜ה יְרֻשָּׁ֗הc לָרֻֽאוּבֵנִי֙d וְלַגָּדִ֔יe וְלַחֲצִ֖י שֵׁ֥בֶט הַֽמְנַשֶּֽׁה׃ ס

7 וְאֵ֣לֶּה מַלְכֵ֣י הָאָ֡רֶץ אֲשֶׁר֩ הִכָּ֨הa יְהֹושֻׁ֜עַ וּבְנֵ֣י יִשְׂרָאֵ֗ל בְּעֵ֤בֶר הַיַּרְדֵּן֙ יָ֔מָּה מִבַּ֤עַל גָּד֙b בְּבִקְעַ֣תc הַלְּבָנֹ֔ון וְעַד־הָהָ֥ר הֶחָלָ֖קd הָעֹלֶ֣הe שֵׂעִ֑ירָהf וַיִּתְּנָ֨הּg יְהֹושֻׁ֜עַ לְשִׁבְטֵ֧י יִשְׂרָאֵ֛ל יְרֻשָּׁ֖הh כְּמַחְלְקֹתָֽםi ׃

8 בָּהָ֣ר וּבַשְּׁפֵלָ֗הa וּבָֽעֲרָבָה֙ וּבָ֣אֲשֵׁדֹ֔ותb וּבַמִּדְבָּ֖ר וּבַנֶּ֑גֶב הַֽחִתִּי֙c הָֽאֱמֹרִ֔י וְהַֽכְּנַעֲנִי֙ הַפְּרִזִּ֔יd הַחִוִּ֖יe וְהַיְבוּסִֽיf ׃ פ

9 מֶ֥לֶךְ יְרִיחֹ֖ו אֶחָ֑ד מֶ֧לֶךְ הָעַ֛יa אֲשֶׁר־מִצַּ֥דb בֵּֽית־אֵ֖ל אֶחָֽד׃

10 מֶ֤לֶךְ יְרוּשָׁלִַ֨ם֙ אֶחָ֔ד מֶ֥לֶךְ חֶבְרֹ֖ון אֶחָֽד׃

11 מֶ֤לֶךְ יַרְמוּת֙a אֶחָ֔ד מֶ֥לֶךְ לָכִ֖ישׁb אֶחָֽד׃

12 מֶ֤לֶךְ עֶגְלֹון֙a אֶחָ֔ד מֶ֥לֶךְ גֶּ֖זֶרb אֶחָֽד׃

13 מֶ֤לֶךְ דְּבִר֙a אֶחָ֔ד מֶ֥לֶךְ גֶּ֖דֶרb אֶחָֽד׃

14 מֶ֤לֶךְ חָרְמָה֙a אֶחָ֔ד מֶ֥לֶךְ עֲרָ֖דb אֶחָֽד׃

15 מֶ֤לֶךְ לִבְנָה֙a אֶחָ֔ד מֶ֥לֶךְ עֲדֻלָּ֖םb אֶחָֽד׃

16 מֶ֤לֶךְ מַקֵּדָה֙a אֶחָ֔ד מֶ֥לֶךְ בֵּֽית־אֵ֖ל אֶחָֽד׃

17 מֶ֤לֶךְ תַּפּ֨וּחַ֙a אֶחָ֔ד מֶ֥לֶךְ חֵ֖פֶרb אֶחָֽד׃

18 מֶ֤לֶךְ אֲפֵק֙a אֶחָ֔ד מֶ֥לֶךְ לַשָּׁרֹ֖וןb אֶחָֽד׃

19 מֶ֤לֶךְ מָדֹון֙a אֶחָ֔ד מֶ֥לֶךְ חָצֹ֖ורb אֶחָֽד׃

20 מֶ֣לֶךְ שִׁמְרֹ֤ון מְראֹון֙a אֶחָ֔ד מֶ֥לֶךְ אַכְשָׁ֖ףb אֶחָֽד׃

21 מֶ֤לֶךְ תַּעְנַךְ֙a אֶחָ֔ד מֶ֥לֶךְ מְגִדֹּ֖וb אֶחָֽד׃

22 מֶ֤לֶךְ קֶ֨דֶשׁ֙a אֶחָ֔ד מֶֽלֶךְ־יָקְנֳעָ֥םb לַכַּרְמֶ֖לc אֶחָֽד׃

23 מֶ֥לֶךְ דֹּ֛ורa לְנָפַ֥תb דֹּ֖ורc אֶחָ֑ד מֶֽלֶךְ־גֹּויִ֥םd לְגִלְגָּ֖לe אֶחָֽד׃

24 מֶ֥לֶךְ תִּרְצָ֖הa אֶחָ֑ד כָּל־מְלָכִ֖ים שְׁלֹשִׁ֥ים וְאֶחָֽד׃ פ

וִיהֹושֻׁ֣עַ זָקֵ֔ןa בָּ֖אb בַּיָּמִ֑ים וַיֹּ֨אמֶרc יְהוָ֜ה אֵלָ֗יו אַתָּ֤ה זָקַ֨נְתָּה֙d בָּ֣אתָe בַיָּמִ֔ים וְהָאָ֛רֶץ נִשְׁאֲרָ֥הf הַרְבֵּֽה־מְאֹ֖ד לְרִשְׁתָּֽהּg ׃

2 זֹ֥את הָאָ֖רֶץ הַנִּשְׁאָ֑רֶתa כָּל־גְּלִילֹ֥ותb הַפְּלִשְׁתִּ֖ים וְכָל־הַגְּשׁוּרִֽיc ׃

3 מִֽן־הַשִּׁיחֹ֞ורa אֲשֶׁ֣ר׀ עַל־פְּנֵ֣י מִצְרַ֗יִם וְעַ֨ד גְּב֤וּל עֶקְרֹון֙b צָפֹ֔ונָה לַֽכְּנַעֲנִ֖י תֵּחָשֵׁ֑בc חֲמֵ֣שֶׁת׀ סַרְנֵ֣יd פְלִשְׁתִּ֗ים הָעַזָּתִ֤יe וְהָאַשְׁדֹּודִי֙f הָאֶשְׁקְלֹונִ֣יg הַגִּתִּ֔יh וְהָעֶקְרֹונִ֖יi וְהָעַוִּֽיםj ׃

4 מִתֵּימָ֞ןa כָּל־אֶ֣רֶץ הַֽכְּנַעֲנִ֗י וּמְעָרָ֛הb אֲשֶׁ֥ר לַצִּידֹנִ֖יםc עַד־אֲפֵ֑קָהd עַ֖ד גְּב֥וּל הָאֱמֹרִֽי׃

5 וְהָאָ֣רֶץ הַגִּבְלִ֗יa וְכָל־הַלְּבָנֹון֙ מִזְרַ֣ח הַשֶּׁ֔מֶשׁ מִבַּ֣עַל גָּ֔דb תַּ֖חַת הַר־חֶרְמֹ֑וןc עַ֖ד לְבֹ֥ואd חֲמָֽתe ׃

6 כָּל־יֹשְׁבֵ֣י הָ֠הָר מִֽן־הַלְּבָנֹ֞ון עַד־מִשְׂרְפֹ֥ת מַ֨יִם֙a כָּל־צִ֣ידֹנִ֔יםb אָֽנֹכִי֙ אֹורִישֵׁ֔םc מִפְּנֵ֖י בְּנֵ֣י יִשְׂרָאֵ֑ל רַ֠ק הַפִּלֶ֤הָd לְיִשְׂרָאֵל֙ בְּֽנַחֲלָ֔ה כַּאֲשֶׁ֖ר צִוִּיתִֽיךָe ׃

7 וְעַתָּ֗ה חַלֵּ֞קa אֶת־הָאָ֧רֶץ הַזֹּ֛את בְּנַחֲלָ֖ה לְתִשְׁעַ֣ת הַשְּׁבָטִ֑ים וַחֲצִ֖י הַשֵּׁ֥בֶט הַֽמְנַשֶּֽׁה׃

8 עִמֹּ֗ו הָרֽאוּבֵנִי֙a וְהַגָּדִ֔יb לָקְח֖וּc נַחֲלָתָ֑ם אֲשֶׁר֩ נָתַ֨ןd לָהֶ֜ם מֹשֶׁ֗ה בְּעֵ֤בֶר הַיַּרְדֵּן֙ מִזְרָ֔חָה כַּאֲשֶׁר֙ נָתַ֣ןe לָהֶ֔ם מֹשֶׁ֖ה עֶ֥בֶד יְהוָֽה׃

9 מֵעֲרֹועֵ֡רa אֲשֶׁר֩ עַל־שְׂפַת־נַ֨חַל אַרְנֹ֜וןb וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֥רc מֵידְבָ֖אd עַד־דִּיבֹֽוןe ׃

10 וְכֹ֗ל עָרֵי֙ סִיחֹון֙a מֶ֣לֶךְ הָאֱמֹרִ֔י אֲשֶׁ֥ר מָלַ֖ךְb בְּחֶשְׁבֹּ֑וןc עַד־גְּב֖וּל בְּנֵ֥י עַמֹּֽון׃

11 וְהַגִּלְעָ֞ד וּגְב֧וּל הַגְּשׁוּרִ֣יa וְהַמַּעֲכָתִ֗יb וְכֹ֨ל הַ֥ר חֶרְמֹ֛וןc וְכָל־הַבָּשָׁ֖ן עַד־סַלְכָֽהd ׃

12 כָּל־מַמְלְכ֥וּתa עֹוג֙b בַּבָּשָׁ֔ן אֲשֶׁר־מָלַ֥ךְc בְּעַשְׁתָּרֹ֖ותd וּבְאֶדְרֶ֑עִיe ה֤וּא נִשְׁאַר֙f מִיֶּ֣תֶר הָרְפָאִ֔יםg וַיַּכֵּ֥םh מֹשֶׁ֖ה וַיֹּרִשֵֽׁםi ׃

13 וְלֹ֤א הֹורִ֨ישׁוּ֙a בְּנֵ֣י יִשְׂרָאֵ֔ל אֶת־הַגְּשׁוּרִ֖יb וְאֶת־הַמַּעֲכָתִ֑יc וַיֵּ֨שֶׁבd גְּשׁ֤וּרe וּמַֽעֲכָת֙f בְּקֶ֣רֶב יִשְׂרָאֵ֔ל עַ֖ד הַיֹּ֥ום הַזֶּֽה׃

14 רַ֚ק לְשֵׁ֣בֶט הַלֵּוִ֔י לֹ֥א נָתַ֖ןa נַחֲלָ֑ה אִשֵּׁ֨י יְהוָ֜ה אֱלֹהֵ֤י יִשְׂרָאֵל֙ ה֣וּא נַחֲלָתֹ֔ו כַּאֲשֶׁ֖ר דִּבֶּרb ־לֹֽו׃ ס

15 וַיִּתֵּ֣ןa מֹשֶׁ֔ה לְמַטֵּ֥ה בְנֵֽי־רְאוּבֵ֖ן לְמִשְׁפְּחֹתָֽם׃

16 וַיְהִ֨יa לָהֶ֜ם הַגְּב֗וּל מֵעֲרֹועֵ֡רb אֲשֶׁר֩ עַל־שְׂפַת־נַ֨חַל אַרְנֹ֜וןc וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֖רd עַל־מֵידְבָֽאe ׃

17 חֶשְׁבֹּ֥וןa וְכָל־עָרֶ֖יהָ אֲשֶׁ֣ר בַּמִּישֹׁ֑רb דִּיבֹון֙c וּבָמֹ֣ות בַּ֔עַלd וּבֵ֖ית בַּ֥עַל מְעֹֽוןe ׃

18 וְיַ֥הְצָהa וּקְדֵמֹ֖תb וּמֵפָֽעַתc ׃

19 וְקִרְיָתַ֣יִםa וְשִׂבְמָ֔הb וְצֶ֥רֶת הַשַּׁ֖חַרc בְּהַ֥ר הָעֵֽמֶק׃

20 וּבֵ֥ית פְּעֹ֛ורa וְאַשְׁדֹּ֥ותb הַפִּסְגָּ֖הc וּבֵ֥ית הַיְשִׁמֹֽותd ׃

21 וְכֹל֙ עָרֵ֣י הַמִּישֹׁ֔רa וְכָֽל־מַמְלְכ֗וּתb סִיחֹון֙c מֶ֣לֶךְ הָאֱמֹרִ֔י אֲשֶׁ֥ר מָלַ֖ךְd בְּחֶשְׁבֹּ֑וןe אֲשֶׁר֩ הִכָּ֨הf מֹשֶׁ֜ה אֹתֹ֣ו׀ וְאֶת־נְשִׂיאֵ֣י מִדְיָ֗ן אֶת־אֱוִ֤יg וְאֶת־רֶ֨קֶם֙h וְאֶת־צ֤וּרi וְאֶת־חוּר֙j וְאֶת־רֶ֔בַעk נְסִיכֵ֣יl סִיחֹ֔וןm יֹשְׁבֵ֖י הָאָֽרֶץ׃

22 וְאֶת־בִּלְעָ֥ם בֶּן־בְּעֹ֖ורa הַקֹּוסֵ֑םb הָרְג֧וּc בְנֵֽי־יִשְׂרָאֵ֛ל בַּחֶ֖רֶב אֶל־חַלְלֵיהֶֽם׃

23 וַיְהִ֗יa גְּבוּל֙ בְּנֵ֣י רְאוּבֵ֔ן הַיַּרְדֵּ֖ן וּגְב֑וּל זֹ֣את נַחֲלַ֤ת בְּנֵֽי־רְאוּבֵן֙ לְמִשְׁפְּחֹתָ֔ם הֶעָרִ֖ים וְחַצְרֵיהֶֽן׃ פ

24 וַיִּתֵּ֤ןa מֹשֶׁה֙ לְמַטֵּה־גָ֔ד לִבְנֵי־גָ֖ד לְמִשְׁפְּחֹתָֽם׃

25 וַיְהִ֤יa לָהֶם֙ הַגְּב֔וּל יַעְזֵר֙b וְכָל־עָרֵ֣י הַגִּלְעָ֔ד וַחֲצִ֕י אֶ֖רֶץ בְּנֵ֣י עַמֹּ֑ון עַד־עֲרֹועֵ֕רc אֲשֶׁ֖ר עַל־פְּנֵ֥י רַבָּֽהd ׃

26 וּמֵחֶשְׁבֹּ֛וןa עַד־רָמַ֥תb הַמִּצְפֶּ֖הc וּבְטֹנִ֑יםd וּמִֽמַּחֲנַ֖יִםe עַד־גְּב֥וּל לִדְבִֽרf ׃

27 וּבָעֵ֡מֶק בֵּ֣ית הָרָם֩a וּבֵ֨ית נִמְרָ֜הb וְסֻכֹּ֣ותc וְצָפֹ֗וןd יֶ֚תֶר מַמְלְכ֗וּתe סִיחֹון֙f מֶ֣לֶךְ חֶשְׁבֹּ֔וןg הַיַּרְדֵּ֖ן וּגְבֻ֑ל עַד־קְצֵה֙ יָם־כִּנֶּ֔רֶתh עֵ֥בֶר הַיַּרְדֵּ֖ן מִזְרָֽחָה׃

28 זֹ֛את נַחֲלַ֥ת בְּנֵי־גָ֖ד לְמִשְׁפְּחֹתָ֑ם הֶעָרִ֖ים וְחַצְרֵיהֶֽם׃

29 וַיִּתֵּ֣ןa מֹשֶׁ֔ה לַחֲצִ֖י שֵׁ֣בֶט מְנַשֶּׁ֑ה וַיְהִ֗יb לַחֲצִ֛י מַטֵּ֥ה בְנֵֽי־מְנַשֶּׁ֖ה לְמִשְׁפְּחֹותָֽם׃

30 וַיְהִ֣יa גְבוּלָ֗ם מִמַּחֲנַ֨יִםb כָּֽל־הַבָּשָׁ֜ן כָּֽל־מַמְלְכ֣וּתc ׀ עֹ֣וגd מֶֽלֶךְ־הַבָּשָׁ֗ן וְכָל־חַוֹּ֥תe יָאִ֛ירf אֲשֶׁ֥ר בַּבָּשָׁ֖ן שִׁשִּׁ֥ים עִֽיר׃

31 וַחֲצִ֤י הַגִּלְעָד֙ וְעַשְׁתָּרֹ֣ותa וְאֶדְרֶ֔עִיb עָרֵ֛י מַמְלְכ֥וּתc עֹ֖וגd בַּבָּשָׁ֑ן לִבְנֵ֤י מָכִיר֙e בֶּן־מְנַשֶּׁ֔ה לַחֲצִ֥י בְנֵֽי־מָכִ֖ירf לְמִשְׁפְּחֹותָֽם׃

32 אֵ֕לֶּה אֲשֶׁר־נִחַ֥לa מֹשֶׁ֖ה בְּעַֽרְבֹ֣ות מֹואָ֑ב מֵעֵ֛בֶר לְיַרְדֵּ֥ן יְרִיחֹ֖ו מִזְרָֽחָה׃ ס

33 וּלְשֵׁ֨בֶט֙ הַלֵּוִ֔י לֹֽא־נָתַ֥ןa מֹשֶׁ֖ה נַחֲלָ֑ה יְהוָ֞ה אֱלֹהֵ֤י יִשְׂרָאֵל֙ ה֣וּא נַחֲלָתָ֔ם כַּאֲשֶׁ֖ר דִּבֶּ֥רb לָהֶֽם׃

וְאֵ֛לֶּה אֲשֶׁר־נָחֲל֥וּa בְנֵֽי־יִשְׂרָאֵ֖ל בְּאֶ֣רֶץ כְּנָ֑עַן אֲשֶׁ֨ר נִֽחֲל֜וּb אֹותָ֗ם אֶלְעָזָ֤ר הַכֹּהֵן֙ וִיהֹושֻׁ֣עַ בִּן־נ֔וּןc וְרָאשֵׁ֛י אֲבֹ֥ות הַמַּטֹּ֖ות לִבְנֵ֥י יִשְׂרָאֵֽל׃

2 בְּגֹורַ֖ל נַחֲלָתָ֑ם כַּאֲשֶׁ֨ר צִוָּ֤הa יְהוָה֙ בְּיַד־מֹשֶׁ֔ה לְתִשְׁעַ֥ת הַמַּטֹּ֖ות וַחֲצִ֥י הַמַּטֶּֽה׃

3 כִּֽי־נָתַ֨ןa מֹשֶׁ֜ה נַחֲלַ֨ת שְׁנֵ֤י הַמַּטֹּות֙ וַחֲצִ֣י הַמַּטֶּ֔ה מֵעֵ֖בֶר לַיַּרְדֵּ֑ן וְלַ֨לְוִיִּ֔ם לֹֽא־נָתַ֥ןb נַחֲלָ֖ה בְּתֹוכָֽם׃

4 כִּֽי־הָי֧וּa בְנֵֽי־יֹוסֵ֛ף שְׁנֵ֥י מַטֹּ֖ות מְנַשֶּׁ֣ה וְאֶפְרָ֑יִם וְלֹֽא־נָתְנוּ֩b חֵ֨לֶק לַלְוִיִּ֜ם בָּאָ֗רֶץ כִּ֤י אִם־עָרִים֙ לָשֶׁ֔בֶתc וּמִ֨גְרְשֵׁיהֶ֔ם לְמִקְנֵיהֶ֖ם וּלְקִנְיָנָֽםd ׃

5 כַּאֲשֶׁ֨ר צִוָּ֤הa יְהוָה֙ אֶת־מֹשֶׁ֔ה כֵּ֥ן עָשׂ֖וּb בְּנֵ֣י יִשְׂרָאֵ֑ל וַֽיַּחְלְק֖וּc אֶת־הָאָֽרֶץ׃ פ

6 וַיִּגְּשׁ֨וּa בְנֵֽי־יְהוּדָ֤ה אֶל־יְהֹושֻׁ֨עַ֙ בַּגִּלְגָּ֔לb וַיֹּ֣אמֶרc אֵלָ֔יו כָּלֵ֥בd בֶּן־יְפֻנֶּ֖הe הַקְּנִזִּ֑יf אַתָּ֣ה יָדַ֡עְתָּg אֶֽת־הַדָּבָר֩ אֲשֶׁר־דִּבֶּ֨רh יְהוָ֜ה אֶל־מֹשֶׁ֣ה אִישׁ־הָאֱלֹהִ֗ים עַ֧ל אֹדֹותַ֛יi וְעַ֥ל אֹדֹותֶ֖יךָj בְּקָדֵ֥שׁ בַּרְנֵֽעַk ׃

7 בֶּן־אַרְבָּעִ֨ים שָׁנָ֜ה אָנֹכִ֗י בִּ֠שְׁלֹחַa מֹשֶׁ֨ה עֶֽבֶד־יְהוָ֥ה אֹתִ֛י מִקָּדֵ֥שׁ בַּרְנֵ֖עַb לְרַגֵּ֣לc אֶת־הָאָ֑רֶץ וָאָשֵׁ֤בd אֹתֹו֙ דָּבָ֔ר כַּאֲשֶׁ֖ר עִם־לְבָבִֽי׃

8 וְאַחַי֙ אֲשֶׁ֣ר עָל֣וּa עִמִּ֔י הִמְסִ֖יוb אֶת־לֵ֣ב הָעָ֑ם וְאָנֹכִ֣י מִלֵּ֔אתִיc אַחֲרֵ֖י יְהוָ֥ה אֱלֹהָֽי׃

9 וַיִּשָּׁבַ֣עa מֹשֶׁ֗ה בַּיֹּ֣ום הַהוּא֮ לֵאמֹר֒b אִם־לֹ֗א הָאָ֨רֶץ֙ אֲשֶׁ֨ר דָּרְכָ֤הc רַגְלְךָ֙ בָּ֔הּ לְךָ֨ תִֽהְיֶ֧הd לְנַחֲלָ֛ה וּלְבָנֶ֖יךָ עַד־עֹולָ֑ם כִּ֣י מִלֵּ֔אתָe אַחֲרֵ֖י יְהוָ֥ה אֱלֹהָֽי׃

10 וְעַתָּ֗ה הִנֵּה֩ הֶחֱיָ֨הa יְהוָ֣ה׀ אֹותִי֮ כַּאֲשֶׁ֣ר דִּבֵּר֒b זֶה֩ אַרְבָּעִ֨ים וְחָמֵ֜שׁ שָׁנָ֗ה מֵ֠אָז דִּבֶּ֨רc יְהוָ֜ה אֶת־הַדָּבָ֤ר הַזֶּה֙ אֶל־מֹשֶׁ֔ה אֲשֶׁר־הָלַ֥ךְd יִשְׂרָאֵ֖ל בַּמִּדְבָּ֑ר וְעַתָּה֙ הִנֵּ֣ה אָנֹכִ֣י הַיֹּ֔ום בֶּן־חָמֵ֥שׁ וּשְׁמֹונִ֖ים שָׁנָֽה׃

11 עֹודֶ֨נִּי הַיֹּ֜ום חָזָ֗ק כַּֽאֲשֶׁר֙ בְּיֹ֨ום שְׁלֹ֤חַa אֹותִי֙ מֹשֶׁ֔ה כְּכֹ֥חִי אָ֖ז וּכְכֹ֣חִי עָ֑תָּה לַמִּלְחָמָ֖ה וְלָצֵ֥אתb וְלָבֹֽואc ׃

12 וְעַתָּ֗ה תְּנָהa ־לִּי֙ אֶת־הָהָ֣ר הַזֶּ֔ה אֲשֶׁר־דִּבֶּ֥רb יְהוָ֖ה בַּיֹּ֣ום הַה֑וּא כִּ֣י אַתָּֽה־שָׁמַעְתָּ֩c בַיֹּ֨ום הַה֜וּא כִּֽי־עֲנָקִ֣יםd שָׁ֗ם וְעָרִים֙ גְּדֹלֹ֣ות בְּצֻרֹ֔ותe אוּלַ֨יf יְהוָ֤ה אֹותִי֙ וְהֹ֣ורַשְׁתִּ֔יםg כַּאֲשֶׁ֖ר דִּבֶּ֥רh יְהוָֽה׃

13 וַֽיְבָרְכֵ֖הוּa יְהֹושֻׁ֑עַ וַיִּתֵּ֧ןb אֶת־חֶבְרֹ֛ון לְכָלֵ֥בc בֶּן־יְפֻנֶּ֖הd לְנַחֲלָֽה׃

14 עַל־כֵּ֣ן הָיְתָֽהa ־חֶ֠בְרֹון לְכָלֵ֨בb בֶּן־יְפֻנֶּ֤הc הַקְּנִזִּי֙d לְֽנַחֲלָ֔ה עַ֖ד הַיֹּ֣ום הַזֶּ֑ה יַ֚עַן אֲשֶׁ֣ר מִלֵּ֔אe אַחֲרֵ֕י יְהוָ֖ה אֱלֹהֵ֥י יִשְׂרָאֵֽל׃

15 וְשֵׁ֨ם חֶבְרֹ֤ון לְפָנִים֙ קִרְיַ֣ת אַרְבַּ֔עa הָאָדָ֧ם הַגָּדֹ֛ול בָּעֲנָקִ֖יםb ה֑וּא וְהָאָ֥רֶץ שָׁקְטָ֖הc מִמִּלְחָמָֽה׃ פ

וַיְהִ֣יa הַגֹּורָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱדֹ֧ום מִדְבַּר־צִ֛ןb נֶ֖גְבָּה מִקְצֵ֥ה תֵימָֽןc ׃

2 וַיְהִ֤יa לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַחb מִן־הַלָּשֹׁ֖ן הַפֹּנֶ֥הc נֶֽגְבָּה׃

3 וְ֠יָצָאa אֶל־מִנֶּ֜גֶב לְמַעֲלֵ֤ה עַקְרַבִּים֙b וְעָ֣בַרc צִ֔נָהd וְעָלָ֥הe מִנֶּ֖גֶב לְקָדֵ֣שׁ בַּרְנֵ֑עַf וְעָבַ֤רg חֶצְרֹון֙h וְעָלָ֣הi אַדָּ֔רָהj וְנָסַ֖בk הַקַּרְקָֽעָהl ׃

4 וְעָבַ֣רa עַצְמֹ֗ונָהb וְיָצָא֙c נַ֣חַל מִצְרַ֔יִם והיהd תֹצְאֹ֥ותe הַגְּב֖וּל יָ֑מָּה זֶה־יִהְיֶ֥הf לָכֶ֖ם גְּב֥וּל נֶֽגֶב׃

5 וּגְב֥וּל קֵ֨דְמָה֙ יָ֣ם הַמֶּ֔לַחa עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפֹ֨ונָה֙ מִלְּשֹׁ֣ון הַיָּ֔ם מִקְצֵ֖ה הַיַּרְדֵּֽן׃

6 וְעָלָ֤הa הַגְּבוּל֙ בֵּ֣ית חָגְלָ֔הb וְעָבַ֕רc מִצְּפֹ֖ון לְבֵ֣ית הָעֲרָבָ֑הd וְעָלָ֣הe הַגְּב֔וּל אֶ֥בֶן בֹּ֖הַןf בֶּן־רְאוּבֵֽן׃

7 וְעָלָ֨הa הַגְּב֥וּל׀ דְּבִרָה֮b מֵעֵ֣מֶק עָכֹור֒c וְצָפֹ֜ונָה פֹּנֶ֣הd אֶל־הַגִּלְגָּ֗לe אֲשֶׁר־נֹ֨כַח֙f לְמַעֲלֵ֣ה אֲדֻמִּ֔יםg אֲשֶׁ֥ר מִנֶּ֖גֶב לַנָּ֑חַל וְעָבַ֤רh הַגְּבוּל֙ אֶל־מֵי־עֵ֣ין שֶׁ֔מֶשׁi וְהָי֥וּj תֹצְאֹתָ֖יוk אֶל־עֵ֥ין רֹגֵֽלl ׃

8 וְעָלָ֨הa הַגְּב֜וּל גֵּ֣י בֶן־הִנֹּ֗םb אֶל־כֶּ֤תֶף הַיְבוּסִי֙c מִנֶּ֔גֶב הִ֖יא יְרֽוּשָׁלִָ֑ם וְעָלָ֨הd הַגְּב֜וּל אֶל־רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙e יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖יםf צָפֹֽנָה׃

9 וְתָאַ֨רa הַגְּב֜וּל מֵרֹ֣אשׁ הָהָ֗ר אֶל־מַעְיַן֙b מֵ֣י נֶפְתֹּ֔וחַc וְיָצָ֖אd אֶל־עָרֵ֣י הַר־עֶפְרֹ֑וןe וְתָאַ֤רf הַגְּבוּל֙ בַּעֲלָ֔הg הִ֖יא קִרְיַ֥ת יְעָרִֽיםh ׃

10 וְנָסַב֩a הַגְּב֨וּל מִבַּעֲלָ֥הb יָ֨מָּה֙ אֶל־הַ֣ר שֵׂעִ֔ירc וְעָבַ֕רd אֶל־כֶּ֧תֶף הַר־יְעָרִ֛יםe מִצָּפֹ֖ונָה הִ֣יא כְסָלֹ֑וןf וְיָרַ֥דg בֵּֽית־שֶׁ֖מֶשׁh וְעָבַ֥רi תִּמְנָֽהj ׃

11 וְיָצָ֨אa הַגְּב֜וּל אֶל־כֶּ֣תֶף עֶקְרֹון֮b צָפֹונָה֒ וְתָאַ֤רc הַגְּבוּל֙ שִׁכְּרֹ֔ונָהd וְעָבַ֥רe הַר־הַֽבַּעֲלָ֖הf וְיָצָ֣אg יַבְנְאֵ֑לh וְהָי֛וּi תֹּצְאֹ֥ותj הַגְּב֖וּל יָֽמָּה׃

12 וּגְב֣וּל יָ֔ם הַיָּ֥מָּה הַגָּדֹ֖ול וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃

13 וּלְכָלֵ֣בa בֶּן־יְפֻנֶּ֗הb נָ֤תַןc חֵ֨לֶק֙ בְּתֹ֣וךְ בְּנֵֽי־יְהוּדָ֔ה אֶל־פִּ֥י יְהוָ֖ה לִֽיהֹושֻׁ֑עַ אֶת־קִרְיַ֥ת אַרְבַּ֛עd אֲבִ֥י הָעֲנָ֖קe הִ֥יא חֶבְרֹֽון׃

14 וַיֹּ֤רֶשׁa מִשָּׁם֙ כָּלֵ֔בb אֶת־שְׁלֹושָׁ֖ה בְּנֵ֣י הָעֲנָ֑קc אֶת־שֵׁשַׁ֤יd וְאֶת־אֲחִימַן֙e וְאֶת־תַּלְמַ֔יf יְלִידֵ֖יg הָעֲנָֽקh ׃

15 וַיַּ֣עַלa מִשָּׁ֔ם אֶל־יֹשְׁבֵ֖י דְּבִ֑רb וְשֵׁם־דְּבִ֥רc לְפָנִ֖ים קִרְיַת־סֵֽפֶרd ׃

16 וַיֹּ֣אמֶרa כָּלֵ֔בb אֲשֶׁר־יַכֶּ֥הc אֶת־קִרְיַת־סֵ֖פֶרd וּלְכָדָ֑הּe וְנָתַ֥תִּיf לֹ֛ו אֶת־עַכְסָ֥הg בִתִּ֖י לְאִשָּֽׁה׃

17 וַֽיִּלְכְּדָ֛הּa עָתְנִיאֵ֥לb בֶּן־קְנַ֖זc אֲחִ֣י כָלֵ֑בd וַיִּתֶּןe ־לֹ֛ו אֶת־עַכְסָ֥הf בִתֹּ֖ו לְאִשָּֽׁה׃

18 וַיְהִ֣יa בְּבֹואָ֗הּb וַתְּסִיתֵ֨הוּ֙c לִשְׁאֹ֤ולd מֵֽאֵת־אָבִ֨יהָ֙ שָׂדֶ֔ה וַתִּצְנַ֖חe מֵעַ֣ל הַחֲמֹ֑ור וַיֹּֽאמֶרf ־לָ֥הּ כָּלֵ֖בg מַה־לָּֽךְ׃

19 וַתֹּ֜אמֶרa תְּנָהb ־לִּ֣י בְרָכָ֗ה כִּ֣י אֶ֤רֶץ הַנֶּ֨גֶב֙ נְתַתָּ֔נִיc וְנָתַתָּ֥הd לִ֖י גֻּלֹּ֣תe מָ֑יִם וַיִּתֶּןf ־לָ֗הּ אֵ֚ת גֻּלֹּ֣תg עִלִּיֹּ֔ותh וְאֵ֖ת גֻּלֹּ֥תi תַּחְתִּיֹּֽותj ׃ פ

20 זֹ֗את נַחֲלַ֛ת מַטֵּ֥ה בְנֵי־יְהוּדָ֖ה לְמִשְׁפְּחֹתָֽם׃

21 וַיִּֽהְי֣וּa הֶעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱדֹ֖ום בַּנֶּ֑גְבָּה קַבְצְאֵ֥לb וְעֵ֖דֶרc וְיָגֽוּרd ׃

22 וְקִינָ֥הa וְדִֽימֹונָ֖הb וְעַדְעָדָֽהc ׃

23 וְקֶ֥דֶשׁa וְחָצֹ֖ורb וְיִתְנָֽןc ׃

24 זִ֥יףa וָטֶ֖לֶםb וּבְעָלֹֽותc ׃

25 וְחָצֹ֤ור׀ חֲדַתָּה֙a וּקְרִיֹּ֔ותb חֶצְרֹ֖וןc הִ֥יא חָצֹֽורd ׃

26 אֲמָ֥םa וּשְׁמַ֖עb וּמֹולָדָֽהc ׃

27 וַחֲצַ֥ר גַּדָּ֛הa וְחֶשְׁמֹ֖וןb וּבֵ֥ית פָּֽלֶטc ׃

28 וַחֲצַ֥ר שׁוּעָ֛לa וּבְאֵ֥ר שֶׁ֖בַעb וּבִזְיֹותְיָֽהc ׃

29 בַּעֲלָ֥הa וְעִיִּ֖יםb וָעָֽצֶםc ׃

30 וְאֶלְתֹּולַ֥דa וּכְסִ֖ילb וְחָרְמָֽהc ׃

31 וְצִֽקְלַ֥גa וּמַדְמַנָּ֖הb וְסַנְסַנָּֽהc ׃

32 וּלְבָאֹ֥ותa וְשִׁלְחִ֖יםb וְעַ֣יִן וְרִמֹּ֑וןc כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ ס

33 בַּשְּׁפֵלָ֑הa אֶשְׁתָּאֹ֥ולb וְצָרְעָ֖הc וְאַשְׁנָֽהd ׃

34 וְזָנֹ֨וחַ֙a וְעֵ֣ין גַּנִּ֔יםb תַּפּ֖וּחַc וְהָעֵינָֽםd ׃

35 יַרְמוּת֙a וַעֲדֻלָּ֔םb שֹׂוכֹ֖הc וַעֲזֵקָֽהd ׃

36 וְשַׁעֲרַ֨יִם֙a וַעֲדִיתַ֔יִםb וְהַגְּדֵרָ֖הc וּגְדֵרֹתָ֑יִםd עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃

37 צְנָ֥ןa וַחֲדָשָׁ֖הb וּמִגְדַּל־גָּֽדc ׃

38 וְדִלְעָ֥ןa וְהַמִּצְפֶּ֖הb וְיָקְתְאֵֽלc ׃

39 לָכִ֥ישׁa וּבָצְקַ֖תb וְעֶגְלֹֽוןc ׃

40 וְכַבֹּ֥וןa וְלַחְמָ֖סb וְכִתְלִֽישׁc ׃

41 וּגְדֵרֹ֕ותa בֵּית־דָּגֹ֥וןb וְנַעֲמָ֖הc וּמַקֵּדָ֑הd עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ ס

42 לִבְנָ֥הa וָעֶ֖תֶרb וְעָשָֽׁןc ׃

43 וְיִפְתָּ֥חa וְאַשְׁנָ֖הb וּנְצִֽיבc ׃

44 וּקְעִילָ֥הa וְאַכְזִ֖יבb וּמָֽרֵאשָׁ֑הc עָרִ֥ים תֵּ֖שַׁע וְחַצְרֵיהֶֽן׃

45 עֶקְרֹ֥וןa וּבְנֹתֶ֖יהָ וַחֲצֵרֶֽיהָ׃

46 מֵעֶקְרֹ֖וןa וָיָ֑מָּה כֹּ֛ל אֲשֶׁר־עַל־יַ֥ד אַשְׁדֹּ֖ודb וְחַצְרֵיהֶֽן׃

47 אַשְׁדֹּ֞ודa בְּנֹותֶ֣יהָ וַחֲצֵרֶ֗יהָ עַזָּ֥הb בְּנֹותֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם הגבולc וּגְבֽוּל׃ ס

48 וּבָהָ֑ר שָׁמִ֥ירa וְיַתִּ֖ירb וְשֹׂוכֹֽהc ׃

49 וְדַנָּ֥הa וְקִרְיַת־סַנָּ֖הb הִ֥יא דְבִֽרc ׃

50 וַעֲנָ֥בa וְאֶשְׁתְּמֹ֖הb וְעָנִֽיםc ׃

51 וְגֹ֥שֶׁןa וְחֹלֹ֖ןb וְגִלֹ֑הc עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃

52 אֲרַ֥בa וְרוּמָ֖הb וְאֶשְׁעָֽןc ׃

53 ויניםa וּבֵית־תַּפּ֖וּחַb וַאֲפֵֽקָהc ׃

54 וְחֻמְטָ֗הa וְקִרְיַ֥ת אַרְבַּ֛עb הִ֥יא חֶבְרֹ֖ון וְצִיעֹ֑רc עָרִ֥ים תֵּ֖שַׁע וְחַצְרֵיהֶֽן׃ ס

55 מָעֹ֥וןa ׀ כַּרְמֶ֖לb וָזִ֥יףc וְיוּטָּֽהd ׃

56 וְיִזְרְעֶ֥אלa וְיָקְדְעָ֖םb וְזָנֹֽוחַc ׃

57 הַקַּ֖יִןa גִּבְעָ֣הb וְתִמְנָ֑הc עָרִ֥ים עֶ֖שֶׂר וְחַצְרֵיהֶֽן׃

58 חַלְח֥וּלa בֵּֽית־צ֖וּרb וּגְדֹֽורc ׃

59 וּמַעֲרָ֥תa וּבֵית־עֲנֹ֖ותb וְאֶלְתְּקֹ֑ןc עָרִ֥ים שֵׁ֖שׁ וְחַצְרֵיהֶֽן׃

60 קִרְיַת־בַּ֗עַלa הִ֛יא קִרְיַ֥ת יְעָרִ֖יםb וְהָֽרַבָּ֑הc עָרִ֥ים שְׁתַּ֖יִם וְחַצְרֵיהֶֽן׃ ס

61 בַּמִּדְבָּ֑ר בֵּ֚ית הָעֲרָבָ֔הa מִדִּ֖יןb וּסְכָכָֽהc ׃

62 וְהַנִּבְשָׁ֥ןa וְעִיר־הַמֶּ֖לַחb וְעֵ֣ין גֶּ֑דִיc עָרִ֥ים שֵׁ֖שׁ וְחַצְרֵיהֶֽן׃

63 וְאֶת־הַיְבוּסִי֙a יֹושְׁבֵ֣י יְרֽוּשָׁלִַ֔ם לֹֽא־יוכלוb בְנֵֽי־יְהוּדָ֖ה לְהֹֽורִישָׁ֑םc וַיֵּ֨שֶׁבd הַיְבוּסִ֜יe אֶת־בְּנֵ֤י יְהוּדָה֙ בִּיר֣וּשָׁלִַ֔ם עַ֖ד הַיֹּ֥ום הַזֶּֽה׃ פ

וַיֵּצֵ֨אa הַגֹּורָ֜ל לִבְנֵ֤י יֹוסֵף֙ מִיַּרְדֵּ֣ן יְרִיחֹ֔ו לְמֵ֥י יְרִיחֹ֖ו מִזְרָ֑חָה הַמִּדְבָּ֗ר עֹלֶ֧הb מִירִיחֹ֛ו בָּהָ֖ר בֵּֽית־אֵֽל׃

2 וְיָצָ֥אa מִבֵּֽית־אֵ֖ל ל֑וּזָהb וְעָבַ֛רc אֶל־גְּב֥וּל הָאַרְכִּ֖יd עֲטָרֹֽותe ׃

3 וְיָֽרַדa ־יָ֜מָּה אֶל־גְּב֣וּל הַיַּפְלֵטִ֗יb עַ֣ד גְּב֧וּל בֵּית־חֹורֹ֛ןc תַּחְתֹּ֖וןd וְעַד־גָּ֑זֶרe וְהָי֥וּf תצאתוg יָֽמָּה׃

4 וַיִּנְחֲל֥וּa בְנֵי־יֹוסֵ֖ף מְנַשֶּׁ֥ה וְאֶפְרָֽיִם׃

5 וַיְהִ֛יa גְּב֥וּל בְּנֵֽי־אֶפְרַ֖יִם לְמִשְׁפְּחֹתָ֑ם וַיְהִ֞יb גְּב֤וּל נַחֲלָתָם֙ מִזְרָ֔חָה עַטְרֹ֣ות אַדָּ֔רc עַד־בֵּ֥ית חֹורֹ֖ןd עֶלְיֹֽון׃

6 וְיָצָ֨אa הַגְּב֜וּל הַיָּ֗מָּה הַֽמִּכְמְתָת֙b מִצָּפֹ֔ון וְנָסַ֧בc הַגְּב֛וּל מִזְרָ֖חָה תַּאֲנַ֣ת שִׁלֹ֑הd וְעָבַ֣רe אֹותֹ֔ו מִמִּזְרַ֖ח יָנֹֽוחָהf ׃

7 וְיָרַ֥דa מִיָּנֹ֖וחָהb עֲטָרֹ֣ותc וְנַעֲרָ֑תָהd וּפָגַע֙e בִּֽירִיחֹ֔ו וְיָצָ֖אf הַיַּרְדֵּֽן׃

8 מִתַּפּ֜וּחַa יֵלֵ֨ךְb הַגְּב֥וּל יָ֨מָּה֙ נַ֣חַל קָנָ֔הc וְהָי֥וּd תֹצְאֹתָ֖יוe הַיָּ֑מָּה זֹ֗את נַחֲלַ֛ת מַטֵּ֥ה בְנֵי־אֶפְרַ֖יִם לְמִשְׁפְּחֹתָֽם׃

9 וְהֶעָרִ֗ים הַמִּבְדָּלֹות֙a לִבְנֵ֣י אֶפְרַ֔יִם בְּתֹ֖וךְ נַחֲלַ֣ת בְּנֵֽי־מְנַשֶּׁ֑ה כָּֽל־הֶעָרִ֖ים וְחַצְרֵיהֶֽן׃

10 וְלֹ֣א הֹורִ֔ישׁוּa אֶת־הַֽכְּנַעֲנִ֖י הַיֹּושֵׁ֣בb בְּגָ֑זֶרc וַיֵּ֨שֶׁבd הַֽכְּנַעֲנִ֜י בְּקֶ֤רֶב אֶפְרַ֨יִם֙ עַד־הַיֹּ֣ום הַזֶּ֔ה וַיְהִ֖יe לְמַסf ־עֹבֵֽד׃ פ

וַיְהִ֤יa הַגֹּורָל֙ לְמַטֵּ֣ה מְנַשֶּׁ֔ה כִּי־ה֖וּא בְּכֹ֣ור יֹוסֵ֑ף לְמָכִיר֩b בְּכֹ֨ור מְנַשֶּׁ֜ה אֲבִ֣י הַגִּלְעָ֗ד כִּ֣י ה֤וּא הָיָה֙c אִ֣ישׁ מִלְחָמָ֔ה וַֽיְהִיd ־לֹ֖ו הַגִּלְעָ֥ד וְהַבָּשָֽׁן׃

2 וַ֠יְהִיa לִבְנֵ֨י מְנַשֶּׁ֥ה הַנֹּותָרִים֮ לְמִשְׁפְּחֹתָם֒ לִבְנֵ֨י אֲבִיעֶ֜זֶרb וְלִבְנֵי־חֵ֗לֶקc וְלִבְנֵ֤י אַשְׂרִיאֵל֙d וְלִבְנֵי־שֶׁ֔כֶםe וְלִבְנֵי־חֵ֖פֶרf וְלִבְנֵ֣י שְׁמִידָ֑עg אֵ֠לֶּה בְּנֵ֨י מְנַשֶּׁ֧ה בֶּן־יֹוסֵ֛ף הַזְּכָרִ֖ים לְמִשְׁפְּחֹתָֽם׃

3 וְלִצְלָפְחָד֩a בֶּן־חֵ֨פֶרb בֶּן־גִּלְעָ֜ד בֶּן־מָכִ֣ירc בֶּן־מְנַשֶּׁ֗ה לֹא־הָ֥יוּd לֹ֛ו בָּנִ֖ים כִּ֣י אִם־בָּנֹ֑ות וְאֵ֨לֶּה֙ שְׁמֹ֣ות בְּנֹתָ֔יו מַחְלָ֣הe וְנֹעָ֔הf חָגְלָ֥הg מִלְכָּ֖הh וְתִרְצָֽהi ׃

4 וַתִּקְרַ֡בְנָהa לִפְנֵי֩ אֶלְעָזָ֨ר הַכֹּהֵ֜ן וְלִפְנֵ֣י׀ יְהֹושֻׁ֣עַ בִּן־נ֗וּןb וְלִפְנֵ֤י הַנְּשִׂיאִים֙ לֵאמֹ֔רc יְהוָה֙ צִוָּ֣הd אֶת־מֹשֶׁ֔ה לָֽתֶתe ־לָ֥נוּ נַחֲלָ֖ה בְּתֹ֣וךְ אַחֵ֑ינוּ וַיִּתֵּ֨ןf לָהֶ֜ם אֶל־פִּ֤י יְהוָה֙ נַֽחֲלָ֔ה בְּתֹ֖וךְ אֲחֵ֥י אֲבִיהֶֽן׃

5 וַיִּפְּל֥וּa חַבְלֵֽי־מְנַשֶּׁ֖ה עֲשָׂרָ֑ה לְבַ֞ד מֵאֶ֤רֶץ הַגִּלְעָד֙ וְהַבָּשָׁ֔ן אֲשֶׁ֖ר מֵעֵ֥בֶר לַיַּרְדֵּֽן׃

6 כִּ֚י בְּנֹ֣ות מְנַשֶּׁ֔ה נָחֲל֥וּa נַחֲלָ֖ה בְּתֹ֣וךְ בָּנָ֑יו וְאֶ֨רֶץ֙ הַגִּלְעָ֔ד הָיְתָ֥הb לִבְנֵֽי־מְנַשֶּׁ֖ה הַנֹּֽותָרִֽים׃

7 וַיְהִ֤יa גְבוּל־מְנַשֶּׁה֙ מֵֽאָשֵׁ֔רb הַֽמִּכְמְתָ֔תc אֲשֶׁ֖ר עַל־פְּנֵ֣י שְׁכֶ֑ם וְהָלַ֤ךְd הַגְּבוּל֙ אֶל־הַיָּמִ֔ין אֶל־יֹשְׁבֵ֖י עֵ֥ין תַּפּֽוּחַe ׃

8 לִמְנַשֶּׁ֕ה הָיְתָ֖הa אֶ֣רֶץ תַּפּ֑וּחַb וְתַפּ֛וּחַc אֶל־גְּב֥וּל מְנַשֶּׁ֖ה לִבְנֵ֥י אֶפְרָֽיִם׃

9 וְיָרַ֣דa הַגְּבוּל֩ נַ֨חַל קָנָ֜הb נֶ֣גְבָּה לַנַּ֗חַל עָרִ֤ים הָאֵ֨לֶּה֙ לְאֶפְרַ֔יִם בְּתֹ֖וךְ עָרֵ֣י מְנַשֶּׁ֑ה וּגְב֤וּל מְנַשֶּׁה֙ מִצְּפֹ֣ון לַנַּ֔חַל וַיְהִ֥יc תֹצְאֹתָ֖יוd הַיָּֽמָּה׃

10 נֶ֣גְבָּה לְאֶפְרַ֗יִם וְצָפֹ֨ונָה֙ לִמְנַשֶּׁ֔ה וַיְהִ֥יa הַיָּ֖ם גְּבוּלֹ֑ו וּבְאָשֵׁר֙b יִפְגְּע֣וּןc מִצָּפֹ֔ון וּבְיִשָּׂשכָ֖רd מִמִּזְרָֽח׃

11 וַיְהִ֨יa לִמְנַשֶּׁ֜ה בְּיִשָּׂשכָ֣רb וּבְאָשֵׁ֗רc בֵּית־שְׁאָ֣ןd וּ֠בְנֹותֶיהָ וְיִבְלְעָ֨םe וּבְנֹותֶ֜יהָ וְֽאֶת־יֹשְׁבֵ֧י דֹ֣ארf וּבְנֹותֶ֗יהָ וְיֹשְׁבֵ֤י עֵֽין־דֹּר֙g וּבְנֹתֶ֔יהָ וְיֹשְׁבֵ֤י תַעְנַךְ֙h וּבְנֹתֶ֔יהָ וְיֹשְׁבֵ֥י מְגִדֹּ֖וi וּבְנֹותֶ֑יהָ שְׁלֹ֖שֶׁת הַנָּֽפֶתj ׃

12 וְלֹ֤א יָכְלוּ֙a בְּנֵ֣י מְנַשֶּׁ֔ה לְהֹורִ֖ישׁb אֶת־הֶֽעָרִ֣ים הָאֵ֑לֶּה וַיֹּ֨ואֶל֙c הַֽכְּנַעֲנִ֔י לָשֶׁ֖בֶתd בָּאָ֥רֶץ הַזֹּֽאת׃

13 וַֽיְהִ֗יa כִּ֤י חָֽזְקוּ֙b בְּנֵ֣י יִשְׂרָאֵ֔ל וַיִּתְּנ֥וּc אֶת־הַֽכְּנַעֲנִ֖י לָמַ֑סd וְהֹורֵ֖שׁ לֹ֥א הֹורִישֹֽׁוe ׃ ס

14 וַֽיְדַבְּרוּ֙a בְּנֵ֣י יֹוסֵ֔ף אֶת־יְהֹושֻׁ֖עַ לֵאמֹ֑רb מַדּוּעַ֩ נָתַ֨תָּהc לִּ֜י נַחֲלָ֗ה גֹּורָ֤ל אֶחָד֙ וְחֶ֣בֶל אֶחָ֔ד וַֽאֲנִ֣י עַם־רָ֔ב עַ֥ד אֲשֶׁר־עַד־כֹּ֖ה בֵּֽרְכַ֥נִיd יְהוָֽה׃

15 וַיֹּ֨אמֶרa אֲלֵיהֶ֜ם יְהֹושֻׁ֗עַ אִם־עַם־רַ֤ב אַתָּה֙ עֲלֵ֣הb לְךָ֣ הַיַּ֔עְרָה וּבֵרֵאתָ֤c לְךָ֙ שָׁ֔ם בְּאֶ֥רֶץ הַפְּרִזִּ֖יd וְהָֽרְפָאִ֑יםe כִּֽי־אָ֥ץf לְךָ֖ הַר־אֶפְרָֽיִם׃

16 וַיֹּֽאמְרוּ֙a בְּנֵ֣י יֹוסֵ֔ף לֹֽא־יִמָּ֥צֵאb לָ֖נוּ הָהָ֑ר וְרֶ֣כֶב בַּרְזֶ֗ל בְּכָל־הַֽכְּנַעֲנִי֙ הַיֹּשֵׁ֣בc בְּאֶֽרֶץ־הָעֵ֔מֶק לַֽאֲשֶׁ֤ר בְּבֵית־שְׁאָן֙d וּבְנֹותֶ֔יהָ וְלַֽאֲשֶׁ֖ר בְּעֵ֥מֶק יִזְרְעֶֽאלe ׃

17 וַיֹּ֤אמֶרa יְהֹושֻׁ֨עַ֙ אֶל־בֵּ֣ית יֹוסֵ֔ף לְאֶפְרַ֥יִם וְלִמְנַשֶּׁ֖ה לֵאמֹ֑רb עַם־רַ֣ב אַתָּ֗ה וְכֹ֤חַ גָּדֹול֙ לָ֔ךְ לֹֽא־יִהְיֶ֥הc לְךָ֖ גֹּורָ֥ל אֶחָֽד׃

18 כִּ֣י הַ֤ר יִֽהְיֶהa ־לָּךְ֙ כִּֽי־יַ֣עַר ה֔וּא וּבֵ֣רֵאתֹ֔וb וְהָיָ֥הc לְךָ֖ תֹּֽצְאֹתָ֑יוd כִּֽי־תֹורִ֣ישׁe אֶת־הַֽכְּנַעֲנִ֗י כִּ֣י רֶ֤כֶב בַּרְזֶל֙ לֹ֔ו כִּ֥י חָזָ֖ק הֽוּא׃ פ

וַיִּקָּ֨הֲל֜וּa כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔הb וַיַּשְׁכִּ֥ינוּc שָׁ֖ם אֶת־אֹ֣הֶל מֹועֵ֑ד וְהָאָ֥רֶץ נִכְבְּשָׁ֖הd לִפְנֵיהֶֽם׃

2 וַיִּוָּֽתְרוּ֙a בִּבְנֵ֣י יִשְׂרָאֵ֔ל אֲשֶׁ֥ר לֹֽא־חָלְק֖וּb אֶת־נַֽחֲלָתָ֑ם שִׁבְעָ֖ה שְׁבָטִֽים׃

3 וַיֹּ֥אמֶרa יְהֹושֻׁ֖עַ אֶל־בְּנֵ֣י יִשְׂרָאֵ֑ל עַד־אָ֨נָה֙b אַתֶּ֣ם מִתְרַפִּ֔יםc לָבֹוא֙d לָרֶ֣שֶׁתe אֶת־הָאָ֔רֶץ אֲשֶׁר֙ נָתַ֣ןf לָכֶ֔ם יְהוָ֖ה אֱלֹהֵ֥י אֲבֹֽותֵיכֶֽם׃

4 הָב֥וּa לָכֶ֛ם שְׁלֹשָׁ֥ה אֲנָשִׁ֖ים לַשָּׁ֑בֶט וְאֶשְׁלָחֵ֗םb וְיָקֻ֜מוּc וְיִֽתְהַלְּכ֥וּd בָאָ֛רֶץ וְיִכְתְּב֥וּe אֹותָ֛הּ לְפִ֥י נַֽחֲלָתָ֖ם וְיָבֹ֥אוּf אֵלָֽי׃

5 וְהִֽתְחַלְּק֥וּa אֹתָ֖הּ לְשִׁבְעָ֣ה חֲלָקִ֑ים יְהוּדָ֞ה יַעֲמֹ֤דb עַל־גְּבוּלֹו֙ מִנֶּ֔גֶב וּבֵ֥ית יֹוסֵ֛ף יַעַמְד֥וּc עַל־גְּבוּלָ֖ם מִצָּפֹֽון׃

6 וְאַתֶּ֞ם תִּכְתְּב֤וּa אֶת־הָאָ֨רֶץ֙ שִׁבְעָ֣ה חֲלָקִ֔ים וַֽהֲבֵאתֶ֥םb אֵלַ֖י הֵ֑נָּה וְיָרִ֨יתִיc לָכֶ֤ם גֹּורָל֙ פֹּ֔ה לִפְנֵ֖י יְהוָ֥ה אֱלֹהֵֽינוּ׃

7 כִּ֠י אֵֽין־חֵ֤לֶק לַלְוִיִּם֙ בְּקִרְבְּכֶ֔ם כִּֽי־כְהֻנַּ֥תa יְהוָ֖ה נַחֲלָתֹ֑ו וְגָ֡ד וּרְאוּבֵ֡ן וַחֲצִי֩ שֵׁ֨בֶט הַֽמְנַשֶּׁ֜ה לָקְח֣וּb נַחֲלָתָ֗ם מֵעֵ֤בֶר לַיַּרְדֵּן֙ מִזְרָ֔חָה אֲשֶׁר֙ נָתַ֣ןc לָהֶ֔ם מֹשֶׁ֖ה עֶ֥בֶד יְהוָֽה׃

8 וַיָּקֻ֥מוּa הָאֲנָשִׁ֖ים וַיֵּלֵ֑כוּb וַיְצַ֣וc יְהֹושֻׁ֡עַ אֶת־הַהֹלְכִים֩ לִכְתֹּ֨בd אֶת־הָאָ֜רֶץ לֵאמֹ֗רe לְ֠כוּf וְהִתְהַלְּכ֨וּg בָאָ֜רֶץ וְכִתְב֤וּh אֹותָהּ֙ וְשׁ֣וּבוּi אֵלַ֔י וּ֠פֹה אַשְׁלִ֨יךְj לָכֶ֥ם גֹּורָ֛ל לִפְנֵ֥י יְהוָ֖ה בְּשִׁלֹֽהk ׃

9 וַיֵּלְכ֤וּa הָֽאֲנָשִׁים֙ וַיַּעַבְר֣וּb בָאָ֔רֶץ וַיִּכְתְּב֧וּהָc לֶֽעָרִ֛ים לְשִׁבְעָ֥ה חֲלָקִ֖ים עַל־סֵ֑פֶר וַיָּבֹ֧אוּd אֶל־יְהֹושֻׁ֛עַ אֶל־הַֽמַּחֲנֶ֖ה שִׁלֹֽהe ׃

10 וַיַּשְׁלֵךְ֩a לָהֶ֨ם יְהֹושֻׁ֧עַ גֹּורָ֛ל בְּשִׁלֹ֖הb לִפְנֵ֣י יְהוָ֑ה וַיְחַלֶּקc ־שָׁ֨ם יְהֹושֻׁ֧עַ אֶת־הָאָ֛רֶץ לִבְנֵ֥י יִשְׂרָאֵ֖ל כְּמַחְלְקֹתָֽםd ׃ פ

11 וַיַּ֗עַלa גֹּורַ֛ל מַטֵּ֥ה בְנֵֽי־בִנְיָמִ֖ן לְמִשְׁפְּחֹתָ֑ם וַיֵּצֵא֙b גְּב֣וּל גֹּֽורָלָ֔ם בֵּ֚ין בְּנֵ֣י יְהוּדָ֔ה וּבֵ֖ין בְּנֵ֥י יֹוסֵֽף׃

12 וַיְהִ֨יa לָהֶ֧ם הַגְּב֛וּל לִפְאַ֥ת צָפֹ֖ונָה מִן־הַיַּרְדֵּ֑ן וְעָלָ֣הb הַגְּבוּל֩ אֶל־כֶּ֨תֶף יְרִיחֹ֜ו מִצָּפֹ֗ון וְעָלָ֤הc בָהָר֙ יָ֔מָּה והיהd תֹּֽצְאֹתָ֔יוe מִדְבַּ֖רָה בֵּ֥ית אָֽוֶןf ׃

13 וְעָבַר֩a מִשָּׁ֨ם הַגְּב֜וּל ל֗וּזָהb אֶל־כֶּ֤תֶף ל֨וּזָה֙c נֶ֔גְבָּה הִ֖יא בֵּֽית־אֵ֑ל וְיָרַ֤דd הַגְּבוּל֙ עַטְרֹ֣ות אַדָּ֔רe עַל־הָהָ֕ר אֲשֶׁ֛ר מִנֶּ֥גֶב לְבֵית־חֹרֹ֖וןf תַּחְתֹּֽוןg ׃

14 וְתָאַ֣רa הַגְּבוּל֩ וְנָסַ֨בb לִפְאַת־יָ֜ם נֶ֗גְבָּה מִן־הָהָר֙ אֲשֶׁ֨ר עַל־פְּנֵ֥י בֵית־חֹרֹון֮c נֶגְבָּה֒ והיהd תֹֽצְאֹתָ֗יוe אֶל־קִרְיַת־בַּ֨עַל֙f הִ֚יא קִרְיַ֣ת יְעָרִ֔יםg עִ֖יר בְּנֵ֣י יְהוּדָ֑ה זֹ֖את פְּאַת־יָֽם׃

15 וּפְאַת־נֶ֕גְבָּה מִקְצֵ֖ה קִרְיַ֣ת יְעָרִ֑יםa וְיָצָ֤אb הַגְּבוּל֙ יָ֔מָּה וְיָצָ֕אc אֶל־מַעְיַ֖ןd מֵ֥י נֶפְתֹּֽוחַe ׃

16 וְיָרַ֨דa הַגְּב֜וּל אֶל־קְצֵ֣ה הָהָ֗ר אֲשֶׁר֙ עַל־פְּנֵי֙ גֵּ֣י בֶן־הִנֹּ֔םb אֲשֶׁ֛ר בְּעֵ֥מֶק רְפָאִ֖יםc צָפֹ֑ונָה וְיָרַד֩d גֵּ֨י הִנֹּ֜םe אֶל־כֶּ֤תֶף הַיְבוּסִי֙f נֶ֔גְבָּה וְיָרַ֖דg עֵ֥ין רֹגֵֽלh ׃

17 וְתָאַ֣רa מִצָּפֹ֗ון וְיָצָא֙b עֵ֣ין שֶׁ֔מֶשׁc וְיָצָא֙d אֶל־גְּלִילֹ֔ותe אֲשֶׁר־נֹ֖כַחf מַעֲלֵ֣ה אֲדֻמִּ֑יםg וְיָרַ֕דh אֶ֥בֶן בֹּ֖הַןi בֶּן־רְאוּבֵֽן׃

18 וְעָבַ֛רa אֶל־כֶּ֥תֶף מוּלb ־הָֽעֲרָבָ֖ה צָפֹ֑ונָה וְיָרַ֖דc הָעֲרָבָֽתָה׃

19 וְעָבַ֨רa הַגְּב֜וּל אֶל־כֶּ֣תֶף בֵּית־חָגְלָה֮b צָפֹונָה֒ והיהc ׀ תצאותיוd הַגְּב֗וּל אֶל־לְשֹׁ֤ון יָם־הַמֶּ֨לַח֙e צָפֹ֔ונָה אֶל־קְצֵ֥ה הַיַּרְדֵּ֖ן נֶ֑גְבָּה זֶ֖ה גְּב֥וּל נֶֽגֶב׃

20 וְהַיַּרְדֵּ֥ן יִגְבֹּלa ־אֹתֹ֖ו לִפְאַת־קֵ֑דְמָה זֹ֡את נַחֲלַת֩ בְּנֵ֨י בִנְיָמִ֧ן לִגְבֽוּלֹתֶ֛יהָb סָבִ֖יב לְמִשְׁפְּחֹתָֽם׃

21 וְהָי֣וּa הֶֽעָרִ֗ים לְמַטֵּ֛ה בְּנֵ֥י בִנְיָמִ֖ן לְמִשְׁפְּחֹֽותֵיהֶ֑ם יְרִיחֹ֥ו וּבֵית־חָגְלָ֖הb וְעֵ֥מֶק קְצִֽיץc ׃

22 וּבֵ֧ית הָֽעֲרָבָ֛הa וּצְמָרַ֖יִםb וּבֵֽית־אֵֽל׃

23 וְהָעַוִּ֥יםa וְהַפָּרָ֖הb וְעָפְרָֽהc ׃

24 וּכְפַ֧רa העמניb וְהָֽעָפְנִ֖יc וָגָ֑בַעd עָרִ֥ים שְׁתֵּים־עֶשְׂרֵ֖ה וְחַצְרֵיהֶֽן׃

25 גִּבְעֹ֥וןa וְהָֽרָמָ֖הb וּבְאֵרֹֽותc ׃

26 וְהַמִּצְפֶּ֥הa וְהַכְּפִירָ֖הb וְהַמֹּצָֽהc ׃

27 וְרֶ֥קֶםa וְיִרְפְּאֵ֖לb וְתַרְאֲלָֽהc ׃

28 וְצֵלַ֡עa הָאֶ֜לֶףb וְהַיְבוּסִ֨יc הִ֤יא יְרֽוּשָׁלִַ֨ם֙ גִּבְעַ֣תd קִרְיַ֔תe עָרִ֥ים אַרְבַּֽע־עֶשְׂרֵ֖ה וְחַצְרֵיהֶ֑ן זֹ֛את נַֽחֲלַ֥ת בְּנֵֽי־בִנְיָמִ֖ן לְמִשְׁפְּחֹתָֽם׃ פ

וַיֵּצֵ֞אa הַגֹּורָ֤ל הַשֵּׁנִי֙ לְשִׁמְעֹ֔וןb לְמַטֵּ֥ה בְנֵֽי־שִׁמְעֹ֖וןc לְמִשְׁפְּחֹותָ֑ם וַֽיְהִי֙d נַֽחֲלָתָ֔ם בְּתֹ֖וךְ נַחֲלַ֥ת בְּנֵֽי־יְהוּדָֽה׃

2 וַיְהִ֥יa לָהֶ֖ם בְּנַֽחֲלָתָ֑ם בְּאֵֽר־שֶׁ֥בַעb וְשֶׁ֖בַעc וּמֹולָדָֽהd ׃

3 וַחֲצַ֥ר שׁוּעָ֛לa וּבָלָ֖הb וָעָֽצֶםc ׃

4 וְאֶלְתֹּולַ֥דa וּבְת֖וּלb וְחָרְמָֽהc ׃

5 וְצִֽקְלַ֥גa וּבֵית־הַמַּרְכָּבֹ֖ותb וַחֲצַ֥ר סוּסָֽהc ׃

6 וּבֵ֥ית לְבָאֹ֖ותa וְשָֽׁרוּחֶ֑ןb עָרִ֥ים שְׁלֹשׁ־עֶשְׂרֵ֖ה וְחַצְרֵיהֶֽן׃

7 עַ֥יִןa ׀ רִמֹּ֖וןb וָעֶ֣תֶרc וְעָשָׁ֑ןd עָרִ֥ים אַרְבַּ֖ע וְחַצְרֵיהֶֽן׃

8 וְכָל־הַֽחֲצֵרִ֗ים אֲשֶׁ֤ר סְבִיבֹות֙ הֶֽעָרִ֣ים הָאֵ֔לֶּה עַד־בַּֽעֲלַ֥ת בְּאֵ֖רa רָ֣אמַתb נֶ֑גֶב זֹ֗את נַחֲלַ֛ת מַטֵּ֥ה בְנֵֽי־שִׁמְעֹ֖וןc לְמִשְׁפְּחֹתָֽם׃

9 מֵחֶ֨בֶל֙ בְּנֵ֣י יְהוּדָ֔ה נַחֲלַ֖ת בְּנֵ֣י שִׁמְעֹ֑וןa כִּֽי־הָיָ֞הb חֵ֤לֶק בְּנֵֽי־יְהוּדָה֙ רַ֣ב מֵהֶ֔ם וַיִּנְחֲל֥וּc בְנֵֽי־שִׁמְעֹ֖וןd בְּתֹ֥וךְ נַחֲלָתָֽם׃ פ

10 וַיַּ֨עַל֙a הַגֹּורָ֣ל הַשְּׁלִישִׁ֔י לִבְנֵ֥י זְבוּלֻ֖ןb לְמִשְׁפְּחֹתָ֑ם וַיְהִ֛יc גְּב֥וּל נַחֲלָתָ֖ם עַד־שָׂרִֽידd ׃

11 וְעָלָ֨הa גְבוּלָ֧ם׀ לַיָּ֛מָּה וּמַרְעֲלָ֖הb וּפָגַ֣עc בְּדַבָּ֑שֶׁתd וּפָגַע֙e אֶל־הַנַּ֔חַל אֲשֶׁ֖ר עַל־פְּנֵ֥י יָקְנְעָֽםf ׃

12 וְשָׁ֣בa מִשָּׂרִ֗ידb קֵ֚דְמָה מִזְרַ֣ח הַשֶּׁ֔מֶשׁ עַל־גְּב֥וּל כִּסְלֹ֖ת תָּבֹ֑רc וְיָצָ֥אd אֶל־הַדָּֽבְרַ֖תe וְעָלָ֥הf יָפִֽיעַg ׃

13 וּמִשָּׁ֤ם עָבַר֙a קֵ֣דְמָה מִזְרָ֔חָה גִּתָּ֥הb חֵ֖פֶרc עִתָּ֣ה קָצִ֑יןd וְיָצָ֛אe רִמֹּ֥וןf הַמְּתֹאָ֖רg הַנֵּעָֽהh ׃

14 וְנָסַ֤בa אֹתֹו֙ הַגְּב֔וּל מִצְּפֹ֖ון חַנָּתֹ֑ןb וְהָיוּ֙c תֹּֽצְאֹתָ֔יוd גֵּ֖י יִפְתַּח־אֵֽלe ׃

15 וְקַטָּ֤תa וְנַֽהֲלָל֙b וְשִׁמְרֹ֔וןc וְיִדְאֲלָ֖הd וּבֵ֣ית לָ֑חֶםe עָרִ֥ים שְׁתֵּים־עֶשְׂרֵ֖ה וְחַצְרֵיהֶֽן׃

16 זֹ֛את נַחֲלַ֥ת בְּנֵֽי־זְבוּלֻ֖ןa לְמִשְׁפְּחֹותָ֑ם הֶֽעָרִ֥ים הָאֵ֖לֶּה וְחַצְרֵיהֶֽן׃ פ

17 לְיִ֨שָּׂשכָ֔רa יָצָ֖אb הַגֹּורָ֣ל הָֽרְבִיעִ֑י לִבְנֵ֥י יִשָּׂשכָ֖רc לְמִשְׁפְּחֹותָֽם׃

18 וַיְהִ֖יa גְּבוּלָ֑ם יִזְרְעֶ֥אלָהb וְהַכְּסוּלֹ֖תc וְשׁוּנֵֽםd ׃

19 וַחֲפָרַ֥יִםa וְשִׁיאֹ֖ןb וַאֲנָחֲרַֽתc ׃

20 וְהָֽרַבִּ֥יתa וְקִשְׁיֹ֖וןb וָאָֽבֶץc ׃

21 וְרֶ֧מֶתa וְעֵין־גַּנִּ֛יםb וְעֵ֥ין חַדָּ֖הc וּבֵ֥ית פַּצֵּֽץd ׃

22 וּפָגַע֩a הַגְּב֨וּל בְּתָבֹ֤ורb ושׁחצומהc וּבֵ֣ית שֶׁ֔מֶשׁd וְהָי֛וּe תֹּצְאֹ֥ותf גְּבוּלָ֖ם הַיַּרְדֵּ֑ן עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃

23 זֹ֗את נַחֲלַ֛ת מַטֵּ֥ה בְנֵֽי־יִשָּׂשכָ֖רa לְמִשְׁפְּחֹתָ֑ם הֶעָרִ֖ים וְחַצְרֵיהֶֽן׃ פ

24 וַיֵּצֵא֙a הַגֹּורָ֣ל הַֽחֲמִישִׁ֔יb לְמַטֵּ֥ה בְנֵֽי־אָשֵׁ֖רc לְמִשְׁפְּחֹותָֽם׃

25 וַיְהִ֖יa גְּבוּלָ֑ם חֶלְקַ֥תb וַחֲלִ֖יc וָבֶ֥טֶןd וְאַכְשָֽׁףe ׃

26 וְאַֽלַמֶּ֥לֶךְa וְעַמְעָ֖דb וּמִשְׁאָ֑לc וּפָגַ֤עd בְּכַרְמֶל֙e הַיָּ֔מָּה וּבְשִׁיחֹ֖ור לִבְנָֽתf ׃

27 וְשָׁ֨בa מִזְרַ֣ח הַשֶּׁמֶשׁ֮ בֵּ֣ית דָּגֹן֒b וּפָגַ֣עc בִּ֠זְבֻלוּןd וּבְגֵ֨י יִפְתַּח־אֵ֥לe צָפֹ֛ונָה בֵּ֥ית הָעֵ֖מֶקf וּנְעִיאֵ֑לg וְיָצָ֥אh אֶל־כָּב֖וּלi מִשְּׂמֹֽאל׃

28 וְעֶבְרֹ֥ןa וּרְחֹ֖בb וְחַמֹּ֣וןc וְקָנָ֑הd עַ֖ד צִידֹ֥וןe רַבָּֽה׃

29 וְשָׁ֤בa הַגְּבוּל֙ הָֽרָמָ֔הb וְעַד־עִ֖יר מִבְצַרc ־צֹ֑רd וְשָׁ֤בe הַגְּבוּל֙ חֹסָ֔הf ויהיוg תֹצְאֹתָ֛יוh הַיָּ֖מָּה מֵחֶ֥בֶל אַכְזִֽיבָהi ׃

30 וְעֻמָ֥הa וַאֲפֵ֖קb וּרְחֹ֑בc עָרִ֛ים עֶשְׂרִ֥ים וּשְׁתַּ֖יִם וְחַצְרֵיהֶֽן׃

31 זֹ֗את נַחֲלַ֛ת מַטֵּ֥ה בְנֵֽי־אָשֵׁ֖רa לְמִשְׁפְּחֹתָ֑ם הֶעָרִ֥ים הָאֵ֖לֶּה וְחַצְרֵיהֶֽן׃ פ

32 לִבְנֵ֣י נַפְתָּלִ֔י יָצָ֖אa הַגֹּורָ֣ל הַשִּׁשִּׁ֑יb לִבְנֵ֥י נַפְתָּלִ֖י לְמִשְׁפְּחֹתָֽם׃

33 וַיְהִ֣יa גְבוּלָ֗ם מֵחֵ֨לֶףb מֵֽאֵלֹ֜וןc בְּצַעֲנַנִּ֗יםd וַאֲדָמִ֥י הַנֶּ֛קֶבe וְיַבְנְאֵ֖לf עַד־לַקּ֑וּםg וַיְהִ֥יh תֹצְאֹתָ֖יוi הַיַּרְדֵּֽן׃

34 וְשָׁ֨בa הַגְּב֥וּל יָ֨מָּה֙ אַזְנֹ֣ות תָּבֹ֔ורb וְיָצָ֥אc מִשָּׁ֖ם חוּקֹ֑קָהd וּפָגַ֨עe בִּזְבֻל֜וּןf מִנֶּ֗גֶב וּבְאָשֵׁר֙g פָּגַ֣עh מִיָּ֔ם וּבִ֣יהוּדָ֔ה הַיַּרְדֵּ֖ן מִזְרַ֥ח הַשָּֽׁמֶשׁ׃

35 וְעָרֵ֖י מִבְצָ֑רa הַצִּדִּ֣יםb צֵ֔רc וְחַמַּ֖תd רַקַּ֥תe וְכִנָּֽרֶתf ׃

36 וַאֲדָמָ֥הa וְהָרָמָ֖הb וְחָצֹֽורc ׃

37 וְקֶ֥דֶשׁa וְאֶדְרֶ֖עִיb וְעֵ֥ין חָצֹֽורc ׃

38 וְיִרְאֹון֙a וּמִגְדַּל־אֵ֔לb חֳרֵ֥םc וּבֵית־עֲנָ֖תd וּבֵ֣ית שָׁ֑מֶשׁe עָרִ֥ים תְּשַֽׁע־עֶשְׂרֵ֖ה וְחַצְרֵיהֶֽן׃

39 זֹ֗את נַחֲלַ֛ת מַטֵּ֥ה בְנֵֽי־נַפְתָּלִ֖י לְמִשְׁפְּחֹתָ֑ם הֶעָרִ֖ים וְחַצְרֵיהֶֽן׃ פ

40 לְמַטֵּ֥ה בְנֵי־דָ֖ן לְמִשְׁפְּחֹתָ֑ם יָצָ֖אa הַגֹּורָ֥ל הַשְּׁבִיעִֽי׃

41 וַיְהִ֖יa גְּב֣וּל נַחֲלָתָ֑ם צָרְעָ֥הb וְאֶשְׁתָּאֹ֖ולc וְעִ֥יר שָֽׁמֶשׁd ׃

42 וְשַֽׁעֲלַבִּ֥יןa וְאַיָּלֹ֖וןb וְיִתְלָֽהc ׃

43 וְאֵילֹ֥וןa וְתִמְנָ֖תָהb וְעֶקְרֹֽוןc ׃

44 וְאֶלְתְּקֵ֥הa וְגִבְּתֹ֖וןb וּבַעֲלָֽתc ׃

45 וִיהֻ֥דa וּבְנֵֽי־בְרַ֖קb וְגַת־רִמֹּֽוןc ׃

46 וּמֵ֥י הַיַּרְקֹ֖וןa וְהָֽרַקֹּ֑וןb עִֽם־הַגְּב֖וּל מ֥וּלc יָפֹֽוd ׃

47 וַיֵּצֵ֥אa גְבוּל־בְּנֵי־דָ֖ן מֵהֶ֑ם וַיַּעֲל֣וּb בְנֵֽי־דָ֠ן וַיִּלָּחֲמ֨וּc עִם־לֶ֜שֶׁםd וַיִּלְכְּד֥וּe אֹותָ֣הּ׀ וַיַּכּ֧וּf אֹותָ֣הּ לְפִי־חֶ֗רֶב וַיִּֽרְשׁ֤וּg אֹותָהּ֙ וַיֵּ֣שְׁבוּh בָ֔הּ וַיִּקְרְא֤וּi לְלֶ֨שֶׁם֙j דָּ֔ן כְּשֵׁ֖ם דָּ֥ן אֲבִיהֶֽם׃

48 זֹ֗את נַחֲלַ֛ת מַטֵּ֥ה בְנֵי־דָ֖ן לְמִשְׁפְּחֹתָ֑ם הֶֽעָרִ֥ים הָאֵ֖לֶּה וְחַצְרֵיהֶֽן׃ פ

49 וַיְכַלּ֥וּa לִנְחֹלb ־אֶת־הָאָ֖רֶץ לִגְבֽוּלֹתֶ֑יהָc וַיִּתְּנ֨וּd בְנֵי־יִשְׂרָאֵ֧ל נַחֲלָ֛ה לִיהֹושֻׁ֥עַ בִּן־נ֖וּןe בְּתֹוכָֽם׃

50 עַל־פִּ֨י יְהוָ֜ה נָ֣תְנוּa לֹ֗ו אֶת־הָעִיר֙ אֲשֶׁ֣ר שָׁאָ֔לb אֶת־תִּמְנַת־סֶ֖רַחc בְּהַ֣ר אֶפְרָ֑יִם וַיִּבְנֶ֥הd אֶת־הָעִ֖יר וַיֵּ֥שֶׁבe בָּֽהּ׃

51 אֵ֣לֶּה הַנְּחָלֹ֡ת אֲשֶׁ֣ר נִחֲל֣וּa אֶלְעָזָ֣ר הַכֹּהֵ֣ן׀ וִיהֹושֻׁ֪עַ בִּן־נ֟וּןb וְרָאשֵׁ֣י הָֽאָבֹ֣ות לְמַטֹּות֩ בְּנֵי־יִשְׂרָאֵ֨ל׀ בְּגֹורָ֤ל׀ בְּשִׁלֹה֙c לִפְנֵ֣י יְהוָ֔ה פֶּ֖תַח אֹ֣הֶל מֹועֵ֑ד וַיְכַלּ֕וּd מֵֽחַלֵּ֖קe אֶת־הָאָֽרֶץ׃ פ

וַיְדַבֵּ֣רa יְהוָ֔ה אֶל־יְהֹושֻׁ֖עַ לֵאמֹֽרb ׃

2 דַּבֵּ֛רa אֶל־בְּנֵ֥י יִשְׂרָאֵ֖ל לֵאמֹ֑רb תְּנ֤וּc לָכֶם֙ אֶת־עָרֵ֣י הַמִּקְלָ֔טd אֲשֶׁר־דִּבַּ֥רְתִּיe אֲלֵיכֶ֖ם בְּיַד־מֹשֶֽׁה׃

3 לָנ֥וּסa שָׁ֨מָּה֙ רֹוצֵ֔חַb מַכֵּה־נֶ֥פֶשׁ בִּשְׁגָגָ֖הc בִּבְלִי־דָ֑עַת וְהָי֤וּd לָכֶם֙ לְמִקְלָ֔טe מִגֹּאֵ֖ל הַדָּֽם׃

4 וְנָ֞סa אֶל־אַחַ֣ת׀ מֵהֶעָרִ֣ים הָאֵ֗לֶּה וְעָמַד֙b פֶּ֚תַח שַׁ֣עַר הָעִ֔יר וְדִבֶּ֛רc בְּאָזְנֵ֛י זִקְנֵ֥י הָעִֽיר־הַהִ֖יא אֶת־דְּבָרָ֑יו וְאָסְפ֨וּd אֹתֹ֤ו הָעִ֨ירָה֙ אֲלֵיהֶ֔ם וְנָתְנוּe ־לֹ֥ו מָקֹ֖ום וְיָשַׁ֥בf עִמָּֽם׃

5 וְכִ֨י יִרְדֹּ֜ףa גֹּאֵ֤ל הַדָּם֙ אַֽחֲרָ֔יו וְלֹֽא־יַסְגִּ֥רוּb אֶת־הָרֹצֵ֖חַc בְּיָדֹ֑ו כִּ֤י בִבְלִי־דַ֨עַת֙ הִכָּ֣הd אֶת־רֵעֵ֔הוּ וְלֹֽא־שֹׂנֵ֥אe ה֛וּא לֹ֖ו מִתְּמֹ֥ולf שִׁלְשֹֽׁוםg ׃

6 וְיָשַׁ֣בa ׀ בָּעִ֣יר הַהִ֗יא עַד־עָמְדֹ֞וb לִפְנֵ֤י הָֽעֵדָה֙ לַמִּשְׁפָּ֔ט עַד־מֹות֙ הַכֹּהֵ֣ן הַגָּדֹ֔ול אֲשֶׁ֥ר יִהְיֶ֖הc בַּיָּמִ֣ים הָהֵ֑ם אָ֣ז׀ יָשׁ֣וּבd הָרֹוצֵ֗חַe וּבָ֤אf אֶל־עִירֹו֙ וְאֶל־בֵּיתֹ֔ו אֶל־הָעִ֖יר אֲשֶׁר־נָ֥סg מִשָּֽׁם׃

7 וַיַּקְדִּ֜שׁוּa אֶת־קֶ֤דֶשׁb בַּגָּלִיל֙c בְּהַ֣ר נַפְתָּלִ֔י וְאֶת־שְׁכֶ֖ם בְּהַ֣ר אֶפְרָ֑יִם וְאֶת־קִרְיַ֥ת אַרְבַּ֛עd הִ֥יא חֶבְרֹ֖ון בְּהַ֥ר יְהוּדָֽה׃

8 וּמֵעֵ֜בֶר לְיַרְדֵּ֤ן יְרִיחֹו֙ מִזְרָ֔חָה נָתְנ֞וּa אֶת־בֶּ֧צֶרb בַּמִּדְבָּ֛ר בַּמִּישֹׁ֖רc מִמַּטֵּ֣ה רְאוּבֵ֑ן וְאֶת־רָאמֹ֤תd בַּגִּלְעָד֙ מִמַּטֵּה־גָ֔ד וְאֶת־גלוןe בַּבָּשָׁ֖ן מִמַּטֵּ֥ה מְנַשֶּֽׁה׃

9 אֵ֣לֶּה הָיוּ֩a עָרֵ֨י הַמּֽוּעָדָ֜הb לְכֹ֣ל׀ בְּנֵ֣י יִשְׂרָאֵ֗ל וְלַגֵּר֙ הַגָּ֣רc בְּתֹוכָ֔ם לָנ֣וּסd שָׁ֔מָּה כָּל־מַכֵּה־נֶ֖פֶשׁ בִּשְׁגָגָ֑הe וְלֹ֣א יָמ֗וּתf בְּיַד֙ גֹּאֵ֣ל הַדָּ֔ם עַד־עָמְדֹ֖וg לִפְנֵ֥י הָעֵדָֽה׃ פ

וַֽיִּגְּשׁ֗וּa רָאשֵׁי֙ אֲבֹ֣ות הַלְוִיִּ֔ם אֶל־אֶלְעָזָר֙ הַכֹּהֵ֔ן וְאֶל־יְהֹושֻׁ֖עַ בִּן־נ֑וּןb וְאֶל־רָאשֵׁ֛י אֲבֹ֥ות הַמַּטֹּ֖ות לִבְנֵ֥י יִשְׂרָאֵֽל׃

2 וַיְדַבְּר֨וּa אֲלֵיהֶ֜ם בְּשִׁלֹ֗הb בְּאֶ֤רֶץ כְּנַ֨עַן֙ לֵאמֹ֔רc יְהוָה֙ צִוָּ֣הd בְיַד־מֹשֶׁ֔ה לָֽתֶתe ־לָ֥נוּ עָרִ֖ים לָשָׁ֑בֶתf וּמִגְרְשֵׁיהֶ֖ן לִבְהֶמְתֵּֽנוּ׃

3 וַיִּתְּנ֨וּa בְנֵי־יִשְׂרָאֵ֧ל לַלְוִיִּ֛ם מִנַּחֲלָתָ֖ם אֶל־פִּ֣י יְהוָ֑ה אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶֽן׃

4 וַיֵּצֵ֥אa הַגֹּורָ֖ל לְמִשְׁפְּחֹ֣ת הַקְּהָתִ֑יb וַיְהִ֡יc לִבְנֵי֩ אַהֲרֹ֨ן הַכֹּהֵ֜ן מִן־הַלְוִיִּ֗ם מִמַּטֵּ֣ה יְ֠הוּדָה וּמִמַּטֵּ֨ה הַשִּׁמְעֹנִ֜יd וּמִמַּטֵּ֤ה בִנְיָמִן֙ בַּגֹּורָ֔ל עָרִ֖ים שְׁלֹ֥שׁ עֶשְׂרֵֽה׃ ס

5 וְלִבְנֵ֨י קְהָ֜תa הַנֹּותָרִ֗ים מִמִּשְׁפְּחֹ֣ת מַטֵּֽה־אֶ֠פְרַיִם וּֽמִמַּטֵּה־דָ֞ן וּמֵחֲצִ֨י מַטֵּ֧ה מְנַשֶּׁ֛ה בַּגֹּורָ֖ל עָרִ֥ים עָֽשֶׂר׃ ס

6 וְלִבְנֵ֣י גֵרְשֹׁ֗וןa מִמִּשְׁפְּחֹ֣ות מַטֵּֽה־יִשָּׂשכָ֣רb וּמִמַּטֵּֽה־אָ֠שֵׁרc וּמִמַּטֵּ֨ה נַפְתָּלִ֜י וּ֠מֵחֲצִי מַטֵּ֨ה מְנַשֶּׁ֤ה בַבָּשָׁן֙ בַּגֹּורָ֔ל עָרִ֖ים שְׁלֹ֥שׁ עֶשְׂרֵֽה׃ ס

7 לִבְנֵ֨י מְרָרִ֜יa לְמִשְׁפְּחֹתָ֗ם מִמַּטֵּ֨ה רְאוּבֵ֤ן וּמִמַּטֵּה־גָד֙ וּמִמַּטֵּ֣ה זְבוּלֻ֔ןb עָרִ֖ים שְׁתֵּ֥ים עֶשְׂרֵֽה׃

8 וַיִּתְּנ֤וּa בְנֵֽי־יִשְׂרָאֵל֙ לַלְוִיִּ֔ם אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶ֑ן כַּאֲשֶׁ֨ר צִוָּ֧הb יְהוָ֛ה בְּיַד־מֹשֶׁ֖ה בַּגֹּורָֽל׃ פ

9 וַֽיִּתְּנ֗וּa מִמַּטֵּה֙ בְּנֵ֣י יְהוּדָ֔ה וּמִמַּטֵּ֖ה בְּנֵ֣י שִׁמְעֹ֑וןb אֵ֚ת הֶֽעָרִ֣ים הָאֵ֔לֶּה אֲשֶׁר־יִקְרָ֥אc אֶתְהֶ֖ן בְּשֵֽׁם׃

10 וַֽיְהִי֙a לִבְנֵ֣י אַהֲרֹ֔ן מִמִּשְׁפְּחֹ֥ות הַקְּהָתִ֖יb מִבְּנֵ֣י לֵוִ֑י כִּ֥י לָהֶ֛ם הָיָ֥הc הַגֹּורָ֖ל רִיאשֹׁנָֽה׃

11 וַיִּתְּנ֨וּa לָהֶ֜ם אֶת־קִרְיַת֩ אַרְבַּ֨עb אֲבִ֧י הָֽעֲנֹ֛וקc הִ֥יא חֶבְרֹ֖ון בְּהַ֣ר יְהוּדָ֑ה וְאֶת־מִגְרָשֶׁ֖הָ סְבִיבֹתֶֽיהָ׃

12 וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָֽתְנ֛וּa לְכָלֵ֥בb בֶּן־יְפֻנֶּ֖הc בַּאֲחֻזָּתֹֽו׃ ס

13 וְלִבְנֵ֣י׀ אַהֲרֹ֣ן הַכֹּהֵ֗ן נָֽתְנוּ֙a אֶת־עִיר֙ מִקְלַ֣טb הָרֹצֵ֔חַc אֶת־חֶבְרֹ֖ון וְאֶת־מִגְרָשֶׁ֑הָ וְאֶת־לִבְנָ֖הd וְאֶת־מִגְרָשֶֽׁהָ׃

14 וְאֶת־יַתִּר֙a וְאֶת־מִגְרָשֶׁ֔הָ וְאֶת־אֶשְׁתְּמֹ֖עַb וְאֶת־מִגְרָשֶֽׁהָ׃

15 וְאֶת־חֹלֹן֙a וְאֶת־מִגְרָשֶׁ֔הָ וְאֶת־דְּבִ֖רb וְאֶת־מִגְרָשֶֽׁהָ׃

16 וְאֶת־עַ֣יִןa וְאֶת־מִגְרָשֶׁ֗הָ וְאֶת־יֻטָּה֙b וְאֶת־מִגְרָשֶׁ֔הָ אֶת־בֵּ֥ית שֶׁ֖מֶשׁc וְאֶת־מִגְרָשֶׁ֑הָ עָרִ֣ים תֵּ֔שַׁע מֵאֵ֕ת שְׁנֵ֥י הַשְּׁבָטִ֖ים הָאֵֽלֶּה׃ פ

17 וּמִמַּטֵּ֣ה בִנְיָמִ֔ן אֶת־גִּבְעֹ֖וןa וְאֶת־מִגְרָשֶׁ֑הָ אֶת־גֶּ֖בַעb וְאֶת־מִגְרָשֶֽׁהָ׃

18 אֶת־עֲנָתֹות֙a וְאֶת־מִגְרָשֶׁ֔הָ וְאֶת־עַלְמֹ֖וןb וְאֶת־מִגְרָשֶׁ֑הָ עָרִ֖ים אַרְבַּֽע׃

19 כָּל־עָרֵ֥י בְנֵֽי־אַהֲרֹ֖ן הַכֹּֽהֲנִ֑ים שְׁלֹשׁ־עֶשְׂרֵ֥ה עָרִ֖ים וּמִגְרְשֵׁיהֶֽן׃ ס

20 וּלְמִשְׁפְּחֹ֤ות בְּנֵֽי־קְהָת֙a הַלְוִיִּ֔ם הַנֹּותָרִ֖ים מִבְּנֵ֣י קְהָ֑תb וַֽיְהִי֙c עָרֵ֣י גֹֽורָלָ֔ם מִמַּטֵּ֖ה אֶפְרָֽיִם׃

21 וַיִּתְּנ֨וּa לָהֶ֜ם אֶת־עִ֨יר מִקְלַ֧טb הָרֹצֵ֛חַc אֶת־שְׁכֶ֥ם וְאֶת־מִגְרָשֶׁ֖הָ בְּהַ֣ר אֶפְרָ֑יִם וְאֶת־גֶּ֖זֶרd וְאֶת־מִגְרָשֶֽׁהָ׃

22 וְאֶת־קִבְצַ֨יִם֙a וְאֶת־מִגְרָשֶׁ֔הָ וְאֶת־בֵּ֥ית חֹורֹ֖ןb וְאֶת־מִגְרָשֶׁ֑הָ עָרִ֖ים אַרְבַּֽע׃ ס

23 וּמִמַּ֨טֵּה־דָ֔ן אֶֽת־אֶלְתְּקֵ֖אa וְאֶת־מִגְרָשֶׁ֑הָ אֶֽת־גִּבְּתֹ֖וןb וְאֶת־מִגְרָשֶֽׁהָ׃

24 אֶת־אַיָּלֹון֙a וְאֶת־מִגְרָשֶׁ֔הָ אֶת־גַּת־רִמֹּ֖וןb וְאֶת־מִגְרָשֶׁ֑הָ עָרִ֖ים אַרְבַּֽע׃ ס

25 וּמִֽמַּחֲצִית֙a מַטֵּ֣ה מְנַשֶּׁ֔ה אֶת־תַּעְנַךְ֙b וְאֶת־מִגְרָשֶׁ֔הָ וְאֶת־גַּת־רִמֹּ֖וןc וְאֶת־מִגְרָשֶׁ֑הָ עָרִ֖ים שְׁתָּֽיִם׃

26 כָּל־עָרִ֥ים עֶ֖שֶׂר וּמִגְרְשֵׁיהֶ֑ן לְמִשְׁפְּחֹ֥ות בְּנֵֽי־קְהָ֖תa הַנֹּותָרִֽים׃ ס

27 וְלִבְנֵ֣י גֵרְשֹׁון֮a מִמִּשְׁפְּחֹ֣ת הַלְוִיִּם֒ מֵחֲצִ֞י מַטֵּ֣ה מְנַשֶּׁ֗ה אֶת־עִיר֙ מִקְלַ֣טb הָרֹצֵ֔חַc אֶת־גלוןd בַּבָּשָׁן֙ וְאֶת־מִגְרָשֶׁ֔הָ וְאֶֽת־בְּעֶשְׁתְּרָ֖הe וְאֶת־מִגְרָשֶׁ֑הָ עָרִ֖ים שְׁתָּֽיִם׃ ס

28 וּמִמַּטֵּ֣ה יִשָּׂשכָ֔רa אֶת־קִשְׁיֹ֖וןb וְאֶת־מִגְרָשֶׁ֑הָ אֶת־דָּֽבְרַ֖תc וְאֶת־מִגְרָשֶֽׁהָ׃

29 אֶת־יַרְמוּת֙a וְאֶת־מִגְרָשֶׁ֔הָ אֶת־עֵ֥ין גַּנִּ֖יםb וְאֶת־מִגְרָשֶׁ֑הָ עָרִ֖ים אַרְבַּֽע׃ ס

30 וּמִמַּטֵּ֣ה אָשֵׁ֔רa אֶת־מִשְׁאָ֖לb וְאֶת־מִגְרָשֶׁ֑הָ אֶת־עַבְדֹּ֖וןc וְאֶת־מִגְרָשֶֽׁהָ׃

31 אֶת־חֶלְקָת֙a וְאֶת־מִגְרָשֶׁ֔הָ וְאֶת־רְחֹ֖בb וְאֶת־מִגְרָשֶׁ֑הָ עָרִ֖ים אַרְבַּֽע׃ ס

32 וּמִמַּטֵּ֨ה נַפְתָּלִ֜י אֶת־עִ֣יר׀ מִקְלַ֣טa הָֽרֹצֵ֗חַb אֶת־קֶ֨דֶשׁc בַּגָּלִ֤ילd וְאֶת־מִגְרָשֶׁ֨הָ֙ וְאֶת־חַמֹּ֥ת דֹּאר֙e וְאֶת־מִגְרָשֶׁ֔הָ וְאֶת־קַרְתָּ֖ןf וְאֶת־מִגְרָשֶׁ֑הָ עָרִ֖ים שָׁלֹֽשׁ׃

33 כָּל־עָרֵ֥י הַגֵּרְשֻׁנִּ֖יa לְמִשְׁפְּחֹתָ֑ם שְׁלֹשׁ־עֶשְׂרֵ֥ה עִ֖יר וּמִגְרְשֵׁיהֶֽן׃ ס

34 וּלְמִשְׁפְּחֹ֣ות בְּנֵֽי־מְרָרִי֮a הַלְוִיִּ֣ם הַנֹּותָרִים֒ מֵאֵת֙ מַטֵּ֣ה זְבוּלֻ֔ןb אֶֽת־יָקְנְעָ֖םc וְאֶת־מִגְרָשֶׁ֑הָ אֶת־קַרְתָּ֖הd וְאֶת־מִגְרָשֶֽׁהָ׃

35 אֶת־דִּמְנָה֙a וְאֶת־מִגְרָשֶׁ֔הָ אֶֽת־נַהֲלָ֖לb וְאֶת־מִגְרָשֶׁ֑הָ עָרִ֖ים אַרְבַּֽע׃

36 וּמִמַּטֵּ֣ה רְאוּבֵ֔ן אֶת־בֶּ֖צֶרa וְאֶת־מִגְרָשֶׁ֑הָ וְאֶת־יַ֖הְצָהb וְאֶת־מִגְרָשֶֽׁהָ׃

37 אֶת־קְדֵמֹות֙a וְאֶת־מִגְרָשֶׁ֔הָ וְאֶת־מֵיפָ֖עַתb וְאֶת־מִגְרָשֶׁ֑הָ עָרִ֖ים אַרְבַּֽע׃ ס

38 וּמִמַּטֵּה־גָ֗ד אֶת־עִיר֙ מִקְלַ֣טa הָרֹצֵ֔חַb אֶת־רָמֹ֥תc בַּגִּלְעָ֖ד וְאֶת־מִגְרָשֶׁ֑הָ וְאֶֽת־מַחֲנַ֖יִםd וְאֶת־מִגְרָשֶֽׁהָ׃

39 אֶת־חֶשְׁבֹּון֙a וְאֶת־מִגְרָשֶׁ֔הָ אֶת־יַעְזֵ֖רb וְאֶת־מִגְרָשֶׁ֑הָ כָּל־עָרִ֖ים אַרְבַּֽע׃

40 כָּל־הֶ֨עָרִ֜ים לִבְנֵ֤י מְרָרִי֙a לְמִשְׁפְּחֹתָ֔ם הַנֹּותָרִ֖יםb מִמִּשְׁפְּחֹ֣ות הַלְוִיִּ֑ם וַיְהִי֙c גֹּורָלָ֔ם עָרִ֖ים שְׁתֵּ֥ים עֶשְׂרֵֽה׃

41 כֹּ֚ל עָרֵ֣י הַלְוִיִּ֔ם בְּתֹ֖וךְ אֲחֻזַּ֣ת בְּנֵֽי־יִשְׂרָאֵ֑ל עָרִ֛ים אַרְבָּעִ֥ים וּשְׁמֹנֶ֖ה וּמִגְרְשֵׁיהֶֽן׃

42 תִּֽהְיֶ֨ינָה֙a הֶעָרִ֣ים הָאֵ֔לֶּה עִ֣יר עִ֔יר וּמִגְרָשֶׁ֖יהָ סְבִיבֹתֶ֑יהָ כֵּ֖ן לְכָל־הֶעָרִ֥ים הָאֵֽלֶּה׃ ס

43 וַיִּתֵּ֤ןa יְהוָה֙ לְיִשְׂרָאֵ֔ל אֶת־כָּל־הָאָ֔רֶץ אֲשֶׁ֥ר נִשְׁבַּ֖עb לָתֵ֣תc לַאֲבֹותָ֑ם וַיִּרָשׁ֖וּהָd וַיֵּ֥שְׁבוּe בָֽהּ׃

44 וַיָּ֨נַחa יְהוָ֤ה לָהֶם֙ מִסָּבִ֔יב כְּכֹ֥ל אֲשֶׁר־נִשְׁבַּ֖עb לַאֲבֹותָ֑ם וְלֹא־עָ֨מַדc אִ֤ישׁ בִּפְנֵיהֶם֙ מִכָּל־אֹ֣יְבֵיהֶ֔ם אֵ֚ת כָּל־אֹ֣יְבֵיהֶ֔ם נָתַ֥ןd יְהוָ֖ה בְּיָדָֽם׃

45 לֹֽא־נָפַ֣לa דָּבָ֔ר מִכֹּל֙ הַדָּבָ֣ר הַטֹּ֔וב אֲשֶׁר־דִּבֶּ֥רb יְהוָ֖ה אֶל־בֵּ֣ית יִשְׂרָאֵ֑ל הַכֹּ֖ל בָּֽאc ׃ פ

אָ֚ז יִקְרָ֣אa יְהֹושֻׁ֔עַ לָרֽאוּבֵנִ֖יb וְלַגָּדִ֑יc וְלַחֲצִ֖י מַטֵּ֥ה מְנַשֶּֽׁה׃

2 וַיֹּ֣אמֶרa אֲלֵיהֶ֔ם אַתֶּ֣ם שְׁמַרְתֶּ֔םb אֵ֚ת כָּל־אֲשֶׁ֣ר צִוָּ֣הc אֶתְכֶ֔ם מֹשֶׁ֖ה עֶ֣בֶד יְהוָ֑ה וַתִּשְׁמְע֣וּd בְקֹולִ֔י לְכֹ֥ל אֲשֶׁר־צִוִּ֖יתִיe אֶתְכֶֽם׃

3 לֹֽא־עֲזַבְתֶּ֣םa אֶת־אֲחֵיכֶ֗ם זֶ֚ה יָמִ֣ים רַבִּ֔ים עַ֖ד הַיֹּ֣ום הַזֶּ֑ה וּשְׁמַרְתֶּ֕םb אֶת־מִשְׁמֶ֕רֶת מִצְוַ֖ת יְהוָ֥ה אֱלֹהֵיכֶֽם׃

4 וְעַתָּ֗ה הֵנִ֨יחַa יְהוָ֤ה אֱלֹֽהֵיכֶם֙ לַֽאֲחֵיכֶ֔ם כַּאֲשֶׁ֖ר דִּבֶּ֣רb לָהֶ֑ם וְעַתָּ֡ה פְּנוּ֩c וּלְכ֨וּd לָכֶ֜ם לְאָהֳלֵיכֶ֗ם אֶל־אֶ֨רֶץ֙ אֲחֻזַּתְכֶ֔ם אֲשֶׁ֣ר׀ נָתַ֣ןe לָכֶ֗ם מֹשֶׁה֙ עֶ֣בֶד יְהוָ֔ה בְּעֵ֖בֶר הַיַּרְדֵּֽן׃

5 רַ֣ק׀ שִׁמְר֣וּa מְאֹ֗ד לַעֲשֹׂ֨ותb אֶת־הַמִּצְוָ֣ה וְאֶת־הַתֹּורָה֮ אֲשֶׁ֣ר צִוָּ֣הc אֶתְכֶם֮ מֹשֶׁ֣ה עֶֽבֶד־יְהוָה֒ לְ֠אַהֲבָהd אֶת־יְהוָ֨ה אֱלֹֽהֵיכֶ֜ם וְלָלֶ֧כֶתe בְּכָל־דְּרָכָ֛יו וְלִשְׁמֹ֥רf מִצְוֹתָ֖יו וּלְדָבְקָהg ־בֹ֑ו וּלְעָבְדֹ֕וh בְּכָל־לְבַבְכֶ֖ם וּבְכָל־נַפְשְׁכֶֽם׃

6 וַֽיְבָרְכֵ֖םa יְהֹושֻׁ֑עַ וַֽיְשַׁלְּחֵ֔םb וַיֵּלְכ֖וּc אֶל־אָהֳלֵיהֶֽם׃ ס

7 וְלַחֲצִ֣י׀ שֵׁ֣בֶט הַֽמְנַשֶּׁ֗ה נָתַ֣ןa מֹשֶׁה֮ בַּבָּשָׁן֒ וּלְחֶצְיֹ֗ו נָתַ֤ןb יְהֹושֻׁ֨עַ֙ עִם־אֲחֵיהֶ֔ם מעברc הַיַּרְדֵּ֖ן יָ֑מָּה וְ֠גַם כִּ֣י שִׁלְּחָ֧םd יְהֹושֻׁ֛עַ אֶל־אָהֳלֵיהֶ֖ם וַיְבָרֲכֵֽםe ׃

8 וַיֹּ֨אמֶרa אֲלֵיהֶ֜ם לֵאמֹ֗רb בִּנְכָסִ֨יםc רַבִּ֜ים שׁ֤וּבוּd אֶל־אָֽהֳלֵיכֶם֙ וּבְמִקְנֶ֣ה רַב־מְאֹ֔ד בְּכֶ֨סֶף וּבְזָהָ֜ב וּבִנְחֹ֧שֶׁת וּבְבַרְזֶ֛ל וּבִשְׂלָמֹ֖ותe הַרְבֵּ֣ה מְאֹ֑ד חִלְק֥וּf שְׁלַל־אֹיְבֵיכֶ֖ם עִם־אֲחֵיכֶֽם׃ פ

9 וַיָּשֻׁ֣בוּa וַיֵּלְכ֡וּb בְּנֵי־רְאוּבֵ֨ן וּבְנֵי־גָ֜ד וַחֲצִ֣י׀ שֵׁ֣בֶט הַֽמְנַשֶּׁ֗ה מֵאֵת֙ בְּנֵ֣י יִשְׂרָאֵ֔ל מִשִּׁלֹ֖הc אֲשֶׁ֣ר בְּאֶֽרֶץ־כְּנָ֑עַן לָלֶ֜כֶתd אֶל־אֶ֣רֶץ הַגִּלְעָ֗ד אֶל־אֶ֤רֶץ אֲחֻזָּתָם֙ אֲשֶׁ֣ר נֹֽאחֲזוּe ־בָ֔הּ עַל־פִּ֥י יְהוָ֖ה בְּיַד־מֹשֶֽׁה׃

10 וַיָּבֹ֨אוּ֙a אֶל־גְּלִילֹ֣ותb הַיַּרְדֵּ֔ן אֲשֶׁ֖ר בְּאֶ֣רֶץ כְּנָ֑עַן וַיִּבְנ֣וּc בְנֵי־רְאוּבֵ֣ן וּבְנֵי־גָ֡ד וַחֲצִ֣י שֵׁבֶט֩ הַֽמְנַשֶּׁ֨ה שָׁ֤ם מִזְבֵּ֨חַ֙ עַל־הַיַּרְדֵּ֔ן מִזְבֵּ֥חַ גָּדֹ֖ול לְמַרְאֶֽה׃

11 וַיִּשְׁמְע֥וּa בְנֵֽי־יִשְׂרָאֵ֖ל לֵאמֹ֑רb הִנֵּ֣ה בָנ֣וּc בְנֵֽי־רְאוּבֵ֣ן וּבְנֵי־גָ֡ד וַחֲצִי֩ שֵׁ֨בֶט הַֽמְנַשֶּׁ֜ה אֶת־הַמִּזְבֵּ֗חַ אֶל־מוּל֙d אֶ֣רֶץ כְּנַ֔עַן אֶל־גְּלִילֹות֙e הַיַּרְדֵּ֔ן אֶל־עֵ֖בֶר בְּנֵ֥י יִשְׂרָאֵֽל׃

12 וַֽיִּשְׁמְע֖וּa בְּנֵ֣י יִשְׂרָאֵ֑ל וַיִּקָּ֨הֲל֜וּb כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔הc לַעֲלֹ֥ותd עֲלֵיהֶ֖ם לַצָּבָֽא׃ פ

13 וַיִּשְׁלְח֨וּa בְנֵֽי־יִשְׂרָאֵ֜ל אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד אֶת־פִּינְחָ֖סb בֶּן־אֶלְעָזָ֥ר הַכֹּהֵֽן׃

14 וַעֲשָׂרָ֤ה נְשִׂאִים֙ עִמֹּ֔ו נָשִׂ֨יא אֶחָ֜ד נָשִׂ֤יא אֶחָד֙ לְבֵ֣ית אָ֔ב לְכֹ֖ל מַטֹּ֣ות יִשְׂרָאֵ֑ל וְאִ֨ישׁ רֹ֧אשׁ בֵּית־אֲבֹותָ֛ם הֵ֖מָּה לְאַלְפֵ֥יa יִשְׂרָאֵֽל׃

15 וַיָּבֹ֜אוּa אֶל־בְּנֵי־רְאוּבֵ֧ן וְאֶל־בְּנֵי־גָ֛ד וְאֶל־חֲצִ֥י שֵֽׁבֶט־מְנַשֶּׁ֖ה אֶל־אֶ֣רֶץ הַגִּלְעָ֑ד וַיְדַבְּר֥וּb אִתָּ֖ם לֵאמֹֽרc ׃

16 כֹּ֣ה אָמְר֞וּa כֹּ֣ל׀ עֲדַ֣ת יְהוָ֗ה מָֽה־הַמַּ֤עַלb הַזֶּה֙ אֲשֶׁ֤ר מְעַלְתֶּם֙c בֵּאלֹהֵ֣י יִשְׂרָאֵ֔ל לָשׁ֣וּבd הַיֹּ֔ום מֵאַחֲרֵ֖י יְהוָ֑ה בִּבְנֹֽותְכֶ֤םe לָכֶם֙ מִזְבֵּ֔חַ לִמְרָדְכֶ֥םf הַיֹּ֖ום בַּיהוָֽה׃

17 הַמְעַט־לָ֨נוּ֙ אֶת־עֲוֹ֣ן פְּעֹ֔ורa אֲשֶׁ֤ר לֹֽא־הִטַּהַ֨רְנוּ֙b מִמֶּ֔נּוּ עַ֖ד הַיֹּ֣ום הַזֶּ֑ה וַיְהִ֥יc הַנֶּ֖גֶףd בַּעֲדַ֥ת יְהוָֽה׃

18 וְאַתֶּם֙ תָּשֻׁ֣בוּa הַיֹּ֔ום מֵאַחֲרֵ֖י יְהוָ֑ה וְהָיָ֗הb אַתֶּ֞ם תִּמְרְד֤וּc הַיֹּום֙ בַּֽיהוָ֔ה וּמָחָ֕ר אֶֽל־כָּל־עֲדַ֥ת יִשְׂרָאֵ֖ל יִקְצֹֽףd ׃

19 וְאַ֨ךְ אִם־טְמֵאָ֜ה אֶ֣רֶץ אֲחֻזַּתְכֶ֗ם עִבְר֨וּa לָכֶ֜ם אֶל־אֶ֨רֶץ אֲחֻזַּ֤ת יְהוָה֙ אֲשֶׁ֤ר שָֽׁכַןb ־שָׁם֙ מִשְׁכַּ֣ן יְהוָ֔ה וְהֵאָחֲז֖וּc בְּתֹוכֵ֑נוּ וּבַֽיהוָ֣ה אַל־תִּמְרֹ֗דוּd וְאֹתָ֨נוּ֙ אֶל־תִּמְרֹ֔דוּe בִּבְנֹֽתְכֶ֤םf לָכֶם֙ מִזְבֵּ֔חַ מִֽבַּלְעֲדֵ֔יg מִזְבַּ֖ח יְהוָ֥ה אֱלֹהֵֽינוּ׃

20 הֲלֹ֣וא׀ עָכָ֣ןa בֶּן־זֶ֗רַחb מָ֤עַלc מַ֨עַל֙d בַּחֵ֔רֶםe וְעַֽל־כָּל־עֲדַ֥ת יִשְׂרָאֵ֖ל הָ֣יָהf קָ֑צֶףg וְהוּא֙ אִ֣ישׁ אֶחָ֔ד לֹ֥א גָוַ֖עh בַּעֲוֹנֹֽו׃ פ

21 וַֽיַּעֲנוּ֙a בְּנֵי־רְאוּבֵ֣ן וּבְנֵי־גָ֔ד וַחֲצִ֖י שֵׁ֣בֶט הַֽמְנַשֶּׁ֑ה וַֽיְדַבְּר֔וּb אֶת־רָאשֵׁ֖י אַלְפֵ֥יc יִשְׂרָאֵֽל׃

22 אֵל֩׀ אֱלֹהִ֨ים׀ יְהוָ֜ה אֵ֣ל׀ אֱלֹהִ֤ים׀ יְהוָה֙ ה֣וּא יֹדֵ֔עַa וְיִשְׂרָאֵ֖ל ה֣וּא יֵדָ֑עb אִם־בְּמֶ֤רֶדc וְאִם־בְּמַ֨עַל֙d בַּֽיהוָ֔ה אַל־תֹּושִׁיעֵ֖נוּe הַיֹּ֥ום הַזֶּֽה׃

23 לִבְנֹ֥ותa לָ֨נוּ֙ מִזְבֵּ֔חַ לָשׁ֖וּבb מֵאַחֲרֵ֣י יְהוָ֑ה וְאִם־לְהַעֲלֹ֨ותc עָלָ֜יו עֹולָ֣ה וּמִנְחָ֗ה וְאִם־לַעֲשֹׂ֤ותd עָלָיו֙ זִבְחֵ֣י שְׁלָמִ֔ים יְהוָ֖ה ה֥וּא יְבַקֵּֽשׁe ׃

24 וְאִם־לֹ֤א מִדְּאָגָה֙a מִדָּבָ֔ר עָשִׂ֥ינוּb אֶת־זֹ֖את לֵאמֹ֑רc מָחָ֗ר יֹאמְר֨וּd בְנֵיכֶ֤ם לְבָנֵ֨ינוּ֙ לֵאמֹ֔רe מַה־לָּכֶ֕ם וְלַֽיהוָ֖ה אֱלֹהֵ֥י יִשְׂרָאֵֽל׃

25 וּגְב֣וּל נָֽתַןa ־יְ֠הוָה בֵּינֵ֨נוּ וּבֵינֵיכֶ֜ם בְּנֵי־רְאוּבֵ֤ן וּבְנֵי־גָד֙ אֶת־הַיַּרְדֵּ֔ן אֵין־לָכֶ֥ם חֵ֖לֶק בַּֽיהוָ֑ה וְהִשְׁבִּ֤יתוּb בְנֵיכֶם֙ אֶת־בָּנֵ֔ינוּ לְבִלְתִּ֖י יְרֹ֥אc אֶת־יְהוָֽה׃

26 וַנֹּ֕אמֶרa נַעֲשֶׂהb ־נָּ֣א לָ֔נוּ לִבְנֹ֖ותc אֶת־הַמִּזְבֵּ֑חַ לֹ֥א לְעֹולָ֖ה וְלֹ֥א לְזָֽבַח׃

27 כִּי֩ עֵ֨ד ה֜וּא בֵּינֵ֣ינוּ וּבֵינֵיכֶ֗ם וּבֵ֣ין דֹּרֹותֵינוּ֮ אַחֲרֵינוּ֒ לַעֲבֹ֞דa אֶת־עֲבֹדַ֤ת יְהוָה֙ לְפָנָ֔יו בְּעֹלֹותֵ֥ינוּ וּבִזְבָחֵ֖ינוּ וּבִשְׁלָמֵ֑ינוּ וְלֹא־יֹאמְר֨וּb בְנֵיכֶ֤ם מָחָר֙ לְבָנֵ֔ינוּ אֵין־לָכֶ֥ם חֵ֖לֶק בַּיהוָֽה׃

28 וַנֹּ֕אמֶרa וְהָיָ֗הb כִּֽי־יֹאמְר֥וּc אֵלֵ֛ינוּ וְאֶל־דֹּרֹתֵ֖ינוּ מָחָ֑ר וְאָמַ֡רְנוּd רְא֣וּe אֶת־תַּבְנִית֩f מִזְבַּ֨ח יְהוָ֜ה אֲשֶׁר־עָשׂ֣וּg אֲבֹותֵ֗ינוּ לֹ֤א לְעֹולָה֙ וְלֹ֣א לְזֶ֔בַח כִּי־עֵ֣ד ה֔וּא בֵּינֵ֖ינוּ וּבֵינֵיכֶֽם׃

29 חָלִילָה֩a לָּ֨נוּ מִמֶּ֜נּוּ לִמְרֹ֣דb בַּֽיהוָ֗ה וְלָשׁ֤וּבc הַיֹּום֙ מֵאַחֲרֵ֣י יְהוָ֔ה לִבְנֹ֣ותd מִזְבֵּ֔חַ לְעֹלָ֖ה לְמִנְחָ֣ה וּלְזָ֑בַח מִלְּבַ֗ד מִזְבַּח֙ יְהוָ֣ה אֱלֹהֵ֔ינוּ אֲשֶׁ֖ר לִפְנֵ֥י מִשְׁכָּנֹֽו׃ פ

30 וַיִּשְׁמַ֞עa פִּֽינְחָ֣סb הַכֹּהֵ֗ן וּנְשִׂיאֵ֨י הָעֵדָ֜ה וְרָאשֵׁ֨י אַלְפֵ֤יc יִשְׂרָאֵל֙ אֲשֶׁ֣ר אִתֹּ֔ו אֶת־הַ֨דְּבָרִ֔ים אֲשֶׁ֧ר דִּבְּר֛וּd בְּנֵי־רְאוּבֵ֥ן וּבְנֵי־גָ֖ד וּבְנֵ֣י מְנַשֶּׁ֑ה וַיִּיטַ֖בe בְּעֵינֵיהֶֽם׃

31 וַיֹּ֣אמֶרa פִּֽינְחָ֣סb בֶּן־אֶלְעָזָ֣ר הַכֹּהֵ֡ן אֶל־בְּנֵי־רְאוּבֵ֨ן וְאֶל־בְּנֵי־גָ֜ד וְאֶל־בְּנֵ֣י מְנַשֶּׁ֗ה הַיֹּ֤ום׀ יָדַ֨עְנוּ֙c כִּֽי־בְתֹוכֵ֣נוּ יְהוָ֔ה אֲשֶׁ֛ר לֹֽא־מְעַלְתֶּ֥םd בַּֽיהוָ֖ה הַמַּ֣עַלe הַזֶּ֑ה אָ֗ז הִצַּלְתֶּ֛םf אֶת־בְּנֵ֥י יִשְׂרָאֵ֖ל מִיַּ֥ד יְהוָֽה׃

32 וַיָּ֣שָׁבa פִּֽינְחָ֣סb בֶּן־אֶלְעָזָ֣ר הַכֹּהֵ֣ן׀ וְהַנְּשִׂיאִ֡ים מֵאֵ֣ת בְּנֵֽי־רְאוּבֵן֩ וּמֵאֵ֨ת בְּנֵי־גָ֜ד מֵאֶ֧רֶץ הַגִּלְעָ֛ד אֶל־אֶ֥רֶץ כְּנַ֖עַן אֶל־בְּנֵ֣י יִשְׂרָאֵ֑ל וַיָּשִׁ֥בוּc אֹותָ֖ם דָּבָֽר׃

33 וַיִּיטַ֣בa הַדָּבָ֗ר בְּעֵינֵי֙ בְּנֵ֣י יִשְׂרָאֵ֔ל וַיְבָרֲכ֥וּb אֱלֹהִ֖ים בְּנֵ֣י יִשְׂרָאֵ֑ל וְלֹ֣א אָמְר֗וּc לַעֲלֹ֤ותd עֲלֵיהֶם֙ לַצָּבָ֔א לְשַׁחֵת֙e אֶת־הָאָ֔רֶץ אֲשֶׁ֛ר בְּנֵי־רְאוּבֵ֥ן וּבְנֵי־גָ֖ד יֹשְׁבִ֥יםf בָּֽהּ׃

34 וַֽיִּקְרְא֛וּa בְּנֵי־רְאוּבֵ֥ן וּבְנֵי־גָ֖ד לַמִּזְבֵּ֑חַ כִּ֣י עֵ֥ד הוּא֙ בֵּֽינֹתֵ֔ינוּ כִּ֥י יְהוָ֖ה הָאֱלֹהִֽים׃ פ

וַֽיְהִי֙a מִיָּמִ֣ים רַבִּ֔ים אַ֠חֲרֵי אֲשֶׁר־הֵנִ֨יחַb יְהוָ֧ה לְיִשְׂרָאֵ֛ל מִכָּל־אֹיְבֵיהֶ֖ם מִסָּבִ֑יב וִיהֹושֻׁ֣עַ זָקֵ֔ןc בָּ֖אd בַּיָּמִֽים׃

2 וַיִּקְרָ֤אa יְהֹושֻׁ֨עַ֙ לְכָל־יִשְׂרָאֵ֔ל לִזְקֵנָיו֙ וּלְרָאשָׁ֔יו וּלְשֹׁפְטָ֖יו וּלְשֹֽׁטְרָ֑יוb וַיֹּ֣אמֶרc אֲלֵהֶ֔ם אֲנִ֣י זָקַ֔נְתִּיd בָּ֖אתִיe בַּיָּמִֽים׃

3 וְאַתֶּ֣ם רְאִיתֶ֗םa אֵת֩ כָּל־אֲשֶׁ֨ר עָשָׂ֜הb יְהוָ֧ה אֱלֹהֵיכֶ֛ם לְכָל־הַגֹּויִ֥ם הָאֵ֖לֶּה מִפְּנֵיכֶ֑ם כִּ֚י יְהוָ֣ה אֱלֹהֵיכֶ֔ם ה֖וּא הַנִּלְחָ֥םc לָכֶֽם׃

4 רְאוּ֩a הִפַּ֨לְתִּיb לָכֶ֜ם אֶֽת־הַ֠גֹּויִם הַנִּשְׁאָרִ֥ים הָאֵ֛לֶּה בְּנַחֲלָ֖ה לְשִׁבְטֵיכֶ֑ם מִן־הַיַּרְדֵּ֗ן וְכָל־הַגֹּויִם֙ אֲשֶׁ֣ר הִכְרַ֔תִּיc וְהַיָּ֥ם הַגָּדֹ֖ול מְבֹ֥ואd הַשָּֽׁמֶשׁ׃

5 וַיהוָ֣ה אֱלֹֽהֵיכֶ֗ם ה֚וּא יֶהְדֳּפֵ֣םa מִפְּנֵיכֶ֔ם וְהֹורִ֥ישׁb אֹתָ֖ם מִלִּפְנֵיכֶ֑ם וִֽירִשְׁתֶּם֙c אֶת־אַרְצָ֔ם כַּאֲשֶׁ֥ר דִּבֶּ֛רd יְהוָ֥ה אֱלֹהֵיכֶ֖ם לָכֶֽם׃

6 וַחֲזַקְתֶּ֣םa מְאֹ֔ד לִשְׁמֹ֣רb וְלַעֲשֹׂ֔ותc אֵ֚ת כָּל־הַכָּת֔וּבd בְּסֵ֖פֶר תֹּורַ֣ת מֹשֶׁ֑ה לְבִלְתִּ֥י סוּרe ־מִמֶּ֖נּוּ יָמִ֥ין וּשְׂמֹֽאול׃

7 לְבִלְתִּי־בֹוא֙a בַּגֹּויִ֣ם הָאֵ֔לֶּה הַנִּשְׁאָרִ֥ים הָאֵ֖לֶּה אִתְּכֶ֑ם וּבְשֵׁ֨ם אֱלֹהֵיהֶ֤ם לֹא־תַזְכִּ֨ירוּ֙b וְלֹ֣א תַשְׁבִּ֔יעוּc וְלֹ֣א תַעַבְד֔וּםd וְלֹ֥א תִֽשְׁתַּחֲו֖וּe לָהֶֽם׃

8 כִּ֛י אִם־בַּיהוָ֥ה אֱלֹהֵיכֶ֖ם תִּדְבָּ֑קוּa כַּאֲשֶׁ֣ר עֲשִׂיתֶ֔םb עַ֖ד הַיֹּ֥ום הַזֶּֽה׃

9 וַיֹּ֤ורֶשׁa יְהוָה֙ מִפְּנֵיכֶ֔ם גֹּויִ֖ם גְּדֹלִ֣ים וַעֲצוּמִ֑יםb וְאַתֶּ֗ם לֹא־עָ֤מַדc אִישׁ֙ בִּפְנֵיכֶ֔ם עַ֖ד הַיֹּ֥ום הַזֶּֽה׃

10 אִישׁ־אֶחָ֥ד מִכֶּ֖ם יִרְדָּףa ־אָ֑לֶף כִּ֣י׀ יְהוָ֣ה אֱלֹהֵיכֶ֗ם ה֚וּא הַנִּלְחָ֣םb לָכֶ֔ם כַּאֲשֶׁ֖ר דִּבֶּ֥רc לָכֶֽם׃

11 וְנִשְׁמַרְתֶּ֥םa מְאֹ֖ד לְנַפְשֹֽׁתֵיכֶ֑ם לְאַהֲבָ֖הb אֶת־יְהוָ֥ה אֱלֹהֵיכֶֽם׃

12 כִּ֣י׀ אִם־שֹׁ֣וב תָּשׁ֗וּבוּa וּדְבַקְתֶּם֙b בְּיֶ֨תֶר֙ הַגֹּויִ֣ם הָאֵ֔לֶּה הַנִּשְׁאָרִ֥ים הָאֵ֖לֶּה אִתְּכֶ֑ם וְהִֽתְחַתַּנְתֶּ֥םc בָּהֶ֛ם וּבָאתֶ֥םd בָּהֶ֖ם וְהֵ֥ם בָּכֶֽם׃

13 יָדֹ֨ועַ֙ תֵּֽדְע֔וּa כִּי֩ לֹ֨א יֹוסִ֜יףb יְהוָ֣ה אֱלֹהֵיכֶ֗ם לְהֹורִ֛ישׁc אֶת־הַגֹּויִ֥ם הָאֵ֖לֶּה מִלִּפְנֵיכֶ֑ם וְהָי֨וּd לָכֶ֜ם לְפַ֣חe וּלְמֹוקֵ֗שׁf וּלְשֹׁטֵ֤טg בְּצִדֵּיכֶם֙h וְלִצְנִנִ֣יםi בְּעֵינֵיכֶ֔ם עַד־אֲבָדְכֶ֗םj מֵ֠עַל הָאֲדָמָ֤ה הַטֹּובָה֙ הַזֹּ֔את אֲשֶׁר֙ נָתַ֣ןk לָכֶ֔ם יְהוָ֖ה אֱלֹהֵיכֶֽם׃

14 וְהִנֵּ֨ה אָנֹכִ֤י הֹולֵךְ֙a הַיֹּ֔ום בְּדֶ֖רֶךְ כָּל־הָאָ֑רֶץ וִידַעְתֶּ֞םb בְּכָל־לְבַבְכֶ֣ם וּבְכָל־נַפְשְׁכֶ֗ם כִּ֣י לֹֽא־נָפַל֩c דָּבָ֨ר אֶחָ֜ד מִכֹּ֣ל׀ הַדְּבָרִ֣ים הַטֹּובִ֗ים אֲשֶׁ֨ר דִּבֶּ֜רd יְהוָ֤ה אֱלֹהֵיכֶם֙ עֲלֵיכֶ֔ם הַכֹּל֙ בָּ֣אוּe לָכֶ֔ם לֹֽא־נָפַ֥לf מִמֶּ֖נּוּ דָּבָ֥ר אֶחָֽד׃

15 וְהָיָ֗הa כַּאֲשֶׁר־בָּ֤אb עֲלֵיכֶם֙ כָּל־הַדָּבָ֣ר הַטֹּ֔וב אֲשֶׁ֥ר דִּבֶּ֛רc יְהוָ֥ה אֱלֹהֵיכֶ֖ם אֲלֵיכֶ֑ם כֵּן֩ יָבִ֨יאd יְהוָ֜ה עֲלֵיכֶ֗ם אֵ֚ת כָּל־הַדָּבָ֣ר הָרָ֔ע עַד־הַשְׁמִידֹ֣וe אֹותְכֶ֗ם מֵ֠עַל הָאֲדָמָ֤ה הַטֹּובָה֙ הַזֹּ֔את אֲשֶׁר֙ נָתַ֣ןf לָכֶ֔ם יְהוָ֖ה אֱלֹהֵיכֶֽם׃

16 בְּ֠עָבְרְכֶםa אֶת־בְּרִ֨ית יְהוָ֥ה אֱלֹהֵיכֶם֮ אֲשֶׁ֣ר צִוָּ֣הb אֶתְכֶם֒ וַהֲלַכְתֶּ֗םc וַעֲבַדְתֶּם֙d אֱלֹהִ֣ים אֲחֵרִ֔ים וְהִשְׁתַּחֲוִיתֶ֖םe לָהֶ֑ם וְחָרָ֤הf אַף־יְהוָה֙ בָּכֶ֔ם וַאֲבַדְתֶּ֣םg מְהֵרָ֔הh מֵעַל֙ הָאָ֣רֶץ הַטֹּובָ֔ה אֲשֶׁ֖ר נָתַ֥ןi לָכֶֽם׃ פ

וַיֶּאֶסֹ֧ףa יְהֹושֻׁ֛עַ אֶת־כָּל־שִׁבְטֵ֥י יִשְׂרָאֵ֖ל שְׁכֶ֑מָה וַיִּקְרָא֩b לְזִקְנֵ֨י יִשְׂרָאֵ֜ל וּלְרָאשָׁ֗יו וּלְשֹֽׁפְטָיו֙ וּלְשֹׁ֣טְרָ֔יוc וַיִּֽתְיַצְּב֖וּd לִפְנֵ֥י הָאֱלֹהִֽים׃

2 וַיֹּ֨אמֶרa יְהֹושֻׁ֜עַ אֶל־כָּל־הָעָ֗ם כֹּֽה־אָמַ֣רb יְהוָה֮ אֱלֹהֵ֣י יִשְׂרָאֵל֒ בְּעֵ֣בֶר הַנָּהָ֗ר יָשְׁב֤וּc אֲבֹֽותֵיכֶם֙ מֵֽעֹולָ֔ם תֶּ֛רַחd אֲבִ֥י אַבְרָהָ֖ם וַאֲבִ֣י נָחֹ֑ורe וַיַּעַבְד֖וּf אֱלֹהִ֥ים אֲחֵרִֽים׃

3 וָ֠אֶקַּחa אֶת־אֲבִיכֶ֤ם אֶת־אַבְרָהָם֙ מֵעֵ֣בֶר הַנָּהָ֔ר וָאֹולֵ֥ךְb אֹותֹ֖ו בְּכָל־אֶ֣רֶץ כְּנָ֑עַן וארבc אֶת־זַרְעֹ֔ו וָֽאֶתֶּןd ־לֹ֖ו אֶת־יִצְחָֽק׃

4 וָאֶתֵּ֣ןa לְיִצְחָ֔ק אֶֽת־יַעֲקֹ֖ב וְאֶת־עֵשָׂ֑ו וָאֶתֵּ֨ןb לְעֵשָׂ֜ו אֶת־הַ֤ר שֵׂעִיר֙c לָרֶ֣שֶׁתd אֹותֹ֔ו וְיַעֲקֹ֥ב וּבָנָ֖יו יָרְד֥וּe מִצְרָֽיִם׃

5 וָאֶשְׁלַ֞חa אֶת־מֹשֶׁ֤ה וְאֶֽת־אַהֲרֹן֙ וָאֶגֹּ֣ףb אֶת־מִצְרַ֔יִם כַּאֲשֶׁ֥ר עָשִׂ֖יתִיc בְּקִרְבֹּ֑ו וְאַחַ֖ר הֹוצֵ֥אתִיd אֶתְכֶֽם׃

6 וָֽאֹוצִ֤יאa אֶת־אֲבֹֽותֵיכֶם֙ מִמִּצְרַ֔יִם וַתָּבֹ֖אוּb הַיָּ֑מָּה וַיִּרְדְּפ֨וּc מִצְרַ֜יִם אַחֲרֵ֧י אֲבֹותֵיכֶ֛ם בְּרֶ֥כֶב וּבְפָרָשִׁ֖ים יַם־סֽוּףd ׃

7 וַיִּצְעֲק֣וּa אֶל־יְהוָ֗ה וַיָּ֨שֶׂםb מַֽאֲפֵ֜לc בֵּינֵיכֶ֣ם׀ וּבֵ֣ין הַמִּצְרִ֗יםd וַיָּבֵ֨אe עָלָ֤יו אֶת־הַיָּם֙ וַיְכַסֵּ֔הוּf וַתִּרְאֶ֨ינָה֙g עֵינֵיכֶ֔ם אֵ֥ת אֲשֶׁר־עָשִׂ֖יתִיh בְּמִצְרָ֑יִם וַתֵּשְׁב֥וּi בַמִּדְבָּ֖ר יָמִ֥ים רַבִּֽים׃

8 ואבאהa אֶתְכֶ֗ם אֶל־אֶ֤רֶץ הָאֱמֹרִי֙ הַיֹּושֵׁב֙b בְּעֵ֣בֶר הַיַּרְדֵּ֔ן וַיִּֽלָּחֲמ֖וּc אִתְּכֶ֑ם וָאֶתֵּ֨ןd אֹותָ֤ם בְּיֶדְכֶם֙ וַתִּֽירְשׁ֣וּe אֶת־אַרְצָ֔ם וָאַשְׁמִידֵ֖םf מִפְּנֵיכֶֽם׃

9 וַיָּ֨קָםa בָּלָ֤קb בֶּן־צִפֹּור֙c מֶ֣לֶךְ מֹואָ֔ב וַיִּלָּ֖חֶםd בְּיִשְׂרָאֵ֑ל וַיִּשְׁלַ֗חe וַיִּקְרָ֛אf לְבִלְעָ֥ם בֶּן־בְּעֹ֖ורg לְקַלֵּ֥לh אֶתְכֶֽם׃

10 וְלֹ֥א אָבִ֖יתִיa לִשְׁמֹ֣עַb לְבִלְעָ֑ם וַיְבָ֤רֶךְc בָּרֹוךְ֙ אֶתְכֶ֔ם וָאַצִּ֥לd אֶתְכֶ֖ם מִיָּדֹֽו׃

11 וַתַּעַבְר֣וּa אֶת־הַיַּרְדֵּן֮ וַתָּבֹ֣אוּb אֶל־יְרִיחֹו֒ וַיִּלָּחֲמ֣וּc בָכֶ֣ם בַּעֲלֵֽי־יְ֠רִיחֹו הָֽאֱמֹרִ֨י וְהַפְּרִזִּ֜יd וְהַֽכְּנַעֲנִ֗י וְהַֽחִתִּי֙e וְהַגִּרְגָּשִׁ֔יf הַֽחִוִּ֖יg וְהַיְבוּסִ֑יh וָאֶתֵּ֥ןi אֹותָ֖ם בְּיֶדְכֶֽם׃

12 וָאֶשְׁלַ֤חa לִפְנֵיכֶם֙ אֶת־הַצִּרְעָ֔הb וַתְּגָ֤רֶשׁc אֹותָם֙ מִפְּנֵיכֶ֔ם שְׁנֵ֖י מַלְכֵ֣י הָאֱמֹרִ֑י לֹ֥א בְחַרְבְּךָ֖ וְלֹ֥א בְקַשְׁתֶּֽךָ׃

13 וָאֶתֵּ֨ןa לָכֶ֜ם אֶ֣רֶץ׀ אֲשֶׁ֧ר לֹֽא־יָגַ֣עְתָּb בָּ֗הּ וְעָרִים֙ אֲשֶׁ֣ר לֹא־בְנִיתֶ֔םc וַתֵּשְׁב֖וּd בָּהֶ֑ם כְּרָמִ֤ים וְזֵיתִים֙e אֲשֶׁ֣ר לֹֽא־נְטַעְתֶּ֔םf אַתֶּ֖ם אֹכְלִֽיםg ׃

14 וְעַתָּ֞ה יְר֧אוּa אֶת־יְהוָ֛ה וְעִבְד֥וּb אֹתֹ֖ו בְּתָמִ֣ים וּבֶֽאֱמֶ֑ת וְהָסִ֣ירוּc אֶת־אֱלֹהִ֗ים אֲשֶׁר֩ עָבְד֨וּd אֲבֹותֵיכֶ֜ם בְּעֵ֤בֶר הַנָּהָר֙ וּבְמִצְרַ֔יִם וְעִבְד֖וּe אֶת־יְהוָֽה׃

15 וְאִם֩ רַ֨עa בְּֽעֵינֵיכֶ֜ם לַעֲבֹ֣דb אֶת־יְהוָ֗ה בַּחֲר֨וּc לָכֶ֣ם הַיֹּום֮ אֶת־מִ֣י תַעֲבֹדוּן֒d אִ֣ם אֶת־אֱלֹהִ֞ים אֲשֶׁר־עָבְד֣וּe אֲבֹותֵיכֶ֗ם אֲשֶׁר֙ בעברf הַנָּהָ֔ר וְאִם֙ אֶת־אֱלֹהֵ֣י הָאֱמֹרִ֔י אֲשֶׁ֥ר אַתֶּ֖ם יֹשְׁבִ֣יםg בְּאַרְצָ֑ם וְאָנֹכִ֣י וּבֵיתִ֔י נַעֲבֹ֖דh אֶת־יְהוָֽה׃ פ

16 וַיַּ֤עַןa הָעָם֙ וַיֹּ֔אמֶרb חָלִ֣ילָהc לָּ֔נוּ מֵעֲזֹ֖בd אֶת־יְהוָ֑ה לַעֲבֹ֖דe אֱלֹהִ֥ים אֲחֵרִֽים׃

17 כִּ֚י יְהוָ֣ה אֱלֹהֵ֔ינוּ הוּא֩ הַמַּעֲלֶ֨הa אֹתָ֧נוּ וְאֶת־אֲבֹותֵ֛ינוּ מֵאֶ֥רֶץ מִצְרַ֖יִם מִבֵּ֣ית עֲבָדִ֑ים וַאֲשֶׁ֧ר עָשָׂ֣הb לְעֵינֵ֗ינוּ אֶת־הָאֹתֹ֤ות הַגְּדֹלֹות֙ הָאֵ֔לֶּה וַֽיִּשְׁמְרֵ֗נוּc בְּכָל־הַדֶּ֨רֶךְ֙ אֲשֶׁ֣ר הָלַ֣כְנוּd בָ֔הּ וּבְכֹל֙ הָֽעַמִּ֔ים אֲשֶׁ֥ר עָבַ֖רְנוּe בְּקִרְבָּֽם׃

18 וַיְגָ֨רֶשׁa יְהוָ֜ה אֶת־כָּל־הָעַמִּ֗ים וְאֶת־הָאֱמֹרִ֛י יֹשֵׁ֥בb הָאָ֖רֶץ מִפָּנֵ֑ינוּ גַּם־אֲנַ֨חְנוּ֙ נַעֲבֹ֣דc אֶת־יְהוָ֔ה כִּי־ה֖וּא אֱלֹהֵֽינוּ׃ ס

19 וַיֹּ֨אמֶרa יְהֹושֻׁ֜עַ אֶל־הָעָ֗ם לֹ֤א תֽוּכְלוּ֙b לַעֲבֹ֣דc אֶת־יְהוָ֔ה כִּֽי־אֱלֹהִ֥ים קְדֹשִׁ֖ים ה֑וּא אֵֽל־קַנֹּ֣ואd ה֔וּא לֹֽא־יִשָּׂ֥אe לְפִשְׁעֲכֶ֖ם וּלְחַטֹּאותֵיכֶֽם׃

20 כִּ֤י תַֽעַזְבוּ֙a אֶת־יְהוָ֔ה וַעֲבַדְתֶּ֖םb אֱלֹהֵ֣י נֵכָ֑רc וְשָׁ֨בd וְהֵרַ֤עe לָכֶם֙ וְכִלָּ֣הf אֶתְכֶ֔ם אַחֲרֵ֖י אֲשֶׁר־הֵיטִ֥יבg לָכֶֽם׃

21 וַיֹּ֥אמֶרa הָעָ֖ם אֶל־יְהֹושֻׁ֑עַ לֹ֕א כִּ֥י אֶת־יְהוָ֖ה נַעֲבֹֽדb ׃

22 וַיֹּ֨אמֶרa יְהֹושֻׁ֜עַ אֶל־הָעָ֗ם עֵדִ֤ים אַתֶּם֙ בָּכֶ֔ם כִּֽי־אַתֶּ֞ם בְּחַרְתֶּ֥םb לָכֶ֛ם אֶת־יְהוָ֖ה לַעֲבֹ֣דc אֹותֹ֑ו וַיֹּאמְר֖וּd עֵדִֽים׃

23 וְעַתָּ֕ה הָסִ֛ירוּa אֶת־אֱלֹהֵ֥י הַנֵּכָ֖רb אֲשֶׁ֣ר בְּקִרְבְּכֶ֑ם וְהַטּוּ֙c אֶת־לְבַבְכֶ֔ם אֶל־יְהוָ֖ה אֱלֹהֵ֥י יִשְׂרָאֵֽל׃

24 וַיֹּאמְר֥וּa הָעָ֖ם אֶל־יְהֹושֻׁ֑עַ אֶת־יְהוָ֤ה אֱלֹהֵ֨ינוּ֙ נַעֲבֹ֔דb וּבְקֹולֹ֖ו נִשְׁמָֽעc ׃

25 וַיִּכְרֹ֨תa יְהֹושֻׁ֧עַ בְּרִ֛ית לָעָ֖ם בַּיֹּ֣ום הַה֑וּא וַיָּ֥שֶׂםb לֹ֛ו חֹ֥ק וּמִשְׁפָּ֖ט בִּשְׁכֶֽם׃

26 וַיִּכְתֹּ֤בa יְהֹושֻׁ֨עַ֙ אֶת־הַדְּבָרִ֣ים הָאֵ֔לֶּה בְּסֵ֖פֶר תֹּורַ֣ת אֱלֹהִ֑ים וַיִּקַּח֙b אֶ֣בֶן גְּדֹולָ֔ה וַיְקִימֶ֣הָc שָּׁ֔ם תַּ֚חַת הָֽאַלָּ֔הd אֲשֶׁ֖ר בְּמִקְדַּ֥שׁ יְהוָֽה׃ ס

27 וַיֹּ֨אמֶרa יְהֹושֻׁ֜עַ אֶל־כָּל־הָעָ֗ם הִנֵּ֨ה הָאֶ֤בֶן הַזֹּאת֙ תִּֽהְיֶהb ־בָּ֣נוּ לְעֵדָ֔הc כִּֽי־הִ֣יא שָׁמְעָ֗הd אֵ֚ת כָּל־אִמְרֵ֣יe יְהוָ֔ה אֲשֶׁ֥ר דִּבֶּ֖רf עִמָּ֑נוּ וְהָיְתָ֤הg בָכֶם֙ לְעֵדָ֔הh פֶּֽן־תְּכַחֲשׁ֖וּןi בֵּאלֹהֵיכֶֽם׃

28 וַיְשַׁלַּ֤חa יְהֹושֻׁ֨עַ֙ אֶת־הָעָ֔ם אִ֖ישׁ לְנַחֲלָתֹֽו׃ פ

29 וַיְהִ֗יa אַֽחֲרֵי֙ הַדְּבָרִ֣ים הָאֵ֔לֶּה וַיָּ֛מָתb יְהֹושֻׁ֥עַ בִּן־נ֖וּןc עֶ֣בֶד יְהוָ֑ה בֶּן־מֵאָ֥ה וָעֶ֖שֶׂר שָׁנִֽים׃

30 וַיִּקְבְּר֤וּa אֹתֹו֙ בִּגְב֣וּל נַחֲלָתֹ֔ו בְּתִמְנַת־סֶ֖רַחb אֲשֶׁ֣ר בְּהַר־אֶפְרָ֑יִם מִצְּפֹ֖ון לְהַר־גָּֽעַשׁc ׃

31 וַיַּעֲבֹ֤דa יִשְׂרָאֵל֙ אֶת־יְהוָ֔ה כֹּ֖ל יְמֵ֣י יְהֹושֻׁ֑עַ וְכֹ֣ל׀ יְמֵ֣י הַזְּקֵנִ֗ים אֲשֶׁ֨ר הֶאֱרִ֤יכוּb יָמִים֙ אַחֲרֵ֣י יְהֹושֻׁ֔עַ וַאֲשֶׁ֣ר יָדְע֗וּc אֵ֚ת כָּל־מַעֲשֵׂ֣ה יְהוָ֔ה אֲשֶׁ֥ר עָשָׂ֖הd לְיִשְׂרָאֵֽל׃

32 וְאֶת־עַצְמֹ֣ות יֹ֠וסֵף אֲשֶׁר־הֶעֱל֨וּa בְנֵי־יִשְׂרָאֵ֥ל׀ מִמִּצְרַיִם֮ קָבְר֣וּb בִשְׁכֶם֒ בְּחֶלְקַ֣תc הַשָּׂדֶ֗ה אֲשֶׁ֨ר קָנָ֧הd יַעֲקֹ֛ב מֵאֵ֛ת בְּנֵֽי־חֲמֹ֥ורe אֲבִֽי־שְׁכֶ֖םf בְּמֵאָ֣ה קְשִׂיטָ֑הg וַיִּֽהְי֥וּh לִבְנֵֽי־יֹוסֵ֖ף לְנַחֲלָֽה׃

33 וְאֶלְעָזָ֥ר בֶּֽן־אַהֲרֹ֖ן מֵ֑תa וַיִּקְבְּר֣וּb אֹתֹ֗ו בְּגִבְעַת֙ פִּֽינְחָ֣סc בְּנֹ֔ו אֲשֶׁ֥ר נִתַּןd ־לֹ֖ו בְּהַ֥ר אֶפְרָֽיִם׃