יונה

וַֽיְהִי֙a דְּבַר־יְהוָ֔ה אֶל־יֹונָ֥הb בֶן־אֲמִתַּ֖יc לֵאמֹֽרd ׃

2 ק֠וּםa לֵ֧ךְb אֶל־נִֽינְוֵ֛הc הָעִ֥יר הַגְּדֹולָ֖ה וּקְרָ֣אd עָלֶ֑יהָ כִּֽי־עָלְתָ֥הe רָעָתָ֖ם לְפָנָֽי׃

3 וַיָּ֤קָםa יֹונָה֙b לִבְרֹ֣חַc תַּרְשִׁ֔ישָׁהd מִלִּפְנֵ֖י יְהוָ֑ה וַיֵּ֨רֶדe יָפֹ֜וf וַיִּמְצָ֥אg אָנִיָּ֣הh ׀ בָּאָ֣הi תַרְשִׁ֗ישׁj וַיִּתֵּ֨ןk שְׂכָרָ֜הּl וַיֵּ֤רֶדm בָּהּ֙ לָבֹ֤ואn עִמָּהֶם֙ תַּרְשִׁ֔ישָׁהo מִלִּפְנֵ֖י יְהוָֽה׃

4 וַֽיהוָ֗ה הֵטִ֤ילa רֽוּחַ־גְּדֹולָה֙ אֶל־הַיָּ֔ם וַיְהִ֥יb סַֽעַרc ־גָּדֹ֖ול בַּיָּ֑ם וְהָ֣אֳנִיָּ֔הd חִשְּׁבָ֖הe לְהִשָּׁבֵֽרf ׃

5 וַיִּֽירְא֣וּa הַמַּלָּחִ֗יםb וַֽיִּזְעֲקוּ֮c אִ֣ישׁ אֶל־אֱלֹהָיו֒ וַיָּטִ֨לוּd אֶת־הַכֵּלִ֜ים אֲשֶׁ֤ר בָּֽאֳנִיָּה֙e אֶל־הַיָּ֔ם לְהָקֵ֖לf מֵֽעֲלֵיהֶ֑ם וְיֹונָ֗הg יָרַד֙h אֶל־יַרְכְּתֵ֣יi הַסְּפִינָ֔הj וַיִּשְׁכַּ֖בk וַיֵּרָדַֽםl ׃

6 וַיִּקְרַ֤בa אֵלָיו֙ רַ֣בb הַחֹבֵ֔לc וַיֹּ֥אמֶרd לֹ֖ו מַה־לְּךָ֣ נִרְדָּ֑םe ק֚וּםf קְרָ֣אg אֶל־אֱלֹהֶ֔יךָ אוּלַ֞יh יִתְעַשֵּׁ֧תi הָאֱלֹהִ֛ים לָ֖נוּ וְלֹ֥א נֹאבֵֽדj ׃

7 וַיֹּאמְר֞וּa אִ֣ישׁ אֶל־רֵעֵ֗הוּ לְכוּ֙b וְנַפִּ֣ילָהc גֹֽורָלֹ֔ות וְנֵ֣דְעָ֔הd בְּשֶׁלְּמִ֛י הָרָעָ֥ה הַזֹּ֖את לָ֑נוּ וַיַּפִּ֨לוּ֙e גֹּֽורָלֹ֔ות וַיִּפֹּ֥לf הַגֹּורָ֖ל עַל־יֹונָֽהg ׃

8 וַיֹּאמְר֣וּa אֵלָ֔יו הַגִּידָהb ־נָּ֣א לָ֔נוּ בַּאֲשֶׁ֛ר לְמִי־הָרָעָ֥ה הַזֹּ֖את לָ֑נוּ מַה־מְּלַאכְתְּךָ֙ וּמֵאַ֣יִןc תָּבֹ֔ואd מָ֣ה אַרְצֶ֔ךָ וְאֵֽיe ־מִזֶּ֥ה עַ֖ם אָֽתָּה׃

9 וַיֹּ֥אמֶרa אֲלֵיהֶ֖ם עִבְרִ֣יb אָנֹ֑כִי וְאֶת־יְהוָ֞ה אֱלֹהֵ֤י הַשָּׁמַ֨יִם֙ אֲנִ֣י יָרֵ֔אc אֲשֶׁר־עָשָׂ֥הd אֶת־הַיָּ֖ם וְאֶת־הַיַּבָּשָֽׁהe ׃

10 וַיִּֽירְא֤וּa הָֽאֲנָשִׁים֙ יִרְאָ֣הb גְדֹולָ֔ה וַיֹּאמְר֥וּc אֵלָ֖יו מַה־זֹּ֣את עָשִׂ֑יתָd כִּֽי־יָדְע֣וּe הָאֲנָשִׁ֗ים כִּֽי־מִלִּפְנֵ֤י יְהוָה֙ ה֣וּא בֹרֵ֔חַf כִּ֥י הִגִּ֖ידg לָהֶֽם׃

11 וַיֹּאמְר֤וּa אֵלָיו֙ מַה־נַּ֣עֲשֶׂהb לָּ֔ךְ וְיִשְׁתֹּ֥קc הַיָּ֖ם מֵֽעָלֵ֑ינוּ כִּ֥י הַיָּ֖ם הֹולֵ֥ךְd וְסֹעֵֽרe ׃

12 וַיֹּ֣אמֶרa אֲלֵיהֶ֗ם שָׂא֨וּנִי֙b וַהֲטִילֻ֣נִיc אֶל־הַיָּ֔ם וְיִשְׁתֹּ֥קd הַיָּ֖ם מֵֽעֲלֵיכֶ֑ם כִּ֚י יֹודֵ֣עַe אָ֔נִי כִּ֣י בְשֶׁלִּ֔י הַסַּ֧עַרf הַגָּדֹ֛ול הַזֶּ֖ה עֲלֵיכֶֽם׃

13 וַיַּחְתְּר֣וּa הָאֲנָשִׁ֗ים לְהָשִׁ֛יבb אֶל־הַיַּבָּשָׁ֖הc וְלֹ֣א יָכֹ֑לוּd כִּ֣י הַיָּ֔ם הֹולֵ֥ךְe וְסֹעֵ֖רf עֲלֵיהֶֽם׃

14 וַיִּקְרְא֨וּa אֶל־יְהוָ֜ה וַיֹּאמְר֗וּb אָנָּ֤הc יְהוָה֙ אַל־נָ֣א נֹאבְדָ֗הd בְּנֶ֨פֶשׁ֙ הָאִ֣ישׁ הַזֶּ֔ה וְאַל־תִּתֵּ֥ןe עָלֵ֖ינוּ דָּ֣ם נָקִ֑יאf כִּֽי־אַתָּ֣ה יְהוָ֔ה כַּאֲשֶׁ֥ר חָפַ֖צְתָּg עָשִֽׂיתָh ׃

15 וַיִּשְׂאוּ֙a אֶת־יֹונָ֔הb וַיְטִלֻ֖הוּc אֶל־הַיָּ֑ם וַיַּעֲמֹ֥דd הַיָּ֖ם מִזַּעְפֹּֽוe ׃

16 וַיִּֽירְא֧וּa הָאֲנָשִׁ֛ים יִרְאָ֥הb גְדֹולָ֖ה אֶת־יְהוָ֑ה וַיִּֽזְבְּחוּc ־זֶ֨בַח֙ לַֽיהוָ֔ה וַֽיִּדְּר֖וּd נְדָרִֽים׃

וַיְמַ֤ןa יְהוָה֙ דָּ֣גb גָּדֹ֔ול לִבְלֹ֖עַc אֶת־יֹונָ֑הd וַיְהִ֤יe יֹונָה֙f בִּמְעֵ֣יg הַדָּ֔גh שְׁלֹשָׁ֥ה יָמִ֖ים וּשְׁלֹשָׁ֥ה לֵילֹֽות׃

2 וַיִּתְפַּלֵּ֣לa יֹונָ֔הb אֶל־יְהוָ֖ה אֱלֹהָ֑יו מִמְּעֵ֖יc הַדָּגָֽהd ׃

3 וַיֹּ֗אמֶרa קָ֠רָאתִיb מִצָּ֥רָה לִ֛י אֶל־יְהוָ֖ה וַֽיַּעֲנֵ֑נִיc מִבֶּ֧טֶן שְׁאֹ֛ול שִׁוַּ֖עְתִּיd שָׁמַ֥עְתָּe קֹולִֽי׃

4 וַתַּשְׁלִיכֵ֤נִיa מְצוּלָה֙b בִּלְבַ֣ב יַמִּ֔ים וְנָהָ֖ר יְסֹבְבֵ֑נִיc כָּל־מִשְׁבָּרֶ֥יךָd וְגַלֶּ֖יךָe עָלַ֥י עָבָֽרוּf ׃

5 וַאֲנִ֣י אָמַ֔רְתִּיa נִגְרַ֖שְׁתִּיb מִנֶּ֣גֶד עֵינֶ֑יךָ אַ֚ךְ אֹוסִ֣יףc לְהַבִּ֔יטd אֶל־הֵיכַ֖ל קָדְשֶֽׁךָ׃

6 אֲפָפ֤וּנִיa מַ֨יִם֙ עַד־נֶ֔פֶשׁ תְּהֹ֖וםb יְסֹבְבֵ֑נִיc ס֖וּףd חָב֥וּשׁe לְרֹאשִֽׁי׃

7 לְקִצְבֵ֤יa הָרִים֙ יָרַ֔דְתִּיb הָאָ֛רֶץ בְּרִחֶ֥יהָc בַעֲדִ֖י לְעֹולָ֑ם וַתַּ֧עַלd מִשַּׁ֛חַתe חַיַּ֖י יְהוָ֥ה אֱלֹהָֽי׃

8 בְּהִתְעַטֵּ֤ףa עָלַי֙ נַפְשִׁ֔י אֶת־יְהוָ֖ה זָכָ֑רְתִּיb וַתָּבֹ֤ואc אֵלֶ֨יךָ֙ תְּפִלָּתִ֔י אֶל־הֵיכַ֖ל קָדְשֶֽׁךָ׃

9 מְשַׁמְּרִ֖יםa הַבְלֵי־שָׁ֑וְא חַסְדָּ֖ם יַעֲזֹֽבוּb ׃

10 וַאֲנִ֗י בְּקֹ֤ול תֹּודָה֙a אֶזְבְּחָהb ־לָּ֔ךְ אֲשֶׁ֥ר נָדַ֖רְתִּיc אֲשַׁלֵּ֑מָהd יְשׁוּעָ֖תָה לַיהוָֽה׃ ס

11 וַיֹּ֥אמֶרa יְהוָ֖ה לַדָּ֑גb וַיָּקֵ֥אc אֶת־יֹונָ֖הd אֶל־הַיַּבָּשָֽׁהe ׃ פ

וַיְהִ֧יa דְבַר־יְהוָ֛ה אֶל־יֹונָ֖הb שֵׁנִ֥ית לֵאמֹֽרc ׃

2 ק֛וּםa לֵ֥ךְb אֶל־נִֽינְוֵ֖הc הָעִ֣יר הַגְּדֹולָ֑ה וִּקְרָ֤אd אֵלֶ֨יהָ֙ אֶת־הַקְּרִיאָ֔הe אֲשֶׁ֥ר אָנֹכִ֖י דֹּבֵ֥רf אֵלֶֽיךָ׃

3 וַיָּ֣קָםa יֹונָ֗הb וַיֵּ֛לֶךְc אֶל־נִֽינְוֶ֖הd כִּדְבַ֣ר יְהוָ֑ה וְנִֽינְוֵ֗הe הָיְתָ֤הf עִיר־גְּדֹולָה֙ לֵֽאלֹהִ֔ים מַהֲלַ֖ךְg שְׁלֹ֥שֶׁת יָמִֽים׃

4 וַיָּ֤חֶלa יֹונָה֙b לָבֹ֣ואc בָעִ֔יר מַהֲלַ֖ךְd יֹ֣ום אֶחָ֑ד וַיִּקְרָא֙e וַיֹּאמַ֔רf עֹ֚וד אַרְבָּעִ֣ים יֹ֔ום וְנִֽינְוֵ֖הg נֶהְפָּֽכֶתh ׃

5 וַֽיַּאֲמִ֛ינוּa אַנְשֵׁ֥י נִֽינְוֵ֖הb בֵּֽאלֹהִ֑ים וַיִּקְרְאוּc ־צֹום֙d וַיִּלְבְּשׁ֣וּe שַׂקִּ֔יםf מִגְּדֹולָ֖ם וְעַד־קְטַנָּֽםg ׃

6 וַיִּגַּ֤עa הַדָּבָר֙ אֶל־מֶ֣לֶך נִֽינְוֵ֔הb וַיָּ֨קָם֙c מִכִּסְאֹ֔ו וַיַּעֲבֵ֥רd אַדַּרְתֹּ֖וe מֵֽעָלָ֑יו וַיְכַ֣סf שַׂ֔קg וַיֵּ֖שֶׁבh עַל־הָאֵֽפֶרi ׃

7 וַיַּזְעֵ֗קa וַיֹּ֨אמֶר֙b בְּנִֽינְוֵ֔הc מִטַּ֧עַםd הַמֶּ֛לֶךְ וּגְדֹלָ֖יו לֵאמֹ֑רe הָאָדָ֨ם וְהַבְּהֵמָ֜ה הַבָּקָ֣ר וְהַצֹּ֗אן אַֽל־יִטְעֲמוּ֙f מְא֔וּמָהg אַ֨ל־יִרְע֔וּh וּמַ֖יִם אַל־יִשְׁתּֽוּi ׃

8 וְיִתְכַּסּ֣וּa שַׂקִּ֗יםb הָֽאָדָם֙ וְהַבְּהֵמָ֔ה וְיִקְרְא֥וּc אֶל־אֱלֹהִ֖ים בְּחָזְקָ֑הd וְיָשֻׁ֗בוּe אִ֚ישׁ מִדַּרְכֹּ֣ו הָֽרָעָ֔ה וּמִן־הֶחָמָ֖ס אֲשֶׁ֥ר בְּכַפֵּיהֶֽם׃

9 מִֽי־יֹודֵ֣עַa יָשׁ֔וּבb וְנִחַ֖םc הָאֱלֹהִ֑ים וְשָׁ֛בd מֵחֲרֹ֥וןe אַפֹּ֖ו וְלֹ֥א נֹאבֵֽדf ׃

10 וַיַּ֤רְאa הָֽאֱלֹהִים֙ אֶֽת־מַ֣עֲשֵׂיהֶ֔ם כִּי־שָׁ֖בוּb מִדַּרְכָּ֣ם הָרָעָ֑ה וַיִּנָּ֣חֶםc הָאֱלֹהִ֗ים עַל־הָרָעָ֛ה אֲשֶׁר־דִּבֶּ֥רd לַעֲשֹׂותe ־לָהֶ֖ם וְלֹ֥א עָשָֽׂהf ׃

וַיֵּ֥רַעa אֶל־יֹונָ֖הb רָעָ֣ה גְדֹולָ֑ה וַיִּ֖חַרc לֹֽו׃

2 וַיִּתְפַּלֵּ֨לa אֶל־יְהוָ֜ה וַיֹּאמַ֗רb אָנָּ֤הc יְהוָה֙ הֲלֹוא־זֶ֣ה דְבָרִ֗י עַד־הֱיֹותִי֙d עַל־אַדְמָתִ֔י עַל־כֵּ֥ן קִדַּ֖מְתִּיe לִבְרֹ֣חַf תַּרְשִׁ֑ישָׁהg כִּ֣י יָדַ֗עְתִּיh כִּ֤י אַתָּה֙ אֵֽל־חַנּ֣וּןi וְרַח֔וּםj אֶ֤רֶךְk אַפַּ֨יִם֙ וְרַב־חֶ֔סֶד וְנִחָ֖םl עַל־הָרָעָֽה׃

3 וְעַתָּ֣ה יְהוָ֔ה קַחa ־נָ֥א אֶת־נַפְשִׁ֖י מִמֶּ֑נִּי כִּ֛י טֹ֥וב מֹותִ֖י מֵחַיָּֽי׃ ס

4 וַיֹּ֣אמֶרa יְהוָ֔ה הַהֵיטֵ֖בb חָ֥רָהc לָֽךְ׃

5 וַיֵּצֵ֤אa יֹונָה֙b מִן־הָעִ֔יר וַיֵּ֖שֶׁבc מִקֶּ֣דֶם לָעִ֑יר וַיַּעַשׂ֩d לֹ֨ו שָׁ֜ם סֻכָּ֗הe וַיֵּ֤שֶׁבf תַּחְתֶּ֨יהָ֙ בַּצֵּ֔ל עַ֚ד אֲשֶׁ֣ר יִרְאֶ֔הg מַה־יִּהְיֶ֖הh בָּעִֽיר׃

6 וַיְמַ֣ןa יְהוָֽה־אֱ֠לֹהִים קִיקָיֹ֞וןb וַיַּ֣עַלc ׀ מֵעַ֣ל לְיֹונָ֗הd לִֽהְיֹ֥ותe צֵל֙ עַל־רֹאשֹׁ֔ו לְהַצִּ֥ילf לֹ֖ו מֵרָֽעָתֹ֑ו וַיִּשְׂמַ֥חg יֹונָ֛הh עַל־הַקִּֽיקָיֹ֖וןi שִׂמְחָ֥ה גְדֹולָֽה׃

7 וַיְמַ֤ןa הָֽאֱלֹהִים֙ תֹּולַ֔עַתb בַּעֲלֹ֥ותc הַשַּׁ֖חַרd לַֽמָּחֳרָ֑תe וַתַּ֥ךְf אֶת־הַקִּֽיקָיֹ֖וןg וַיִּיבָֽשׁh ׃

8 וַיְהִ֣יa ׀ כִּזְרֹ֣חַb הַשֶּׁ֗מֶשׁ וַיְמַ֨ןc אֱלֹהִ֜ים ר֤וּחַ קָדִים֙ חֲרִישִׁ֔יתd וַתַּ֥ךְe הַשֶּׁ֛מֶשׁ עַל־רֹ֥אשׁ יֹונָ֖הf וַיִּתְעַלָּ֑ףg וַיִּשְׁאַ֤לh אֶת־נַפְשֹׁו֙ לָמ֔וּתi וַיֹּ֕אמֶרj טֹ֥וב מֹותִ֖י מֵחַיָּֽי׃

9 וַיֹּ֤אמֶרa אֱלֹהִים֙ אֶל־יֹונָ֔הb הַהֵיטֵ֥בc חָרָֽהd ־לְךָ֖ עַל־הַקִּֽיקָיֹ֑וןe וַיֹּ֕אמֶרf הֵיטֵ֥בg חָֽרָהh ־לִ֖י עַד־מָֽוֶת׃

10 וַיֹּ֣אמֶרa יְהוָ֔ה אַתָּ֥ה חַ֨סְתָּ֙b עַל־הַקִּ֣יקָיֹ֔וןc אֲשֶׁ֛ר לֹא־עָמַ֥לְתָּd בֹּ֖ו וְלֹ֣א גִדַּלְתֹּ֑וe שֶׁבִּן־לַ֥יְלָה הָיָ֖הf וּבִן־לַ֥יְלָה אָבָֽדg ׃

11 וַֽאֲנִי֙ לֹ֣א אָח֔וּסa עַל־נִינְוֵ֖הb הָעִ֣יר הַגְּדֹולָ֑ה אֲשֶׁ֣ר יֶשׁ־בָּ֡הּ הַרְבֵּה֩c מִֽשְׁתֵּים־עֶשְׂרֵ֨ה רִבֹּ֜וd אָדָ֗ם אֲשֶׁ֤ר לֹֽא־יָדַע֙e בֵּין־יְמִינֹ֣ו לִשְׂמֹאלֹ֔ו וּבְהֵמָ֖ה רַבָּֽה׃